تسجيل الدخول

مشاهدة النسخة كاملة : محتاجة مساعدة في العجينة المورقة من فضلكم

sousou_90
2014-09-02, 18:30
السلام عليكم اخواتي محتاجة مساعدة في العجينة المورقة جربتها مرتين و خرجلي التوريق غي من الفوق و التحت بصح في الوسط خرجتلي معحنة معرفتش وين المشكلة في الفرن الكهربائي ام في العجينة والله يجازيكم خيرا و شكرا
ريتاج تيارتية
2014-09-02, 18:40
انا العجينة المورقة من اول مرة نجحتلي جربت تاع ام انس والهام في زوج روعة
بالنسبة للمشكل نتاعك نظن راكي تقوي بزاف درجة الحرارة اثناء الطهي على حساب ماتعلمت العجين المورق يحتاج الى فرن مسخن من قبل لما ينتفخ شوي ننقص في درجة الحرارة وتوضع الصينية في الرف الاوسط
لمزيد من المعلومات تبعي كل الخطوات اللي حطتها الاخت الهام ربي يجازيها تنجحي فيها باذن الله من اول مرة
هدا رابط الوصفة http://www.djelfa.info/vb/showthread.php?t=1449926
sousou_90
2014-09-02, 18:52
اختي التيارتية الله يجازيك الخير و يعطيك ما راكي تتمناي و راح نجربها في اقرب وقت انشاء الله و بارك الله فيك
سمسومة 05
2014-09-02, 21:19
كيما قاتلك الاخت ريتاج اتبعي وصفة الهام ونصائحها والله تخرجلك رووووووووووووووووووعة ومن اول مرة
lahna moka
2014-09-03, 15:06
حبيبتي بما أنها تورقت من فوق و من التحت يعني أنو العجينة تاعك ناجحة
و المشكل هنا اذن في الفرن تاعك أي في طريقة خبزك ليها. فالعجينة المورّقة كي تدخليها للفرن يجب انو يكون سااااااااااااااااااااخن و هاذا باش الطبقات ينتفخو و التوريق يبان و بعد ما تشوفي التوريق هاذا نقصي الفرن شوية و خليها تكمّل النضج تماما
نتمنى افدتك أختي
sousou_90
2014-09-03, 19:08
اخواتي كيما جاوبتني و حليتولي مشكلتي ربي يحلكم قاع مشاكلكم و يكملكم ما راكو تتمنوا و شكرا
ام سهام 02
2014-09-03, 20:29
اختي العجينة المورقة راه ناجحة كدارت التوريق بصح الطياب لازم في الاول الفرن يكون سخون انبعد نقصي للفرن وخالها تطلع واطيب باه ما تبقاش معجنة في الوسط