كيفية تسجيل للباك احرار

[oussama king]

السلام عليكم

كيف اقوم باتسجيل لاعادة بكالوريا احرار وماهي ملفات اللازمة

[Amany Queen]

kima nta haba na3rf , mais ndon beli ra7 l7al

[renesmy]

السلام عليكم
لالا ماراحش الحال
اظن انت تابع مدرية التربية لولاية الجزائر شرق
روح للاكاديمي تاع الحراش يقولولك كيفاه
المهم
كي يفتحو التسجيلات تسجل في الموقع
تطبع هاديك الورقة تديها للطبيب محلف على تاع السبور
تدي اظرفة فيهم العنوان نسيت شحال من ظرف
شهادة ميلاد نسيت شحال
شهادة اقامة
صور
شهادة مدرسية

[rate12400]

التسجيلات كل عااام يبداااو من 1 اكتوبر الى غاية 30 اكتوووبر ما تقلقش رووحك مازال الحااااال
كاين عندك 3 اوراق تخرجهم من لنترنات
شهادة تسجيل حيث انك تدخل للموقع الخاص بالباكالوريا وتعمر فيه معلوماتك الشخصية وتنبريمي شهادة التسجيل نتاعك ومعاها 2 اوراق ورقة مكتوب فيها اسمك وقداش تسلك في لابوست( اذا كان حر جايب باك من قبل يدفع 500 الف واذا كان حر ماهوش جايب باك من قبل يدفع 300)وورقة يكاشيلك فيهها طبيب محلف بللي راك مؤهل تشارك الباك والا لالا
عندك شهادة مدرسية نتاع تيرمينال وكيتونس بللي راك سلكتي ال500 الف ........مع العلم انو كاينة موندا سيسيبي سبيسيال يعطوهالك من المؤسسة لي رايح تدفع فيها الدوسي تعمرها وتسلك السانصون ميل والا الترواصنون ميل نتاعك في لابوصت وبالمقابل يعطوك وصل دفع

[rate12400]

التسجيلات كل عااام يبداااو من 1 اكتوبر الى غاية 30 اكتوووبر ما تقلقش رووحك مازال الحااااال
كاين عندك 3 اوراق تخرجهم من لنترنات
شهادة تسجيل حيث انك تدخل للموقع الخاص بالباكالوريا وتعمر فيه معلوماتك الشخصية وتنبريمي شهادة التسجيل نتاعك ومعاها 2 اوراق ورقة مكتوب فيها اسمك وقداش تسلك في لابوست( اذا كان حر جايب باك من قبل يدفع 500 الف واذا كان حر ماهوش جايب باك من قبل يدفع 300)وورقة يكاشيلك فيهها طبيب محلف بللي راك مؤهل تشارك الباك والا لالا
عندك شهادة مدرسية نتاع تيرمينال وكيتونس بللي راك سلكتي ال500 الف ........مع العلم انو كاينة موندا سيسيبي سبيسيال يعطوهالك من المؤسسة لي رايح تدفع فيها الدوسي تعمرها وتسلك السانصون ميل والا الترواصنون ميل نتاعك في لابوصت وبالمقابل يعطوك وصل دفع
وعندك 2 اظرف بريدية معنونة
وعندك بطاقة اقامة