أطباق جدتي ... [الأرشيف] - منتديات الجلفة لكل الجزائريين و العرب

~ السلطانة ~

2014-09-16, 08:30

السلام عليكم و رحمة الله تعالى و بركاته ...
نحن المبتدئات في الطبخ في هذا المنتدى سنحاول ان نتقاسم بعض الوصفات التقليدية و كل اخت مولوعة بمعرفة كل ما هو تقليدي تتفضل ...
و انا عن نفسي استفدت كثيرا من وصفات جدتي ربي يحفظها و يخليهالي علمتني بكل حب و دقة و اقتصاد مش فسد و طيش ...
افكار بسيطة جدا تخلي اطباقك احلى و الذ ...:1:

خيط الروح

2014-09-16, 08:35

ما شاء الله
ربي يبارك فيك وفي جدتك

في انتظار الافكار و النصائح القيمة

والمتبادلة ان شاء الله

وربي يجعلها في ميزان الحسنات ياااااارب

tokio hotel

2014-09-16, 08:42

شكرا اختى فكرة مليحة الجدات و الامهات عندهم اسرار وكل وحدة تعلمهم لبناتها ياريت الاخوات يفيدونا
انا الحاجة الى نعرفها على جدتى الله يرحمها كانت ما تاكلش بزاف و تعتمد بزاف على الحشاوش و النباتات مثل القرنينة و البندراق طيبهم مع الطعام مع الاسف ما عشتش معاها ما تعلمت منها والو عاشت قريب 100 سنة ما عندها حتى مرض و داكرتها احسن منى

~ السلطانة ~

2014-09-16, 08:46

شكرا اختى فكرة مليحة الجدات و الامهات عندهم اسرار وكل وحدة تعلمهم لبناتها ياريت الاخوات يفيدونا
انا الحاجة الى نعرفها على جدتى الله يرحمها كانت ما تاكلش بزاف و تعتمد بزاف على الحشاوش و النباتات مثل القرنينة و البندراق طيبهم مع الطعام مع الاسف ما عشتش معاها ما تعلمت منها والو عاشت قريب 100 سنة ما عندها حتى مرض و داكرتها احسن منى

الله يرحمها و ربي يحط فيكم بركتها يا رب

اسماء47

2014-09-16, 09:41

موضوع رائع اختي سهام
انا للاسف ماتعلمتش منها بزاف كنت لاتية غي بالقراية مي كاين شي حوايج تعلمتهم كيما نحلب المعزة و نجرد و الذوابة ,,,,,الخ ربي يرحمها
سهام بعتلك رسالة خاصة هاذاك النهار مالحقاتكش؟

~ السلطانة ~

2014-09-16, 09:45

موضوع رائع اختي سهام
انا للاسف ماتعلمتش منها بزاف كنت لاتية غي بالقراية مي كاين شي حوايج تعلمتهم كيما نحلب المعزة و نجرد و الذوابة ,,,,,الخ ربي يرحمها
سهام بعتلك رسالة خاصة هاذاك النهار مالحقاتكش؟

اهلا بيك اختي .. ربي يبارك فيك ..
نعم وصلتني اختي اسمحيلي لم أرد الحقيقة لم أجد ما أكتب .. رانا صديقات قبل ما تطرحي الفكرة ...

اسماء47

2014-09-16, 09:57

اهلا بيك اختي .. ربي يبارك فيك ..
نعم وصلتني اختي اسمحيلي لم أرد الحقيقة لم أجد ما أكتب .. رانا صديقات قبل ما تطرحي الفكرة ...
شكرااااا اختي

ام اريام

2014-09-16, 20:49

موضوع رائع والله لانو كي يروحو هادو الجدات جابلي ربي تروح الباراكة معاهم هوما خير منا عاشو باقل الاشياء وكانوا راضيين وحنا اليوم عندنا كلش والقناعة غير شوية .انا كنت نروح بزاف لجدتي ام امي بحكم كنت نروح للروضة قريبة ليها وهي تطيب مليح وتعمل الحلويات وتخيط والله ماشاء الله عندها شحال من موهبة فاخذت منها حبي للطبخ مانقولش راني ماهرة بصح نسلك راسي ونخيط اشياء بسيطة وكنت نخدم معاها المعجون .هي تدير كيلو بكيلو يعني مثلا المشمش تحكم كيلو تحط عيه كيلو سكر وتخليه يبات ولغدوة تخليه يطيب على نار هادية يجي هايل.اما جدتي لوالدي ديت عليها حبي للنظافة وكانت تطيب المطلوع نتاعها هايل تحط دقيق وشوية فرينة وخميرة وملح وسانوج وتبلو بالماء وتغطيه تخليه يخمر من بعد تعجنو وتقرسو وتخليه يخمر وتطيبو رائع تحطلنا عليه الزبدة وتعطينا .ربي يحغظ اللي مازالو و يرحم اللي راحوا .

انتصار فاطنة

2014-09-17, 01:01

يا ريت ايام زمان ترجع

moniz

2014-09-17, 08:06

voyant votre titre j'ai crus que vous allez poster des recettes de votre grand mère ainsi j'ai lus le sujet et les réponses oui c'est un bon clin d’œil à toutes nos grands mère ALLAH yerahamhom pour ma part ma grand-mère maternelle j'ai appris la simplicité de la vie le menu de tous les jours était soit couscous ou chorba hamra et le fameux pain fel coucha te3el3rab comme ça on le nomme le plus beau souvenir c"était l"accompagnée pour ramener la terre pour sa poterie elle prenait tous son temps à faire de jolies choses avec beaucoup d"amour le plus drôle je ne l'avais jamais entendus dire rani 3iiiiiiiiiiiiiiiiiiiyana ALLAH yeramhaha et merci pour vous de m'avoir laisser cette occasion de dire merci à toutes nos grands mère

ام عبد الله 22

2014-09-17, 09:03

و الله فكرة رائعة وأنا هذا ما نحب وصفات الجدات و كل شىء يكون قديم في الأكل أو الحلوى انا معك شكرا الله يعطيك الصحة.

خيط الروح

2014-09-18, 12:04

السلام عليكم

حبيت نطرق للطريقة التقليدية في تخمير الخبز .. واللي عندها فكرة تفيدنا بها :o

اذا تشفاو ولا سمعتو انهم زمان كانو يخمرو لعجين فالدار بلا ما يستعملو لخميرة
لكن ماشفيتش اذا كانو يخمرو كمية صغيرة من العجين ثم يعجنو عليها
ام انهم كانو يخمرو الكمية المرغوب في عجنها كلها على مرة :rolleyes: :confused::confused::confused: :rolleyes:

انا نشفى برك كي كنا صغار ونروحو للبلاد.. كان يجيني الخبزتاعهم بنييييييين :19:

و للاسف مالحقتش بجدتي ربي يرحمها
حتى ميمتي الله يرحمها ماجاتنيش في بالي باش نسقسيها

نظن ان هذه الطريقة صحية .. افضل من استعمال الخميرة المعروفة الان .. والله اعلم
ولاّ واش رايكم :rolleyes:

نتمنى ان شاء الله تكون عندكم فكرة :mh31:

Bennatv

2015-07-08, 16:08

ربي يخليك ويخليلك جداتك

ramos mano

2015-07-10, 17:23

Merciiiiiiiiiiiiiiiiiiiiiiiiiiiiiiiiii