مشكلة مبكية مضحكة ارواحو تجرو ................. [الأرشيف] - منتديات الجلفة لكل الجزائريين و العرب

مريم الصابرة

2014-09-15, 22:09

....................

الغريب المنسي

2014-09-15, 23:05

والله ضحكت حتان شبعت اسف مي ضحكت حتى انكمشت هههههههههههههه
الرسومات يعني في محلها من الاعراب وكل رسم يحكي قصة

هذا انسان صعلوك بحق

لي عودة لللتفصيل

مريم الصابرة

2014-09-15, 23:20

والله ضحكت حتان شبعت اسف مي ضحكت حتى انكمشت هههههههههههههه
الرسومات يعني في محلها من الاعراب وكل رسم يحكي قصة

هذا انسان صعلوك بحق

لي عودة لللتفصيل

السلام عليكم اخي
وانا كتبتو ونضحك تعرف هم يبكي ويضحك وحبيت نضحك الاعضاء مش كل المشاكل تحزن كاين مرات مشاكل تخليك تضحك من قلبك
ناس مهابل وقالك اسيدي جاتني فرصة وراطيتها :1::1:
الله يشفيه
شكرا وانتظر رأيك وكيف اتصرف لو عاد وعارفاتو يرجع عند دارنا خايفة نكبر المشكل او نضربو نقتلو :1: شكرا لك

salem1985

2014-09-15, 23:21

ههههههههههه
ما فهمت هادا عشق ولا سحر اصابو ربي يصبرو مسكين صرى ليه كيما انا غير انو هوفقد عقلو وانا بقى لي شوي ربي يقدر الخير

نارينا

2014-09-15, 23:26

يا مريم ربي يكون معاك حنونة اعتبريه فاتحة خير وربي قادر على كل شيء كيما جابلك هذا قادر يجيب ما أحسن منه قريبا ان شاء الله ...لاتيأس من رحمته وأفرحي وأضحكي فغدا يوم اخر

sekelli

2014-09-15, 23:32

basiti wekhlass rabi m3ak okhti 3andek hel wahed selli istikhara wed3i rebi ibaynlek inchallah

" أبو عبود"

2014-09-15, 23:33

لأول مرة منتعقن وما نعرفش واش نجاوب. هذا ما يكونش من اعضاء المنتدى هههههههههههههه

مريم الصابرة

2014-09-15, 23:43

ههههههههههه
ما فهمت هادا عشق ولا سحر اصابو ربي يصبرو مسكين صرى ليه كيما انا غير انو هوفقد عقلو وانا بقى لي شوي ربي يقدر الخير
السلام عليكم
يا خويا سالم واش من سحر ما نخسرش عليه 5 آلاف خصون غير المهابل
انا خاطيني هو مهبول دوريجين وين نعرفو انا حتى يهبل عليا
قامل شهر نتبع فيك وشهر اغلب خروجي للطبيب :1::1: وماراهش حتى طبيب نفسي طبيب عظام :1:
ناس هبلت
بعيد الشر عليك وحكم عقلك وما ديرش كي خونا توقف عند باب الطفلة :19:
شكرا لك

مريم الصابرة

2014-09-15, 23:49

يا مريم ربي يكون معاك حنونة اعتبريه فاتحة خير وربي قادر على كل شيء كيما جابلك هذا قادر يجيب ما أحسن منه قريبا ان شاء الله ...لاتيأس من رحمته وأفرحي وأضحكي فغدا يوم اخر
السلام عليكم اختي نارينا اهلا وسهلا
سبحانو انا ندعي ربي يشفيني والزواج آخر همي لا افكر فيه إطلاقا هو او غيرو ولكن فاتحة خير وفرحت بامر الخطوبة وضحكت من قلبي على روميو مريم :1:
شكرا وربي يرزقك الزوج الصالح
شكرا لك

مريم الصابرة

2014-09-15, 23:50

basiti wekhlass rabi m3ak okhti 3andek hel wahed selli istikhara wed3i rebi ibaynlek inchallah
السلام عليكم أختي
لا اختي الإستخارة لما يكون تردد انا ماكانش تردد الجواب قطعي لالا لأنو واضح مختل عقليا وما يحشمش واضحة نواياه واااااااااع عفتو كي هدر واحد الهداير يا اختي دهشت لوقاحتو وقلة ادبو منين جاب الشجاعة راني حايرة
شكرا لك

شاملة لينة

2014-09-15, 23:55

والله فعلا مضحك مبكي ربي يعينك اختي مريم
أمر محير اذا تقدري تشوفي وحدة من العائلة توانسك هاذو النهارات حتى ربي يهديه ويبعدو على طريقك
ربي يفرج همك وكربك
أحبك في الله

مريم الصابرة

2014-09-15, 23:56

لأول مرة منتعقن وما نعرفش واش نجاوب. هذا ما يكونش من اعضاء المنتدى هههههههههههههه
السلام عليكم اخي
هههههه واش تقول انا ماشي غير تعقنت خلالي خلل في مخي منين جاتو الوقاحة واش راه ياكل فالماكلة هذا محال يكون إنسان عادي والله لو شخص يتعاطى مهلوسات وما يكونش وقح لهذيك الدرجة
من منتدى :1::1: نو قد ما يكون هبالهم هذا وحدو
ومن منتدى الرجال ما يعرفوش وين نسكن :1:
واللي يدخل ويدير رد هنا إستفزازي معناها هو ويورينا صورتو :1::1::1:
شكرا لك

مريم الصابرة

2014-09-15, 23:59

والله فعلا مضحك مبكي ربي يعينك اختي مريم
أمر محير اذا تقدري تشوفي وحدة من العائلة توانسك هاذو النهارات حتى ربي يهديه ويبعدو على طريقك
ربي يفرج همك وكربك
أحبك في الله
السلام عليكم اختي
اهلا وسهلا والله شوفي كي جرا الامر هذا بيكت على زهري المسود صابرة صابرة وجاني مهبول :1: وفالاخيروليت نضحك على روحي
ما تخميش على اختك نرقد وحدي ونبقى فالدار ودايرة في بالي ربي هوحارسي سبحانو وخبرت جارتي قالت لزوجها رقمهم عندي قالي اول ما تروح يماك للخدمة اي امر تحسيه غير طبيعي عيطي عندنا فالدار وانا ندبر راسي الحمد لله لي جار ونعم الجار اكثر من أب
واحبك غاليتي بيتكم تشاركوني الضحكة والله كي نتفكر نموت بالضحك ومازال يجي عارفة ممكن غدوة نلقاه جايبلي وردة :1:
شكرا

شاملة لينة

2014-09-16, 00:06

:):)أضحك الله سنك وأزال همك وفرج كربك
ربي يحميك ويفرح قلبك ويعطيك على قد صبرك يا صابرة:):)

هدى البوزيدية

2014-09-16, 00:15

هدا إنسان مريض و نيتو فاسدة و الدليل هدرتو هادي * قالي راكي مع راجل يعني لو تتفهميني وتكوني حنينة معايا وممكن نغلطو انا وإنت كوني اكيدة راح نتحمل مسؤوليتي ونتزوجك *
هدا راهو باين واش يحوس حاب يلعب بيك يقولك الطفلة ديما وحدها و أمها خدامة نخطبها و نولي كل يوم عندها ندير واش نحب
ما راهوش قاصد الزواج راهو حاب يتمسخر

*سندوسة*

2014-09-16, 08:40

وعليكم السلام اختي مريم

الله يكون في عونك

:1: :1: :1:

سر التقى

2014-09-16, 09:26

يا بنتي هادا قالتلوا امك الطفلة مريضة علابالوا كيفوا مريضة في العقلية قال امالا هادي كيفي راح نتفاهموا مليح ههههههههههه الحب جنون

جويرية الإيمان

2014-09-16, 10:08

حرام عليك يا مريم

السيد عاشق ولهان و انت ترفضي فيه

بصح هاذا هو قدر الرجال الذين يحبون بجنون

غدوة تلقايه جايب الزرنة و عندك لا ماتقبليش

لازم يلقاك لابسة لاغوب بلونش (كيما الأفلام)

ترفقي يا مريم بالمحب المتيم

و كفانا عنفا ضد الرجال .

منك صح آمنتي كلامي هههههه

يا مريم السيد مش نوغمال

و لم يكتفي بالرفض

و لا تهتمي لكلام الناس فالذي يعرفك لا يصدق كلمة واحدة عليك

المهم أن تحذري منه فمن الرجال من لا يعترف بالحدود

الماسة النادرة

2014-09-16, 10:10

والله يا مريم راكي سندريلا زمانك هههه شوفي ربي نجاك من وقح كيما هذا حتى لوكان تتزوجي بيه كيما يقولو المصريين عينو زايغة وراح يمررلك حياتك المهم انتي تصرفتي صح كي قلتي لراجل اختك واذا سمط وزاد عليها روحو لدارهم يحكمو وليدهم المعتوه ولا لقسم الشرطة لكن بغض النظر عن هذي الامور راكي معشوقة زمانك ههههههه ربي يجيبلك الاحسن والافضل ويشافيك

سجل أنا جزائري

2014-09-16, 10:20

و الله ضحكني السيد هذا دخل ديراكتمو في صلب الموضوع ما عندوووش الوقت ههههه

وقيلا كون قولتلو ايه كون رآه دار العرس سي بون

ربي يهنيك أختي صح يقولك شر البلية ما يضحك

الألماسة

2014-09-16, 10:20

ههههههه هم يضحك و هم يبكي
اختي مريم هذا ذئب بشري و افكاره شيطانية
ردي بالك و الله يكون في عونك

مُحمد رازي

2014-09-16, 11:50

مجنون مريم

سوف أتكلم معك من منظور أني رجل و أعرف نفسية الرجال
أولا أنت لقد عملت خطأين
الأول أنك رضخت بأن تتصلي به و تسمعي كلامه و تسمعيه صوتك
و الثاني أنك كلمتيه أيضا لما كنت (تسيقي)
فالرجل يحب الفتاة لمّا تكون صعبة المنال و عنيدة
فهو يريد أن يثبت رجولته و أنه يستطيع أن يوقع أي فتاة في شباكه
فأنت لمّا تزيدي في عنادك و رفضك هذا الأمر يجعله يصّر أكثر
و هذا ما أعطاه الجرأة ليأتي لغاية باب منزلك
أختي مريم إن هذا الشخص فاسد النوايا
لا تنتظري منه أي خير
و أنا أكلمك كأخ
هذا الشخص قد أطمعتيه في نفسك
فمن الممكن إذا عرف رفضك القاطع سيحاول الانتقام منك
و أنصحك بأن تغيري رقم بورتابلك و أمك أيضا
و ارسلي له شخصا من عائلتك من الرجال حتى يضع له حدا و يحذره
فلا تتساهلي مع هذا الأمر و تقولي مجرد أمر تافه
الناس في هاذ الوقت باعو دينهم
و قادرين يفعلوا أي شيء

mereyoucef

2014-09-16, 12:20

مع كل احترامي لكي اختي مريم امك غلطت بزاف كي مدتلو رقم الهاتف كون خليتو الامر لزوج اختك هو راجل العائلة باش يعرف السيد بلي معاك رجال ماشي وحدك انتي وامك فقط وكنتي من بعد ترفضي عادي مام هو اجيه نورمال بصح تتكلمي معاه ثم ترفضيه هادا باين بهلول على روحو و يقولك نديها خابزة نسكن عند يماها و تزيد نسيبتي تخدم علينا من الاحسن دخلي راجل اختك في الموضوع هو يحطو عند حدو و ما تدخليش معاه في كلام قادر يقول للناس كانت تتكلم معايا و هي و ووووووو بالتوفيق

مريم الصابرة

2014-09-16, 12:23

:):)أضحك الله سنك وأزال همك وفرج كربك
ربي يحميك ويفرح قلبك ويعطيك على قد صبرك يا صابرة:):)
السلام عليكم اختي
آمين يا رب ربي يخليك اختي شكرا لك جزاك الله كل خير

مريم الصابرة

2014-09-16, 12:25

هدا إنسان مريض و نيتو فاسدة و الدليل هدرتو هادي * قالي راكي مع راجل يعني لو تتفهميني وتكوني حنينة معايا وممكن نغلطو انا وإنت كوني اكيدة راح نتحمل مسؤوليتي ونتزوجك *
هدا راهو باين واش يحوس حاب يلعب بيك يقولك الطفلة ديما وحدها و أمها خدامة نخطبها و نولي كل يوم عندها ندير واش نحب
ما راهوش قاصد الزواج راهو حاب يتمسخر
السلام عليكم اختي
نعم عارفة واضحة نواياه المشكل تحيري في جرأة ووقاحة بعض الرجال يعني يلعب مسلسل كامل خطبة وما نعرف واش حتى يتجرأ او يظن نفسو يقدر يوصل لأمر ما هذا بعيد عليه بزاف غلط فالعنوان انا ممكن وحدي لكني بألف راجل وجبتلو راجل ختي عطاه طريحة ولو يرجع راح نتقدم بشكوى ضدو
شكرا لك وبارك الله فيك

مريم الصابرة

2014-09-16, 12:25

وعليكم السلام اختي مريم

الله يكون في عونك

:1: :1: :1:

السلام عليكم اختي
اهلا وسهلا يسمين واش احوالك
شفت العجب خطبة 2014 ربي يخليك سعدت لأني ضحكتك شكرا لك

مريم الصابرة

2014-09-16, 12:27

يا بنتي هادا قالتلوا امك الطفلة مريضة علابالوا كيفوا مريضة في العقلية قال امالا هادي كيفي راح نتفاهموا مليح ههههههههههه الحب جنون
السلام عليكم أخانا الكريم
نعم امي صارحاتو حنا ماراناش ناس خداعين او غشاشين ومن ثم انا مريضة مرض عضوي وليس جنون واش من حب جنون إنت ثاني انا الراجل ما نعرفو ما يعرفني وهكذا اشكال نفضل ننتحر ولا ندي منهم بعيد الشر
شكرا لك

مريم الصابرة

2014-09-16, 12:29

حرام عليك يا مريم

السيد عاشق ولهان و انت ترفضي فيه

بصح هاذا هو قدر الرجال الذين يحبون بجنون

غدوة تلقايه جايب الزرنة و عندك لا ماتقبليش

لازم يلقاك لابسة لاغوب بلونش (كيما الأفلام)

ترفقي يا مريم بالمحب المتيم

و كفانا عنفا ضد الرجال .

منك صح آمنتي كلامي هههههه

يا مريم السيد مش نوغمال

و لم يكتفي بالرفض

و لا تهتمي لكلام الناس فالذي يعرفك لا يصدق كلمة واحدة عليك

المهم أن تحذري منه فمن الرجال من لا يعترف بالحدود

السلام عليكم اختي
شفت المتيم والله راني غالطة كي راني رافضاتو من المفروض نطير بيه ونعقد حتىة ما يهربش بعيد الشر
عشرة كيفو ما نقبلش بيهم الحمد لله عايشة مرتاحة مع امي المرا تحتاج راجل محترم وهذا ما تعلمش معنى الإحترام ناس مريضة
ما تخافيش على ختك بألف راجل اي تصرفات صبيانية منو ما تلفتش إنتباهي ولو رجع هدرت مع راجل ختي وجار لي قالي لما تشوفيه واقف ادخلي وانا ندبر راسي او نتقدم بشكوى رسمية ضدو
شكرا لك

مريم الصابرة

2014-09-16, 12:34

والله يا مريم راكي سندريلا زمانك هههه شوفي ربي نجاك من وقح كيما هذا حتى لوكان تتزوجي بيه كيما يقولو المصريين عينو زايغة وراح يمررلك حياتك المهم انتي تصرفتي صح كي قلتي لراجل اختك واذا سمط وزاد عليها روحو لدارهم يحكمو وليدهم المعتوه ولا لقسم الشرطة لكن بغض النظر عن هذي الامور راكي معشوقة زمانك ههههههه ربي يجيبلك الاحسن والافضل ويشافيك

السلام عليكم اختي
شفت على معشوق زماني نندب عليه يا بنتي راجل ختي عطاه طريحة صحيحة ديركت شاوي ما يعرفش يهدر بفمو يديه برك :1::1:
اول ما وصل ليه برمدو ديركت مريض على روحو
لا ما تخافيش على ختك اول ما يعاودها راح نعيطلو للدرك او الشرطة حلفت نبهدلو وخلي انا ضميري مرتاح وجيراني يعرفو اخلاقي وخلي اللي حاب يهدر العام طويل
واش من اهلو باين على روحو مهبول مريض او داير عنتر على دارهم جاي يجربها عليا انا قتلك قتلو نضرب يماك قالي نورمال :1:
شكرا وبارك الله فيك وجزاك الله كل خير

مريم الصابرة

2014-09-16, 12:38

و الله ضحكني السيد هذا دخل ديراكتمو في صلب الموضوع ما عندوووش الوقت ههههه

وقيلا كون قولتلو ايه كون رآه دار العرس سي بون

ربي يهنيك أختي صح يقولك شر البلية ما يضحك
السلام عليكم
يا اخي والله امر مضحك مبكي لما قتلو الهدرة ما راهيش مع امي او معايا روح لزوج اختي وجدي والد والدي حي كان من المفروض تهدر مع رجال تخيل وقاحتو قالي وعلاه هذو الشكليات نجيب دارنا ونخطبك وخلاص علاه تعقدي فيها خلعني ركبلي السكر من الإستفزاز وقح ومستفز وووووووواااااع ما نقدرش نتخيل روحي متزوجة مع واحد كيما هذا نقتلو يا خويا
بارك الله فيك

مريم الصابرة

2014-09-16, 12:39

ههههههه هم يضحك و هم يبكي
اختي مريم هذا ذئب بشري و افكاره شيطانية
ردي بالك و الله يكون في عونك
السلام عليكم أختي
نعم اكيد مش ذئب برك هذا تمساح يا اختي رب يبعدو الحمد لله هذو اليومين ماكانش لو يرجع موجدتلو امر نتصل بالدرك او الشرطة يجو يدوه من قدام دارنا ويبعدني لانو لو نعيط المرة هذي لراجل ختي ما يعرفش يضرب نخاف يقتلو بلاما يفيق
شكرا لك

مريم الصابرة

2014-09-16, 12:47

مجنون مريم

سوف أتكلم معك من منظور أني رجل و أعرف نفسية الرجال
أولا أنت لقد عملت خطأين
الأول أنك رضخت بأن تتصلي به و تسمعي كلامه و تسمعيه صوتك
و الثاني أنك كلمتيه أيضا لما كنت (تسيقي)
فالرجل يحب الفتاة لمّا تكون صعبة المنال و عنيدة
فهو يريد أن يثبت رجولته و أنه يستطيع أن يوقع أي فتاة في شباكه
فأنت لمّا تزيدي في عنادك و رفضك هذا الأمر يجعله يصّر أكثر
و هذا ما أعطاه الجرأة ليأتي لغاية باب منزلك
أختي مريم إن هذا الشخص فاسد النوايا
لا تنتظري منه أي خير
و أنا أكلمك كأخ
هذا الشخص قد أطمعتيه في نفسك
فمن الممكن إذا عرف رفضك القاطع سيحاول الانتقام منك
و أنصحك بأن تغيري رقم بورتابلك و أمك أيضا
و ارسلي له شخصا من عائلتك من الرجال حتى يضع له حدا و يحذره
فلا تتساهلي مع هذا الأمر و تقولي مجرد أمر تافه
الناس في هاذ الوقت باعو دينهم
و قادرين يفعلوا أي شيء

السلام عليكم اخي اهلا وسهلا ويشرفني ردك ونصيحتك
وطبعا عندما أخطأ أحب من ينبهني ولكنني سأشرح الموقف دون ان ادافع عن نفسي
انا لم ارضخ ولن افعل فأنا لا اعرفه ولا اريد ان اعرفه ولم ارد سماع صوته اردت ان يسمع مني انني رافضة ولا اريد الزواج ورفضته بكل إحترام وظننته رجل محترم في البداية حاول إقناعي فقلت له الكلام ليس معي مع زوج اختي ولكن تاكد سوف يبلغك رفضي حتى لا تامل
ولما كنت نسيق حاشاك لما شفت شاب واقف رجعت للوراء حتى ادخل كلمني وقال إنو هو طلبت منه الإنصراف حتى لا يلفت الأنظار لبيتنا وانا كنت في موقف هدرت معاه هناك مواقف تستدعي ان تحدث الرجل المرأة سواء فالحافلة او الطريق او الطبيب ا اي امر إعتبرته أمر عادي انا لم اقف لأحدثه واسامره لا ابدا وبعدها إتصلت بزوج اختي وهو تصرف معه
اما اني اطمعته في نفسي فهذا امر غير صحيح كيف اطمعته لم اعطه رقمي ابدا هو ترك رقمه لامي ولم ارد لن ادخل زوج اختي انا كل حياتي اتصرف من نفسي وبمشورة امي فاردت ان يسمع مني اني رافضة وحقيقة تقال لم يتصل ابدا منذ رفضي إطلاقا لم يزعج امي ليومنا هذا لذلك انا لم اطمعه اخي هناك نفوس مريضة وانا لا ذنب لي في هذا الرجل ذهب لمقر عمل امي وانا لا اعرف حتى شكله ولا اريد ان اعرفه لا هو ولا غيره انا هدفي العلاج والشفاء ولا افكر في امر كهذا مطلقا
اما التساهل لا لو عاد سوف اقدم شكوى رسمية ولن اتنازال عن حقي ابدا وساوقفه عند حدّه والله يحرسني
شكرا لك على كل نصيحة والله هي نصيحة أخ لأخته واشكرك بارك الله فيك

مريم الصابرة

2014-09-16, 12:53

مع كل احترامي لكي اختي مريم امك غلطت بزاف كي مدتلو رقم الهاتف كون خليتو الامر لزوج اختك هو راجل العائلة باش يعرف السيد بلي معاك رجال ماشي وحدك انتي وامك فقط وكنتي من بعد ترفضي عادي مام هو اجيه نورمال بصح تتكلمي معاه ثم ترفضيه هادا باين بهلول على روحو و يقولك نديها خابزة نسكن عند يماها و تزيد نسيبتي تخدم علينا من الاحسن دخلي راجل اختك في الموضوع هو يحطو عند حدو و ما تدخليش معاه في كلام قادر يقول للناس كانت تتكلم معايا و هي و ووووووو بالتوفيق
السلام عليكم اخي الفاضل شكرا على ردك الكريم
نعم لربما اخطأت لم تصرفت من نفسي وهذا لأانني دائما إعتدت على معالجة مشاكلي دون مساعدة احد لكن انا ظننته شخص محترم وفور رفضي له سوف يحترم نفسه وحقيقة لم يطلب مواعدتي او لقائي طلب مني رقم هاتفي حتى يحدثني ليلا ولكنني طلبت منه نسيان امري ولا يكلم امي وإلا سآخذ رقمه واتصل بالشرطة وبعدها جاء امام منزلي وعندما ضربه زوج اختي قلت انه لن يعود وعاد وشتمني لانني رفضته وبعدها لم يعد ربما هو يراقبني من بعيد لا ادري فخروجي قليل جدا لكنني لم اشجعه ابدا وخطئي الوحيد انني منحته فرصة ان يستفزني
شكرا لك وبارك الله فيك ودعاوتك لي ليبعد عني هذا المختل

مُحمد رازي

2014-09-16, 13:08

و عليكم السلام و رحمة الله تعالى و بركاته
أختي مريم أردت أن أقول لك أنك لو لم تتحدثي معه أصلا
و لم تسمعيه أنك رافضة
لملّ و ذهب وحده
و لا تعتذري بأنك ظننت أنه رجل محترم
فالكلب إذا تركته ينبح ما بلبث أن يسكت
و لكن الآن و باعتبار أنك قد استرسلت معه بالكلام في الهاتف
فلقد وجد لك نقطة ضعف و سوف يقيمك في ذهنه أنك مجرد مثل بقية الفتيات اللواتي يخضن العلاقات
أعذريني على كلامي هذا
و لكني قد درست دورات في علم النفس
و أستطيع أن أعرف مراد الشخص من تصرفاته
فحذاري من هذا الشخص فإيمانه ضعيف و شخصيته غير سويّة

أسأل الله أن يبعد عنك شياطين الإنس
و يشفيك
و يرزقك الزوج الصالح الذي يخاف الله فيك

مريم الصابرة

2014-09-16, 13:16

و عليكم السلام و رحمة الله تعالى و بركاته
أختي مريم أردت أن أقول لك أنك لو لم تتحدثي معه أصلا
و لم تسمعيه أنك رافضة
لملّ و ذهب وحده
و لا تعتذري بأنك ظننت أنه رجل محترم
فالكلب إذا تركته ينبح ما بلبث أن يسكت
و لكن الآن و باعتبار أنك قد استرسلت معه بالكلام في الهاتف
فلقد وجد لك نقطة ضعف و سوف يقيمك في ذهنه أنك مجرد مثل بقية الفتيات اللواتي يخضن العلاقات
أعذريني على كلامي هذا
و لكني قد درست دورات في علم النفس
و أستطيع أن أعرف مراد الشخص من تصرفاته
فحذاري من هذا الشخص فإيمانه ضعيف و شخصيته غير سويّة

أسأل الله أن يبعد عنك شياطين الإنس
و يشفيك
و يرزقك الزوج الصالح الذي يخاف الله فيك

السلام عليكم اخي الفاضل
والله افهم نواياك وجزاك الله كل خير على كل نصيحة ومعك حق ولست ضدك
لن ينال مني لو كلمة الحمد لله اعرف كيف اتصرف ولن اخضع له هذا مختل عقليا اخي ولو كنت كاباقيات لرحبت بما طلبه ولو احضر اهله وتركته يفعل ما يشاء لا الحمد لله انا بالف رجل واوقفته عند حده وسوف افعل إن عاد ووقف امام بيتي
اشكر حرصك وجزاك الله كل خير يا رب
آمين الله يشفي كل مريض ويرزق كل رجل وإمرأة الزوجة والزوج الصالح شكرا لك

سماح 2

2014-09-16, 14:05

أوووووشْ 3 صفحــــــــــات بسيف كملت القراية تع الموضوع و الردود

ههه والله هم يبكيhttp://www.bh30.com/vb3/images/ns/Bye.gif هم يضحكْhttp://www.bh30.com/vb3/images/ns/Laught_2.gif

في الاول قلت يووو مبروك ع مريومة جاها عريسْhttp://www.blqees.com/smiles/smile_albums/various/a68b5d2ed0.gif
ومبعد بشوية وشوية وأنــا نقرى كلمة كلمة و الشووكْhttp://www.blqees.com/smiles/smile_albums/various/6457902ada.gif تحكمني من هذا المخلوق الي جـاكْ ههه والله صدقتي

كي قلتي مسلسل تركي بدللكم الروتينْ ,,

ان شاء الله ربي ينوبْ بعريس خلاف وتتهنــايْ معاهْ,,ما تدريش المكتوب واش مخبيلكْhttp://www.bh30.com/vb3/images/ns/manga7.gif ,

مريم الصابرة

2014-09-16, 17:27

أوووووشْ 3 صفحــــــــــات بسيف كملت القراية تع الموضوع و الردود

ههه والله هم يبكيhttp://www.bh30.com/vb3/images/ns/bye.gif هم يضحكْhttp://www.bh30.com/vb3/images/ns/laught_2.gif

في الاول قلت يووو مبروك ع مريومة جاها عريسْhttp://www.blqees.com/smiles/smile_albums/various/a68b5d2ed0.gif
ومبعد بشوية وشوية وأنــا نقرى كلمة كلمة و الشووكْhttp://www.blqees.com/smiles/smile_albums/various/6457902ada.gif تحكمني من هذا المخلوق الي جـاكْ ههه والله صدقتي

كي قلتي مسلسل تركي بدللكم الروتينْ ,,

ان شاء الله ربي ينوبْ بعريس خلاف وتتهنــايْ معاهْ,,ما تدريش المكتوب واش مخبيلكْhttp://www.bh30.com/vb3/images/ns/manga7.gif ,

السلام عليكم اختي سماح
اهلا وسهلا قتلكم في البداية إنو مسلسل تركي معناها الف حلقة :1:
الجميل إنو خاطب فريد من نوعو وقح لدرجة يعني لا تتصورينها قليل ادب وتربية واللي حيرني منين جاتو الشجاعة هل بدوت له غبية ام لا ادري والله صراحة وقاحة كيما هاك مازال ما شفتش الله يهديه او يديه المهم يبعدني
شكرا لك آمين ويرزقكن اجمعين شكرا اختي

dalal 28

2014-09-16, 17:55

ايييييييييييييييه مريومة كنت دايرتك متزوجة وام وذلك من خلال ردودك الواعبة
المتزنة ربي يرزقك بالزوج الصالح الدي تقر عينك به وما تقوليش ما نتزوجش حنونة
احسني ظنك بالله راه قادر على كلش كاين بزاف مرضى وتزوجوا
اي مرض يمتعك من الزواج زش عندك يعني ؟؟؟
كونس دائما متفائلة وربي فيه غير الخير

بالنسبة لموضوعك انا ثاني مريت بتجربة مماثلة تقريبااااا بصح انا كانت خطبة رسمية تقليدية
ومن بعد اكتشفت الكوارث الحمد لله مادرت لامعروف لا عقد بصح دارلي القلب والهبال خخخ
تجربة قاسية جدااااا ربي يعوضنا خيررر منها يارب

القريب البعيد

2014-09-16, 18:04

ربي يعين مريم

واش رايحة ديري هذا العبد .................. ماعندي ما نقول عليه

ان شاء الله يخطيك

تبعي واش قالولك الاعضاء ..... طبعا في كلامهم نصح حتى ولم ينصحوا

واش رايحة ديري يا مريم هذي هي الدنيا

وما تخلعيش ربي يكون معاك

مريم الصابرة

2014-09-16, 18:08

ايييييييييييييييه مريومة كنت دايرتك متزوجة وام وذلك من خلال ردودك الواعبة
المتزنة ربي يرزقك بالزوج الصالح الدي تقر عينك به وما تقوليش ما نتزوجش حنونة
احسني ظنك بالله راه قادر على كلش كاين بزاف مرضى وتزوجوا
اي مرض يمتعك من الزواج زش عندك يعني ؟؟؟
كونس دائما متفائلة وربي فيه غير الخير

بالنسبة لموضوعك انا ثاني مريت بتجربة مماثلة تقريبااااا بصح انا كانت خطبة رسمية تقليدية
ومن بعد اكتشفت الكوارث الحمد لله مادرت لامعروف لا عقد بصح دارلي القلب والهبال خخخ
تجربة قاسية جدااااا ربي يعوضنا خيررر منها يارب

السلام عليكم اختي اهلا وسهلا نورني ردّك
بارك الله فيك وشكرا على الدعاء ربي يفرحك اختي الزواج بنظري مكتوب ما نساعلو ما نحوس عليه لما يكتب ربي يجيني لباب دارنا ولكن مش ذا النوع نتاع المهابل مارانيش مستغنيةعلى نفسي او لمجرد تاخرت فالزواج نرمي روحي رمية هذي لالا محال اما عن المرض والله هذا هو هدفي اعالج واشفى لا هدف آخر حاليا
بالنسبة للمخلوق هذا واش نقولك ربع ساعة فالتلفون ركبلي القلب ما نقدرش نتخيل روحي مخطوبة لقناة تتكلم دون توقف ونسيف هواء داخل خارج وعياط وكلام قليل ادب يا حسراه عليا أعرفي كان تزوجتو دعا عليا ملك روما :1::1:
شكرا ل تهنيتي يا بنتي كان يشبه لهذا ربي يعوض عليك
موفقة اختي

مريم الصابرة

2014-09-16, 18:09

ربي يعين مريم

واش رايحة ديري هذا العبد .................. ماعندي ما نقول عليه

ان شاء الله يخطيك

تبعي واش قالولك الاعضاء ..... طبعا في كلامهم نصح حتى ولم ينصحوا

واش رايحة ديري يا مريم هذي هي الدنيا

وما تخلعيش ربي يكون معاك
السلام عليكم اخي نورتني بوجوك في مشكلتي المضحكة
من المفروض راه خطاني اليوم ماكان والو اللّهم لو كان مازال يراقبني والله ما نعرف
اكيد نصائح الأعضاء على راسي وانا ديما نعمل بنصائحهم ربي يجازيهم
حاجة الخلع تخلعت لازم يرشوني بالحلبة مع صباح ربي :1::1: حتى ننسى الإنسان هذا منمتية يحكمني زهايمر ويمحي تاريح هذاك برك :mad::mad::mad::mad:
الله يهدي عبادو
شكرا لك اخي الكريم نورتني

كلنا راحلون

2014-09-16, 18:37

محجووووووووز

عبد الرؤوف24

2014-09-16, 20:25

السلام عليكم ورحمة الله وبركاته
فى راييى يستاهل الضرب
لاعندكم كاسرونة شابة من نوع طيفال تاع بكرى تكون ثقيلة مليح
اعطيه بضربة مليحة باش يرجع لعقلووو
المهم بكل صراحة لاحول ولاقوة الا بالله ربى يعطينا لعقل تسمع حكايت تستعجب

مريم الصابرة

2014-09-16, 20:33

السلام عليكم ورحمة الله وبركاته
فى راييى يستاهل الضرب
لاعندكم كاسرونة شابة من نوع طيفال تاع بكرى تكون ثقيلة مليح
اعطيه بضربة مليحة باش يرجع لعقلووو
المهم بكل صراحة لاحول ولاقوة الا بالله ربى يعطينا لعقل تسمع حكايت تستعجب
السلام عليكم اخي عبد الرؤوف اهلا وسهلا نورتني
والله يا اخي عندي مهراس المقلى يا دوب كيما قالو المصريين ديرلو مارة زرقا وانا جاباتو ينساني لازم ضربة صحيحة :1:
انا نديرها و الله ما نخاف من واحد يلحق لباب دارنا بوقاحتو هذيك نعطيه ديركت ولو يموت الله لا يرفد عليه
المشكل خويا عبد الرؤوف إستعجبت من امور فالدنيا مي هذا وقاحتو إستفزتني لو جيت متبرجة او نعرفو نقولو نستاهل المشكل انا لما نخرج للشارع ما نشوف في حتى شخص لما جا قدام دارنا ما عرفتوش جا بكل وقاحة يقول في كلام لا يتصوره مخلوق
الله يهدينا ويبعدو عليا بعد السما على الأرض كان عمرو راهي راحا تخلاص على يديا مرحبا :1:
شكرا لك

مريم الصابرة

2014-09-16, 20:33

محجووووووووز
السلام عليكم اخي ايمن
انتظر تدخلك الكريم
شكرا لك

كلنا راحلون

2014-09-16, 21:10

السلام عليكم اختي في بداية كان جايبها غاية الا سب في مايخص ادا جاب والديه وعجل زواج فعادي شرط لا تواصل لا زيارة وتعجيل وما دوخيش ادا قلت في منطقتنا احد الرجال احب فتاة كان يوميا ينادي اسمها في الليل بصوت عالي امام نافذتها ويسمعها اغاني مثل فرقة موسيقية ليظهر حبه لها مادوخيش

في ما يخص انك نزعتي فكرة زواج هاد غير مقبول ويبقى امل دائما ورزقك الله زوجا صالحا وشفاء عاجل

السلام عليكم

مريم الصابرة

2014-09-16, 21:19

السلاام عليكم
ماهذا مريومتي
حاولي ما تبقايش وحدك...في هاته الفترة
سمطيه...وسينقلع
باين عليه...حاب يلعب ...برك
ربي يفرج عليك صاحبتي

السلام عليكم اختي
والله اختي اثر لا اخف من أحد انا آخذ إحتياطاتي ولست خائفة ابدا
بلعب نلعب بيه البلاد ما تعرفيش اختك حريصة وما يقدرش يفوتها عليا
شكرا لك آمين ربي يخليك ويهنيك

مريم الصابرة

2014-09-16, 21:33

السلام عليكم اختي في بداية كان جايبها غاية الا سب في مايخص ادا جاب والديه وعجل زواج فعادي شرط لا تواصل لا زيارة وتعجيل وما دوخيش ادا قلت في منطقتنا احد الرجال احب فتاة كان يوميا ينادي اسمها في الليل بصوت عالي امام نافذتها ويسمعها اغاني مثل فرقة موسيقية ليظهر حبه لها مادوخيش

في ما يخص انك نزعتي فكرة زواج هاد غير مقبول ويبقى امل دائما ورزقك الله زوجا صالحا وشفاء عاجل

السلام عليكم

السلام عليكم اخي ايمن
راك تهدر من نيتك واش من جايبها نورمال وموسيقى ويغنيلي غنالو عزارئيل السيد مهبول وقليل تربية نندب عليه يروح لإعادة التربية يعاودو يفلاشوه
اما الزواج امر الله ومكتوب ومارانيش نستنى فيه
شكرا لك وبارك الله فيك

مُحمد رازي

2014-09-16, 22:14

أبشري مريم لقد تم القبض على ذلك المختل الذي يضايقك

http://www.bninsarcity.net/photo/art/default/4793047-7165736.jpg?v=1349693757

مريم الصابرة

2014-09-16, 22:18

أبشري مريم لقد تم القبض على ذلك المختل الذي يضايقك

http://www.bninsarcity.net/photo/art/default/4793047-7165736.jpg?v=1349693757
السلام عليكم
:1::1::1::1::1: ياخا واقيل هو إستنى نتخيلو بلا لحية:1::1::1: واقيل من ارومانسية هبل على جالي :1::1:ضحكتني ربي يجازيك ممكن هذا الإنسان ومحترم عليه غير مسكين مريض

غصن البآن

2014-09-17, 01:00

سلام الله عليكم

اخر اخبار مريومة..................صار تاثيرك يصيب البعض بالجنون...............لا الومه اكيد انت سبب هوسه..........

يا مريومتي في المنتدى و حنا كامل مولوعين بيك .تحيرتي على هاداك الراجل...............عادي ..........مجنون مريم..........رومانسية في المسلسلات التركية و ملحقولهاش

اكيد امزح..................هي تجربة مررت بها............و نحن نكتسب الخبرة من التجارب..............درك عرفتي نوع من الخطاب الله لا يبليك بزوج ميخافش ربي.............وعلى رايك هم يبكي و هم يضحك لمهم تبقاي دوما فرحانة و حاجة متقيس قلبك الزين...........

فيما يخص المجريات لا تعليق .... يستحق اكثر مما جرالو...............برك عندي علامة استفهام ........يا درا هاد الخاطب المغروم راح يقدر يبطل مايراقبكش..................اووووووووووووووو ....مريم درك تولي تتنقبي قبل ماتخرجي.......وممكن يفيق تعرفي كمرات المراقبة متعرفي وين يكونو.................

تستحقسن الخير ربي يرزقك بزوج صالح يحافظ على قلبك النقي و طيبتك...........

مريم اقترح ان تضعي موضوع عن...........""يوميات مريومة"" لانو كل مرة خرجة جديدة..........

ربي يوفقك و يحفظك مريم.....

مريم الصابرة

2014-09-17, 10:09

سلام الله عليكم

اخر اخبار مريومة..................صار تاثيرك يصيب البعض بالجنون...............لا الومه اكيد انت سبب هوسه..........

السلام عليكم أختي اوهاني
انا مريحة في دارنا يا أختي هذا بلاء جاني حتى لعندي

يا مريومتي في المنتدى و حنا كامل مولوعين بيك .تحيرتي على هاداك الراجل...............عادي ..........مجنون مريم..........رومانسية في المسلسلات التركية و ملحقولهاش

:1::1::1:ربي يحفظك رفعتيلي معنوياتي ربي يفرحك يا رب
شفت انا رحت للترك وهو يطبق المسلسلات:1:

اكيد امزح..................هي تجربة مررت بها............و نحن نكتسب الخبرة من التجارب..............درك عرفتي نوع من الخطاب الله لا يبليك بزوج ميخافش ربي.............وعلى رايك هم يبكي و هم يضحك لمهم تبقاي دوما فرحانة و حاجة متقيس قلبك الزين...........

كانت عندي تجربة مع الخطبة مرتين الاولى خطيبي ولكنه محترم رحمه الله الحمد لله رغم كانت هناك عقد شرعي ولكن لم يقلل من إحترامي يوما والآخر اخوه من خطبني ولم تدم الحكاية وقت مطول والحمد لله لم يتعدى اي منا حدوده لكن هذا بطل العالم فالوقاحة :mad::mad:

فيما يخص المجريات لا تعليق .... يستحق اكثر مما جرالو...............برك عندي علامة استفهام ........يا درا هاد الخاطب المغروم راح يقدر يبطل مايراقبكش..................اووووووووووووووو ....مريم درك تولي تتنقبي قبل ماتخرجي.......وممكن يفيق تعرفي كمرات المراقبة متعرفي وين يكونو.................

والله ما رانيش عارفة كان مازال يراقبني تخيلي قالي كامل تحركاتي وين كنت نروح وكيفاه كنت نتنقل خلعني يعرف ادق التفاصيل عليا
ناس مهابل فارغة شغل

تستحقسن الخير ربي يرزقك بزوج صالح يحافظ على قلبك النقي و طيبتك...........

آمين ربي يفرحك يا رب شكرا على الدعاء غاليتي

مريم اقترح ان تضعي موضوع عن...........""يوميات مريومة"" لانو كل مرة خرجة جديدة..........

لما لا راقتني الفكرة سأضع مسلسل:1:

ربي يوفقك و يحفظك مريم.....

شكرا لك اختي ربي يفرحك يا رب وينور أيامك
بارك الله فيك

اياد حياتي

2014-09-17, 11:18

وعلاش الزواج اخر اهتماماتك ان شاء ربي يشافيك ويرزقك بالزوج الصالح اكيد انك اخذتي عقله دا ضريبات وما زال قدام الدار

عبد الرؤوف24

2014-09-17, 12:03

السلام عليكم اخي عبد الرؤوف اهلا وسهلا نورتني
والله يا اخي عندي مهراس المقلى يا دوب كيما قالو المصريين ديرلو مارة زرقا وانا جاباتو ينساني لازم ضربة صحيحة :1:
انا نديرها و الله ما نخاف من واحد يلحق لباب دارنا بوقاحتو هذيك نعطيه ديركت ولو يموت الله لا يرفد عليه
المشكل خويا عبد الرؤوف إستعجبت من امور فالدنيا مي هذا وقاحتو إستفزتني لو جيت متبرجة او نعرفو نقولو نستاهل المشكل انا لما نخرج للشارع ما نشوف في حتى شخص لما جا قدام دارنا ما عرفتوش جا بكل وقاحة يقول في كلام لا يتصوره مخلوق
الله يهدينا ويبعدو عليا بعد السما على الأرض كان عمرو راهي راحا تخلاص على يديا مرحبا :1:
شكرا لك

حتى انا تانى استعجبت لو باغى لحلال قلتلو مانزوجش:confused:
لو باغى لحرام بنات الفاميليا باينين واكيد اقل حاجة شكلك المحترم يبينلووو:confused:
:confused::confused::confused::confused::confused:
مالقاش غيرمريم ناقصة غير همو

مريم الصابرة

2014-09-17, 12:28

وعلاش الزواج اخر اهتماماتك ان شاء ربي يشافيك ويرزقك بالزوج الصالح اكيد انك اخذتي عقله دا ضريبات وما زال قدام الدار
السلام عليكم اختي
لانو انا نخمم نشفى بحول الله وبعدها كان ربي كتب اهلا وسهلا وبارك الله فيك وربي يجازيك يا رب
واش من عقل عندو حتى نديه :1:
شكرا

مريم الصابرة

2014-09-17, 12:30

حتى انا تانى استعجبت لو باغى لحلال قلتلو مانزوجش:confused:
لو باغى لحرام بنات الفاميليا باينين واكيد اقل حاجة شكلك المحترم يبينلووو:confused:
:confused::confused::confused::confused::confused:
مالقاش غيرمريم ناقصة غير همو
السلام عليكم اخي
والله هنا لقيتني حايرة لو الحلال قتلو لالا لو الحرام بنات الشارع موجودات وساهل الوصول إليهم وشكلي خمار شرعي وحجاب فضفاض وحتى ما نديرش ماكياج ما ندير والو وفالطريق ما نشوف في حتى واحد منين جاتو الوقاحة ربي يديه
والله شفت خويا خصني غير همو ربي يهديه
ربي يخليك يا رب

جمعي البشاري

2014-09-17, 13:11

ربي يكون معاك ....افضل حل هو الاتصال بالشرطة
وربي يرزقك بالزوج الصالح
بالتوفيق لك

مريم الصابرة

2014-09-17, 14:12

ربي يكون معاك ....افضل حل هو الاتصال بالشرطة
وربي يرزقك بالزوج الصالح
بالتوفيق لك
السلام عليكم
شكرا كل اخي الكريم
اكيد لو عاد سوف أتصل بالشرطة هذا مؤكد
آمين يا رب ويرزقك الزوجة الصالحة
شكرا لك

loufa

2014-09-17, 14:18

الصراحة اضحكتني طريقتك في الحكي خصوصا مع الصور
لكن ربما سمع عنك الكثير وكل ما هو خير
اسال الله ان يشفيك

مريم الصابرة

2014-09-17, 17:20

الصراحة اضحكتني طريقتك في الحكي خصوصا مع الصور
لكن ربما سمع عنك الكثير وكل ما هو خير
اسال الله ان يشفيك
السلام عليكم اختي اهلا وسهلا
الحمد لله اخلاقي تحكي عني وافخر بنفسي وامي تفخر بي الحمد لله لم يرى مني جيراني ولا من حولي اي تصرف يسيئ لصمعتي
لكن هذا مجنون لا يوججد ما يشجعه ليكون وقح هذا هو مصنوع من هاته الطينة فلا دخل لي
شكرا لك

*تسنيم*

2014-09-17, 17:23

هدا الرجل يريد امراة لا يرها احد الا هو ملك له وحده لا يريدها تكلم صديقات ولا تخرج و لاتتنفس الى هو ويعطي الحق لنفسه ان يعاملها كزوجة قبل العقد وان تتزين له يلا وقاحته .اختي ربي يبعد بلادك على بلادو ومنضنش تقدر وحدة تحملو .نقدر نعرف حبيبتي مرضك؟ ورب يجعلك الشفاء.

مريم الصابرة

2014-09-17, 17:58

هدا الرجل يريد امراة لا يرها احد الا هو ملك له وحده لا يريدها تكلم صديقات ولا تخرج و لاتتنفس الى هو ويعطي الحق لنفسه ان يعاملها كزوجة قبل العقد وان تتزين له يلا وقاحته .اختي ربي يبعد بلادك على بلادو ومنضنش تقدر وحدة تحملو .نقدر نعرف حبيبتي مرضك؟ ورب يجعلك الشفاء.

السلام عليكم اختي اهلا وسهلا نورني وجودك
شفت هو دخلها كإمام وكملها كصعلوك فتاوى ولا دخلة ولا خرجة ولا كلام مع غريب ولا وليد عمك ولا وليد خالك وفالاخير يقولي واش تلبسي لما نجي داركم ولما نروحو نحوسو ماشي لازم تخبري يماك باللي رايحة معايا مختل عقليا الليخلعتن وقاحتو يعني لو كان حاب يحوس لبنات كاينين لو باغي الزواج البنات كاينين علاه جا ليا انا بالعقلية هذي الله يبعدو وينفيه عليا للمريخ قولي آمين
مرضي حكاية طويلة جدا المهم إن شاء الله نبرا دعواتك

Dinho

2014-09-17, 21:43

ههههههههههههههههههههههه

مريم يا مريم تعجبني روحك المرحة ودمك الخفيف سبحان الله

ولكن نصيحة

لا تخضعي له بالقول

تبتك الله وفرج عليك ورزقك زوجا صالحا

مريم الصابرة

2014-09-17, 21:57

ههههههههههههههههههههههه

مريم يا مريم تعجبني روحك المرحة ودمك الخفيف سبحان الله

ولكن نصيحة

لا تخضعي له بالقول

تبتك الله وفرج عليك ورزقك زوجا صالحا
السلام عليكم اخي دينهو اهلا وسهلا
بارك الله فيك والله الحكاية كلها تضحك يخفاف الدم بالذراع
واش من قول هدرت معاه مرة وحدثت المفاجعة قلت يكون محترم ويحشم حتى لقيتو اوقح مما توقعت انا ما نحضعش لا قول ولا فعل يا حسراه يجيب عشرة كيما هو وما يهزنيش كون هاني خويا ما تخافش على ختك قلبها حديد :1:
آمين شكرا لك وبارك الله فيك

فارغ شغل

2014-09-17, 22:42

والله يحيروني هذوا الكائنات
منقدرش نقول راجل لانك ماذكرته ينسف اي صفة من صفات الرجولة
لا كرامة لا نيف ولا عزة نفس نورلمون ردك الاول يكفي والسلام

ما انصحك بيه اذا مرحش هو الاتصال بالشرطة
مدام جا قدام الدار معناه معلبالو بحتى حدا ومزال لان ثم
قادر يكسر عليك الباب او يتربص بيك او بامك وانت خارجة

يعني سيناريو مفتوح يلحق بيك الضرر
ولله فى خلقه شؤون
ربي معاكم

مريم الصابرة

2014-09-17, 22:53

والله يحيروني هذوا الكائنات
منقدرش نقول راجل لانك ماذكرته ينسف اي صفة من صفات الرجولة
لا كرامة لا نيف ولا عزة نفس نورلمون ردك الاول يكفي والسلام

ما انصحك بيه اذا مرحش هو الاتصال بالشرطة
مدام جا قدام الدار معناه معلبالو بحتى حدا ومزال لان ثم
قادر يكسر عليك الباب او يتربص بيك او بامك وانت خارجة

يعني سيناريو مفتوح يلحق بيك الضرر
ولله فى خلقه شؤون
ربي معاكم
السلام عليكم اهلا وسهلا اخي نورت وجودي
والله يا اخي خلاني فقدت الثقة في الرجال حاشا البعض يعني في بالي هناك قليلون الإحترام ولكن مع التي تتبرج وتوصل نفسها او تغازل الرجال لكن الحمد لله اعرف نفسي وتربيتي واخلاقي انا حتى قليلة الخروج من البيت إلا للضروري وللعلاج يعني لست من الداخلات والخارجات لم اتصرف ما يعطيه الشجاعة ليتصرف بوقاحة الله يهديه
نعم هنا المشكل هو يعرف كل المعلومات عني واخاف يتربص بي في غياب امي لكن الحمد لله جيراني عرفو بالامر والكل ابدا نيته بالمساعدة وكلبو مني فقط فور رؤيته امام البيت المناداة عليهم وهنا راح يأخذ حقه
شكرا لك اخي وبارك الله فيك

ندى الصبح

2014-09-17, 23:02

السلام عليك م
والله ما لقيت ما نقول
الله يهديه ويبعدو عليك ويسترك ويفتح عليك ابواب الخير

عباس الجزائري

2014-09-18, 07:14

أختاه الخطأ خطؤك و الله أعلم , متى كانت الخطبة بالهاتف ثم العجب العجاب أين هو ولي الأمر , أليس من عرفنا و قيمنا الإسلامية أنه من أراد خطبة فتاة ما فعليه التقدم لولي أمرها أو يرسل أحد محارمه للتكلم مع الفتاة مبدئيا , أختاه أنا أسف إن كنت قاسيا في إجاباتي و أسأل الله العظيم رب العرش العظيم أن يشفيك و أن يرفع عنك البلاء و أن يمن عليك بزوج صالح يعينك في أمر دينك و دنياك و أن يحفظك بحفظه هو ولي ذلك و القادر عليه و السلام عليكم و رحمة الله و بركاته

عباس الجزائري

2014-09-18, 07:23

السلام عليكم اخي دينهو اهلا وسهلا
بارك الله فيك والله الحكاية كلها تضحك يخفاف الدم بالذراع
واش من قول هدرت معاه مرة وحدثت المفاجعة قلت يكون محترم ويحشم حتى لقيتو اوقح مما توقعت انا ما نحضعش لا قول ولا فعل يا حسراه يجيب عشرة كيما هو وما يهزنيش كون هاني خويا ما تخافش على ختك قلبها حديد :1:
آمين شكرا لك وبارك الله فيك

أختاه الطاهرة نحسبك والله حسيبك و لا نزكي على الله أحدا
إياك و الغرور و العجب بالنفس وتذكري دوما : " الحي لا تؤمن عليه الفتنة " و دائما إسألي الله أن يثبتك على الحق و الهدى وأن يصرف عنك الفواحش ما ظهر منها وما بطن

nilly

2014-09-18, 10:23

صباح الخير يا مريم كيف هي ايامك ان شاء الله مليحة

شوف يا مريم لا يمكننا ان نحكم على هدا رجل بحكم واحد

يمكن ان يكون هدا رجل شاد وخبيث بدرجة الاولى وهدا نسبته كبيرة فربما كي شفك ماعندكش بابك وماعندكش خوك عندك برك يامك وكي شاف بلي يمك تخدم وتبقاي وحدك فدار وكي شافك معندكمش راجل فدار وكي شافك تسافرين الى اسطنبول وحدك قال في باله بلي هادي طفلة معدهاش ليدافع عليها لا باباها لا خوها ويماها تخدم وهي تقعد وحدها وكي نخطبها غادي نزورها كل يوم ودليل هو قالك يشتاق لك وهو حاب يزورك كل يوم وهو علبالو بلي امك غايبة وهكدا باه يقعد معاك انتي وياه بركككككككك ولكي ات تتخيلي مادا سوف يحدث يا مريم بعد زيارته لو حكم:sdf::sdf:

وكي عاد شافك تسافرين لا سطنبول وحدك لايام راح يقول في باله بلي مراكيش مزيرة روحك ودارها في باله حاجة اخرى
راكي فاهمة قصدي . وهكدا ينال مايريده بعده يقولك باي باي وراح يقول في باله بلي اد غلط معك انتي ماتديري والو راح تخافي من الفضيحة وزيد معندكمش راجل فدار ليدافع عليك املا حقوقك اكلها دئاب ومريم تقعد تصفر...

ادا كان هدا هو مسعاه فهو شاد جنسيا لا يريد زوجة بل يريد جسد يمارس شدوده الدي ليس له حد حتى الحيوانات اشرف منه لانه اخد رغبات جنسيا كاقصى هدف في حياته يسعى الى تحقيق هدا الهدق بكل طرق فهو يؤمن بالمقوله التي تقول كل طرق تؤدي الى روماوكدلك هو اناني جدا فهو يريد ان يمتلكك ويفرض عليكي اوامره حتى يحس بانه رجل

لانه لا شيئ يحسسه برجولته سوى طاعة نساء لاوامره

اه يا مريم وانا اكتب تصورت ان كل الحويانات صالحة لزواج من كلاب دئاب اسود ..الا ان هدا فيجب قمعه

2-او يمكن ان يكون مختل عقليا او به خلل حتى لو كان بسيط ولهدا احبك قبل ان يعرف عنكي شيئا ويصر بطريقة جنونية عليكي وربما صح يريدك لزواج وليس لتسلية

لا يجب ان نظلمه وبالمناسبة الدين يقولن لكي لمادا كلمتيه في تلفون يكدبون عليكي

لو انتي يا مرم لستي مريضة وقبلتي ان يخطبك قبل ان تكمليه في تلفون وهو في هده الحالة فما سوف تكون ردة فعلك ....

بل الكلام مع من يود خطبتك ضروري لان زمننا مليئ بالخبائث وانتي لم تغلطي بل عملتي عين العقل والله نجاكي منه

بخصوص الاحت

nilly

2014-09-18, 10:46

أختاه الخطأ خطؤك و الله أعلم , متى كانت الخطبة بالهاتف ثم العجب العجاب أين هو ولي الأمر , أليس من عرفنا و قيمنا الإسلامية أنه من أراد خطبة فتاة ما فعليه التقدم لولي أمرها أو يرسل أحد محارمه للتكلم مع الفتاة مبدئيا , أختاه أنا أسف إن كنت قاسيا في إجاباتي و أسأل الله العظيم رب العرش العظيم أن يشفيك و أن يرفع عنك البلاء و أن يمن عليك بزوج صالح يعينك في أمر دينك و دنياك و أن يحفظك بحفظه هو ولي ذلك و القادر عليه و السلام عليكم و رحمة الله و بركاته

يعني انت في نظرك لو اراد احد ان يخطب واحدة بروح يخطبها مباشرة وهي تقبله مياشرة

فمادا لو كان مختل عقليا او مريض نفسي او خبيث جدا او لا يعاشر او غير قابل لنقاش

لا تقول انه عليها ان تسال لان ناس ترى البواطن فقط اما ظواهر فلا علم بالجيران بها سوف احكي لك قصة

شفتها في الاخبار واحد امام يؤدن ويعطي دروس في المسجد لحيته كبيرة وصلة لرجليه وهو لابس قميص ويقتدي برسول الله
وكل ناس يحبونه يعامل ناس معاملة اكثر من رائعة يساعد كل محتاج لو محتاج دعم مادي راح يساعد بكل ما يقدر محتاج دعم معنوي راح يساندك ويرفع معنوياتك يعمل الخير بدون انقطاع الكلا يحبه خـــــــــــــــــارج البيت

اما داخــــــــــــــــــــل البيت عنده ولد كبير ماعلبلو بحتى حاجة عنده 3 بنات واحدة متزوجة والاخرى عمرها في العشرينات وثالثة صغيرة وامهم ديما عند الجيران المهم هديك لعمرها عشرين سنة صارت حامل من من؟

من ابــــــــــــــــــــــــــــــــــــوها ولما صرات حامل بطنها بدا يكبر وشافها بابها وبعث زوجته تشتري له من صيدلية كل ادوات عملية الجراحية للعلم فهو قرا بزاف وبحث بزاف في الانترنت كيفية الاجهاض املا دارلها الاجهاض لابنته ويماها صار علبالها في اخر لحظة ولانها خافت من الفضيحة فوفقت على العملية راح يخجلها الجنين فنزفت كثيرا وماتت

وهنا بدات شرطة تبحث عن اصول الجريمة وولات اختها الكبيرة المتزوجة هي لعترفت لانها هي ثاني قبل زواج اجهض لها ولد .

وهكدا صارت القصة متداولة في كل القنوات هدا رجل للعلم داخل البيت لا يصوم لا يصلي انما خارج البيت يصلي ويكون انسان اخر

هدا رجل ليس خبيث بل هو مريض نفسي ويحتاج الى علاج والمرض نفسي ليس عيب كما يظنو الناس .

فمادا لو اي بنت سمعت نصيحتك وتزوجت قبل ان تكلم دلك شاب ووجدته مثل هدا الانسان ؟؟؟؟؟؟؟؟؟

فلا تنصحو ناس بنصائح تخرب حياتهم وبتالي راح يوكلوا عليكم ربي ودنوب على عاتقكم

ومكالمة البنت مع شاب الدي يود خطبتها ضروري جدا لان هدا زواج وليس لعب وليس ليجي لول

hanin h

2014-09-18, 11:17

هههههههههههههههههههههههه ضحكتيني و أنا عندي بزاف ماضحكتش، هدا الخاطب ما عجبنيش بصراحة و ما نيش مرتاحتلو هو بكل صراحة نذل،عسي ظهرك و ما تامنيش. ربي يشفيك و يهنيك امين يا رب العالمين.

مريم الصابرة

2014-09-18, 14:44

أختاه الطاهرة نحسبك والله حسيبك و لا نزكي على الله أحدا
إياك و الغرور و العجب بالنفس وتذكري دوما : " الحي لا تؤمن عليه الفتنة " و دائما إسألي الله أن يثبتك على الحق و الهدى وأن يصرف عنك الفواحش ما ظهر منها وما بطن
السلام عليكم
اولا شرفتني في موضوعي فردك لوحده شرف
ثانيا اخي إلى متى نزل نرمي اللوم على المرأة يعني حتى هنا انا ملامة لا تحدثني من باب ديانة ويجوز وما يجوز حدثني عن اخلاق رجل دخلها بالفتاوى وقال لا دخول ولا خروج وحجاب شرعي وغيرو وبعدها اراد امور لا تخطر على بال
الولي غائب الله غالب لكن انارافضاتو فلا داعي لأبعثه لولي او غيره ومن هنا وفي اول إتصال قال ما قال وهنا إنتهت المكالمة حتى رايته امام بيت منزلي يعني اخي ولو معك حق فإلى حد ما لكن عليك ان تراعي المسألة كيف وقعت هو توجه لامي لانها المسؤولة عني وامي قاتلو في حالة موافقتها هي هناك جدها واعمامها وزوج اختها نعرفو الأصول اخي لكن فور ما بلغتني قتلها انا رافضة وخفت يروح لعمي او جدي وقبل ما يتحرك انا إتصلت وبلغتو رفضي وهناك بدا يحكي الامور اللي خلعتني المهم انا مرانيش نادمة على تصرفي
لكن يكفي لم المرأة في كل امر إنت تركتك أخطائو وظهرتلك انا الغالطة
شكرا لك اخي وانا ابدا لا اعتبر ردك قاسي انت رجل والاكيد سوف تنظر للامر بمنظار انني المخطأة
شكرا لك

مريم الصابرة

2014-09-18, 14:54

صباح الخير يا مريم كيف هي ايامك ان شاء الله مليحة

السلام عليكم اختي الغالية اهلا وسهلا عودة ميمونة

شوف يا مريم لا يمكننا ان نحكم على هدا رجل بحكم واحد

يمكن ان يكون هدا رجل شاد وخبيث بدرجة الاولى وهدا نسبته كبيرة فربما كي شفك ماعندكش بابك وماعندكش خوك عندك برك يامك وكي شاف بلي يمك تخدم وتبقاي وحدك فدار وكي شافك معندكمش راجل فدار وكي شافك تسافرين الى اسطنبول وحدك قال في باله بلي هادي طفلة معدهاش ليدافع عليها لا باباها لا خوها ويماها تخدم وهي تقعد وحدها وكي نخطبها غادي نزورها كل يوم ودليل هو قالك يشتاق لك وهو حاب يزورك كل يوم وهو علبالو بلي امك غايبة وهكدا باه يقعد معاك انتي وياه بركككككككك ولكي ات تتخيلي مادا سوف يحدث يا مريم بعد زيارته لو حكم:sdf::sdf:

نعم هذا اكيد لانو يعرف كل صغيرة وكبيرة عني ولكن هذا بعيد على نيفو الف منو ما يجوزوهاليش مرانيش مراهقة وامي من وفاة والدي تخدم وانا وحدي ولا يوم هدرو علينا الجيران او شافو تصرف مني الله غالب الرجال في بيتي غائبون لكن انا وامي نساء بألف رجل الحمد لله
انا اصلا قتلو لو كتب ربي ما تجيش لدارنا بلا امك او اختك وفي المناسبات الواضحة غير هذا امي ترفض وانا لا اريد

وكي عاد شافك تسافرين لا سطنبول وحدك لايام راح يقول في باله بلي مراكيش مزيرة روحك ودارها في باله حاجة اخرى

لالا مش عارف بسفري لتركيا لانو برك مالقربون يعرفو
راكي فاهمة قصدي . وهكدا ينال مايريده بعده يقولك باي باي وراح يقول في باله بلي اد غلط معك انتي ماتديري والو راح تخافي من الفضيحة وزيد معندكمش راجل فدار ليدافع عليك املا حقوقك اكلها دئاب ومريم تقعد تصفر...

هو دار الحساب هذا لكن صدم باللي لقاه ووريتلو العين الحمرا ومازال المرة اللي فاتت راجل ختي ضربو المرا هذي ندخلو للحبس نلفقلو قضبة إعتداء ودخول لبيتنا وراح يخلصها غالية وهكذا نوع ما يغيضنيش

ادا كان هدا هو مسعاه فهو شاد جنسيا لا يريد زوجة بل يريد جسد يمارس شدوده الدي ليس له حد حتى الحيوانات اشرف منه لانه اخد رغبات جنسيا كاقصى هدف في حياته يسعى الى تحقيق هدا الهدق بكل طرق فهو يؤمن بالمقوله التي تقول كل طرق تؤدي الى روماوكدلك هو اناني جدا فهو يريد ان يمتلكك ويفرض عليكي اوامره حتى يحس بانه رجل

لانه لا شيئ يحسسه برجولته سوى طاعة نساء لاوامره

هذا حسابو وقالي انا المرا نقولها تموت تموت ولما نقولك راني جاب إلبسي الحاجة هذي تلبسيها مريض نفسي والله شاد ما غلطتيش خلعني وقاحة جاي يخطب مرا ما يعرفهاش وشافها بعينو محجبة حجاب شرعي وتجرأ هنا خلعني واش خلاه يقول الكلام هذا ممكن هنا بزاف راح راسهم لبعيد يقولك بلاك وحدها هي وامها وبلا سمعتهم كذا او كذا الحمد لله اللي باغي سقسي عليا راسي مرفوع لكن حنا شعب نخلو المرضى والشواذ كيما هذو ونحكمو على المرا كيما خونا قالك إنت غلطت ورجعت انا ملامة في وقت هو ما يسواش الله يديه

اه يا مريم وانا اكتب تصورت ان كل الحويانات صالحة لزواج من كلاب دئاب اسود ..الا ان هدا فيجب قمعه

2-او يمكن ان يكون مختل عقليا او به خلل حتى لو كان بسيط ولهدا احبك قبل ان يعرف عنكي شيئا ويصر بطريقة جنونية عليكي وربما صح يريدك لزواج وليس لتسلية

لا يجب ان نظلمه وبالمناسبة الدين يقولن لكي لمادا كلمتيه في تلفون يكدبون عليكي

لو انتي يا مرم لستي مريضة وقبلتي ان يخطبك قبل ان تكمليه في تلفون وهو في هده الحالة فما سوف تكون ردة فعلك ....

بل الكلام مع من يود خطبتك ضروري لان زمننا مليئ بالخبائث وانتي لم تغلطي بل عملتي عين العقل والله نجاكي منه

بخصوص الاحت

إنت الوحيدة اللي فهميتين انا هدرت معاه حتى يسمع مني اني مريضة واني رافضة الزواج لهذا السبب ولما بداها إنو مستعد يتزوجني ويوقف معايا قلت يا مريم هذا آخر صبرك ربي اكيد عوضك لكن تفاجأت بكلامو الوقح
بارك الله فيك وشكرا ردك رفعلي معنوياتي الله يحفظك

مريم الصابرة

2014-09-18, 14:56

هههههههههههههههههههههههه ضحكتيني و أنا عندي بزاف ماضحكتش، هدا الخاطب ما عجبنيش بصراحة و ما نيش مرتاحتلو هو بكل صراحة نذل،عسي ظهرك و ما تامنيش. ربي يشفيك و يهنيك امين يا رب العالمين.
السلام عليكم أختي
اهلا وسهلا الحمد لله موضوعي ضحكك
واش يعجبك فيه وقاحة وقلة ادب وناقص رجولة بغى يعوضها عندي
ما تخافيش على ختك تعرف صوالحها الف منو ما يكلخوليش
بارك الله فيك اللّهم آمين

سر التقى

2014-09-18, 17:02

السلام عليكم أخانا الكريم
نعم امي صارحاتو حنا ماراناش ناس خداعين او غشاشين ومن ثم انا مريضة مرض عضوي وليس جنون واش من حب جنون إنت ثاني انا الراجل ما نعرفو ما يعرفني وهكذا اشكال نفضل ننتحر ولا ندي منهم بعيد الشر
شكرا لك

اختي مريم راني اخت ماشي اخ ههههه

*نـــور*

2014-09-18, 17:29

من موضوعك عرفت انك مريضة
ربي يشافيك و يعافيك
و اما عن الخاطب فجوهرة مثلك لا تستحق الا من يقدرها
و يصونها..رجل يكون لها الاب و الاخ قبل الحبيب و الزوج
ادعو الله ان يرزقك زوج صالح يخاف الله فيك

طريقة طرحك للموضوع اكثر من رائعة .

مريم الصابرة

2014-09-18, 17:38

اختي مريم راني اخت ماشي اخ ههههه
السلام عليكم أختي
آسفة لم نعد نفرق بين الذكر والأنثى
شكرا لك

first first

2014-09-18, 18:03

اختي مريومة..................................قصة الخاطب غريبة........في الدنيا هادي عيش تشوف.
الحمد لله جا عندك لعقل وقدرتي تميزي......................كاين غير يقولوها خطبة وزواج عقلها يحبس.
ربي يحفضك من كل سوء...................وربي يشفيك.........وان شاء الله تكتبينلنا موضوع على خاطب من الطراز الرفيع في يوم ما..تخلصلك اهدرة ومايخلصوش مميزاتو........قلي امين.
ربي يفرحك اختي الفاضلة.

مريم الصابرة

2014-09-18, 18:25

من موضوعك عرفت انك مريضة
ربي يشافيك و يعافيك
و اما عن الخاطب فجوهرة مثلك لا تستحق الا من يقدرها
و يصونها..رجل يكون لها الاب و الاخ قبل الحبيب و الزوج
ادعو الله ان يرزقك زوج صالح يخاف الله فيك

طريقة طرحك للموضوع اكثر من رائعة .

السلام عليكم اختي الكريمة
ربي يفرحك يا رب كلام يرفع المعنويات بوركت وربي يجازيك بكل خير
ربي يهديه وربي يعوض ويشفيني
شكرا لك اختي الكريمة
طريقة الطرح جاءت حتى اثبت ان الدنيا لن تنتهي بالزواج او عدمه رفض الخاطب او هو تركه للخطيبة لا يعني نهاية الدنيا على العكس
شكرا لك

مريم الصابرة

2014-09-18, 18:27

اختي مريومة..................................قصة الخاطب غريبة........في الدنيا هادي عيش تشوف.
الحمد لله جا عندك لعقل وقدرتي تميزي......................كاين غير يقولوها خطبة وزواج عقلها يحبس.
ربي يحفضك من كل سوء...................وربي يشفيك.........وان شاء الله تكتبينلنا موضوع على خاطب من الطراز الرفيع في يوم ما..تخلصلك اهدرة ومايخلصوش مميزاتو........قلي امين.
ربي يفرحك اختي الفاضلة.
السلام عليكم اختي الكريمة شكرا لانك نورتني بوجودك
والله فعلا عيش تشوف رجع عالم غريب ووقاحة اكثر منها ماكانش
لا الحمد لله نقدر نميز وما يقدرش يكلخلي وتصرفت من نفسي فامي قاتلي الحق ليك ترفضب او تقبلي وقبل ما نخبرها واش قالي كنت تصرفت وعلى هذا امي عندها ثقة كبيرة بي نسافر وحدي ونقدر نتحمل مسؤوليتي ما تخافش عليا عارفتني نسلك راسي الحمد لله
اما الراجل هذا او شبه راجل إنسان مريض نفسيا
إن شاء الله يا رب لو جا الخاطب المليح راح تكونو اول من يعرف
شكرا لك وربي يفرحك

عباس الجزائري

2014-09-18, 21:42

السلام عليكم
اولا شرفتني في موضوعي فردك لوحده شرف
ثانيا اخي إلى متى نزل نرمي اللوم على المرأة يعني حتى هنا انا ملامة لا تحدثني من باب ديانة ويجوز وما يجوز حدثني عن اخلاق رجل دخلها بالفتاوى وقال لا دخول ولا خروج وحجاب شرعي وغيرو وبعدها اراد امور لا تخطر على بال
الولي غائب الله غالب لكن انارافضاتو فلا داعي لأبعثه لولي او غيره ومن هنا وفي اول إتصال قال ما قال وهنا إنتهت المكالمة حتى رايته امام بيت منزلي يعني اخي ولو معك حق فإلى حد ما لكن عليك ان تراعي المسألة كيف وقعت هو توجه لامي لانها المسؤولة عني وامي قاتلو في حالة موافقتها هي هناك جدها واعمامها وزوج اختها نعرفو الأصول اخي لكن فور ما بلغتني قتلها انا رافضة وخفت يروح لعمي او جدي وقبل ما يتحرك انا إتصلت وبلغتو رفضي وهناك بدا يحكي الامور اللي خلعتني المهم انا مرانيش نادمة على تصرفي
لكن يكفي لم المرأة في كل امر إنت تركتك أخطائو وظهرتلك انا الغالطة
شكرا لك اخي وانا ابدا لا اعتبر ردك قاسي انت رجل والاكيد سوف تنظر للامر بمنظار انني المخطأة
شكرا لك

السلام عليكم و رحمة الله وبركاته

أختاه أنا أعتذر عما بدر مني , و يشهد الله أني أحترم المرأة الطاهرة بل و أضعها فوق رأسي , و يعلم الله أني لست من الرجال الذين يرون أن المرأة دائما هي المخطئة أو أنها سبب الأخطاء في كل حين , و سأصارحك و إن كنت من قبل لا أقوى على ذكر مثل هذه الأمور : نضرب مثالا على الأقل " عندما كنت أدرس في الثانوية قالت لي إحدى الفتيات : أنت دائما تتعامل مع المشاكل و كأنه لم يحدث شيء ,,,,,,,,,,,, و كلام من هذا القبيل "
يا أختاه إن أردت أن تعرفي من هو الرجل و من هو في هيئة الرجال و هو في الأصل بعيد عنهم : فهذا الأمر صعب جدا , و أنا أتقبل رأيك في شخصي حين قلت :"انت رجل والاكيد سوف تنظر للامر بمنظار انني المخطأة " , و هذا شيء طبيعي ذلك أنه ربما لم تري فيما مضى من عمرك رجل إسمه على مسمى , و أنا أرد عليك وأقول :" أسأل الله أن يرزقك زوجا صالحا "
و الله كلام طويـــــــــــــــــــــــــــــــــــــــــــــــ ـــل جدا , و أذكرك :" لا تحكمي على الأشخاص من الوهلة الأولى هذا في معظم الأحيان على أرض الواقع فكيف بمن لا نعرفهم و لم نلتق بهم سوى أننا قرأنا منهم ردا واحدا و لم نراع حالتهم في تلك اللحظة و الله أعلم " و تذكري :" الشيطان من الواحد أقرب و من الإثنين أبعد ,,,,,,,,,,, تفهمين قصدي "
و في الأخير : إن أصبت فمن الله و إن أخطأت فمن نفسي و من الشيطان
و السلام عليكم و رحمة الله و بركاته

عمار بن عمار

2014-09-18, 21:52

عندك حل واحد : لابوليس مع زوج كفوف ميزيدش يعاود يرجع ويعرفو الجيران بلي راكي محقورة على بيها كبرتيها معاه .
كما هاك انتي امام الجيران موضوع الساعة مع العاشق الولهان و يقولو بلي راكي مطمعتيه بالزواج وراضية بحالتكم هذي.
او الحل السلمي ماماك تروح لاهلو وتبهدلهم قدام جيرانهم و تقهم شدو علينا عريسكم راه حاب يدخل بالعروسة قبل العرس.
.................................................. .................................................. ................................عمار.

سجود نور الايمان

2014-09-18, 21:56

السلام عليكم
اختي اضحكتني القصة و اريد ان ادعو لك يالشفاء يا اختي ربي يشفيك و يرزقك زوج صالح

الجواهر

2014-09-18, 22:14

السلام عليكم
الانسان لا يختار المرض و لكن يستطيع اختيار الدرب الذي يسير عليه ، انت اخترت ان تسيري وحدك و هذا اكبر خطا ترتكبينه في حق نفسك
تذكري ان الله سبحانه و تعالى قال " و خلق منها زوجها " لهذا فانت قد خلقت لتكوني من نصيب رجل فلا تعيشي في قوقعة المرض
ستجدين من يتفهم وضعك و مرضك بل سيكون بحاجة لك من حيث لا تدرين و الله يرزق من حيث لا نحتسب
اما عن هذا الخاطب فنحن لا نعلم نيته الحقيقية و لا يسعنا الا ان نقول بالعامية
لكان فيه الخير ربي يقدمو و لكان فيه الشر ربي يبعدو

مريم الصابرة

2014-09-18, 23:35

السلام عليكم و رحمة الله وبركاته

أختاه أنا أعتذر عما بدر مني , و يشهد الله أني أحترم المرأة الطاهرة بل و أضعها فوق رأسي , و يعلم الله أني لست من الرجال الذين يرون أن المرأة دائما هي المخطئة أو أنها سبب الأخطاء في كل حين , و سأصارحك و إن كنت من قبل لا أقوى على ذكر مثل هذه الأمور : نضرب مثالا على الأقل " عندما كنت أدرس في الثانوية قالت لي إحدى الفتيات : أنت دائما تتعامل مع المشاكل و كأنه لم يحدث شيء ,,,,,,,,,,,, و كلام من هذا القبيل "
يا أختاه إن أردت أن تعرفي من هو الرجل و من هو في هيئة الرجال و هو في الأصل بعيد عنهم : فهذا الأمر صعب جدا , و أنا أتقبل رأيك في شخصي حين قلت :"انت رجل والاكيد سوف تنظر للامر بمنظار انني المخطأة " , و هذا شيء طبيعي ذلك أنه ربما لم تري فيما مضى من عمرك رجل إسمه على مسمى , و أنا أرد عليك وأقول :" أسأل الله أن يرزقك زوجا صالحا "
و الله كلام طويـــــــــــــــــــــــــــــــــــــــــــــــ ـــل جدا , و أذكرك :" لا تحكمي على الأشخاص من الوهلة الأولى هذا في معظم الأحيان على أرض الواقع فكيف بمن لا نعرفهم و لم نلتق بهم سوى أننا قرأنا منهم ردا واحدا و لم نراع حالتهم في تلك اللحظة و الله أعلم " و تذكري :" الشيطان من الواحد أقرب و من الإثنين أبعد ,,,,,,,,,,, تفهمين قصدي "
و في الأخير : إن أصبت فمن الله و إن أخطأت فمن نفسي و من الشيطان
و السلام عليكم و رحمة الله و بركاته
السلام عليكم اخي الفاضل
اولا انا والله تقبلت رأيك عادي من باب أنك محق لحد ما ومن باب إنو انا نعرف روحي مليح ونعرف اخلاقي والناس كلها مهما درنا حكمو علينا بالظاهر انا ما اريد ان تفهم الموقف لو أنت تتقدم لخطبة فتاة وتسال عنها وتتبع اخبارها وتعرف إنو الطفلة خاطيها الأمور هذي كان الاجدر هو يتجه لرجل من العائلة لي اخوال واعمام وزوج اخت كان يتجه ليهم لكن لما توجه لامي فلنا معليش لانو عرف امي هي ربة البيت اكيد نيتو هكذا ومن باب حنا ناس صرحاء حبيتو يعرف اني مريضة وناسية موضوع الزواج ماراناش خداعين نخليه يوصل لباب دارنا ونقولو لالا من الاحسن يسمعها مني ولما حاول يقنعني بالقبول بانلي إنسان مثقف ومتربي فجأة تحول كلامو خلال الشروط لامور غير عادية فلما انا الملامة وكلامي معو كان كلو إحترام في إحترام وحتى اني قتلو لو نوافق شرطي أنك تصلي وإنسان متدين لكن ظهرلي العكس وبدا يغير فالموضوع واللي كان إمام قبل لحظات تحول إلى ذئب وحتى قالي انا عقليتي اوفير تحبي حتى الحجاب نحيه بعدما كان يقولي حجاب شرعي هناك عرفتو ما يسواش بصلة
المهم اخي شكرا على نصيحتك ولم يغضبني ردك انا احاول ان تجعلك تفهم الموقف شرعا معك حقا ولكن الله يعلم بالظروف وبامور تحدث وانا إن اخطأت فأدعو الله ان يغفر لي
شكرا لك

مريم الصابرة

2014-09-18, 23:38

عندك حل واحد : لابوليس مع زوج كفوف ميزيدش يعاود يرجع ويعرفو الجيران بلي راكي محقورة على بيها كبرتيها معاه .
كما هاك انتي امام الجيران موضوع الساعة مع العاشق الولهان و يقولو بلي راكي مطمعتيه بالزواج وراضية بحالتكم هذي.
او الحل السلمي ماماك تروح لاهلو وتبهدلهم قدام جيرانهم و تقهم شدو علينا عريسكم راه حاب يدخل بالعروسة قبل العرس.
.................................................. .................................................. ................................عمار.
السلام عليكم أخي
اشكر دخولك موضوعي
واش من جيران اللي انا امامهم حديث الساعة لا الحمد لله جيراني يعرفوني ويعرفو اخلاقي راني ساكنة معاهم من وانا طفلة ويعرفو عليا كل شي يعني وحتى لما جا قدام باب دارنا لحظات حاوزتو ودخلت وناديت زوج اختي يعني ماشافني حتى واحد واقفة معاه الحمد لله وواش من عاشق ولهان يا خويا عمار هذا مريض ولهان محموم الاعصاب رايحتلو
اما نوصلو لابوليس اكيد لو يوقف في طريقي او يزعجني اكيد نديرلو قضية وما تكفينيش زوج كفوف نوصلو للمحكمة عادي
وامي ما تروح لا لدارهم ما نقيموهم اهلو لو فالاول رباو وليدهم يجي عند دارنا يخلصها وخلاص
شكرا لك

مريم الصابرة

2014-09-18, 23:40

السلام عليكم
اختي اضحكتني القصة و اريد ان ادعو لك يالشفاء يا اختي ربي يشفيك و يرزقك زوج صالح
السلام عليكم أختي
وانا حطيتها حتى تضحكو لانو فعلا هم يبكي وهم يضحك ناس مرضى مختلين عقليا
آمين الله يحفظك اختي شكرا

مريم الصابرة

2014-09-18, 23:44

السلام عليكم
الانسان لا يختار المرض و لكن يستطيع اختيار الدرب الذي يسير عليه ، انت اخترت ان تسيري وحدك و هذا اكبر خطا ترتكبينه في حق نفسك
تذكري ان الله سبحانه و تعالى قال " و خلق منها زوجها " لهذا فانت قد خلقت لتكوني من نصيب رجل فلا تعيشي في قوقعة المرض
ستجدين من يتفهم وضعك و مرضك بل سيكون بحاجة لك من حيث لا تدرين و الله يرزق من حيث لا نحتسب
اما عن هذا الخاطب فنحن لا نعلم نيته الحقيقية و لا يسعنا الا ان نقول بالعامية
لكان فيه الخير ربي يقدمو و لكان فيه الشر ربي يبعدو
السلام عليكم اختي جواهر
الحقيقة تقال ولا تغطى بالغربال يا اختي اي رجل يقل بفتاة مريضة مهما كان قلبها طيب او بنت اصل او غيرو ما نكذبوش على روحنا للأسف شبابنا يهمه المظهر وصحة البدن وهذا واقع وانا لا ابالي بموضوع الزواج حاليا صحتي اهم من كل شي لن اضطر لاحكي قصتي لكل خاطب ويذهب دون عودة او اصاب بإحباط او اعطي نفس امل انني يوما ما ساكون ربة بيت او ام لا لا احب الامل واحطمه بعد ذلك
الحمد لله على كل شي اما الإنسان هذا تقوليلي الله اعلم بالنوايا هو بين نيتو كلها وخرج بيها ديركت والواضح كان يريد بيت فيه الحرية يدخل ويخرج متى يريد تحت إسم خطيب عندبالو قهوة موح شرب وروح يشرب السم اللي يسمو مي راني مديتلو درس وقرصة وذن كيما قالو المصاروة لما يرجع يعرف قرصة العقرب كي دايرة
شكرا لك

بسمة اكرام

2014-09-18, 23:57

اواااااااااااااااااااه هذا وقيلة هرب من سبيطار لمهابل
ولكن ضحكت ضحك الله لا يسلطو على مومن
ربي يشافيك حنونتي ويلاقيك بالراجل الي يسعدك وهنيك
ايااااااااااااااااااااا اسكتي بلاك الكاميرا الخفية هاااو ماتعرفي كل شيء ممكن
ان شاء الله في رمضان الحاي نستناك

مريم الصابرة

2014-09-19, 00:18

اواااااااااااااااااااه هذا وقيلة هرب من سبيطار لمهابل
ولكن ضحكت ضحك الله لا يسلطو على مومن
ربي يشافيك حنونتي ويلاقيك بالراجل الي يسعدك وهنيك
ايااااااااااااااااااااا اسكتي بلاك الكاميرا الخفية هاااو ماتعرفي كل شيء ممكن
ان شاء الله في رمضان الحاي نستناك
السلام عليكم اختي بسمة اهلا وسهلا
يا ريتو هرب من السبيطار وكان من المفروض يروح ليماه ديركت واش جابو عندي ناس مختلة لضرك مقلقة من إستفزازو ليا تمنيت لو كفيتو كف ندمت عليها او درتلو حاجة يشفى عليها كل عمرو انا كل افلام الاكسيو حافظتها والله نطبق عليه طريقة وحدة برك :1::1: دايم الله في خلقو واش ديري شعب مهبول الله يشافيه
آمين اختي نبرا برك ما نحوس على راجل لا يسعدني ولا يهنيني راهم يغمو فالقلب يديرو كل الأامراض خليني مريضة في دارنا وحدي بزاف عليا نزيد مض آخر راني مرتاحة هاك
هذي ماشي كاميرا مخفية هو جن مخفي إلاهي كيما قالو السوريين يخطفو عزرائيل عن بدري :1::1::1: قولي آمين
شكرا لك

عباس الجزائري

2014-09-19, 00:32

السلام عليكم اخي الفاضل
اولا انا والله تقبلت رأيك عادي من باب أنك محق لحد ما ومن باب إنو انا نعرف روحي مليح ونعرف اخلاقي والناس كلها مهما درنا حكمو علينا بالظاهر انا ما اريد ان تفهم الموقف لو أنت تتقدم لخطبة فتاة وتسال عنها وتتبع اخبارها وتعرف إنو الطفلة خاطيها الأمور هذي كان الاجدر هو يتجه لرجل من العائلة لي اخوال واعمام وزوج اخت كان يتجه ليهم لكن لما توجه لامي فلنا معليش لانو عرف امي هي ربة البيت اكيد نيتو هكذا ومن باب حنا ناس صرحاء حبيتو يعرف اني مريضة وناسية موضوع الزواج ماراناش خداعين نخليه يوصل لباب دارنا ونقولو لالا من الاحسن يسمعها مني ولما حاول يقنعني بالقبول بانلي إنسان مثقف ومتربي فجأة تحول كلامو خلال الشروط لامور غير عادية فلما انا الملامة وكلامي معو كان كلو إحترام في إحترام وحتى اني قتلو لو نوافق شرطي أنك تصلي وإنسان متدين لكن ظهرلي العكس وبدا يغير فالموضوع واللي كان إمام قبل لحظات تحول إلى ذئب وحتى قالي انا عقليتي اوفير تحبي حتى الحجاب نحيه بعدما كان يقولي حجاب شرعي هناك عرفتو ما يسواش بصلة
المهم اخي شكرا على نصيحتك ولم يغضبني ردك انا احاول ان تجعلك تفهم الموقف شرعا معك حقا ولكن الله يعلم بالظروف وبامور تحدث وانا إن اخطأت فأدعو الله ان يغفر لي
شكرا لك

أختاه علابالي كثرت عليك بزااااااااااااااااااااااااااااااااااااااااااف , خلاصة رأيي : " من حق الفتاة أن ترفض الزواج و أن ترفض الشخص الذي لا يعجبها فهذه مسيرة حياتها ,
والله يا أخيتي لم أجد ما أكتب فكل الأفكار طارت , والله شرف كبير لي أن شاركت في موضوعكم خااصة أن صاحبة الموضوع دائما كانت تبدع في ردودها الكافية الوافية , عندما تعود الأفكار إلى العش لي عودة إن شاء الله ,,,,,,,,,,,,,,,,,,,,,,,,,,,, نحسبك و الله حسيبك و لا نزكي على الله أحدا
لي سؤال لك و أنا والله خائف أن أكون تدخلت فيما لا يعنيني ,,,,, ولك الحرية في الإجابة و أنا أسف
" ما هو المرض الذي تعانين منه , نسأل الله لنا و لك العافية و الشفاء العاجل "

http://www.saaid.net/rasael/268.htm
http://www.muslmah.net/t26904/

مريم الصابرة

2014-09-19, 00:41

أختاه علابالي كثرت عليك بزااااااااااااااااااااااااااااااااااااااااااف , خلاصة رأيي : " من حق الفتاة أن ترفض الزواج و أن ترفض الشخص الذي لا يعجبها فهذه مسيرة حياتها ,
والله يا أخيتي لم أجد ما أكتب فكل الأفكار طارت , والله شرف كبير لي أن شاركت في موضوعكم خااصة أن صاحبة الموضوع دائما كانت تبدع في ردودها الكافية الوافية , عندما تعود الأفكار إلى العش لي عودة إن شاء الله ,,,,,,,,,,,,,,,,,,,,,,,,,,,, نحسبك و الله حسيبك و لا نزكي على الله أحدا
لي سؤال لك و أنا والله خائف أن أكون تدخلت فيما لا يعنيني ,,,,, ولك الحرية في الإجابة و أنا أسف
" ما هو المرض الذي تعانين منه , نسأل الله لنا و لك العافية و الشفاء العاجل "
السلام عليكم أخي الفاضل
انا فهمتك وانت فهمت ردي الحمد لله لا مشكل
لما تعود أفكارك انا موجودة للنقاش نقطة بنقطة
بارك الله فيك على رأيك الكريم وشكرا لك
ساجيبك لا مشكل
انا مصابة بتعفن العظام على مستوى الرجل الايسر وهنا فالجزائر طلبو مني بترها وتنقل المرض لظهري وليدي والآن انا ساعالج في في تركيا وقد بدأت العلاج وبحول الله هناك امل دعواتكم لي
شكرا لك

عباس الجزائري

2014-09-19, 01:00

السلام عليكم أخي الفاضل
انا فهمتك وانت فهمت ردي الحمد لله لا مشكل
لما تعود أفكارك انا موجودة للنقاش نقطة بنقطة
بارك الله فيك على رأيك الكريم وشكرا لك
ساجيبك لا مشكل
انا مصابة بتعفن العظام على مستوى الرجل الايسر وهنا فالجزائر طلبو مني بترها وتنقل المرض لظهري وليدي والآن انا ساعالج في في تركيا وقد بدأت العلاج وبحول الله هناك امل دعواتكم لي
شكرا لك

أختاه و الله أنا جد أسف
أسأل الله العظيم رب العرش العظيم أن يشفيك . اللهم أنت الشافي إشف أختنا مريم شفاءا لا يغادر سقما , اللهم أنعم عليها بالصحة و العافية و ألبسها المعافاة في دينها و بدنها اللهم إنها أمتك الطائعة فأنعم عليها بنعمة الصحة و العافية يا رب لا تحرمها البركة في صحتها يا مجيب الدعوات لا إله إلا أنت سبحانك إنا كنا ظالمين
و الله لو كان بمقدوري فعل شيء لك فأنا هنا ,,,,,,,,,,,,,,,
بالمناسبة أنا طالب طب إن شاء الله هذه السنة الأولى بإذن الله و أمنيتي أن أنفع الناس و أن أرسم الإبتسامة في وجوه المرضى
أختاه كان الله في عونك صراااااااااااااحة المتني مشكلتك كثيـــــــــــــــــــــــــــــــــــــــــرا " قدر الله و ماشاء فعل "

karim vovinam

2014-09-19, 03:19

السلام عليكم
أختي ربي يصبرك نشاء الله ويكون معاك أختي صراحتن مدحكتش الله غالب
المهم أختي لكي الإختيار و لكن حبيبنا مرقهااا بزاااافففف ههههههه
بلعقل نشألله تفرا و يدجيك عريسس فورر تاتهني و تنساي كاملل الناس
ههههه مشكيتش نهبالك برك ربي يهدينا إن الله مع الصابرين
و السلام هليكم أختي أسمحيلي هكا

مُحمد رازي

2014-09-19, 09:57

السلام عليكم
أختي الفاضلة مريم عدت فقط لأقول لك كلمة

فعلا أختي إتك لتساوين 10 رجال
فما ابتلاك الله بهذا المرض إلا لأنه يحبك
و ما رزقك الصبر و التفاؤل إلا لأنه يحبك أكثر
فما شاء الله الذي يتكلم معك لا يحس أبدا أنك مريضة
بل أنت دوما مبتهجة و مسرورة و متفائلة
في المقابل قد تجد البعض مبتلى بمرض بسيط دوما متضجر و قانط
و اعلمي أن الله قد جعل لك درجة في الجنة لن تبلغيها إلا بهذا المرض
فأحسني الظن بالله
أسأل الله أن يشفيك و يرزقك الجنة

مريم الصابرة

2014-09-19, 12:34

أختاه و الله أنا جد أسف
أسأل الله العظيم رب العرش العظيم أن يشفيك . اللهم أنت الشافي إشف أختنا مريم شفاءا لا يغادر سقما , اللهم أنعم عليها بالصحة و العافية و ألبسها المعافاة في دينها و بدنها اللهم إنها أمتك الطائعة فأنعم عليها بنعمة الصحة و العافية يا رب لا تحرمها البركة في صحتها يا مجيب الدعوات لا إله إلا أنت سبحانك إنا كنا ظالمين
و الله لو كان بمقدوري فعل شيء لك فأنا هنا ,,,,,,,,,,,,,,,
بالمناسبة أنا طالب طب إن شاء الله هذه السنة الأولى بإذن الله و أمنيتي أن أنفع الناس و أن أرسم الإبتسامة في وجوه المرضى
أختاه كان الله في عونك صراااااااااااااحة المتني مشكلتك كثيـــــــــــــــــــــــــــــــــــــــــرا " قدر الله و ماشاء فعل "
السلام عليكم اخي الكريم
اسال الله في هذا اليوم المبارك ان يسعدك ويحقق امانيك وان يبلغك مبلغ رضاه يا رب ورضى الوالدان وان يرزقك الصحة لانها تاج
اشكرك على كل كلامك الطيّب ووفقك الله في دراستك وانا انصحك بما انك سوف تكون طبيب وهي عمل إنساني كبير ان تتعلم معاملة المرضى فو الله الذي ألمني بكثرة في فترة علاجي المعاملة السيئة ولي لي فقط هناك اطباء لا يعرفون معنى الإنسانية فلا تحمل وزر الناس وان يدعو عليك فور خروجهم من معاينة
هذا ما انصحك به اخي الكريم ووفقك الله
شكرا لك وكلامك هذا هو بحذ ذاته اكبر مساعدة لي اشكرك جزيل الشكر

مريم الصابرة

2014-09-19, 12:37

السلام عليكم
أختي ربي يصبرك نشاء الله ويكون معاك أختي صراحتن مدحكتش الله غالب
المهم أختي لكي الإختيار و لكن حبيبنا مرقهااا بزاااافففف ههههههه
بلعقل نشألله تفرا و يدجيك عريسس فورر تاتهني و تنساي كاملل الناس
ههههه مشكيتش نهبالك برك ربي يهدينا إن الله مع الصابرين
و السلام هليكم أختي أسمحيلي هكا
اهلا وسهلا اخي كريم عودة ميمونة اتمنى ان تكون امورك بخير
وادعو الله لك في هذا اليوم بتمام الصحة والعافية ودوام السعادة والهناء وان يرزقك من أبوابه الواسعة يا رب
مش قضية إختيار اخي كريم شخص قليل الإحترام الرجل الذي يطلب مني ان انزع حجابي لا اريده ولو اعطاني ذهب والماس وهذا مختل عقليا قليل الادب في الكلام معاملة المرأة بالنسبة له كالعبيد لما قال المرا نقولها موتي تموت علاه عليا الموت بيد الله مش بيدو
الله يهديه والمهم الواضح راه بعّد عليا والحمد لله
راك مسامح اخي دنيا وآخرة ربي يخليك واتمنى عودتك القريبة للنشاط معنا كما كنت شكرا لك

مريم الصابرة

2014-09-19, 12:42

السلام عليكم
أختي الفاضلة مريم عدت فقط لأقول لك كلمة

السلام عليكم اخي الفاضل جمعة مباركة يا رب واسال الله ان يسعدك في الدارين وان يرزقك من ابوابه الواسعة وان يبعد عنك وعن اهلك كل سوء يا رب ويحميك في كل خطوة آمين
اهلا بك في كل وقت اخي إعتبر مواضيعي هي مواضيعك فأنا أعتز بقلمك الراقي

فعلا أختي إتك لتساوين 10 رجال
فما ابتلاك الله بهذا المرض إلا لأنه يحبك
و ما رزقك الصبر و التفاؤل إلا لأنه يحبك أكثر
فما شاء الله الذي يتكلم معك لا يحس أبدا أنك مريضة
بل أنت دوما مبتهجة و مسرورة و متفائلة

الحمد لله اشكرك على كل كلمة قلتها وانا اكثر ما اشكر ربي عليه هو انه منحني قدرة عالية على الضحك والإبتسامة والتحدث مع الناس وانسى مرضي وبل مرات اتحدث مع بنات من المنتدى فالهاتف واكون جد مريضة وامازحهن وندردش عادي ختى وحدهن يقلت لي مريم تبدين مريضة يعني مرضي إعتده والفته واحبه فهو قربني من الله ادركت ان ربي يحبني وان من يحبه يبتلهي اي نعم مرات كثيرة اقلق وابكي واحب ان اكون ككل النساء عادية واتزوج واكون اما او اكون بكامل صحتي حتى دون زواج عادي املهم اشفى لكن اعود واستغفر واقلو حتما لربي حكمة في هذا ومن انا لأتحكم في نفسي وهو من خلقني انا لست ملك نفسي بل ملكا له والحمد لله ملايير المرات

في المقابل قد تجد البعض مبتلى بمرض بسيط دوما متضجر و قانط
و اعلمي أن الله قد جعل لك درجة في الجنة لن تبلغيها إلا بهذا المرض
فأحسني الظن بالله
أسأل الله أن يشفيك و يرزقك الجنة

بفضل دعواتكم لي المستمر لاني سوف اسافر لتركيا للعلاج دعواتك لي ليوفقني الله وان لا يجعلني اضعف واتحمل مشاق والم العلاج
شكرا لك ويرزقك دارا في جناته يا رب وجوار رسوله الحبيب يا رب
اخي الفاضل ردك اسعدني جدا وشرف لي ان يدعو لي اخ فاضل باختي ويحترمني هذا يزيدني فخرا
شكرا

عباس الجزائري

2014-09-19, 17:46

أختي سأكون عند حسن ظنكم بي إن شاء الله
جزاك الله خيرا على النصيحة

مُحمد رازي

2014-09-19, 21:46

واقيلا صمطت عليك
المهم فقط كلمات أخيرة حاب نقولهالك قبل ما تسافري للعلاج
الكتابة بالدارجة تديرونجي نرجع للكتابة بالفصحى خير

ما أردت قوله أنك في نعمة كبيرة كون الله مبتليك و أنت صابرة
و الآن قد علمت لماذا أنت مريم الصابرة
فكم من صحيح في جسمه و لكنه أبعد ما يكون عن الله
و يعيش حياة البهائم يأكل و يشرب ...
فقد اختارك الله و أنعم عليك
حتى تلجئي دوما إليه و تعرفي أن أمرك بيده و هو الشافي وحده
و حتى تنكسري له لأن الله عند المنكسرة قلوبهم
فالحمد لله أنك رأيت نعم الله عليك
و أنك أَمَة لربّ عليم حكيم خبير
و فعلا و كما قُلتِ أن الشخص قد يُدخِل له الشيطان اليأس
و لكن سرعان ما يتذكر أن هذا الابتلاء الذي وقع له هو عين الخير
فلا تنسي أبدا ذكر الله و لا تنسي أن تواصلي الدعاء والشكر لله على ما
تفضل به عليك... ادعيه سرًا وعلانية واحمديه وأثني عليه

كذلك ما أردت قوله لك بأن الصدقة لها دور كبير في شفاء المريض
كما قال الرسول صلى الله عليه و سلم : "داووا مرضاكم بالصدقة "
فالصدقة من أعظم أسباب الشفاء
و تعالي أسرد لك قصة حقيقية في فضل الصدقة
كان فيه رجل غني و له ابن وحيد ، و هذا الولد كان مريض مرضا شديدا ، أخذه أبوه عند كل الأطباء و سافر به إلى الخارج لعلاجه و لكن قالوا له ليس فيه أمل لشفائه فاستسلم و بقي ينتظر موت إبنه الوحيد و فعلا لشيئ مؤلم أن يكون للشخص ابن وحيد ثم يراه يموت أمامه ، ثم قدر الله أن بدأ ذلك الأب يقترب من الله سبحانه و تعالى يصلي و يذهب للمسجد حتى يدعو الله بأن يشفي إبنه ، و في يوم من الأيام حضر لأحد المشايخ يلقي درسا فسمع حديث داووا مرضاكم بالصدقة ، فقال و الله لأتصدق ، فبينما هو يمشي في الشارع التقى بإمرأة فقيرة جدا و عجوزة كبيرة في السن ، فأدخل يده في جيبه و أعطاها ما كان معه من أموال ، فردّت عليه تلك العجوز : هذا كثير يا ولدي ، قال لها : فقط أمسكي و ادعي لإبني بالشفاء ، ثم انصرف و هو متوجه لبيته و بمجرد أن دخل بيته وجد ولده واقف على قدميه نشيطا و منتعشا بعدما تركه على السرير مصفرا وجهه ، سأله أبوه باندهاش : ما بك يا بني ، فرد عليه الإبن : لا أدري و لكن أحس أني منتعش و كأن جسمي قد خفّ
فأخذ الوالد إبنه لخارج البلد و عمل له فحوصات طبية فوجد أن المرض قد ذهب بالكامل من جسده.
مصدر القصة من هذا الفيديو قمت بصياغتها كتابيا
المصدر (http://www.youtube.com/watch?v=W4J7z2EpyRQ)

ختاما أسأل الله أن يعينك في سفرك للعلاج و يسخر لك من عباده لخدمتك و حسن معاملتك
و أسأل الله أن يجعل شفاءك سهلا ميسورا
و أن يحفظ لك والدتك
و أسأل الله أن يُديم فرحتك و بسمتك
و يرزقك الزوج الصالح الذي تقر به عينك و ليس مثل ذلك المعتوه
صاحب مقولة : أنا كي نقولك موتي تموتي
فأنت فتاة نادرة في زمانك
و من المفروض من الخطاب الذين يودّون التقدم لخطبتك
أن يعملوا تربص و تكوين لعدة أشهر حتى يوفو لك قدرك و يستحقونك

أختي مريم سوف أدعو لك إن شاء الله في صلواتي
و أشهد الله أني لست أفعل ذلك لمصالح أو أي شيئ
فقط لوجه الله
و اعتبريني كأخوك في الله أخ لم تنجبه لك أمك
فأنا مجرد شاب في العشرينات و لست شيخا أو عالم دين
تقولين هذا الشخص : داخلها غير قال الله قال رسول الله
فهذا من فضل الله أنه أنعم علي بنعم كثيرة
و رغم ذلك مازلنا مقصرين
لست أحصي أن أشكر نعم الله إلا أن أوجّه الناس لربهم
و من التعلق بالبشر و بالأسباب إلى التعلق برب البشر و مسبّب الأسباب

اللهم إنك تعلم أني لا حول لي ولا قوة لأصل إلى كل مريض
وأسانده في مرضه ومحنته، اللهم هذا جهدي وهذه حيلتي للوصول
إلى من اِبْتُلوا، اللهم اجعل من كلماتي بلسمًا يساعد ولو قليلا
في التخفيف عنهم وزرع ابتسامة صغيرة على شفاههم

karim vovinam

2014-09-19, 22:21

سلام
أختي مريم أكيدعندك الحق مي نقولك فيها خير مي ماتتقلقيش

مريم يوسفي

2014-09-19, 23:47

يااااه ، قرأت كل الموضوع بما فيه كل الردود ،
انت بطلة يا مريم ، لك قوة داخلية جميلة ما شاء الله ، كوني مع الله و لا تبالي ، فأكيد سيرزقك من حيث لا تحتسبي ،
لن اكرر ما قاله قبلي اخواني و اخواتي ، فقط ، ساقول قول الله تعلى ،، و لسوف يعطيك ربك فترضى

اختك في الله

crono

2014-09-20, 00:04

سلام عليكم أختي مريم
أعجبني روحك المرحة ودمك الخفيف سبحان الله
والله ضحكت اسف مي ضحكت حتى انكمشت هههههههههههههه:d
والله هم يبكي هم يضحكْ
ربي يحميك ويفرح قلبك ويعطيك على قد صبرك يا صابرة
أسأل الله أن يبعد عنك شياطين الإنس
و يشفيك
و يرزقك الزوج الصالح الذي يخاف الله فيك

زايدي أمحمد

2014-09-20, 10:54

اولا السلام عليكم
اولا بارك الله فيك قد تتعجبني من شكري لك اشكرك لانك مؤمنة بالله وانك لا تقنطي من رحمة ربي مدام انك راضية بقضاء الله فتأكدي اختي ان الله عزو وجل قد يعوضك باأحسن منه سواء في الدنيا والاخرة

Farah Amani

2014-09-20, 12:25

السلام عليكم و رحمة الله تعالى و بركاته
كيف أحوالك مريم ؟ سامحيني على قلة التواصل معاك
أحسنت اختيار العنوان ، صراحة تصرفات هذا الشخص غير طبيعية...ربي ينجيك منو و يعوضك بأحسن منو
اسمحيلي راح نخرج على الموضوع و نسقسيك على الأخ عبد الجليل ؟ عسى أن يكون بخير
تقبلي سلامي مريومة

ناصف الورداني

2014-09-20, 16:07

هم يضحك و يبكي

ماذا حل به الم يمل من المطاردة

يا اختي مريم على قدر طيبتك و و روحك الجميلة سيخلصك الله من هذا المتطفل

اتمنى لك الشفاء العاجل يا رب

تحياتي

المنصور3

2014-09-20, 21:14

لا حول ولا قوة إلا بالله
يقال هم تروح ليه و هم يجيك و هذا الشخص أعاذك الله منه من نوع الهم الذي يأتي
أسأل الله أن يسعدك في الدارين

عبدُ الله.

2014-09-20, 21:27

أقبلي بيه وربي يكون في عونك ....مكتوبك ههههههههههه:1:

الحياة فرصة

2014-09-21, 00:28

تخافي توالفيه وتطب فيك ................حذاااااااااااااااااااااااااااري ................................. العبها مهبول تشبع كسور

slimane111

2014-09-21, 08:32

يعتبر مجرد منام مزعج فقط ....
باين عليه انسان معقد شويا لكن تقبلي الموضوع بكل روح انسانية
والله اعلم الخير وين راه ؟

achwak.1993

2014-09-21, 11:16

اعتبريه فاتحة خير

مريم الصابرة

2014-09-21, 13:29

أختي سأكون عند حسن ظنكم بي إن شاء الله
جزاك الله خيرا على النصيحة
السلام عليكم اخي
إن شاء الله ولست أشكك في صدق وعودك واتمنى يوما ان تكون طبيبا ناجحا بحول الله
موفق اخي الكريم

مريم الصابرة

2014-09-21, 13:49

واقيلا صمطت عليك
المهم فقط كلمات أخيرة حاب نقولهالك قبل ما تسافري للعلاج
الكتابة بالدارجة تديرونجي نرجع للكتابة بالفصحى خير
سلام عليكم اخي الكريم
لا ابدا والله أعتز بوجود ردودك في مواضيعي فأنا منذ فقرة المسابقة عرفت ان لك قدرات رائعة وبليغ جدا في اللّغة وايضا قدرة كبيرة على النقاش
وأكتب بالطريقة تريد فصحى او عامية المهم فكرة تصل

ما أردت قوله أنك في نعمة كبيرة كون الله مبتليك و أنت صابرة
و الآن قد علمت لماذا أنت مريم الصابرة
فكم من صحيح في جسمه و لكنه أبعد ما يكون عن الله
و يعيش حياة البهائم يأكل و يشرب ...
فقد اختارك الله و أنعم عليك
حتى تلجئي دوما إليه و تعرفي أن أمرك بيده و هو الشافي وحده
و حتى تنكسري له لأن الله عند المنكسرة قلوبهم
فالحمد لله أنك رأيت نعم الله عليك
و أنك أَمَة لربّ عليم حكيم خبير
و فعلا و كما قُلتِ أن الشخص قد يُدخِل له الشيطان اليأس
و لكن سرعان ما يتذكر أن هذا الابتلاء الذي وقع له هو عين الخير
فلا تنسي أبدا ذكر الله و لا تنسي أن تواصلي الدعاء والشكر لله على ما
تفضل به عليك... ادعيه سرًا وعلانية واحمديه وأثني عليه

كذلك ما أردت قوله لك بأن الصدقة لها دور كبير في شفاء المريض
كما قال الرسول صلى الله عليه و سلم : "داووا مرضاكم بالصدقة "
فالصدقة من أعظم أسباب الشفاء

الحمد لله لن أزكّي نفسي او اتحدث عن الصدقة او أي امر لا الحمد لله يعلم الله أنني احب كل الناس واسعى لفعل الخير بكل الطرق الحمد لله وكثيرة هي المواقف التي انجاني فيها الله مرات كثيرة بفضل الدعاء دعاء امي والناس لي والصدقة الحمد لله

و تعالي أسرد لك قصة حقيقية في فضل الصدقة
كان فيه رجل غني و له ابن وحيد ، و هذا الولد كان مريض مرضا شديدا ، أخذه أبوه عند كل الأطباء و سافر به إلى الخارج لعلاجه و لكن قالوا له ليس فيه أمل لشفائه فاستسلم و بقي ينتظر موت إبنه الوحيد و فعلا لشيئ مؤلم أن يكون للشخص ابن وحيد ثم يراه يموت أمامه ، ثم قدر الله أن بدأ ذلك الأب يقترب من الله سبحانه و تعالى يصلي و يذهب للمسجد حتى يدعو الله بأن يشفي إبنه ، و في يوم من الأيام حضر لأحد المشايخ يلقي درسا فسمع حديث داووا مرضاكم بالصدقة ، فقال و الله لأتصدق ، فبينما هو يمشي في الشارع التقى بإمرأة فقيرة جدا و عجوزة كبيرة في السن ، فأدخل يده في جيبه و أعطاها ما كان معه من أموال ، فردّت عليه تلك العجوز : هذا كثير يا ولدي ، قال لها : فقط أمسكي و ادعي لإبني بالشفاء ، ثم انصرف و هو متوجه لبيته و بمجرد أن دخل بيته وجد ولده واقف على قدميه نشيطا و منتعشا بعدما تركه على السرير مصفرا وجهه ، سأله أبوه باندهاش : ما بك يا بني ، فرد عليه الإبن : لا أدري و لكن أحس أني منتعش و كأن جسمي قد خفّ
فأخذ الوالد إبنه لخارج البلد و عمل له فحوصات طبية فوجد أن المرض قد ذهب بالكامل من جسده.
مصدر القصة من هذا الفيديو قمت بصياغتها كتابيا
المصدر (http://www.youtube.com/watch?v=w4j7z2epyrq)
انا قصتي مع الإستغفار عجيبة صدقني انا كنت مريضة جدا وامي لا تعمل ولا املك حتى ثمن الدواء وكانت علبة الدواء الواحدة تقريبا 4500دج وعلبة واحدة تبقى يوم ونصف يوم يعني أستهلك الكثير منها تخيل قدرة الله العجيبة وانا متألمة ولا اقوى على الحراك والحمى ب 45 درجة تخيل الموقف واتنا دائمة الإستغفار في مكان ان أتام واتوجع أستغفر وكان فرج الله من حيث لم نكن نحسب له حساب جدت امي عمل وبعث الله إنسان في طريقي جزاه الله كل خير تكفل بعلاجي هو وزوجته في تلك الفترة وبدأت حالتي تتحسن تدريجيا وهاته المرة ايضا يوم إنتسبت للمنتدى كنت مريضة جدا ولا املك اي امر ودوامت على إستغفاري وكل ما عانتيه والحمد لله بعث الله في طريقي الأعضاء وساعدوني كلهم في ذهابي وعلاجي بقدر ما اشكرهم فهو قليل عليهم
هذا من واقعي ومن نعم الله علينا وهذا لانني كنت وانا في تلك الحالة ومازلت لا ابخل ولو بالقليل على من هم محتاجون

ختاما أسأل الله أن يعينك في سفرك للعلاج و يسخر لك من عباده لخدمتك و حسن معاملتك
و أسأل الله أن يجعل شفاءك سهلا ميسورا
و أن يحفظ لك والدتك
و أسأل الله أن يُديم فرحتك و بسمتك
و يرزقك الزوج الصالح الذي تقر به عينك و ليس مثل ذلك المعتوه
صاحب مقولة : أنا كي نقولك موتي تموتي
فأنت فتاة نادرة في زمانك
و من المفروض من الخطاب الذين يودّون التقدم لخطبتك
أن يعملوا تربص و تكوين لعدة أشهر حتى يوفو لك قدرك و يستحقونك

أختي مريم سوف أدعو لك إن شاء الله في صلواتي
و أشهد الله أني لست أفعل ذلك لمصالح أو أي شيئ
فقط لوجه الله
اللّهم آمين اخي الكريم لا اخي الدعاء لا يحتاج لإثيات نوايا أنت تفعل هذا لوجه الله والله يعلم وانا اعلم هذا لان إبن الأصل لا يحتاج ان نعرف نيته فيكفي ان نرى تربيته ونحن لامسنا تربيتك في كل شي فحفظ الله الوالدان اللذان احسنا تربيتك سلامي الكبير لهما

و اعتبريني كأخوك في الله أخ لم تنجبه لك أمك
فأنا مجرد شاب في العشرينات و لست شيخا أو عالم دين
تقولين هذا الشخص : داخلها غير قال الله قال رسول الله
فهذا من فضل الله أنه أنعم علي بنعم كثيرة
و رغم ذلك مازلنا مقصرين

أنت اخي واتشرف بهذا وكم من صغير سن هو بليغ وحكيم وولا شك لنا في قدراتك الرائعة والله ماشاء الله عليك من يرى ردودك يعتبرك استاذ ماشاء الله حفظك الله
اشكرك على الدعاء وبقدر ما ادعو لك فهو قليل
بقد تاخر سفري إلى بعد العيد بحول الله والخيرة فيما إختاره الله

لست أحصي أن أشكر نعم الله إلا أن أوجّه الناس لربهم
و من التعلق بالبشر و بالأسباب إلى التعلق برب البشر و مسبّب الأسباب

اللهم إنك تعلم أني لا حول لي ولا قوة لأصل إلى كل مريض
وأسانده في مرضه ومحنته، اللهم هذا جهدي وهذه حيلتي للوصول
إلى من اِبْتُلوا، اللهم اجعل من كلماتي بلسمًا يساعد ولو قليلا
في التخفيف عنهم وزرع ابتسامة صغيرة على شفاههم

انا اشكرك من اعماق قلبي على كل شي جزاك الله كل خير يا رب
واتمنى ان اكون عند حسن الظن وفقك الله لما فيه الخير وكان معك في كل خطوة
شكرا لك

مريم الصابرة

2014-09-21, 13:51

سلام
أختي مريم أكيدعندك الحق مي نقولك فيها خير مي ماتتقلقيش
السلام عليكم اخي كريم اهلا بك مجددا
الحمد لله والله ربي بعدو عليا الحمد لله مازادش دار بيا
شكرا لك

مريم الصابرة

2014-09-21, 13:53

يااااه ، قرأت كل الموضوع بما فيه كل الردود ،
انت بطلة يا مريم ، لك قوة داخلية جميلة ما شاء الله ، كوني مع الله و لا تبالي ، فأكيد سيرزقك من حيث لا تحتسبي ،
لن اكرر ما قاله قبلي اخواني و اخواتي ، فقط ، ساقول قول الله تعلى ،، و لسوف يعطيك ربك فترضى

اختك في الله
السلام عليكم اختي
اهلا وسهلا بك نورت موضوعي
لا بطلة لا والو كان بطلة فبطلة مصارعة نويت نعطيه طريحة ربي ما كتبش حتى يتذكرني وما نسانيش
اشكر ردك الكريم وافرحني جدا بارك الله فيك واسعد قلبك يا رب

مريم الصابرة

2014-09-21, 13:57

سلام عليكم أختي مريم
أعجبني روحك المرحة ودمك الخفيف سبحان الله
والله ضحكت اسف مي ضحكت حتى انكمشت هههههههههههههه:d
والله هم يبكي هم يضحكْ
ربي يحميك ويفرح قلبك ويعطيك على قد صبرك يا صابرة
أسأل الله أن يبعد عنك شياطين الإنس
و يشفيك
و يرزقك الزوج الصالح الذي يخاف الله فيك

السلام عليكم اخي الكريم شرفتني بوجودك وهذا فخر لي
الحمد لله خليتك تضحك صح هم يبكي وهم يضحك خصني مهبول ربي يشافيه حاليا ربي بعدو من طريقي كان باغي يموت يعاود يرجع واش نديرو ممكن عمرو راحا تخلاص على يدي :1:
آمين يا رب اخي الكريم المهم نبرا اما الزواج صالح او طالح كيما جات كلات:cool::cool:
شكرا لك وبارك الله فيك

مريم الصابرة

2014-09-21, 13:59

اولا السلام عليكم
اولا بارك الله فيك قد تتعجبني من شكري لك اشكرك لانك مؤمنة بالله وانك لا تقنطي من رحمة ربي مدام انك راضية بقضاء الله فتأكدي اختي ان الله عزو وجل قد يعوضك باأحسن منه سواء في الدنيا والاخرة
السلام عليكم أخي الكريم
جزاك الله كل خير يا رب على كرم اخلاقك ونبلها
لا الحمد لله امر الصحة او المرض أو إبتلاء من الله احمده عليه كثيرا ولا اهتم ما ينغصني عباد من هذا النوع الحمد لله حاليا إبتعد عني واتمنى ان لا يعود مطلقا
شكرا لك وبارك الله فيك واسعدك الله في الدارين شكرا

مريم الصابرة

2014-09-21, 14:01

السلام عليكم و رحمة الله تعالى و بركاته
كيف أحوالك مريم ؟ سامحيني على قلة التواصل معاك
أحسنت اختيار العنوان ، صراحة تصرفات هذا الشخص غير طبيعية...ربي ينجيك منو و يعوضك بأحسن منو
اسمحيلي راح نخرج على الموضوع و نسقسيك على الأخ عبد الجليل ؟ عسى أن يكون بخير
تقبلي سلامي مريومة

السلام عليكم اختي فرح اهلا وسهلا بك
لا غاليتي لا مشكل أعرف ان الدنيا تلاهي ولا وقت لدينا وانا اعرف انك لست مقصرة ابدا على العكس
انا بخير الحمد لله شكرا لك الشخص ماشي تصرفاتو برك هو مركب بالخطأ مريض ومهبول الله نجاني منو والله لا يردو
اخي عبد الجليل بخير عندو مشكل فالنت هو يبلغكم السلام جميعا وقريا سوف يعود بحول الله
شكرا لك غاليتي جزاك الله كل خير

مريم الصابرة

2014-09-21, 14:06

هم يضحك و يبكي

ماذا حل به الم يمل من المطاردة

السلام عليكم اخي حمزة أهلا وسهلا
لم اره من يومها ولكن إن كان يراقبني لا ادري

يا اختي مريم على قدر طيبتك و و روحك الجميلة سيخلصك الله من هذا المتطفل

بارك الله فيك وجزاك الله كل خير الله يبعدو عليا همي كافيني ما خصنيش هو

اتمنى لك الشفاء العاجل يا رب

تحياتي

أشكرك جزيل الشكر وبارك الله فيك آمين يا رب

مريم الصابرة

2014-09-21, 14:08

لا حول ولا قوة إلا بالله
يقال هم تروح ليه و هم يجيك و هذا الشخص أعاذك الله منه من نوع الهم الذي يأتي
أسأل الله أن يسعدك في الدارين
السلام عليكم
اهلا وسهلا وجزاك الله كل خير
آمين الله يبعدو عليا يا رب
شكرا لك وجزاك الله كل خير

مريم الصابرة

2014-09-21, 14:10

أقبلي بيه وربي يكون في عونك ....مكتوبك ههههههههههه:1:
السلام عليكم
إيه يا خويا نقبل بيه عندبالك ارواح وإقبل نصوم نصوم وكي نفطر نفطر على جرادة اواه يا خويا القضية كبيرة ولازم حسابات السيد مريض عقلي تقبل على اختك تتزوج بإنسان مريض وقليل تربية علاه ترمو فيها هكذاك انا ما نرميش روحي يا اخي
راك صغير ما زال ما تعرفش
كي تكبر تعرف قيمة كلامي
على كل شكرا لك على المشاركة

مريم الصابرة

2014-09-21, 14:12

تخافي توالفيه وتطب فيك ................حذاااااااااااااااااااااااااااري ................................. العبها مهبول تشبع كسور
السلام عليكم
يا عمري قوليلي شعال في عمرك ؟
باينة تتفلاجي مسلسلات تركية واش من نوالفو يا اختي حياة علاه نور ومهند نندب عليه والفو عزرائيل إن شاء الله ما طب فيا ما والوانا مرانيش مراهقة وحب من اول نظرة وعبد الحليم كوني هانية قلبي حجرة ثلج فالناحية هذي ما تخافيش عليا
مهبول على روح ويتكسل على دارهم يلحق ليا كان عوج نسقمو كوني هانية نعرف صوالحي
شكرا لك ما تخافيش على ختك
شكرا

مريم الصابرة

2014-09-21, 14:14

يعتبر مجرد منام مزعج فقط ....
باين عليه انسان معقد شويا لكن تقبلي الموضوع بكل روح انسانية
والله اعلم الخير وين راه ؟
السلام عليكم أخي سليمان اشكر مشاركتك العطرة
مش معقد يا اخي قليل تربية ومختل عقليا وتقبلت الموضوع عادي وضحكني لا مشكل عندي إنسان جرب حظو وجا عندبالو دارنا قهوة موح أشرب وروح راع لقى الجواب وبحول الله ما يزيدش يدور نهائيا
شكرا لك

مريم الصابرة

2014-09-21, 14:16

اعتبريه فاتحة خير
السلام عليكم اختي اشواق
اهلا وسهلا نورت موضوعي
شكرا لك اكيد إعتبرتو فاتحة خير والاكيد هناك حكمة من الله لانه ارسله لغاية بيتي إن شاء الله خير
شكرا لك

knives66

2014-09-21, 15:10

وعليكم سلام

مرحبا خلتي مريم

صح قصة طويلة لكن لي فهمتوا انا هذا إنسان حاب يستغل أولا مرضك و كبر سنك

به يلعب بيك

وصح مريض نفسيا لانوا موش غير انت لي صرالك هذ الشيئ كاين وحدة نعرفها

نفس قصتك وصلت حتي لمحكمة بسبب مهبولة لي يتبع فيها

والله الحل الوحيد انك تبلغي عليه وقولي راه يهدد فيا ويعس فيا

وربي يسهل إن شاء الله

أن شاء الله يجيك روميوا تاع صح

مريم الصابرة

2014-09-21, 17:38

وعليكم سلام

مرحبا خلتي مريم

صح قصة طويلة لكن لي فهمتوا انا هذا إنسان حاب يستغل أولا مرضك و كبر سنك

به يلعب بيك

وصح مريض نفسيا لانوا موش غير انت لي صرالك هذ الشيئ كاين وحدة نعرفها

نفس قصتك وصلت حتي لمحكمة بسبب مهبولة لي يتبع فيها

والله الحل الوحيد انك تبلغي عليه وقولي راه يهدد فيا ويعس فيا

وربي يسهل إن شاء الله

أن شاء الله يجيك روميوا تاع صح

السلام عليكم اخي اهلا وسهلا بك نورتني بوجودك
الاكيد إنو إستغلالي لا بالنسبة لسني هو ماكانش عارف لانو ما نبانش عندي هذاك السن الواضح كان عندو اهداف يقولك الطفلة وحدها هي ويماها نولي ندخل ونخرج للدار كيما يحب لكن بينتلو اللي راه غالط فالعنوان وبزاف
إن شاء الله خويا المهم عندي نبرا ما يهمني لا روميو ولا لخاندرو كامل كيفكيف
شكرا لك

blanche rose

2014-09-21, 17:53

السلام عليكم

إعتدنا دوما في قسم المشاكل الإجتماعية على مشاكل محزنة وأمور إجتماعية وعلاقات أسرية تفطر القلوب

لكنني اليوم سأقص عليكم مشكلة

مبكية مضحكة

هل سمعتم آخر الأخبار؟http://eemoticons.net/upload/little%20girl%201/61.gif

مريم جائها عريسhttp://eemoticons.net/upload/cole%20qq%20girl/cole%20qq%20speed%20girl%20010.gif نعم خاطب منذ أيام قليلة ..... لالا إنتظرو لا تباركو حتى اكمل القصة للأخيرhttp://eemoticons.net/upload/cole%20qq%20girl/0000000.gif

عريسنا وتابعو القصة جيدا سانقلها لكم كما حدثت بالتفصيل ولكم الحكم بما انكم بمكانة اهلي وإخوتي اتمنى مشورتكم ولو انني تصرفت لكن لكم الحكم بكل مصداقية

العريس قال إنو منذ مدة يراقبني وين نروح يكون ورايا وانا لا خبر ولا شفتو ولا حتى نعرف شكلوhttp://dc02.arabsh.com/i/00095/0fa8as53zgvy.gif

المهم هو يراقبني ممكن من حقو حتى يعرف مليح الفتاة اللي إختارها http://eemoticons.net/upload/anne%20baby/anne%20baby%20005%20(2).gif
وبعد ان عرف كل المعلومات ذهب إلى مقر عمل امي حتى يكلّمها طبعا تحدث مع أمي ولو تضحكون امي اول ما قال لها انا قاصدك نجيب دارنا ونخطب بنتك امي نساتني قاتلو ما عنديش طفلة للزواجhttp://eemoticons.net/upload/little%20girl%201/66.gif أمي في بالها انا مريضة ونسينا موضوع الزواج نهائيا http://eemoticons.net/upload/anne%20baby/anne%20baby%20012.gifالمهم قالها بنتك وشفتها معاك وسقسيت عليها المهم وضّح نيتو قاتلو امي انا خاطيني المهم موافقتها هي ولو نصارحك الطفلة مريضة وماراناش نخمو نزوّجوها

المهم خلالها رقم الهاتف وقالها كان وافقتو إتصلو بيا حتى نجيب دارناhttp://eemoticons.net/upload/baby%20soldier/89.gif

المهم امي جات من الخدمة قاتلي جا واحد عندي يخطبك انا قتلها شكون هذا ومن وين قلت يا مريم هل من معجب من المنتدىhttp://dc02.arabsh.com/i/00095/8xslcrp8i2vu.gif المهم خبرتني بكل معلومات واش قاللها وسالتني امي قتلها انا مريضة وتعرفي موضوع الزواج رافضاتو طبعاhttp://eemoticons.net/upload/little%20girl%201/32axx.gif بدات إتصالات أمي بوزير الداخلية وهي اختي المتزوجة التي سارعت للقبول وقاتلها خليها تفرح كان قابلها مريضة خليها تتزوج http://eemoticons.net/upload/little%20girl%201/31.gif

انا رفضت الزواج إتصلت امي به قاتلو انا قبلت ولكنها رفضت بسبب المرض طلب الإذن من امي ليكلمني ويقنعني ويحضر اهلهhttp://dc01.arabsh.com/i/00077/8vg8xmmi67i9.gif لكنني أردت الكلام معه حتى يبتعد عني ولا يعود لطرح الفكرة وهنا بدأ المسلسل http://eemoticons.net/upload/little%20girl%201/littlegirl113.gif
تخيلو اول ما كلمتو سالني عن احوالي وغيرو من الأسئلة قتلو من فضلك شكرا على نواياك ولكن انا ما نتزوجش وبارك الله فيك وربي يجيبلك مباشرة قالي انا ما يهمنيش إنك مريضة وعندي مدة نراقبك وإنت شريكة حياتي http://eemoticons.net/upload/baby%20soldier/23.gifوهات يا رومانسية وكانو انا والسيد هذا شاركنا في مسلسل تركي وحتى انا من زوّار تركيا http://eemoticons.net/upload/little%20girl%201/littlegirl010.gif
المهم حاول إقناعي وانه يريدني ولا يهمه اي امر قلت يا مريم هذا ملاك وليس رجل http://eemoticons.net/upload/baby%20soldier/17.gif
ولكن الكارثة ما قاله بعدها كلام لا يخطر على بال وهنا المضحك والمبكي يا جماعة بعد كل هاته المقدمة تخيلو شروطه قالي لي شروط
لا هاتف ولا صديقات ولا دخول ولا خروج إلا معي وهنا عادي من حقّه وبدأ بعد ان اخطبك الاكبد ان مسؤول عنك وكل امورك لانك زوجتي سألني هل عندما اخطبك آتي لزيارتك كل يوم http://dc02.arabsh.com/i/00095/7jbl83520y39.gifوآراك فانا اشتاق لك هنا صاعقة الملاك تحول إلى رجل ككل الرجال ولكنه وقح زيادة قلت له لا ابدا من مناسبة لمناسبة وبوجود امك او اختك امي ترفض قال هذا من حقي ولازم نشوفك قتلو لالا ماشي لازم .. قالي خلاص خلاص من بعد نهدرو عليها قتلو لالا الهدرة الآن تخيلو ردو ... اووووووف وشعال مقلقة خلينا فالمفيدhttp://dc02.arabsh.com/i/00095/29rbzifwjjs0.gif يا حوجي يانا هذا خطيب هذا راه حسبني مرتو عندو فالدار وقاعد ينسف عليا وفي اول إتصال بيني وبينو http://eemoticons.net/upload/baby%20soldier/104.gif

بعدها قالي ولما نجي نزورك واش تلبسي قتلو عفوا ما فهمتش واش نلبس ؟ قالي انا نحب خطيبتي تكون شابة على جالي قتلو هذي خطيبتك لازم تكون هكذا هذي امور إنت لا دخل لك فيها هذا هندامها وما تنساش نكونو مجرد مخطوبين كل شي عندو حدود قالي علاه واش من حدود نتوما تفكرو هكذا اواه لالا انا لما نخطبك اللي نهدرها تمشي نحب المرا كي نقولها موتي تموت ............. ويا صفارة القطار نتاع مريم بدات تعيط وقلت هذا اليوم فيا او فيه نخليه يندم إنو فكر يخطبني http://dc02.arabsh.com/i/00095/0bhr55yyrekg.gif

قتلو شوف يا السي خاطب يا عزرئيل يا اللي تقول للناس موتو يموتو عندك يماك قالي نعم الحمد لله قتلو اما مقلقة وقادرة نضربها قالي عادي نساعفك كلنا مقلقين http://dc02.arabsh.com/i/00095/zigv3b5ab3vc.gif

قتلو باباك موجود وخاوتك قالي نعم ونسكنو معاهم حد وين نكمل البنيان قتلو انا ماتعرفش حاجة واسمها السترة قالي عادي خذي راحتك بابا يتفهم إنو عرسان وتلبسي على جالي ........واع هذا ديناصور ماشي راجل http://eemoticons.net/upload/baby%20soldier/40.gif
كل كلامي نوضح فيهم سلبياتي ونزيد وهو موافق بينلي إنو مختل عقليا وصلت الدرجة وين قالي راكي مع راجل يعني لو تتفهميني وتكوني حنينة معايا وممكن نغلطو انا وإنت كوني اكيدة راح نتحمل مسؤوليتي ونتزوجك قتلو واش نغلطو وواش تتحمل مسؤوليتك واش هذا الوقاحة نتاعك http://dc02.arabsh.com/i/00095/sma080kwnrcd.gif شوف إمالا ردي على الزواج منك

إنت ماشي تحوس تتزوج إنت تحوس عشيقة وراك غلطت فالعنوان وآخر مرة تتصل برقم امي وإنت من رأي روح إنتحر أو شوف طبيب نفسي لانك مريض نفسي ولو تتصل راح نوصلك للمشاكل وكوبيت في وجهو

تخيلو الخاطب المريض جا قدام باب دارنا نعم روميو مريم المريض جا امام بيت منزلنا http://dc02.arabsh.com/i/00095/1m54t9u9f0r3.gifوانا ما نعرفوش اول ما فتحت الباب حتى نسيق حاشاكم لقيت شاب امام دارنا كنت بحجابي وخماري طبعا جيت داخلة قالي إسمحيلي هنا دار خالتي فلانة على امي قتلو نعم قالي انا هو اللي جيت نخطبك http://dc02.arabsh.com/i/00095/4a4ue7d2zpjc.gif

قولولي نبكي او نضحك او واش ندير دهشت لوقاحتو او هو مريض لا ادري قتلو واش راك دير قدام دارنا ومن فضلك روح منا قالي إسمعي أقبلي على قاع واش قتلك وحاجة ما تخصك معايا وغدوة دارنا راهم جايين قتلو ما تفهمش كيفاه يجو داركم مباشرة وانا راني رافضة وما نتزوجش بيك روح ربي يجبلك تتخيلو سبني بإسم الله وكلام لا يقال وقالي إنت وحدة معقدة وجاتك فرصة وراطيتيها حملت الهاتف إتصلت بزوج اختي جا وطبعا ضربو دابزو وهنا هل تضنو إنو راح لا ابدا مازال يراقبني امام باب بيتنا

خبروني واش رايكم

وكيفاه ندير انا ضرك لو نوصلها للمشاكل الناس ما ترحمش قادرين يقولك هي تعرفو

لو نسكت امي تروح للخدمة بكري بزاف وانا نظل وحدي ونخاف لانو بانلي ماراهش عادي
واش ندير انا

قصتي مبكية مضحكة ولكنها ضحكتني صدقوني مهبوووووووووووووووووول
خبروني يا رجال هذا رجل او وقح وانا واش ذنبي في عقليات متخلفة
عذرا طولت عليكم لكن كان لازم نحكيلكم كل شي

السلام عليكم
أختي مريم ما لونته بالأحمر هو هدفه وفقط.
رآك تسافرين لوحدك لأجل العلاج فقال بينه وبين نفسه هذا طعم سهل.
ليس كل من يخطب فتاة ينوي الزواج بها .. والقصص كثيرة للأسف.
الله يحبك لذلك جعله يفضح نفسه بنفسه.
ربي يحميك حبيبتي مريم الصابرة.

همسات ايمانية

2014-09-21, 18:19

السلام عليكم
كيف الحال مريم اتمنى ان تكوني بخير

من اين لك هذا الحس الفكاهي ,,,,,,,,,,,,منولوج رائع ,,,,,,,,,,,,,لكن بالنسبة لما حدث لك كان الله في عونك ,,,,,,,,,,,,نصيحتي ان تبدي الكثير من الصرامة والحذر ,,,,,,,,,,فمثل هذه الاشكال توقعي منهم كل شيء ,,,,,,,,والتجئي الى الله كي يخلصك من مكره ان نوى سوء
تحياتي

مريم الصابرة

2014-09-21, 18:21

السلام عليكم
أختي مريم ما لونته بالأحمر هو هدفه وفقط.
رآك تسافرين لوحدك لأجل العلاج فقال بينه وبين نفسه هذا طعم سهل.
ليس كل من يخطب فتاة ينوي الزواج بها .. والقصص كثيرة للأسف.
الله يحبك لذلك جعله يفضح نفسه بنفسه.
ربي يحميك حبيبتي مريم الصابرة.

السلام عليكم
اهلا وسهلا نورني بوجودك
نعم اكيد وحتى انا فقت ونعرف هذا اللي خلى كل البنات ودا يعسني ويتبع اخباري وقادر يتزوجني وانا مريضة ما دخلتش راسي
لا انا متاكدة ما عرفش على موضوع سفري لتركيا لانو وين نسكن ماكانش اللي عارف الامر في عائلتي وفقط حتى العائلة الكبيرة مش عارفين لكن الاكيد عارف إني مع امي لوحدنا وعارف خروج امي للعمل عليها درسها مليح وقالك نتقدم ونشوف ونولي نروح ونجي وقالهالي بالي نخطبك انا مسؤول عليكم ونولي نجي وتنفحلي على 3 نتاع صياح نجي نشوفك تخرجي نشوفك خلعني فات المهابل هذا قال للمهابل أرقدو
ناس مريضة المهم حاليا راه بعد عليا وتهنيت من جدو
شكرا لك غاليتي الله يحفظك

مريم الصابرة

2014-09-21, 18:24

السلام عليكم
كيف الحال مريم اتمنى ان تكوني بخير

من اين لك هذا الحس الفكاهي ,,,,,,,,,,,,منولوج رائع ,,,,,,,,,,,,,لكن بالنسبة لما حدث لك كان الله في عونك ,,,,,,,,,,,,نصيحتي ان تبدي الكثير من الصرامة والحذر ,,,,,,,,,,فمثل هذه الاشكال توقعي منهم كل شيء ,,,,,,,,والتجئي الى الله كي يخلصك من مكره ان نوى سوء
تحياتي

السلام عليكم اختي جروح
اهلا وسهلا بك نورني وجودك غاليتي جزاك الله كل خير
شكرا لك لما تقابلي اشخاص كيما هذو إما تبكي على سواد سعدك قاع العام إما تضحكي وانا صراحة القصة كلها ضحكتني الله يهديهم
لا كوني هانية اختي مريم اختك قضية صرامة فالشارع وحش:1::1:
آمين يا رب شكرا لك وربي يحميك اختي ويستر كل فتاة من مثل هؤلاء
بارك الله فيك

رتيـل

2014-09-21, 19:29

السلام عليكم

اضحك الله سنّك اختي

اتمنى ان يكتب الله لك تمام الصحة و العافية

و ان يشفيك عاجلا غير آجل

ثم ان يرزقك زوجا صالحا

فَصبرٌ جميل

مريم الصابرة

2014-09-21, 21:23

السلام عليكم

اضحك الله سنّك اختي

اتمنى ان يكتب الله لك تمام الصحة و العافية

و ان يشفيك عاجلا غير آجل

ثم ان يرزقك زوجا صالحا

فَصبرٌ جميل

السلام عليكم اختي رحيل
اشكر مشاركتك النبيلة بارك الله فيك
آمين يا رب العالمين شكرا لك
آمين ولك بالمثل اختي الله يحقق امانيك
شكرا لك

زرقـآء اليمآمـة

2014-09-21, 21:35

يا مريم اختي الله يرزقك الشفاء عاجلاااااا لا اجلاااااا امين

مريم الصابرة

2014-09-21, 22:45

يا مريم اختي الله يرزقك الشفاء عاجلاااااا لا اجلاااااا امين
السلام عليكم أختي
اهلا وسهلا بك نورني وجودك
آمين يا رب شكرا لك اختي وبارك الله فيك وجزاك الله كل خير

abdouillizi

2014-09-21, 22:46

ان شاء الله ربي يرزقك راجل صالح تتزوجيه في القريب العاجل و يكون لك سند و يداويك باه يخطيك هذا المهبول

مريم الصابرة

2014-09-21, 22:53

ان شاء الله ربي يرزقك راجل صالح تتزوجيه في القريب العاجل و يكون لك سند و يداويك باه يخطيك هذا المهبول

السلام عليكم أخي
نورتني بوجودك اخي الفاضل
آمين يا رب دعائك لي بالشفاء اما الزواج لا يهمني اخي المهم اشفى
المهبول راه خطايني اللّهم كان مازال يراقب من بعيد
:1:
شكرا لك

abdouillizi

2014-09-21, 22:58

بأذن الله ستشفين لكن يا مريم الزواج ضروري و هو عبادة و سنة الانبياء و ليس هناك تعارض بين الزواج والمرض

abdouillizi

2014-09-21, 23:01

نسأل الله أن يكون معكي

مريم الصابرة

2014-09-21, 23:02

بأذن الله ستشفين لكن يا مريم الزواج ضروري و هو عبادة و سنة الانبياء و ليس هناك تعارض بين الزواج والمرض

اهلا اخي مجددا
إن شاء الله اخحي الفاضل
اخي الزواج ضروري ومهم وهو سنة الحياة ولكن صدق وحاشا البعض يا اخي الرجال ما يحبوش ينت الفاميليا واللي تصونهم وتحمي عرضهم رانا نشوفو واش من اشكال راهي تتزوج وعادي امر الله حاليا في راسي نداوي ونبرا واكيد نروح لبيت ربي هذا اول احلامي والباقي كان ربي كتب اهلا وسهلا كان لالاولله عادي راني في دارنا مستورة الحمد لله

abdouillizi

2014-09-21, 23:07

اهلا اخي مجددا
إن شاء الله اخحي الفاضل
اخي الزواج ضروري ومهم وهو سنة الحياة ولكن صدق وحاشا البعض يا اخي الرجال ما يحبوش ينت الفاميليا واللي تصونهم وتحمي عرضهم رانا نشوفو واش من اشكال راهي تتزوج وعادي امر الله حاليا في راسي نداوي ونبرا واكيد نروح لبيت ربي هذا اول احلامي والباقي كان ربي كتب اهلا وسهلا كان لالاولله عادي راني في دارنا مستورة الحمد لله

ان ششاء الله يحقق أمانيك لكن هل يمكن لي أن أعرف مرضكي فأنا من القطاع الصحي و يمكن لي أن أنصحكي

مريم الصابرة

2014-09-21, 23:13

ان ششاء الله يحقق أمانيك لكن هل يمكن لي أن أعرف مرضكي فأنا من القطاع الصحي و يمكن لي أن أنصحكي

آمين ولك بالمثل شكرا لك
والله حكاية طويلة المهم المرض يخص تعفن العظام ومرض كبير ونوع من بكتيريا متنقلة ويعني في طريق البتر او الشفاء لست ادري
دعواتك لي
انا تقريبا زرت هنا اغلب المستشفيات الكبيرة في العاصمة وحتى الغرب لكن نفس الكلام وانا بصدد السفر لتركيا بحول الله
دعواتك لي وشكرا لك على المساعدة ورفع المعنويات

abdouillizi

2014-09-21, 23:21

osteomyelite اضنها نسأل الله أن يكون معكي لكن تأكدي هناك حالات شفيت لي صديق طبيب عضام و أخبرني عن حالة شفيت و بدون علاج
صحيح هي صعبة لكن لا تستلزم البتر هناك علاج بالادوية و التنضيف في مكان التعفن

مريم الصابرة

2014-09-21, 23:26

osteomyelite اضنها نسأل الله أن يكون معكي لكن تأكدي هناك حالات شفيت لي صديق طبيب عضام و أخبرني عن حالة شفيت و بدون علاج
صحيح هي صعبة لكن لا تستلزم البتر هناك علاج بالادوية و التنضيف في مكان التعفن

السلام عليكم
نعم لكن هي في حالة متطورة جدا وتعفن كل العظم والمشكل اصابتين بكتيريا تجعل عظم الجيم كله مريض اان عالجت بكل الاسالبيب
هنا فالو ما يقدروش ينظفو العظم لانو عندي هشاشة عظام ووما يقدروش يمسوه وينظفوه هناك يكون مضصطرين يبتروه فغرفة العمليات لو تكسر لانو محال يعاود يحكم فيه المسمار
راني نعالج فالترك اجريت عملية تنظيف ااولى والثانية عن قريب نجريها ومن بعد ندير عملية زراعة عظم إذا ربي كتب
شكرا لك وربي يجازيك

abdouillizi

2014-09-21, 23:30

أسأل الله العظيم رب العرش العظيم أن يشفيكي

مريم الصابرة

2014-09-21, 23:31

أسأل الله العظيم رب العرش العظيم أن يشفيكي
السلام عليكم اخي
اللّهم آمين شكرا لك وجزاك الله كل خير يا رب
ربي يخليك ويفرحك شكرا

* عبد الجليل *

2014-09-22, 06:19

السلام عليكم ،،
اهلا مريمنا الصابرة كيف حالك ان شاء الله بخير
يعلم الله كم اشتقت لكم ولمواضيعكم الراقية وردودكم العذبة
والله يا مريم بعدما قرأت قصتك قلت هادي مريم ولا مانيش غالط ههههه :1::1:
هادا صح القرمود طارلوا :1:والله عيب عليه يوصل لباب داركم ... تكلم مع امك في العمل خلاص واش جابوا ليكم للبيت :confused::confused::confused:
وزيد سمع لي تجي على قلبو في التيليفون واش حاب هادا صح مريض نفسيا ... اتمنى ان تبلغي عليه يا مريم والله ماتعرفي منين يخرجلك لانو قال في كلامو كان يراقبك وعلى ما أظن هذا مازال في كلامو ربي يهديه المخلوق ... ماتخافيش من كلام الناس مريمنا الصابرة الحمد لله تعرفي نفسك اعز المعرفة وربي شاهد .... المهم يبعد عليه .... وربي يرزقك الصحة والعافية اختي الكريمة ... انا ننصحك لوكان قلتيلو راكي مخطوبة هاكا يبعد عليك احسن ... لكنو تمادى في قلة ادبو وسوء معاملته معك ... الله يعطيك برنوس يحميك و يسترك ويبعدك على هاد المهبول يارب
وعذا على الاطالة يا مريم ... تحية طيبة مباركة
سلام

crono

2014-09-22, 11:23

السلام عليكم اخي الكريم شرفتني بوجودك وهذا فخر لي
الحمد لله خليتك تضحك صح هم يبكي وهم يضحك خصني مهبول ربي يشافيه حاليا ربي بعدو من طريقي كان باغي يموت يعاود يرجع واش نديرو ممكن عمرو راحا تخلاص على يدي :1:
آمين يا رب اخي الكريم المهم نبرا اما الزواج صالح او طالح كيما جات كلات:cool::cool:
شكرا لك وبارك الله فيك

أسأل الله العظيم رب العرش العظيم أن يشفيكي
أنا أنثى منيش ذكر:D :confused: عندي الاولاد وبنتي هاد العام تفوت الباك ادعولها بنجاح :19:

مريم الصابرة

2014-09-22, 16:13

السلام عليكم ،،
اهلا مريمنا الصابرة كيف حالك ان شاء الله بخير

السلام عليكم أخي جليل اهلا وسهلا إن شاء الله تكون بخير
يعلم الله كم اشتقت لكم ولمواضيعكم الراقية وردودكم العذبة
والله يا مريم بعدما قرأت قصتك قلت هادي مريم ولا مانيش غالط ههههه :1::1:
وحتى نحن إشتقنا لتواجدك بيننا ولمواضيعك الراقية والردود المميزة
هذي مريم وما تنخلعش:1:
هادا صح القرمود طارلوا :1:والله عيب عليه يوصل لباب داركم ... تكلم مع امك في العمل خلاص واش جابوا ليكم للبيت :confused::confused::confused:
ما عندوش القرمود عندو الزنك وطلت فيه الشمس :confused::confused::confused:
مهبول روميو مريم قالك نعرف كل تحركاتك لما لقيتو واقف عند باب دارنا خلعني ناس مرضى
وزيد سمع لي تجي على قلبو في التيليفون واش حاب هادا صح مريض نفسيا ... اتمنى ان تبلغي عليه يا مريم والله ماتعرفي منين يخرجلك لانو قال في كلامو كان يراقبك وعلى ما أظن هذا مازال في كلامو ربي يهديه المخلوق ... ماتخافيش من كلام الناس مريمنا الصابرة الحمد لله تعرفي نفسك اعز المعرفة وربي شاهد ....
المهم يبعد عليه .... وربي يرزقك الصحة والعافية اختي الكريمة ... انا ننصحك لوكان قلتيلو راكي مخطوبة هاكا يبعد عليك احسن ... لكنو تمادى في قلة ادبو وسوء معاملته معك ... الله يعطيك برنوس يحميك و يسترك ويبعدك على هاد المهبول يارب
وعذا على الاطالة يا مريم ... تحية طيبة مباركة
سلام

السلام عليكم والله يا اخي جليل انان عرف نفسي انا بسر ونغلط كيما يغلطو كل الناس مارانيش ملاك ولكن في نفس الوقت ما نسمحش بالتطاول او اي شخص يعفس على كرامتي ندي اللي نحبو انا وبرضايتي وبقبول امي وفي دارنا واكيد رغم المشاكل العائلية لكن عندي اعمام وعند زوج اخت وجدي موجود والد ابي يعني كاين رجال ولو حاليا كل واحد في دارو لكن وقت الصح ما نخليهمش يتمسخرو بيا
على كل مهبول وربي بعدو عليا مارانيش نشوف فيه والله لا يجعل باه نشوفو
ناس مهابل
شكرا لك

مريم الصابرة

2014-09-22, 16:14

أسأل الله العظيم رب العرش العظيم أن يشفيكي
أنا أنثى منيش ذكر:d :confused: عندي الاولاد وبنتي هاد العام تفوت الباك ادعولها بنجاح :19:
السلام عليكم أختي
إسمحيلي ياخا رجعتك راجل كي راكي قريب ديري النسيب :1::1: ربي يوفقك بنتك يا رب ويحفظ اولادك يا رب وتفرحينا بهذا العام فرحة كبيرة
شكرا لك وإسمحيلي

مريم الصابرة

2014-09-22, 16:58

إن شاء الله يكون وصلكم ردّي
راني حاب نساعدكم قولولي فقط متى و كيف
ربي يشافيك إن شاء الله
السلام عليكم اخي
اهلا وسهلا بك اتمنى ان تكون كل امورك بخير
لم يصلني ردك بعد ولكن بحول الله ساشرح لك كل شيء كن بالقرب فقط
شكرا واشكر تواجدك

Dj BoBo

2014-09-22, 17:37

السلام عليكم

اهلا اختي مريم

والله قصة غريبة جدااااااااااا

لا حول ولا قوة إلا بالله

كيما يقولو هم يضحك و هم يبكي

ربي يقدر الخييييييير

مريم الصابرة

2014-09-22, 19:14

السلام عليكم

اهلا اختي مريم

والله قصة غريبة جدااااااااااا

لا حول ولا قوة إلا بالله

كيما يقولو هم يضحك و هم يبكي

ربي يقدر الخييييييير

السلام عليكم أخي وليد اهلا وسهلا بك
والله يا اخي حتى القصة تخلعت منو ظاهرة غريبة من عييت نخمم السيد هذا عقليتو منين جابها لو سارقها ممكن تكون متربية سبحان الله
شكرا وربي يجازيك والله يبعد هكذا اشكال عليا مارانيش فاهمة الناس علاه تخمم هكذا
الله يهدي ما خلق
شكرا