تجمع مترشحي مسابقة ملازم الحماية المدنية

[نبض القلوب17]

بسم الله الرحمن الرحيم
السلام عليكم ورحمة الله
فتحت هذا الموضوع خصيصا لمترشحي ملازمي الحماية المدنية
كل وحد يقولنا وين يجوز ورقم ملفه
كل معندو افادة حول طبيعة المسابقة وكواليسها يفيدنا بها
المهم الموضوع للمناقشة ونستفيد من خبرات الذين اجتازوا هذي المسابقة من قبل
افيدونا بخبراتكم وتجاربكم

[2009bibi]

كل واحد يكتب اسم الجنرال الي رايح يوصي عليه

[نبض القلوب17]

كل واحد يكتب اسم الجنرال الي رايح يوصي عليه

ههههههههه تنتوكلوا على ربي سبحانوا الي فيها الخير ربي يقدمها والي فيها الشر ربي يبعدنا عليها

[ghost_hamza]

ربي يوفق انشاء الله

[dridi laid]

السلام عليكم .........اما بعد انا من تبسة رقم الملف تاعي1022نعقب في ملحقة مدرسة الحماية المدنية ام البواقي حاب نحكيلكم شوي علي المسابقة انا عقبت فيها مرتين مرة في الاعوان ومرة في في الملازمين2011..2012 وهذي المرة الثالثة ..الحماية المدنية هي احسن سلك في الاسلاك الكل من ناحية العمل او من ناحية الاجر والمنفعة اما المسابقة هي عبارة عن اختباركتابية نفسانية وطبية ورياضية العام الي فات والي قبلو داروها علي اساس الشهادة اما العام هذا فهي علي اساس الاختبارات فيها اختبار كتابي رياضيات وثقا فة عامة اسءلة سهلة اما الرياضة صعبية شوي لازم تكون دير سبور علي الاقل العدو المهم سبور وخلاص يدخلو المتربصين او المترشحين للمدرسة يريكلوها بالصفوف كل واحد بالنيميرو تاعو واسمو تعقبو الطبيب ومن بعد البسيكو مثلا يسقسيك البسيكو تخاف الدم ولا لا شوفتي ميت من قبل ولالااجب بالنهي و علاه حاب تدخل الحماية قلو نحب نخدم نحب نضام الحماية المدنية انقاذ الارواح اجر .........اسئلة ساهلة اما بعد كي تقبل في الفحص الطبي والبسيكو تروح تعقب الاختبارات الكتابية وومن بعد الرياضة الرياضة فيها العدو 1000 م ومن بهد تهز كيس فيه الرمل الوزن تاعو 50كيلوتجري بيها 100 م وترجعا ووتسلق الحبل الارتفاع تاعو 8م ومن بعد السباحة 50 م والي ما يعرفش السباحة يطيش روحو في الماء ويخرج باش مايديرولوش اقصاء هذا واش كاين في المسابقة مالا اخواني نقلكم حاجة عملو علي ربي سبحانو اما حكاية المعريفة عندها اماليها نحنا زواولة اما في الاخير هذا الرقم تاعي الي حاب يروح معايا ام البواقي نمشو مع بعضانا علي خطراش قريبة عليا يبات عندي ان شاء الله ما يخصو والووو هذا الرقم تاعي 0793138086 اسال الله التوفيق ........ربي ينجحكم ان شاء الله

[black flag]

السلام عليكم

الشهادات و التخصصات المطلوبة و اذا امكن تاريخ نهاية قبول الملفات و شكراااااا

[نبض القلوب17]

السلام عليكم .........اما بعد انا من تبسة رقم الملف تاعي1022نعقب في ملحقة مدرسة الحماية المدنية ام البواقي حاب نحكيلكم شوي علي المسابقة انا عقبت فيها مرتين مرة في الاعوان ومرة في في الملازمين2011..2012 وهذي المرة الثالثة ..الحماية المدنية هي احسن سلك في الاسلاك الكل من ناحية العمل او من ناحية الاجر والمنفعة اما المسابقة هي عبارة عن اختباركتابية نفسانية وطبية ورياضية العام الي فات والي قبلو داروها علي اساس الشهادة اما العام هذا فهي علي اساس الاختبارات فيها اختبار كتابي رياضيات وثقا فة عامة اسءلة سهلة اما الرياضة صعبية شوي لازم تكون دير سبور علي الاقل العدو المهم سبور وخلاص يدخلو المتربصين او المترشحين للمدرسة يريكلوها بالصفوف كل واحد بالنيميرو تاعو واسمو تعقبو الطبيب ومن بعد البسيكو مثلا يسقسيك البسيكو تخاف الدم ولا لا شوفتي ميت من قبل ولالااجب بالنهي و علاه حاب تدخل الحماية قلو نحب نخدم نحب نضام الحماية المدنية انقاذ الارواح اجر .........اسئلة ساهلة اما بعد كي تقبل في الفحص الطبي والبسيكو تروح تعقب الاختبارات الكتابية وومن بعد الرياضة الرياضة فيها العدو 1000 م ومن بهد تهز كيس فيه الرمل الوزن تاعو 50كيلوتجري بيها 100 م وترجعا ووتسلق الحبل الارتفاع تاعو 8م ومن بعد السباحة 50 م والي ما يعرفش السباحة يطيش روحو في الماء ويخرج باش مايديرولوش اقصاء هذا واش كاين في المسابقة مالا اخواني نقلكم حاجة عملو علي ربي سبحانو اما حكاية المعريفة عندها اماليها نحنا زواولة اما في الاخير هذا الرقم تاعي الي حاب يروح معايا ام البواقي نمشو مع بعضانا علي خطراش قريبة عليا يبات عندي ان شاء الله ما يخصو والووو هذا الرقم تاعي 0793138086 اسال الله التوفيق ........ربي ينجحكم ان شاء الله

وعليكم والسلام لقد افدتني بتجرتك هذه ربي يحفظك وربي يوفقك وويوفق الجميع

[نبض القلوب17]

السلام عليكم

الشهادات و التخصصات المطلوبة و اذا امكن تاريخ نهاية قبول الملفات و شكراااااا

اليوم 14/09/2014 على 16.30 تنتهي التسجيلات بالتوفيق

[nabilgrh]

اكتملت التسجيلات......................................الا ن ننطلق بالعد العكسي للمراحل المتبقية من هذا الاختبار المصيري........
ههههههههههههههه علا خاطر انا موالف بالملافات ندفعهم وجامي نجحت فيامتحان..........................اخرها نجحت فيكل المراحل ....ويجي عمك البسيكو يقولك كداه في عمرك.........تقولو....................يقولك في واه رانا اليوم...............تقولو في ايامات ربي.... يقولك امشي تروح ضرك من بعد راك تشوف الريزيلطا...............كونكوا راك عقبة امتحان جد صعيب يعرق له الاجبان..ههههههههههه...ومن بعد تبقى شاد في هذاك الخيط انتاع البسيكو راه ريقلني..........والمهم ربي يعاونكم يا خاوتي انا راني كهت من المشاركات كل عام وكرهت من الكاسكيطة............ربي يجي الخير.لووووووووووووووووووووول

[zinou2333]

ممكن تضعولنا مواضيع الرياضيات و اللغة الأجنبية للسنوات 2011....2012....2013

[نبض القلوب17]

ممكن تضعولنا مواضيع الرياضيات و اللغة الأجنبية للسنوات 2011....2012....2013

اننا ننتظر من ذوي الخبرة يفيدونا واش طاحلهم في الاعوام الي فاتت

[رضا الجلفاوي]

اخر اجل لتسجيل ويكتاه ارجوكم اريد رد وماهي شروط قبول التسجيل ارجوكم ردو عليا

[نبض القلوب17]

اخر اجل لتسجيل ويكتاه ارجوكم اريد رد وماهي شروط قبول التسجيل ارجوكم ردو عليا

للاسف انتهت التسجيلات في 14/09/2014

:(:(

الان في خضم للتحضير للمسابقة

[hou1993ssam]

السلام عليكم
مسابقة مهزله
اليوم الأول يفوت تكوبيا وتمسخير
اليوم الثاني يفوت ضحك برك خخخخخخخ
وياسعدو لي وصا عليه جنرال

[نبض القلوب17]

السلام عليكم
مسابقة مهزله
اليوم الأول يفوت تكوبيا وتمسخير
اليوم الثاني يفوت ضحك برك خخخخخخخ
وياسعدو لي وصا عليه جنرال

ههههههههههههه ملا راك مجرب :1::1:

[ميلود3100]

هل من أحد تم إستدعـاءه للإمتحـان ؟

[yaziyazo]

السلام عليكم ورحمة الله وبركاته ...
لقد وصلني استدعاء الحماية المدنية رتبة ملازم ... موعد الامتحان يومي 14 و 15 أكتوبر 2014 ... أنا من ولاية الشلف ,اريد أن أعرف مكان مقر ملحقة المدرسة الوطنية للحماية المدنية بـ ملحقة الجزائر ...
أفيدونا أرجوكم ...

[zinou2333]

ممكن تضعولنا موضوع الرياضيات للسنة الماضية رتبة ملازم

[الفراشة الرومانسية]

انا بنت مترشحة ك "ملازم أول" انا مهندسة دولة. و المسابقة يوم 09 أكتوبر من فضلكم هل من مساعدة حول نوعية المسابقة " خاصة الرياضة " ؟؟؟؟

[mhit1988]

slm khawti ch7al lhag nombre ta3 candidats molazim awal ???

[med 2011]

انا دفعت في اخر يوم و رقمي هو 598

[samir CABBA]

Gedah kayen les post SNA f les officie 100 la 50

[yousef man]

السلام .........معليش نعرف شحال دفعوا رتبة ملازم حامل شهادة duea

[bilal2503]

normalement 54 deua

[sami209]

ملا على حسابكم لي عندو deua ينجح بلا ما يفوت مدام دفعوا غير 54 واحد ماشي كيما ليسانس 10000000000 بنادم هههه ربي يكون في العون و بصحة لي عندو deua

[bilal2503]

lala ya khoya ta3 deua as3ab
ana tbanli yadf3o 1000 wyarbho 50 khir mnli ydf3o 54 wyarbho 50
tbanli tghid ktar wrabi ysahal lkol lmomnin
wkol wahad yadi wach katbatlo hata wast 100000000000000

[mimi1804]

انا انفوت يومي التلاتاء و الاربعاء و راني خايفة بزاف تقول شي راني رايحة نجوز الباااك بليز ادعولي

[sami209]

عند الحق خويا بلال ربي ينجح كل مومن و دعيونا معاكم

[sami209]

يا جماعة الخير واش نفتو النهار الاول لعلابالو بنظام المسابقة يخبرنا بارك الله فيكم

[bilal2503]

tbanli tha9afa 3ama sbah 3 swaya3 wl3chya ryadat
wghodwa 3lih franci wmba3d sport haka 3agabt fi 2012 wma3raf kan badloha

[khaled k-a]

salam 3alaykom wikta yebdaw y3agbou ملازم اول

[younes 18]

السلام عليكم انا شاركت في مسابقة الملازمين dua في سنة 2012 في سنة 2013 لم يكن هنالك مقاعد لل dua لذا فتحو في هذا العام
50 منصب. في 2012 كان هنالك 20مقعد فقط و كان عدد المترشحين حوالي 195 مترشح لقد سمعت يعض الاعضاء يتحدثون عن 54مترشح فقط
وهذا ربما قد يكون شيئ جيد اي سيتم اقصاء اربعة فقط اتمنئ ان اكون من الناجحين ارجوكم ادعو لي

انا عندي الاستدعاء يومي الجمعة و السبت المقبلين 17/18 ساتحدث قليلا عن تجربتي عام 2012 في 2012 بدانا يوم الخميس في البرج البحري
الساعة الثامنة صباحا ومن تخلف عن الموعد اعتبر مقصيا اجراءات صارمة جدا عملنا صفا كالاطفال الصغار وقادونا الئ مواقع الامتحان
الرياضيات صعبة جدا وكانه موضوع باكالوريا لمدة 4ساعات فيها دالة 10نقاط و متتالية 5 نقاط وتمرين اخر
وبعد الانتهاء عدنا علئ الساعة 2 ثقافة عامة عن موضوع التكنولوجيا و تاثيراتها
اما اليوم الثاني كانت حرارة شديدة ههههه بدانا باللغة الفرنسية ومن بعدها الرياضة جري 1000م سرعة+ تسلق حبل مرتين بدون فاصل اشهاري
+حمل كيس وزنه 50 كغ والجري 200م ومن ثم سباحة 50م وهي الشيئ الممتع .نصيحة في اليم الثاني خذ معك الكثير من العصير لانك ستنهك بشكل كبير ربي يوفق الجميع ان شاء الله +الطعام و الايواء دبر راسك
لم يكن هنالك اختبارات نفسية ولا طبية في 2012
لم انجح في 2012 ادعو لاخيكم النجاح

[نبض القلوب17]

السلام عليكم انا شاركت في مسابقة الملازمين dua في سنة 2012 في سنة 2013 لم يكن هنالك مقاعد لل dua لذا فتحو في هذا العام
50 منصب. في 2012 كان هنالك 20مقعد فقط و كان عدد المترشحين حوالي 195 مترشح لقد سمعت يعض الاعضاء يتحدثون عن 54مترشح فقط
وهذا ربما قد يكون شيئ جيد اي سيتم اقصاء اربعة فقط اتمنئ ان اكون من الناجحين ارجوكم ادعو لي

انا عندي الاستدعاء يومي الجمعة و السبت المقبلين 17/18 ساتحدث قليلا عن تجربتي عام 2012 في 2012 بدانا يوم الخميس في البرج البحري
الساعة الثامنة صباحا ومن تخلف عن الموعد اعتبر مقصيا اجراءات صارمة جدا عملنا صفا كالاطفال الصغار وقادونا الئ مواقع الامتحان
الرياضيات صعبة جدا وكانه موضوع باكالوريا لمدة 4ساعات فيها دالة 10نقاط و متتالية 5 نقاط وتمرين اخر
وبعد الانتهاء عدنا علئ الساعة 2 ثقافة عامة عن موضوع التكنولوجيا و تاثيراتها
اما اليوم الثاني كانت حرارة شديدة ههههه بدانا باللغة الفرنسية ومن بعدها الرياضة جري 1000م سرعة+ تسلق حبل مرتين بدون فاصل اشهاري
+حمل كيس وزنه 50 كغ والجري 200م ومن ثم سباحة 50م وهي الشيئ الممتع .نصيحة في اليم الثاني خذ معك الكثير من العصير لانك ستنهك بشكل كبير ربي يوفق الجميع ان شاء الله +الطعام و الايواء دبر راسك
لم يكن هنالك اختبارات نفسية ولا طبية في 2012
لم انجح في 2012 ادعو لاخيكم النجاح

انا ايضا دفعت ملف بشهادة deua ورقم ملفي 28 بالتوفيق نلتقي هناك ان شاء الله

[younes 18]

انا رقمي 11 هل دفعت في الايام الاولئ او في اخر الايام يا اخي نبض القلوب

[mimi1804]

انا خلاص فوت يومي 14 15 ريحت
انشاء الله ننجحو هدا مكان
اميييين

[نبض القلوب17]

آمين يارب ..........

[kaka159]

نسقسيكم خاوتي عندي سورسي يموتلي في 31/12
و مانيش نقرا ودفعتو مع الدوسي ادا نجحت ان شاء الله
اسكو يزيدو يطلبولي واحد جديد ولا هداك قديم لي دفعتو نورمال

[dridi laid]

lazam serci jdid

[kaka159]

يعطيك الصحة خويا dridi laid

[mimi1804]

waktach yabdaw y3aytou l elnajihin bach nakat3ou alamal darba wahda hhhhhhhhhhh
rabi ynajahkom kamal
amin ya rabi

[mimi1804]

waktach yabdaw y3aytou l elnajihin bach nakat3ou alamal darba wahda hhhhhhhhhhh
rabi ynajahkom kamal
amin ya rabi

[mimi1804]

بليييييييييز شكون اللي عندو كاش معلومة (و لو خاطئة ) المهم نصبرو اروحنا و لا حتى نقطعو الامل
راني بين السما و الارض,,, متى يتم الاعلان عن النتائج الاولية للامتحان الي جوزناه
و شكرا

[شمس الدين.]

كل واحد يكتب اسم الجنرال الي رايح يوصي عليه

هههههههههههههههههه أنت هايل

[شمس الدين.]

بليييييييييز شكون اللي عندو كاش معلومة (و لو خاطئة ) المهم نصبرو اروحنا و لا حتى نقطعو الامل
راني بين السما و الارض,,, متى يتم الاعلان عن النتائج الاولية للامتحان الي جوزناه
و شكرا

للعلم فقط
يا جماعة بكل صراحة هذا كونكور شكلي فقط والفاهم يفهم
ومانيش نطيحلكم في المورال ولكن ليعلم الجميع أن هذه هي الحقيقة
والله يغيضوني ولاد الناس مساكين يجرّو فيهم باطل

[نبض القلوب17]

هل من نتائج ؟؟؟؟