انتي غيورة

[nilly]

هي ليست مشكلة بقدر ماهي قضية راي عام

وجدت نفسي قبل شهر او اكثر في هدا المنتدى في بؤرة كل واحدة توري لاخرى مادا اشترت من دهب وملابس

وفتحت احد هده المواضيع وشفت واحدة تعرض دهب نتاعها وقرئت كل ردود وشفت جميع هده ردود ومايقارب المئة تحمل نفس الكلام لكنه منسوخ لمئة رد
ورد يقول هايل الله يابرك شباب بزاف

للجمال ادواق فمستحيل ان يكون لكل ناس دوق واحد فادركت انهم يغطيو شمس بالغربال؟؟؟؟؟؟؟؟؟

قلت في بالي المخلوقة قالت في موضعها قولولي الله يسجكم اد هدا دهب مليح ولالا يعني هي حابة نقوللها صح وكل واحدة تول رايها

املا كتبت لها رد وقلتلها حابة نقولك رئي بصح خايفة تزعفي ولانك طلبتي منا انه نقولولك رئينا بكل صراحة املا نورمالمو متزعفيش لانه انتي لتطلبتي دلك قلتلها ماعجبنيش وهدا دهب ماشي نتاع لبنات لفي سنك .

قلتلها رئي بصراحة بصح هي زعفت ؟؟؟؟؟؟:confused::confused::confused:

سبحان الله كي عاد تزعف من ارائنا علاه طلبت رئينا يا خي هي علبالها بلي كل واحد ورايه ولا دايرة في بالها كامل ناس عندهم راي واحد . وحسبتها بلي انا غيورة عليها :1::1::1:

تشوكيت نتاع صح لمادا مجتمعنا كي يقولولك اد روبا نتاعي شابة ولا دهب نتاعي شباب اد قلتيلو رايك بلي ماشي شباب يحسبها غيرة علاه؟ حابة نفهم علاه ناس تفهم بالنقص.

انا ماعنديش زوج وجوه ومنحبش نكدب علجال اي انسان حتى لو كان ابي

كيفاه ندي دنوب ونكدب وربي يعاقبني باه نرضي انسان؟
انا مكتبش عليها برك الموضوع بل انا كتبت علاه ناس يحبو تقولي برك واش يحبو هما علاه كي يطلبوا رايك وتقوليهم رايك لانهم هما لطلبو ماشي انتي لروحتي ويزعفو اد قولتهم ماشي شباب هادي هي الحقيقة

لمادا الحقيقة لا يتقبلها احد ودائما لها تفسيرات كثيرة ؟؟؟؟؟؟؟؟هل حدث معكم نفس المواقف؟

[سجل أنا جزائري]

هذي هي ديفوا لازم تجامل باش ما نقولوش نكذبو باش تراعي شعوور الشخص برك

أنا كي يجي يسقسني واحد نقولو ياك نت عاجبتك علاش تقسينا وش راح يهمك رأينا و اذا ألح نقولو ايه مليحة باش ما نصمطهالوووش برك

[loufa]

السلام عليكم
فعلا يوجد ناس من هاذ النوع ويوجد ايضا نوع اخر
اذا قلتي له هذيك الحاجة مليحة وخرجت عليك او لونها جميل او من اين اشتريتها ..................يقول راهي تحسد وتعس فياااااا


فالنوع الذي تحدثتي عنه اما لا تجيبينها لانك رايحة تزعفيهارغم انها طلبت اراء الجميع او تدخلين وتجاملينها ليس كذبا وانما تنوي في قلبك اسعادها بقول كلمة طيبة مثلا الله يهنيك بهاذ الذهب او ربي سعدك بهاذ الحاجة وغيرها من الالفاظ التي لن تعبر عن رايك ولن تترك اثر عند الاخرين ماداموا يطلبون رايك ولا يتقبلونه

اما النوع الذي ذكرته انا احسن حاجة تقوليلو الله يبارك وماشاء الله قبل ما تهدري لانه موسوس

[النجمة القطبية]

يا حبيبتى لانو هنا راكى في الجزائر الذهب يتعاملو معاه بالكمية وليس شرط ان يكون جميلا بل كلما كان خشينا وكبيرا حتى لو كان فارغ بداخله بين قوسين تماما مثل الادمغة والبشر هنا اعتقدت الفتاة انها رائعة الجمال
في مجتمعنا هكذا يفكرو الناس
حتى العروسة اذا شرات حاجة تبان خفيفة حتى لو كانت luxe وغالية يخافو متبانش قيمتها الحقيقية لان اغلب الناس تع مظاهر وجاهلة
اساسا هذا الشعب مخدوم هكا حتى الرجل في بلادنا ينظر للمراة بالكمية ويقولك تاعى وملكى ومن حقي وكلما زادت الكمية كان افضل
والمراة تفكر بالكمية ايضا تدى سبعين بيجاما سبعين تريكو خمسين مطرح الف لحاف :1: تقول رايحة تحارب وتقول هذا الراجل راح يجوعها
يا اختى في المناسبات يحدث هجوم للناس على الاسواق الله لا يشوفك
مرة كنت مع والدى في السيارة راح يجيب حليب قبل ما يوصل لمول الحليب حصل هجوم على الحليب الله لا يشوفك كل واحد رافد كيس فيه عشر شكاير حليب وهارب :1: وصل ابي ملقاش وانا نتفرج من بعيد غلبنى الضحك سبحان الله هذا حليب برك :confused::confused:
الله غالب
هكذا نستنتج انو الناس هنا تفكر بالكميات فقط الحاجة الكبيرة الكثيرة مهما كان شكلها المهم خشينة منطقيا تعتبر جميلة
فاذا كان ذهب الفتاة هاذى كبير وكثير وخشين فانتى ظلمتيها فعلا
ا

[مريم الصابرة]

السلام عليكم اختي نيللي
اولا نهنئيك بعقليتك وكملي هكذا كلمة حق قوليها فالوجه الاخت هذي تزعف او لا ذهبها ماشي مليح او ماشي شباب إنت مديتي ريك وهي عندها رأي وهي من طلبت الآراء اما حسباتك غرت منها هنا نقول علامة إستفهام قد الولاية لانو واش دخل الغيرة في مجرد نصيحة
نرجعو موضوعك فعلا موجودة بكثرة عند النساء الظاهرة هذي اللي تهدري معاها وتبنيلها الحقيقة تقلك غايرة مني وتهدرها في ظهرك وصراتلي عدة مرات وخاصة لما ننصح طفلة وتحكيلي على سرها نقولها قلتي رايك نقولها فلان ما يوالمكش واخطيك تروح في ظهي تقولهم غارت منب كب ما تزوجتش يا حسراه الزواج راه كالبطاطا الرجاتل ما نقرضوش ووعلاه اصلا نغير منها واش دخل هذي في هذي ناس معقدة
انا نقولك اختي لانو كل إنسان يحب تكذبي عليه تبنيلو إجابياتو وبرك هذو هما شعبنا للأسف تهدري الي ما تولموش معناها إنت غيورة وحقودة
الحيطان كاينين والشارع طويل اللي ما عجبوش بالنسبة ليا يمشي ويخبط راسو حتى يكمل كل البلدية
شكرا لك

[sarl02]

وللاسف هذا شكل من اشكال المثالية الضاربة اطنابها في هذا المنتدى...ليس في الموضوع الذي ذكرتيه فقط بل في جل المواضيع ترى الردود مسنسخة طبق الاصل وراء الرد الاول على الموضوع ..يعني ببساطة كاين الي اتبع برك المخلوق. وبلا راي خاص او شخصية منفردة ..وعندما تاتي برد مخالف عن البقية يعتبر شاذ وخرجت عن القاعدة ...وفق الله الجميع

[تاج الايمان]

سلام الله عليكم
هناك من يتقبل الحقيقة و هناك من لا يتقبلها الكل حسب شخصيته
بارك الله فيك على الموضوع
احتراماتي

[نارينا]

منا وهكا يانيللي قولي جميل ورائع وحطة وخلاص عجال واش تجيبي المشاكل لروحك ؟؟ هههه اشتقت كثيرا لردودك ووجودك هنا يانيللي

[نارينا]

coucouuu ma belle, jspr raki bien
deja cheft hadek le sujet, w welah l3adim ana teni ki cheftou ma3jebnich, mais chefthoum ga3 yechokrou,
ana teni fi debut kount kima nti fi hadek l9ism, li mata3jebnich ngoul ke machi chaba, mais welew yeza3fou, aprés ki welit nedkhoul l n importe kel sujet li maya3jebnich mandirch commentaire, pske nkhaf nkhasser m3ahoum,
hanouna, fi lmojtama3 te3na li ygoul sah yweli machi mlih, ana fi darna deja haka, ygoulou 3liya tjadli bezaf, w hada juste ki ngoul rayi, mais yla jit m3ahoum fi lkhat, ga3 yeferhou hahahahhah, welah 3jebn donc welit mangoulech rayi bezaf swalah, ngardih liya
meme hnaya fi hada l9ism, welit nesma3 mala yourdini lol,lazem ga3 nji m3a rayhom wela ana machi mliha w machi mrebiya w w w w

:mh31::mh31::mh31::mh31::mh31: سلام للغالية علينا عسلامتك مزالني نشوفك ثم وخلاص هنا راكي كي هلال العيد .....

[norhane taha]

السلام عليكم ختو
نقولك حاجة إذا درت حساب للناس مراحش تفرا والله وتلقاي روحك كل يوم تحاجي و تفري في أمور تافه
أنت مغلطتيش ممكن قلت رأيك بصراحة لكن هي حطاتو ممكن باش تزوخ به ومكانتش تستنا في واحدة تقول رأي غير لي كانت متوقعاتو هذا واش صرا مكانش منها بنت متغيريش لكن غيرة درجات خاطاش علاش كون مجيناش نغيروا من بعضنا كون مناش نتبدلو نحكي على غيرة للأحسن ماشي غيرة سلبية غيرة في حد ذاتها رحمة

[optimism]

السلام عليكم
اذواق الناس تختلف ,,,,,,,,,,,,,لذا لايجب الطعن في اذواقهم ,,,,,,,,,,,,ان قلنا جميل وحتى لم بعجبنا ,,,,ليس كذب او نفاق,,,,,,,,,,,وان كان لابد من نقد ,,,,,,,هناك طرق دون ان ينز‘عج الشخص
اما النقد في المجمل ,,,,,,, احيانا ,,,,,لايكون المشكل في النقد,,,,,,,,,,,,,,,,انما طريقة,,,,,,,,,,,وكلنا نعرف قصة حسن وحسين والشيخ الذي لايعرف الوضوء
ايه ياختي نيللي,,,,,,,,,,بلاكي تطعني في الذوق ,,,,,,,,,وطيحي مع تلك البنات ,,,,,,,,,,كي تبدا فقط تقول ,,,,,,,,,,,,ااااااااااااااي انتيا ,,,,,,,شايسلكك ثمك
جمعة مباركة

[nilly]

coucouuu ma belle, jspr raki bien
deja cheft hadek le sujet, w welah l3adim ana teni ki cheftou ma3jebnich, mais chefthoum ga3 yechokrou,
ana teni fi debut kount kima nti fi hadek l9ism, li mata3jebnich ngoul ke machi chaba, mais welew yeza3fou, aprés ki welit nedkhoul l n importe kel sujet li maya3jebnich mandirch commentaire, pske nkhaf nkhasser m3ahoum,
hanouna, fi lmojtama3 te3na li ygoul sah yweli machi mlih, ana fi darna deja haka, ygoulou 3liya tjadli bezaf, w hada juste ki ngoul rayi, mais yla jit m3ahoum fi lkhat, ga3 yeferhou hahahahhah, welah 3jebn donc welit mangoulech rayi bezaf swalah, ngardih liya
meme hnaya fi hada l9ism, welit nesma3 mala yourdini lol,lazem ga3 nji m3a rayhom wela ana machi mliha w machi mrebiya w w w w


Samhli bark makdartche nrad alik li ano mazal ma3ndiche les points

Kolili darti l3akd wla mazal w kifache t3rfty 3lih hkilna chewiya 3la rwijlak

[nilly]

منا وهكا يانيللي قولي جميل ورائع وحطة وخلاص عجال واش تجيبي المشاكل لروحك ؟؟ هههه اشتقت كثيرا لردودك ووجودك هنا يانيللي

Lmontada hada krhnah w mankdarche ndkhlo kima bakri dork mara 3la mara ndir tla 3lih w rani haba nkbalih kamal nchallah

ta3rfi chkoun howa aymen01 howa ebusnisse sajal b ism aymen01 w dorka maskine kol maychof katbte rad yji yfragh samo w ydir macahkal w yahrab

tkoli ktalte yamah wla babah maskine holm nta30 ytzawaj wahda 3omrha mamchate hhhhh

lmohime 3omrha ma mchate dawrilo 3la wahda narina bah nthanaw mano

[salem1985]

ربي يقدر الخير وان شاء الله ربي يصبرنا

[نارينا]

Lmontada hada krhnah w mankdarche ndkhlo kima bakri dork mara 3la mara ndir tla 3lih w rani haba nkbalih kamal nchallah

ta3rfi chkoun howa aymen01 howa ebusnisse sajal b ism aymen01 w dorka maskine kol maychof katbte rad yji yfragh samo w ydir macahkal w yahrab

tkoli ktalte yamah wla babah maskine holm nta30 ytzawaj wahda 3omrha mamchate hhhhh

lmohime 3omrha ma mchate dawrilo 3la wahda narina bah nthanaw mano

nelly mahboula hhhh faraghti galbek à la fois ....j'espére tarj3i 7anouna lmountada tu me manque bcp ....rani mot beda7ek ki krit wesh ketebtili ana + ailemak ...ngoulek netlakou fe kism l3ara'is tama ta7kilna kami ou et comment 3arfatou hhhh

[طُمآح الذُؤابة]

هي استعملت ما يُعرف بالإستنباط السِلبي .
أو كما ذكرتِ "فهمت النُقص"

سلُوكها في رفضها رأيّك كان خطأ .. و لكن نيّتها إيجابية .
سلوكها : رفضت الرأي الآخر بعد طلبه .
النية : هيّ تحمِي ذوقها .


لو قابلتُ شخصا و طلب رأييّ في لباسه ..
و نظرت و قلت : ممم قبيح ، إنهُ بِالكاد يُشعرني بالغثيان !
كيف تتوقعي ردة فعله ؟ يبتسم ؟ يضحك إلى أن تظهر نواجذه ؟

طبعًا : لا .

و لكن لو قلت : الحجم جيد ، و طريقة التفصيل أيضا جميلة .
كان سيكون أجمل .. لو أن لونه كان غير هذا .

هنا "إحتمال كبير" أنهُ سيتقبل رأيي في ملبسه .



تنويه : هي لم ترّ إجابتك على أنها "رأيّك في ما تملك"
بل رأت الإجابة على أنها حُكم على ذوقها .

[ايمان نور الجزائر]

فعلاااااا كل واحد عندو رايو لكن لازم نقولوه بطريقة لبقة
يعني انا صراحة شفت ردك للاخت ههه ونظن قسيتي شوية في الرد
كنت راح نرد عليك بمزاح ايضاااا
يا اختي الراي رأي والذهب الواحد ما جاء يشريه جيتي قلتيلها نتاع كباااار؟؟
كل منطقة وعاداتها انا ايضا لا تعجبني بعض الملابس اراها مبهرجة مثل القنادر والعقاش هذاك
من بعد نتفكر هاذو ناس من الشرق مثلا او الغرب وكل واحد وعاداتو ومنطقتو وكيفاش دايرين
لذلك اكتفي بالتهنئة

[ايمان نور الجزائر]

نمدو رأينا يا اختي ونحافظ على مشاعر غيرناااا
نكسبو حسنة ونطلعو المورال مانا خاسرين والو

[نارينا]

hahahah welah sah rahou sari la3jeb, w hada l9ism mozayaf, 9ism l3arayes aumoin kayen fih haja reelle machi kima hna lmadina lfadila,
narina dok nahkilek fi lprivé chadert

ta raison ma chére madina fadila......de preference nebkou lhih .... ca y est ton mesg est arrivé merci :19:

[زايدي أمحمد]

هذا لخطرش تربينا في البيئة يشوبها غير الغيرة لذلك كل شئ يفهموها بالنقص

[samirabahi]

ماتعمريش راسك حبيبتي باينة هادي انوشة صغيرة مسكينة.

[achwak.1993]

لوكان نقولك أنا عطيت رأيي في موضوع تاع واحد
قالي الموضوع لا يخص مواليد التسعينات على أساس راني صغيرة في عقلي
كاين ناس ما يقبلوش النقد حتى لو كان بناءً
عادي ما يهمكش قولي رأيك بكل صراحة و خلي اللي ما عجبوش الحال يقول واش يحب ما تغيضك روحك ما والو