زوجة اخي تشتكي .............

[المسالمة]

ما الذي تشتكيه؟
زوجها و هو اخي بالطبع انها تقول انه عصبي و عصبيته لا تحتمل لكن ايجابياته كثيرة لا تعد و لا تحصى
1- ملتزم و هذا ما اعرفه عن اخي ( طيب حنون وفي مخلص) لكنه عصبي
2- يحب اهله (زوجته و ابناؤه و امه و والده و ............)و هذا بشهادة زوجته
3- يساعد والديه ماديا و هذا ما لا ترضاه زوجته
4- يضطر احيانا الى التقصير في حق عائلته الصغيرة و هذا اعتراف منه
5- لا يمنع زوجته من زيارة اهلها و لو لمرتين في الشهر لحكم بعد اهلها (250كم)
6- زوجته عاملة و دخلها جيد و لا يطالبها بشيء منه
7- لا يمنعها من القيام بالواجب مع صديقات العمل ( حنة,زفاف , ختان , تعزية ........)
8- زوجته تعترف انه يقوم بالواجب مع اهلها
9- زوجته تعترف انه لم يسبق له ان ضربها او شتمها او خدشها في كرامتها
10- يشجعها دائما على فعل الخير كفالة ايتام , مساعدة محتاج , الخ
سؤالي لكم هو :
هل يحق لها ان تشتكي من سلبياته القليلة عند اهلها ؟
وهل من نصائح تقدموها للكنة؟ و بارك الله فيكم

[نسائم الهدى]

شوفي اختي

كاين بعض حاجات بين الزوجة و زوجها ما تقدرش تصرح بها قدام الناس

ألور تبدا تعطي اسباب واهية و سخيفة في نظر البعض ولا تستحق الانفعال او الغضب او الشكوى

انا نعرف ناس تطلقو بلا ما يقولو واشي هي السبة

لانهم بكل بساطة ما يقدروش يقولو السبب للناس

شوفي اختي

انا زوجات اخوتي كي يزعفو على خاوتي ما نقولش واش يخصهم لاني علابالي بلي كاين بعض امور بين الازواج ما يقدروش يصرحو بيها

و علابالي بلي كل زوج حتى ابي حتى خاوتي و طبعا اكييييييييييد حتى زوجي فيهم نقائص

ممكن انت ما شفتيش النقائص هدو في خوك

و طبعا انا ما نشوفش كل النقائص في خويا او ابي

و اكيد لوستي ما تشوفش كل النقائص في خوها

تعرفي علاش؟؟؟؟

لانه علاقتنا باخوتنا مهما كانت عميقة تبقى سطحية مقارنة بعلاقة زوجاتهم بهم

لذا الزوجة تعرف اكثر

و انا كي تشتكيلي زوجة اخي نسمعها لاني اعلم بان كل انسان فيه عيب او نقص

و هي من علمني مقولة // كلنا كالقمر لنا جانب مظلم //

اذن نسمعها و من بعد نقوللها // صبر جميل و الله المستعان، واش نقولك يا عمري الصبر يزين ما يشين //

و نصيحتي لكل كنة او زوجة ابتلاها الله هي // الصبر ثم الصبر ثم الصبر و ربي يهدي و يفرج //

سلام

[kamel4444]

ما الذي تشتكيه؟
زوجها و هو اخي بالطبع انها تقول انه عصبي و عصبيته لا تحتمل لكن ايجابياته كثيرة لا تعد و لا تحصى
1- ملتزم و هذا ما اعرفه عن اخي ( طيب حنون وفي مخلص) لكنه عصبي
2- يحب اهله (زوجته و ابناؤه و امه و والده و ............)و هذا بشهادة زوجته
3- يساعد والديه ماديا و هذا ما لا ترضاه زوجته
4- يضطر احيانا الى التقصير في حق عائلته الصغيرة و هذا اعتراف منه
5- لا يمنع زوجته من زيارة اهلها و لو لمرتين في الشهر لحكم بعد اهلها (250كم)
6- زوجته عاملة و دخلها جيد و لا يطالبها بشيء منه
7- لا يمنعها من القيام بالواجب مع صديقات العمل ( حنة,زفاف , ختان , تعزية ........)
8- زوجته تعترف انه يقوم بالواجب مع اهلها
9- زوجته تعترف انه لم يسبق له ان ضربها او شتمها او خدشها في كرامتها
10- يشجعها دائما على فعل الخير كفالة ايتام , مساعدة محتاج , الخ
سؤالي لكم هو :
هل يحق لها ان تشتكي من سلبياته القليلة عند اهلها ؟
وهل من نصائح تقدموها للكنة؟ و بارك الله فيكم

أختي الفاضلة لايوجد في هذا الكون من هو بدون عيوب إلا الله سبحانه وتعالى

أو الرسل صلوات الله وسلامه عليهم لأن الله عصمهم.

وكما يقول المثل الشعبي :[[ عرة النساء التي تكشف أسرار الزوجية ]]

والزوجة التي تتغافل على إجابيات زوجها على كثرتها , وتسلط الضوء على السلبيات على قلتها , هل هي

كاملة ؟؟؟؟؟؟ بدون شك أنها ليست كذلك.

[أم أحمد عبد الصمد]

انت راك تشوفي الموضوع من ناحية أنو اخوك ، أكيد متقدريش تحسي بلي راهي حاساتو لأنو اسمها الحياة الزوجية ميقدر يعرفها غير هما فقط خليكي بعيد وتمناي لهما الخير

[المسالمة]

شكرا على النصائح بارك الله فيكن

[المسالمة]

انت راك تشوفي الموضوع من ناحية أنو اخوك ، أكيد متقدريش تحسي بلي راهي حاساتو لأنو اسمها الحياة الزوجية ميقدر يعرفها غير هما فقط خليكي بعيد وتمناي لهما الخير

انا اطلب النصح و فقط لان زوجة اخي اشتكت لي شخصيا و ايضا اشتكت لاهلها فاردت بعض النصائح من ركن الحياة الزوجية شكرا

[salem1985]

خوك الي غالط انا ضد ان المرة تعيش في دار باباها كل يوم يومين توحشت ماما وهي باغية توصل ليهم واش صرى باش ما تنسى والو والله الامهات شتتو عائلات بناتهم وولادهم بالعاطفة بلا ما يشعروا خلي بنتك وولدك يتحرر ويفكر ويتصرف هو بواش يخرج عليه موش انت ربي يهدينا

[darwina.koom]

[quote=نسائم الهدى;3991624059]شوفي اختي

كاين بعض حاجات بين الزوجة و زوجها ما تقدرش تصرح بها قدام الناس

ألور تبدا تعطي اسباب واهية و سخيفة في نظر البعض ولا تستحق الانفعال او الغضب او الشكوى

انا نعرف ناس تطلقو بلا ما يقولو واشي هي السبة

لانهم بكل بساطة ما يقدروش يقولو السبب للناس



انا يا اختي طلقت زوجتي ، و اكثر ما يزعجني اني ماني عارف السسب الحقيقي - حاسس كاين سر يقتل فيا .... و اليوم راني شاكك في كل شيء ، شاكك في روحي ، شاكك في زوجتي ، شاكك حتى في ابني انه ماهو من صلبي !!! اصبحت اكره كلمة الزواج و بديت نفكر ما نزيد نرجع ليه

[مناع]

هذه قليلة الأصل غذا راهي تشكي ,,, كاين لؤلؤة جميلة متدينة عون مكتب في عملي نزوجهالو

[hodahodahoda]

ادا كانت كل هاته الصفات في اخيك فزوجته ناكرة الخير
انها متزوجة من ملاك

[نسائم الهدى]

هذه قليلة الأصل غذا راهي تشكي ,,, كاين لؤلؤة جميلة متدينة عون مكتب في عملي نزوجهالو




علاش يا اخي تتسمى قليلة اصل؟؟؟

الرجال الكل مع الناس موش كيما مع زوجاتهم

انا عندي سلفي / لوسي / معانا و مع الناس صوتو ما ينسمعش

و كي يديماري في زوجتو يسبها و يطيحلها تقولشي سبانيولي /كيما تقول وحد العجوزة /

يعني ادا على الظاهر كل وحدة فينا تشوف خاوتها ملائكة

مي انا متأكدة بلي ما هومش

و ديما نقوللهم : / عندكم زوجات ما شاء الله الله يبارك ربي يحفظهم احمدو ربي و شدو لسانكم /

يعني حنا سمعنا من الاخت فقط

و لوكان تحكي الزوجة ممكن تكون حياتها جحيم لا يطاق

البيوت اسرار

و الغرف اسرار داخل اسرار

و ان بعض الظن اثم

الله يهدينا

سلام

[نسائم الهدى]

[quote=نسائم الهدى;3991624059]شوفي اختي

كاين بعض حاجات بين الزوجة و زوجها ما تقدرش تصرح بها قدام الناس

ألور تبدا تعطي اسباب واهية و سخيفة في نظر البعض ولا تستحق الانفعال او الغضب او الشكوى

انا نعرف ناس تطلقو بلا ما يقولو واشي هي السبة

لانهم بكل بساطة ما يقدروش يقولو السبب للناس



انا يا اختي طلقت زوجتي ، و اكثر ما يزعجني اني ماني عارف السسب الحقيقي - حاسس كاين سر يقتل فيا .... و اليوم راني شاكك في كل شيء ، شاكك في روحي ، شاكك في زوجتي ، شاكك حتى في ابني انه ماهو من صلبي !!! اصبحت اكره كلمة الزواج و بديت نفكر ما نزيد نرجع ليه




لا يا اخي

موش بالضرورة تشك في طليقتك من ديك الجهة

ممكن يكون السبب بالنسبة ليك ما يستهلش و لكن بالنسبة ليها دمااااار

ممكن يكون سحر ممكن يكون حسد و عين

ما تشكش غير في هدي الناحية

و ما تفقدش الثقة في نفسك و في الغير

بالعكس قول كيما كنت نقول انا : // الضربة اللي ما تقتلش درس و كل ضربة تزيد فالراس عقل //

و ربي سبحانه و تعالى ما كتبلكش السعادة معاها ممكن تعيش لابال فيي مع غيرها

ما تعرف الخيرة في ما اختاره الله

و ربي يكتبلك الخير و يرزقك بسعادة تسجد لله شكرا عليها ياااااااااا رب

سلام

[نسائم الهدى]

ادا كانت كل هاته الصفات في اخيك فزوجته ناكرة الخير
انها متزوجة من ملاك



لالا اختي

كيما تقول ماما :// الجوج يسمع من زوج و القاضي يسمع من زوج //

كنت ديما نقوللها : // ماما الجوج هو القاضي //

تقولي :// علابالي مي ناس زمان هكذا قالوها //

حنا ما سمعناش من زوج

سمعنا من طرف واحد و لذا لا نستطيع الحكم

سلام

[محمد جديدي التبسي]

وهل توجد امرأة لا تشتكي؟!
الأمر طبيعي وفطري في النساء وعلينا تقبله

[نسائم الهدى]

وهل توجد امرأة لا تشتكي؟!
الأمر طبيعي وفطري في النساء وعلينا تقبله

بارك الله فيك اخي محمد

هذا ما كنت ساقوله قبل ان يفصل النت

المراة او الرجل لا يستطيع احدهما ان لا يشتكي

لان الكبت يولد الضغط و الضغط يولد الانفجار

مليح الواحد يفرغ قبل ما ينفجر

مي موش كل شي

الامور السطحية فقط

سلام

[عائشة 88]

السلام عليكم يا اختي ممكن زوجة اخوك حبت تفرغ قلبها ليك انتي حاولي تنصحيها انو مكاش واحد في الدنيا مافيهش العيوب لازم عليها تساعفو وتصبر الصبر ثم الصبر هي تاني فيها عيوب ادا كان المراة على اتفه الاسباب ماتتحملش لوكان كامل النساء طلقوا انصحيها تشوف الاسوء منها كاين لي زوجها يخون فيها وكاين لي يضربها وكاين لي يشرب والعياد بالله والامثلة كثيرة قولها احمدي ربي وصبري وحاولي تحلي الامور والمشاكل بالتي هي احسن ربي يصلح الامور ومالازمش نكونو سبب في خراب البيوت نساعدو ولو بالكلمة الطيبة

[hloukaman]

السلام عليكم ورحمة الله وبركاته
أناضد المرأة التي تشتكي من زوجها لأهلها،إلا إذا وصل الأمر إلى التدخل
والله هناك زوجات يحملن ما تحمله الجبال ولايتكلمن،ليس خوفا من الزوج
بل هناك من هوأولى بالشكوى و الإستعانة وهو الخالق
أما زوجة أخوك فالتعلم من لا يحمد الله على نعمه وخاصة زوج صالح فهونكرة وآسفة على هذه الكلمة

[زرقـآء اليمآمـة]

السلام عليكم
قد يكون المشكل يكمن في خصوصيات الزوجين ......... وتتحجج زوجة اخيك بامور اخرى تظهر للعيان ............ لذلك اتركوهما يحلان خلافاتهما لوحدهما .......... ولا تتدخلوا في شؤونهما .............ربي يصلح الاحوال والله المستعان ................

[مناع]

علاش يا اخي تتسمى قليلة اصل؟؟؟

الرجال الكل مع الناس موش كيما مع زوجاتهم

انا عندي سلفي / لوسي / معانا و مع الناس صوتو ما ينسمعش

و كي يديماري في زوجتو يسبها و يطيحلها تقولشي سبانيولي /كيما تقول وحد العجوزة /

يعني ادا على الظاهر كل وحدة فينا تشوف خاوتها ملائكة

مي انا متأكدة بلي ما هومش

و ديما نقوللهم : / عندكم زوجات ما شاء الله الله يبارك ربي يحفظهم احمدو ربي و شدو لسانكم /

يعني حنا سمعنا من الاخت فقط

و لوكان تحكي الزوجة ممكن تكون حياتها جحيم لا يطاق

البيوت اسرار

و الغرف اسرار داخل اسرار

و ان بعض الظن اثم

الله يهدينا

سلام

ما اتت به االأخت كافي ووافي إلا إذا لم تكن صريحة ,,, لا أحتاج لسماع الزوجة إذا كا جات به أختنا صحيح
ومن ناحية للبيوت أسرار فلك ذلك أنا مقر بهذا ,,,,, لكن مع هه المزايا لا يحق لها أن تشتكي

[ابو عبد الجبار]

انت راك تشوفي الموضوع من ناحية أنو اخوك ، أكيد متقدريش تحسي بلي راهي حاساتو لأنو اسمها الحياة الزوجية ميقدر يعرفها غير هما فقط خليكي بعيد وتمناي لهما الخير

ميقدر يعرفها غير هما فقط خليكي بعيد وتمناي لهما الخير

6"]فاقد الشيء لا يعطيه [/color]

[نسائم الهدى]

ما اتت به االأخت كافي ووافي إلا إذا لم تكن صريحة ,,, لا أحتاج لسماع الزوجة إذا كا جات به أختنا صحيح
ومن ناحية للبيوت أسرار فلك ذلك أنا مقر بهذا ,,,,, لكن مع هه المزايا لا يحق لها أن تشتكي


شوف اخي الكمال لله

هدي اكييييييييييد نتفقو عليها

و كل اللي قالتو الاخت لنفترض انه صح

و لكن و مع كل ذلك ربما هناك شيء ما يؤرقها و ينغص عليها صفو عيشها

خويا انا مريت بظروف في حياتي الزوجية ما قدرتش نقولهم لاي شخص

قريب هبلت و عايلتي الكل حاسبة كي ما رزقنيش ربي بيبي

و الكل يبداو :/ حاجة ربي / ربي قادر على كل شي / ما تياسيش من رحمة ربي /ما تقنطيش /

و انا نقوللهم ايه ايه ايه و ربي وحدو اللي عالم بيا

على هاديك قلتلكم بلي ما نقدروش نحكمو على المخلوقة

ربي عالم بيهم

و الرجال كيما قلتلكم مع الناس زي و مع زوجاتهم زي

و راكم رجال و علابالكم الشخصية اللي في غرفة النوم موش نفسها اللي مع الناس

سلام

[محمد جديدي التبسي]

بارك الله فيك اخي محمد

هذا ما كنت ساقوله قبل ان يفصل النت

المراة او الرجل لا يستطيع احدهما ان لا يشتكي

لان الكبت يولد الضغط و الضغط يولد الانفجار

مليح الواحد يفرغ قبل ما ينفجر

مي موش كل شي

الامور السطحية فقط

سلام

وعليكم السلام ورحمة الله وبركاته أختي كريمة وفيكم بارك الله ان شاء الله تكون احوالكم بخير

[نسائم الهدى]

وعليكم السلام ورحمة الله وبركاته أختي كريمة وفيكم بارك الله ان شاء الله تكون احوالكم بخير


الحمد لله اخي محمد

من الله الحمد لله

و من خلقه

ماذا نقول ربي يهدينا الكل

الحمد لله

و كيما نقول انا ديما. يقول المتل :// اللي ما كفاه قبرو يرقد ملفوق //

الواحد لاااااااااازم يرضى و يحمد ربي

ولا واش قلت؟

و كيف هي احوال؟؟؟

و كيف هي الدنيا معك يا اخي هل من جديد؟؟؟

[إكليل]

لكل إنسان عيوبه بعض العيوب قد تتحمل و بعضها لا و أجد أن العصبية لا شيء مقارنة بعيوب أخرى كالشك و الغيرة الزائدة .وكما قال الشاعر

لو نظر الناس إلى عيوبهم......... ما عاب إنسان على الناس

[ام رابحة]

انا نقولها اصبري ان كان الراجل خاطيه دعاوي الشر الحمدلله مايسكر مايضربك و ماهوش مدمن احمدي ربي راكي في نعمة اطلبي ربي تجيبي معاه الذرية الصالحة و حطي فراسك فكرة انه الكمال لله كلنا عدنا نقائص و سلبيات الواحدة تتحمل والله الراجل كي يكون ولد حلال و يخاف ربي اصلا مايسخاش بك و مايهونش عليه يزعفك
الصبر يا اختي و الرجل تقدري تغيريه كون معاه وحداه احبي اهله عاونيه على رضايتهم غير بحاجات صغيرة تكسبيهم الوالدين رضايتهم زينة انا راني مازالني مخطوبة مي ساكنة فالعايلة و عدنا الكناين و اخواتاتي تاني متزوجات و نسمع لتجارب النسا و نستفاد منها ربي يهنيك حبيبتي و يهدي سركم ان شاء الله

[محمد جديدي التبسي]

الحمد لله اخي محمد

من الله الحمد لله

و من خلقه

ماذا نقول ربي يهدينا الكل

الحمد لله

و كيما نقول انا ديما. يقول المتل :// اللي ما كفاه قبرو يرقد ملفوق //

الواحد لاااااااااازم يرضى و يحمد ربي

ولا واش قلت؟

و كيف هي احوال؟؟؟

و كيف هي الدنيا معك يا اخي هل من جديد؟؟؟
طبعا معك حق أختي كريمة
الأحوال بخير الحمد لله تحسنت كثيرا عن أعوام سابقة لكن الأهم مازال ما لقيناشو دعواتكم ر بي يحفظكم

[(( هبة الرحمن ))]

السلام عليكم

من كان في نعمة ولم يشكر خرج منها ولم يشعر

نصيحتي لها أن تحمد الله على هدا الزوج ....هل تخلو هي من العيوب ؟ لو سألناه لوجدناه أصبر منها على عيوبها

أما عن العصبية فهي طبع الرجل الجزائري ومن كان غير عصبي في نظري هو غير طبيعي ( فرق بين رجل قلبه حار وآخر قلبه ميت )

كل ما تتمتع به وتقول أنه عصبي ..خاصها الهراوة...

الله يهديها ويهدينا .

[ام ياسمين10]

اللله يهدى هادا واش خاصو

[*رحيق الجوري*]

عندما تتزوجين ستفهمين الامر

[malako5000]

عندما تتزوجين ستفهمين الامر


ممكن تفهمينا الآن....... كاش ما نتعلمو

[النجمة القطبية]

هو من ناحية الوم الزوج ونقولو ان المراة لما تتزوج اول شئ يهمها وقد يغنيها عن العالم هو اهتمام زوجها بها
تحب تسمع كلمة انتى اغلى من لدى حتى لو كان يفضل اهله هذه بين قوسين حق له لكن لا يصرح بها امامها حبيبتى راكى مرا وتعرفى ان المراة لا تغفر من هذه الناحية تحب تسمع الكلمة الحلوة وتتكلخ
وانتى شخصيا قلتى يوجد تقصير ولو بسيط على اسرته الصغيرة يعنى هى لا تشتكى من فراغ
وفي نفس الوقت نقول للزوجة متكبرش الموضوع ورجل يحب اهله ويقومهم لازم تفتخر بيه وليس العكس صحيح ان ذلك لا يجب ان يكون على حسابها لكن في نفس الوقت ليس عيب خطير
واهمس في اذنها ان مواصفات الزوج جيدة في زمن قل فيه الرجل الصالح يهديها ربي
خليها تقرا الردود وكونى محضر خير اختى وباذن الله بسيطة وربي يحفظهم ويباركلهم في زواجهم

[لمسة ابداع]

واش رايحا نقولك يااختي نفس المشكل تاع مرت خويا بصح انا مرت خويا تزيد تكذب فيه رحت لدارها و شفتها وزيد اموا جات تحكي لخوتتاتها و لا عجوزتها و سلفاتها تحكي لكامل الناس مام اللي يخدمو معاها لجيرانها مثلا نكون قاعدة نحكي انا وهي وحدنا تحط فيه بالتمنشير يجي في الدقيقة هاديك تنوض تضحك معاه و....انا ندوخ نفاق حت مع زوجك الانا نظن بلي اي زوجين جسدين بروح واحدة و الله العظيم خويا ايجابياتو اكثر من سلبياتو
اختي ممكن خويا و خوك ابتليا
ربي يجيب الي فيه الخير و يصلحنا مع ازواجنا

[نسائم الهدى]

لا حول ولا قوة الا بالله العلي العظيم

علاش ما حبيتوش تفهمو؟؟؟

الراجل مع زوجته موش كيما مع اخته

افهمو الله يهديكم ما تدوش ذنوب المخلوقة

الله غالب ما نقدرش نشرح اكثر

سلام

[malako5000]

لا حول ولا قوة الا بالله العلي العظيم

علاش ما حبيتوش تفهمو؟؟؟

الراجل مع زوجته موش كيما مع اخته




من فضلك ، فهمينا ... حابة نتعلم برك .... و لماذا ما تقولهالوش ليه مباشرة ... ايووووو .. حتى المرأة مع راجلها و تحشم

[ام مهدي2010]

هذه قليلة الأصل غذا راهي تشكي ,,, كاين لؤلؤة جميلة متدينة عون مكتب في عملي نزوجهالو

هاذيك خليها ليك و بركا ما تخرب في بيوت الناس

[hope of life]

نهار تكوني زوجة ....راح تلقاي الجواب بنفسك

[kati83]

كيما تقول ماما :// الجوج يسمع من زوج و القاضي يسمع من زوج //

كنت ديما نقوللها : // ماما الجوج هو القاضي //

تقولي :// علابالي مي ناس زمان هكذا قالوها // يعطيها الخير يماك عجبتنى هادى

[(( هبة الرحمن ))]

السلام عليكم ورحمة الله وبركاته

باختصار شديد إليك الجواب القاطع على لسان من لا ينطق عن الهوى عليه أفضل الصلاة والسلام

عن ابن عباس - رضي الله عنهما - قال: قال رسول الله - صلى الله عليه وسلم -: " أُريت النار، فإذا أكثر أهلها النساء يكفرن قيل: أيكفرن بالله؟ قال: يكفرن العشير، ويكفرن الإحسان ، لو أحسنت إلى إحداهن الدهر ثم رأت منك شيئا قالت: ما رأيت منك خيرا قط"


اللهم لا تجعلنا منهن واصرف عنا جهنم وما يقرب إليها من فعل أو عمل .

[نسائم الهدى]

من فضلك ، فهمينا ... حابة نتعلم برك .... و لماذا ما تقولهالوش ليه مباشرة ... ايووووو .. حتى المرأة مع راجلها و تحشم


شوفي اختي

ادا تقدري تدخلي لقسم المتزوجات

ادخلي و اكتبي هدا السؤال و تما نرد عليك

مي هنا

سامحيني اختي صح ما رانيش نشوف فيكم

مي // الحيا خلاه ربي فالوجوه

[malako5000]

شوفي اختي

ادا تقدري تدخلي لقسم المتزوجات

ادخلي و اكتبي هدا السؤال و تما نرد عليك

مي هنا

سامحيني اختي صح ما رانيش نشوف فيكم

مي // الحيا خلاه ربي فالوجوه


ok

"غرفة الدردشة للمتزوجات فقط" تقول مغلوق !!! راني طرحت السؤال في "قسم خاص بالعرائس و تجهيزاتهن "

العنوان : هل هناك مشاكل زوجية خفية لا يمكن معالجتها ؟

[محمد جديدي التبسي]

ok

"غرفة الدردشة للمتزوجات فقط" تقول مغلوق !!! راني طرحت السؤال في "قسم خاص بالعرائس و تجهيزاتهن "

العنوان : هل هناك مشاكل زوجية خفية لا يمكن معالجتها ؟

الموضوع متعلق بالحياء أختاه وهو من شعب الإيمان
يا طالبة الدكتوراه هل تعلمين أن أغلب أسباب الطلاق سببها العلاقة الخاصة بين الزوجين والنفور بينهما وما المشاكل مع أهل الزوج وعصبية الزوج وتعنيفه لزوجته وسوء عشرته إلا أمور تظهر أنها أسباب رئيسة للمشاكل الزوجية وهي ليست كذلك يعني أن الأشياء ليست كما تبدو للناس ... والله أعلم وعذرا لتدخلي

[محمد جديدي التبسي]

حبيت نفهم حاجة علاش الاوربيين ما عندهمش المشاكل العائلية تاع
لوسها..لوستي..عجوزتي..راجل ختها..عروستها...راجل بنتها...مرت خوها..بنت خال عمتها..التمنشير في لعراس..ما عطاولناش الحلوة...ما ركبوناش في الكورتاج..سرقو قاع اللحم تاع العرس...جيعانين فاميلة لعروسة...ما مدولناش القازوز ...لعروسة ما تصورتش معانا ..راجلها داها لتونس..
علاش؟؟ القور ما عندهمش مشاكل هكذا؟؟

منقول :)

[malako5000]

الموضوع متعلق بالحياء أختاه وهو من شعب الإيمان
يا طالبة الدكتوراه هل تعلمين أن أغلب أسباب الطلاق سببها العلاقة الخاصة بين الزوجين والنفور بينهما وما المشاكل مع أهل الزوج وعصبية الزوج وتعنيفه لزوجته وسوء عشرته إلا أمور تظهر أنها أسباب رئيسة للمشاكل الزوجية وهي ليست كذلك يعني أن الأشياء ليست كما تبدو للناس ... والله أعلم وعذرا لتدخلي

شكرا يا اخي

فقط حبيت نقول انه لا حياء في الدين + رانا نتناقشوا بطريقة مؤدبة و مافيهاش خدش للحياء على حساب ظني .... زيد ان الحجة التي اتيت بها (بعد تصفحي للانترنت) هي دراسة امريكية على المجتمع العربي !!!! و الدراسات الامريكية التي تتعلق بالوطن العربي دائما تكون سلبية و تعطي سورة سوداء

لكن لي استفسارين كذلك :

انا مثلا ، هذه اليامات وحدة من قريباتي طلبت الطلاق بعد 6 اشهر زواج فقط و راهي رافضة الرجوع كامل ..... السبب قالت انه ضربها و سبها وبهدلها .... و هو يحلف و يقول مادارلها والو (و الحق ان الكل يشهد له بحسن الخلق) .... و حتى وقت الحادثة جاب شهود بلي ماكاش في الدار و كان مع صحابوا ....

يعني هل ممكن ان يكون احد الاسباب التي ذكرتها هو السبب الخفي ؟

[محمد جديدي التبسي]

مقولة لا حياء في الدين مقولة خاطئة أخته ابحثي عنها والأصح أن يقال لا حياء في أمور الدين
بل الدين كله حياء ولكل شيء موضعه ووقته الذي نناقشه فيه وهناك أشياء لا تقال في أماكن عامة ونُسر بها لبعضنا البعض سواء الرجال فيما بينهم أو النساء وإن كنا في زمن لم يبق شيء مستور أو مجهول

أما جوابا عن سؤالك فنعم قد يكون من السبب الخفي، ومن ينفر من الآخر سواء رجل أو امرأة يُبدع في إيجاد الذرائع والشيطان الشاطر يحب التفريق بين الأزواج وهو أرجى الأعمال عند سيده إبليس لعنه الله...

[نسائم الهدى]

شكرا يا اخي

فقط حبيت نقول انه لا حياء في الدين + رانا نتناقشوا بطريقة مؤدبة و مافيهاش خدش للحياء على حساب ظني .... زيد ان الحجة التي اتيت بها (بعد تصفحي للانترنت) هي دراسة امريكية على المجتمع العربي !!!! و الدراسات الامريكية التي تتعلق بالوطن العربي دائما تكون سلبية و تعطي سورة سوداء

لكن لي استفسارين كذلك :

انا مثلا ، هذه اليامات وحدة من قريباتي طلبت الطلاق بعد 6 اشهر زواج فقط و راهي رافضة الرجوع كامل ..... السبب قالت انه ضربها و سبها وبهدلها .... و هو يحلف و يقول مادارلها والو (و الحق ان الكل يشهد له بحسن الخلق) .... و حتى وقت الحادثة جاب شهود بلي ماكاش في الدار و كان مع صحابوا ....

يعني هل ممكن ان يكون احد الاسباب التي ذكرتها هو السبب الخفي ؟


الاصح يا اختي ان يقال :// ان الله لا يستحي من الحق //

و ليس لا حياء في الدين

لان الحياء شعبة من شعب الايمان

و بخصوص سؤالك

الاجابة هي نعم من الممكن ان يكون السبب شيئا لا تستطيع التصريح به

لذا اخترعت سببا من راسها لتغطي به على السبب الحقيقي

و لكن من الممكن ان تقول للقاضي بانها تخاف ان لا تقيم حدود الله

و بهذا يكون لديها عذر شرعي

و لكن ان تقول ضربني و هو لم يفعل

فهذا ظلم في حقه و بهتان

و الله يهدينا و يهديجميع المسلمين

[هبة الوهاب]

اذا كان ما قلت فقط
لازم تحمد ربي عليه
والكامل غير ربي
وديرو في عينيها
الله يرزقنا

[hope of life]

.................................................. ................

[كاميلا]

حسب رايي الكثير من المشاكل التي يدعيها الازواج في اصلها ليست تلك المشاكل الظاهرية
بصح والله كاين ناس متعرفش تحمد ربي انا صاحبتي مثلا متزوجة زوجها بشع حاشا خليقة ربي وهي اية في الجمال بل ملكة جمال تخيلي اختي الخطاب يجيوها 3 4 كل يوم جمال جمال الروسيات القرد اللي داته يخونها ويتذمر ساعة يقولها وشبيه شعرك اصفر بزاف ساعة عينيك منعرف كيفاش يعني كاين وحايد مش تع وجوه مخاليق
ربي يهدي ماخلق