عاونوني انا خاطيني كامل الطياب و حابة نتعلم [الأرشيف] - منتديات الجلفة لكل الجزائريين و العرب

مشاهدة النسخة كاملة : عاونوني انا خاطيني كامل الطياب و حابة نتعلم

lovely n

2014-08-30, 14:50

السلام عليكم اخواتي
ان شاء الله تكونو بخير
كيما قتلكم انا حابة نتعلم نطيب و مانعرف والو مالقيت منين نبدا و زيد ماعنديش شكون يعلمني
تعيشو عاونوني و حطولي وصفات نبدا بيهم كمبتدئة حتى وين نتعلم
و جزاكم الله خير

amor.chibout

2014-08-30, 15:17

السلام عليكم ورحمة الله تعالى و بركاته اقترح عليك تسجيل ماذا عادة تحضرون للغداء ثم تبحثي على الوصفة في المنتدى مثلا الكسكس بالخضار .الكراتان gratin de pomme de terre.طبق الحميس ...ثم للعصرونة مسكوتة دانيت.بسبوسة المقلاة.les crepes...نفس الشيء بالنسبة للعشاء .
نصيحة كلما جربت وصفة سجليها حتى ترجعي لها مرة أخرى فهكذا أعمل أنا منذ سنوات .

SaRoo

2014-08-30, 15:25

مام أنا أختى خاطينى :( نتمنى الاخوات يعاونونا بالنصائح ^^
أناا متابعة للموضوغ

lovely n

2014-08-30, 15:30

lovely n

2014-08-30, 15:34

مام أنا أختى خاطينى :( نتمنى الاخوات يعاونونا بالنصائح ^^
أناا متابعة للموضوغ

ايا بيا كي لقيت وحدة كيفي

amor.chibout

2014-08-30, 15:55

J'étais pire que vous كل حلوى نديرها لاشكل ولا مضمون واحد ما ياكلها

amor.chibout

2014-08-30, 16:01

كاين غير الخسائر المادية و المعنوية يعايروني لأنه مانعرفش بسح درت القلب هههههههه عادو يعيطولي ننصب في لعراس .
Vous avez fait le premier pas
أول خطوة أنكن حابين تتعلمو
ملاحظة أنا أم عمر و عمري 40سنة

enar

2014-08-30, 16:16

مرحبا فيك في هذا المنتدى و انا نأكدلك بللي فيه رايحة تتعلمي بزاف بزاف و تنجحي في كل الوصفات اللي يقدموها فحلات هذا المنتدى ،انا ثاني كيما انتي دخلت ما نعرف والو و اليوم الحمد لله ما نقولش بللي وليت شاطرة و لكن خير من اللي كنت فرق كبير، صبري قلبك برك وروحي وحدة وحدة حوسي في المنتدى و بداي بالساهل و رايحة تتوفقي باذن الله بمساعدة عضوات المنتدى طبعا الشاطرات اللي ما يبخلونا حتى بحاجة ربي يحفظهم و يعطيهم ما يتمناو ان شاء الله

bellaluna

2014-08-30, 16:37

أوّل نصيحة أن تتعلمي الأطباق الرّئيسية و الثقيلة نوعا ما لا تشتتي نفسك بين الحلويات و العصائر و غيرها أبدا "بالرّسمي" مثال : الكسكسي،المقرونة و العجائن، الشربة..و متى تمكّنت تعلّمي بعض الحلويات البسيطة.
بالتوفيق و حاولي عديد المرات و لا تيأسي إن أخطأت المرّات الأولى،فلابدّ من التجربة :)

ilhem1996

2014-08-30, 18:00

بالتوفيق انشااله

سارة نورر

2014-08-31, 13:04

انا.ثاني.حابة.نتعلم.ونولي.نطيب.مليح.لي.عندها.خبرة. توريلنا.رانا.مبتدئات

ام حمزة22

2014-08-31, 15:12

سلام
الخطوة الاولى راكي درتيها
الارادة في تعلم الطبخ تخليك تحبي الطبخ
لازم تحبي تطبخي من قلبك
انا تان ما كنتش نعرف نطبخ وقبل ما نتزوج عمري ما حضرت اطباف بصح كنت نحب نحضير الحلويات مثل الموسكوتشو اسهل حلوة
انا تزوجت صغيرة ما جبتش الباك زوجوني اهلي اهل زوجي ضحكو عليا وكيما قالت ام عمر درت القلب وليت نطيب في الاعراس
بالتوفيق لكل وحدة تحب تتعلم الطبخ
ما كانش لي زاد معلم

amor.chibout

2014-08-31, 16:31

السلام عليكم ورحمة الله وبركاته
من أسرار نجاح الطبخة حب الطياب وكل طبخة أعطيلها وقتها .عمرك ماتفكري في السرعة بل فكري في الاتقان
إذا إستعملتي الدجاج نضفيه ثم انقعيه في الملح والقليل من الخل لمدة 10 دقائق ثم أغسليه جيدا واعمليلو التوابل حسب الاكلة
حاولي كمبتدئة كل حاجة ديريلها معيارها ..الملح دوما كيليه بنفس الملعقة .

amor.chibout

2014-08-31, 17:15

السلام عليكم ورحمة الله وبركاته
نحن في الشرق أغلب الاكلات نقوم بعملية التقلية لاأعلم ما إسمها عندكم .مثلا شربة الفريك نحضر اللحم أو الدجاج منقيين ، نرحي البصل الثوم ، الملح الكسبر 2ملاعق زيت في قدرة على نار قليلة مع التحريك من حين لآخر حوالي 15دقيقة هذه هي عملية التقلية
إن شاء الله سأكتب لكن المزيد .
أنا لم أعطي الوصفة لقد أدرجت مثالا فقط حتى أوصل الفكرة .

SaRoo

2014-08-31, 17:42

شكرا للأخت اللى كتبتب الموضوع ولكل البنات اللى عطاو نصائحهم

SaRoo

2014-08-31, 17:43

انا ماما كانت تقولى جامى شفت وصفة في كتاب ةة كنت نشوف كيف يحضر و نديرو وحدى :(

lovely n

2014-09-01, 22:00

baraka allaho fikom

إلهام07

2014-09-02, 12:18

أولا : باش تنجحي لازم تكوي تحبي المطبخ ماشي فقط حابة تتعلمي لأنو وحدة عايراتك ولا طيب خير منك ولا ضحكو عليك لازم من صميم قلبك تكوني تحبي الطبخ
ثانيا : هذي أهم حاجة في كل النصائح " العزيمة والاإرادة" أكيد في رحلة التعلم يجيو مرات بزاف وين تفسدلك ماتنجحيش في وصفة ولا يضحكو عليك ............ هنا ممكن تيأسي وتقولي مستحيل نتعلم وتبقاي كيما راكي أو ديري كيما أنا ( راسي يابس كي الحجرة :D ) تخشني راسك وتبحثي عن أسباب فشلك ( سقسينا هنا نعاونوك هكذا ندير أنا ) وتحاولي مجددا حتى تنجحي
ثالثا: أبداي بالساهل والأساسيات وأمشي بالشوية إلى الصعب لأنو لو تبداي بحاجة صعبة وماتنجحش رايحة تياسي من الأول وتستسلمي بصح كي تكون حاجة ساهلة وتنجحلك ترفع معنوياتك وتصري أنك تتعلمي المزيد ( هذا سري أناشششششششششش بيناتنا برك :rolleyes:)
رابعا: كي تخيري واش طبقي مثلا نقولو جينواز ......... ماتهزيش اي وصفة وطبقي اولا أقراي الردود في الموضوع إذا كاين اللي جربها ونجح فيا وأسألينا على احسن وصفة والأسرار باش ماديريش أخطاء ...انا ديما ندير بحث ونسقسي العضوات في قسم واش طيبتي اليوم على ادق التفاصيل ونبحث عدة أيام في عمي قوقل باش نعرف مليح كيفاش نطيب والوقت وكل النصائح باش نطبق وانا واثقة من نفسي :cool: وكي نكمل نكتب الأخطاء أو النصائح اللي لازم نتفكرها مع الوصفة باش مانغلطش مرة أخرى ونعدل النقائص نتاعي ;)

أي مساعدة راني مستعدة أختي صدقيني تبان في الاول جبل بمجرد ما طبقي وصفة وحدة وتنجحي رايحة تبانلك ولا اسهل
راني معاك خطوة بخطوة في أي وصفة سقسيني بإذن الله نعاونك :mh31::mh31::mh31:
كامل دخلنا مانعرفوش وفي طرف شهور رجعنا والحمد لله شافات وهذا بفضل الله ثم مساعدة الأخوات اللي مابخلوناش ولازم ضرك دورنا حنا مانبخلوش :):):)

تحياتي :mh31::mh31::mh31:

nina nanoucha

2014-09-02, 18:20

اخت تاعي تاني كيفك و درك الحمد لله تعلمت و هذا رمضان زيختنا الله يخلف على الفحلات الشاطرات تاع هاذ المنتدى وانا تاني راني هنا باه نتعلم الله يوفقنا انشاء الله

nina nanoucha

2014-09-02, 18:23

كلامك عسل حبيبتي انشاء الله نستفادو من بعضانا

lovely n

2014-09-03, 01:08

إلهام07
وصلتي رسالتك لم استطع الرد لان عدد مشاركاتي قليل جدا
بارك الله فيك اكيد ساعمل بنصائحك

angel_forever

2014-09-03, 13:51

مساء الخير عليكم لبنات
كيما قالولك لبنات لازمك تحبي الطبخ وتاني متهابيش منو يعني كي تدخلي للكوزينة تكوني واثقة من روحك
أولا لازمك تتعلمي اسرار الطبخ وتعرفي تاني أنواع الاكل والتوابل اللي تليق بيها وتعرفي تاني أسماء التوابل على الأقل الضرورية وتوالفيها وتعودي من ريحتها تميزيها مثلا القرفة الكمون الكروية ....الخ
وتاني حاجة حاولي انك تعتمدي على ذاكرتك في الطبخ ماشي أي حاجة تجي طيبيها لازم قدامك ورقة لالا هذا يكون المرة الأولى فقط ومن بعد اعتمدي على ذاكرتك
ابداي بالشي الخفيف مثلا نهار طيبي مقلي كاااامل بطاطا جريوات فلفل بيض طماطم وحاذري على الزيت هههههههههههههههههه
ونهار جربي حاجة حلوة مثلا كيكة الياؤورت لانو مفيهاش مقادير برشا
وحتى كي تفسدلك الحاجة مرة متقلقيش عاودي التانية والثالثة اكيد راح تصيبلك والحمد لله المنتدى راو فيه الخيرات السبعة كل مرة خيري حاجة وحاولي طبقيها لانو البنات راهم يحطو في المواضيع مع صور وشرح كامل
وبالتوفيق ان شاء الله

mounia5

2014-09-03, 19:00

salam
http://www.djelfa.info/vb/showthread.php?t=1662404

**سارة**

2014-09-06, 18:52

لازم تحبي الشي الي ديريه باش تنجحلك الحاجة ، حبي الطبخ وابداي جربي في الوصفات اللي رهم فالمنتدى و بالشوية تولي الله الله فحلة