عينت بمنطقة بعيدة عني ما العمل [الأرشيف] - منتديات الجلفة لكل الجزائريين و العرب

مشاهدة النسخة كاملة : عينت بمنطقة بعيدة عني ما العمل

زينوبة ام سامي

2014-08-30, 09:34

سلام انا ناجحة في مسابقة توظيف الاساتذة و لقد استلمت تعييني يوم الخميس و المفاجاة ان المنطقة بعيدة عني مع قلة المواصلات يعني باش نلحق على 8.00 لازم نخرج من الدار على 6.00 افيدوني ماالعمل مع العلم اني متزوجة و ام لطفل

تهاليل

2014-08-30, 10:19

وعليكم السلام أختي معلابليش انا تانيك كيفك نخرج على 6 نتع صباح بصح أنت فرق مسوؤلية ولد بزاف عليك صراحة بصح كي تدخلي شوفي مع المدير يعاونك في توقيت سواء تبكري صباح وتخرجي بكري ولا العكس ماتبكريش وتخرجي روطار عشية

انا سمعت كون تخرج الحركة في سبتمبر وتلقاي مكان قريب ليك صمطي في المديرية باه يعطولك يعني ماتضربيش النح وصي شكون يعرف والله يسهلك وإن شاء الله يدخلو لي يفيدوك أختي

وكاين أخوات نعرفهم تفاهمو مع طاكسيور يديهم هو بنات وطاحو في مكان بعيد مع بعض رغم اني نكره فكرة نركب في طاكسي صراحة مانديرهاش غير باه نقولك برك

يلا مالقيتي عليها وين استقيلي وتخلاي عن المنصب خصوصا لو مالقيتي شكون يعتني بابنك هو الصح صراحة لو في مكانك والعام الجاي عاودي اجتازي المسابقة

bilel07

2014-08-30, 10:33

بلاك كيان الرجال في القائمة الاحتياطية لي يقدر يبات برا

صرخة ألم

2014-08-30, 10:37

دوريها مالادي حتى يفوت العام و ديري التماس و حاولي تبدلي

youcef ha

2014-08-30, 12:21

دوريها مالادي حتى يفوت العام و ديري التماس و حاولي تبدلي

مالادي ياك ؟؟؟ خسارة البلاد ......... كاين رجال راهم مستعدين يباتو برا على جال الخدمة

HAKIM HA

2014-08-30, 13:58

شوفي على كاش وحدا يعمل قريب من مسكنك يبدل ليك و حكي له امورك بلاك يحن قلبه و يبدل لك

bouhafer

2014-08-30, 14:36

diri permation m3a kach wahda wala wahd ykon krib

meriemn19

2014-08-30, 14:44

rou7i l l'académie yweriwlek te3yinet te3 les établissements li 9rab lik après rou7i tfahmi m3a kech wahed tsa3dou leplaça li raki fiha, cette histoire srat m3a wahda khadmet m3aya l'année passée w bedlet dans une semaine normal, rabi ywefek

أبحث عن النجاح

2014-08-30, 15:54

السـلام عليكم
مبروك المنصب
ولكن اعتقد ان هذه الامور معروفة يعني كي تربحي بمنصب احتمال العمل بعيد
ان لم تجدي تبديـل فلابد من اكتمال ثلاث سنوات حتى تشاركي في الحركة
المرأة اختارت تحدي العمل ولهذا وجب عليها هي الاخرى ان تواجهي تحديات العمل

ام محمد اصيل

2014-08-30, 16:58

عن تجربة اختي انا حاصلة على شهادة الليسانس حقوق وليس لدي الحق في المشاركة في مسابقة الاساتذة فاجتزت مسابقة مساعدي التربية ونجحت وعينوني في منطقة جد بعيدة فاحسست انه عقاب لي وخصوصا كان لدي طفل انذاك يبلغ من العمر سنتين وفعلا عانيت الامرين من الخروج باكرا جدا خصوصا في الشتاء وقضيت هناك ثلاث سنوات ونصف والحمد لله الان شاركت في الحركة وعينت في مكان اقرب لكن بالنسبة لسلك التدريس يكون الوضع مختلف قليلا وممكن يكون عندك يوم كامل ما تخدميش فيه وممكن تكون عندك ساعات فراغ تقدمي فيها ساعات التدريس باش تكملي بكري وتروحي ولكن النقطة الاهم هي ابنك اذا عندك اللي يشدهولك اتكلي على ربي واذا لا ما تغامريش بيه تخليه عند ناس ما تعرفيهمش والخير فيما اختاره الله لك صلي ركعتين استخارة وبالتوفيق.

سعيد كرم

2014-08-30, 20:04

عادي تخلي عن المنصب لمن يستحقه و يتحمل

زينوبة ام سامي

2014-08-30, 20:40

شكرا الى كل من شارك و اعطى رايو ارجو منكم الدعاء ثم الدعاء

zina13

2014-08-30, 22:18

مامعنى التماس

laid25

2014-08-31, 06:39

ناس بكري قالوا الي بكر بكري يقظي حاجتوا كنت اقطع 70كم كل يوم لمدة 3سنوات واتنقل من حافلة الى اخرى واصل قبل سكان المنطقة

lotfi1987

2014-08-31, 09:25

éééééé oui

mouloudfan

2014-08-31, 09:54

يأختي أصبري وخلاص

فوفو ماستر

2014-08-31, 10:10

السلام شوفي اختي كي تدخلي نهار الثلاثاء تتلاقي باساتادات كيما نتي يقولولك كيراهم يديرو بالاك تروحو مع بعض و ادا لا قولي لزوجك يكريلك سيارة اجرة و تخلصوها بالشهر و العام يفوت بالسرعة ومن بعد بدلي و نوصيك بالاكي تتخلي على المنصب الله يسهلك و سهليها تسهال و فرحي وحمدي ربي على النعمة

mouloudbida

2014-08-31, 10:29

ياك حابا تخدمي تحملي مسؤوليتك .,,,,,, ماكانش فرق بينكم وبين الرجال

والله اوجات بيدي غير نبعدكم قدما قدرت ,,,,,,, الله لا يتربحكوم اديتوا المناصب وخليتوا الرجال بطالين ,,,,,,,
ياك تحوسوا على المساواة ...

rachidsystem34

2014-08-31, 17:00

yacine collo

2014-09-01, 13:45

السلام عليكم .....انا رجل ولقد جربت العمل بعيدا عن المنزل ...انها معاناة حقيقية ....رغم انني لست متزوج فما بالك بامرأة متزوجة والله نصيحة لوجه الله أتبعي قول الله عز وجل :((وقرن في بيوتكن ولا تبرجن تبرج الجاهلية الاولى )) تسعدي في دنياك وأخراك . خصوصا اذا كان زوجك عاملا ويصرف عليك ...فوالله لن تسعدك تلك الدراهم وستهملين زوجك وتضيعين تربية ابنائك .... نصيحة لوجه الله

torki

2014-09-01, 14:07

وشكون لي قالك شاركي ف المسابقة من النهار الاول

m_sport

2014-09-01, 14:18

المهم التعيين