المساعد الشخصي الرقمي

مشاهدة النسخة كاملة : وين نستعملوا راس الحانوت

الماسة النادرة
2014-09-10, 13:51
سلام اختواتي بيت نسال على راس الحانوت انا عمري ماطيبت بيه ورها عندي كمية مليحة منو ممكن تقولولي وين نستعملوا اي في اي طبق هو والكروية تعيشو جاوبوني
marina2013
2014-09-10, 15:47
راس الحانوت في الحريرة و شوربة فريك اما الكروية تقدري ديريها في الحريرة في الاخر خلاص تعطي نكه خلصة تقدري ديريه في كويرات اللحم مرحي و اخيرا انا نديرو لما نقلي البدنجال و نزيد صوص طماطم نزيد درسة فيها الثوم شوية ملح و كروية
sara lora
2014-09-10, 21:12
راس الحانوت نديروه في الحريرة بعد ما نطحنو الخضر وفي البركوكس (ظروري) وفي العصبان والدولمة نتاع السردين
والكروية في الحريرة (اساس الحريرة) وبعد ما تطيبي الزيتون
ملاحظة الكروية ديما رميها قبل ماتطفي ب 5دقائق فقط باش البنة ما تروحش
سلاااااااااام
mon poupon
2014-09-10, 21:37
سلام اختي

احنا ناس باتنة راس الحانوت في الطعام، شرية فريك، بركوكس،شخشوخة،
mon poupon
2014-09-10, 21:38
الكروية في اللكبوكة
الماسة النادرة
2014-09-11, 22:23
شكرا لكن جميعا لكن شفتو عدد المشاهدات شحال هههههه
ريتاج تيارتية
2014-09-11, 22:35
راس الحانوت في الحريرة والكروية ثانيك كيما قالت الاخت مارينا في التالي كي تبغي طفي على الحريرة تضيفي الكروية تعطيها طعم هااااااااااايل
هيام الروح
2014-09-11, 22:36
hna ndirouh fela3des yji raw3a
خيط الروح
2014-09-12, 07:16
اهلا الماسة
* راس الحانوت نستعملو في الحريرة و شربة فريك
* والكروية كذلك في الاخير قبل مانطفي عليهم
* ونستعملها **الكروية** في الشرمولة تاع الكبدة اوشرمولة الزرودية
وفي البكبوكة والعصبان
*رحيق الجوري*
2014-09-12, 11:11
في لي صوص مرقة حمرا وتتبيل اللحوم ولحوت وجاج وشوربة فريك متستعمليهش برك في لمرقة البيضة
سؤدد الجنة
2014-09-12, 13:00
راس الحانوت أستعمليه في كل المراقي البيضاء والحمراء يزيد في البنة ورااائع
الكروية أساس الحريرة تمدلها ذوق هايل
وثاني ديريها في شرمولة الزرودية والكبدة و في العصبان هذا الى نعرف مانطيبش بيها بزاف
sara lora
2014-09-13, 00:07
شكرا لكن جميعا لكن شفتو عدد المشاهدات شحال هههههه

:1:مليح با ش الفائدة تكون للجميع:19:
Memories
2014-09-13, 14:27
راس الحانوت نديروه في الحريرة و مرقة الطعام و البركوكس و تتبيل اللحم و الكروية نستعملها فقط في الحريرة مع الاخير....... لكني مع الوحم اصبحت نكره ريحتو هههه ماعلاباليش قاع وين طيشتو فالكوزينة ماوليتش نحمل ريحته
*بيتي مملكتي*
2014-09-14, 10:48
السلام1


أختي حنا عندنا في بسكرة نستعملو راس الحانوت في كل أنواع المرق الأحمر و لي صوص غوج حوالي ملعقة صغيرة إذا كانت كمية تكفي ل 4 أشخاص

و الكروية نستعملها مع الفلفل الأسود و الكسبر اليابس المرحي في كل أنواع المرق الأبيض لكن تكون حوالي ريع ملعقة ص كروية و نصف ملعقة ص فلفل أسود و ملعقة ص كسبر يابس مرحي
الماسة النادرة
2014-09-15, 15:50
شكرا لكن كل كلمة كتبتوها ربي يعطيكم الاف الحسنات
صوفيا2000
2014-09-15, 16:40
انا عن نفسي اختي نستعملو في ج ميع طبخاتي
سواء البيضاء او الحمراء
meriemmimi22
2014-09-23, 17:38
ديريه فالبركوكس ختي
ام عبد الله 22
2014-09-24, 18:03
شوفي يا أختي راس الحانوت نتاعك لكان فيه الكمون راه يجي غي مع الأطباق إلي تحتاج للكمون لأن أصل راس الحانوت ما فيهش الكمون وما فيهش الكروية. في هذه الحالة إستعمليه مع البركوكس مع الطعام أي الكسكس مع الحريرة مع طجين الجلبانة نصف ملعقة في الآخر مع حشو المحاجب.... أما بالنسبة للكروية تستعمل في الشربة في زرودية مشرملة في طجين البرانية إلي هو عبارة عن لحم وصوص طماطم مع حمص والدنجال مقلي .
* دموع الشوق *
2014-09-25, 10:26
الكروية الي نعرفه أننا نستعملوها في الحريرة غير شويا قبل ما تطفي
أما راس الحانوت في الحريرة في الأخير طبعا و تتبيل السمك أحيانا المهم ما تكثريش خاصة لما تكون جديدة و طازجة
و نسيتو يا أخواتي في المعقودة راهي تجي روعة مع الثوم و القصبر
و نقولك أختي توابل كيما راس الحانوت و الكمون لازم نعملوهم في الأخير خلاص لأن الكمون إذا طاب بزاف تروح البنة و تبقى المرارة في الطعم
(و الكمون يدخل في تركيب راس الحانوت)
أما عن الطعام موجود "بزار الطعام" و هو يشبه راس الحانوت مع اختلاف بسيط
يجي في الطعام أحسن من راس الحانوت
سلااااااااااام
* دموع الشوق *
2014-09-25, 10:28
إذا عندك كمية معتبرة
خلي الي يكفيك أسبوعين على الأكثر و الباقي إلى المجمد
باه تبقى جديدة و ريحتها طازجة