تسجيل الدخول

مشاهدة النسخة كاملة : غسالة arthur martin

* دموع الشوق *
2014-09-03, 12:04
السلام عليكم
أريد أن أسألكم عن غسالة آرثر مارتن أين يتم تصنيعها ؟
أنا أنوي شراء واحدة بحول الله 8 كلغ وجدتها 4.5 ملاين كاش و بالتقسيط 5.5 ملاين .
هل هذا سعرها ؟
و هل يجب أن أنتبه إلى شيء مثلا أن تكون مقلدة أو غيره.
بماذا تنصحونني؟
بارك الله فيكم
مريم بنت عمران
2014-09-03, 13:37
كانت عندي واحدة ولكن بعد خمس سنوات تعطلت رغم الاعتناء بها قالولي راهم كامل مقلدين لذلك اشتريت lg راه هايلة لذلك انصحكي بشرائها راهم تقريبا بنفس السعر
مومي23
2014-09-05, 17:07
عندي واحدة عندها اكثر من 10 سنوات تعمل جيدا خسرت عليها في هده المدة كاملة حوالي 700 الف فقط
لكن اسال اكثر
* دموع الشوق *
2014-09-07, 00:55
عندي واحدة عندها اكثر من 10 سنوات تعمل جيدا خسرت عليها في هده المدة كاملة حوالي 700 الف فقط
لكن اسال اكثر

شكرا لك أختي على الرد
و لكن فاش خسرتي 700 الف واش تقصدي
؟؟؟؟؟؟
شكرا
سؤدد الجنة
2014-09-07, 09:46
كانت عند اهلي وحدة ماكملتش عامين وخسرت برغم امي من النوع الى يحافظ على الحاجة بزاف
بعدها شراو سامسونغ أرخس و هايلة تخرج الحوايج مليح وعملية وزيدي شوفي رأي البنات انا حكيت فقط من تجربة اهلي

بالهناء عليك والصحة
hibanegh
2014-09-28, 11:27
انا املك واحدة عندها خمس سنوات ولم اصادف معها اي مشكل وهي من صنع فرنسا اشتريتها في العلمة بسعر3 ملاين 700الف وزن 5.5كلغ وربي يوفقك ان شاء الله.
ام ريهام
2014-10-01, 08:11
انا عندي هذا النوع من الغسالات عمرها الان 10 سنوات و لم تخسر يوما هي صنع فرنسي
ام نادية
2014-10-01, 08:18
عند حميتي من 15 سنة و عمرها تبارك الله ما قالت يا رأسي و هذا الصوالح زهر و بتوفيق
* دموع الشوق *
2014-10-07, 23:20
بارك الله فيكم
على حساب واش شفت في المنتدى....
حتا سامسونج راهم يشكرو فيهم
المهم إن شاء الله نديرلها خرجة و لي كاتبة تلحق
شكراااااااااااا
ام هاديل وياسين
2014-10-08, 07:59
اختي على حساب ما قالي اللي شريت من عندو انو اغتوماغتان اصبحت مقلدة والاصلية ا
اصبح لديها اسم اخر انا شريت سامسونغ ولله غير مهنيتني والغسيل فيها اقل من ساعة
يخرج يشعل والله يوفقك
رزان حياة
2014-10-08, 11:53
راهي عندنا في شحال من عام مصرالها والو صنع فرنسي تخافي من المقلدة
~ حراير ~
2014-10-08, 12:03
ان اردت النصيحة
فنقلك اخطيك

هي من ناحية عمرها
نقلك اي غسلة على حسب استحفاظك تطول

انا و والدتي و اختي شريناها في نفس اليوم من 13 سنة

نتاع اختي و والدتي راهم مازالهم جدد
و نتاعي رميتها
كنت نغسل فيها بزاف بزاف و بما اني كنت في منطقة جوها رطب زنجرت "يعني تصدأت"
و الطومبور تاعها ساع على ساع يخسرلي
اخيرا خسرت عليها 750 الف و صدقتها

...............
نصيحتي مش على عمرها
نصيحتي على غسيلها
الكل يشهد انه الغسالة تريد من يساعدها
يعني اذا لحتي دراوات او زور او قش نظيف يطلع يشعل
و الا قش نص نص راح تلقايه كيما راهو
اما اذا قش موسخ فمانحكيلكش خير

على هك كنا نقولو احنا الي نساعدوها مش هي الي تساعدنا
ثان بالطولة تصير فيها رائحة مش مليحة و لازمك ديما تنظفيها و تهويها

درك عندي سامسونج اوتوماتيك بلاستيك تتفتح من فوق

كلمة رائعة قليلة فيها

تنظف و تشلل و تعصر روووووعة

من 3 سنين و انا معاها هايلة باتم معنى الكلمة بكل صراحة هاد وين ريحت من لغسيل
عطر الجوري
2014-10-08, 15:25
نصيحتي اصرفي النظر عليها عجوزتي عندها كل مرة تفسدلها وزيد الحوايج كيما دخليهم كيما تخرجيهم خسارة الضو برك مثلا كونديا شوكو يسيح فوق درا تغيليه بيدك غير بالما احسن١٠٠ مرة ملي تغسليه فيها احسن ماركة سامسونغ ماما عندهااو lg
* دموع الشوق *
2014-10-12, 17:13
بارك الله فيكم
كفيتو و وفيتو
شكرا
يا ريت أختي أريج المسك تقوليلي الفرق الجوهري بين سامسونج الي تنحل من الفوق و الي تنحل من الامام
في الحقيقة قبل ما تحطي ردك كنت رايحة نشري سامسونج تاع حديد
و درك راني نعاود التخميمة
سلام
~ حراير ~
2014-10-12, 17:49
بارك الله فيكم
كفيتو و وفيتو
شكرا
يا ريت أختي أريج المسك تقوليلي الفرق الجوهري بين سامسونج الي تنحل من الفوق و الي تنحل من الامام
في الحقيقة قبل ما تحطي ردك كنت رايحة نشري سامسونج تاع حديد
و درك راني نعاود التخميمة
سلام

لمزية درتيلي شكرا نسيت بلكل بلي رديت هنا

الفرق الجوهري يا اختي في النظافة و الوقت و التبذير او الاقتصاد اذا بغيتي الايجابية

النظافة الي من تتفتح من فوق تنظف خير
الوقت اقل بالنص تقريبا يعني في سع تكمل
الاقتصاد

كي يعود عندك قش و بغيتي تقسميه في المشينة الي تتفتح من فوق تقدري تقسميه و تلوحي بالطرف
عكس الاخرى كل غسلة واحدها ماتقدريش تقسميه

الغسالة الي تتفتح من فوق ننصحك
خليها تعمر الما بلا قش و تديريلها نص غسلة
يعني بالدارجة يتحرك الصابون وحده مع الما و يولي "جر"
و من بعد لوحي القش و ارواحي رديلي الخبر القش يخرج يبرق او ادعيلي دعوة خير :d

المشينة الي تتفتح من فوق تليق لواحدة عندها ولاد صغار اكثر لانه قشهم يكون متفاوت التوساخ على هك قتلك تغسلي و تنحي و تلوحي قش اخر في نفس الغسلة

حبيت نقلك على سومتها لكن نسيت شوفي يا مليون و 6مية او مليون و 9 مية والله غير نسيت

المشينة لخرى انا ما شفتلها حتى ايجابيات
لانه كاين الي يقلك تغسل الزور لكن صدقيني في عصرهم صح مليحة اما في غسيلهم وااااااااااااااالو

المهم اسمعيني مليح راهي سامسونج بلاستيك اوطوماتيك فيها باب واحد من فوق تعودي تشري حاجة اخرى

نضن راني عطيتك التفصيل تاع التفصيل :1: غير اشريها و ما تندميش و ادعيلي

و ربي يعاونك
* دموع الشوق *
2014-10-14, 19:52
بارك الله فيك يا زوينة
زوجة خالي عندها كيف هاذي تاع البلاستيك سامسونج
و قاتلي أختي تكرفس القش و لازم المكواة ... واش رايك؟
ياريت تحطيلي صورة و لومن النت
واش تقصدي بالجر .... هل هي الرغوة؟
و واش من صابون غسيل تستعملي ؟
و شكرا
راني سمطت ... المرة الجاية نقولك شريلي وحدة و خلاص هههههه
~ حراير ~
2014-10-15, 09:45
هيهيهيهيه ماعليهش منين راني نستفيد من المنتدى نحب انا ثان نفيد

الجر ايه الرغوة و فهمتي قصدي كيفاش تديري يعني كيفاش تخدميه؟؟؟؟؟

من جيهة تكرفيس القش فالغسالة لخرى تكرفس اكثر

لكن سامسونج تعصر اكثر ساعات في الصيف ما نفوتش 20 دقيقة نشران و ندخلو

المهم التكرفيس لازملك النفيض تنفضي القش يعني القش الرقيق مش راح يحتاج مكواة او قش الكاجوال غير تنفظيه و تطبقيه مليح يعدل روحو
لكن حوايج اخرى كيما المآزر طبعا يحتاجو بلا هدرة

الصابون هو مشكلتي
شوفي مكانش نوع في الدزاير ما جربتوش
و في الاخير رجعت للخلطات هيهيهيه

نقلك الي ندير فيه الثقة صح
جافيل سيدهم الرغوي ريحتو مليحة و يوالم حتى القش لملون
ديما ندير قدر فنجان او اقل و نحلو في الما و نصبو في الرغوة

المهم صرت نتبع الريحة لمليحة و كي مالقيتش درك نشري ايزيس لاخاطر رخيس فيهم و نشري معاه سيدهم جافيل و ميني دو للريحة و رطوبة القش

يعني كي تلقي انت الصابون لمليح الحقيني بيه هيهيهيهيه خاصة اذا اولادك في سن "التمرميد"

الصورة كون تصبريلي للعشية نحطلك صورة تاع غسالتي الشاطرة درك مالقيتش خيط usb باش نحطلك المهم تشبه لهادي غير لوحتها الالكترونية مختلفة شوية

http://im61.gulfup.com/Db5OyI.jpg (http://www.gulfup.com/?5OSGp8)
* دموع الشوق *
2014-10-15, 18:20
هيهيهي سن التمرميد هاذي مليحة
عندي غير بنتي عندها 1- شهر تجي بخير إن شاء الله يعني راني حامل في الثامن
على هاذا الي بغيت غسالة راني تعبت زيد الخدمة برا ... تعبت مع الغسيل باليد
في الحقيقة و الله ما كان كيما الغسيل باليد منه تربية نفس و زيد رياضة ههههه
حتا كي كنت مع أهل زوجي كانت عندهم الغسالة و ما كنتش نحب نستعملها
يعني غير أنا و زوجي
الي تتوسخ نغسلها
و درك الخدمة برا و الحمل و راني نخمم القدام
.......
المهم سمعت كاينة وحدة سامسونغ إيكو بابل نظن شوي غالية
عندك عليها فكرة؟ هاذي تغسل مليح و يخرج القش مفرز و ما يحتاج كوي
إذا تعرفيها أفيديني
تخيلي هاذو تاع سامسونج كل ما نروح نشوف غسالة
يقولي ما زال ما دخلوش رجعي السبت ... رجعي الاحد ... الخ
و مادام ما جابابوش الغسالات نبقى مهبلاتك هههههههه
دمت حبيبتي
بارك الله فيك
* دموع الشوق *
2014-10-15, 19:49
.................................................. .......
~ حراير ~
2014-10-17, 09:34
يا اسناذة ماعليهش اسألي وش حبيتي
اليوم وين عرفتك استاذة و انا نحبكم بزاف

الله يبارك و يزيد و ربي يعطيك وقفة ساهلة و تجي الاميرة بصحة و عافية
نقلك سر خطير و ماتقوليهش لحتى حد
انا ثان نحب غسيل اليد و نبكرلو الصباح بككككري هيهيهيهيه لكن صدقيني سن التمرميد تروحلك خلاص خلاص شهوة غسيل اليد
و السر الخطير هو اني كنت نلوح قش البيبي في الغسالة نديرلو صابون مارسيليا السائل
اشششششششش عندك تقولي على سري او تبهديلتي بالاحرى هيهيهيهيهيه

..............
اما سامسونج ايكو مانعرفهاش في الحقيقة
ايكو يعني اقتصادية او صديقة البيئة؟؟؟؟
و ننصحك ما تقعديش تتستناي شوفي بائع اوخر خيرلك

................
بالنسبة للماركة سامسونج
شارية منها تلفزيون بلازما و الغسالة و ريسبيراتور
صدقيني هوما احسن ما يخدم في الدار

بالمناسبة حتى ريسبيراتور ماعندك ما تقولي فيها خاصة ايام الغبار تنحي الغمة على القلب من لفراشات و الريدوات

..............
* دموع الشوق *
2014-10-31, 00:08
سلام هاذا وين لحقت ... طحت مريضة و الحمد لله على كل شي
هاذا سر خطير و فكرة روووعة ...... تبارك الله عليك يا الحرة
راكي درتيلي دودة في راسي تاع لاسبيراتور وااااااااااع الغسالة ما زال ما جات
زيدي قوليلي شحال شريتيها ... تاع الماء ولا لا .... الخ
دبري راسك نتي الي جبدتي هيهيهي
....
باينة كنتي تلميذة مجتهدة و محبوبة و حنا تاني نحبوك تعيشي
kmtra
2014-11-20, 20:41
عندي واحدة تقريبا عندها عشرة سنوات هي جيدة و لكن الحديد نتاعها يصدأ
* دموع الشوق *
2014-12-07, 00:30
شكرا على الرد ربي يخليهاك
fatijijel
2014-12-07, 18:40
السلام عليكم
يا اختي شوق رغم تعدد الاراء و تخالفها رايي انهم ملاح و حنا مللي شريناه ا هادي عشر سنين و لا مرة فسدت انشاء الله في ليام الجايين نرفعلك صورتها
نهلةن
2014-12-07, 20:13
الشلام عليكم اختي ماما تاني شرات ماشينة كيما تاعك بعد بصح قالتلي دور زوج دورات وتحبس فيساع ممكن نفيديني ونوريلها كيفاش تمشي
دُرة بيتي
2014-12-12, 08:43
عندي وحدة ارتير مارتان ماشاء الله فايتة 12 عام لاباس عليها
لكنها تع بكري والان كثرو المقلدين
موفقة
* دموع الشوق *
2015-01-15, 17:37
عندي وحدة ارتير مارتان ماشاء الله فايتة 12 عام لاباس عليها
لكنها تع بكري والان كثرو المقلدين
موفقة

هاذي هي المشكلة
شكرا على الردود
:mh31::mh31::mh31::mh31::mh31: