هذا الجديد في زوج اختي الحقير [الأرشيف] - منتديات الجلفة لكل الجزائريين و العرب

مشاهدة النسخة كاملة : هذا الجديد في زوج اختي الحقير

* الحلم سكر *

2014-08-31, 10:35

السلام عليكم
ان شاء الله راكم كامل بخير ... راني قلت نحكيلكم خير ما نطرطق
قلتلكم على اختي لي صبرت و شربت المر مع راجلها لي بيعها ذهبهاو مال والديها شراتلو تراب بناو مع بعضاهم جاعت في كرشها قالها الخدمة لا رضيت بعد الزواج هملها و خدمت خياطة مرضوها باعصابها
و اخر شيئ لانها تسكن بجوار اهلو راحت ضيفة قريب ضربتها اخت زوجها و الكل يتفرج ما عدا زوجها تدخل و طلب السماح و قالها راهي الغالطة اختي بكت و سكتت
هوما غاضتهم كيفاه يوقف مع زوجتو بقاو يحرشو فيها عليها
قبل اسبوعين لا مشكل لا والو بقى يعيط في الدار و يشريلها المشاكل عرفتها سكتت عليه
ما لقى بيها وين جابها بــالغر لدارنا و قال ما بقيتيش تروحي و * هاذيك ماشي دراك * ؟؟؟؟

الناس تخمم في الحل احنا نخمو وين المشكل باه يدير هكدا و حتى هي احتارت علاه

سكتنا عليه ايم قلنا يهدى .. كل يوم يقول لخويا غدوة نحكيو و هكذا ولادو هملهم 3 اولاد لا سال لا والو
كل ما يحاولو يحكو معاه يتهرب
الامس اداها خويا رجعها لدارها و قالها هاذي دارك ... شافوها اهلو غاضعهم الحال و عيطولو راح المغفل نتاع زوجها اتصل باخي و قالو اداها عندكم و غدوة نجيب جماعة و نتفاهمو و نرجعها ؟؟؟؟؟؟؟؟؟؟؟؟؟؟؟
هنا خويا هبل و قالو راهي في دار ولادها و نتلاقو عندك اذا حبيت قالو امالا تقعد راني ما نصـرفش ؟؟؟؟ اتخيلو نسى لي راهم ولادو

راحلها زوجها و كذب عليها قالها تفاهمت مع خوك تروحي عند يماتك و غدوة لعشية نجيب الجماعة و نتفاهمو قاتلو خلينا نحكيو علاه وين المشكل رفض
اتصلت بخويا قالها يكدب و ما تخرجيش ؟؟؟؟

احنا كامل مافهمناش و ماناش حبين نخرج للعيب و خايفين علها و مافهمنا والو علاه يدير هكذا و مصرين كلهم لازم تخرج من الدار ؟؟؟؟
ولادها راح يبداو يقراو و هو هملهم ... واش رايكم كيفاه لازم التصرف معاهم و زعما علاه يدير هكذا
و هي اذا بقات لـ تم احنا حتى النوم واحد مارقد خايفين عليها و اذا جات عندنا تاني مشكل و خاصة ولادها راح يقراو و مدارسهم بحدا الدار
و دارها هي لي شرات التراب و هي لي بنات معاه بالجوع و العرا و خدمة الخياطة لي مرضتها و الهم لي صبراتو معاهم .....؟؟؟؟؟؟؟

لوكان نبات نحكي ما نكملش
في انتظار ردودكم على نار و ربي يحفظكم ادعوها كامل ربي ينصرها على الظالمين و قولولي رايكم
سلام

7anine 87

2014-08-31, 11:30

ربي يفرج عليها اختى والله شئ غريب كل يوم نسمعو فى سمايع غير ربي يسترنا ويهدى زوج اختك ويرجعو لطريق الصواب على وجه هدوك لولاد لمعندهم حتى دنب اما اختك لها ربي وحقها معاه عمرو ولا يضيع

○•ميسون•○

2014-08-31, 12:07

الراجل لي ما عندوش راي في وقتنا ما يعيشش
الحل هو الطلاق

* الحلم سكر *

2014-08-31, 12:11

الراجل لي ما عندوش راي في وقتنا ما يعيشش
الحل هو الطلاق

الطلاق ب 3 اولاد و هي قبل الزواج شرط عليها ما تخدمش ما خدمتش و دارها هي لي شرات التراب و بنات معاه مي باسمو وين تروح بهذا الكل
مهما نقومو بيها احنا راح تحس روحها ذليلة و حتى تعبها و صبرها لي فات وين يروح ؟
حسبي الله و نعم الوكيل فيهم الكل

عفتي جنتي

2014-08-31, 12:24

شوفي اختي
تخليلو ولادو هو يتصرف
اختك مسكينة اخذت مسؤولية الدار والاولاد والزوج خليها تعطيلو الاولاد يربي ويقري ويكبرر لتم يعرف قيمتها نتاع الصح

ابتسام smile &hope

2014-08-31, 12:31

* الحلم سكر *

2014-08-31, 12:34

علاه خليتها الدير كلش في اسمو
علاه مانصحتيهاش ياختي ربي معاها وادعيلها في صلاتك
في رايي تبقى في دارها راني شاكة راهو ناوي على حاجة تاع خدع
وبالاك لوكان ترقو عند راقي شرعي ربي يفرج عليكم

هداك واش نخمم
عييت قبل ننصحها حتى دارنا يقولولي احشم على روحك واش هذا التوسويس
ما عندناش لمرا هكذا لمرا تعاوون الراجل باللي كان و هاو اللي كان
اصلا احنا ما عندناش الطلاق و الا العيب و على بيها كلنا تشوكينا

ابتسام smile &hope

2014-08-31, 12:47

يما دايما تقولي مثل تاع ناس بكري
سقساو الهم ين راك رايح قالهم :راني رايح لولاد الفاميلية يرفدوني

* الحلم سكر *

2014-08-31, 12:53

يما دايما تقولي مثل تاع ناس بكري
سقساو الهم ين راك رايح قالهم :راني رايح لولاد الفاميلية يرفدوني
و الله عندها الحق
انا درك حاسة روحي في بركان و قاعدة نتحرق ...
اكثر من 14 سنة جوع و هم و م وصلت مرضت و راها تداوي و اخرتها يحاوزها بلا سبة و درك هبل كيفاه ترجع و حاب يخرجها و السبب الله اعلم
و كيلهم ربي هو و هوما

* الحلم سكر *

2014-08-31, 12:55

شوفي اختي
تخليلو ولادو هو يتصرف
اختك مسكينة اخذت مسؤولية الدار والاولاد والزوج خليها تعطيلو الاولاد يربي ويقري ويكبرر لتم يعرف قيمتها نتاع الصح

خممنا فيها ما قدرتش غاضوها و ماعندناش ثقة فيهم اصلا هوما يتعاملو بالحقرة و الضرب همجيين
و لوكان ما تقريهمش هي يهملو و يطلعو جاهلين هو لا علاقة
ان شاء الله يخرجو فيهم ولادها اقسم بالله تقول يتامى

ابتسام smile &hope

2014-08-31, 13:19

قوليلها تصلي قبل الفجر و تدعي وتكثر مالاستغفار و نتي ثاني ماتنسايش تدعيلها و الصدقة مليحة
ربي يفرج عليكم

Basketteuse

2014-08-31, 14:07

يا اختي هذه دارها ،عندهم 3 اولاد يعني من حقها اذا ما بغاش يفهم ،هو اللي يخرج والقانون يحميها، والله هذا ظلم ،،،ربي يهديه ويجيب اللي فيه الخير

mounia5

2014-08-31, 14:32

cokis katerina

2014-08-31, 14:41

يا اختي هادي ماتكون غي افير تاع السحور باينا حماتها عولت عليها وخرجتها على حساب ما حكيتي رقولها في الماء ويشربو منو في زوج اختك وزوجها ماقلتناش الا هوا كان يبغبها ؟؟:rolleyes:

* الحلم سكر *

2014-08-31, 14:43

salam
ana t banli belli rajel oukhtek rahou y zeyar gouddam emmalih bach ybeyen ennou houa erradjel
kouli loukhtek tessbar alih ou loukan fat echhar ou ma hdahech rabi goulilha teddi loulad and adjouzetha ou slafatha
dourk tchoufi kifach yettalbou essmah ou y rajouha
chkoun elli yehmel 3 ouled fi had rl oukt ?

هي رجعت لدارها بالامس و هو حاب يديرلها فيلم اخر و يخرجها من الدار
هي الان مع ولادها في دارها و حتى هكذا ماراناش نرقدو خايفين عليها .. هو كل همو يخرجها من الدار هي و الاولاد
ما تقدرش تخرج الله اعلم واش ناوي و ما تقدرش تخليلو الاولاد عندها طفلة تجن بلا بيها و الطفل الصغير 6 سنوات و صدقيني اهلو وحوش مع الاطفال و هو يتبعهم في كلشي
حسبي الله و نعم الوكيل فيهم الكل

* الحلم سكر *

2014-08-31, 14:47

يا اختي هادي ماتكون غي افير تاع السحور باينا حماتها عولت عليها وخرجتها على حساب ما حكيتي رقولها في الماء ويشربو منو في زوج اختك وزوجها ماقلتناش الا هوا كان يبغبها ؟؟:rolleyes:

و الله يا اختي كان يموت عليها و هوما رفضو زواجو كانو حابين واحدة فاميلتهم و حتى احنا خفنا من المشاكل و قلنالها تبطل و هو اصر و تحدى اهلو و الدنيا الكل و تزوجها
مهما صرا عمرو لا تجرأ يدير هكذا و المشكل انو بلا سبة درك و بعد 14 سنة و حتى ولادو هملهم و قريبو يهبلو مساكن و هي ما نحكيلكش غير تبكي ما فهمت والـــو

cokis katerina

2014-08-31, 15:08

المسكينة باينا يكرهوها اهل زوجها الراجل سوور راهو مسحور واك اهله باينا راهم فرحانين انقضي اختك بعتي كاش واحد من خاوتك الى الجامع عند الشيخ يرقي في قنينة الماء على كلش السحر والعين ... ودوهالها ويشربو منها والله والله صدقيني المجتمع تاعنا راه عندو السحر هو الحل الله يهديهم وقولي لاختك تصلي الاستخارة لعل الله يكشف لها سبب غضب زوجها وعليها بصبر ماشي صبرت 14سنه وفي شهر تكره وتخرج شجعوها باش تقاوم ممكن السبب بسيط ما تنشروش الخبر على كل الناس يزيدلها في الكاابة وضيق خاطرها والله غي شفتني المخلوقه ربي وينصرها من بنات الحرام :mh31:

ايهان

2014-08-31, 15:11

والله يا اختي العبد عاد يسمع وحد السمايع يا لاطيف
راجل اختك زوج احتمالات
يا ينعت في روحو قدام تاع دارهم وهو علابلو بلي اختك ماتفرطش في دارها مهما صار على هذي قاعد يتمادى ويعاود
يا بانيها على الخدع وغناولو في راسو وحابين يزيدو يزوجهو زكارة في اختك
امالا في كلتا الحالتين هي ماتخرجش من دارها يالوكان يحاوزها ويقفل الباب في هدي غير تشد في دار ولادها وهو يدير لي يهوالو وكيما يقولو حبل الكدبقصير وهي طول بالها وماتردش عليه خلاص وتشوفو وين حاب يوصل
ربي يفرج الاحوال ان شاء الله

ailemak

2014-08-31, 15:23

okhti masma3tich l9anoun li darouh 3la l3ounf dida lmar2a, w toufoula,
galou li yahmel mertou yethasseb, yaw ykhalesha ghaliya hada
telja2 lel9anoun hanouna
rabbi yferej 3liha,
hadou rjel akhir zameeeeeeeeeen ?
nestaghreb min 9ilet moucharaket a3da2 doukour lmountada fi hadihi lmawadi3

ام مهدي2010

2014-08-31, 15:45

يا اختي ما تخافوش ربي كاين و الظالم ما يقعد سالم

بيان 5

2014-08-31, 16:34

ربي يفرج عليها ان شاء الله
كيما زوجي اللي يقول في 15 يوم نجيب وحدة اخرى
حاسبين بنات الناس لعبة
وناسيين باللي ربي يشوف فيهم حسبنا الله ونعم الوكيل

mounaminou

2014-08-31, 16:55

أم احمد3

2014-08-31, 17:26

تقعد تسمط
تقعد هاذي دارها بسيف.حقها وحق اولادها هو الي يخرج الا حب يخرج
خليوها عنده والاولاد جيبوهم واحميهم باش ميخلعوش من العياط والضرب الام .....اكرر احموا الاولاد من العراك المستمر خاصة ضرب الام امام اعينهم...

ام ياسمين10

2014-08-31, 17:45

الله يهديهم كلهم يا لطيف الف بيها مسكينة عندها ربى هو الى يخلصها

dalal 28

2014-08-31, 18:10

ربي يفرج عليها ويهنيها هذا مانقول حسبي الله ونعم الوكيل في كل ظالم

نسيم الإيمان

2014-09-01, 11:47

حسبنا الله و نعم الوكيل
ربي يفرج عليها ان شاء الله

أم الياس

2014-09-01, 12:52

أولا ربي يعطيك الصبر والقوة و يعطيك لعقل ، لاكان زوجك هذ ه المعاملة قديمة راكي متعودة متسرعيش و لا كان هذا الشيء جديد عليك
الولا معندو حاجة لا فيك ولا اولادو سمحيلي انقولهالك بلي راهو ناوي على الثانية
و انت مالازمش تخلي الدار مهما يكون لا كان حاب يطلقك يخرج هو ماكيش انت ولا زم تعرفي بلي القانون راهو معك انت ومتخافيش انشاء الله متوصلوش للطلاق و -ابغض الحلال عند الله الطلاق - المهم انت متخليش الدار مهما يكون

لؤلؤة الجنان

2014-09-01, 13:00

هدا راجل مايتامنش ختك ان لازم تظمن حقها و تكتب الارض لي شراتها باسمها باه مايقدر يدير والو .. و نعلرف حكاية وحدا دارت كيما هكا لراجلها و شرات الدار و عمرت معاه و على الاخير باعها على راسها و هي ماعلابالها بوالو و زوج عليها
المهم اختي وكلو ربي و ادعيولو بالصلاح و مادام عايلتو ما ينهيوش للخير خودو حذركم منهم و منو
و الله المستعان
رب يفك كرب اختك و يصلح زوجها و تعيش في دارها هانية و مرتاحة ان شاء الله

nessma 23

2014-09-01, 13:06

أختي راح نعطيك رقية شرعية جربيها ولعل الله يهديه اقرئيها في الماء و اقرئيها عل نفسك وان شاء الله يكون الفرج وادعيلي ربي يرزقني الذرية الصالحة

nessma 23

2014-09-01, 13:08

ها هي الرقية الرقية الشرعية الأولى:
الرقية بالقرآن الكريم وبالسنة النبوية
**الرقية بالقرآن الكريم**
رقية قرآنية ثابتة بصحيح السنة
{أعوذ بالله من الشيطان الرجيم}
{بِسْمِ اللّهِ الرّحْمنِ الرّحِيم}
1- {الْحَمْدُ للّهِ رَبّ الْعَالَمِينَ * الرّحْمنِ الرّحِيمِ * مَلِكِ يَوْمِ الدّينِ * إِيّاكَ نَعْبُدُ وإِيّاكَ نَسْتَعِينُ * اهْدِنَا الصّرَاطَ الْمُسْتَقِيمَ * صِرَاطَ الّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِم وَلاَ الضّآلّينَ}
2- {اللّهُ لاَ إِلَهَ إِلاّ هُوَ الْحَيّ الْقَيّومُ لاَ تَأْخُذُهُ سِنَةٌ وَلاَ نَوْمٌ لّهُ مَا فِي السّمَاوَاتِ وَمَا فِي الأرْضِ مَن ذَا الّذِي يَشْفَعُ عِنْدَهُ إِلاّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مّنْ عِلْمِهِ إِلاّ بِمَا شَآءَ وَسِعَ كُرْسِيّهُ السّمَاوَاتِ وَالأرْضَ وَلاَ يَؤُودُهُ حِفْظُهُمَا وَهُوَ الْعَلِيّ الْعَظِيمُ * لاَ إِكْرَاهَ فِي الدّينِ قَد تّبَيّنَ الرّشْدُ مِنَ الْغَيّ فَمَنْ يَكْفُرْ بِالطّاغُوتِ وَيْؤْمِن بِاللّهِ فَقَدِ اسْتَمْسَكَ بِالْعُرْوَةِ الْوُثْقَىَ لاَ انفِصَامَ لَهَا وَاللّهُ سَمِيعٌ عَلِيمٌ * اللّهُ وَلِيّ الّذِينَ آمَنُواْ يُخْرِجُهُمْ مّنَ الظّلُمَاتِ إِلَى النّورِ وَالّذِينَ كَفَرُوَاْ أَوْلِيَآؤُهُمُ الطّاغُوتُ يُخْرِجُونَهُمْ مّنَ النّورِ إِلَى الظّلُمَاتِ أُوْلَئِكَ أَصْحَابُ النّارِ هُمْ فِيهَا خَالِدُونَ}[البقرة: 255-258]
3- (آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ * كُلٌّ آمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِنْ رُسُلِهِ* وَقَالُوا سَمِعْنَا وَأَطَعْنَا * غُفْرَانَكَ رَبَّنَا وَإِلَيْكَ الْمَصِيرُ * لَا يُكَلِّفُ اللَّهُ نَفْسًا إِلَّا وُسْعَهَا * لَهَا مَا كَسَبَتْ وَعَلَيْهَا مَا اكْتَسَبَتْ * رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا * رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا * رَبَّنَا وَلَا تُحَمِّلْنَا مَا لَا طَاقَةَ لَنَا بِهِ * وَاعْفُ عَنَّا وَاغْفِرْ لَنَا وَارْحَمْنَا * أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ) خواتيم سورة البقره
4- {قُلْ هُوَ اللّهُ أَحَدٌ * اللّهُ الصّمَدُ * لَمْ يَلِدْ وَلَمْ يُولَدْ * وَلَمْ يَكُنْ لّهُ كُفُواً أَحَدٌ}3مرات
5- {قُلْ أَعُوذُ بِرَبّ الْفَلَقِ * مِن شَرّ مَا خَلَقَ * وَمِن شَرّ غَاسِقٍ إِذَا وَقَبَ * وَمِن شَرّ النّفّاثَاتِ فِي الْعُقَدِ * وَمِن شَرّ حَاسِدٍ إِذَا حَسَدَ}3مرات
6- {قُلْ أَعُوذُ بِرَبّ النّاسِ * مَلِكِ النّاسِ * إِلَهِ النّاسِ * مِن شَرّ الْوَسْوَاسِ الْخَنّاسِ * الّذِى يُوَسْوِسُ فِي صُدُورِ النّاسِ* مِنَ الْجِنّةِ وَالنّاسِ}3مرات
----------------------
** الرقية بالسنة النبوية **
رقية نبوية مختارة من صحيح السنة
1- "أَعُوذُ بِاللهِ السَّمِيعِ الْعَلِيمِ مِنَ الشّيْطَانِ الرَّجِيمِ , مِنْ هَمْزِهِ ونَفْخِهِ وَنَفْثِهِ" (ثلاث مرات).
2- "أَعُوذُ بِكَلِمَاتِ اللَّهِ التَّامَّةِ، مِنْ كُلِّ شَيْطانٍ وَهامَّةٍ، وَمِنْ كُلّ عَيْنٍ لَامَّةٍ" (ثلاث مرات).
3- "أعُوذُ بِكَلِماتِ اللَّهِ التَّامَّاتِ مِنْ شَرِّ مَا خَلَقَ" (ثلاث مرات).
4- "بِسْمِ اللَّهِ الَّذِي لاَ يَضُرُّ مَعَ اسْمِهِ شَيْءٌ فِي الأرْضِ وَلا في السَّمَاءِ, وَهُوَ السَّمِيعُ العَلِيمُ" (ثلاث مرات).
5- ببِسْمِ اللَّهِ (ثلاث مرات) أُعِيذُكَ بِعِزَّةِ اللَّهِ وَقُدْرَتِهِ مِنْ شَرِّ ما تَجِدُ وتُحَاذِرُ" (سبع مرات).
6- "بِسْمِ اللهِ أَرْقِيكَ, مِنْ كُلِّ شَيْءٍ يُؤْذِيكَ, مِنْ حَسَدِ حَاسِدٍ، وَمِنْ كُلِّ عَيْنٍ اللهُ يَشْفِيكَ."
7- "بِسْمِ اللهِ يُبْرِيكَ، وَمِنْ كُلِّ دَاءٍ يَشْفِيكَ، وَمِنْ شَرِّ حَاسِدٍ إِذَا حَسَدَ، وَشَرِّ كُلِّ ذِي عَيْنٍ."
8- " أَسْأَلُ اللهَ العظيمَ, رَبَّ العرشِ العظيمِ أنْ يَشفِيَكَ" (سبع مرات).
9- "لا اله إلا الله العظيم الحليم، لا اله إلا الله رب العرش العظيم، لا اله إلا الله رب السموات ورب الأرض ورب
العرش الكريم"
10- "يا ذا الجلال والإكرام، يا حي يا قيوم، برحمتك أستغيث"
11- "اللهم، اذهب البأس، رب الناس، اشف وأنت الشافي، لا شفاء إلا شفاؤك، شفاء لا يغادر سقما."
12- "اللهم عافني في بدني، اللهم عافني في سمعي، اللهم عافني في بصري، لا اله إلا أنت." ( ثلاث مرات )
13- "اللهم إني أسالك العافية في الدنيا والآخرة، اللهم إني أسالك العفو والعافية في دني ودنياي، وأهلي ومالي، اللهم استر عوراتي وآمن روعاتي، اللهم أحفظني من بين يدي ومن خلفي، وعن يميني وعن شمالي، ومن فوقي، وأعوذ بعظمتك أن اغتال من تحتي."
14- "اللهم أهدني وارزقني وعافني وارحمني."
15- "اللهم رحمتك أرجو، فلا تكلني إلى نفسي طرفة عين، وأصلح لي شأني كله، لا اله إلا أنت."
16- " استودعتك الله التي لاتضيع ودائعه "
17- "اللهم إنا نسألك من خير ما سالك منه نبيك محمد صلى الله عليه وسلم ، ونعود بك من شر ما استعاذ منه نبيك محمد صلى الله عليه وسلم ، وأنت المستعان وعليك البلاغ، ولا حول ولا قوة إلا بالله."
18- "اللهم صلي على محمد وعلى آل محمدكما صليت على إبراهيم وعلى آل إبراهيم، انك حميد مجيد، اللهم بارك على محمد وعلى آل محمد كما باركت على إبراهيم وعلى آل إبراهيم في العالمين انك حميد مجيد."
الاكثار من الاستغفار 100مره واكثر

- الرقية الشرعية الثانية :
الآيات والأوراد التي تقرأ على المريض وطريقة تطبيقها
القرآن كله شفاء واليك بعض الآيات :
سوره الفاتحة
آية الكرسي
{ فَإِنْ آمَنُوا بِمِثْلِ مَا آمَنْتُمْ بِهِ فَقَدِ اهْتَدَوْا وَإِنْ تَوَلَّوْا فَإِنَّمَا هُمْ فِي شِقَاقٍ فَسَيَكْفِيكَهُمُ اللَّهُ وَهُوَ السَّمِيعُ الْعَلِيمُ }سورة البقرة/137
(آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ * كُلٌّ آمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِنْ رُسُلِهِ* وَقَالُوا سَمِعْنَا وَأَطَعْنَا * غُفْرَانَكَ رَبَّنَا وَإِلَيْكَ الْمَصِيرُ * لَا يُكَلِّفُ اللَّهُ نَفْسًا إِلَّا وُسْعَهَا * لَهَا مَا كَسَبَتْ وَعَلَيْهَا مَا اكْتَسَبَتْ * رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا * رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا * رَبَّنَا وَلَا تُحَمِّلْنَا مَا لَا طَاقَةَ لَنَا بِهِ * وَاعْفُ عَنَّا وَاغْفِرْ لَنَا وَارْحَمْنَا * أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ .)خواتيم سورة البقره
{هُوَ اللَّهُ الَّذِي لَا إِلَهَ إِلَّا هُوَ عَالِمُ الْغَيْبِ وَالشَّهَادَةِ هُوَ الرَّحْمَنُ الرَّحِيمُ(22)هُوَ اللَّهُ الَّذِي لَا إِلَهَ إِلَّا هُوَ الْمَلِكُ الْقُدُّوسُ السَّلَامُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ سُبْحَانَ اللَّهِ عَمَّا يُشْرِكُونَ(23)هُوَ اللَّهُ الْخَالِقُ الْبَارِئُ الْمُصَوِّرُ لَهُ الْأَسْمَاء الْحُسْنَى يُسَبِّحُ لَهُ مَا فِي السَّمَاوَاتِ وَالْأَرْضِ وَهُوَ الْعَزِيزُ الْحَكِيمُ(24)آخر سورة الحشر
( ام يحسدون الناس على ما آءاتاهم الله من فضله )النساء /54
( ولولا اذ دخلت جنتك قلت ما شاء الله لا قوه الا بالله )الكهف /39
(فارجع البصر هل ترى من فطور * ثم ارجع البصر كرتين ينقلب إليك البصرخاسئا وهو حسير ) الملك 3-4
(وان يكاد الذين كفروا ليزلقونك بأبصارهم لما سمعوا الذكر ويقولون انه لمجنون * وما هو إلا ذكر للعالمين )القلم /51
سورة الاخلاص
والمعوذتين
( ياقومنا أجيبوا داعي الله وآمنوا به يغفر لكم من ذنوبكم ويجركم من عذاب اليم ) الاحقاف /31
( وننزل من القرآن ما هو شفاء ورحمة للمؤمنين ولا يزيد الظالمين الاخسارا ) الاسراء /82
( قل هو للذين آمنو هدى وشفاء ) فصلت /44
(واذا مرضت فهو يشفين )الشعراء /80
( ويشف صدور قوم مؤمنين ) التوبه/14
( ياأيها الناس قد جاءتكم موعظة من ربكم وشفاء لما في الصدور وهدى ورحمة للمؤمنين) يونس/57
(وله ماسكن في الليل والنهار وهو السميع العليم ) الانعام/13
( وقيل يا أرض ابلعي ماءك ويا سماء اقلعي وغيض الماء وقضي الأمر واستوت على الجودي وقيل بعدا للقوم الظالمين )هود /44
( وإذا الأرض مدت * وألقت ما فيها وتخلت * وأذنت لربها وحقت ) الانشقاق /3-5
---ومن الأدعية---
( اسأل الله العظيم رب العرش العظيم أن يشفيك) 7 مرات
( اعوذ بكلمات الله التامة من كل شيطان وهامة وكل عين لامه ) 3 مرات
( اللهم رب الناس اذهب الباس اشف أنت الشافي لا شفاء الا شفاؤك شفاء لا يغادر سقما ) 3 مرات
( اللهم اذهب عنه حرها وبردها ووصبها ) مره
( استودعتك الله التي لاتضيع ودائعه )
( حسبي الله لا إله الا هو عليه توكلت رب العرش العظيم ) 7 مرات
الصلاة على نبينا محمد صلى الله عليه وسلم.
"اللهم صلي على محمد وعلى آل محمدكما صليت على إبراهيم وعلى آل إبراهيم، انك حميد مجيد، اللهم بارك على محمد وعلى آل محمد كما باركت على إبراهيم وعلى آل إبراهيم في العالمين انك حميد مجيد."
--- طريقة تطبيق الرقية ---
· قراءة الآيات والأدعية السابقة بتدبر وخشوع
على المريض مباشره مع النفث بريق خفيف او بدونه او استماعها .
· وضع اليد على مكان الالم .
· قراءة الآيات على ماء او زيت زيتون ليشرب ويدهن به.
ياودود ياودود ياذا العرش المجيد يامبدئ يامعيد يافعالاً لما يريد أسألك بنور
وجهك الذي ملأ أركان عرشك وأسألك بقدرتك التي قدرت بها على جميع خلقك وأسألك برحمتك التي وسعت كل شي لا إله إلا أنت يامغيث أغثني يامغيث أغثني يامغيث أغثني..

*نـــور*

2014-09-01, 13:49

ربي يفتح عليها و يهدي زوجها
الطلاق تاني ماشي ساهل

hamza18

2014-09-01, 14:01

اختي نوصيك قلها متخرج من دارها خطراش لكان يحب يطلقه يقولهوم هي راحت لعند والديها وادا ضربها ولا درلها حاجة شكيو بيه المهم شي لي نوصيك عليه انه تقعد فيدارها لانو حقها وراجل كيما هدا تطلق منوا خير المهم انتوما وقفوا معها ومتنساوس بلي الدار في القانون للمراة هي ووللادها

bello angel

2014-09-01, 14:56

و الله يا اختى انا قلقت في بلاصتك
انا من رايي تحكم دارها ماتخرجش و تتهلا في ولادها

و ادا ما عجبوش الحال يخرح هو

اغادير

2014-09-01, 17:22

هادي هي غلطة المرا.... توثق براجلها حتى تعمى،،، تبيع ذهبها علجالو وتخدم عليه وتشريلو الدار,, وهو كان يشبع شويا فقط يدور عليها هي الاولى ويبدلها وينسى العشرة الطيبة والايام الصعيبة.......... من وقتاه الراجل يخمم على ولادو انت تاني؟؟؟ اليوم ليكون في بالو موّال يديرو وينسى كل شي,, وشكون الغاللط مبعد!!!!!!! أكييييييييييييييد يحطوها المرا لماتسواش....... نقلك أختي العزيزة أول حاجة أختك غلطت على خاطر خمت بقلبها وحبها لراجلها لخلاها تتنازل على كلشي ليه... وماخممتش كون تصرا مشكل كيف هذا في المستقبل.... ثاني حاجة مهما ماراح تنصحوها راح تلقاوها تدافع عليه وماهي حابة تدير موقف سلبي يخليها توصل للطلاق.... يعني انسي كان هي راح تهدر..... وواش راح نقلك لا انت ولا عائلتك بيدها الحل الحل بيديها هي وزوجها.................. ربي يفرج عليها وعلى ولادها

جمعي البشاري

2014-09-01, 18:28

ربي يفرج عليها ويهنيها هذا مانقول حسبي الله ونعم الوكيل في كل ظالم / لازم تصبر باش تنال وتستغل انوثتها واساليب الحوار لضغط عليه ومعرفة السبب مدام في بيت مستقل ولا تنسي الرقية والقران في البيت خصوصا سورة البقرة /// ولازم الاولاد يكونوا بعيدنا عن مشاكل الزوجين هدا ضروري لمستقبلهم
الحل في يد اختك./// لكل داء دواء/// هي التي تعرف كل صغيرة وكبيرة . لان هده المشكلة لا ينفع لا اخوك ولا ابوك في الصلح لان سوف يكون الطلاق حتماا / ان لم تفلح يجب ارسال شيخ او امام لزوج لمعرفة السبب والبحث عن الحل / فما علينا الا الدعاء