تسجيل الدخول

مشاهدة النسخة كاملة : هذا وليد عمي وهذا وليد خالتي

*سندوسة*
2014-09-13, 21:28
السلام1


في مجتمعنا يوجد عائلات كيما يقولو بيوتهم مغلقة على الفاميليا يعني شباب مثل اولاد الخال او العم او ما الى ذلك يسمح لهم فقط الدخول في بيت الضيافة يعني لا يختلط ببنات الدار

بالمقابل يوجد عائلات تجد ابن الخال او العم يجلس مع بنات خالته او عمه في صدر البيت او حتى في المطبخ

وكل هذا تحت اسم ولد الدار


والمشكل انها عندما تتزوج تفرضهم على زوجها تقولو هذا ولد خال وهذا ولد عمي والمصيبة هذا ولد جيران وهذا متربي معانا

المهم اخي الرجل اذا وقعت في موقف مثل هذا ماهي ردة فعلك اتجاه زوجتك؟
يعني لما تقولك هذا ولد عمي نسلم عليه ونريح معاه
او
تروح تحضر لعرس فاميلتها وتبقى جالسة مع لافامي نتاعها يعني "شباب "وخاصة اذا كانو في نفس سنها او كبار عليها

اسعد بنقاشاتكم بالموضوع
ولد حمد الباتني
2014-09-13, 21:52
مانقدرش نتخيل أن زوجتي المستقبيلة تقلي هذا ولد خالي ولا ولد عمي نسلم عليه وعيب ومانعرف ...
أصلا مانقدرش نتخيل
ثم اذا كانت فيها هاذ العقلية وعندها هاذ الفكرة من الأول كي تعرفني شكون نكون وكيفاه نخمم تعرف عقليتي وتفهمها وحدها وتنحيها من بالها ....
*سندوسة*
2014-09-13, 22:03
مانقدرش نتخيل أن زوجتي المستقبيلة تقلي هذا ولد خالي ولا ولد عمي نسلم عليه وعيب ومانعرف ...
أصلا مانقدرش نتخيل
ثم اذا كانت فيها هاذ العقلية وعندها هاذ الفكرة من الأول كي تعرفني شكون نكون وكيفاه نخمم تعرف عقليتي وتفهمها وحدها وتنحيها من بالها ....

شكرا لك اخي ورايك سديد

اخي بحكم اننا عائلة لا يسمح للشباب من فاميليا الدخول الا مرة تفاجئنا في عرس خالي ان عروسته في يوم العرس تقول له اذا مادخلوش ولاد عمي ماراحش نتصدر وخالي تفاجئ باطلب نتاعها وهي اول يوم في بيته

واكيد نحنا اخرجنا الاب من العرس عند سماعه بهذا الكلام

ارادت ان تجمعنا معهم في سهرة عرسها

الا ان العائلة رفضت رفضا كاملا

والعروس لم تكتفي بهذا بل بعد الزواج بدات تلح عليه ان تذهب لزيارتهم والفت مسلسلات وما الى ذلك الى ان انتهى بها الامر الى الطلاق

ومن خلال سرد هذه الحكاية الواقعية ارجو من كل الفتيات الاتعاض

وشكرا لمشاركتك اخي
ولد حمد الباتني
2014-09-13, 22:06
شكرا لك اخي ورايك سديد

اخي بحكم اننا عائلة لا يسمح للشباب من فاميليا الدخول الا مرة تفاجئنا في عرس خالي ان عروسته في يوم العرس تقول له اذا مادخلوش ولاد عمي ماراحش نتصدر وخالي تفاجئ باطلب نتاعها وهي اول يوم في بيته

واكيد نحنا اخرجنا الاب من العرس عند سماعه بهذا الكلام

ارادت ان تجمعنا معهم في سهرة عرسها

الا ان العائلة رفضت رفضا كاملا

والعروس لم تكتفي بهذا بل بعد الزواج بدات تلح عليه ان تذهب لزيارتهم والفت مسلسلات وما الى ذلك الى ان انتهى بها الامر الى الطلاق

ومن خلال سرد هذه الحكاية الواقعية ارجو من كل الفتيات الاتعاض

وشكرا لمشاركتك اخي

كيما قلتي طبائع وعقليات ...
ولكن كيفاه ماعرفتش عقليت زوجها قبل الزواج ؟؟؟؟
*سندوسة*
2014-09-13, 22:11
كيما قلتي طبائع وعقليات ...
ولكن كيفاه ماعرفتش عقليت زوجها قبل الزواج ؟؟؟؟


[/center]

فترة الخطوبة كانت مدتها قليلة وماكانوش يتكلمو مع بعض فالهاتف اثناء هاذ الفترة
ولد حمد الباتني
2014-09-13, 22:16
فترة الخطوبة كانت مدتها قليلة وماكانوش يتكلمو مع بعض فالهاتف اثناء هاذ الفترة

عليها للزواج العصري بعض المحاسن ... وشره اكثر من نفعه لكن فيه بعض النفع ...
ويبقى الأمل
2014-09-13, 22:23
شكرا على الموضوع المطروح أعلاه وهو أمر سلبي مطروح بكثرة في مجتمعنا.
وبالمقابل يوجد من الرجال من يعاملون بنات الأخوال وبنات الأعمام معاملة مثلما يسمونها بالأخوة .
وكثير من النساء ترفض هذا التصرف من زوجها.
ولد حمد الباتني
2014-09-13, 22:25
وفي المقابل كما أشارت الأخت بعض الذكور -اسم الرجل أكبر منه- يلزم زوجته بالخروج والتسليم على أولاد عمه وأخواله بحجة عيب ماتسلميش عليهم ...
*سندوسة*
2014-09-13, 22:29
شكرا على الموضوع المطروح أعلاه وهو أمر سلبي مطروح بكثرة في مجتمعنا.
وبالمقابل يوجد من الرجال من يعاملون بنات الأخوال وبنات الأعمام معاملة مثلما يسمونها بالأخوة .
وكثير من النساء ترفض هذا التصرف من زوجها.

العفو اختي وبارك الله فيك

اكيد الزوجة من حقها ترفض هذاالتصرف

اولا لانهم يعتبرون غرباء وثانيا غيرتها لا تسمح لها برؤية مثل هذه التصرفات

القانون الاسري يمنع مثل هذه التعاملات :1: :1: :1: ههههه
*سندوسة*
2014-09-13, 22:31
وفي المقابل كما أشارت الأخت بعض الذكور -اسم الرجل أكبر منه- يلزم زوجته بالخروج والتسليم على أولاد عمه وأخواله بحجة عيب ماتسلميش عليهم ...


بالطبع اخي هناك من يستهين بمثل هذه الامور

ومجتمعنا تغلب عليه النية الناقصة

ربي يبعد عنا الفتن ماظهر منها وما بطن
الفهد11
2014-09-13, 22:38
وينهو المشكل في هذا كاين بنات ترباو مع اولاد اعمامهم او خالاتهم مثل الاخوة خاصتا في الدواوير كيف القبايل ودواوير سطيف وو..الخ والي مافي كرشو التبن مايخاف من النار ولحديث قياس وهذا الي طلق نقولو الله يهديك
*سندوسة*
2014-09-13, 22:41
وينهو المشكل في هذا كاين بنات ترباو مع اولاد اعمامهم او خالاتهم مثل الاخوة خاصتا في الدواوير كيف القبايل ودواوير سطيف وو..الخ والي مافي كرشو التبن مايخاف من النار ولحديث قياس وهذا الي طلق نقولو الله يهديك

بصح رانا في وقت صعيب بزاف

ولتفادي حدوث اي غلط يمنع الاختلاط من باب الاحتياط

وربي يهدي لجميع
الفهد11
2014-09-13, 22:45
بصح رانا في وقت صعيب بزاف

ولتفادي حدوث اي غلط يمنع الاختلاط من باب الاحتياط

وربي يهدي لجميع

اعلم ماتقصدين اليه لكن الي ترباو مثل الاخوة من الصغر هل بين عشي وضحاها يقدر يعزلها عنهم
؟ويمنعها من زيارتهم ؟ هل الطلاق زعما حل في راي؟
kaout
2014-09-13, 22:50
صح الوقت صعيب بصح كاين بنات والله من راجلها ماتشوف يالوكان تكون مابين الرجال ماتبدلوا فمابلك باولاد عمها او اخوالها
وكل واحد وكيفاه يخمم درك جات في طبع الوفاء والحب سواء من الرجل او المراة
الفهد11
2014-09-13, 22:52
صح الوقت صعيب بصح كاين بنات والله من راجلها ماتشوف يالوكان تكون مابين الرجال ماتبدلوا فمابلك باولاد عمها او اخوالها
وكل واحد وكيفاه يخمم درك جات في طبع الوفاء والحب سواء من الرجل او المراة
بارك الله فيك نعم الكلام تحية لك سلام
*سندوسة*
2014-09-13, 22:52
اعلم ماتقصدين اليه لكن الي ترباو مثل الاخوة من الصغر هل بين عشي وضحاها يقدر يعزلها عنهم
؟ويمنعها من زيارتهم ؟ هل الطلاق زعما حل في راي؟


لكن الزوجة لازم تكون مطيعة لزوجها ولازم تعرف كيفاش تقنعو اذا كانو كيما راك تقول

وفلمجمع نتاعنا رانا نشوفو كاين ازواج لي يوصلو يمنعو زوجاتهم حتى من زيارة اهلها وهذا لا يجوز

كيما الزوجة تغير على زوجها الزوج تاني من حقه يغير على زوجته خصوصا اذا كانت ذات جمال وصغيرة في السن ورانا في مجتمع فيه ذئاب في ثوب بشر ماتغلطش روحك وتكون على نياتك :1:
*سندوسة*
2014-09-13, 22:55
صح الوقت صعيب بصح كاين بنات والله من راجلها ماتشوف يالوكان تكون مابين الرجال ماتبدلوا فمابلك باولاد عمها او اخوالها
وكل واحد وكيفاه يخمم درك جات في طبع الوفاء والحب سواء من الرجل او المراة

بارك الله فيك اختي

ويبقى الحذر واجب
" أبو عبود"
2014-09-13, 23:00
الحمد لله عندنا لا يدخل احدهم للبيت دون وجود رجل ويدخل فقط إلى الصالون ولا تسلم عليه النساء لا ابن خال ولا ابن عم. ولو كنت مكان الاخ الدي قال ان زوجة ابنه رفضت التصديرة إلا بدخول ابناء عمها للسف كان المروض ان يتركها لابناء عمها فهذه سفاله صراحة. من يقلب زوجته او اخته تجلس او تصافح رجلا من غير المحارم فهو ديوث.
الفهد11
2014-09-13, 23:03
لكن الزوجة لازم تكون مطيعة لزوجها ولازم تعرف كيفاش تقنعو اذا كانو كيما راك تقول

وفلمجمع نتاعنا رانا نشوفو كاين ازواج لي يوصلو يمنعو زوجاتهم حتى من زيارة اهلها وهذا لا يجوز

كيما الزوجة تغير على زوجها الزوج تاني من حقه يغير على زوجته خصوصا اذا كانت ذات جمال وصغيرة في السن ورانا في مجتمع فيه ذئاب في ثوب بشر ماتغلطش روحك وتكون على نياتك :1:


هههه انتي شاوية؟ انا نقلك الطفلة تربات مع اولاد اعمامها او خالاتها خاصتا اذا يسكنوا في دار كبيرة مع بعض ميقدرش هو بين عشية وضحاها يقطع عليها صلة رحمها لازملو وقت باش يخليها تنقص الزيارة او التسلام كما قلت

والي مايديرش الثقة في زوجتو من الافضل يبقى silibayar خير ما يظلم بنات الناس الله يبعد عليكم هذ الموسوسين
الفهد11
2014-09-13, 23:09
الحمد لله عندنا لا يدخل احدهم للبيت دون وجود رجل ويدخل فقط إلى الصالون ولا تسلم عليه النساء لا ابن خال ولا ابن عم. ولو كنت مكان الاخ الدي قال ان زوجة ابنه رفضت التصديرة إلا بدخول ابناء عمها للسف كان المروض ان يتركها لابناء عمها فهذه سفاله صراحة. من يقلب زوجته او اخته تجلس او تصافح رجلا من غير المحارم فهو ديوث.
يارجل كاين الي يدخل صحابو للفاتحة او العقد هل تعتبر هذا ديوث؟
kaout
2014-09-13, 23:09
Jaguar16
اخي حتى انا راني معاك
يانتزوج ونكون متهنية وواثقة في زوجي او العكس يا اما نقعد كيما راني
هذا زواج مانيش مستعدة اني نفوت عمري وانا شاكة فيه
لا الا لازم تكون الثقة والحب والوفاء
*سندوسة*
2014-09-13, 23:10
الحمد لله عندنا لا يدخل احدهم للبيت دون وجود رجل ويدخل فقط إلى الصالون ولا تسلم عليه النساء لا ابن خال ولا ابن عم. ولو كنت مكان الاخ الدي قال ان زوجة ابنه رفضت التصديرة إلا بدخول ابناء عمها للسف كان المروض ان يتركها لابناء عمها فهذه سفاله صراحة. من يقلب زوجته او اخته تجلس او تصافح رجلا من غير المحارم فهو ديوث.

شكرا لك اخي لإبداء رايك في الموضوع

وبارك الله فيك
*سندوسة*
2014-09-13, 23:21
هههه انتي شاوية؟ انا نقلك الطفلة تربات مع اولاد اعمامها او خالاتها خاصتا اذا يسكنوا في دار كبيرة مع بعض ميقدرش هو بين عشية وضحاها يقطع عليها صلة رحمها لازملو وقت باش يخليها تنقص الزيارة او التسلام كما قلت

والي مايديرش الثقة في زوجتو من الافضل يبقى silibayar خير ما يظلم بنات الناس الله يبعد عليكم هذ الموسوسين

لا انا عباسية

هو ماشي مادايرش ثقة فيها هو مايوثقش فناس الاخرى

بين قوسين اخي نتا ترضى زوجتك تريح ونأخذ وتعطي في الحديث وتضحك مع فاميلتها شباب


يا اخي المراة فتنة حتى حماها وما لازمش تريح معاه
الفهد11
2014-09-13, 23:21
jaguar16
اخي حتى انا راني معاك
يانتزوج ونكون متهنية وواثقة في زوجي او العكس يا اما نقعد كيما راني
هذا زواج مانيش مستعدة اني نفوت عمري وانا شاكة فيه
لا الا لازم تكون الثقة والحب والوفاء
والله يا اختي المحترمة ارتفاع نسبة الطلاق غير من التوسويس الزايد عن اللزوم والرجل اذا راه موسوس من ابن خالها او ابن عمها الي تربات معاه هذا ماهوش تاع عشرة وراح يتعب بنت الناس ويضلمها اكيد ا
الفهد11
2014-09-13, 23:23
لا انا عباسية

هو ماشي مادايرش ثقة فيها هو مايوثقش فناس الاخرى

بين قوسين اخي نتا ترضى زوجتك تريح ونأخذ وتعطي في الحديث وتضحك مع فاميلتها شباب




يا اخي المراة فتنة حتى حماها وما لازمش تريح معاه
عباسية وكون تبحثي عن اصولك تلقايها شاوية امزح فقط اختي
يعني قبل مايديها كان ضامن بلي ماتقاستش ؟
كينعود مداير فيها الثقة نخليها حتى تجوز لارمي :mh31: ماش تريح مع اولاد عمها فقط :19:
*سندوسة*
2014-09-13, 23:25
jaguar16
اخي حتى انا راني معاك
يانتزوج ونكون متهنية وواثقة في زوجي او العكس يا اما نقعد كيما راني
هذا زواج مانيش مستعدة اني نفوت عمري وانا شاكة فيه
لا الا لازم تكون الثقة والحب والوفاء

يا اختي في هاذ الوقت باش تكوني متهنية من جهة الراجل غير فوتيها

الدنيا هاذي دروس ومدامك عايشة راح تتعلمي وتسمعي والعبرة كي تستفيدي من الدروس واخطائك واخطاء الغير

بالتوفيق
*سندوسة*
2014-09-13, 23:30
عباسية وكون تبحثي عن اصولك تلقايها شاوية امزح فقط اختي
يعني قبل مايديها كان ضامن بلي ماتقاستش ؟
كينعود مداير فيها الثقة نخليها حتى تجوز لارمي :mh31: ماش تريح مع اولاد عمها فقط :19:

المشكل اننا نحن الجزائريين نهدرو بزاف وفي وقت الصح نلقاو ارواحنا متناقضين

أيعقل ان تترك زوجتك المستقبلية تجوز لارمي

المهم باش مانظلمش بنت الناس لي مانعرفهاش نقولها مبروك عليك راكي كسبتي قلب زوجك وثقته :1: :1:

اسعدتني ارائكم في الموضوع

واختلاف في الراي لايفسد في الود قضية
الفهد11
2014-09-13, 23:30
يا اختي في هاذ الوقت باش تكوني متهنية من جهة الراجل غير فوتيها


بالتوفيق

غلقتي عليها رحمة ربي c bon بلاك يرزقها ربي بزوج يفهمها وتفهمو ويعيشو la belle vie لماا هذ التشاؤم؟
*سندوسة*
2014-09-13, 23:34
غلقتي عليها رحمة ربي c bon بلاك يرزقها ربي بزوج يفهمها وتفهمو ويعيشو la belle vie لماا هذ التشاؤم؟


يا اخي هذا واقع ومجتمعنا يخلو من المثالية وانا كم اتمنى ان تكون حياتها سعيدة

ولكن الثقة العمياء اما درس مدي الحياة او انسان مدى الحياة

لواحد دائما يكون حذر فقط من باب تقليل الصدمة
الفهد11
2014-09-13, 23:39
يا اخي هذا واقع ومجتمعنا يخلو من المثالية وانا كم اتمنى ان تكون حياتها سعيدة

ولكن الثقة العمياء اما درس مدي الحياة او انسان مدى الحياة

لواحد دائما يكون حذر فقط من باب تقليل الصدمة
وتوقع اشياء مستقبلية قد لاتحدث اطلاقا يجعلك متشائمة اخت ياسمين تفائلي خيرا
*سندوسة*
2014-09-13, 23:42
وتوقع اشياء مستقبلية قد لاتحدث اطلاقا يجعلك متشائمة اخت ياسمين تفائلي خيرا

ربي يجيب لخير
ويرزقنا على حساب نيتنا

وبالتوفيق للجميع
زايدي أمحمد
2014-09-13, 23:52
انا لاداعي امعرفة رايي انا رايي مرتبط بالحكمة الاسلام مدام الاسلام يحرم هذا الامر فاأكيد انني لن اتقبلها لزوجتي ولا لنفسي انا عمري 22 سنة وحاليا راني داير جدود بيني وبين بنات خالاتي وبنات عماتي
loufa
2014-09-14, 08:15
السلام عليكم
ليس لديا اولاد عم واولاد الخالة جدا بعيدون يعني لا نراهم ولا نختلط بهم وانا مع عدم الاختلاط لكن على الزوج ان يفهم زوجته ويشرح لها لماذا في بداية زواجهما حتى لا تقع مشاكل بينهما
وسؤالي وهل تقبل المراة ان يسلم ويجلس زوجها مع بنات خالاته وبنات عماته اكيد لن ترضاه لان الغيرة ستاكلها
شكراااااااا
loufa
2014-09-14, 08:18
يارجل كاين الي يدخل صحابو للفاتحة او العقد هل تعتبر هذا ديوث؟

عندنا لم اسمع بها بعد لكن ربما تتحدث بحكم انك تعيش في دولة اجنبية وربما تعودت على عاداتهم فلا الوم ردك ولن يفهمك الكثير من الناس
*سندوسة*
2014-09-14, 10:25
انا لاداعي امعرفة رايي انا رايي مرتبط بالحكمة الاسلام مدام الاسلام يحرم هذا الامر فاأكيد انني لن اتقبلها لزوجتي ولا لنفسي انا عمري 22 سنة وحاليا راني داير جدود بيني وبين بنات خالاتي وبنات عماتي

بارك الله فيك اخي

وهذا هو الصح
*سندوسة*
2014-09-14, 10:29
السلام عليكم
ليس لديا اولاد عم واولاد الخالة جدا بعيدون يعني لا نراهم ولا نختلط بهم وانا مع عدم الاختلاط لكن على الزوج ان يفهم زوجته ويشرح لها لماذا في بداية زواجهما حتى لا تقع مشاكل بينهما
وسؤالي وهل تقبل المراة ان يسلم ويجلس زوجها مع بنات خالاته وبنات عماته اكيد لن ترضاه لان الغيرة ستاكلها
شكراااااااا

وعليكم السلام ورحمة الله وبركاته

بارك الله فيك اختي على الكلام الجميل

سعدت بمرورك
" أبو عبود"
2014-09-14, 13:42
هايلة هذي حكاية الثقة. نخيلها تروح تبات عند ابن عمها مدام راني واثق فيها وأنا ثاني نجيب بنت عمي تبات عندي واش فيها ؟ والله بعض الناس داريرين دين وشرع وحدهم. لواش املا الحجاب ولواش الحجبة ولواش الزواج اصلا وعلاش الرجل يتزوج بنت عموا اذا راهي من الارحام؟ قالك ثقة قالك راسي رايح ينفجر.
*سندوسة*
2014-09-14, 13:46
هايلة هذي حكاية الثقة. نخيلها تروح تبات عند ابن عمها مدام راني واثق فيها وأنا ثاني نجيب بنت عمي تبات عندي واش فيها ؟ والله بعض الناس داريرين دين وشرع وحدهم. لواش املا الحجاب ولواش الحجبة ولواش الزواج اصلا وعلاش الرجل يتزوج بنت عموا اذا راهي من الارحام؟ قالك ثقة قالك راسي رايح ينفجر.

يا اخي كل واحد وقناعتو

والحاجة لي فينا حنا هي العناد يعني مدامنا نقولو لهاد الناس زوجتك لازم تكون محجوبة على اعين الناس وخاصة شباب يقولك لالا انا واثق فيها

المهم الله يجيب لخير
بتول8
2014-09-14, 13:52
القاء التحية ليس بالحرام انما التلامس
الرجل عادي لما يلقي التحية لكن زوجته محرم عليها لا افهم لماذا
هادي فاميلتها و الحلال باين و الحرام باين
ما لا افهمه لماذا يصر بعض الازواج الكرام ان يحرمو على الزوجات حتى زيارة خالاتها او عماتها بحجة ممكن تتلاقا ولد خالتها او عمتها و هل بالضرورة توجد علاقة بين المراة و اولاد عماتها او خالاتها او فاميلتها
بالله عليكم يا رجال علاش كي تتلاقاو ببنت عمكم او خالتكم تضحكو و تلقيو التحية و تربحو لملاحة اما زوجاتكم خليتو اهاليهم يكرهوهم غير من بالاكي تقولي لولد خالتك وش راك لاباس
00 كاين لي تزلي ولد خالتها فطريق غير من الخوف لا يستحكم عليها راجلها هدا مش انسان غريب تلقي التحية فكلمتين تسقسي على خالتها و اولادها و السلام سال عليهم و خلصت00
ممنوع 00 قلة الثقة بين الازواج يشك حتى فعلاقتها باخوانها 00
عجبا
*سندوسة*
2014-09-14, 15:57
القاء التحية ليس بالحرام انما التلامس
الرجل عادي لما يلقي التحية لكن زوجته محرم عليها لا افهم لماذا
هادي فاميلتها و الحلال باين و الحرام باين
ما لا افهمه لماذا يصر بعض الازواج الكرام ان يحرمو على الزوجات حتى زيارة خالاتها او عماتها بحجة ممكن تتلاقا ولد خالتها او عمتها و هل بالضرورة توجد علاقة بين المراة و اولاد عماتها او خالاتها او فاميلتها
بالله عليكم يا رجال علاش كي تتلاقاو ببنت عمكم او خالتكم تضحكو و تلقيو التحية و تربحو لملاحة اما زوجاتكم خليتو اهاليهم يكرهوهم غير من بالاكي تقولي لولد خالتك وش راك لاباس
00 كاين لي تزلي ولد خالتها فطريق غير من الخوف لا يستحكم عليها راجلها هدا مش انسان غريب تلقي التحية فكلمتين تسقسي على خالتها و اولادها و السلام سال عليهم و خلصت00
ممنوع 00 قلة الثقة بين الازواج يشك حتى فعلاقتها باخوانها 00
عجبا

هذا كل من حقه اختي من باب غيرته على زوجته

شكرا لمرورك اختي
الفهد11
2014-09-14, 22:15
عندنا لم اسمع بها بعد لكن ربما تتحدث بحكم انك تعيش في دولة اجنبية وربما تعودت على عاداتهم فلا الوم ردك ولن يفهمك الكثير من الناس

لا اتكلم على بلاد الغربة هذا شئ اخر هل العقد او الفاتحة في الجزاءر ليس فيها اختلاط بين الرجال والنساء من الاقارب او الاصدقاء؟
الفهد11
2014-09-14, 22:18
هذا كل من حقه اختي من باب غيرته على زوجته

شكرا لمرورك اختي

ماش لهذ الدرجة ياسمين اذا زاد الشئ عن حده انقلب الى ضده هذا توسويس يالبنية :) واه ولا لا لا؟
ام رجاء 09
2014-09-14, 22:40
موضوع مهم وما اكثرهم وحتى رجال لا عليهم عادي ولي دونجي الاصدقاء يعني مادا بيها تتزوج بصح كليكا تاعها تقعد هكاك ما لازمش زوج يخسرها وكاين رجال يقبلو وكاين عكس وربي يهدينا
dabdoubi
2014-09-14, 23:24
عندنا لم اسمع بها بعد لكن ربما تتحدث بحكم انك تعيش في دولة اجنبية وربما تعودت على عاداتهم فلا الوم ردك ولن يفهمك الكثير من الناس

السلام عليكم و الله حنا في منطقتنا هاذا الشيء صار عادي في المناسبات تاعنا و العريس يدخل الرجال من العائلة و الاصحاب ولات لامود للاسف:confused::confused:
نارينا
2014-09-14, 23:45
أستغفر الله العظيم ....مرت راجل ومزال تحوس تحكي مع ابن العم وابن الخال؟؟ اللهم استرنا وأبقي نخوة الرجولة في رجالنا .....سبحان الله
*سندوسة*
2014-09-15, 09:49
لا اتكلم على بلاد الغربة هذا شئ اخر هل العقد او الفاتحة في الجزاءر ليس فيها اختلاط بين الرجال والنساء من الاقارب او الاصدقاء؟

فعلا اخي كلامك صح يعني فالمناسبات

اما الموضوع يتحدث عن الايام العادية

شكرالك
*سندوسة*
2014-09-15, 09:56
ماش لهذ الدرجة ياسمين اذا زاد الشئ عن حده انقلب الى ضده هذا توسويس يالبنية :) واه ولا لا لا؟

كل واحد وكيفاش يشوف للامور

انا لوكان زوجي المستقبلي:cool: يقعد مع لبنات نتاع لافامي نتاعه ويبقى يضحك ويتكلم راح تاكلني لغيرة

وراح نمنعو من زيارتهم لوحده لازم نكون معاه رجلي على رجله :1:

والوقت لي رانا فيه يخليك تتوسوس من اي حاجة وتتوقع اي حاجة:1:

ونتا فيبالي بنت عمك او بنت خالك راهي هنا فالمنتدى على بيها راك خايف ههه :D

امزح فقط اخي

شكرا لك
*سندوسة*
2014-09-15, 09:58
موضوع مهم وما اكثرهم وحتى رجال لا عليهم عادي ولي دونجي الاصدقاء يعني مادا بيها تتزوج بصح كليكا تاعها تقعد هكاك ما لازمش زوج يخسرها وكاين رجال يقبلو وكاين عكس وربي يهدينا

الله يجيب لخير حنا شعب معندناش ثقافة الصداقة للاسف

حنا شعب غير تغفل يستغفلووووووووووووووووك
*سندوسة*
2014-09-15, 10:05
السلام عليكم و الله حنا في منطقتنا هاذا الشيء صار عادي في المناسبات تاعنا و العريس يدخل الرجال من العائلة و الاصحاب ولات لامود للاسف:confused::confused:

ومن هنا يبدا الطريق الى ................

والله العظيم نحكيلكم قصة واقعية مرة واحد تزوج وكيما راكم تقولو الزوج ذخل اصدقائه للسهرة نتاع عرسه وسط العائلة

وبعد مرور فترة صرات مشاكل بين المراة وزوجها

هاذيك الزوجة اخذت رقم صديقه من هاتفه وكي راحت لدارهم غضبانة "وللعلم صديقه احسن منه من حيث الجمال والمال"المهم وصلت للطلاق

هذيك الزوجة بدأت تتصل بذلك الصديق ووالباقي راكم تعرفوه

ومنين كان يقوله صاحبه ارواح معايا نرجع زوجتي كان يقوله طلقها مدامك مراكش متفاهم معاها وهي راهي رافضاتك

المهم قبل ماتوصلها ورقة الطلاق كانت على علاقة .........مع ذلك الصديق

لهذا مصباح وراني نقول الناس ماراهيش تخاف ربي ومسيو جاغوار راه يعند
*سندوسة*
2014-09-15, 10:07
أستغفر الله العظيم ....مرت راجل ومزال تحوس تحكي مع ابن العم وابن الخال؟؟ اللهم استرنا وأبقي نخوة الرجولة في رجالنا .....سبحان الله

اللهم امين اختي

وبارك الله فيك
فارس وجواد
2014-09-15, 13:45
السلام عليكم :
إسمحيلي أختي نعبر بالعامية ,
هاذي نتاع ولد عمي و ولد خالتي , و زميلي كيما خويا , و ولد جيرانا تربينا كي الخاوة ,
كل هذا سبب لما نراه من تفتح و تفسخ و إنسلاخ من الأخلاق , و الله كوارث كبيرة تحدث بسبب هذا التساهلات تحت إشراف إبليس طبعا ,
و لو أننا لا نسمع بمثل هذه الفضائح إلا قليلا , لأن طبيعة العائلات التحفظ و التستر في مثل هذه الحالات ,
شخصيا لو قررت التقدم لفلانة و علمت أن لها إخوة غير إخوتها البيولوجيين , كأبناء العم و أبناء الخالات , و أبناء الجيران , و زملاء الدراسة , و زملاء العمل ,
و أصدقاء الفيس بوك , و التويتر , و حتى ال***** ,
أول خطوة أقوم بها هي الإنسحاب نهائيا , و لا أصل لمرحلة أتزوج بها , و أجعلها تساومني في لقاء إخوتها المزعومين .
*سندوسة*
2014-09-15, 14:55
السلام عليكم :
إسمحيلي أختي نعبر بالعامية ,
هاذي نتاع ولد عمي و ولد خالتي , و زميلي كيما خويا , و ولد جيرانا تربينا كي الخاوة ,
كل هذا سبب لما نراه من تفتح و تفسخ و إنسلاخ من الأخلاق , و الله كوارث كبيرة تحدث بسبب هذا التساهلات تحت إشراف إبليس طبعا ,
و لو أننا لا نسمع بمثل هذه الفضائح إلا قليلا , لأن طبيعة العائلات التحفظ و التستر في مثل هذه الحالات ,
شخصيا لو قررت التقدم لفلانة و علمت أن لها إخوة غير إخوتها البيولوجيين , كأبناء العم و أبناء الخالات , و أبناء الجيران , و زملاء الدراسة , و زملاء العمل ,
و أصدقاء الفيس بوك , و التويتر , و حتى ال***** ,
أول خطوة أقوم بها هي الإنسحاب نهائيا , و لا أصل لمرحلة أتزوج بها , و أجعلها تساومني في لقاء إخوتها المزعومين .

وعليكم السلام ورحمة الله وبركاته

ملاحظة ذكرتها مهمة في مشاركتك وهي:
و لو أننا لا نسمع بمثل هذه الفضائح إلا قليلا , لأن طبيعة العائلات التحفظ و التستر في مثل هذه الحالات ,

هذي النقطة لي بغيت نوصلها

ربي يجيب لخير ويصلح احوالنا واحوال بلادنا

وبارك الله فيك على المشاركة القيمة

موفق اخي
hodayena
2014-09-15, 17:29
نحي عن نفسي انا عن تجربة لا حظتها في دار راجلي
كي تولي في راجلي كاين فالمتهم متربيين معاهم كي جو في الصيف راهم كي خياتو والله عقلية نظيفة بصح لو كان نجو من جهة البنت تخاف عليها حتى من وليد خالتها ولوكان العرسوة تقول نزور خالتي وسلمت على وليد خالتي كيفاه وعلاه هي تهدر انا عن نفسي ولد خالتي واحد الي نسلم عله لانو اصغر مني وقرينا كيفيك وحنا اخ واخت قبل الزواج لكن كي عرف بلي تخطبت جبد روحو ولا ميعيطش كيما كان وانا تاني ونتلاقاو في المنسابات نكون لابسة جاحة مش مستورة نبدل قشي ونسلم عله ونسالو على حوالو وفرات لا ضحك ولا قصارة كيما بكري لكن زوجي مرة حكمتو يهدر مع ماشي غير وحدة وحدات كين قولو يقولي متربيين معاهم ايا قتلو انا تاني وليد خاليت متربي معنا ونقصر معاه كيما راك تقصر مع البنات قالي لالا وانا قتلو لا انت ولا انا بصح انت ماكش دايرلي احترام بعكس انا محترماتك وقتلو الرجلة والاحترام هي كي تهدر معاك تقولها اسمحيلي راني مشغول مع مرتي راهي تعيط ماشي تقصر واصلا متهدرش يا المربي معاهم نوضتها حرب تعجبيني كلمة كي خياتي متربي معاهم ويما تعرفهم ايما علاه مزوجاتكش معاهم وخلاص
مش غيرة لكن احسست انو هاني وظيح من كرامتي حسيت روحي خضرا فوق الطعام وزيادة مش غيرة لالا
الفهد11
2014-09-15, 21:58
ومن هنا يبدا الطريق الى ................

والله العظيم نحكيلكم قصة واقعية مرة واحد تزوج وكيما راكم تقولو الزوج ذخل اصدقائه للسهرة نتاع عرسه وسط العائلة

وبعد مرور فترة صرات مشاكل بين المراة وزوجها

هاذيك الزوجة اخذت رقم صديقه من هاتفه وكي راحت لدارهم غضبانة "وللعلم صديقه احسن منه من حيث الجمال والمال"المهم وصلت للطلاق

هذيك الزوجة بدأت تتصل بذلك الصديق ووالباقي راكم تعرفوه

ومنين كان يقوله صاحبه ارواح معايا نرجع زوجتي كان يقوله طلقها مدامك مراكش متفاهم معاها وهي راهي رافضاتك

المهم قبل ماتوصلها ورقة الطلاق كانت على علاقة .........مع ذلك الصديق

لهذا مصباح وراني نقول الناس ماراهيش تخاف ربي ومسيو جاغوار راه يعند

يييييييييييياحسرا وين داتنا ياسمين بنات الحرام منحكيوش عليهم هذ يالي تكلمت عليها اكيد راجلها طحان علابيها مرتوا مدارتلوش قصة او حساب

اضنك تتكلمين على بنات الفاميليا فخلينا في صلب الموضوع :19:
الفهد11
2014-09-15, 22:05
كل واحد وكيفاش يشوف للامور

انا لوكان زوجي المستقبلي:cool: يقعد مع لبنات نتاع لافامي نتاعه ويبقى يضحك ويتكلم راح تاكلني لغيرة

وراح نمنعو من زيارتهم لوحده لازم نكون معاه رجلي على رجله :1:

والوقت لي رانا فيه يخليك تتوسوس من اي حاجة وتتوقع اي حاجة:1:

ونتا فيبالي بنت عمك او بنت خالك راهي هنا فالمنتدى على بيها راك خايف ههه :d

امزح فقط اخي

شكرا لك
لا لا اختي انا اصلا اسكن في المدينة وعايش كيف الاروبيين يعني كل واحد حاكم سابعو ني خلطة ني والو انا تكلمت فقط على ناس الدواوير مثل القبائل يعني عندهم الخلطة كثيرا بين بعضاهم ولاد العم او بنات الخال الزوج مايقدرش يقطع صلة القرابة بين عشية وضحاها يعني بشو وحدة وحدة ويقدر ضروفها كيف كانت عايشة ماش يعنفها ويملي عليها اوامرة بقطع صلتها بهم نهائياويتوسوس منها ومنهم
*سندوسة*
2014-09-16, 08:09
نحي عن نفسي انا عن تجربة لا حظتها في دار راجلي
كي تولي في راجلي كاين فالمتهم متربيين معاهم كي جو في الصيف راهم كي خياتو والله عقلية نظيفة بصح لو كان نجو من جهة البنت تخاف عليها حتى من وليد خالتها ولوكان العرسوة تقول نزور خالتي وسلمت على وليد خالتي كيفاه وعلاه هي تهدر انا عن نفسي ولد خالتي واحد الي نسلم عله لانو اصغر مني وقرينا كيفيك وحنا اخ واخت قبل الزواج لكن كي عرف بلي تخطبت جبد روحو ولا ميعيطش كيما كان وانا تاني ونتلاقاو في المنسابات نكون لابسة جاحة مش مستورة نبدل قشي ونسلم عله ونسالو على حوالو وفرات لا ضحك ولا قصارة كيما بكري لكن زوجي مرة حكمتو يهدر مع ماشي غير وحدة وحدات كين قولو يقولي متربيين معاهم ايا قتلو انا تاني وليد خاليت متربي معنا ونقصر معاه كيما راك تقصر مع البنات قالي لالا وانا قتلو لا انت ولا انا بصح انت ماكش دايرلي احترام بعكس انا محترماتك وقتلو الرجلة والاحترام هي كي تهدر معاك تقولها اسمحيلي راني مشغول مع مرتي راهي تعيط ماشي تقصر واصلا متهدرش يا المربي معاهم نوضتها حرب تعجبيني كلمة كي خياتي متربي معاهم ويما تعرفهم ايما علاه مزوجاتكش معاهم وخلاص
مش غيرة لكن احسست انو هاني وظيح من كرامتي حسيت روحي خضرا فوق الطعام وزيادة مش غيرة لالا

الراجل داير في حسابو راجل يعني حتى لوكان يغلط المجتمع ماراحش يحاسبو راح يقولو لوكان لمرا مارضاتش باش تكون معاه هو مراح يدير والو

المهم انتي اختي حاولي تقنعي راجلك غير بالعقل وقوليلو كيما نتا تغير عليا وتخاف عليا انا كتر يعني كلش بالحوار واكيد اختي راح تتفاهمو

وربي يفرحك
*سندوسة*
2014-09-16, 08:12
يييييييييييياحسرا وين داتنا ياسمين بنات الحرام منحكيوش عليهم هذ يالي تكلمت عليها اكيد راجلها طحان علابيها مرتوا مدارتلوش قصة او حساب

اضنك تتكلمين على بنات الفاميليا فخلينا في صلب الموضوع :19:

:rolleyes: :o :o :o :o :rolleyes:

لا لا اختي انا اصلا اسكن في المدينة وعايش كيف الاروبيين يعني كل واحد حاكم سابعو ني خلطة ني والو انا تكلمت فقط على ناس الدواوير مثل القبائل يعني عندهم الخلطة كثيرا بين بعضاهم ولاد العم او بنات الخال الزوج مايقدرش يقطع صلة القرابة بين عشية وضحاها يعني بشو وحدة وحدة ويقدر ضروفها كيف كانت عايشة ماش يعنفها ويملي عليها اوامرة بقطع صلتها بهم نهائياويتوسوس منها ومنهم


كيشفتك تهدر هذيك الهدرة قلت بلاك نتا منهم يعني قبايلي او تسكن فدوار وعايش مع لفامي نتاعك :1:

المهم لا علينا وشكرا لك على اثراء الموضوع برأيك

وربي يجازيك كل خير
" أبو عبود"
2014-09-16, 13:33
الحمد لله والهل العظيم ليس لدينا اختلاط لا في عرس ولا في عقد ولا في اي مناسبة. لا يدخل اي رجل مهما كانت قرابته للعروس او للعريس ولا يوجد تصوير عدا للعائلة الضيقة جدا ويمنع منعا باتا استعمال اي جهاز تصوير من اي كان. حتى العريس لا يدخل. يوجد بيت للنساء وبيت للرجال. صاحب العرس اي والد العريس او اخوه يكون في الغرفة الخارجية وتحخضر غليه ام العريس او اخته فقط لتحضر له ما يريد.
فكرة يجلس مع ابنة خاله او عمه لا توجد لا توجد لا عند الرجال ولا عند النساء. كل يعرف قيمته. عندما يدخل رجل غلى بيتهه ويجد عندهم اي من العائلات يبقى في الصالون او يخرج.
loufa
2014-09-16, 21:51
لا اتكلم على بلاد الغربة هذا شئ اخر هل العقد او الفاتحة في الجزاءر ليس فيها اختلاط بين الرجال والنساء من الاقارب او الاصدقاء؟

لم يسبق لي ان رايت ربما لاني لا احضر الكثير من الاعراس بحكم بعدي
اما عنك فحكمت لاني رايت مكان اقامتك بمارساي
الفهد11
2014-09-16, 23:14
:rolleyes: :o :o :o :o :rolleyes:



كيشفتك تهدر هذيك الهدرة قلت بلاك نتا منهم يعني قبايلي او تسكن فدوار وعايش مع لفامي نتاعك :1:

المهم لا علينا وشكرا لك على اثراء الموضوع برأيك

وربي يجازيك كل خير


شكرا اختي ربي يجازيك بالخير انت كذلك:19:
الفهد11
2014-09-16, 23:18
لم يسبق لي ان رايت ربما لاني لا احضر الكثير من الاعراس بحكم بعدي
اما عنك فحكمت لاني رايت مكان اقامتك بمارساي
الله يسترنا هذا مانقولو اختي ربي يسهل امورك ان شاء الله
*سندوسة*
2014-09-17, 08:18
الحمد لله والهل العظيم ليس لدينا اختلاط لا في عرس ولا في عقد ولا في اي مناسبة. لا يدخل اي رجل مهما كانت قرابته للعروس او للعريس ولا يوجد تصوير عدا للعائلة الضيقة جدا ويمنع منعا باتا استعمال اي جهاز تصوير من اي كان. حتى العريس لا يدخل. يوجد بيت للنساء وبيت للرجال. صاحب العرس اي والد العريس او اخوه يكون في الغرفة الخارجية وتحخضر غليه ام العريس او اخته فقط لتحضر له ما يريد.
فكرة يجلس مع ابنة خاله او عمه لا توجد لا توجد لا عند الرجال ولا عند النساء. كل يعرف قيمته. عندما يدخل رجل غلى بيتهه ويجد عندهم اي من العائلات يبقى في الصالون او يخرج.

الله يبارك اخي هكذا لتفادي اي نظرات كانت

موفق اخي
*سندوسة*
2014-09-17, 08:20
لم يسبق لي ان رايت ربما لاني لا احضر الكثير من الاعراس بحكم بعدي
اما عنك فحكمت لاني رايت مكان اقامتك بمارساي

انا هذا وين نتابهت مكان الاقامة نتاع الاخ جاغوار ههههه

:1: :1: :1: :1: :1:
اصيل الشرق
2014-09-18, 13:22
وهذا صديقي كنت معاملاتو كيف خويا ......كون غير جات في وليد عمتها وخالتها نقولو الحمد لله
*سندوسة*
2014-09-18, 13:42
وهذا صديقي كنت معاملاتو كيف خويا ......كون غير جات في وليد عمتها وخالتها نقولو الحمد لله

اظن انك ممن كانت لهم تجربة قاسية مع الاصدقاء

المهم يقولو ربي يخلف على الشجرةومايخلفش على قطاعها

ربي يعوضك اخي

موفق
اصيل الشرق
2014-09-18, 16:44
اظن انك ممن كانت لهم تجربة قاسية مع الاصدقاء

المهم يقولو ربي يخلف على الشجرةومايخلفش على قطاعها

ربي يعوضك اخي

موفق

:1: مافهمتينيش يابنت سيدي بلعباس اقصد انه يوجد بمن يتزوج امراة ودون خجل تقولك هذا كان صديقي معاملاتو مثل اخي ووليد عمتها وخالتها راهي ععععععادي بالنسبة لاغلب لبنات هذ الجيل

علاقاتي جد طيبة مع اصدقائي والحمد لله اختي :19:
*سندوسة*
2014-09-18, 16:49
:1: مافهمتينيش يابنت سيدي بلعباس اقصد انه يوجد بمن يتزوج امراة ودون خجل تقولك هذا كان صديقي معاملاتو مثل اخي ووليد عمتها وخالتها راهي ععععععادي بالنسبة لاغلب لبنات هذ الجيل

علاقاتي جد طيبة مع اصدقائي والحمد لله اختي :19:

ههههههه
اسفة اخي لم انتبه لما قصدته

على العموم الحمد لله لي علاقتك مليحة مع صحابك

شكرا :1: :1:
اصيل الشرق
2014-09-18, 18:23
ههههههه
اسفة اخي لم انتبه لما قصدته

على العموم الحمد لله لي علاقتك مليحة مع صحابك

شكرا :1: :1:

هذا لطف منك اختي وكل الشكر لك
'القعقاع 23'
2014-09-19, 11:23
وينهو المشكل في هذا كاين بنات ترباو مع اولاد اعمامهم او خالاتهم مثل الاخوة خاصتا في الدواوير كيف القبايل ودواوير سطيف وو..الخ والي مافي كرشو التبن مايخاف من النار ولحديث قياس وهذا الي طلق نقولو الله يهديك
الأخ الكريم , ألا تعلم بأن ابن الخال أو العم يعدون من الغرباء على المرأة !! القانون الالهى هو الذى قرر هذا يا أخى و ليس القانون الأسرى ,,,,,

و لا دخل للنيات فى هذا الأمر, فالزوجة التى تقول ابن عمى و ابن خالى وووو فهى جاهلة يجب أن يرفع عنها جهلها
*سندوسة*
2014-09-19, 11:34
الأخ الكريم , ألا تعلم بأن ابن الخال أو العم يعدون من الغرباء على المرأة !! القانون الالهى هو الذى قرر هذا يا أخى و ليس القانون الأسرى ,,,,,

و لا دخل للنيات فى هذا الأمر, فالزوجة التى تقول ابن عمى و ابن خالى وووو فهى جاهلة يجب أن يرفع عنها جهلها

بارك الله فيك اخي

وشكرا لك على المشاركة الطيبة