ضحايا ل م د قصة معاناتي بعد تحصلي على شهادة الماستر في البيولوجيا

[zizou_s9]

:sdf:]لسلام عليكم,,,,,ربما استغربتم العنوان؟ ولكنه اقل مايقال عما امر به,,,انا متحصل على شهادة الماستر تخصص ميكروبيولوجيا ,,الى هنا كل شيء واضح ,,,وكما تعلمون االبيولوجيا فيها العديد من مناصب الشغل والفرص مثل مهندس دولة للمخابر الجامعية وبيولوجي في الصحة العمومية درجة ثانية استاذ ثانوي...... ويطلبون فقط شهادة الماستر ولكن الشوماج يقهرني ولم انجح في اية مسابقة من مجموع 40 مسابقة اجتزتها والسبب هو حاملو شهادة مهندس دولة

يا اخوتي والله غي ميزيرية دارو ف 2010 اضرابات وشلو كامل الجامعات والسبب والله غي الحسد كيفاش هوما يقروا خمس سنين( صحاب الماستر) و الدولة عاطيتهم 14 في سلم بينما هوما 13 في سلم الوظيف العمومي,,,,طبعا بعد الاضرابات الدولة رضخت ليهم ورجعتها 13للماستر ولاو في نفس الرتبة,,,,ولكن مهندس الدولة لازمله يزيد عام ودراسة ملف باش يقرا ماستر؟؟؟؟ اذاهل يعقل عام يزيده باش يبقى في بلاصته؟؟ وهذا خلى مهندس دولة والماستر متعادلين ,,,,,,,فمثلا كل من تحصل على الماستر في الشعب الاخرى دخل ديراكت يخدم في مسابقة توظيف الاساتذة الا ماستر بيويلوجيا دخلو غي مهندسي الدولة؟؟؟ ياجروا نتوما امل البيلوجي ل م د اذا كان الطيب وتتعب ومبعد تجمع في الحيط تستنى مهندسين يدخلو والله غي كلاك الزمان,,,انا اجتزت مسابقة توظيف الاساتذة تحصلت على الرتبة 50 والي كلاسات الاولى من مواليد 1978 مهندسة دولة؟؟؟ وصحابي اللي كانو معايا ماستر ادب و فرنسية وكنت خالعهم بقرايتي و لميموار نتاعي راهم اساتذة فالثانوية وكذلك نفس الميزيرية في المستشفيات والجامعات ,,,المهم اي مسابقة تطلب فيها الادارة ماستر يجو مهندسي الدولة بالاقدمية نتاعهم,,,

الـــــــحل بين ايديكم اتصلو بالمنظمات كل الطلبة راهم ل م د نطالبو بارجاع تصنيف الماستر كيما كان 14
حنا ماراناش حاسدية مهنسي الدولة من التوظيف,,,يتم الفصل يديرو مسابقات لمهندس الدول يدخلو غي هوما ويديرو لماستر يدخلو غي لماستر ومعنهمش حجة يقولو كيف كيف باش تتساوى الشروط,,,,,
وااله العظيم لاخوتي تعبكم نتاع تحظير الماستر يخرجك غي متخرج جديد في مهندس دولة وراهم بالآف
والله يطيبنا الشوماج و تفوت العسكر ونتا ماراكش خدام كون مانتحركوش
نديرو حاجة تشهدلنا بيها الجامعة الجزائرية والطلبة الي يجو من مورانا
يقولك سقسي مجرب و ماتسقسيش طبيب انا والله وصلت دفعت ملف في برج باجي المختار بعيد ب 500 متر على العاصمة مالي تمبكتو غي باش مانلقاش المشتركين بزاف على الرغم انهم طالبين غي شهادة الماستر في سبيطار لكن والله تلقاهم دايينلك بلاصتك بالاقدمية نتاعهم
املنا الوحيد هو شل الجامعات الجزائرية حتى تتحقق مطالبنا وروحو بحثو فامتخرجين ماستر بيويلوجيا الى ماكاولكمش على هاد الميزيرية ,,وكون مانتحركوش تلقوها نتوما تاني
راني نخدم في قروب وصفحة ف فيس بوك متخصصة قي هذا الامر وتطرح مشاكل المتخرجين ل م د وحنا الوحيدين ضحايا هاذ النظام ومتحقروش رواحكم خوتي مسافة الالف ميل تبدا بخطوة واحدة,,,,,,,انا وانت وهو وهي نرفدو هاد الفكرة ف ريسانا نلقو رواحنا غدوة انشاء الله في القريب نتحاورو مع ممثل عن الوزارة و ىخر عن الوظيفة العموميو ويتم رد الاعتبار لنا
طبعا خاصني وحدين معايا باش يخدمو فالقروب و لاباج الي لاغي يساهم يرجعلي الموافقة في الردود ونأطر معاه
والله يوفقنا ويوفقكم
[/SIZE][/SIZE][/SIZE]

[nour0726]

40 مسابقة توظيف؟؟؟


الله يحسن عونك أخي الكريم....

الله يصبرنا أجمعين لأن غالبيتنا تدور في فلك البطالة إلا من رحم ربي...

[بيولوجي48]

يا الاخ متقطعش الياس انا راني في الصحراء و عادي توظفت في سبيتار بيولوجي من درجة الولي

[noureddine fcb]

كان الله في عونك أخي الكريم
أرجو أن تعطينا رابط أو اسم الـ قروب على الفايس بوك حتى نتواصل فيما بيننا ونبحث ونعمل بجد و هدوء لتحقيق الهدف المنشود ان شاء الله

[أمير الشعراء]

ربي يكون في العون
لكن الحاجة لدوختني نتا راك متخرج جديد وتتكلم كلام موش ميح على القدم وداولك بلاصتك بالأقدمية كاين حل ريح حتى تعود قديم كيم هوما ومن بعد شارك وراح تدي بلاصت المتخرجين الجدد . المنطق الي راك تتكلم بيه منطق غريب جدا .

[kingx]

عليك بالصبر يا اخي
هذه هي حال البلاد والكل يعاني

[yacine collo]

هه أضحكتني اخي ... انا مهندس دولة بيولوجيا متخرج 2010 لحد الساعة لم اجد منصب بدبلومي راني غير نبريكولي وامثالي بالآلاف .... وصف الى معلوماتك ان اكثر الناجحين في مسابقات أساتذة الثانوي هم من حملة شهادة الماستر ....ههه راك ضحكتني صح

[noureddine fcb]

ربي يكون في العون
لكن الحاجة لدوختني نتا راك متخرج جديد وتتكلم كلام موش ميح على القدم وداولك بلاصتك بالأقدمية كاين حل ريح حتى تعود قديم كيم هوما ومن بعد شارك وراح تدي بلاصت المتخرجين الجدد . المنطق الي راك تتكلم بيه منطق غريب جدا .

ربما أوافقك وجهة النظر ، لكن يا أخي أغلب الذين يتحدث عنهم صاحب الموضوع هم أولئك المهندسين الذين يشتغلون في مختلف القطاعات العامة أو الخاصة ويأتون لمزاحمة البطالين. تخيل معي واحد ماعندوش خدمة جاي طامع في هذ المنصب يلقى قدامو قائمة طويلة من الأسماءا تفوقه كثيرا من حيث الخبرة وأغلب هؤلاء الناس خدامين و مستقرين و متزوجين وتلقاه يحوس على منصب أفضل،،، أوكي أخي من حقك ان تتطلع إلى ما هو أحسن لكن ليس على حساب البطالين، وكيما انت تبغي الخير لروحك خمم في غيرك ... حتى الدين تاعنا يقولك لا يؤمن أحدكم حتى يحب لأخيه ما يحب لنفسه

[جسر الأمل]

هههههههه هم يضحك وهم يبكي قاااااااااااااااع رانا كيفكيف علاه ملقيناهمش مرسميين وزاحمونا وداولنا بلاصتنا ولقينا أ ل م د 2014 حاكمين بلاصتهم ياو الجلطة تحكمك
وكي تريكلامي يقولك الخبرة الاقدمية وحنا علابالنا اللعب تاعهم

المهم الرزززززززززززززززق على ربي الواحد يكمل ويطيح وينوظ ماتعرف الخير وين راه، شد في ربي ورايح يفررررررررررج عليك
بالنسبة للتجمع ان شاء الله قاع تروحو مشي تلمهم وكي يجي الصح يهربو قااااااااااااع كيما صرالنا حنايا وبالتوفيق
ربي يسهلك وييسرلك أمووووووورك أخي شوف في لوبيتال ميليتار بالاك على الله بعد من الولايات الكبار وروح لكاش وحدة محقورة على الاقل عندك امتيازات وبالتوفيق
عليك بالثل الأخير من الليل والله والله رانا ضايعين والحل راه بين يدينا ادعي ربي بررررررررررررررك وماتفشلش

[*نسرين]

عليك بالصبر وربي يفرج

[الألماسة]

ربي يكون في العون
لكن الحاجة لدوختني نتا راك متخرج جديد وتتكلم كلام موش ميح على القدم وداولك بلاصتك بالأقدمية كاين حل ريح حتى تعود قديم كيم هوما ومن بعد شارك وراح تدي بلاصت المتخرجين الجدد . المنطق الي راك تتكلم بيه منطق غريب جدا .

معاك الحق اخي
يتكلم بمنطق غريب(بلاصتك و حسد)
الغلطة تع الدولة يا اخي اللي راهي تخلط فيها
حتى المهندس ربي يكون في عونو
ربي يفرج عليك و علينا
و الرزق بيد ربي سبحانه

[*تسنيم*]

المشكل يااخي راهو في البيولوجــــــــــــــــــــــــــيا عدد المناصب الي جي جد شحيح سوا في السبيطار ولا التجارة ولا اي بلاصة تلقا 2 او 3 مناصب ويدخلو فيه 300 كيفاه ننجحو ؟؟؟؟ انا متخرجة من 2009 desبيوكيمياء ومازلت متحصلتش على منصب

[mokh016]

ربي كبير.وماتنساش رزقك مكتوب.وانا مهندس من 2010 .ورانا خاوة علاش الهدرة هنا وانتم .المشكل لي خلط بين ل م د وكلاسيك

[zizou_s9]

ياخوتي قاع من هاد الردود ماكنش اللي فهم المقصود نتاعي انا قلت باش يكون توظيف ساهل وسريع يفصلو بين شهادة مهندس دولة والماستر ,,,,مين يطلبو مسابقة فيها غي مهندس دولة اللي يشاركو هم مهندسو الدولة ونفس الشئ للماستر,,,في كل شعبة فا ل م د اللي عنده ماستر يدخل طاير غير ف بيولوجيا اللي ماكنس لانهم دايرينها مساوية لمهندس دولة

[ام آدم]

انا مهنس دولة بيولوجيا متخرجة سنة 2006 لحد اليوم عاملة بعقود ما قبل التشغيل كان من الافضل ان نطالب بعدم دخول المترسمين للمسابقات لا ان نتجادل اي شهادة هي الاحق فماستر او مهندس مجرد تسميات لشهادات والتصنيف الذي تتحدث عنه لا اعرف على اي اساس يوضع ففي بلادنا ننام على قوانين وننهض على اخرى هكذا دون ان نفهم لم او على اي اساس *.............ربي يفرج علينا

[yacine collo]

ياخوتي قاع من هاد الردود ماكنش اللي فهم المقصود نتاعي انا قلت باش يكون توظيف ساهل وسريع يفصلو بين شهادة مهندس دولة والماستر ,,,,مين يطلبو مسابقة فيها غي مهندس دولة اللي يشاركو هم مهندسو الدولة ونفس الشئ للماستر,,,في كل شعبة فا ل م د اللي عنده ماستر يدخل طاير غير ف بيولوجيا اللي ماكنس لانهم دايرينها مساوية لمهندس دولة

توظيف ساهل وسريع ...هههههههه....عن ماذا تتحدث يا اخي ....انت في الجزائر .....الواحد يطيحو سنانو باش طير منصب شغل

[Rayli silver]

ربي معاكـــــــــم

[angelic woman]

انا عندي deua في البيولوجيا 2002 انت هذتك الوقت كنت مازلت في الابتدائي خدمت عند البريفي و امبعد قلت نكمل مهندس دولة بالاك تصحلي خير كي كملتها 2007 خممت ندير ماجستير بديت في 2008 و من هاديك و انا نتكركر تخصصي علم البحار امبعد ابوندونيت في 2012 و قلت نحوس على خدمة كي فطنت لقيت نحاو التخصص انتاعي من التعليم و المخابر تاع الصحة حتى المخابر الجامعية ما عنديش الحق فيها و في الخصص انتاعي كل 3 سنين يديرو بوست او 2 في المديريات تاع الصيد او البيئة
كيما قالت الاخت بلاد ترقد على قانون و تنوض على قانون

[OM AYA]

ربي يستر مام حنا صحاب سيستام كلاسيك رانا نشتكوا يا لطيف منهم خلطوها علينا متخرجة. ليسانس من 2006 بصح هلكونا نفس المنصب يترشحوا فيه صحاب الماستر معانا والتنقيط بالنسبة لاقدمية الشهادة ضعيف جدا علابيها تلقاهم تخرجو لبارح وتزهرلهم من نهارهم واحنا قاعدين نتلاوحو من بلاص لبلاص
على كل حال الرزق من عند ربي والله لو كان النعمة كانت كاتبتنا واحد ما ينحيهالنا يا لوكان كانت في فم السبع رزقك رزقك واحد ما ينحيهلك برك الواحد يتسبب وربي يكتبنا اللي فيه الخير في دنيانا واخرانا

[مبارك84]

ياخوتي قاع من هاد الردود ماكنش اللي فهم المقصود نتاعي انا قلت باش يكون توظيف ساهل وسريع يفصلو بين شهادة مهندس دولة والماستر ,,,,مين يطلبو مسابقة فيها غي مهندس دولة اللي يشاركو هم مهندسو الدولة ونفس الشئ للماستر,,,في كل شعبة فا ل م د اللي عنده ماستر يدخل طاير غير ف بيولوجيا اللي ماكنس لانهم دايرينها مساوية لمهندس دولة
يا أخي ما رأيك في دكتور كلاسيك مجتاز الخدمة الوطنية متزوج و أب لطفلين عمره 33 سنة مازال لم يجد منصب لحد الساعة فهو يعمل ساعات في الجامعة فقط يأتيه مبلغها في شهر جويلية من كل سنة فقط.
إذا كنت تريد الفصل بين الحاملين لشهادة الماستر و المهندس دولة في التوظيف فهذا سيخدم النظام الكلاسيكي و هذا للأسباب التالية:
1/- جل المهندسين أتموا دراسة الماستر
2/- أغلبية المهندسين رأوا نظرة لحياتهم فمنهم من أتم دراسة أخرى و هو معلم أو أستاذ و منهم من إشتغل التجارة ... إلخ
3/- تخيل أنه في أحد مسابقات التوظيف ترشح 4 مهندسين فقط و 31 حاملين للماستر على منصب واحد و قس على ذلك
على العموم إن شاء الله يرزق شبابنا الرزق الحلال و يهديهم لما يحب و يرضى.