المساعد الشخصي الرقمي

مشاهدة النسخة كاملة : ملتقى مدرسة اطارات المشاة سيدي بلعباس

anad27
2014-09-03, 11:13
امر بالالتحاق الى مدرسة اطارات المشاة سيدي بلعباس (http://www.taj-lrs.com/vb/t85841/)


السلام عليكم وصلني امر بالالتحاق (http://www.taj-lrs.com/vb/t85841/) الى مدرسة (http://www.taj-lrs.com/vb/t85841/) اطارات (http://www.taj-lrs.com/vb/t85841/) المشاة (http://www.taj-lrs.com/vb/t85841/) بسيدي بلعباس (http://www.taj-lrs.com/vb/t85841/) يوم 15-09-2014 ما رايكم في هده المدرسة من ناحية التدريب و المعاملة و الاقامة و الفائض و ما هو الوقت الرائع للدهاب الى الثكنة
و لي بعتولو هنا يتواصل معنا
sinopointic4
2014-09-03, 12:09
تم هنا
1759 (http://www.djelfa.info/vb/showpost.php?p=3991667039&postcount=1759)
anad27
2014-09-04, 21:07
لي بعتولو الى مدرسة (http://www.taj-lrs.com/vb/t85841/) اطارات (http://www.taj-lrs.com/vb/t85841/) المشاة (http://www.taj-lrs.com/vb/t85841/) بسيدي بلعباس (http://www.taj-lrs.com/vb/t85841/) يتواصل معنا
bekam33
2014-09-05, 11:44
انا ايضا الاستدعاء جاني ثما من لديه بعض المعلومات يفدنا اكثر بارك الله فيكم
liverpoolfc
2014-09-05, 23:58
Salam alikoom


meme ana rani m3akoom encha allah


netlakoo temä
anad27
2014-09-06, 13:54
momkin fb ta"ek baè natwaslo
liverpoolfc
2014-09-06, 23:36
salam alikom

f Skp tahiroo2

rani msuprimi el compte FB
elhochi
2014-09-09, 11:34
ANA THANI BA3THONI THAMA WO HADA EL ******** NTA3I LI TAWASOL
https://www.********.com/hicham.boudjemaaa
لا للظلم
2014-09-09, 15:24
تلقيت أمر بالإلتحاق في مدرسة اطارات المشاة سيدي بلعباس للمرة الثانية على التوالي بعد مارس الفارط أين حصلت على تأجيل بسبب تقديمي ملف طبي و قدومي متأخرا إلى المدرسة.
حظ موفق للجميع
moh lad
2014-09-09, 17:32
و انا ايضا تلقيت امر بالالتحاق الى هده المدرسة
liverpoolfc
2014-09-10, 00:48
salam alikoom
لا للظلم

بملف طبي اعطوك سورسي فقط
لمادا -------هل ملفك كان ناقص
لا للظلم
2014-09-10, 01:16
salam alikoom
لا للظلم

بملف طبي اعطوك سورسي فقط
لمادا -------هل ملفك كان ناقص

أنا دهبت متأخرا جدا

و الطبيب أخد الملف مني وفقط (أحمل النظارات)

قيل لي أنه عقاب للمتأخرين و في الحقيقة أنهم لا يجرون الفحص الطبي المعاكس إلا لفئة قليلة (يجرى في وهران) .

يوجد أشخاص كان عندهم ملفات طبية لم يعطوها للطبيب بل قالو له نحن مرضى (أصحاب الأعراض الظاهرة) لعلمهم بأن عدد المقبولين قد أكتمل ووضعوا في قائمة المقبول جزئي .
liverpoolfc
2014-09-10, 16:47
شكرا على اجابتك الله يحفظك

انا ايضا عندي مشكل مع البصرايضا ٠٠و انا متردد في الدهاب خاصة الى مدرسة ميزيرية كبالعباس ربما عندما انتظر لوردر دابال اخر تغير لي لكازيرنة ٠٠٠لاني اريد اعفاء ليس تاجيل

+كم تاخرت المرة اولى لانني انوي التاخر باسبوع او اكتر

المهم الله ايجيب الخير لينا قاع ٠٠٠صحيت
لا للظلم
2014-09-11, 01:04
الأمر بالتوجه كان ب22/03 و أنا دهبت 27/03 و خرجت من الثكنة 01/04 و جماعة الفائض خرجوا 02/04

الله يسهل
ilyes29
2014-09-11, 02:13
السلام عليكم...انا كنت في هاذي المدرسة في مارس لي فات..و خرجت فائض...إلتحقت يوم 16مارس يعني تأخر يوم واحد فقط و كنت من بين 40 الأوائل الملتحقين....بإختصار المرة لي فاتت طلقو لي جاو اللولين فائض و كانو كلهم مستدعين يوم 15مارس..يعني لي عندهم إستدعاء 22مارس حتى لو التحقو في نفس اليوم..ما طلقوهمش..للأسف...في الفحص الطبي يوجد 3حالات..مقبول_مقبول جزئي_في الإنتظار...الحالة الأولى باينة..2 يديرك فيها مين تكون مريض و داي دوسي..إذا ما إقتنعش بدوسيك يديرك فيها...و قادر يديرك مقبول إذا شاف بلي دوسيك خرطي(حسب رأيه الشخصي لانو الطبيب هناك عسكري قبل ما يكون طبيب-غير حيادي).....الحالة الثالثة هي مين تكون مريض صح صح و داي دوسي متين..يدوكم لوهران ديرو فيزيت...و نتا وزهرك..إذا صبت الطبيب تماك راك تفريها..وإذا ما صبتهش يولو يدوكم مرة أخرى...كل هذا حسب الوقت..في كل مرة يدو 20 او 30فرد لمرة واحدة في الاسبوع ...لي ما لحقاتهش الدالة يدي شورسي 6اشهر..في المرة القادمة نفش الشيء...و اللي تحصل على سورسي مرتين في المرة 3 يأخذ إعفاء............المقبول جزئي البعض منهم يحولوهم إلى مقبول...البعض الاخر يتحصل على تأجيل...و اخرون ممكن يتحصلو على إعفاء-عدد قليل-....كملاحظة الذين كانو مقبول جزئي و أصبحو مقبولين و كانو من أوائل الملتحقين كذلك طلقوهم إعفاء..........الإعفاء يمدوه الأطباء لي في وهران فقط..طبيب المدرسة ماراهش مخول باش يعطيه
ilyes29
2014-09-11, 02:46
معذرة على الاخطاء الإملائية في الرد السابق و الاتي...ههه......ماذابيكم تروحو الاوائل.....لأنو ممكن تكونو مع الجماعة لي يطلقوها فائض....و حتى لو ماطلقوكمش فائض ماعنكم ما تخسرو...اسبوع أو أسبوعين زيادة ماراحش يؤثر....بلعكس...يحسبولك مدة الخدمة سنة واحدة إبتداءا من يوم الإلتحاق...يعني تدخل 15 تخرج 15 من الشهر.....تدخل 22 او 25 او....تخرج في نفس اليوم لي إلتحقت فيه...في الاول تكون الماكلة مليحة(يعني متوفرة بكثرة و ليس شهية لأنها أكل العسكر...ما عليش من كثرة الجوع غادي تولي تبالنكم من اشهى الماكولات..الواحد ماذابيه مايتكبرش على الماكلة خاطرش ماكانش لي غداي يجيبلك ماكلة اخرى...إذا جعت تبقى جيعان واحد ماراه سامع بيك)...يدوكم مرات للفوايي بصح فيه غير قهوة_دخان-شمة_gateau.مشروبات غازية..كل ما يدوكم شرو بالزيادة و دسو..تصيبوهم وقت الجوع...كذلك الماء إشرو و كثرو...كين الماء المالح فقط تغسلو بيه..و الماء الصالح للشرب قليل بزاف يجي غير الصباح في حنفية وحدة بكمية قليلة و لمدة محدودة...و تصيبوه في المطعم وقت فطور الصباح..الغذاء و العشاء......كثرو الملابس الداخلية خاطرش بلعباس باردة بزاف مع الليل...
الجماعة المقبلولين في ثاني يوم بعد الفحص الطبي يبداو التدريبات...خفيفة كيما الإستعداد و الإستراحة و غيرها..مجرد مقدمات للتدريب الاساسي بعد ما تلبسو...خوذو معاكم أحذية مريحة باش تدربو بيها لانه راح تدربو بملابسكم الخاصة إلى غاية إعداد القائمة النهائية للمجندين و تسريح الباقي و غلق المدرسة (الأسبوع الاول من شهر أكتوبر)...
كل واحد بعس صوالحه ...الدراهم و الوثائق المهمة و الهاتف ديرهم في بورتفاي و ديره على رقبتك دائما و ابدا..ما تنحيهش حتى تروح لداركم...السرقة راح تكثر بعد ما يكثر عدد الملتحقين(يقترب من 1000و هوما يسحقو 230)...إذا سرقولك كاش حاجة و كنت قادر تنساها ..اسكت خير..لانو إذا شكيت راح يحوسو على لي سرقها إذا صابوه يتعاقب وإذا ما صابوهش راه يتعاقب الكل بيما فيهم انت الضحية حتى لي يبان السارق..و إذا مابانش قعدت هاكذك......و كذلك لازم كل واحد يشد فمه لأنو الهدرة توصل...ما تراماركيش روحك....ما تكون فياس ما تلعبها ساجي...تفيس في الغفلة و خدم مليح مين يوقفو عليك...ما تلعبهاش خشين لانو راح يديروك بين عينيهم و يكرهولك حياتك...و ممكن حتى تكون من جماعة الفائض و ياخذو إسمك للقيادة و يشدوك مع المجندين.....هاذي مع العسكر....مع الناس لي معاك غادي تلقى لي ملاح و لي ما يسواوش..كل واحد عطيه على حساب قدره ...يعني دير قدر لروحك بالملاحة و بالقباحة إذا لزم
ilyes29
2014-09-11, 03:02
الأشياء لي تاخذوها معاكم راهي باينة...ملابس داخلية..وسائل النظافة..صابون ..مسحوق الغسيل..شمبوان..أدوات الحلاقة لي لام و المقص ممنوعين...ادي لي لام جوطابل ماشي شفرات و حدهم لي يجو في علبة صغيرة....لي يضره راسه و لا ضرسه يدي كاشي لأنو الطبيب ما علابالهش بيك إلا إذا كانت حالة خطيرة..خاطرش يحسبك راك تتفيس...كادنة لللارموار+ زوج تع لي فيس دايرين لي تركب عليهم ...خاطرش ممكن ما تصيبهمش في لارموار...الهاتف النقال أدي واحد سامبل يشد لاشارج مليح4أيام على الأقل لأنو راح يكون عندك وقت ضيق بزاف باش تشارجيه+ الأوبسيون تع الصون فيه نساها..لازم دائما يكون في وضعية الإهتزاز أو الصامت...باش تتفادى المشاكل من يرن خاصة وقت التدريب
كل ما قلته راه في الفترة الاولى قبل ما تلبس...بعد ما تلبس الله أعلم...ما نظنش تتغير الامور كثيرا...المهم سقسي لي راه مفوتها يعطيك معلومات أكثر...كاش إستفسار اخر عندي الإجابة نتاعه راني هنا...و لي ما نعرفهش الله غالب....الله يسهل للجميع
bekam33
2014-09-11, 12:43
السلام عليكم ورحمة الله خونا ilyes بارك الله فيك على التوضيحات انا ان شاء الله 15 في الشهر نكون في الثكنة عندى مشكل نتاع النظر مي مانيش راح ندي دوسي ان شاء الله يكون فيها اقبال مي حاب نسقسيك في مارس شحال وصل العدد وشحال سرحو
ilyes29
2014-09-11, 13:20
في مارس كان هناك اكثر من 900 ملتحق...شدو 230....حوالي 50 او 60 كانو إعفاء...حوالي 100 أو 200 تأجيل...الباقي إعفاء....هذه الارقام ليست مؤكدة...لكنها صحيحة بنسبة 80 بالمئة(ذاكرتي ضعيفة للأسف)...عدد الملتحقين متاكد 100 بالمئة انه تجاوز 900 فرد....الله يسهلك و يسهل للجميع
khaoula la dentiste
2014-09-11, 13:53
خويا ilyes 29 والله يعطيك الصح راك ماخليتش معلومة ماقلتهلهمش اه يا لوكان الناس كامل كيفك...
اعليها ربي رزقك بالإعفاء...
خويا واش راح نقولك انا خالد من خنشلة هزيتها متطوع لتمنفوست تاع البحرية..
بصح بغيت نسقسيك فالفائض عندكم تلقوا المتطوعيين ولا حكموهم
ilyes29
2014-09-11, 18:32
للاسف مانيش عارف...كل لي هدرت معاهم جاهم إستدعاء.
khaoula la dentiste
2014-09-11, 19:22
انت مشكور اخي في الاول و في الاخر...
بصح المفهموم نعرفوه و القانون نعرفوه لكن هما كل ثكنة وكيفاه تخدم يعني كل وحدة و عقليتها كاين لي تلقوهم و هما متطوعين وكاين لي يحكموا المتطوع.. هذا هو العسكر تاع لبلاد هك يخكم كل unité وكيفاه تخدم وهذي قالهالي عسكري بعظمة لسانوا... مثلا في الناحية الرابعة كي تحب تطوع يشرطوا عليك سورسي جديد.. و فالناحية الخامسة يطلبوا ديبلوم فرات.. الهدرة هذي مجرد تبرير لسؤالي اي انه اردت ان اعرف في بلعباس كيفاه عقليتهم....
اما تعريف المتطوع هو من جاءا طوعا للخدمة الوطنية .. و لديه نفس الحقوق من ملف طبي اوكفالة اوفائض..هذي فالقانون تاعهم ..ولي يروحلوا الحقوق هوالعاصي فقط...
ونزيدلك حاجة اكغالط فيها.. تاع المتطوع متحرر من التزام اداء الخدمة الوطنية وهو لي حاب يتطوع فيها ...لالا خويا اك غالط... اعلبالك باه تخدم استدعاء متطوع يجب عليك ان يكون لديك رقم تسجيل.. و المتحرر من ملتزامات الخدمة الوطنية راه معندوش رقم تسجيل يعني منسي... صافي المتطوع مزال مخرجتلوش لورد ابال وهو حاب يخرجها اقبل هذا ما كان...
والهدرة هذي راهي غير باه الناس اذا اقرات الهدرة نتاعك تعاودتصلح معلوماتها فقط و لي عندوا حاجة صحيحة و شرط ان تكون صحيحة يزيدها
ilyes29
2014-09-11, 19:38
السلام عليكم...شكرا على التوضيح و تصحيح خطئي....الله غالب هذاك لي عرفته....و نتمنى كل واحد راه يقرى في هاذ الموضوع يتقدم بما يملكه من معلومات لإفادة الجميع(سأعدل المشاركة السابقة لي لأني أفضل أن أقول خير او أصمت)
khaoula la dentiste
2014-09-11, 19:41
ربي يبارك فيك خويا الله يحفظك...
اني قتلك اك انسان ناس ملاح صح..الله يحفظك خويا..
bekam33
2014-09-11, 22:52
السلام عليكم خويا الياس كيما انا متزوج ندي معايا الدفتر و هل عندي اولوية في حالة وجود الفائض
ilyes29
2014-09-11, 23:03
و عليكم السلام و رحمة الله و بركاته الاخ bekam33....المتزوجين كامل طلقوهم مع الفائض...و قالولهم كلمة "مبروك عليكم" قبل ما تبان لا ليست فينال تع المجندين و الفائض...خاطرش قالهم قائد المدرسة في اول أيام إلتحاق المستدعين و اقتبس عنه ""ما عندي ما ندير بلمتزوجين..""...بإذن الله راك تدي إعفاء...ما تنساش الوثائق اللازمة لإثبات حالتك...حتى ولو حطوك مقبول ما تقلقش راح تكون معفى في الاخير...واحد كان معي في الفصيلة متزوج.. درب معانا اكثر من اسبوعين ثم سحبوه و ما ولاش معني بالتدريب و من بعد خرجنا كلنا فائض....
bekam33
2014-09-11, 23:19
بارك الله فيك خويا الياس اعطيتنا بعض الامل والله كنت انخمم اك تعرف حالة واحد متزوج ربي يسهل للجميع ان شاء الله
liverpoolfc
2014-09-12, 02:59
لا للظلم ilyes29

chokren allah yahfadkoom
bekam33
2014-09-12, 20:21
جماعة 09/15.......... اقترب الموعد انا راح نقلع من خنشلة---- وهران----- س.بلعباس
Adnou Eclypse
2014-09-13, 22:01
بارك الله فيكم على المعلومات القيمة ، انا ايضا ان شاء الله بلعباس ممكن نتواصلوا ؟؟
liverpoolfc
2014-09-13, 22:28
salam alikoom

shabna winta netekloo 3la rabi

ana la bakert enji le 17 walla 18 ncha allah ....
anad27
2014-09-14, 14:50
Khawti ana nroh nhar khmis jeudi nchallah
ana men mostaganem li yhab yatwasal m3aya
w li yroh retar b 3 ou 5 jour 3ando ha9 ba7 yadi riforme
Adnou Eclypse
2014-09-14, 19:57
salam alaykoum khawti , ana thani SIDI BELABES, ani nhawes 3la jma3a netwasel m3ahom

FB: Adnou Eclypse

sky pe adnou5
mounir999
2014-09-14, 22:45
:dj_17: أنا جاني الإستدعاء للمدرسة تاع إطارات المشاة سيدي بلعباس وان شاء الله هاني رايح . شكون لي راه معول يروح ان شاء الله نتلاقاو ثم :mh92:
mounir999
2014-09-14, 22:55
Khawti ana nroh nhar khmis jeudi nchallah
ana men mostaganem li yhab yatwasal m3aya
w li yroh retar b 3 ou 5 jour 3ando ha9 ba7 yadi riforme
انا ثلني راني رايح خويا FB
Mounir Korichi
:mh31: