المساعد الشخصي الرقمي

مشاهدة النسخة كاملة : أول راتاج في تطبيقاتي ....

يسمينة البجائية
2014-09-03, 14:12
السلام عليكم و رحمة الله و بركاته

أزول يا جماعة

كيما قالت الاخت شمس بريكة راني شايفتكم تضحك وحدة نقتلها

هذه صوص كراميل نتع الاخت الهام 07
http://www.djelfa.info/vb/attachment.php?attachmentid=86434&stc=1&d=1409749433

أتهمها بجريمة القتل الغير عمدي هههههههههههههه

و انا المتهمة الاولى على خاطر يدي لي خلطت البيطون و الهام المتهمة الثانية لانها صاحبة الفكرة ههههههههه

طبقت الوصفة و كي درتها داخل بول خليت المغرفة داخل 30 دقيقة برك . باش ترتاح ,اومبعد رحت نحل المغرفة لقيت بيطون في الداخل . ما حبتش تتنحى .... جربت القوة و العنف و كل الوسائل بصح وااالوو
اماجينيو يا البنات , قعدت يوم كامل و انا نجبد فالمغرفة حتى حمارو يديا .... والو

الكارثة العظمى


قالتلي يما طبري راسك نسحق المغرفة مع البول هذاك ........

اقلتلها انشاء الله :19:
نحيلها لك في 2015 اذا كتب ربي
على خاطر و الله بيطون نتع الصح خير من بيطون نتاع الماسون .

ما علاباليش وعلاش يا اخواتي ساعدوني . وين غلطت ؟
الماسة النادرة
2014-09-03, 14:44
ههههه والله غير ضحكتيني عاودي جربي بلاك تنجحي بصح اشري تا جوتابل باش متزيديش تخسري لماماك ربي يخليها الاواني سلام
أنواار الإيماان
2014-09-04, 09:59
خيرها في غيرها اصبري تدخل الهام و تنفذ حكم الاعدام فيك وجرمك انك شوهتي الوصفة لانها ناحجة ههههههههه

ازربي عاوديها بدقة وشوفي وين غلطتي

ولا نقولك راسلي احدى شركات البناء خخخخخخ تعطيك براءة اختراع ومتنسايش انا المديرة انت مستشار تنفيذي برك ههههههههه

دوكا نحوس لك اختي على صورة التطبيق ونحطها

تسلمي اختي ضحكتيني والله كنت مهمومة

هذا تطبيقي الوصفة راهي مضمونة اختي وراني معتمدتها راااااااااائعة تجي كيما الكابريس الذايب وتصلح للعدييييييييييييييييييييييييييد من الوصفات

عاوديها واكيد ان شاء الله تنجحي فيها وراهي تبقى لعدة ايام في الثلاجة انت برك ماتثقليهاش كي تكون على النار

http://im77.gulfup.com/RDG6C4.jpg (http://www.gulfup.com/?NPOasT)
يسمينة البجائية
2014-09-04, 14:02
لووووول
و الله نحب بزاف الهام 07 ما شاء الله هذه العضوة عزيزة علي . كي نقرا وصفاتها كالعجينة المورقة و نصائحها الثمينة اللي ساعدتني بزاااف و ضحكاتها في المنتدى . ربي يجازيها بكل خير و يحفظها لنا اميييين

انا على بالي ان الوصفة تع الاخت الهام ناجحة و سوووور الغلطة عندي ....

بصح وييييين أخطأت في الوصفة علما ان الصوص حرقتلي شوية مي ماشي بزاف .
هل الاحتراق كان السبب ؟
يا الهام ادخلي و فهمني وين غلطت اومبعد نديرو حكم الاعدام ههههه

و نطلب للعضويات واحد السيرفيس ...... اللي عندها قوة 10 رجال تعطيني لادريس نتاعها و نبعثها البول و المغرفة باش تحلي المشكل على خاطر حكم الاعدام عند يما قريبا .... ههههههههههههههه
أم ضياء عبد الرحيم
2014-09-04, 14:10
ههههههه قتلتيني بالضحك عوديها و باذن الله تنجحي فيها
wassila134
2014-09-04, 17:15
هههههههههه يااختي ضحكتيني
انا كي نراتي حاجة نرميها قبل مايشوفوها ههههه
شحال من مرة يلقاهم راجلي في لابوبال وايقولي
في الأول كنت نزعف لاني كنت نحشم منو
مي ضرك والفت الانتقادات نتاعو
وانت عاوديها ممكن تصلحلك المرة الثانية
jiji_"
2014-09-05, 00:08
هههههههههه ضحكتيني الله يحفظك شوفي اما انك ثقلتيها بزاف او فوتيلها فالطياب
عاودب جربي و تنجحي ان شاء الله
اما السيدة ملعقة باش تنحيها ديري البول في ماء فوق النار قيس ما تذوب شوية و نحيها
سلاﻻﻻﻻﻻمي
lahna moka
2014-09-05, 19:53
هههههههه حبيبتي ربي يعطيك ما تتمناي قتلتينا بالضحك هههههههههه
عاوديها مرة اخرى و اتبعي الخطوات بدقة و خاصة ما تخليهاش تثقال بزاف و ان شاء الله تنجحي فيها
ikhlasse25
2014-09-05, 22:01
مسكينة السيدة ملعة وضعتيها تحت تجاربك النووية
الله يكون في عونك
ماعليش اختي كامل يصراولنا هاد الحوادث ولكن ماتياسيش واصلي المحاولة
موفقة باذن الله
LINA 97
2014-09-05, 22:40
ضعيها في الماء وهكذا ينتهي المشكل
يسمينة البجائية
2014-09-05, 23:15
مسكينة السيدة ملعة وضعتيها تحت تجاربك النووية
الله يكون في عونك
ماعليش اختي كامل يصراولنا هاد الحوادث ولكن ماتياسيش واصلي المحاولة
موفقة باذن الله

ههههه و الله كنت نخمم و نماجيني روحي فتحت شركة اسمنت للماسونيين بصح انا نسميها شركة الصوص البيطونية . اللي تتكون من خلطة الهام07+ الغلطة تاعي + نجيب شينوي باش يديفلوبي الفكرة و يديرها لي في المنتجات للبيع . و تشوفو الضمان نتع البيطون 2015 .... لوكان تضرب زلزان 9.50 و بيت ما يتشقق .

راني نماجيني مستقبل الجزائر مع البيوت الغير قابلة للهدم ...... و الحماية نتع الزلازل الكارثية .
ماجينيو برك بيوت مصمودة و تريح بالكاراميل ..... هاذي الفكرة واحد في العالم ما خمم عليها برك انا .

نماجيني روحي اول مخترعة اللي تدي موندا عالميا . و الهام راكي اسوسيي معايا . هيا نعمل سويا لمستقبل البيطون في الجزائر و العالم ككل :19: و تطوير الصوص البيطونية المضمونة مئتين بالنئة
*رحيق الجوري*
2014-09-06, 18:44
معليش كامل مرينا بمواقف هاكدا
ام سراج وملاك
2015-09-17, 14:23
عاوديها اتي اكيد تنجحي فيها ضحكتني
amor.chibout
2015-09-19, 09:32
السلام عليكم ورحمة الله وبركاته
والله راكي نحيتيلي الزعاف تاع الاولاد والمراجعات
هذا إختراع واحد ماوصلو .مبرووك.
أما الملعقة .... سخني الماء في قدر وغمري البلارة بإذن الله تعالى راح تتحرر الملعقة
لاتكوني محبطة زيدي جربي حوايج أخرين