اليالي البيضاء

[mimi-2014]

السلام عليكم
شفت البعض من الاعضاء متحمس لليالي البيضاء من بداية العام رايحة نسقسيكم وكونو صرحاء مع انفسكم كي يكون عندكم عرس وتقعدو حتى ل 4 صباحا
الغدوة وقتاش تنوضو لي يبكر فيكم ينوض 10 وينوض مكسر فالافضل ترقد 10 وتنوض 5 ولا 4 وتبقى في نشاطك كل اليوم
حاجة اخرى العرس يكون فيه رقص و غناء و العائلة او اصدقاء متحسش بالوقت تخيل 2 صباحا نت والدفتر مهما تقرى متستوعبش المخ يتعب
انا صراحة جربتها في ماي قعدت حتى 3 تاع صباح نحل في تمارين العلوم و منضش حتى 11 يعني كان الاحسن نبكر
اخواني عندكم عام طويل اسغلو وقتكم ومتزيدوش على روحكم لبديتو السهر من بداية العام ريحين تفشلو و تكرهو واذا ضغطتو على نفسكم في حل اكبر عدد من التمارين فذالك بدون فائدة لان تحل تمرين واحد وتفهمه احسن من 5 وتنساهم ولا تسمعو لاصدقائكم اعز صديق يولي في هاذ العام عدو
كاين لي يقول انا قريت وحفظت وهو محفظ والو باش يقلقك وتحس روحك مقريت والو تضغط على نفسك او بالعكس يقولك مزال الوقت حتى مارس ونحفظ ننسى اعرف بلي راه يفشل فيك وخير الامور اوسطها
حاجة اخرى وقعت فيها اذا سمعت بلي كاين بروف مليح في القسم لي متقراش فيه بدل متضيعوش روحكم انا كانت عندي صديقة على جالها مبدلتش وقريت عند استاذة فيزياء اقل ما يقال عنها كارثة عندها تحس روحك في مادة حسن خطك حتى تمارين منحلوهمش كيف ناس
ربي يوفقكم لانه عام مصيري

[محمد زيدان/التوبة]

........................................معك حق

[mimi-2014]

الليل سكون والسكون راحة

[~~يسرى~~]

بالنسبة لي لا احبذ السهر ،، و لم اسهر يوما لهذه الاوقات المتاخرة

~~ انا انهض على الساعة 2 لانني اكون في كامل نشاطي

مجرد راي ~ تقبلي مروري

[Just.Girl~]

مرحبـأً
حقيـقة .....هاديـ انا الليالي البيضاء كنت الـجأ لـها عندما اهمل المراجعة وتتراكم عليـا الدروس والتماريــــنْ الاعوام الفارطة
لكننيـ هدا العام اود تجنب السهو عن الدراسة والاهمـال والبدا مع العام الدراسيـ بدون ايـ تاخر بسيط عن البرنامج
^^

[*ذُكاءْ*]

شكرًا على النصائح الجميلة أختاه
إن شاء الله في ميزان حسناتك

[fatima bennaoum]

انا معك و اوافقك و حتى انا مانحبش نسهر بصح خطراتش نتقلق من هاذي المقولة " من طلب العلا سهر الليالي "

[سلفاد]

والله في عادتي اسهر للثانية عشر ليلا واستيقظ مع السابعة صباحا والان لااعرف كيف سيكون برنامجي انا في حيرة من امري

[mimi-2014]

بالنسبة لي لا احبذ السهر ،، و لم اسهر يوما لهذه الاوقات المتاخرة

~~ انا انهض على الساعة 2 لانني اكون في كامل نشاطي

مجرد راي ~ تقبلي مروري

اختي 2 تكوني في كامل نشاطك حقا لكن في الفترة المسائية ويكون عندك رياضيات كيفاش تكوني + كي تخرجي على 5 تراجعي دروسك ولا تنامي
الافضل 4 صباحا رايحة تتعبي هكذا متقدريش تكملي العام
بالتوفيق لكي اختي

[mimi-2014]

مرحبـأً
حقيـقة .....هاديـ انا الليالي البيضاء كنت الـجأ لـها عندما اهمل المراجعة وتتراكم عليـا الدروس والتماريــــنْ الاعوام الفارطة
لكننيـ هدا العام اود تجنب السهو عن الدراسة والاهمـال والبدا مع العام الدراسيـ بدون ايـ تاخر بسيط عن البرنامج
^^

اختي لم اقول تجنبيه لكن اسهري حتى 11 الاحسن 10 في الشتاء ونهوض باكرا + متخليش الدروس تتراكم عليكي حاولي تكوني مع البرنامج لا تتقدمي ولا تتاخري موفقة :)

[mimi-2014]

شكرًا على النصائح الجميلة أختاه
إن شاء الله في ميزان حسناتك

العفو اختي وفقكي الله

[~~يسرى~~]

اختي 2 تكوني في كامل نشاطك حقا لكن في الفترة المسائية ويكون عندك رياضيات كيفاش تكوني + كي تخرجي على 5 تراجعي دروسك ولا تنامي
الافضل 4 صباحا رايحة تتعبي هكذا متقدريش تكملي العام
بالتوفيق لكي اختي

ههههههــ ،، في اغلب الاحيان انهض على 4 او 5

اما النهوض على 2 فهو للمراجعات الطارئة :1: نهار نقرا نص نهار و الا عندي ساعتين عشية :19:

مشكوورة على النصائح اختي ~

[mimi-2014]

انا معك و اوافقك و حتى انا مانحبش نسهر بصح خطراتش نتقلق من هاذي المقولة " من طلب العلا سهر الليالي "

سهر الليالي مش صبح الحالي ههه يعني يقرى حتى 10 .11 مش 5 صباحا ويرقد قاع النهار :19:

[mimi-2014]

والله في عادتي اسهر للثانية عشر ليلا واستيقظ مع السابعة صباحا والان لااعرف كيف سيكون برنامجي انا في حيرة من امري

اختي من الافضل ترقدي على 10 وتنوضي ال5 ساعات نومكي هي هي لكن صباح باكرا اجعليه للحفظ او تحضير درس علوم
اختي دي قرارك في بداية العام باش توالفي البرنامج تاعك

[mimi-2014]

ههههههــ ،، في اغلب الاحيان انهض على 4 او 5

اما النهوض على 2 فهو للمراجعات الطارئة :1: نهار نقرا نص نهار و الا عندي ساعتين عشية :19:

مشكوورة على النصائح اختي ~

الباك مفيهش مراجعات طارئة لازمك تقري كل يوم وتكوني مع البرنامج ومتديريش على الفروض والاختبارات صح تختبري نفسك بصح لمكنتيش واجدة متقريش كل شي في هذيك الليلة لانو تخدمي في الفرض وتنسي ممبعد
العفو اختي

[~~يسرى~~]

الباك مفيهش مراجعات طارئة لازمك تقري كل يوم وتكوني مع البرنامج ومتديريش على الفروض والاختبارات صح تختبري نفسك بصح لمكنتيش واجدة متقريش كل شي في هذيك الليلة لانو تخدمي في الفرض وتنسي ممبعد
العفو اختي

لا اقصد بالمراجعات الطارئة ، ما فاهمة والو و نجبد نراجع على 2 ، انا لا اترك الدروس لليلة العاصفة ، يعني قبل الفرض باسبوع نكون واجدة

قصدت ، نظرة شاملة على الكراس او الكتاب قبل الفرض :rolleyes:

بارك الله فيك

[imen03]

انت على حق

[sweet mira]

jes suis contre ça car les conséquences sont choquantes
la fatigue va nous menacer et le surmenage

[ميمي سمية]

معك حق اختي ... لكن انا من المتحمسين لليالي البيضاء صرااحة


كيما قلتي نتي .. راح تكون كيما نهار العرس .... العرس يجي مرة في الفال :1: ولذلك .. حتى الليلة البيضاء راح نديروها مرة في الفال

++++++++++


نعم التعب بزاااااااف ماهوشي ملييح كيما قلتي ...لكن اتذكر مرة في الاهلية سهرت حتى 3 واستيقظت على 6 صباحا ... كان لدي فرض في الفيزياء ... لم استطع التركيز فتحصلت على 17 بدل 20 رغم انها كانت سهلة وهذا بسبب النعاس

لكن بعدها في الامتحان لم اراجع شيئا ... ظنا مني ان مراجعتي ستكون بلا فائدة كالفرض

واذا بي اخذالعلامة كاملة 60/60 وكذلك الوحيدة في القسم التي تحصلت على هذه النقطة :1:

لذلك اختي ..... لا ضرر في تجربة ليلة بيضاء مرة او مرتين في العام ... شرط ان لا يكون ذلك اليوم فيه فرض او امتحان ... لانها ستنفعنا فيما بعد


تقبلي تحياتي وارائي ^ــ^

[زهرة الخريف14]

شكرا يا اختي ميمي اشكرك جزيل الشكر و الله انت على حق في كل ما قلت لان الكثير من الامور التي ذكرتيها عشتها قبل عام البكالوريا خاصة موضوع الاصدقاء و الاساتذة بوركت يا عزيزتي

[ميمي سمية]

شكرا يا اختي ميمي اشكرك جزيل الشكر و الله انت على حق في كل ما قلت لان الكثير من الامور التي ذكرتيها عشتها قبل عام البكالوريا خاصة موضوع الاصدقاء و الاساتذة بوركت يا عزيزتي

لم افعل شيئا اختي ......... وفقك الله :)

[~طَـــمُـــوحْ~]

برنامجي يبدا عند السادسة وسنتهي عند العاشرة


انام لارتاح ثم انهض 04.30 لاباشر العمل والاجتهااد


بوركتم على الطرح المتميز خاصة طريقة الالقاء

[samarsamsam]

بارك الله فيكي أختااه ..
بالنسبة لي فأنا لم أتجاوز يوما عتبةة ال 10.00 ليلا و في المقابل أنهض تقريبا على الساعة 04.00 أو 05.00 ههه و الحمد لله مقتنع'ة بمستواي و لا أفكر في كسر القاعدة بتاتا و الله المستعان ..
×شكرااا مرة أخرى على الطرح المميز

[ماريا كلارا]

بالنسبة لي افضل اليالي البيضاء و اجد فيها راحتي :o يعني خواتاتي كل يرقدو الهدوء 100/100:D و التركيز يزيد حتى تحسي روحك في ساعة واحدة خدمتي ضعف العمل و قد اعتمدت عليها العام الماضي في مادة الرياضيات اسهر لاحل التمارين حتى يجي الصصباح نرقد ساعة و نروح الامتحان و دائما كانت نقاطي مرتفعة

[miss_sunshine]

اوافقك الرأي اختك
انا جربتها عام لفات و مخرجتش عليا لقيت روحي
نتعب ياسر و صباح انهض تعبانة و راسي ح ينفجر :p
و فوق هذا كامل نلقى روحي نسيت واش قريت و كانني مدرت والو
نصيحة من اخت معيدة باك و هذي كانت ممكن احد اخطائي لاني كنت نعتمد على سهر يعني
نرقد 2 و نروح 7 نقرا .. بعدوا على سهر و يا سيدي كاين نهار كامل تقدروا تقراو فيه
بالنسبة ليا هذا العام برنامجي يكون من 6 عشية نبدا نقرا لـ 10لا اكثر
و صباح للحفظ ان شاء لله :)

[xandria]

t'as raison

[♡ نور♡]

بالنسبة لي ليس لدي مشكلة مع السهر او النهوض باكرااا :d
احيانا اسهر ل 3 صباحا و احيانا استيقظ عندها
كل ما يلزمني فقط كوب كبير من القهوة ...
و اكون عندها بكامل نشاطي الدهني ...و قمة التركيز
فانا دائما احبد مراجعة المواد الاساسية في الليل نطراا للهدوء السائد
اما النهار
فاستغله في التحضير للمواد المكملة اي كوبي كولي من الكتاب فقط...
ولكن يوم الخميس بعد عودتي من الدراسة مباشرة انام الى غاية 11 تع نهار الجمعة
واكون بدلك قد اخد قسطا وفيرا من الراحة ثم استانف نشاطي من جديد .....

[Kawaii09]

مشكوووووورة على الموضوع الرائع انا اوافقك الراي و اتمنى التوفيق للجميع
بارك الله فيك و جزاك الف خير

[شخصية نرجسية]

اليالي البيضااااااااااااء حداري منها ثم حداااااااااااااااااااريييييييييييييييي أنا للأسف تراكمت علي الدروس و لجأت لها نسهر مرات حتى 4 صباح عمبالك تتعب يعود مخك ما يستوعبش خلاص من الاحسن كل يوم تقرا مثلا لل10 و تنوض مثلا5