•°°• إنهيآار .....•°°• [الأرشيف] - منتديات الجلفة لكل الجزائريين و العرب

مشاهدة النسخة كاملة : •°°• إنهيآار .....•°°•

الدكتورة هند

2014-09-09, 15:43

السلام عليكم

بدايةة عام دراسي موفقق يا غوالي ...:)

الصراحة انا في اسوء ايام حياتي فبعد الامل و النشاط و التحمسس للبكالوريا و للدخول المدرسي

كل شيء تلاشى و لست ادري لماذا ...و الله انا مخنووقةة

حتى احساس المنافسة و الجد غاب عني ....

و انا جد منهارة خصوصا بعد ان جلست في الطاولة الرابعةة بالصف الثاني لي قريب للمكتب

هل هذا سيؤثر علي + قسمي ماشي كامل حالة + مانيش موالفةة هذيكك البلاسةة

و فووق هذا كل شييي ماكان حتى استاذ دخل عدنا لحد الان ماعدا الفيزياء و قالتلنا حتى الاسبووع المقبل و نبدااو + استاذ العلووم

و حطمني مين قالنا واش تحبوا انا نعطيكم الملخصات او انا نعطيهم لكم ...ايا هذا استاذ سيغيوووو ؟؟

و فووق هذا كل شيء درووس خصوصية العلووم و الفيزياء بعاد بزااف على وين نسكن

و محال الدارر يخليوني نديرهمم ...ايا وااش ندييرر

+ بدوون هاذ الاشياء نفسيتي غير مستعدة و راني غي نمشي و نجي لهذيك التانويةو الله راني محطمةة و منهارةة

و حاسةر بلي محال نكوون قدها

©©©©©©©©

راني فضفضت شويةة هنا ..بلاك طلعولي المورال و لا تعطيوني حلوول

وفقنا الله و يسرر اموري

سلام

هند

ana hia

2014-09-09, 15:45

ههههههههههههههههههههههههه عادي خليها للأيام تقعل ما تريد

احنا استاذ نتاع المحاسبة قاللنا انا نعطيكم 20 % برك هههههههههههههههههههههههه تكلو على روااحكم

راهم كوبلي يفيسو

zizou b

2014-09-09, 15:59

السلام عليكم اختي انا هذا العام جبت الباك بصح ماشي معدل مليح لكن الحاجه لي تاكدت منها ماشي بلاصتك في القسم ولا دروس الخصوصية هي لي راح تنجحك تاكدي مجهودك وتعبك هو الصح حاولي انك تتخلصي من هذي الافكار اصلا اذا قلتي واعتقدتي في نفسك انك متنجحيش رايحا صح متنجحيش توكلي على ربي وابداي القرايه متسنايش حتى يجوك الاساتذة ومتنتظري منهم والو وفي القسم حطي راسك مليح راها خدمتك في القسم رايحا تساعدك في الدار اتمنالك كل التوفيق والنجاح وان شاء الله المعدل لي متمنيتيه

حية بذكر الله

2014-09-09, 16:04

ما تتقلقي ماوالو البداية ديما هاك ومع الوقت تشوفي بلي كنت تقلقي في روحك بالباطل

مادام كانت عندك الهمة تنجمي تسترجعيها و على الدروس الخصوصية كاين الي مادارهمش قاع وتفوق

البلاصة توالفيهااااا و البلاصة ماهيش كلش بالاضافة الاساتذة قاع مايهموكش المهم انت تخدمي و تجتاهدي

بالتوفيق لك وانصحك بقراءة القران

راغبة الجنة

2014-09-09, 16:05

لا تشتكي لي ابكي لك الله يكون في عوننا جميعا احنا على اساس بدانا الدراسة لم ندخل سوى مع 4 اساتذة المهم بداو يسجلو الغيابات و منعرف واش تاني و بالنسبة لمكان الجلووووس ...القسم نتاعنا في صرااااع و اللي كملها معانا عدد التلاميذ في القسم 43 تلميذ ربي يمضي هذا العام على خير و بالنسبة للنفسية 0000000000000000 بالاك علخطرشش مزلنا مدخلنااش مليح في جو الدراسة

• إسْتِـثـنَائِيّه •

2014-09-09, 16:20

سلاام جمييل أختي هند
ههههـ وآش نقوللك
أنايا تاني نفس البلاصة الرّابعة الصف 2 -.-
- أستااذ الماااث الله لا يشوفك
فررت نبدّل الليسي و خايفة ما نلقاش البلاصة لمليحة
و زيدد نعرف غير وحدة و لا زوج تمّا هه و ماش معايا في لاكلاص
علما أنو اساتذذة القسم اللي رايحاتلو الحمد لله ملاح
وآآش تديري ، ما زااال الحآآل
ما يهبط الموراال ما واالو
كوني قويّة بلعقَل برك
و نتوكلو على ربّي
+ اللّي حآب يقرى تاع الصّح دابغا في الطّابلة الأخيرة و يقرا =)
يآ ربّي يفرّج عليك و علينآآ كآمل

تالية القرآن

2014-09-09, 16:22

لا تكترثي لأسباب كتلك تحبط تفكيرك , كوني إجابية متمسكة بالأمل و متفائلة ,
إن إستسلمت إلى ما تمليه عليك نفسك مع الأيام ستدركين حجم الخطأ الذي إرتكبتيه ,
لأنك طالما قادرة على العمل ولك من القدرات ما يمكن بها تحقيق الجميل , لا جرم
أن تكوني قادرة على كسب النجاح , أوليس مِمَّن ضمنوا النجاح نالوا التفوق
والتميز بالذات , نعم لأنهم في البداية كانوا متفائلين ؟؟,,,,

++ تفاءلي يا أختي, كفاك طيرة , أنت فقط من يمرضُ شخصك,,,,
أسأل الله أن يفرج عنك أختي ،،،

+++

أجلس في أخر الصف الأخير + وحدية معنديش زميلة.

shy'n

2014-09-09, 16:31

نعم بلاصتك ماشي مليحة لكن الأول في قسمي كان يقعد في كيما بلاصتك و الحمد طلع بمعدل جيد و دار واش حاب و نقلك كان يدير دروس خصوصية عند أسوأ الأساتذة في اليلاد ...و رغم ذلك لاباس بيه ...انت اجتهدي و شوفي دك الامور تتحسن لا محالة ان شاء الله

samarsamsam

2014-09-09, 16:49

bonsoir ma sœur hind :)
wellah je suis dans ton état :( ana tané je suis perturbée w les profs machi mla7 kamel ma3endhoumch niveau !! on + ma3endish sa7bati neg3ed m3a mon cousin , wellah j'ai perdu l"espoir , mais que est ce qu'on peux faire ghir netweklou 3la rebbi seb7ano w nchallah tout ira bien !!! ne t'inquiète pas ma sœur
#Samar

**خليصة **

2014-09-09, 17:40

لا داعي للقلق اختي الكريمه
لا يهم المكان بقدر ما يهمك التركيز و لا تهم الدروس الخصوصيه قدر مايهم التركيز على نفسك
مثلا مالم تفهمي فهناك اعضاء هنا ماشاء الله يمكنهم مساعدتك
لا داعي للقلق .. كي شت اسمك الدكتوره .. لا بد انك تطمحين لهذه المهنه لعدة اعوواام فلا تدعي مكان الجلوس او دروس الدعم
تحطم هذا الحلم الضخم
ربي ينجحنا كامل ان شاء الله

sissi yasmine

2014-09-10, 13:37

kheti cheft mawdou3 ta3k dija w cheft al ahlam li 3ndk w getlak bli 3ndna nafs al ahlam

ana tani 3ndi ostida f 3olom w math machi mlah mi malzamch yhebtlak lmoral hakda lbac marah la f ostad la f lplaca lbac rah f

dar e9ray brk wlh 9adra tjibi wach thebi ana mazalni mthemsa w mazal 3ndi irada w ti9a f nafs bli n9dar ndir wach nhb mahma kabrat elomniyat fahiya tsghar amam do3aa okheti diri rebi f9albk wmatkhlich cchitan yweswlak

max8

2014-09-10, 15:35

السلام عليكم أختي
راكي تهدري على الدروس الخصوصية كأنها الحل الوحيد للحصول على الباك
علاه اللي ما يقراهاش ما يجيبش الباك ؟
واك نكونو واقعيين الدروس الخصوصية واش تدير للتلميذ
عندك الأستاذ يعاود يشرحلك نفس الدرس اللي في القسم و يحلك بعض التمارين ولا المواضيع برك نفس اللي يديرو الأستاذ في القسم
يتفوق عليه برك بعدد التمارينو الجانب النفسي
لأنك تحس روحك في الدروس الخصوصية راك تتقدم و راك تتطور و هذي حاجة مليحة و يطلعلك المورال

و هذا الشيئ قادرة تديريه وحدك في الدار
بالنسبة للاساتذة عادي النهارات هاذو تاع الدخلة دايما يصرا فيهم هذا الانفلات و عدم الحضور المنتظم من طرف الاساتذة و التلاميذ

نهار الأحد راح يبدا السيريو غير ما تقلقيش روحك برك

أنت تريد و أنا أريد و لكن لن يحصل إلا ما يريده الله تعالى

أمور عادية نحيها من بالك و بداي توجدي في روحك غير بالعقل و ضرك تبدا الدروس و تتعبي معاهم و مع التمارين و ما تديريش الدروس الخصوصية و تجيبي الباك تاعك بمعدل مليح و تروحي للجامعة و تقراي كأن شيئا لم يحدث
تجتاجي برك الثقة في نفسك ثم الثقة بالآخرين

محمدي احمد 1995

2014-09-10, 16:51

السلام عليكم اختي الكريمة المكان لا يصنع النجاح لا تفقدي الامل فقط بسبب مكان او استاد تستطيعين التأقلم بأدن الله وتجاوز الصعوبات وحتى ان لم تجدي من يدرسكي دروس خصوصية فلم الانزعاج فالجميع في المنتدى يستطيعون مساعدتكي في اي شيأ تريدينه واي شيأ لم تفهميه فالمهم التفوق بالنسبة انا وصديقي كنا نجلس في الماكان الاخير وتحصلنا على شهادة الكالوريا بمعدلي 14 و10 ربي يوفقك اختي الكريمة

hind666

2014-09-10, 21:31

5tii hind
x) je m appelle ausssi hind
mais boon
anna wllh tchofi prof math ta3na tebkii
niveaaaau walo
nnssat kaml progremme des terminales 7na 9a3din nfakro fiha
w physique mana7killakch
allah ghalb 7na klasst zawaliya rmawelna dichééé ;)
w les cours ana ndir b3id 3la darna 8km

mais nro7o m3a babat wlid klassti ana w une fille 2 garcons net7achro f automobile

maiiis ana lmohiiim dayra f rasssi kayn rabi w nchllllh djayba lbbbac bla mzeyiithom

~ رضا الرحمآن غآيتي ~

2014-09-11, 00:30

أولا عليك أن تتغلبي على كل مخاوفك لأنها قد تكون العقبة الوحيدة في طريقك نحو التميز .... لا تكثرثي لأمر الدروس الخصوصية فأنا أمــر بما تمُرين به أختي ...

و لن أعتمد على الدروس الخصوصية هذه السنة .. و الله كم من أشخاص تفوقــوا بامتياز و لم يعتمدوا اطلاقا عليها بل توكلوا على الله و عقدوا العزم و اعتمدوا على أنفسهم بعد لله تعالى .. مفهوم الدروس الخوصية بنيناه على أساس أنها كل شيء و لن ننجح إلا بها ... لكن و الله ما هي الا مجرد ذريعة اتخذها بعض اللصوص الباحثين عن المال و الثروة ... تستطعين الدراسة لوحدك و الاعتماد على نفسك .. الحمد لله الكتب الخارجية موجودة + كماا أن هذه الشبكة غنية بكل ما نحتاجه كطلاب

لذا أنصحك أختاه أبعدي عنك هذا الضباب الاسود و اخرجي من هذه القوقعة المظلمة ... و ارفعي التحدي و توكلي على الله و ابدأي العمل و لا تلتفتي لأي شيء قد يشتت انتباهك

سماح 2

2014-09-11, 00:41

ممممم اوكي

يا هند البلاصة والله ما عندها حتى معنـــــــــــــى انا من دخلت نقرى نقعد في الأخير في الخامس والا السادسْ ونشبع ضحك ولعب وقراية والقروب الي حدايا الكل رجعتهم قرمْ في المواد الكل خاصة العلمبة انت واش يهمك في الاول والا في الاخير يخي الاستــــــاذ نفسه وتسمعو في نفس الهدرة مالا خلاه هند ما تقلقيش رووحك

+

بالنسبة للعلوم بعد الفهم تأتي عملية الحفـــــــــــــــــظْ برك

أما الليكور حــــــــاولي داركم خطرى يعــــــــــاون بزاف وكن تقراي وحدك تتعبي يــــــــاسرْ

سلامْ

الطاهرة

2014-09-11, 05:36

انصحكـ بمشـــآهدة هذا الفيديوو..
https://www.youtube.com/watch?v=w3-fZdQsvZ4

~~يسرى~~

2014-09-11, 18:50

أنت متوترة هذا كل ما في الأمر ~~

توكلي على الله قبل كل شئ ~

و فيما يخص المكان عن تجربتي الشخصية العام الفارط جلست في الطاولة ما قبل الاخيرة و لكن تحصلت على المرتبة الاولى ~

لا تعطي هذا الامر اكثرمن اهميته فانت تضغطين على نفسك

بالتوفيق تقبلي مروري

jody abot

2014-09-11, 20:20

شوفي اختي البلاصة ما تتقلقيش منها كاامل

حنا تاني نهار دخلنا لقيناهم كامل خطفو لبلايص لولين ههههه

وزيد ليكور مش مهمين انا وحدة من نفسي مانيش ندير فيهم

والاساتذة ثاني مش مهمين بدرجة كبيرة

كاين في الانترنت شرح وافي وكافي انا نقرا من ثمة برك

والحمد لله شفت دروس بالفيديو وفهمت وحليت تمارين

ولله الحمد والشكر

وعندنا استاذة الرياضيات هاذ السمانة ما شفناهاش كامل

اختي ما تقلقيش روحك وثقي في روحك

* طالبة الرضى*

2014-09-11, 22:04

السلام عليكم و رحمة الله

أختي لازم تعرفي مليح بلي الخوف من المستقبل هاجس أغلب الطلبة و خاصة المتفوقين لي يحبو يحصلوا اعلى المعدلات بغض النظر عن مستواهم العالي و من هنا يبدا التلميد يقرر واش لازم يحضر من بداية المشوار يعني لازم نقعد اللول و ندير لي كور عند أحسن الأساتدة و برنامج و حوايج بزاف نتي تعرفيهم

مي هنا قادر التلميد يصتادم بالواقع و يلقى حوايج تتخالف تماما مع واش كان يستنى أو بالأحرى توقف عائق أم نجاحو و هنا يحط كلمةإنهيار في قاموسو كيما لي حاطيتيها نتي

المهم باه مانطولش عليك بزاف انا طالبة جامعية تحصلت على البكالوريا زوج مرات و الحمد لله متفوقة في قرايتي مي باكي لول خالف توقعاتي طحت في الفوج الثالث و مازالني متدكرة مليح شحال بكيت هداك النهار و شحال زعف دارنا و قلقتهم و قتلهم لباك صاي مافي أمل و هدا قبل مانشوف أساتدتي أصلا مي معروف بلي فوجنا هدا أساتدتوا مكان مكان

درت لي كور و ضربت النح و حطيت في بالي الأستاد مجرد موجه و لازم أنا نجتاهد وحدي و الحمد لله باكي جبتوا بخير و سلامة

و باكي الثاني قريت في الجامعة فرع واعر و عاودتو بدون تحضير و تصدقي بلي جبتو خير من اللول و الحمد لله

حكيت هاد لحكاية كامل باه تتأكدي أولا بلي لي كاتبها ربي لاحقة و مالازمش تقلقي بامور ماهيش صارية أصلا يعني عيشي أيالمك الدراسة عادي و إلا متفوقة ماهمكش لي كور

دعواتي بالتوفيق لك و ان شاء الله تفرحي بأعلى العدلات فقط بعيدا من المخاوف و الرعب من المستقبل اوكي
سلام

الدكتورة هند

2014-09-12, 20:33

السسلاام عليكم

شكرا لكم على المروووووووووووور

فعلا اسعدتموني

ربي يخليكمم و يوفقكمم

فعلا مششكورين على النصائحح القيمةة و ان شاء الله ساحاول التقيد بها

ربي يوفقنا جميعا

هند

~طَـــمُـــوحْ~

2014-09-12, 20:39

حااالة عابرة باذن الله وزيد الدروس الخصوصية ماش كلش

المهم راجعي مليح واستعيني بالمواقع المتاحة للدراسة و كرارس العام اللي فات

زيد البلاصة ماشي مشكل اللي حب يقرا يقرا حتى فاللخر نوورمال

اصنعي من هذه الظروف عوامل محفزة كما افعل انا والله المستعاان

ثقي بالله هنــد سوف ينصفك لا محالة فقط سنراك باذن الله في اخر المطاف من اوائل الحائزين على البكالوريا

الدكتورة هند

2014-09-13, 15:59

تت..................

الدكتورة هند

2014-09-14, 13:14

.................................................. ......

chnaider

2014-09-14, 13:31