جاوبوني بصراحة

[*أم جابر*]

السلام عليكم خواتاتي ان شاء الله تكونو بخير
حبيت نسقسيكم حاجة بصح جاوبوني بصراحة
[هل راكم تصيبو واش اطيبوا انا دايما حايرة[]واش ندير فطور واش ندير عشاء و كي نلقاها انحي جبل فوق ظهري
هذا لايعني انني لا اجيد الطبخ انا ماهرة فيه بشهادة الجميع لنشوفها نديرها ههههههههه
لكن هطا الموسم مفيهش بزاااف خض واللحم راهو مريض والدجاج كرهناه :sdf::sdf::sdf:

[*أم جابر*]

زعما وحدة فيكم ما راهي حايرة

[الرحب]

رانا كيفكيف

[ام سوهيل]

حتا انا راني نحواس في النات كاش حاجة نديرهاللعشاء ههههههههههههه

[malake1967]

شكرا لك ولكن هو نفس المشكل لجميع العائلات الجزائرية

[kati83]

رانا كيفكيف ومع هادى السخانة راهم غير يشرطوا

[angel_forever]

الكل رانا كيف كيف نرقدو على واش نطيب ونوضو على واش نطيب ههههههههههههههههههه قريب فطور الصباح نحيرو فيه
انا والله اليوم كي ملقيت مندير شرتلهم خبز بريوش وباطة سردين وهريسة وفريونت وكاشير ودرتلهم كاسكروطات مع قرعة قازوز فيها الفين براكة وزيد الدنيا سخانة ملينا هههههههههههههههههههههههههههه

[صدفات]

والله يا أختي أم أصيل رانا الكل في نفس المشكلة خصوصا بعد الدخول المدرسي .ما صبت ما ندير حصلت

[ام حمزة22]

سلتم
انا نقللكم الصح الصح مانحبش نخمم بزاف في الماكلة
زوجي يقضيلي يوم الجمعة شوية خضرة وجاجة
هاديك الجاجة نقسمها على 2 نصف نطيبو في وصط سمانة ونص نخليه للجمعة الجاية بادن الله
وما نستناش زوجي يجي مالمارشي ونطيب خاطرش كي يجي يلقى الفطور طايب ونكون طيبتو بالنصف التاني نتاع للجاج لي خليتو مالجمعة لي فاتت وكا كل الجزائريين دايما نهار الجمعة نطيب الكسكس او الرشتة وكي يملو ولادي منهم نبدلهم بالروز في الكوشة مع الجاج او اللحم المفروم عندنا دايما اخر الاسبوع جاج او لحم مفروم او حوت
وفي وسط الاسبوع ندير جوازات وبين جواز وجواز نطيب معجنات سباقيتي او ماقارون
ما نخليش الاكل يكون شاغلي الشاغل
ودايما نطيب لالفطور والعشاء ولا طيبت مثل شطيطحة باطاطا بالجاج نحي شوية مرقة ونقطع فيها حبات باطاطا ونخليها للعشاء نشعل عليها الفرن لان الباطاطا كي نطيبها صباح ما تقعدش مليحة في العشاء (تيبس)
ان شاء الله تكونو فهمتو المونو ديالي هههههههه

[fatihmd]

والله غير كامل راتا كيف كيف اتا قبل ما نبدا في الشغل نروح لاثلاجة و نسقسيها واش نطيب اليوم نجبد كل واش كابن فيها و هي اجاوبني وهكدا تخدم الشغل و يالي رايح

[ام آدم]

انا جرببت مرة نكتب كل الاكلات لي نعرفهم في ورقة ;)واقيال 50 اكلة بين تقليدية و عصرية وكي تغيبلي نروح نقرا هاديك الورقة و نشوف واش يناسب امكانياتي لهداك اليوم ومع هذااااااااااااااا ساعات نحير واش ندير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:mad:

[lilii7179]

رانا كامل في نفس المشكل و اللي يزيد الطين بلة انو سواء الامكانيات لا تتوفر دائما او ان الزوج ما ياكلش كلشي كيما حالت انا, حتو لوكان عندي الافكار دائما حاصلة , راجلي ما ياكل لا قراتان بانواعهم, لا شربة, لا حريرة, لا بروكلو, لا كرم, لا لوبيا خضراء , لا سباقيتي, الحبوب ماشي ديما, لا pizza , لا جلبانة, لا سفيرية, لا برانية, لا طاجين الخوخ و ما زالت القائمة طويلة جدا
المهم نلقا روحي نطيب غير الكسكس و الروز , الشكشوكة و القليان , كارثة , مع اني طباخة ماهرة, اولاد عمي يقولولي حسدنا راجلك في حاجة وحدة هي الطياب , و اكيد راهو يستمتع بالانواع, لكن مع الاسف راني ودرت كلشي من كثرة ما نطيب نفس الحاجة, ان شاء الله كي يكونو عندي لولاد و نطيب علا جالهم

[روح مراد]

و الله رانا كامل في حصلة
أنا كنت نوع في الماكلة منين ذاك تقليدي و عصري حتى البيتزا و الساندوشات
و لكن اآن عجوزتي راهي تتعشى عندي و حتى الفطور كي نكون في الدار مسكينة ما عندهاش سنان تاكل غير الكسكس و المرقة و الشربات ....لازملي حاجة فيها مرقة و الله حصلت واش ندير

[اسم مرا]

صح ديما حايرة واش ندير فطور وش ندير عشا
ودوكا ي ندروها ما يحبوش ياكلوها
كيما قلتي دجاج مليناه

[صدفات]

لبنات ظربوا طلة عند ام حمزة راهي كل مرة تحط بصور طبق ساهل و إقتصادي

[شريف83]

حتى انا راني حايرة في هاد المشكل والله فكرة مليحة

[alg04000]

على حسب واش عندك في الثلاجة و القضيان , و تبدعين قليلا و هكذا

[ام سوهيل]

حتى انا راني حايرة في هاد المشكل والله فكرة مليحة

[هيثم65]

صح ديما حايرة واش ندير فطور وش ندير عشا

[medzoui]

صباح الخير اختي ام اسيد اليوم نعطيك طريقتي في وضع جدول كل شهراتمنى اني نفيدك
اول حاجه و في ورقه نكتب كل الوصفات الي نعرفها يعني
غراتان جوازات ومراقي سلطات تحليه..................و
الوصفات كثيره في المنتدى(وصفات ام اماني.ام حمزه .الهام..........كلها مضمونه)
بلاماننسى الخبز .الان نرسم الجدول
نقسم ورقه كبيره على 4(نشكل علامه +) عباره عن 4اسابيع ونقسم كل مساحه الى7 افقيا(الايام)ونرقمه.
الان نعمرو الجدول(انا نطيب غير لعشيه برك غداء وعشاء)على حساب خدمه راجلي كل شهر عندو توقيت.
عندي اسبوع ب 7 وصفات اذا عجباتك طريقتي نكملك الجدول وان شاء الله نكون افدتك ولو بالقليل
نستنى ردك.

[farida1256]

merci pour la participation

[ransie.joisse]

ربي يبارك فيك اختي

[منال ومنير]

يعطيك الصحة

[ريحانة ايناس]

ولله كامل رانا كيفكيف

[أم تيم الله]

شكرا لك ولكن هو نفس المشكل لجميع العائلات الجزائرية

[ahlam2060]

والله نفس المشكل

[mojab]

شكرا لك ولكن هو نفس المشكل لجميع العائلات الجزائرية

[Nami31]

رانا قاع ساؤاسية ههههههههههههه نحوسو غي علا شا ناكلو ههههههههههههههههههههههههههههههههههههههههههههههههه كلنا كلنا

[mahopa18]

كامل كيما هاك
والاكثر من ذلك.. طيبتي وتعبتي وفي الاخير يجي خوك يتشرط عليك ويقولك راكي تجربي فينا
ههههه

[حنان BAC]

رانا كامل كيفكيف هيا انديرو يد في يد ونرسمو جدول وكل وحدة تحاول تعمرو

[imy houssam]

مشكل المراة الجزائرية الدائم وخاصة اذا كان عندها الي يتشرطو

[hydroch]

المشكل اللي تعاني منو كل مرأة على وجه الأرض في الفطار ولا في رمضان واش طيب، ياخي ياخي

[كريمة الجزائرية 48]

السلام عليكم والله يا لحبيبات رانا قاع كيف كيف انا وحدة من الناس اكرهت نضلي نخمم ايلا لقيت الفطور تبحرلي في العشاء ماعليش ربي يجازي كل ربة بيت مغبومة اعلا دارها
وعلى فكرة انا عندي منتدى تاع نساء فقط خاص بالطيخ والصحة والجمال و التدابير المنزلية الي تحب تكون معنا الف اهلا وسهلا هنا
http://www.4hawaa.com

[ام امير واية]

هذا هو السؤال الازلي واش نطيب فطور ولا عشاء واليوم اللي نكون مقررة ولا عارفة واش ندير نكون في اسعد اوقاتي هههههه

[fadila@]

شكرا لك هو نفس المشكل لجميع و الله رانا كامل في حصلة .

[الزوجة البارة]

انا الحمد لله ديما نسلكها سعات ليقراتان بواش وجد في الدار المهم يكون بيض و شوية فرماج نرابيه من فوق و سعات تقليدي و كي نحصل و نتحرقو ندورها محاجب سخونين و الا رخسيس و البن و كي يبرد الحال الحبوب و الشربة يقومو بالواجب كي تزوجت ماما حصلت تقلي كنتي هنا من والو ديري حاجة و ضرك تكلمني تمدلي واش عندها و انا ندبر عليها

[meriamnoni]

كاينة منها

[نهلةن]

المشكل ساعات ولا دايما في الي عندو راجل يشرط وماياكل والو كيما راجلي كل شئ يضرو في المصران والله حاصلة الاولاد ياكلو كل شئ منحيرش فيهموليت نطيب للاولاد كل شئ نوعلهم يعني ساعة مقرون ولا عيش ولا محاجب ولا بربوشة وراجلي نفورلو اللحم وساعة قليان ساعة شكشوكة ساعة روطي بطاطا نطيب بتنواع ييعني بصح الكوزينة داتلي وقتي مع لماعن خاتر دايما زوج ماكل غداء وعشاء الله يعينا ويجعلها في ميزان حسناتنا

[FATIMANOOR]

انا درت ورقة و سطرتها حساب أيام الأسبوع كيما إستعمال الزمن كي كنا نقراو و كتبت قدام كل نهار وش ندير غداء و وش ندير عشاء مثلا نهار السبت ندير طاجين زيتون و فالليل خضر مفورة و ليسكالوب و هكذا و مطبخنا غني بالاكلات ندير حساب 15 يوم باه ما نبقاش نكرر فالطبخات و نكرهو و ثاني نغير حساب الصيف و الشتاء ياك ميش نفس الأكل و حتى راجلي ولا يعرف وش خاصني بلا ما يسقسي برك يضرب طلة على هذين الورقة كي يجي خارج و في حال ما إذا نسا ولا ما لقيتش الصوالح متوفرة ندير حاجة من راسي و ما نتقيدش و إن شاء الله نكون فدتكم لخاطر كنت حاصلة و ملي نتغداو وانا نخمم فالعشاء وش ندير بصح

[knovel]

نرجوا منكم نشر هذا الاستفتاء من فضلكم

حول 10 اغذية اكثر استهلاكا في الجزائر

هذا في اطار البحث العلمي

أبدأ التصويت (http://www.mon-enquete-enligne.fr/index.php?sid=53434&lang=fr)

شكرا لتعاونكم

[ميار الرحمة]

انا دائما حائرة و تغيبلي واش نطيب رانى كرهت البرمة

[لجين امنيتي]

انا ماشي غيركرهههههههههههههههههههههههههههههههههت

[فاتي تيارت]

كلش مستف فى الرفوف و نسقسو علاش مجرد ما يقول واحد مالعايلة مناكلش ذيك ما نديرهاش