بعد اربعة و عشرين سنة من الزواج [الأرشيف] - منتديات الجلفة لكل الجزائريين و العرب

الأنامل الخضراء

2014-09-09, 10:37

السلام عليكم و رحمة الله تعالى و بركاته

بعد اربعة و عشرين سنة من الزواج و التي قاسمت فيها الزوجة زوجها اكباد الحياة في تنشئة اولادهما على التربية الحسنة

تتفاجا في ليلة مريحة و على الفراش بان يقول لها زوجها ان قلبه مال الى امراة اخرى

ادعو الاعضاء الذين يفهمون الامر ان يدلو بالراي الصائب الذي يجب ان تخطوه هذه الزوجة حتى لا تظلم الزوجة و لا تظلم زوجها

بارك الله فيكم

*نسرين

2014-09-09, 12:11

الشرع حلل 4 واش رايحة دير
لعبالي صعيبة علييها بصح واش دير هدي سنة الحياة
اولا تحاول ترجعو ليها باش ميفكرش في وحدة اخرى

أم احمد3

2014-09-09, 12:18

أكبر صدمة...لها للأسف أكثرهم لا يعلمون....الله يكون في العون...

أم زين الدين

2014-09-09, 12:25

ربي يكون في عونك أختي والله غير صعيبة و ما يحس بالجمرة غير اللي كواتو

أنا لي تغيضني كي يقولك المرا نكارة .

Kawthar77

2014-09-09, 12:36

يمكن تقولوا عني أنانية وكل اخت حرة في حياتها لكن أقول لهده الأخت زوجك لا يستحق منك التضحية وهو اختار حياته وانتهى الامر عيشي حياتك وكوني حرة لكن ان تقبلي امراءة اخرى ومع زوجك هدا مستحيل وهدا هو الموت البطيء خاصة رجال العرب يتقنون سنة الرسول عليه الصلاة والسلام في التعدد وفقط وليس لهم علم بالعدل والمساواة وللأسف يقولون ما لا يفعلون والله المستعان

ام مهدي2010

2014-09-09, 15:25

اذا كان صح ناوي بيدلك خليه يروح الله لاتردو نكار العشرة ربي ينتقم منو بالنسبة ليه دوك كبرتي ما توالميهش حب يجدد شبابه و يدي واحدة قد بنته الوسطانية وااااااااااااااااااااااااااااااع شحال تعصبني هذه المواضيع

عائشة 88

2014-09-09, 15:26

واش نقولك اختي حاولي تعرفي الاسباب وين راكي مقصرة واش هي الضروف لي خلاتو يشوف اخرى لازم متخليلوش الفراغ الله يكون معاك هو كي يقولك حقي قوليلو وحقي انا وين...........

عمار خنشلة

2014-09-09, 15:51

انا شخصيا لا استطيع الزواج اكثر من امراة ولكني لا انكره والمراة بفطرتها لا ترضى بذالك ولكن هو شرع الله في اباحة التعدد لحكم عديدة .... ثقافة رفض التعدد ادت الى اتخاذ الخليلات عند الازواج والامر واضح وهذه النار اكتوت بها نساء اوروبا من قبل فاصبحت المراة الاوربية متسامحة اتجاه اتخاذ الخليلات ولكم في حياة المشاهير واللاعبين عبرة وهذا من جراء الابتعاد عن شرع الله فانتن بين الخيانة واتخاذ الخليلات لان الزوج يعرف ما ينتظره من زوجته وبين الزواج العلني الشرعي وكثير من النساء تفضل الخيانة السرية على الاختيار الثاني لامر في نفوسهن

" أبو عبود"

2014-09-09, 16:00

هذه نزوة وسوف تزول. اكيد روتين الحياة الزوجية هو الذي جعله هكذا ولكنه سوف يندم ان ارتبط بغيرك وسوف يعود إليك باكيا. ولكن مع ذلك حاولي ان تحتويه فقد كان بامكانه ان يخبء عليك ذلك. كان الله في عونك

كاميلا

2014-09-09, 17:02

كاميلا

2014-09-09, 17:04

المشكلة انه نحن النسا لو خممنا كي الرجال وحطيناهم مشروع وشيء يمكن الشراكة فيه يعود بالربح يعني لو اعتبرناهم شيء مادي بحت والله منمرضوا ولا نبكيو ولا نحزنوا النسا مقيمين الرجال بزااااف بزاااف حاطينهم عباد ويحسوا هوما نظرتهم مادية

oumadoumawayouta

2014-09-09, 18:35

حاب يعاود؟
يعاود على روحو
بصح انتي ما تفرطيش في روحك و في حقوقك
ولادك كبرتيهم
درك تولهي مع عمرك،جددي روحك،بدلي اللوك مش على جالو بصح ليك نتي
ديري رياضة،اقراي كتب،تعلمي حرفة،اكتبي،اي حاجة تلهاي فيها
ادا ظلمك وكلي غليه ربي
اكبر خطأ الزوجة تعملو هو انها تنسى نفسها من اجل الزوج و الأولاد

بنت لبحر

2014-09-09, 18:45

صعيبة بزاف ربي يكون في عونك اختي .ان شاء الله يرجع لعقلو

halouma tita

2014-09-09, 19:00

قلبو مال لمراة أخرى مازال ما صرا والو مزال ما قالش حاب نتزوج هنا الصدمة الي توجع صح ممكن جداااااااااا تكون نزوة اكيد نزوة انت في هد الحالة عندك ربي سبحان مادام في البداية قومي اليل وادعي حااااااااااااجتك و كتري من الدعواااااااااات والله سبحان قادر على كل شي (قول الشيء كن فليكن) وانشاء الله مايكون غي الخير يا مادارو الرجال وفي الأخير رجعو غي لنساهم وولادهم

papino

2014-09-09, 19:04

قلتي في ليلة مريحة على الفراش ؟؟؟ اؤكد لكي انه كان يمازح زوجته و ليس بجدي . فيستحيل ان يقوم الرجل بهذه الخطوة على فراش الزوجية.

ولد حمد الباتني

2014-09-09, 19:37

اذا حاب يتزوج بالحلال ويقصد يزيد يتزوج تخليه يتزوج
اظن 24 سنة زواج معاه ماهيش راح تحزن عليه كي يزيد يتزوج

sarl02

2014-09-09, 19:49

Kawthar77

2014-09-09, 21:43

اذا مال قلبه في اطار الحلال فحقه الشرعي ولا ينازعه فيه احد...والتعدد مليح اذا كان الانسان قادر ماديا ومعنويا ...ما اروع التمتع في ضلال الحلال والشرع.وخاصة في هذا الزمان وما يشهده من فتن ...يعني الي احب يتزوج واعدد فهذا اخاف ربي فالوقت الحالي ويخاف على نفسه من الحرام ...لان الطريق الموازية ما اسهلها في هذا الزمان ووفق الله الجميع.

واش اخي من حق شرعي تتكلم عليه وأنتم تعرفوا الحق الشرعي غير في الزواج والتعدد يا سبحان الله ورسول عليه أفضل صلاة وسلام كان يعدد ويأخذ أرامل ومطلاقات باش يسترهم ومشي يدي بنت قد بنته ويقول سنة التعدد والله المستعان

salem1985

2014-09-09, 23:55

من تزوج من اجل الجمال فلن تملء نساء الارض عينه

أبو خالد سيف الدين

2014-09-10, 00:24

ربما قصرت الزوجة في حقه و هو فعلاً ينوي الزواج أو
ربما يمزح ليرى رد فعل زوجته

wafa la reine

2014-09-10, 21:45

قوليلو ___وبكل حزم __انا ثانى حابة نجدد حياتى....
شوف كيفاه نتقاسموا مسؤولية الابناء من حيث الحضانة والنفقة والرعاية..
كونى حازمة فى طرح الموضوع ..ولا تبدى اى ليونة فى ذلك ....
قولى له انت تتزوج من هنا .
...وانا من بعد العدة مباشرة ....حتى اجد الرجل اللى يقيمنى ...
الاطفال عمل مشترك ...ليتحمل نتيجتهم كليكما
اعرف ان قول هذا الكلام صعب
ولكن جربي فقط...
فانت لو قمت بدور الضحية انت والاطفال ...تتفر غير فيكم ...
اذا غير قراره ....اوكي
والا
فهدديه ...
اعرف امراءة فعلت ذلك عندماخاول ان ي تزوج زوجها ..عليها باخرى ..تركت له البيت والاطفال ....حتى الرضيع___
ورجع يحاول فيها باش ترجع

ومن هذاك الوقت وهى تصرف فى كل شهريته ...لاتترك منها شيء ..بل تدفعه احيانا الي الاستدانة من الغير لاكمال الشهر..حتى لايجمع اى مبلغ يتفنطز بيه عليها

~ السلطانة ~

2014-09-11, 08:50

السلام عليكم //
حيثيات الموضوع غير كاملة و قصة 24 سنة لا تنتهي بخبر ينزل نزول الصاعقة في ليلة مريحة على الفراش ،، ال 24 سنة لا تختصر في ليلة و الزواج لا يحتصر في تربية الأبناء ... ان عرف السبب بطل العجب ... تحياتي

nessma 23

2014-09-11, 11:02

السلام عليكم اختي موقف صعب ربي معاك ان شاءالله لكان بمقدوركم تسافرو سافرو وبدلو الجو و الى شهر عسل آخر وشييء خر بدلي اللوك تاعك و إن شاء الله ربي يعدل الامور

جويرية الإيمان

2014-09-11, 11:53

ايه يا اختي هم ينظرون الى المراة شيء اذا مر عليه الزمن يجب تغييره واستبداله حقيقة مرة النسا علابالهم بالحقيقة بصح مش حابين يصدقوا برك اذا راه مصر خليه
انا شخصيا لوكان تصرالي حاجة كيما هكد نوقعله على الورقة اللي يقدر يزوج بيها ومن بعد نخليه مش مالغيرة والا بصح رح نولي نعافه منحبش حاجتي يستعملها غيري

صح و الله غير عندك الحق

تعرفي عندنا وحدة معلمة قرات أختي الكبيرة في الإبتدائي( أختي عمرها 40 سنة)

و المعلمة عندها أولاد ماشاء الله و بيت و رغم كبرها مازالت محافظة على جمالها و زوجت إبنتها

فإذا بزوجها يتزوج عليها قتاة في سن إبنته فما كان من الزوجة إلا أن طلبت الطلاق .

الذي يحيرني كيف لفتاة أن تتزوج برجل في عمر أبيها ؟

ربي يجيب الخير و خلاص

و كما قالت الأخت من قبل الرجال لا يعرفون من التعدد إلا التعدد .

الأنامل الخضراء

2014-09-15, 11:02

بارك الله فيكم جميعا على هذه الاراء ادعو الله ان يلهم هذه الزوجة السداد في القول و الفعل و ان تكون ممن ترضى قسم المولى عز و جل لان الرضى هو اعلى مراتب الشكر و لن ينال تلك المرتبة الا ذو حظ عظيم

مرة اخرى جزاكم الله كل خير

hodahodahoda

2014-09-15, 18:08

نتمنى ان لا يحدث هدا لاي امراة

ام ياسمين10

2014-09-19, 17:14

ربى يصبرها وان شاء الله يتغير رايه

راية الاسلام1

2014-09-20, 18:19

السلاام عليكم
اختي الفااضلة ان كنت تتحدثيت عن نفسك
زوجك اصاابه الملل والحل بيدك، لا اريد منك ان تجلسي مكتووفة الايدي تندبين حظك التعيس
خذي ورقة وقلماا، وزوري مكانا هادئا، حديقة، شاطئ البحر، او حتى بيتك حين يناام الجميع
اكتبي الفرق بين ما كنت عليه في بداية الزواج وما انت عليه الان
جمالك، اهتمامك بنفسك، شكل جسمك، احداث التغييرات في المنزل وفي حيااتك، اهتماامك خاااصة بزوجك...
ثم فكري كثيـــرا في ما ترك زوجك يفكر في امراة غيرك
فالرجل في العاادة لا يبحث عن حضن اخر ان كاانت زوجته مهتمة به بذكااااء ركزي اقوول بذكاااء
يعني ليس الاهتماام الزائد الذي ينفر ولا اللامبالاة المطلقة
نقطة ثااانية: كيف هي علااقتك بزوجك؟؟ هل هي علااقة مبينة على الحب والمودة والاحتراام او فقط الاولاد من يجمعانكما؟؟
احرصي على التغيير يا اختي الفااضلة في كل جواانب حيااتك، لان الروتين قااتل

وركزي على الدعاااااااء الدعااااء يفعل العجااائب والمعجزااات

موفقة حبيبتي وفي انتظاار جديدك

ام فروحة

2014-09-20, 20:23

هاذي اكيد كاش وحدة صغيرة لعبت بعقله ولا شاف زوجته ماولاتش تهتم بروحها كيما كانت من قبل لانه بسبب واش راه كاين دروك في الشارع الله يستر يولي يقارن البنات مع زوجته هو ماعلابلهش بلي هوما ماعندهم حتى شغل ولا اي شيء غير انفسهم وبرك بعكس ربت البيت تحمل هم الدار واولاد والزوج وكل حاجة حاصلة في راسها انا نقولك صراحة لهاذي الزوجة زوجك من نصيبك انت وحدك كوني ذكية وعرفي كيفاش ترجعي زوجك بلا ماتناقشيه في اي شيء وعرفي شكون هاذي واذا كانت لا سمح الله غير من بنات الشارع ولا امراة ماتستاهلش يعني نضحي بالنفس والنفيس ومانخليهاش تديلي حقي في مثل هذا الوقت لازم الكثير من اليقظة والحكمة والرزانة والعقل

الأنامل الخضراء

2014-10-20, 10:12

بارك الله فيكم جميعا
الحمد لله على نعمة تقبل النصيحة

Dinho

2014-10-20, 15:52

سبحان الله ردود بعض الاخوات هنا تدل حقا على نقص عقولهن ودينهن

الرجل يريد ان يعدد وان يتزوج امرأة اخرى هل حرام عليه هل وقع في معصية

بل هو يريد ان يعف امراة اخرى لربما قد ينجيها من العنوسة التي اصبحت بالملايين

بفاهمتكم يا الشاطرات يالي راكم تهدروا وتسبوا في هذا الرجل

راكم تسبوا في شرع الله لان الله حلل 4 للراجل

ونقول حاجة

لو ان زوجة هذا الرجل الذي يريد امراة اخرى لو انها احسنت معه العشرة لما نضر الى امراة اخرى

المراة الشاطرة هي التي تخلي زوجها لا ينضر الى غيرها

بصح هادي باينة بلي راها هاملة روحها وماشي قافزة

الجليس الصلح

2014-10-20, 18:47

السلام عليكم ورحمة الله
الرجل حين يصل سن الأربعين تصيبه مراهقة ثانية ويبحث عن نفسه فيميل إلى الزواج
المرأة عليها ان تدرك ذلك الأمر وتعالجه بهدوء ودون شوشرة بل تحاول قدر الإمكان أن توفر له
الجو المريح فتتزين له وتعامله مثل الطفل حيث تتفرغ له على حساب حتى أولاده
كثير ما ضاع أسر من هذا الأمر والمرأة هي السبب

slimane111

2014-10-21, 09:29

ربي أعطاه اربع نساء من حقه ذلك شئ عادي

slimane111

2014-10-21, 09:33

نحكيلكم حكاية رجل
بعد زواج دام اكتر من 40 عام زوجته تخلت عنه في مايخص ؟؟؟ وبعدها ماقدر يتزوج وماقدر يصبر
وهو الان في عمر 70 سنة ماذا يعمل هذا المسكين واولاده رجال وله احفاد
هل يعصي الله
لو تزوج في وقت سابق لما حصل له هذا على الاقل الزوجة الثانة ترعاة افضل من عزوج كبرت معاه
لا ثقة في النساء بعد سن 60 سنة ترمي زوجها برةةةةةةةةةةةةةةةةةةةةة وصرات هده الحادثة مع الكثيرين وفي الجلفة عندنا

slimane111

2014-10-21, 09:35

تزوجوووووووووووووووو ياشباب الان نصيحتي لكم والله سياتي يوم وان ترميك زوجتك عندما تكبر في السن
لانها تدرك انك الان لاتستطيع الزواج بامراة صغيرة ومن تقبل بك وانت شيخ
الان وانت قادر افعلها لان الله يعرف من هن ومن نحن الرجال

fadi02

2014-10-21, 09:56

و الله ما فيهم لامان الرجال

ام ملاك.

2014-10-21, 10:14

على حساب كلام بض الاخوة هنا حتلا الرجل كي يعجز من حق مرتو تطلب الطلاق وتعاود الزواج لانو ماولاش ينفع
خاصة هذوك اللي يحبو يجيبو البنات صغارات وهو قد باباها
نستعرف بيهم هاذ النوع نتاع لبنات كي تشوفو ولا شيخ ترميه وتعاود زواج من واحد صغير
وانتم ياللي راكم تهدرو لوكان تصير لاباءكم يعاود الزواج على يماكم تاكلوه ماكلة على جال الورث
شحال صرات هكدا كي يحب يتزوج الشيخ بحجة انو مرتو مش مهتمة بيه ووووو وبعدها شكون ينوض ضد الرجل مش الام الذكور هوما اللولين اللي يسبقو لباباهم ويلحقو حتى يضربوه هناا ينساو شرع الله ويتفكرو غير الورث يخافو تديهلهم المراة الثانية
الله يهديكم
اختي حلي المشاكل غير بلعقل وبهداوة واذا كان مصر على الزواج واذا
كنت قابلةة تسكني مع ضرة اللهم بارك واذا ماقدرتيش ربي يكون معاك