استحلفكم بالله فهموني كيفاه ندير

[*رحيق الجوري*]

بارك الله فيكم وجزاكم الله كل خير

[النجمة القطبية]

يا اختى استغفري مولاك وانعلى بليس اليوم الجمعة
هذى المشاكل في كل دار وراكى تعرفي حال البيوت الجزائرية يعنى عادى متكبريهاش
راجل لازم تتناقشي معاه بالتى هى احسن بالاك مدهم لخوه سلف او بالاك بينهم دين وانتى ما ادراك
اما العيد صدقينى صعيبة تعيدي وحدك وانتى عايشة معاهم الحيط للحيط على الاقل اذا عيدتى وحدك هزيلهم حقهم تع الكبدة واللحم والدوارة راهى محبة خاطر برك وانتى مصدقاتو مصدقاتو
يعنى يا حبيبتى هذى مشي مشاكل كامل وراجلك مولا خير ربي يحفظهولك ويهنيك في دارك

[HODHOD HADAHID]

ربي يفرج عليك ويهنيك أختي

[*رحيق الجوري*]

يا نجمة والله ماكان لا دين لا سيدي زكري يعرفو غير يديو عمرهم ممدولنا حاجة يعرفو يحلبو برك

وبالنسبة للكرش راني نمدلهم نصو تقريب ولباقي نصدقوه

[loufa]

ربي يفرج عليك
بخصوص العيد نقولك متخليش زوجك وبنتك بلا عيد وانساي حكاية نعيد فدارنا انتي اللي توقفي واديري الوجه والقيمة لراجلك وبما انهم يعسوا فيك على اللحم والكبدة اللي من حسن الحظ متكلوش بزاف منهم تاخذي رايي يا اختي تربحي وتسلكي على خير وعلبالي صعيبة بزاف عليك روحي النتي والكبش نتاعك وزوجك وبنتك اذبحوا مع بعض واغسلوه وكولوا الشيء اللي كتب ربي وخليلهم قسمتهم واحملي الباقي وارجي مساء لبيتك متندميش عليها العين حق والله تجيبيها فعمرك والا فبنتك وبخصوص الخدمة وسطهم توالفي وزيد تلقايهم كل واحد لاهي يدير حاجة
بخصوص المصروف حاولي تتفاهمي مع زوجك غير بلعقل يا اختي وفهميه انه لازمكم تعملو المستقبل نتاعكم والواحد يمشي ويكبر والعايلة الله يبارك تزيد وووو
الغلطة اللي درتيها حسب ماراني فاهمة انك بينتيلو انك تكرهيهم بطريقة ما حتى ولو لم تقوليها واضحة من تعبيرك ايضا الزوج لا يحب تحاسبيه دير هاذي ومتديرش هاذي كوني ذكية واقترحي انت عليه انك تساعدي اهلو مثل اختو اللي منعرفوش ظروفها وهو يقضيلها اذا فقيرة او زوجها عندو مشكل او ميت او ....لا ادري اعتبريها صدقة حتى ربي يبعد عليكم البلاء ويحفظكم اما اذا لباس عليها فاقترحي انت انك تخرجي وتشريلها هدية بدلا منه وهكذا على الاقل برضاك راهو كان قادر يخبي عليك اذن خليه فنتيتو ويحكيلك واش دار احسن
بالنسبة لحكاية السيارة بالغ فيهالكن ربما دين لاخيه فمعليش
متقلقيش عليه وتعاملي معاه بلعقل رايحة تكسبيه ومتكثريش الهدرة على اهلو سيملك ويبدو انك متزوجة من شيئ عامين او ثلاثة لهذا يبدو لك كل شيء صعب

[SKYALGERIA]

أختي الكريمة قرأت رسالتك و تمعنت فيها جيدا و أظن الحل الأنسب هو السكن بمفردك و سأعطيك نصيحة و هي حاولي مع زوجك التفاهم معه باللين و بطريقة سلسة و أقنعيه بأن يجب أن يجد لك مسكن للكراء فهو حل مؤقت و حاولي إقناعه بالأسباب ثم بعد إيجاد السكن بالكراء حاولي أن تفهميه بأن كراء السكن حل مؤقت فقط و عليكما أن تدخرا أموال من أجل أن تستقرا في بيت خاص بكما و الله المستعان .

[*رحيق الجوري*]

يا خويا راجلي راسو plan وزيد هو خسر على البنية تاعو اكثر من 300مليون وحاطها دارو مستحيل يكري ادا عملنا بخوموصيو منا على اعوام ممكن نخرج هذا املي الوحيد ووووووووووواااااااااااعععععععععع

[السي محمد]

امممممممم ماراهش عاجبك الحال


لعلمك بظروفك الحالية أنت افضل حالاً من 80%من الجزايريات

احمدي ربي

..و احكمي دارك

..... و ربّي بنتك

...... و طيعي زوجك

[" أبو عبود"]

صراحة راني نشوف فيك تبالغي. ساكنة وحدك وتحوسيه يبعد عل مواليه؟ هذا شي ما يقبلوش ربي ولا يقبلو العبد. والله راكي غالطة ونقولهاتلك نصيحة لوجه اللهك شدي في راجلك وخليه يخدم على والديه وعلى خاوته يشرو سيرات فيلات ما دخليش روحك دراهمه وهو حر فيها. انت من حقك تاكلي تلبسي تعالجي تربي بنتك احسن تربية حقوقك كاملة لكن تدبري عليه يبعد على اهله هذي راكي غالطة فيها ونقلك راكي تكلمه على هذا الموضوع مرة زوج يقلك ارفدي بنتك ورحي وتخلصيها غالية انت وبنتك. اصبري وراه يجيه يوم وحده وحده يبعد عليهم بصح مش لازم انت تكوني السبب. ربي ان شاء الله يهديك ويهديه ويصلح الاحوال

[*رحيق الجوري*]

صراحة راني نشوف فيك تبالغي. ساكنة وحدك وتحوسيه يبعد عل مواليه؟ هذا شي ما يقبلوش ربي ولا يقبلو العبد. والله راكي غالطة ونقولهاتلك نصيحة لوجه اللهك شدي في راجلك وخليه يخدم على والديه وعلى خاوته يشرو سيرات فيلات ما دخليش روحك دراهمه وهو حر فيها. انت من حقك تاكلي تلبسي تعالجي تربي بنتك احسن تربية حقوقك كاملة لكن تدبري عليه يبعد على اهله هذي راكي غالطة فيها ونقلك راكي تكلمه على هذا الموضوع مرة زوج يقلك ارفدي بنتك ورحي وتخلصيها غالية انت وبنتك. اصبري وراه يجيه يوم وحده وحده يبعد عليهم بصح مش لازم انت تكوني السبب. ربي ان شاء الله يهديك ويهديه ويصلح الاحوال

يا خويا عبود يديرلي دار لولادي وميهمنيش فيهم ماشي نرضى بالهم والهم محبش يرضى بيا هوما يبنيو ويعليو وانا نهار اخر نرجع لدارنا وولادي يديرو فيهم نسا خاوتي نخمم على لكبدة تاعي لكان عليا ماشي مشكل وين نروح نعيش

امممممممم ماراهش عاجبك الحال


لعلمك بظروفك الحالية أنت افضل حالاً من 80%من الجزايريات

احمدي ربي

..و احكمي دارك

..... و ربّي بنتك

...... و طيعي زوجكاو سي محمد شرفت موضوعي بصح معرفتش كل ظروفي باه تعطيني النسبة هذه نقطة من بحر راني خايفة على مشاعركم وزيد مواضيعي كامل طيروها وانا قعدت ندور وحدي :o

[السي محمد]

انا لو نحكيلك كيف عاشت اختي الكبيرة


...الحجر يبكي و مستحيل تلقاي زوجة صبرت مثلها



ولكنها صبرت

و في الايخر رزقها ربي


و عندها الآن بيتين متجاورين بدل البيت الواحد

و لما اعطاها ربي بيت واسع و زوّحت اثنين من بناتها


أخذ منها الله عز و جل ابنها البِكر أول ايام رمضان الماضي و عمره 12 سنة

=============

احمدي ربي صباح و عشيّ...عل الاقل انت لستْ عاقر..

عندك بنت

و زوج

و غرفة نوم


هاذي الامور و الله كثير من النساء تشتاق لرائحتها

[bellaluna]

نصيحتي لك بما أنّ المال ضائع ضائع لما حالة بين إخوانه فعليك أنت أيضا أن تصرفي مثلهم أو أكثر إشتري تجهيزات و إن لم يرغب أفسدي التجهيزات المنزلية و اشتري الجديد لا تبالي دعيه بجيب مثقوب و لا يُكمل الشّهر إلاّ بالتداين و هكذا سيعود لرشده..و إن لم تجدي أيّ طريق آخر لصرف المال اشتري أدوية و كريمات لك و للطفلة..
أمّا عن الخروج فلا أنصحك بذلك فأنت امراة حكيمة لا تدعي فرصة للغير لينتقدك أو يُظهرك في مظهر "الكنّة" الشريرة.

[عائشة 88]

والله يا اختي ماعليك الا بالصبر وكيما قالو الاخوة قبلي كاين لي راهم في مشاكل تبكي الحجر احمدي ربي على النعم لي راكي فيها. انا اختي والله مايصرفلها مراة تجينا جيعانا للدار وهو خدام لاباس عليه وتخيلي يصرف على خواتاتو لي متزوجات يبروفيتو فيه عندو اختو رجلها يخلص ٦ ملايين وطامع في خوها ومع ذلك ماما تقلها اصبري ونعطولها احنا المصروف واش نحكيلك ربي خير راها صابرة. المهم انتي شوفي دائما لي اقل منك المهم موش مقصر معاك انتي وبنتك وتاكدي يجي نهار وين ديري دار وحدك....بالتوفيق

[اغادير]

أختي العزيزة حلك الوحيد..... هو انك تخرجي وحدك,,,, لازم تتفاهمي مع زوجك بأي طريقة.... حاولي ,, كل يوم ناقشيه وكلميه باللي لازم ليك دار مستقلة على دار عيلتو.... أما عائلتو حاولي تصبري وحسني علاقتك معاهم على قد ما تقدري ,, ما تخليش أي واحد يحكم عليك غلطة ويردك انت الظالمة,,,,,, العيد.. روحي عيدي معاهم ديري النية في الهبال,, روحي وزيدي اديلهم معاك حاجة.... حسسيهم باللي راهم غالطين معاك ..................... وأخيرا نقلك ربي يفرج عليك ويفك مشكلتك

[oprah]

صح الزواج فيه شويه مشاكل و الدنيا هادي أصلا مشاكل بصح تعلمي تكافحي على جال دارك متهربيش و تخلي راجلك يعيد في العواشير وحدو غير على جال النسا
هاكدا درتي واش حابين
عيشي حياتك كيما تشوفيها مناسبه ماشي شرط يرضاو عليك المهم راجلك
متنسايش هاد المشاكل هوما لي يكرهو الراجل تاني في الزواج
أما من جهة الدراهم ننصحك تهدري مع رادلك و جيبيهالو بشويه باه يخبرك
و تفاهمو و حليلو عينيه بلي هو تاني لازم يبني دارو و يتلاها فيها
ربي يحلك مشاكلك يا رب
متقاقيش روحك ربي معاك

[" أبو عبود"]

انا اختي طلقها زوجها وابنها عمره 8 اشهر ما عطلوي شدينار واحد وهذا كان حملها الثاني. احنا لي ندوها للمستشفى الاكل احنا ندولها ميتة بالشر. السيد بدراهمه ويحيج ويعتمر ويعاود. طيشها مع ابنها بعد عامين تمرميد. ابنها راه عاي شعندنا وراه الان عمره 24 سنة متخرج لحد لاان باباه ما يسلمش عليه وما يعرفوش. شكون لي ما عاشش المشاكل العائلية. رانا نقلولوك اصبري وشدي في ربي على جال اولادك وراه ربي ما يضيعكش.

[dabdoubi]

قكرتيني في وحدة كانت تشكي من راجلها كيفك ديما يصرف دراهمو علا خاوتو الحل اللي داراتو انها كانت توقف معاه و ما تعاندوش و ديما تنصحو بلي هادوك اهلو و ما كانتش تشكيلو من هاد التصرفات و جاء نهار فاق علا روحو بلي كانو يبروفيتيو عليه و بطل هاد الصنعة وحدو وحدو مالا ننصحك ما تخليش دارك ابدا و حاولي تصبري علا زوجك و اياك تخليه وحدو هاذا ضعف و زيد راح يقول تخلات عليا و راه تبقالو نضرة مش مليحة عليك و ان شاء الله يفرج عليك ربي من اوسع ابوابو لا حال يدوم, لازمي الاستغفار

[ملكة النت]

الاخت طلبت النصيحة لا الاستهزاء


ابتسام ................علاه ردي معجبكش؟؟؟؟؟؟؟؟؟؟ انا مالقيتش نصيحه أكثر من اللي قالوه الأخوات ..كل مافي الأمر انو
ضحكني اسلوب البنت وعجبني الصراحه:19: لكن خليها هي تحتج مش أنتي..........الله يكون بعونها................

[ام مهدي2010]

ربي يصلح امورك ان شاء الله

[بسمة اكرام]

السلام عليكم
ياختي احمدي ربي وسكتي
ههههه
تعرفي والله انا ماعندوش لا ام ولا اب ولكن عندو اختو واخ
ومتزوجين في زوج
وانا حتى ونسكن وحدي ولكن غير قولي نسكن مع اختو
لانهو يعتبرها امو واولادها يعتبرهم خاوتو
حتى ويوجعني قلبي ونقول شوفي هما راهم يبنيو في مستقبلهم وهو يتفرج فيهم
واموالو كامل ماشية عليهم
وخاصة اني ماعنديش اولاد
ولكن نرجع ونقول المستقبل بيد ربي
ولي مايديرش الخير في اهلو عمرو ولا يدير فيا الخير
ونحمدربي ونسكت
والحمدالله عمري ولا قستهم بكلمة او خليتهم حسو بحاجة
الحمدالله

[هبة الله اريج]

سكري باب المشاكل يرحم بوك

[الدكتور شهاب الدين]

يـا أختي هاته هي الدنيـا و هذا هو الزواج كفاح و مشقه و تعب

اصبري يـآ أختي و لا حرج من الخوض مع زوجك في نقاش حول مدخوله و طرق الادخار

[سماح 2]

ما عندك ما ديري اصبري وانصحيه واحكي معاه بلاك يلم ويبني لك وحدك بعيدة على اماليه ...راك باينة في حالة

خاصة اذا كانو خواتو ما يقرش فيهم الخيرْ

يربي يعطيك الصبر

[أم احمد3]

كل الردود خاطئة التي تقول ان المشكل سهل بل بدائة لمشاكل اكبر
عدا الذي اقترح ان تصرفي كما يصرفون
انت اشتري الذهب كل خرجة بخاتم او قوغمات....مايروحش منك كي عاد يصرف الا محبش يشري لك ...غيري اسلوب الكلام اي ...قولي عندي روبة معنديش واش نلبس لها ولا اي حاجة..........

المهم اصرفي كي تصبري لانها اول عاصفة تمر بك فاصبري لها وقاومي بالسكوت مع البسمة ....
اما السكن العائلي ....خليهم يحبوك... وفي المستقبل كل واحد يجرب بنفسه المشكل هذا...........

[*رحيق الجوري*]

لا اله الا انت سبحانك اني كنت من الظالمين ....اللهم لا تواخذنا بما فعل السفهاء منا..............ولا حول ولا قوه الا بالله

[مياسم الصمت]

السلام عليكم ورحمة الله وبركاته

نرجو عن وجود الاساءة التبليغ عليها ليس اقتباسها والرد عليها
هذا الامر يزيد من أثر الاساءة أكثر

نرجو الالتزام بالنصح

لنقل خيرا أو لنصمت

بارك الله فيكم

[ايهان]

اختي رحيق الجوري من الردود ارى تباين في الم واقف من رجل لامراة ومن متزوج لعدمه وكل يقيس حسب ظروفه او ظروف اسوء من ظروفك
اخيتي اعيش ظروفا مشابهة لظروفك من العيش والبناء مع العئلة وطريقة تصرف زوجك مع اهله والله هناك بعض التفاصيل كانك تحكيها عني
نصيحة لك وبعد اعوام من الخبرة انت فرد وسط مجموعة حاولي التعايش مع طريفتهم واسلوبهم في العيش لانك لن تستطيعي تطبيق قانونك ويط مجموعة والا اعتبرت خارجها ومع الايام تملين الوحدة ولكن انا لا اقول هذا طبعا ان تلغي مبادئك او شخصيتك حاولي التوفيق بين ماتريدين وبين ماهو واقع وكوني ذكية في الاقتراب من اهله بالطريقة التي هو يراها ولكن باسلوبك والله ستلاحظين الفرق ويصبح يشاورك في كل صغيرة وكبيرة مثلا لا تدعيه يقضي لاخته من راسو قبل مايخمم هو يقضي انت فكريه وحتمي عليه اشياء هو لا ينتبه لها مثلا قوليلوا اعطيها تروح للطبيب سمعت بلي مريضة هذا ابسط مثال خاصة اذا كانت فعلا محتاجة او فقيرة رايح يلاحظ بلي هذا لايزعجك ومع الوقت انت لي رايحة تصرفي في الموضوع ماشي هو والله راح تاخد وقت بصح نتيجة فعالة
في مايخص السكن والله كيما راكي تقولي بلي 300 مليون وهذا مبلغ ماشي صغير مالا حطي روحك راكي كارية عند ناس لمدة عشر سنين وابني مستقبلك على هدي المدة يعني حاولي تحمليهم عشر سنين حتى تلمي وديري سكن منفرد
شوفي قضية يمد لاخوته والله صدقيني مع الوقت رايح يبطل وحدوا لانه وقتنا صعيب مع المصروف تاع الاولاد رايح يبدا يغلب وحدوا وادا كان ربي فاتح عليكم من واسعه عمرها الصدقة ولا نقصت من راس المال والله يا بنتي راجل ماهوش كيما ظني انتي بلي جايح ويبروفيتيو عليه راهي طيبة منو وحسن خلق والله ماعدت في وقتنا هدا علبالي حاجة تقلق بصح احمدي ربي لي ماراهوش يدير بدراهمو لحرام يمدهم لخاوتوا ولا الحرام
حبيبتي اصبري مع انوا الصبر مر ورايح يكون على حساب اعصابك وصحتك بصح الصابر ينال وكوني ذكية في التعامل مع مشاعر زوجك تجاه اهلوا على خاطر الغضب يخلي الانسان يجرح بلا مايفيقك والراجل ماينساش ويتناسى على هدي طولي بالك وعاودي حسابك وحاولي تتعايشي باه تهناي ماتبقايش تنكدي على روحك وراجلك وهوما عايشين وهانيين
ونفكرك بلي كي يمدلك ربي واحد ما ينقصلك ولي ليك عمروا يروح لغيرك
عاودي رسكلة لحياتك وشوفي الفرق مري واللاه بنفس الظروف والمشاكل اللي تحكي فيها بصح كي فهمت اسلوب زوجي ارتحت وارتاح هو ومع الوقت بدل حوايج بزاف وانا تبدلت تاني
حبيبتي اصبري وحاولي تتحاوري مع زوجك برزانة وذكاء
ربي يوفقك ...........تقبلي مروري وردي بصدر رحب.....،..

[*رحيق الجوري*]

السلام عليكم ورحمة الله وبركاته

نرجو عن وجود الاساءة التبليغ عليها ليس اقتباسها والرد عليها
هذا الامر يزيد من أثر الاساءة أكثر

نرجو الالتزام بالنصح

لنقل خيرا أو لنصمت

بارك الله فيكم
شكرا بارك الله فيك على التدخل وعلى التنبيه

[faraday_dz]

ارضاء الناس غاية لا تدرك

[*رحيق الجوري*]

اختي رحيق الجوري من الردود ارى تباين في الم واقف من رجل لامراة ومن متزوج لعدمه وكل يقيس حسب ظروفه او ظروف اسوء من ظروفك
اخيتي اعيش ظروفا مشابهة لظروفك من العيش والبناء مع العئلة وطريقة تصرف زوجك مع اهله والله هناك بعض التفاصيل كانك تحكيها عني
نصيحة لك وبعد اعوام من الخبرة انت فرد وسط مجموعة حاولي التعايش مع طريفتهم واسلوبهم في العيش لانك لن تستطيعي تطبيق قانونك ويط مجموعة والا اعتبرت خارجها ومع الايام تملين الوحدة ولكن انا لا اقول هذا طبعا ان تلغي مبادئك او شخصيتك حاولي التوفيق بين ماتريدين وبين ماهو واقع وكوني ذكية في الاقتراب من اهله بالطريقة التي هو يراها ولكن باسلوبك والله ستلاحظين الفرق ويصبح يشاورك في كل صغيرة وكبيرة مثلا لا تدعيه يقضي لاخته من راسو قبل مايخمم هو يقضي انت فكريه وحتمي عليه اشياء هو لا ينتبه لها مثلا قوليلوا اعطيها تروح للطبيب سمعت بلي مريضة هذا ابسط مثال خاصة اذا كانت فعلا محتاجة او فقيرة رايح يلاحظ بلي هذا لايزعجك ومع الوقت انت لي رايحة تصرفي في الموضوع ماشي هو والله راح تاخد وقت بصح نتيجة فعالة
في مايخص السكن والله كيما راكي تقولي بلي 300 مليون وهذا مبلغ ماشي صغير مالا حطي روحك راكي كارية عند ناس لمدة عشر سنين وابني مستقبلك على هدي المدة يعني حاولي تحمليهم عشر سنين حتى تلمي وديري سكن منفرد
شوفي قضية يمد لاخوته والله صدقيني مع الوقت رايح يبطل وحدوا لانه وقتنا صعيب مع المصروف تاع الاولاد رايح يبدا يغلب وحدوا وادا كان ربي فاتح عليكم من واسعه عمرها الصدقة ولا نقصت من راس المال والله يا بنتي راجل ماهوش كيما ظني انتي بلي جايح ويبروفيتيو عليه راهي طيبة منو وحسن خلق والله ماعدت في وقتنا هدا علبالي حاجة تقلق بصح احمدي ربي لي ماراهوش يدير بدراهمو لحرام يمدهم لخاوتوا ولا الحرام
حبيبتي اصبري مع انوا الصبر مر ورايح يكون على حساب اعصابك وصحتك بصح الصابر ينال وكوني ذكية في التعامل مع مشاعر زوجك تجاه اهلوا على خاطر الغضب يخلي الانسان يجرح بلا مايفيقك والراجل ماينساش ويتناسى على هدي طولي بالك وعاودي حسابك وحاولي تتعايشي باه تهناي ماتبقايش تنكدي على روحك وراجلك وهوما عايشين وهانيين
ونفكرك بلي كي يمدلك ربي واحد ما ينقصلك ولي ليك عمروا يروح لغيرك
عاودي رسكلة لحياتك وشوفي الفرق مري واللاه بنفس الظروف والمشاكل اللي تحكي فيها بصح كي فهمت اسلوب زوجي ارتحت وارتاح هو ومع الوقت بدل حوايج بزاف وانا تبدلت تاني
حبيبتي اصبري وحاولي تتحاوري مع زوجك برزانة وذكاء
ربي يوفقك ...........تقبلي مروري وردي بصدر رحب.....،..

وش من مرور يا ختي ايهان راكي بردتيلي على قلبي ورتحتيني ربي يخليك يا عمري كلامك درر مواااااااح يا زينة افكار خطيرة باه الانسان يفورماطي مخو من لي بخوبلام

[*رحيق الجوري*]

يا خاوتي بارك الله فيكم كامل ربي يجازيكم على وقفتكم معايا

[*رحيق الجوري*]

الموضوع مغلق شكراااااا