و اخيرا قال السبب علاه حاب يطلق ؟؟؟

[* الحلم سكر *]

السلام عليكم
نظن هاذي الحلقة الاخيرة من مسلسل اختي و زوجها الحقير لي حكتلكم حكايتها
و قبلها بغيت نقل لكل من رد سابقا في الموضوع http://www.djelfa.info/vb/showthread.php?t=1662367
ربي يجازيكم كل خير و درك نعطيكم الجديد بعدما حيرتكم قبل
دارو الرجال جلسة و واجهوه هو و اختي و اهلي و اهلها - الرجال -
بداو يحكيو الا كلام فارغ و طلع زوجها كاذب عليها في حوايج بزاف لدرجة انو ما قدرش يواجه من بعد قال خوه لكبير احنا صراحة من الاول ماناش باغينو يتزوجها - باغيين ليه واحدة فاميلتو -
و قال هو شد فيها و عفس على كلامنا ؟؟؟ للاسف تذكرو بعد اكثر من 14 سنة
زوجها بقى غير يتبع هنا و لهيه
سالــوه كيفاه تجرات تخرجها من دارها دون اسباب و بلا مشكل و سالوه تراب الدار لي زعقتها منها بلا سبب او حتى بلا اي مشكل بدراهم شكون قالها صراحة هو ترابها مي انا ما نكتبش باسمي و اسمها - مع انو كان واعدها و يجيب بيها في الوقت -
المهم في الاخير رجعلها و رجعو عادي لكن اهلو لما سمعو كاين اللي قاطعو و كاين اللي راه درك عاملينها جنازة عندهم علاه رجعها
و اختو الكبرى اقسمت علنا - تعــيا و نزوجــك فامــلتي فلانة ؟؟؟؟؟؟؟

وقتها بغيت نضحك و نبكي نضحك على عمري ما شفت ناس بهذا الحمق و التخلف و الدهاء
و نبكي على اللي طاحت في عيلة ما تخافش ربي لا هو لا هوما


هم يضحك و هم يبكي راجل عندو 3 اولاد 14 سنة زواج باغين يطلقوه و يخطبولو و شكون واحدة هو اصلا رفضها و هو عازب و تمسكن بزوجتو
و اللي يتسمى زوجها يزعق مرتو دون اساب فقط لانو اهلو ما يحبوهاش لانهم حرشوه صدق الكذبة تاعو و تاعهم

نقلكم صراحة غلطت اختي بـــزاف مـعاه لانها كانت مخــدوعة في
* بنت الفاميليا توقف مع راجلها
*بنت الفاميليا تصبر
*بين بين زوجك ماكانش فرق عيب تقولي اكتبلي باسمي
*بنت الفاميليا ما تهدرش على زوجها و تخبي في قلبها و تطرطق
*الفتاة المتربية تسامحو هو اهلو و تفوت غلطاتهم
*مسكين زوالي ساعفيه و راه راجل قالك اقعدي في الدار مي خيطي و كسري ظهرك على خاطر هو بخيل ماشي ماعندوش صح
*و يا بنت الفاميليا يا متربية عيب تقولي لراجلك اكتب باسمي و اسمك بالــصح ماشي عيب ياخذ منك دراهمك

و في الاخير بكلمة ماشي دارك و بكلمة راكي مطلقة تلقى روحك 000000000000 و لو دون اسباب

هي رجعت ليه و هو طلب منها السماح مي .........؟؟؟ و انا نقول وكيلو ربي هو و اهلو

[Amal1995]

السلام عليكم
اختي قطعتيلي قلبي وانا نقرا مسكينة ان شاء الله ربي يكون في عونها وينصرها علا كل من ظلمها
رانا غير نزيدو نسمعو في العجب في هاذي الدنيا

[ندى الصبح]

السلام عليكم اختي ما شفتش الموضوع ال قبل بصح فهمتالقصه
ويا اختي واش نقولك كاين كيفو بزززززااااااااااف بنت الفاميليه هي الي تخلصها دايمن بصح واش نقولو حسبنا الله ونعم الوكيل في كل واحد ظلم زوجتو وكلالها حقها
واكيد ربي يخرجها فيه وان شاء الله يعوضها خير منو
حسبنا الله ونعم الوكيل

[* الحلم سكر *]

السلام عليكم
اختي قطعتيلي قلبي وانا نقرا مسكينة ان شاء الله ربي يكون في عونها وينصرها علا كل من ظلمها
رانا غير نزيدو نسمعو في العجب في هاذي الدنيا

ان شاء الله و الله دارنا الكل لليوم واحد ماراهو مصدق لي صرا
ربي وكيلهم و يخلص عاجلا غير اجل
ربي يحفظك اختي

[* الحلم سكر *]

السلام عليكم اختي ما شفتش الموضوع ال قبل بصح فهمتالقصه
ويا اختي واش نقولك كاين كيفو بزززززااااااااااف بنت الفاميليه هي الي تخلصها دايمن بصح واش نقولو حسبنا الله ونعم الوكيل في كل واحد ظلم زوجتو وكلالها حقها
واكيد ربي يخرجها فيه وان شاء الله يعوضها خير منو
حسبنا الله ونعم الوكيل

امين ... الخلاصة انهم حرشوه عليها جابها لدار اهلها بالغر و ما بغاش يخليها ترجع و هي رجعت وحدها و دون اسباب و للعلم اصلا تراب الدار شراه بدراهمها و ذهبها لكن باسمو و جا نهار و زعقها و يا ليت عندو علاه ؟؟
ندى الصبح ربي يخليك على دعواتك هوما رجعو لبعاضهم مي ماشكتش الجرح يبرا
ربي يوفقك

[بيان 5]

ربي يصلح احوالهم
ويفرج يارب

[nilly]

Basah rajlha lokan ja mlih yahbha maysmahche fiha imala kima howa kima ahlo

basah 3lah okhtak dayte 14 sna m3a wahad rmaha f dkika
lokane tlkte f 3amha lawal dorka rah tkoun mzawja w 3andha drari m3a wahad okher

makanche lazam tdhahi 3lajalo dhate b chabbha

malazmche tsm3o ltqolak lmra chatra tsabr

sah sabre mlih basah idh kan yhabak tsbri 3la lfokre tsabri 3la sakan

Basah l tsbare m3a rajale ykraha smhili marahiche normal

malazmche tsm3o lnessa wache yqolo li ano lmra ltqolak matlkiche sabri l tkoun jayha w matfahmche danya

qolilha lkhtak matndamche inchallah tatzwaj side sidhome mafatche lhal

[ابتسام smile &hope]

وصيها لازم تعرف تتصرف في دراهمها
لازم ماتخلي حتى حاجة في قلبها تاكل و تلبس ملييييييييح
ادا تقدر تخبي دراهمها فالبنك و لا دير صياغة و تخبيها فالبنك
قويلها لازم دايمن ترقي دارها راجلها وولادهاو تحافظ على الاذكار
و تنوض قبل الفجر تدعي ربي سبحانه
و تخلي معاملاتها مع اهلو رسمية و ماتمدلهمش الفرصة باش يخرجوها من دارها
ان شاء الله تسمع نصيحتك
ربي يفرحها و يفرج عليها

[@esraa@]

الكثير من النساء يحدث لهن ذلك
بعدما تعمل و تتعب و تشارك بمالها و عملها و صبرها يحصد هو
ما زرعته ليهنأ به هو و امرأة غيرها
الخطأ خطأ المرأة فعليها قبل ان تعطيه مالها و ذهبها ان تعرف معدنه
كيف لا تعرفه و هي تعيش معه في بيت واحد 14 سنة
من المفروض ان تعرف من البداية انه ليس بالرجل الذي يستحق التضحية
المهم اللي فات مات
و ما عليها الا ان تحتسب كل اعمالها معه في سبيل الله حتى يكافؤها الله
فالله وحده هو الذي يعلم ما لها و ما عليها

[مناع]

الظالم وكيله ربي

[امينة النايلية]

الظالم وكيله ربي

والله ماغلطت الظالم وكيلو ربي

والفاهم يفهم :confused:

[ام مهدي2010]

ربي يكون معاها ان شاء الله و الله حكايتها مؤثرة بزاااااف و هاذيك اخته اللي حلفت تزوجه اسمحيلي هادي اكبر خبيثة خرابة البيوت

[* الحلم سكر *]

والله ماغلطت الظالم وكيلو ربي

والفاهم يفهم :confused:

يا ريت توضحيلي خلي نفهمو دون الغاز و استفهامك بالاك نقدر نجاوبك اذا وضحتيه بصراحة

[sarah1424]

يااا اختي لعزييزة الزمان والرجال مافيهم لامان هده تحفضها كيما تحفظ اسمها
الحق حق يعني حق تديه بالملاحة والا بالقباحة لنو نهار يرميها ويعاود الزواج متنفعش لملاحة حقها لازم تديه
وعائلتو يشربو من ماء لبحر حتان يرواو يفرقو بين زوجين وهده حالة اغلب العائلات الجزائرية يكرهو الكنة تقولها عدو
ربي يهدي قلها متديرش لامان وربي معاها

[محمد...عبد النور]

السلام عليكم أختي الفاضلة pgcd
و الله بعض الوقائع و الفضائض صارت تطرق أسماعنا صباح مساء و الله صرنا نستحي من سماعها كأننا في مجتمع لا اخلاق فيه
الناس تبدلت او واش بيها ؟؟؟؟؟؟؟؟؟؟؟
زوج تزوج و دار الاولاد و من بعد .....كل شيئ يلغيه و تبان له يطلق مرته من غير سبب...ممكن غير نزوة جاته ايا يفكك اسرة بكاملها
و الله انا اتحدث معك الان و مصير أختي الله أعلم به .....ثاني شبيه بأختك .....و الله بلاك الطلاق ارحم لها .....و الله لو أتكلم و الله لن أكذب في حق زوج لا يستحق كلمة زوج ..... انسان كاذب و مستهتر في حق الزوجة و الاولاد . اخر الامر كارثة نقولوا حسبنا الله و نعم الوكيل
نسأل الله تعالى بمنه و كرمه ان يكفينا هم الدنيا و الاخرة و يبعد عنا شر كل عدو و حاسد
و الله ما تعلمته يا أختي الكريمة من هاته الدنيا ....هو يجب علينا دائما الدعاء و طلب العفو و العافية خاصة في وقت الرخاء و تقديم الاعمال الصالحة و كثرة الصدقات ...فشر الدنيا غير مؤمون و البلاء يصب فيها صبا ...و نحن في ناس قل حياؤهم و نكثوا كل ميثاق للشرف و جعلوا عهودهم كلاما
براك الله فيك و أقر الله عينيك بما تحبين
ســــــــــــــــــــــــــــــــلام

[زهرة اللوتس31]

اللهم فرج همها وعوضها ماهو احسن
فلتتوكل اختك على الله ولتحتسب كل ما فعلته لوجهه

[hodahodahoda]

للاسف هناك اشباه رجال
لهدا انا ضد ان تترك المراة عملها من اجل زوجها
يقبلها كما هي او يرى واحدة اخرى
انا ضد ان تشارك المراة في شراء بيت الزوجية و لا تكتب اسمها بجنب زوجها

[ƤŔĨŊČĘŚŠ]

ربي معاها


ربي يسعدها إن شاء الله

[أم معاذ أم معاذ]

الله يهدي زوجها و يرجعو للطريق المستقيم
أختك ما تستاهلش
قلها تقول حسبي الله و نعم الوكيل في كل من يريد خراب بيتي و طلاقي
الدار قلها تقعد فيها تاعاها و تاع أولادها لا خح يطلق يروح يشوف وين يعيش هاذي دارها حقها و حق أولادها تعبت عليها
و بالنسبة للتراب اللي من مالها إذا كتب ربي الطلاق تطالب بذهبها بالغرامات ما تخافش ما يضيعلهاش بإذن الله

[*رحيق الجوري*]

ربي يصبر اختك ويعطيها لقوة لكان نتي هاكا مالا هي مسكينة اديلها وخلاص وثلاثة ولاد صعيبة باه تطلق يجي نهار وين يفرج عليها ربي لا محالة

[salem1985]

هي تصبر والدنيا كامل ما تسوى والو وان شاء الله يكبرو ولادها ويعوضوها

[الحلم الجميل]

لا اله الا الله...
كاين بزااااااف مثل راجل اختك
من اشباه الرجال
ربي يفتح عليها اكيد حياتها بعد ان عادت له لا تحتمل بادرة كلها خوف و قلة ثقة .... شئ ما فقد.....
الصبر الصبر عسىاها تفرح يوما ما