المادة الـ 63 من قانون الخدمة الوطنية الجديد

[noureddine fcb]

السلام عليكم

أولا مبروك علينا جميعا هدا القانون الجديد، وعقبال قوانين اخرى ، ولما لا الإعفاء للجميع ان شاء الله

أردت إخواني أن أستفسر عن المادة الـ63 من هدا القانون الجديد والتي جاء فيها ما يلي:

المادة 63 : يحـصل عسـكري الخـدمة الوطـنيـة الموجود في وضـعيـة الـقيـام بالخـدمة، بـعد المدة القـانونـية لـلخـدمة الـــوطــــنـــيـــة، عـــلى راتـب الخـــدمـــة، حـــسب رتــــبـــته، المـوافق لراتب العسكري العامل أو الذي يعمل بموجب عقد

لم أفهم ما هو المقصود بعبارة بعد الخدمة الوطنية،

فهل هدا يعني أنه يحصل كل من انهى تأدية فترة الخدمة الوطنية على راتب دائم أو منحة تقاعد ؟؟؟

[khaoula la dentiste]

يا اخي هذا يعني.. انه لكل من يتم اعادة استدعاءه في اطار التعبئة يتحصل على راتب الذي يتقضاه المتعاقد في الجيش اي اذا اكن فوت الخدمة الوطنية مرشح اوملازم يخلصوه كيما يخلص المتعاقدين... لانوا احنا نفوتوها وكي نكملوا مدة الخدمة الوطنية ونهزوا لاكارت جون من بعدها يحطونا فلاليست تاع الاحتياط و كل واحد يحطوه بنفس الرتبة لفوت بها الخدمة الوطنية ومن بعد الا احتاجوا ولا سرات حرب و العياذ بالله و لا اي مشكل يهدد الوطن يعاودوا يستدعيو الاحتياطيين و كي يستدعيوك و تخدم يكون عندكنفس الحقوقتاع المتعاقدين
بصح احنا لي نفوتوا الخدمة الوطنية نخلصوا عادي يعني ممكن 9000 في الستاج (4اشهر) و بعد الستاج 18000
نشاء الله تكون فهمت

[khaoula la dentiste]

والله اني حاير فالمنتدى هذا كي يحبوا يعرفوا حاجة يحاولوا باه يعرفوا و كي تجوابهم’ حتى باه يخسر اعليك هيه خويا اني افهمت .ماكانش
المهم نكونوا افدنا باه تعرف الناس كامل موش غير انت

[karimosta]

شكرا لك اخي على التوضيح

[noureddine fcb]

والله اني حاير فالمنتدى هذا كي يحبوا يعرفوا حاجة يحاولوا باه يعرفوا و كي تجوابهم’ حتى باه يخسر اعليك هيه خويا اني افهمت .ماكانش
المهم نكونوا افدنا باه تعرف الناس كامل موش غير انت

يا أخي ردك هذا هو الذي حيرني ,,,
من قال اني سوف لن أجيبك ؟ أو لن أشكرك؟ و من قال لك أصلا أني كنت متصلا عندما كتبت أنت ردك ؟

أنت كتبت الرد وبعده بـ 15 دقيقة فقط ثارت ثائرتك ولم يعجبك الأمر عندما لم اجيبك في هذه المدة القصيرة،، يا سيدي على الأقل انتظر ساعة، ساعتين، نصف يوم، وحينها إن لم أجيبك أو أشكرك قد يكون لغضبك هذا عذرا

على كل حال، لك مني كل الشكر على جوابك القيم، أسأل الله أن يسهل أمورك، وبارك الله فيك

[khaoula la dentiste]

لا اخي لم تفهمني فقط.. و لم تثر ثائرتي و لا اي شيء اخر و لا تعطيها قيمة اكثر من ذلك رجاءا اخي...
و انا كان قصدي نتواصل انا وياك هذا ما كان يعني الى فهمت الحمد لله ولي خصاتك حاجة اخرى انوضحها لخويا هك قصدي.. وهذا هو لي دفعني باه نهدر هكذاك وزيد على ذلك قبل الموضوع هذا كان واحد يسؤل في امر خاص واحدلم يجبه و كتب كيف لا احد يجيبني فلم قرأت ذلك اردت افادته ولم وفيت في الاجابة قراها وخرج و لم يترك حتى رد بانه فهم او قراها ....
وزيد على ذلك انا واحد مايزيد فيا و لا ينقص فيا كي يشكر و لا يبين روحوا بلي او قرا الاجابة تناعنا .. احنا بغيين نعرفوا غير بلي الناس استفادة و فهمت pas plus و صحا خويا

[noureddine fcb]

يا خويا الله يعطيك الصحة، انت راك تدير فالخير لوجه الله، لهذا ربي هو لي يجازيك، وكلمة صحيت ولا شكرا ماتزيد ما تنقص منك
كيما نقولو حنا دير الخير وانساه ودير الشر وتفكرو :19:


=====

بالمناسبة عندي سؤال :D

ماهو أخر أجل لتجديد الإرجاء ؟
حيث أني تأخرت قليلا هذه السنة في تجديده ، عندما ذهبت عندهم في شهر أوت قالولي التجديد يكون فقط قبل 30 جوان من كل سنة
وقالي انتظر حتى تخرج شهادة التسجيل لسنة 2014/2015 باه نقدرو نجدوه

مافهمتش كاين منه هذا القانون تع 30 جوان ولا غير بغا يليكيديني ؟ :mad:

[khaoula la dentiste]

نعم اخي كاين منوا... فثلاثة اشهر تاع الصيف ما يخدموش لا ارجاء لتجنيد بصح بداية من الدخول المدرسي يبداو يخدموا فيهم...و الا عندك باه تجيب الارجاء غير روحلهم

[noureddine fcb]

نعم اخي كاين منوا... فثلاثة اشهر تاع الصيف ما يخدموش لا ارجاء لتجنيد بصح بداية من الدخول المدرسي يبداو يخدموا فيهم...و الا عندك باه تجيب الارجاء غير روحلهم

شكرا أخي :mh31:

[عابد الماستر]

الاخ khaoula la dentiste (http://www.djelfa.info/vb/member.php?u=445881)
اذا امكن هل للمتطوع الخروج فائض كبقية المستدعين
ام انه هو صاحب الاولوية في التجنيد والشكر موصول مسبقا

[khaoula la dentiste]

خويا واش راح نقولك انا باه نكذب عليك ما نكذبش.. مي نقولك واش راني شايف واش احكاولي وحسب هدرتهم كل ثكنة وكيفاه تحكم.. مثلا في بجاية قالولي المتطوعيين يحكموهم و كاين صحبي قالي طلقوا لواحد معايا متطوع في بجاية بعد.. و كاين اخرين قالوللي ماكان لا متطوع لا استدعاء عادي قالي في زوج كيفكيف .. يعني كل ثكنة و كيفاه تحكم..مع العلم انوا في بعض الثكنات و في معظم الحالات يحكموا على حساب البدن و العمر و الديبلوم...
و مع العلم ايضا انا ثاني متطوع و رايح لتامنفوست