تخيلوا واش دارت اخت راجلي

[اياد حياتي]

اخت راجلي راهي طيب وحدها انا بارح جيت من دارنا ودرت العشا عادي وحطيت لخوه الصغير هي رفدت الطبسي ورجعت الماكلة وقلاتلو البيض وجيت نغسل ماعن تاع العشا لميتهم كاما رفدت ماعين الي كلات فيهم وحطتهم بجيه ودارت كامل صوالح تاوعها بجهة هذه عقلية تاع وحدة عندها 40 سنة انا عندي 26 وما حبيتش هذا الشيء تمنيت نكونو كيما خواتات بصح هي ما بغات وزاد خالاتها كل ماتروح عندهم تبدى تقول قالولي اذا غبنتي اروحي سكني عندها انا والله ما درتلها والو والله حتى كرهت معيشة في ذيك الدار ونقصتلي نية فيها وكي قتلو شوف منا للقدام حل كي قاتلي دار يما مكان مادخلك كل مرة تقولها هي تبغي خوها الوسطاني قتلو خلها تعيش معاه ولا اعطيلهم حقهم وكتبها في اسمك ولا بيعوها وكل واحد يدي حقو من للقدام قالي خليها هكذا ونبني هنا خليها تهدر واش ندير نقعد دايمن نسمع كلام هذا قولولي واش الحل

[اياد حياتي]

واش رايكم في هذا الشيء

[اياد حياتي]

اين ردودكم

[naamane3]

غيييييييييييييييييييييييييييرة فقط لا تهتمي

[مريم الصابرة]

السلام عليكم اختي
اولا اختي راك قلت عندها 40 سنة ومن واجبك تحترميها خليها براحتها راهي في دارهم او لا حسب ما فهمت راهي في دار اهلها يعني ماراهيش دارك إنت وراجلك وساكنة عندكم هذب بكل صراحة يعني ما تخليش خوها يشوف فيها شوفة خاطية خلي اموركم النسوية بيناتكم
خليها على راحتها إنت ما درتيلها والو خلاص حبت تغسل ماعنها او حوايجها هي حرة انا وحدة من الناس مل نحبش مرت خويا تخدمني بكل صراحة ما تخدمني ما تعايرني ما تقول راهي عالة عليا
اما تقوليلو إقسم الدار وبني ودير يا اختي هذي امور بين الخاوة إنت علاه تقوليلو تروح تعيش مع خوها ياخي دار يماها وباباها وكيما راجلك عندو الحق هي عندها الحق وإسمحيلي إنت ماكان ما دخلك فامورهم نتاع الورثة
ما تزعفيش من ردي راكي قلت عندي 26 ورانا خواتاتك ما تفرقيش بين الخاوة وما تنبهيش راجلك لأمور تخلق عداوة خلوها براحتها معليش حبت تغسل ماعنها هي حرة المهم راهم يشوفوك ما درتيلها والو
من الاحسن كل واحد في حدو وإنت ما توصليش كل كلمة لراجلك ويكره ختو حرام ماشي مليح ربي ما يحبش ممكن مكتوبها ماجاش او ما ندروش ظروفها حرام تزيدلوها نتوما ديري روحك برك في بلاصتها لو تقبلي تجي مرت خوك ودير واش راكي تخمي ديري تقسم الدار او تبعثها تعيش عند خوها اكيد ما تقبليهاش
موفقة وربي يهدي النفوس

[*رحيق الجوري*]

ربي يفرج عليك رانا في لهوا سوا

[*رحيق الجوري*]

يا نساوين ارواحو هنا نحكيو http://www.djelfa.info/vb/showthread.php?t=1664173

[" أبو عبود"]

والله الامر بسيط جدا جدا ولا يحتاج الى كل هذا. اصبري ولي راجلك يشوف بعينيه واش راه يصرا فقط لا تقوليلو بيع لا اقسم لانك هكذا راية تخليه يبعد اهله وهذا شيء ما يقبلوش ربي. من حقك انها تعاملك باحترام بالسيف عليها بصح فكرة تقوليلو يبيع ويقسم هذي راهي كبيرة وممكن يقلك راكي تتسبي باش تبعدي عليهم وتولي انت الغلطانة. اصبري وربي يفرج عليك بمقدار صبرك

[ام مهدي2010]

ربي يفرج عليك و عليها ان شاء الله

[samirabahi]

الصبر اختي 40 سنة يحسن عونها .

[اياد حياتي]

يا من رديتو ببعض القساوة بعض شيء اولا قلت 40 سنة ويحسن العون مازالو لحد الان يخطبوها وهي رافضة انا واش نديرلها هي راهي تتشرط
ثانيا انا ابدا ما قلت تروح وتسكن مع خوها الوسطاني يعني هي رافضتني قتلو خرج وخليها خوها هو ليقعد فالدار
ثالثا نقول للاخت كل واحد يخدم وحدوا وترفضي تخدمك مرت خوه انا عمرها ماخدمتي عادي كنا نتقاسمو الخدمة كنت حتى كي نغسل حوايج نرفد حتى حوايجها وحوايج خوها ونغسلهلم وكي شريت غسالة وجيت نقولها كيفاش تخدمي بيها ردت عليا بواحد النبرة الخشنة ما نغسلش فيها كي تروح وتظيف نغسل حوايج خوها حتى ملابسو الداخلية وبارح تهدر مع خوها وتقولو جيب من فاميلا وما تتزوجش من بنات الزنقة يجو يحكمو كون بنت الزنقة انا صح كون فرجت ولا قلت لخوها بصح وكلت امري لله ووالديا ماشي محترمينها قولو هذه هدرة تاع وحدة عاقلة واخت الي قسيتي عليا بعض الشيء علابالي راكي لوسة وكاين مرت خوك وانا جامي شكيتلو وقتلو واش راهي دير وجامي كنت نقبل عليها هو كان يغضب منها وانا نهديه ونقولو معليش اختك الكبيرة وساعفها وعمري نيتي مانفرق بين الخاوا هذاك اليوم صرات قدامو وانا نقول اذا كنت ظالمة يجي نهار وربي يخلص مني وعلابالي بلي مانيش ظالمة برك ضميري يقعديفكر بلاك درت حاجة بصح ربي راهو شاهد ومانقول والو غير حسبيا اله ونعم الوكيل

[mereyoucef]

صدقيني حاجة واعرة راني حاسة بيك لكن انتي خليها تتصرف على هواها راهي في دار باباها اولا و ثانيا كوني دايما و دايما مليحة مع خوه الصغير صدقيني هو يعرف اخته مليح بصح ما يقدرش ينتقدها لاخاطر اخته و هو يحبها و يحترمها و صدقيني راجلك راهو يميز و علابالو بكلش بلاكي تقوليلو اقسم و اخرج عليهم خليه و حدو يميز و يشوف و بلاكي ترجعيلها في الهدرة اولا راهي كبيرة عليك بزاف و صدقيني انا فوت بزاف و جوزت هداير بزاف و عمرهم ما سمعو كلمة قبيحة مني ولما خرجت وحدي في داري و ليت انا العزيزة و يجيو عندي عادي و نقوم بيهم اصبري حنونة انتي قبلتي بيه وعارفة بلي لختو قاعدة في الدار اصبري فقط ديري روحك عامية طرشة و عقونة حافضي على راجلك هو الصح

[*نسرين]

قتليها بالقدر كوني دائما انسانة مليحة وربي معاك

[لحن الحياة.]

السلام عليكم

اسمحيلي اختي ردي مزعج شوية بصح راني نشوف بلي راكي مكبرة الحكاية شوية
اولا انتي ماكنتيش عارفة بلي الزواج راه مسؤولية و الراجل ماكيش رايحة تديه ليك وحدك رايحةة تتقاسميه مع اهلو يعني قبل كل شيء حطي في راسك بلي اهلو مفروض عليك تقبليهم واذا كانو مش ملاح انتي لي تخرجي تديري دار وحدك و لا تتدخلي نهائيا في امور الارث .
البنت تبقى تحت رعاية اخوتها حتى يجي مكتوبها وتتزوج ............ ماهيش تتشرط مكتوبها ما لحقش الزواج بالذات مكتوب تاع ربي
و اخيرا و اعتذر لكن انا كون في بلاصتها نجيب لخويا امراة اخرى تكون ضرة ليك راها ما دارت والو .بصراحة ما شفتي والو........ خليها تدير وش تحب المهم ما تدناش ليك بالهدرة

[j-med]

السلام عليكم

اسمحيلي اختي ردي مزعج شوية بصح راني نشوف بلي راكي مكبرة الحكاية شوية
اولا انتي ماكنتيش عارفة بلي الزواج راه مسؤولية و الراجل ماكيش رايحة تديه ليك وحدك رايحةة تتقاسميه مع اهلو يعني قبل كل شيء حطي في راسك بلي اهلو مفروض عليك تقبليهم واذا كانو مش ملاح انتي لي تخرجي تديري دار وحدك و لا تتدخلي نهائيا في امور الارث .
البنت تبقى تحت رعاية اخوتها حتى يجي مكتوبها وتتزوج ............ ماهيش تتشرط مكتوبها ما لحقش الزواج بالذات مكتوب تاع ربي
و اخيرا و اعتذر لكن انا كون في بلاصتها نجيب لخويا امراة اخرى تكون ضرة ليك راها ما دارت والو .بصراحة ما شفتي والو........ خليها تدير وش تحب المهم ما تدناش ليك بالهدرة

أخوك لعبة في يدك تزوجينه متى تريدين ؟

[polyma]

ربي يفرج عليك و عليها ان شاء الله

[عائشة 88]

اختي نصيحة ليك وبما انها كبيرة عليك عامليها وكانها هي ام زوجك يعني بمقام عزوجتك اجبديها ليك ومهما واش يصدر منها تحملي واصبري لوكان عندك عزوجتك كيفاش تتعاملي معاها وتاكدي انو لايخلو بيت من المشاكل وكاين مشاكل اكبر من لي راكي فيها احمدي ربي والصبر ثم الصبر

[لحن الحياة.]

أخوك لعبة في يدك تزوجينه متى تريدين ؟
:1::1: لا اخي ماهوش لعبة بصح نقدر نقترح عليه التعدد ماهي عيب ماهي حرام :1::1:

اي وحدة تكون قاعدة مع اخوتها وخاصة يتيمة وماهيش مزوجة راها تحس روحها عبء عليهم وما نقدروش نحكمو عليها والله اعلم

[FELLA BIO]

السلام عليكم اختي
اولا اختي راك قلت عندها 40 سنة ومن واجبك تحترميها خليها براحتها راهي في دارهم او لا حسب ما فهمت راهي في دار اهلها يعني ماراهيش دارك إنت وراجلك وساكنة عندكم هذب بكل صراحة يعني ما تخليش خوها يشوف فيها شوفة خاطية خلي اموركم النسوية بيناتكم
خليها على راحتها إنت ما درتيلها والو خلاص حبت تغسل ماعنها او حوايجها هي حرة انا وحدة من الناس مل نحبش مرت خويا تخدمني بكل صراحة ما تخدمني ما تعايرني ما تقول راهي عالة عليا
اما تقوليلو إقسم الدار وبني ودير يا اختي هذي امور بين الخاوة إنت علاه تقوليلو تروح تعيش مع خوها ياخي دار يماها وباباها وكيما راجلك عندو الحق هي عندها الحق وإسمحيلي إنت ماكان ما دخلك فامورهم نتاع الورثة
ما تزعفيش من ردي راكي قلت عندي 26 ورانا خواتاتك ما تفرقيش بين الخاوة وما تنبهيش راجلك لأمور تخلق عداوة خلوها براحتها معليش حبت تغسل ماعنها هي حرة المهم راهم يشوفوك ما درتيلها والو
من الاحسن كل واحد في حدو وإنت ما توصليش كل كلمة لراجلك ويكره ختو حرام ماشي مليح ربي ما يحبش ممكن مكتوبها ماجاش او ما ندروش ظروفها حرام تزيدلوها نتوما ديري روحك برك في بلاصتها لو تقبلي تجي مرت خوك ودير واش راكي تخمي ديري تقسم الدار او تبعثها تعيش عند خوها اكيد ما تقبليهاش
موفقة وربي يهدي النفوس


بارك الله فيكي اختي مريم ردكي اسكت كل لسان الله يرزقك كل خير وكل ما تتمنين

[salem1985]

صافي كي تشرط الطفلة السكنة وحدها موش ظالمة