واش رايكم يا نسا ويا رجال

[rayhana malak]

السلام عليكم حبيت نشوف رايكم في راجل يقول لزوجتو انت ناقصة تربية مع انو هدي الزوجة الناس كامل يشهدولها بالسيرة الحسنة والتربية من الصغر سواء في العمل او الجيران او في العائلة بالمناسبة هدي صراتلي ليوم وحنا رايحين نخدمو منكذبش عليكم راني مشوكية من صباح وانا نبكي كون غير ضربني وماقلهاليش الضربة توجع وتروح بصح الهدرة توجع وما ترورحش ماتقولوليش كان غضبان خاطر كون قلتهالو انا في لحظة غضب نعشيفي دار بابا

[hodayena]

اختي الكريمة صح كلمة تدخل لاذن لكن العقل والقلب لا يتقبلانها وخاصة انو من الزو ج والله حاسة بيك لانو انا قالي مباشرة انتي ماشي مربية بدون سبب لوكان غير قالي ناقصة تربية شوية معليش
اختي الكريمة عادي متحمليهاش في قلبك اجي نهار يسمعها كيما سمعهالك دري روحك مسمعتيش لكن فوتي ياما وحاولي تستفسري الامر منو خليه يتهدن مليح من بعد فاتحيه بالموضوع وعلاش قالهالك واذا طلب منك السماح خلاص انساي كيما درت انا وخلاص لخطرش لوكان تشديها في قلبك راح تكرهيه وتعيفيه ومتقدريش تكملي معاه ا
جا النهار الي سمعت عمو قالهالو وقالها لابي لانو ابن اخوه ماش مربي
اختي كاين الي سمعو ما كثر منك ومني جوزيهالو هاذ المرة والا عادها وقفيه عند حدو واعرفي كيفاه تهدري معاه فهميه انو الكلمة الي تجرح متتنساش وفهميه انو الاحترام بين الزوجين اهم من الحب وانو الانسان يعس نفسه واش يهدر وفي حالة الغضب الافضل انو الانسان يسكت حتى يتهدن من بعد يهدر باه مايجرحش الي قدامو واهدري معاه بصوت منخفض وهادئ
اول حاجة دريها اجلسي معاه وحاولي متغضبيش شد ي يد زوجك وحاولي تتكملي معاه وراح تشوفي انو راح يعتذر منك

[Kawthar77]

اختي نقلك واش ديري وهو يقعد يهدر وحده ويتوحش هدرتك
صوميه على الأقل أسبوع وفهمتي عليا يعني كيما نصوموا رمضان. وجديله أكله وملابسه ومين يسألك على اي حاجة جوبيه عادي يعني عقاب وادا طلب منك سماح سامحيه والمسامح كريم اختاه

[" أبو عبود"]

كان الله في عونك. صارحة هذا الكلام لا يمكن ان يقوله ولد لابنه او ابنته فكيف يقوله لزوجته. لا يهمني ما الذي فعلتيه او قلتيه حتى قال لك مثل هذا الكلام. مثلا لو انك تجاتوزت حدودك فالاولى ان يتركك وحتى يطلقك دونما كلام جارح. لانه لكل شيء حل والكلام الجارح والضرب هما من اسوأ صفات العلاقت الانسانية.
والله لا ادري حتى كيف انصحك فانت متزوجة ولا يجب ان نخببك علىزوجك وفي نفس الوقت لم نجد ما نواسيك به او نساعدك لتجاوز الامر. عسى الله ان يهديه ويجلعه يعتذر لك ويصلح خطأه.

[الجنة الجنة]

اكيد راح نقلك بلي كان غضبان، الحل انو تبنيلو بلي هذا الشيء زعفك وبلي ما تقبليش كلام كيما هذا وقوليلو تصور لو قلت لك كلام مثل هذا ماذا ستكون ردة فعلك وخليه يخمم درك يتكاكا لروحو بلي كان غالط ويجي يطلب منك السماح

[كلنا راحلون]

هههههههههههههه هههههههههههههههه

[النجمة القطبية]

يا اختى متكبريهاش قال كلمة في ساعة ناقصة خليه لمولاه ما تجاوبي ما تتعبي روحك
وكلي امرك لله سبحانو ولما يتكالما اهدري معاه وحطي النقاط على الحروف
موفقة

[اياد حياتي]

عادي اختي تقبليها ولا تكبري الموضوع كيما قالت الاخت صوميه يمات يا ما سمعت كلام جارح من زوجي اسؤأ من هذا ورانا عادي وفات الايام وكأنو ما صرا حتى شيء

[زايدي أمحمد]

اختي الله جعل بين الزوجين المودة والرحمة وهاذي مذكورة في القران فاأكيد زوجك لو كان حقا يرى فيك نقص التربية لكنت في دار ابيك فهو قالها ولم بقصدها حقا فعليك مواجعته لكن بطريقة لينة وتقولي له انه جرحك لهذا كلام

[نجمة المستقبل]

السسلآم عليكمْ و رحمة الله ْو بركآتهْ


أختي ما دام راكي قلتي أنك ذات سيرة حسنة و تربية منذ الصغرْ و بشهآدة النآسْ فهاذ يعنيْ أنوا زوجكْ قآلهآ في لحظة غضبْ لآ غيرْ ، فالأمرْ عآديْ و هآذي هي الحيآة الزوجية يلزم يكونْ فيهآ تضحيآتْ من الطرفين يعني تفوتيلوا و يفوتلكْ
و اذآ كان غاضتك هاذ الكلمة صومي عليه كيمآ قال بعض الآعضآءْ

و يبقى هذا مجرد رأيْ قد يكون صآئب و قد يكونْ لآ ، و يبقى الآمر بين يديكْ

نتمنى ترجعْ الميآه لمجآريهآ
ربي ييسر لكْ أموركْ

سلآمْ ~

[mouloudfan]

عادي ختي ماكاين والوا هذا رجلك لزم تصبري وتنصحيه وربي يهدي مخلق

[rayhana malak]

سلام شكرا جزيلا على مداخلاتكم صح هو اعتدر بطريقة غير مباشرة بصح مانكدبش عليكم مزال قلبي مجروح المهم ربي يهدينا كامل

[salem1985]

كاين اي مري على جرح الناس وكاين الي ما يعرفش واش يهدر واش طلبي ربي يهديه

[هبة الوهاب]

انا نقلك مترديش الاساءة بالاساءة واسكتي واذا قدرتي تتناقشي معاه اذا لا اصبري وشوفي كي يرجع ويستسمح فقط

[BYRACK]

بسم الله و الحمد لله و الصلاه و السلام علي رسول الله
اكيد هدا من سلبيات الرجال انها العصبيه ولتتاكدي من دالك اكيد قالها لك بدون حضور اشخاض اخرين يعني غير بيناتكم
كنت قد قرات لكي موضوع عن ماحدث في يدك في رمضان المبارك ولان الموضوع مغلق لم استطيع الرد فاقول والله المستعان تلك علامه و اشاره وبشاره و كان الاجدر الكتمان.

[pro24]

لم يقلها بدون سبب.......
لو اكملت القصة .......؟؟؟؟؟؟
لنصحتك........كلمة كبيرة ...ومفعولها سريع......؟؟؟؟؟
يجب فهم السبب.وعليه اتخاذ الاجراءات.........
ربي يستر ويحفظ....
بالتوفيق في حياتك الزوجية.......

[السي محمد]

فيها حسابات


و الفيزياء تقول لكل فعل رد فعل

و كلامه كان رد فعل

سقسيه علاه قاللك هكذا؟؟؟ وش هي الحاجة اللي شافها فيك بلي مش متربية مليح؟