قلبي رح يخرج

[كاميلا]

الاسبوع اللي فات كان زواج اختي تخلل الزواج بضعة مناوشات تافهة مثلا في موكب العرس قال صاحب العريس نكاتم لم يعجب خالي وحدث بيناتهم تصادم
وكي وصلنا حدث تصادم مع ام العريس و امي
بعد كل هدا كي هدرنا مع اختي قالت انه عجوزتها تهددها بالطلاق هادوا النساب مش من ولايتنا عزابيين من عزابة
والان اختي مش حابة يجيو والديا يشوفوها وكي نعيطولها هاتفها مش في يدها ساعة في يد سلفتها ساعة في بلاصة اخرى والعريس كي يعيطلوا بابا ميرفدش عليه
مفهمناش واش اللي راه صاري غدوا راح يروحولهم الرجال للدار يشوفوا واش صاري
رانب حاسة مخي رح ينفجر كيغاش هاتفها مترفدوش ويسمعولها واش تهدر وهي مش حابتنا نجيو
واش راه صاريلها يا ربي مش قادرة نصبر لغدوة ومش قادرة نتصور تصورات

[أم احمد3]

متروحوش ....حتى تهدا النفوس
اصبروا لعله خير احسن من ان تذهبوا فيتم الطلاق او شيء اخر


اجعلوها سحابة ممطرة عابرة فقط............

[تراتيـل صبــح]

ربي يقدر الخير أختي كاميلا

[كاميلا]

راني مش قادرة نفهم ونستوعب قولولي واش قادر يكون صرا بالاك ضربها بالاك حبسوها كيفاش كتردش وهوما يردوا علينا

[بنت لبحر]

لا حول و لا قوة الا بالله العلي العظيم



ربي يجيب الخير

'' ربي يسمعكم سموع الخير ان شاء الله ما يكون غير الخير

[مناع]

لا بأس اذا راحوالرجال ممكن يتوصلو لحل
لكن النساء انصح بعدم الذهاب ممكن تحدث مناوشات

[فاطمة الزهراء.]

طمنينا يا اختي واش صرا؟؟؟؟؟؟

[" أبو عبود"]

اتقي الله ما صرا والو. اختك مش حابو عرسها سفد وهي مزال في الحنة لانها عارفتكم رايحين يدروا مشكلة خصوصا اذا باباك او خواتك عصبيين. لهذا ما حبتش تجوها حتى تهدا النفوس. الاعراس دائما كيما هاك. امس كنت في عرس ابن خالي. زوجة خالي لم تعر اي اهتمام لامي مع ان امي هي اكبر اخوات زوجها كما لم تعري اي اهتمام لسلفتها التي هي اكبر منها ولا لزوجة عمي التي اقرضتها مبلغ مالي لكي تعرس. المهم الكل زعفان وكل واحد في شوكة.
اطمئني اكت كاميلا مكان غير الخير وما ديرش الوساوس في راسك. ارقدي واطمئني.

[جمعي البشاري]

لا حول و لا قوة الا بالله العلي العظيم



ربي يجيب الخير

[كاميلا]

طمنينا يا اختي واش صرا؟؟؟؟؟؟

انقلبت اختي اصبحت تكرهنا كرهت امها واهلها وراجلها شرط والديها على مشكل لم يحدث فيه لا سب ولا ضرب ولا شيء

[مناع]

انقلبت اختي اصبحت تكرهنا كرهت امها واهلها وراجلها شرط والديها على مشكل لم يحدث فيه لا سب ولا ضرب ولا شيء

في بالي خرمطولها كاش حجاب نهار اللي وصلت قري قري داير حالة تم ههههه
معليش المهم تكون مليحة مع راجلها هذا هو الصح

[hodayena]

انقلبت اختي اصبحت تكرهنا كرهت امها واهلها وراجلها شرط والديها على مشكل لم يحدث فيه لا سب ولا ضرب ولا شيء

اختي كاميلا ادولها راقي وارقو اختكم راهي عروسة جديدة الخوف عليها اختى

[بيان 5]

ما يكون غير الخير ان شاء الله

[dalal 28]

ما تكبروش المشكل اختي كاميلا مع الوقت تهدا النفوس
ونقلك دائمااا الاعراس هكذا البارح رحت لعرس ايصا
اخت العروس قلبت الدنيا والسبب تافه وهو ان اهل العريس
تاخروا ما داوش الحنة لانهم انشغلوا مع ذبح الاكباش
كان الموعد بعد الظهر وتاخروا حتى 2 ونص
شفتي اسباب تافهة تقوم القيامة يعني كبروا قلوبكم
المهم تكون اختك مرتاحة ما يعاملوها مليح

[" أبو عبود"]

واش هذا الكلام الفارغ. لا سحر ولا هم يحزنون . هي تريد ان يمر عرسها على خير ولا تريد ان تكون اضحكوة او ان تصبح تلوكها الالسن دعوها ترتاح وبعد ايام سوف تكون الامرو على ما يرام. اختي كاميلا لا تكبري الموضوع اختك لا بأس عليها وسف ترين ان كل ما حدث زوبعة في فنجان وان هناك من يذكي الخلافات ويحاول افساد عرسها سواء من اهلك او من اهل زوجها. انت تعرفين مكر النساء.

[تراتيـل صبــح]

طمنينا على أختك كاميلا
ان شاء الله تكون بخير.

[كاميلا]

هدرت معانا في الهتتف قالت منزيدش نسحقكم وعجوزتها قالتنا اخطيوها ومتجيوش وهي راهي مع صف عجوزتها امي من شدة واش صرا طلعتلها الضغط وطلعناها للمستشفى والحمد لله راه لم يتفاقم الوضع وهي في هاديك الحالة هدرت معاها وبهدلتها بهدلت امي
والله العظيم لم يحدث شيء بينا وبينهم مسبيناهم مضربناهم ماوالو قامة القيامة كي مجبنالهمش الشمع اللي حناولها بيهم قالتنا وعلاش مجبتوليش الشمع
والله لا ادري ما العمل انا من البارح لليوم نحس باعصابي اتحرقت كلها وخاصة امي المسكينة

[كاميلا]

دايما تغلط فيا ودارتلي حوايج بزاف عيانين بصح توصل انها تغلط في امي هي وعجوزتها لا

[ام مهدي2010]

ان شاء الله ربي يهدي الانفس

[bellaluna]

دعيها يا كاميلا فرحة بما آتاها و يوم تدور الدّوائر لن تجد من تستنجد به و ستندم على ما اقترفته معكم.

[الجواهر]

اختك ادرى بحالها و مادام قالت لكم لا تاتوا يعني ماتروحوش خلي النفوس تهدأ

[" أبو عبود"]

الموضع يا اختي لا يستحق كل هذا لااضطراب. اتركوها تشبع بالزواج. لا ترفعوا عليها عندما تتصل. لا تذهبوا إليها. تحسسوا منها عن بعيد حتى لا تتعرض للاذى لكن خلوها بعد اسبوع او اسبوعين على الاكثر تجي لعندكم تبكي وتعتذر. راهي تحسب روحها حكمت في ط عروة سدي ربي" على قول العجائز وزيدي راهي ذرية مزال ما تعرفش صوالحها. يطلع عليها النهار وتعرف إذا تحتها فرس أم حمار.

[كاميلا]

ياه يا اخي وشمن درية زصغيرة راهي استادة جامعية انا عن نفسي الله يسهل عليها خفت برك يكونوا ضربوها لكن اتضح راهي دايرة معاهم صحبة غاضتني امي فقط

[life is life]

اختي ربي يشفي امك

نصيحتي ليك قابلي امك هي الصح
و ما تعمريش راسك

و اسمحيلي نقوللكم شي

المشكل فيكم انتم الحنانة المفرطة

صراحة هي طبيعة في الانسان يخاف على اقرب الناس ليه و لكن بالزواج يصير زوجها الاقرب ليها للاسف

يعني تخيلي اختي لو كان كبر الموضوع و عادت اختك للدار بعد العرس .. واش راح يقولو الناس واش راح يصير لاختك و هيا عاد عروسة

و خصوصا اذا كانت كبيرة في السن فهي تخاف على زواجها
و نحن نعرف هذا المجتمع المتخلف جيدا ....

مي و الله ما خدمة تقلق امها و تقف بصف ناس عرفتهم البارح على لي ربوها و علموها ملي زادت حتى كبرت و مدوها عروسة

انا ندعيلكم يا اختي ربي يريح نفوسكم و يهدي بالكم و يثبتكم

ربي يشفي امك و يخلي اختك تتسقم برك هيا يامات برك راها في حياة جديدة عليها و ما عارفة راسها من رجليها

يفوت اسبوع او اثنين و تفيق لعمرها

ما تتقلقيش

و اعتذر على المداخلة اذا ازعجتكم

سلام

[" أبو عبود"]

المشكلة راهي ذرية لانها استاذة جامعية لانها تظن ان شهادتها ومركز عملها يخلوها تحسب الامور بشكل جيد وهذه مشكلة الكثير من الناس يظن في نسفه انه قادر على حل وتحمل اي مشكلة. اختي اصبري عليها ورايحت تشوفي كفاش تنقلب اليكم 180 درجة لان هذه هي البداية فقط.

[mouloudfan]

ربي يهديهم حسبونا الله ونعم الوكيل

[*تسنيم*]

اضن ان اختك ضعيفة الشخصية تريد ارضاء اهل زوجها على حسابكم لكن حطوها في الثقيل وخلييوها للزمن.

[ندى العالم]

احتي كاميليا ربي يصلح الامور
طمنينا اذا هدات الاحوال
يعني المشاكل بدات عندما تكلم خالك مع صديق زوجك
يعني الم يتدخل احد افراد العائلة لفك الشجار و تصفية القلوب من المرة الاولى مثلا زوجة خالك
في انتظار ردك

[تراتيـل صبــح]

اختي كاميلا كثير من المشاكل تبدأ صغيرة بسبب قصر تفكير النساء
اختك أظنها شعرت بالاحراج بسبب الشموع التي لم تحضر وشعرت انكم أهملتم الأمر
وكثير ما ينسى اهل العروس أشياء رغم كل التجهيزات والوقت والجهد المبذول لذلك
أختي من الواضح ان اختك من النوع المتطلب اي تحب حاجتها تكون على اتم ما يكون وتحب المظاهر كذلك
واكيد انها سمعت كلام في بيت زوجها فزاد الطين بلة ولا تنسوا أنها عروس نفسيتها غير مستقرة
اي كلام يديها ويجيبها لكن انا ضد اساءتها لأمها لكن من الواضح متعودين كلامها يمشي عليها تعودت
العمل الآن هو أنكم تتركوها في بيت زوجها اليوم راهي جديدة ومبعد تبدأ الحياة العملية وسترى
ستشتاق لنظرة منكم وكلمة منكم
برأيي ه تزوجت واتهنيتوا عليها وحرقتو أعصابكم باطل
اتهلاي في أمك وركزوا تفكيركم في أنفسكم حاليا
وأختك تحتاج لدرس ستتعلمه من الحياة
وملاحظة اختي كاميلا ماتخليش هاذ الموقف يكون سبب لمدخل الشيطان
أختك هي أختك ومهما أساءت لك أنت سامحتيها قبل
لا تتركي الشيطان يعيد اليك هذه المشاكل ليفرق بينكما
بعد الوالدين _ ربي يحفظهم لكم_ يبقى لنا الاخوة
ومهما حصل تبقى اختك
طيبي خاطر الوالدة بكلامك وحاولي التخفيف عنها وأنا أعرفك صاحبة عقل رزين ما شاء الله
بعض الوقت فقط وستعود المياه لمجاريها،دعوها للوقت كاميلا.

[اغادير]

نقلك العروس في الاول ديما هكدا لاهي طايقة روحها ولاهي طيقة عيلتها ولاعيلة راجلها.......... استنوا عليها فترة دورك ترجع الامور لطبيعتها

[محمد...عبد النور]

السلام عليكم أختي الفاضلة كاميلا
أتمنى ان تكون أختي بتمام الصحة و العافية
لا تكن اعصابك و راحة بالك حطبا لمحرقة المشاكل ....فالدنيا نرى فيها الكثير من الامور ....فنرى العجب العجاب و ربما من أقرب قريب و قد يكون أخا عزيزا او اختا شقيقة .....و لكن في زماننا لابد ان نضع في الحسبان انقلاب القريب و الخِل ...لاننا نرى تبدل الاخلاق و قلة الحياء و اعجاب كل ذي رأي برأيه ...فربما من اشفقنا عليه و رحمنا ضعفه و رضينا مواساته و لو على حساب انفسنا ما يلبث ان ينقلب علينا و يكفر بكل ما فعلناه لاجله .......لذا كان لازما ان نتريث قليلا الى ان تخف الامور و تنقص حدتها ......فكفى بالانسان جهلا ان يكره والديه .....الوالدين هما الرحمة المهداة من الله الكريم فوالله و ان فعلا ما فعلا يبقيان والدين ...فما بالنا بمن يحب لنا الخير و يسعى لنا في كل صغير و كبير بالخير بكل ما أوتي من قوة

اما أختك ....فستبقى أختك و ان فعلت ما فعلت .....فقط اصبروا عليها فهي لا تدرِ نوع الارض التي تقف عليها ......ظنت انها في الارض الصلبى التي لا تزول او تهتز و لكن و الله لو كانت عاقلة و ذات فكر عميق لعرفت الامور .....الا اني استثني امرا واحدا كثر في وقتنا و هي ان تكون مسحورة و الله اعلم فالسحر يغير الشخص بين عشية و ضحاها .......اما خطؤها هو عدم تقدير المخاطر و وقوفها في صف ام زوجها و رفضها اهلها جملة و تفصيلها و لو تفكرت في مجتمعنا لرأت ان الحروب التي تهدم البيوت مسبباتها عدم الانسجام بين الكنة و ام الزوج ....و هي انما فضلت العدو على الصديق
فقط اتمنى ان لا تحدث لها مشاكل مع ام زوجها كي لا يحدث لها صدمة ....رغم ان الامر غير مستبعد و هو حال كل الزوجات
اما انتم فتريثوا قليلا و دعوا الامور تسير .....و لتكوني احلم الناس و صبِّري امك و قولي لها ....المهم تكون بخير و حاولي تطييب خاطرها ....فالايام و ان طالت ستُري اختك خطأ ما فعلت و سوء الخطوة التي اقدمت عليها خاصة و ان ام الزوج انما فصلتكم عنها بذكاء و حقارة ....لتنفرد بها و تكويها كيًّأ لتعرف اختك فداحة ما جنت يداها
انا أوصيكِ اختي الفاضلة .....حتى و ان اخطأت أختك فتوقعي انها عن قريب ستطلب السماح فكونوا خير مسامح.... و قبل ذلك .......طَوْلُوا بالكم عليها ...فهي تقطع في الغصن لي راكبة عليه......و عما قليل ستعرف
ايضا اختي الكريمة ......اوصيك ان يكون صدرك يسع المشاكل فدائما نحن نسأل الله العافية و لكن ان جاءت المشاكل لَزِمَنا ان نتحلى بالصبر و توسعة الصدر فالغضب و كثرة التخمام يضر كثيرا ....و ليس لنا خير من حسن اللُجْئ الى الله تعالى و دعائه بأن يفرج عنا الهموم و يكفينا كل شيئ
بارك الله فيك و اقر الله عينيك بما تحبين
ســـــــــــــــــــــــــــــلام