ساعدوني بنصيحتكم

[مشكلتي]

انا فتاة ابلغ 21 سنة أدرس بالجامعة ........ مشكلتي انه تقدم لي شاب خلوق و متخرج من الجامعة بصح مازال يأسس في حياتو يعني مايقدرش يحققلي طموحاتي المادية كيما الذهب و الباس الفاخر و اعجبني و عجب عايلتي لكن المادة هي العئق

[sousou-02]

قال رسول الله
اذا جائكم من ترضون دينه وخلقه فزوجوه

مقالش الي عندو الدراهم الله يهديك اختي
وان شاء الله فيها خير

[حساني اسامة]

انت نتاع مادة ادا

[kati83]

كى عادت طموحاتك الدهب واللباس الفاخر فى الدنياديرى فى بالك بلى لازماك تفهمى مليح الحياة الزوجية قبل الزواج مكيش رايحة ديرى فى عرض ازياء

[مراد سابقا6]

اتمنى من كل قلبي أن يتركك ويحب بنت الفاميليا

التي تستحقه

وتقولون عزوف الشباب لماذا عن الزواج ؟؟؟؟؟؟

[اخت الرجل]

ممممممممممم يا للعجب الذهب رجع يقرر

[قلبي جميل]

واش بيكي يا طفلة اسمحيلي اذا قتلك راكي مادية

يخي قلتي راهو متربي متخلق اقبلي بيه وبركي من تشراط مادة ماهيش هي كل شيء

[wafwaf8471]

choufi nti wach raki haba

[blanche rose]

انا فتاة ابلغ 21 سنة أدرس بالجامعة ........ مشكلتي انه تقدم لي شاب خلوق و متخرج من الجامعة بصح مازال يأسس في حياتو يعني مايقدرش يحققلي طموحاتي المادية كيما الذهب و الباس الفاخر و اعجبني و عجب عايلتي لكن المادة هي العئق

سبحان الله
حيرتني اختي
المرأة الصالحة تفكر كيفاش تأسس دار مستقرة و تربي أولادها تربية صالحة و تسعد مع زوجها
و انت تفكري في المادة؟

والله محزن أختي كي يعود المال أغلى من الانسان
كاين نساء حطوا رجالهم فوق راسهم واعتبروهم أغلى ما يملكون وعاونوهم بالمال ورجالهم ماشي راضيين عليهم وانت لقيتي راجل صالح واختارك لشخصك وانت حابة تخيري صاحب المال؟؟

استفيقي أختي
اللي يحبك يسعدك أكيد
يبذل جهدوا باش تكوني سعيدة معاه

طعم السعادة ما تحسيش بيه بوجود المال بل بوجود شخص يحبك وبالقناعة.
ما نقولكش عيشي في فقر ..لكن ان يكون متوسط الحال امر جيد.

وهو اذا احبك سبذل جهده ليسعدك لكن لا تطلبي منه المستحيل.
لا تضيعي رجلا صالحا من يدك.

من السهل ان تجدي من يشتريك كاي سلعة.
لكن من الصعب ان تجدي من يقدرك.

ربي يصلحلك امورك و يهديك لما هو خير لك.

[naamane3]

الذهب واللباس الفاخر
يلزمك بنك ماشي راجل

[hodahodahoda]

و هل طموحاتك انت الدهب و اللباس الفاخر
اظن المراة العاقلة طموحها ان تجد الرجل الصالح الدي يقدرها و يحترمها و يحترم اهلها اما الماديات تاتي مع الوقت و المهم ان تكون مستورة

[kaka9999]

انا من موضوع طفلة عرفت انها مادية و يغرها شكلها لما تقدم لها شخص
تقلك انا جميلة وممكن يجي واحد اخر افضل منه
لكن نسيت ان الله وضع لكل شخص مكتوبه

[وصال سلام]

لا تقبلي به اختاه لانك مادية وسوف تطلبين منه الكثير والكثير فوق طاقته ويمكن راح يضطر يسرق او يرشي او يعمل شيء حرام من اجل

تلبية وارضاء طموحاتك المتطلبة رايحة تعذبيه بزااف

راحة البال تشترى بالدراهم نقولك حاجة كاينين تزوجو على اساس المادة لكن عاشو حزينين طبعا بعد ما شبعو من المال فطنوا من

النومة العزيزة

وانما على نياتكم ترزقوون ""حذااري""

الراجل هو اللي يجيب الدراهم لكن الدراهم ما تجيبش الرااجل

[ملاك في الأرض]

الله يهديك ان شاء الله

[bougara088]

لازملك تفتحي صفحة في فايس بوك واعملي اصدقاء بازاف وخيري بلاك تلقاي بوكو تيكي اقلهم مهرا اكثرهم سعادة:1:

[لحن الحياة.]

اعتذر لكن اذا كان 21 سنة + جامعية تعتبر مقياس للذهب و اللباس الفاخر يعني لي 23 سنة وخدامة تشرط ضعفك 10 مرات ؟؟؟؟؟؟صارحيه بلي انتي مادية ولازمك الذهب و اللباس و الدار وحدك والسيارة وسوف يجد افضل منك بكثير

[خلود-عنابة]

اختي لا يجب ان تكوني مادية، يكفي انه كريم الخلق اضافة الى كونه جامعيا اي انه في كل الاحوال له مستقبل بإذن الله.
الماديات التي تبحثين عنها قد تكون سببا في شقائك و ما يجب ان تبحثي عنه هو الستر و راحة البال، هذه هي الامور التي تحقق لك العيش الهنيء و الحياة المستقرة.
كوني راضية، قنوعة و شكورة و ستحل عليك البركة ان شاء الله. :)

[اسعى لرضى الله]

الزواج يا اختي مهوش معناه راجلك يشريلك الذهب واللباس الفاخر والسيارة ووو الزواج هو انك تحصني نفسك وزوجك اولا وثانيا تكوني اسرة على واش قال ربي والرسول عليه الصلاة والسلام وباينة تعيشي حياتك مع زوجك على حساب وش يقدر يوفرلك وتوقفي معاه ويوقف معاك وتصبري عليه ويصبر عليك

[" أبو عبود"]

سبحان الله، واش بيكم الاخوة والاخوات دخلتوا عليها" راكي مادية وراكي ...". ما تنساوش راهي 21 سنة يعني مزال مش عارفة واش راهي تفكر. اصلا فكرة راهي تقرا وتفكر في الزواج هنا خطأ.إذا راكي حابة تتزوجي االدراسة نحيها من الطريق. غذا راكي معولة تكملي انسي الزواج لانك رايحة تدخلي في علاقة وفي الاخير مش رايحة تتزوجيه وتولي ضيعتي سنوات من عمرك.
النصيحة هيك انسي فكرة المادة لانك ممكن تتزوجيه ثري ومن بعد يتفقر. وزيدي الدنيا مش دراهم. لان لي عندو الدراهم يتزوج ما اجمل منك وما اصغر منك. فكري مليح مليح قبل ما ديري اي خطوة

[السي محمد]

ارفضيه

و انتظري ان يخطبك شاب غني يوفر لك ما تحلمين به...هذا من حقك

اصلا انت مازلتي صغيرة 21 سنة؟؟؟ حليب امك مازال في اسنانك

كملي قرايتك...حطي الديبلوم سلاحك في يدك...اخدمي و حطي دراهم في البنك...

لا تفكري في الزواج قبل 29 سنة

[سماح 2]

معليهش اصبري علييه تزوجوا فقراء يغنيكم الله

[فريال القسنطينية]

هاذو هوما لبنات لي خلاو الشباب الجزائري يعزف عن الزواج ويحمل نظرة خاطئة عن المرأء الجزائرية و ينعتها بالموسطاشة ولي تشتي الحديد
اتقوا الله يا خواتاتي راكم طيرتوا على بنات الفاميليا البق ...
ربي يصبر الشاب الجزائري على بنات اليوم هذا وش نقول وربي يسرلهم في حياتهم باش يلقو بنت الفاميلية لي تقدر الظروف والسلام عليكم

[زايدي أمحمد]

يااختي انا لن اهاجمك لكن اطرح عليك سؤال انت تريدين الرجل ان المادة

[الأمين®]

الذهب و الباس الفاخر هذي هي طموحاتك من الزواج ??? سامحيني لكن أرى أنك لست مؤهلة للزواج بعد .....

[hanin h]

شكرا على الصراحة ، لكن الله يهديك و يهدي الجميع.......

[أسماء أماني*]

Salam Oukhetiii
Rebi el chafi el mo3Afi howa nefssou erreza9

Kima re9ek bhad el khatib rayah yerzkou w yewassa3 3lih men fedlo

W ziiid metkherdj men djami3A khiir men wahdakhou metkherdj mennn;;;;; Khemmi meli7

W rebbi yedjma3kom fi la7lala w yerzok kol lebnatte
:)

[اسماء بنت ابي]

عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ

الحسب : هو الفعل الجميل للرجل وآبائه. وقد فسر الحسب بالمال في الحديث الذي أخرجه الترمذي وحسنه من حديث سمرة مرفوعاً: "الحسب المال؛ والكرم التقوى".
إلا أنه لا يراد به المال في حديث الباب لذكره بجنبه فالمراد فيه المعنى الأول.

قوله: "تربت يداك" أي التصقت بالتراب من الفقر وهذه الكلمة خارجة مخرج ما يعتاده الناس في المخاطبات لا أنه صَلّى الله عَلَيْهِ وَسَلّم قصد بها الدعاء.