المساعد الشخصي الرقمي

مشاهدة النسخة كاملة : انا تائه ؟ بين رغبتي و هدفي و رغبة ابي ؟؟؟ الدراسة..

مشكلتي
2014-09-16, 22:51
سلام عليكم
انا باغي نعاود الباك و نبلوكي العام تاع الجامعة باش نقرا صيدلة

لكن الوالد مبغاش يفهم باللي هذا اختياري وو هو من النوع القدديم ما يفيدش تتناقش معاه
ههههه قالي تروح تقرا في الجامعةة و الا العصى لمن عصى
و هديك نهار اناا نايم راقد جااا ديراكت يضرب فيا و انا في النوم بسبب الدراسة

هربت من الدار جيت في الليل لحسن الحظ معنديش اقارب بعاد عليا ...كان جا عندي راني رحت هربت عندهم
المهم ؟؟؟؟ واش ندير هو الشعبة تاع الجامعة عجباتوو مي انا معندي حتى ميول لها و قالولي متخرجش قاع مفيهاش مستقبل
الشعبة st علوم و تكنولوجيا
anissa90
2014-09-17, 10:16
و الله ياخي هذه الشعبة مليحة في اخر سنة الاولى يعطكم اختيارات géni civil génie hydraulique génie mécanique et génie électronique والله فيهم خدمة خاصة géni civil génie hydraulique حط راس مليح في الرياظيات الفيزياء و الكمياء هذو المواد الاسسية في هذه الشعبة
محمد أمين _
2014-09-17, 11:10
جذع مشترك علوم و تكنلوجيا يمكنك من اختيار العديد من شعب الهندسة المختلفة فيما بعد. الكهربائية، الميكانيكية، المدنية...الخ. هاته التخصصات نحتاجها في كل مجالات حياتنا. قد يكبر ميولك للتكنلوجيا مع الوقت. لكن ما يمكنك فعله أيضا، أن تضاعف مجهودك و تضمن النجاح في السنة الأولى و أن تعمل في نفس الوقت على إعادة البكالوريا علّك توفق لتحصيل معدل يتيح لك دراسة ما تشاء. قد يتطلب هذا الكثير من الاجتهاد، لكن لا نتائج بدون تعب.

بالتوفيق.
ولد حمد الباتني
2014-09-17, 12:34
اهل مكة ادرى بشعابها
بنت الجزائرية
2014-09-17, 12:42
انا نعطيك الحل واش رايك تقرى في لافاك وتعاود باك بدون علم ابوك حتى جيب باك بمعدل يسمحلك تدخل صيدلة داك الوقت قولو
djamilach23
2014-09-17, 13:41
كان الله في عونك يا بني. وانار دربك لما فيه الخير. استخر وستختار بمحضى ارادتك ما اختاره الله لك.ربي يهدي الوالد . ربي ايوفقك.
knives66
2014-09-17, 14:37
اباء وعقولهم متحجرة والله هم سبب اول في ضياع

أجيال و بلاد كلها بغبائهم

فكرة متحجر

انا نقولك ديرها من وراء ظهروا العبها راك تقراء تخصصك وانت تعاود في باك
hamzagolf6
2014-09-17, 14:58
سبحان الله نفس المشكلة
الأمين®
2014-09-17, 15:07
إذا كنت تريد الصيدلة لأنك تحبها كإختصاص فعندك حق أما إن كنت تفكر في المستقبل فكما قال الإخوة st تتفرع لاحقا إلى شعب هندسة مختلفة مدنية إلكترونيك ميكانيك .....وكلها تخصصات رائعة لمن يحب العلوم الدقيقة وفرص العمل فيها جيدة خاصة في الشركات الأجنبية أنا شخصيا أعرف صيادلة لم يجدوا عملا و أخرين درسو st و يعملون حتى في sonatrach لست أقول أنه لا توجد فرص في الصيدلة لكن كما نقول بالعامية كلشي بالمكتوب لذلك أنصحك بدراسة تخصص تحبه و عندك إهتمام به و ترى في نفسك الموهبة و القدرة على التفوق فيه و استيعابه .... أما إن كنت تريد الجمع بين دراسة ST و إعادة البكالوريا فستتعب قليلا لكن ذلك ممكن لأنك في العام الأول من ST ستعيد تقريبا نفس مواضيع الرياضبات و الفيزياء التي درستها في البكلوريا بصورة أكثر توسع مما سيساعدك على المراجعة ... و بالتوفيق في إختيارك و في الدراسة.
zahra viva
2014-09-17, 18:28
علاه الصيدلة مليحة ؟؟؟؟؟؟
انا راني نقرى فيها و راني كارهتها
نوارة الشرق
2014-09-17, 18:46
اذا صح حاب صيدلة وميولك قوية ليها

عاود الباك سرّا ماا تقول لحتى واحد

اقرا وحدك وفي نفس الوقت مع الجامعة

شعبتك الجامعية هي الانسب لأي واحد حاب يعاود لباك بلا ما يبلوكي ويخسر عاموا تاع الجامعة

تعاوونك بزاف في الرياضيات والفيزياء (تتعمق فيهم اكثر ويبانولك تاع الباك ساهلين وماتخذش فيهم بزاف الوقت)

العطل راجع حفاظتك والمواد الأدبية

تقرا وحدك وبكل اريحية وبدون ضغط باذن الله

وان شاء الله تجيب المعدل اللي حاب ودير صيدلة إذا صح حابها - ماش على جال الخدمة والربح لانو ربي اللي يرزق - وبربي ان شاء الله تبدع فيها

ربي يوفقك ويسهللك ويهدي الوالد نتاعك وكل امثالوا ( شخصيات تعيق الابداع وحب العمل والتفوق -مع كل احترامي-)

سلام جميل.
salem1985
2014-09-17, 21:25
الخير في ما اختار الله
ahmed-fort
2014-09-17, 21:30
المشكل شعبتي تقني رياضي لازمها تعب شويا
انا ناوي نبلوكي العام ...
هههه انا صاحب الموضوع

صيدلة هي انسب شعبة تناسب مشروعي في الحياة....عندي حسابات ناوي نديرهم في المستقبل ...

و الله هبلنا الوالد هداااا راسو حجرة
محبة الله الجزائرية
2014-09-17, 21:35
هههههههههههههههههههههههههههه هم يبكي و هم يضحك

كاين شي ناس نعرفهم عندهم 3 باك و كل عام يجوزو لباك و حتى لاخر العام باه يقولو لدارهم غير رانا نجحنا

الله يوفقك
محبة الله الجزائرية
2014-09-17, 21:39
المشكل شعبتي تقني رياضي لازمها تعب شويا
انا ناوي نبلوكي العام ...
هههه انا صاحب الموضوع

صيدلة هي انسب شعبة تناسب مشروعي في الحياة....عندي حسابات ناوي نديرهم في المستقبل ...

و الله هبلنا الوالد هداااا راسو حجرة

هههههههههههههههه:1::1::1::1::1::1:
والله حكايتك راك غايضني بصح اسمحلي ما تفهماش حاجة وحد اخرى

راني ميتة بالضحك
لاني صح صادفوني الاباء اللي كيما هكا

و راني نتخيل في والدك :1::1::1:
وحيدة**
2014-09-17, 21:39
انا نعطيك الحل واش رايك تقرى في لافاك وتعاود باك بدون علم ابوك حتى جيب باك بمعدل يسمحلك تدخل صيدلة داك الوقت قولو

هدا برأي أصوب رأي ما تغضب بوك ما تحزن وممكن لما تقرا تبدل رأيك وتعجبك
lamismissa
2014-09-18, 23:52
انا رايي خود براي باباك افضل لان
اولا باباك راهو يحوسلك على صلاحك وراهو كي تخد هاد لقرار في بلاصتك تاع هاد الشعبة راهو باش يامنلك مستقبل
ثانيا الصيدلة ماكان من دعوتها انا صراحة يشفوني لي يقراوها مساكن يتعبو عليها ومن بعد يحقروهم لخدمة مكانش
وهادي تاع الرزق على ربي علابلنا بيها كامل واحد مايغلطك فيها مي كاينة حاجة انت ثاني لازم تحوس على مصلحتك وين ف هاد لبلاد
انا ارى الصيدلة شعبة مهمة وتستحق انها ناس تتمنى تقراها مي وين في بلادنا رايي هادا راهوغالط تبالي مادير فيها والو زيد خمم مليح وشوف وش يخرج عليك مي تدكر ان الحياة قصيرة وراهي تعطيك بقدر ماتاخد منك واحيانا تسرق وتظلمك شوي
بالتوفيق واتمنى ان تتاخد القرار الصحيح وتقبل مروري ورايي
ikramoran
2014-09-19, 00:40
صرالي نفس لمشكل،بغيت نعاودالباك لكن الأب تاعي بغاني ندير تكنولوجيا،سمعت الكلام تاعه من فوق القلب،شحال بكييييت،دروك راني نحمد في ربي ليل و نهار،منذ أربع سنين راني نقرى إلكترونيك و راهي تبانلي ماكانش كيفها ههههه فالأول تجيك صعيبة لكن دير في بالك بلي والديك ما يبغولك غير الخير،جرّب تقرى عام و شوف. :19:
*Mahmoud*
2014-09-19, 01:13
الصيدلة ربما جاته حاجة طايحة لو قلت له الطب طبعا كان سيدعمك حتى لو أعدت الباك أربع مرات ... المهم st تخصص نتاع خرطي والحمد لله أنت راك قاري وواعي بلّي ما كاين فيها حتى مستقبل ... الصيدلة مليحة بزاف وغير يهفّك لي يقولك ماكانش مستقبل ... المهم أنت حاول كيفاه تلعبها على والدك وحدثه عن المستقبل والبطالة وغيرها صدقني لما تخبره وتثبت له أن تخصصك هذا st لا مستقبل له غير تقرا وتمسك الحيط راح يتوسوس ويخاف عليك وأكيد يوافق
cranknet
2014-09-19, 09:51
يا لطيف، هاذا وين عرفت بلي صاحب المقولة لكل مشكلة حل ، راهوا غالط.. ربي يفرج خويا.
عبد الرؤوف24
2014-09-19, 10:12
سلام خويا
صل وسلم على النبى
شوف خويا وشكون قالك st مافيهاش مستقبل
قادر تكمل دكتوره لما تقرى مليح
وشكون ضامنلك انك لما تعيد راح توصل لمعدل الصيدلة
صلى صصلاة الاستخارة وتوكل على ربى
بصح ابوك ماحقوش يضربك لاك كبيير الان ولكن حاول تتفاهم معاه بالعقل برك
ندى الصبح
2014-09-19, 11:55
عاود الباك بلا ما تقولو وفي نفس الوقت اقرى في الجامعه
لكن اذا كان حلمك صيدله ما تتخلاش عليه والله اخي راك تبقى نادم طول حياتك
نصيحه من اختك كافح من اجل حلمك