طنجرة الضغط

[oumadoumawayouta]

آسلام عليكم
ليوم قررت نظف طنجرة الaغط تنظيف عميق ههه و يا ريتني ما فتحتها
نقلكم لي عمرها ما حلت الكوكوت رايحة تتشوكا
لازم مرة علي مرة تتنظف مليح
حبيت تمدولي كاش استوس باش نظفها بلاما نخدشها خاطر اليوم استعملت حبل السلك و جرحتها كامل
شكرا

[ام طيري الجنة]

انا حليتها وندمت خاطرش خسرت و هي ماركة هااااااااايلة seb وكانت اطيب بشكل رااااااااااااااائع خاصة على نار هادية و الان ما راهاش تتغلق مليح مع انني ديتها عند مصلح الكوكوت بصح والو ماعادتش كيما كانت
عاود اشريت وحدة اخرى و ما عجبتنيش زعمة من النوع المودرن و في الاخير عاود شريت كوكوت اخرى seb و ما نزيييييييييييييييييدش نحلها

[ام اريام]

انا تاني يا ختي حليتها خطرة وندمت لخاطر تتكسر ومام تديها للمصلح ما ترجعش تتغلق كيما مع الاول نصيحتي غير خليها لخاطر رايحة تخسريها ونظفيها من ومن كيما الناس قع

[oumadoumawayouta]

هادا الي قالك
جا يسعى ودر تسعة
كون غير سقسيت قبل
و ساب راهي ماركة مليحة

[ام طيري الجنة]

انا تاني دفيسيتها كلية و ندمت اشد الندم ان شاء الله اختي ما يصرالكش كيما انا خاطرش هذي لامارك هايلة وغاالية تغيض

[oumadoumawayouta]

شكرا لبنات درك نشوف ادا ما فسدتش اللهم بارك
دا فسدت نجرب نخدمها
زعمى قلت راه جاي الشتا وقت اللوبيا و العدس
نوجدها

خخخخخخ

[sonia32]

علاش تكسروا في روسكم وتخسروا في للكوكوت رايحة نقولكم على عملية ساهلة خلاص بعدما طيبوا ماكلتكم وهي سخونة احكموا اجكس ونضفوها بالصابون وهي سخونة ورايحين تشوفو النتيجة هذه الفكرة انا نخدم بيها لسنوات ونصيحة نضفوا الكوكوت كل شهر ماشي كل عام ان شاء الله افدتكن عزيزاتي

[khouloudnicegirl]

استعملي. فورس. اكسبراس. القرعة. البرتقالية. فهو رائع لتنظيف

[أم وائل ولؤي]

شكرا اخوات على النصيحة

[oumhana]

السلام عليكم ورحمة الله وبركاته
شكرا لجميع المشارِكات انا لكوكوت ساب كبيرة مخليتها غيز للضياف و كل منستعملها ننظفها مليح و نشفها وحتى جيهة الصفارة نظفها بالcoton tige على يدام أما الصغيرة تاع كل يوم ننظفها كما قالت الأخت بالأجاكس وصبون الحجرة تولي تبرق تقولي فضة

[maiar]

نظفيها بفورس اكسبراس البرتقالي هايل هايل

[الامل نور]

كل ما تستعمليها نضفيها مليحكل الاماكن بالماء سخون و الصابون ثم امسحيها راهي تبقلك جديدة تقول شريتيها اليوم