اخطبوا لي فتاة ب (الديبلوم) لكن لا تشتغل [الأرشيف] - منتديات الجلفة لكل الجزائريين و العرب

مشاهدة النسخة كاملة : اخطبوا لي فتاة ب (الديبلوم) لكن لا تشتغل

بيلسان الجنان

2014-09-01, 12:55

الســــــــلام عليــــــــكم

بحكم اني زامنت هذه الايــــــام بعض الخطبات لصديقاتي و بنات اقاربنا و اهل بيتي امسيت اسمع كلمة تتكرر من كل العرسان

(اخطبولي وحدة يكون عندها ديبلوم بصح ما تخدمش)

هل الرجل يطلب (الديبلوم) كقطعة اثاث للتزيين مثلا؟؟ وان لم يكن لديها (ديبلوم) الا تتزوج ؟؟ وهل (الديبلوم) سيقوم بتربية الابناء ؟؟ كاحدى قريباتي التي خطبت منذ سنة من شخص اشترط شهادة بكالوريا (شهادة نجااااح) دون شهادة جامعية ليست المشكلة في تفاديه كونها درست بالجامعة بل الغريب (ارني شهادة النجاح)

غريب حال شبابنا اليوم
و مع هذا تبقى حرية شخصية ولكل شروطه وان اردت زوجة بدون عمل فلا تشترط (الديبلوم) انت الاخر فلترضى بفتاة لم توفق بشهادة البكالوريا مثلا

اما ما اريد له اجابة فهي هاته الجملة

(اخطبولي وحدة يكون عندها ديبلوم بصح ماتخدمش)

هذا الموضوع عالجته منذ سنة ي احد المواقع وكان رد بعض الشباب انه يريد فتاة جامعية لا تشتغل لكي تدرس ابنائه

فما آرائكمه

ailemak

2014-09-01, 16:37

houwa bgha yetzawej m3a madrassa ou koi????
yaw nti aumoin chefti hadou les cas, w ana wech ngoulek, rani doctorat w li khteb avant chret bech manelhdemch w neg3od fi dar hahah ya saleeeeeeeeeeeeeeem 3la 9awl ahmad zaki fi l3iyel kibrit hahahha
w ki goultou koiiiiiiiiiiiiiiiiiiiii ana ma9ritch bech neg3od ntabel fi dar, en plus wsselt hata doctorat, galli normal t9arri wledek,
dhakt hata chba3t, goultlou e bein roh chouf wahda 9rat hata l bac w t9arri wledek,
galli nkhalik tkamli mais lkhadma non, houltlou non ana nakhdem , hyeti machi kolha 9raya enfin de contre neg3od fi dar, hata , mais aprés 9ana3tou gali wi ta raison, w heureusement khademtek fi lenseignement, tssa3edni w tssa3dek
weldiya khalawni na9ra w sidi moulaya jay fi lakher ygouli ago3di fi dar, mliha hadi
ta raison hanouna, yebghou l9ariya w lfahma mais ga3da fi dar,
li mabghach wahda khadama yediha machi 9ariya w salem, pske hadi li 3yet w 9rat , mateg3odch fi dar facilement, illa ba3d lhalet
et entre nous, welah l3adim, ana manebghich nekhdem, lkhadma t9ila 3liya, nebghi drahem yjiwni haka, lol, mais ki galli haka zedt chhent w ghadi nechrotha en plus voila

" أبو عبود"

2014-09-01, 20:50

هو يريدها متعلمة لكي ضمن من جهة تعلم ابنائها وثانيا العرق داساس فهو يخاف ان توكون فاشلة دراسيا وهنا ماذا سنتج عباقرة؟ صراحة البنت الفاشلة دراسيا تخيف.

بيلسان الجنان

2014-09-01, 21:40

houwa bgha yetzawej m3a madrassa ou koi????
Yaw nti aumoin chefti hadou les cas, w ana wech ngoulek, rani doctorat w li khteb avant chret bech manelhdemch w neg3od fi dar hahah ya saleeeeeeeeeeeeeeem 3la 9awl ahmad zaki fi l3iyel kibrit hahahha
w ki goultou koiiiiiiiiiiiiiiiiiiiii ana ma9ritch bech neg3od ntabel fi dar, en plus wsselt hata doctorat, galli normal t9arri wledek,
dhakt hata chba3t, goultlou e bein roh chouf wahda 9rat hata l bac w t9arri wledek,
galli nkhalik tkamli mais lkhadma non, houltlou non ana nakhdem , hyeti machi kolha 9raya enfin de contre neg3od fi dar, hata , mais aprés 9ana3tou gali wi ta raison, w heureusement khademtek fi lenseignement, tssa3edni w tssa3dek
weldiya khalawni na9ra w sidi moulaya jay fi lakher ygouli ago3di fi dar, mliha hadi
ta raison hanouna, yebghou l9ariya w lfahma mais ga3da fi dar,
li mabghach wahda khadama yediha machi 9ariya w salem, pske hadi li 3yet w 9rat , mateg3odch fi dar facilement, illa ba3d lhalet
et entre nous, welah l3adim, ana manebghich nekhdem, lkhadma t9ila 3liya, nebghi drahem yjiwni haka, lol, mais ki galli haka zedt chhent w ghadi nechrotha en plus voila

وهناك الكثير ايضا من الامهات اصبحن يردن كنائن بالمستوى الفلاني و الفلاني للتباهي بهن امام الناس
صراحة اصبح العبئ كبير ان لم تدرسي لن تتزوجي وان لم تنجحي لن تتزوجي الى ما ذلك

و الاكثر ان كانت الكنة دون المستوى تهمش وتعامل بالنقصان وان كانت ذات شهادة عالية توضع فوق الرؤوس عجبا والله لم تبقى قيمة انسانية او بشرية

وكما ذكرت وذكرتي اختي من يريد زوجة لا تعمل لا يذهب لعاملة ويطلب منها التوقف عن العمل ثم يبدأ بالمشاكل ان رفضت فليذهب لفتاة ماكثة بالبيت و ما اكثرهن

بوركتٍ اخية

هيام الروح

2014-09-01, 21:45

hada mawdo3 chbab ana tani sratli yhawsou 3la wahda 9arya w matekhdemch

بيلسان الجنان

2014-09-01, 21:49

هو يريدها متعلمة لكي ضمن من جهة تعلم ابنائها وثانيا العرق داساس فهو يخاف ان توكون فاشلة دراسيا وهنا ماذا سنتج عباقرة؟ صراحة البنت الفاشلة دراسيا تخيف.

من حيث ضمان تعليم ابنائه فهذا خطأ فهي وان كانت مستواها ثانوي فستستطيع مساعدته بالابتدائي وبعدها لا اظن ان هذا الطفل سيطاوعها ويدرس على هواه :1:
ثم اكثرية الامهات سابقا كن اميات و انجبن الاساتذة و الاطباء (لي يحب يقرا يقرا من نفسو ولي يكره القرايا كون تربطو وتقريه مايفهم والو)

ثم لم يكن يوما الفشل وراثيا
ماذا اذا عن الرجال الفاشلين دراسيا
يعني النجار و التاجر و الخضار لا يتزوجون ايضا ؟؟

كما ان الفاشل دراسيا لا يعتبر غبيا فلكل ذكاء يوظفه في شيئ ما

صراحة رأيك اثار حيرتي اخي (ان كانت الفتاة فاشلة فسيكون ابنائها فاشلون)

بيلسان الجنان

2014-09-01, 21:54

hada mawdo3 chbab ana tani sratli yhawsou 3la wahda 9arya w matekhdemch

بالطبع من يريدها ذات شهادة ولا تشتغل فليبحث عن ذات شهادة ترفض العمل او متوقفة عن الدراسة

لكن ان يذهب لعاملة ثم يطلب منها التوقف !! فلا تخترها من الاول

mouloudfan

2014-09-02, 09:59

ربي يسهل على كل واحد

ingmoh

2014-09-02, 10:12

السلام عليكم الديبلوم شرط للعمل لا قدر الله ان حصل للرجل شيء او طارئ او وافته المنية تكن زوجته مرهلة لان تعمل و تنفق على عيالها و لا تمد يدها و تتسول اما لا تعمل هذا طبيعي لان المرأة دورها في تربية الانباء ة الرجل وخده مسؤول عن الانفاق عليهم

nilly

2014-09-02, 12:48

nada 94

2014-09-02, 18:34

امي مستواها متوسط

و درستنا و الحمد لله فينا الطبيب و المهندس

االاخلاق هي الصح ان توفرت ياربي ما قراتش ولادها يصلحوا

" أبو عبود"

2014-09-02, 19:56

شخصيا اريدها متعلمة لكن ليست عاملة ولا يهمني الدبلوم بقد ما يهمني استعدادها للزواج

أَحمــد

2014-09-02, 20:12

أما أنا فأعرف الكثير الكثير من الشباب من يشترط أن تكون زوجته غير حاصلة على البكالوريا ولم تدخل الجامعة

رندة نهاد

2014-09-02, 22:12

خبي ديبلومك الابيض ليومك الاسود الله لا يشوفنا ايااااااااام سودا ياااااااارب

قيـــس

2014-09-02, 22:23

maknche 3labli 3andak doctora basah fi wache

win raki tqriy

anti mathabich lkadma w tkounimaktha f dar basah est ce quethabi matkhrjiche kamal wla tkouni makhtha basah trouhi win thabi

w qolili had lkhatab kblti bih wla la la rah yban motkhalif

أضحك الله سنك يا أخت العرب. ههههههههه.

فارس وجواد

2014-09-02, 23:28

السلام عليكم :
شهادة الفتاة أو الديبلوم لا يعني شيئا ,
شخصيا أحبذ الفتاة الماكثة بالبيت , الواعية لأمور المنزل و الأمور الزوجية ,
و لا يهمني مستواها حتى لو كانت 9 أساسي لا يهم .

السي محمد

2014-09-03, 20:49

داخلة في الغباء الذي ينتشر في جسم الامة الجزائرية

@esraa@

2014-09-03, 21:38

الغباء لا يكمن فيه
الغباء يكمن في من تقبل بشرطه

~~ أغيلاس ~~

2014-09-03, 21:55

السلام عليكم و رحمة الله و بركاته؛

أين الغرابة ؟!

شخصيا يا حبذا لو تكون حاصلة على الماجستير أو الدكتوراه و سأشرفها برتبة ملكة؛ ربة بيت؛ أفضل مهنة للمرأة على وجه الأرض،

و شكرا على التنبيه، فكرتيني باش نشترط نشوف الديبلوم و نتأكد مزور و لا أصلي هههه،

كل و شروطه، و للطرفين حرية القبول أو الرد،

نعرف الكثيرين يشترطون أن لا تكون جامعية، و نعرف الكثيرين يشترطون أن تكون جامعية، و نعرف الكثيرين يشترطون الشهرية و بلغة الديبلوماسية " موظفة "،

و لكل وجهة هو موليها،

لا أدري لِمَ العَجَب ؟!

الكثير من حاملات الشهادات العليا منهن من لا ترغب في العمل مطلقا، و أسمى أمانيها تربية أبنائها،

صارت الفتيات يتحدثن عن العمل و كأن فرض عين في حقهن !

طفل عمره ست سنوات، و الآخر سنتين، و الآخر خمسة اشهر، واحد مرمي عند الحضانة و الآخر عند الجدة و الثالث عند الجارة و فرحانة رايحة تخدم،

واعجبي،

ابقاي في دارك ربي ولادك ما دام راجلك خدام،

يا نساء اتقين الله في أبنائكن،

تجي تخمم راسك يحبس،

للأسف اللوم الأول على الرجال، صاروا ينظرون للنساء كأنهن سي سي بي، خالتي تعمل في شركة في منصب عااااال و أجر جييييد و كانت أمنيتها أن تتزوج و تتوقف عن العمل لكن للاسف مرت السنون و اللي يتقدم يحوس على الشهرية و في الأخير قبلت بمثقف ـ زعما ـ و هي تعاني الأمرين مع الأبناء و العمل و رحلات العمل الإجبارية تاركة ابناءها بعيدا عنها،،،،،،،،،،،، رجال آخر زمن،

تحياتي فقط للطبيبيات و الممرضات و المعلمات،

أما البقية ممن يخرجن للعمل دون سبب فنسأل الله لهن الهداية،

يبدو أنني خرجت عن الموضوع،

عذرا .

nilly

2014-09-04, 19:40

أضحك الله سنك يا أخت العرب. ههههههههه.

انا لست اخت العرب انا اخت الامازيغ...

yildiz

2014-09-06, 15:42

نيفرتيتي.

2014-09-08, 06:33

هاد الشئ مليح انا نعرف قداه من وحدة حبست قلرايتها على جال الزواج
وحدة قريبتي قرت سنة اولى جامعي وكي تخطبت بطلت الجامعة وبعد عام بطل عليها راجلها
يعني ماحكمت والو
لازم البنات ينحو من روسهم فكرة الزواج ويكملو قرايتهم
لانها تلقتها في اول ثانوي وميتة على الزواج
الله يهدي
وثان يهدي الامهات اللي يعمرو روس بناتهم بهذه الافكار
لانه الام كون جا عندها ديبلوم كان تفكيرها وتفكير بنتها مختلف
وماتقارنوش بامهاتنا حنا
لانهم عاشو في وقت تقل في الانحارافات وكانو متربيين على العادات والتقاليد

" أبو عبود"

2014-09-08, 13:35

واش دير بالدبلوم؟ توجو؟ تبيع في البلبالي؟ الطفلة ليها الزواج وليها دراها واذا راجلها حابها تخدم الله يسهل عليه لكن تقضي عمرها في الدراسة وتتزوج بعد ما تولي عجوز واش من حياة هذي؟ كي يتزوجوا خاوتها ويموتو والديها شكون يبقالها؟ تشري راجلظ ولا دير خدامة؟
والله المجتمع ضاع قاع من اسبابا روحي تقراي روحي تخدمي حتى ولى الرجال لا خدمة لا زدمة يدي طبيبة ولا استاذة تضل تلهث باش تصور الدورو وهو يعيش على ظهرها.
انا نقول من حقها تقرا وتكمل دراستها لكن تخدم لا والف لا ومليون لا.

بيلسان الجنان

2014-09-08, 15:02

ربي يسهل على كل واحد

اللهم آمين
السلام عليكم الديبلوم شرط للعمل لا قدر الله ان حصل للرجل شيء او طارئ او وافته المنية تكن زوجته مرهلة لان تعمل و تنفق على عيالها و لا تمد يدها و تتسول اما لا تعمل هذا طبيعي لان المرأة دورها في تربية الانباء ة الرجل وخده مسؤول عن الانفاق عليهم

وعليكم السلام
وجهة نظر ايضا

لكن المُناقَشِ هو (التباهي) بمستوى الزوجة
امي مستواها متوسط

و درستنا و الحمد لله فينا الطبيب و المهندس

االاخلاق هي الصح ان توفرت ياربي ما قراتش ولادها يصلحوا
اكيد الكثير من الامهات و الاباء حتى وان كانوا اميين انجبوا بالامس اطباء و اساتذة اليوم
ربي يحفظلكم اللميمة

شخصيا اريدها متعلمة لكن ليست عاملة ولا يهمني الدبلوم بقد ما يهمني استعدادها للزواج

لا نقاش في موضوع العمل لكن بالنسبة للتعلم
هناك من هي بشهادات عاالية من اكبر الجامعة لكنها خشنة التعامل مغرورة شايفة نفسها فيصعب العيش معها

أما أنا فأعرف الكثير الكثير من الشباب من يشترط أن تكون زوجته غير حاصلة على البكالوريا ولم تدخل الجامعة
نعم هناك الكثير من هاته الفئة و الاخرين موضوع للنقاش بحد ذاته

خبي ديبلومك الابيض ليومك الاسود الله لا يشوفنا ايااااااااام سودا ياااااااارب

اللهم امين ياااارب

اميرة الابتسامة

2014-09-08, 15:28

خلي يشرط ويزيد زعمة الدييبلوم تاعها هو اللي راح يعيشوا
أنا مانحبش هذوا للي يبداو يشرطوا ولازم تكون قارية وكاين لي يحوسها ماكثة في البيت وكاين ... وكاين .. والله كي يتيحوا ربي في بنات الفاميليا تلقاها خدامة ومتهليا في الدار خيرمن اللي قاعدة في الدار والعكس والدنيا هذي مكاتيب أنا عن نفسي ماش حابة نخدم بصح كون يجي واحد ويشترط نكون عندي الدبلوم مانقبلش

بيلسان الجنان

2014-09-08, 15:38

السلام عليكم :
شهادة الفتاة أو الديبلوم لا يعني شيئا ,
شخصيا أحبذ الفتاة الماكثة بالبيت , الواعية لأمور المنزل و الأمور الزوجية ,
و لا يهمني مستواها حتى لو كانت 9 أساسي لا يهم .

وعليكم السلام
والكثير من الفتيات ذوات الشهادات العالية لا يعين شيئ في امور البيت والحياة الزوجية

يعني ان الشهادة ليست مؤشر لوعي الفتاة ابدا

داخلة في الغباء الذي ينتشر في جسم الامة الجزائرية
صدقت والله
سألت امرأة قريبتي عن مستوى زوجة ابنها
فأجابتها (لا مستوى لا والو راي تاع نشافة ودهك وعجين) هنا يكمن الغباء

السلام عليكم و رحمة الله و بركاته؛

أين الغرابة ؟!

شخصيا يا حبذا لو تكون حاصلة على الماجستير أو الدكتوراه و سأشرفها برتبة ملكة؛ ربة بيت؛ أفضل مهنة للمرأة على وجه الأرض،

و شكرا على التنبيه، فكرتيني باش نشترط نشوف الديبلوم و نتأكد مزور و لا أصلي هههه،

العفو لكن هل هو للتباهي ايضا ؟؟ او وهم الوعي؟؟

كل و شروطه، و للطرفين حرية القبول أو الرد،

نعرف الكثيرين يشترطون أن لا تكون جامعية، و نعرف الكثيرين يشترطون أن تكون جامعية، و نعرف الكثيرين يشترطون الشهرية و بلغة الديبلوماسية " موظفة "،

و لكل وجهة هو موليها،

لا أدري لِمَ العَجَب ؟!

الكثير من حاملات الشهادات العليا منهن من لا ترغب في العمل مطلقا، و أسمى أمانيها تربية أبنائها،

صارت الفتيات يتحدثن عن العمل و كأن فرض عين في حقهن !

طفل عمره ست سنوات، و الآخر سنتين، و الآخر خمسة اشهر، واحد مرمي عند الحضانة و الآخر عند الجدة و الثالث عند الجارة و فرحانة رايحة تخدم،

واعجبي،

ابقاي في دارك ربي ولادك ما دام راجلك خدام،

يا نساء اتقين الله في أبنائكن،

تجي تخمم راسك يحبس،

للأسف اللوم الأول على الرجال، صاروا ينظرون للنساء كأنهن سي سي بي، خالتي تعمل في شركة في منصب عااااال و أجر جييييد و كانت أمنيتها أن تتزوج و تتوقف عن العمل لكن للاسف مرت السنون و اللي يتقدم يحوس على الشهرية و في الأخير قبلت بمثقف ـ زعما ـ و هي تعاني الأمرين مع الأبناء و العمل و رحلات العمل الإجبارية تاركة ابناءها بعيدا عنها،،،،،،،،،،،، رجال آخر زمن،

تحياتي فقط للطبيبيات و الممرضات و المعلمات،

أما البقية ممن يخرجن للعمل دون سبب فنسأل الله لهن الهداية،

يبدو أنني خرجت عن الموضوع،

عذرا .

ليس المشكل في العمل فالكثييييييير من المتخرجات ربات بيوت لا يعملن
لكن المسألة هي قضية التباهي وشرط الزوج ان تكون زوجته متحصلة على شهادة حتى لو لم تعمل وتبدأ امه بالتباهي بين قريباتها زوجه ابني درست كذا وبالجامعة الفلانية وووو

وحتى لوكانت دكتوره يقول المثل(عاشرهم ترفع طبايعهم) لو جلست بالبيت وعاشرة العجوز ستصبح بطباعها تماما و يتعاندان على ابسط الامور فاين الدكتوراه يا سيدي؟؟

حسن المعاااملة و مدى نجاح الزواج او فشله لا دخل له بمستوى الزوجة

بيلسان الجنان

2014-09-08, 16:02

السلام عليكم
يضحكو ليجان هادو
وشكون قالو الي عندها ديبلوم و شهادات عليا تعرف تخمم و تقدر تربي اولاد ؟؟؟؟؟
غالطييييييين في حسابهم الي يخممو هكدا غالطييييييييييييييييين بزااااااااااااااااااااف
شفت بزاااف نسا ورجال بالماجيستار و الدوكتوراه صدقيني اقل ما نقدر نقول عليهم هو ما يتعاشروش .. هل العلم والشهادات الي تحصلو عليها خلاتهم يكونو اجتماعيين و ظراف مع الناس؟؟ بالعكس زادتهم تكبر و سوء الاخلاق ..
باختصار ليس كل حامل شهادة يستحقها ,, قادر يكون بيروكي يحفظ وجابها و قادر جابها بالمعريفة ,, كيما قادر زهر برك !!
ويبقى الشرط تافه ويدل على سطحية الخاطب ( الي يطلب الديبلوم )
وانا مع الي يكون شرطو تبقى فالدار .. على الاقل مازالت فيه فطرة الرجل القوامة على البيت وشؤونه و هو المعيل الوحيد ليه ..

هو للتبااااهي لا غير وكأن الزوجة قطعة اثاث او ملابس سيتباهى بها امام الناس
تزوج شخص من طبيبة واية في الجمال طلقها بعد شهر لانها لا تطهو له تعتبر نفسها اكبر بكثييير من ان تدخل المطبخ وتقطع البصل

هاد الشئ مليح انا نعرف قداه من وحدة حبست قلرايتها على جال الزواج
وحدة قريبتي قرت سنة اولى جامعي وكي تخطبت بطلت الجامعة وبعد عام بطل عليها راجلها
يعني ماحكمت والو
لازم البنات ينحو من روسهم فكرة الزواج ويكملو قرايتهم
لانها تلقتها في اول ثانوي وميتة على الزواج
الله يهدي
وثان يهدي الامهات اللي يعمرو روس بناتهم بهذه الافكار
لانه الام كون جا عندها ديبلوم كان تفكيرها وتفكير بنتها مختلف
وماتقارنوش بامهاتنا حنا
لانهم عاشو في وقت تقل في الانحارافات وكانو متربيين على العادات والتقاليد

لم تفهمي الموضوع جيدا
القصد منه ان هناك رجال يريدون الزواج بفتاة ذات شهادة ولا تعمل و يتكبرون عن فتيات انهين دراستهن في الثانوي او المتوسط
يخطبون فتاة عاملة ويشترطون عليها توقف العمل وعندما ترفض يتهمونها باللاخلاق لماذا اذن لم يتجه من الاول الى فتاة غير عاملة وماكثة بالبيت وما اكثرهن

واش دير بالدبلوم؟ توجو؟ تبيع في البلبالي؟ الطفلة ليها الزواج وليها دراها واذا راجلها حابها تخدم الله يسهل عليه لكن تقضي عمرها في الدراسة وتتزوج بعد ما تولي عجوز واش من حياة هذي؟ كي يتزوجوا خاوتها ويموتو والديها شكون يبقالها؟ تشري راجلظ ولا دير خدامة؟
والله المجتمع ضاع قاع من اسبابا روحي تقراي روحي تخدمي حتى ولى الرجال لا خدمة لا زدمة يدي طبيبة ولا استاذة تضل تلهث باش تصور الدورو وهو يعيش على ظهرها.
انا نقول من حقها تقرا وتكمل دراستها لكن تخدم لا والف لا ومليون لا.

يعني الافضل ان تتوقف عن الدراسة و تتزوج او تكمل الدراسة وبعدها تتزوج؟؟
سن الزواج بالمكتوب لكن شروط الرجال غريبة
فاحدهم اشترط ان تكون صغيرة وبشهادة عالية اين سيجدها؟؟ هل ستدحل المدرسة منذ ولادتها؟؟

خلي يشرط ويزيد زعمة الدييبلوم تاعها هو اللي راح يعيشوا
أنا مانحبش هذوا للي يبداو يشرطوا ولازم تكون قارية وكاين لي يحوسها ماكثة في البيت وكاين ... وكاين .. والله كي يتيحوا ربي في بنات الفاميليا تلقاها خدامة ومتهليا في الدار خيرمن اللي قاعدة في الدار والعكس والدنيا هذي مكاتيب أنا عن نفسي ماش حابة نخدم بصح كون يجي واحد ويشترط نكون عندي الدبلوم مانقبلش

هذا هو القصد

يشترط النيفو والجمال
ولا مرة سمعت واحد قال نحبها حافظة لكتاب الله او مصلية غير لي يقول جميلة وجامعية

يا اختي حتى الناس رجعت تعرض بالنيفوات لي نيفو طبيبة ولا استاذة تتعرض بطريقة وفي وقت مبكر ولي ماكثة بالبيت يبعثولها صبحت العرس

طبعا لان الاولى لازملها وقت توجد روحها تطلع بمنظر يليق مكانتها و الاخرى تجي بقندورة الدار وتعصيبة الكوزينة شكون سال عليها

حتى لعروسة كي يجيبوها كل وحدة يديرولها حظ على حساب مستواها وفي الاصل امية او عالمة هديك ليلة العمر تاعها من حقها يفرحوا بيها

مجتمع غبي مغلق معاق معيق يعيق

samirabahi

2014-09-08, 17:33

امر محير والله وكان يجيني واحد في راسه هذه الفكرة ..............ماكان علاه نزيد نحكي تنرفيت اففففففففففففففففففففففففففففففففف والله عجب تبالي معقد والله معقد 100/100

" أبو عبود"

2014-09-09, 00:08

قولولي لي تخدم 6 ساعات يوميا و7 ساعات يوميا كي دير كي يكون عندها رضيع؟ تديه معاها؟ ترضعه في الخدم؟ ديرله " قارد بيبي"؟ نزوج لاقارد بيبي ونريح روحي من البداية.
يعمل معي 6 سيدات متزوجات كلهن يردن التوقف عن العمل مع اننا في مؤسسة ما شاء الله تلاميذ، ادارة ، مدير لكنهن كرهن العمل ويبحثن عن التقاعد وهن لم يبلغن الثلاثين. المشكلة ان ازواجهن تزوجنهن من اجل الراتب. اهذه هي الحياة التي تحلم بها المرأة؟
ما يصيبني بالضغط عندما تقول لشخص اريد الزواج فيجيبك مبارشرة : كاينة طبيبة، كاينة مهندسة، كاين ممرضة.... يعني قادر يقلك كاين ماصور ولا مونفري. يا عباد الله قلت اريد زوجة مش بناء ولا شوفور.

أبو خالد سيف الدين

2014-09-09, 03:06

نفس الحيرة تصيبني عندما أسمع عن أهل فتاة يطلبون من الخاطب كشف راتبه الشهري

salem1985

2014-09-10, 01:04

كل واحد يدي مكتوبو