طلب مساعدة [الأرشيف] - منتديات الجلفة لكل الجزائريين و العرب

مشاهدة النسخة كاملة : طلب مساعدة

wassila134

2014-08-29, 14:57

السلام عليكم
اطلب مساعدة منكم في تحظير كسكس بالخضر
الحقيقة واحدة هدرتلي اعليه قاتلي اكليت عند واحدة
واحد طعام جامي اكليتو في حياتي سخفتني فيه
ابغيت انسييه
قاتلي هو طعام بالخضر مي مافيهش لحم
انا نعرف زوج أنواع من طعام واحد بالحليب وبالقديد
وواحد باللحم مي هذا اللي قاتلي اعليه
جامي اكليتو
وشكرا لكم مسبقا

*رحيق الجوري*

2014-08-29, 16:51

نشالله يفيدوك انا احسن طعام كليتو في حياتي في تونس

wassila134

2014-08-30, 10:13

شكرا لك أختي رحيق الجوري
يعني واحدة ماتعرفو؟

ام محمد و ملاك

2014-08-30, 10:38

يا اختي يجي يهبل دوزني البرمة نتاعك عادي و ديري فيه البطاطا الجزر الجريوات الكابية اللفت و كثري الخردل لانو يزيدو بنة هايلة و في الاخير دير فلفل حار يطلق الريحة راه يجي هايل خير من تاع اللحم

wassila134

2014-08-30, 11:01

angel_forever

2014-09-03, 16:28

انا نقلك كيفاش يجي وان شاء الله تجربيه وتنجحي فيه

angel_forever

2014-09-03, 16:41

المقادير
2 حبات بطاطا متوسطة
2 حبات سنارية أي زرودية
2 حبات جريوات أي القرعة
وحبة خردل اختياري
طرف قرعاي اليقطين الا تحبوه
راس بصل كبير
4 سنات ثوم
ملعقة كبيرة ونص طماطم مصيرة
نصف ملعقة هريسة اختياري
ملعقة صغيرة تابل
ملعقة صغيرة كروية
ملعقة صغيرة فلفل احمر
نصف ملعقة فلفل اسود
زيت
ملح
والا كان عندك مكعب جومبو غنم او حتى دجاج
التحضير
أولا تغسلي الخضار نتاعك وتقطعيها على ربعة
في برمة والا كاسرونة سكرفجي البصل موزيديلو مقدار 4 مغارف نتاع زيت وخليه يتقلى على نار قليلة اول ما يذبال حطي فوقو الخضر وخليها هي تتقلى وكل شوي حركيها وخليها على نار هادئة من جيهة أخرى هرسي التوابل مع الثوم ملييييييح
فوق الخضار اللي تتقلى صبي الطماطم والهريسة وحبة الجومبو ومن بعد الثوم المهرس مع الخضار وابقاي قلبي ملييييح امرقيها بحوالي كاس ونص نتاع ماء مغلي وغطي الطنجرة نتاعك وخليها مدة ربع ساهة وهي تتقلى لانو الخضار رايحة تزيد تسيب الماء نتاعها وساعة على ساعة حركيها من تحت للفوق باش متلصقش
بعد ربع ساعة امرقيها بماء غالي وخليها طيب على نار متوسطة اول ما يخثار المرق زيديلو قرن فلفل اخضر وطفي عليه وسقي بيه الكسكسي اللي تكوني مفوراتو مليح وزايدتلو شوي نتاع زبدة والا دهان وتقدري تاني تزيدي معاه حمص طايب وبالصحة والهناااااء
وهذا الكسكس السر نتاعو في تقلية الخضار هي اللي تسيب البنة نتاعها
نتمنى منكونش طولت عليك وافاداتك وصفتي سلااااااااام