سؤال للرجال فقط ؟

[مشكلتي]

السلام عليكم
وجهت سؤالي للرجال لأني اعلم جيدا لن يفهمني إلا رجل و المرأة بالنسبة لها هذا ليس بمشكل يذكر لكنه بالنسبة لي ذا اهمية و يمس إستقراري مع زوجتي
قبل ثلاثة سنوات كنت أبحث عن الزوجة الماكثة بالبيت و وفقني الله الى أن أجدها بالمعايير التي تمنيتها لكن المضمون الداخلي ليس لي سبيل لمعرفته ، زوجتي لا تعمل لكن تمدد هذا المفهوم حتي الى بيتي فهي لا تحب العمل المنزلي و بالذات المطبخ تصورو معي لا تحب الطبخ يعني أنا يا رجال وش راح نعمل معاها دوامي من 8 الى غاية 12 زوالا ثم 14 الى غاية 17 مساء أعود لمنزلي بعد تعب و جهد و بعد مسافة تقابلني برفضها للقيام بالواجب المنزلي و اليوم الوحيد الذي تطبخ فيه هو يوم السبت و تطبخ فيه أكل كل الأسبوع قوقولي يا رجال في أي مدرسة تعلمت هذا الدرس قلتها و فهمتها انا مانحبش أكل الثلاجة ردت علي كول من هذا الحوت ولى موت و لي معها طفل
يا صاحبي راني مديقوتي للحد لوكان جات خدامة كنت اتقبل الفكرة لكن هذه ماكثة في البيت و اليوم كل تقضيه على التلفاز في الفترة الأخيرة أصبحت أشتري أكلي من الخارج أجده كما أحبه طبخ على الأقل في نفس اليوم
راني نادم على اليوم لي تزوجها فيه و خيرتها أنا مرانيش متزوج مع مرة فكرت في إعادة الزواج لكن مرانيش قادر نفتح دار اخرى

حكيت مع والديها مكان والو
دبرو عليا يا إخواني

[abdoustar]

[center في رايي وجه سؤالك للنسا خير

باش يقولولك وش في راسها المرا هاذي


وش الهدف تاعها


يعني أنا نفهمها بلي سماطة معنتها أدي ولا خلي


ماعلاباليش بيك



اني نستفز فيك حتى نتخلص منك

؟؟؟؟؟؟؟

هدرة برك لاني ماش عايش القصة


المهم انا قل منك ما نقدرش ننصحك بصح علابالي المرا لازم تسمع هدرة راجلها


و كل بالمفاهمة

الواحد تزوج باش يرتاح مش باش يزيد على روحو[/center]

[amine60]

هذي فنيانة و زادت لقاتش ساكت شوية يعني كون ليوم لول حمرتلها جنابها بالعصى كون راهي تخاف منك و قبل ماتلحق للدار يكون الأكل واجد ... أنا نقول أستعمل معاها أسلوب الترهيب و الا مانفعش طلقها و تزوج غيرها أما الطفل راه يتربى كيما تربات كامل الناس

[hamza touazi]

النساء ماشي مليح تكون معاهم عاقل بزاف خويا هددها بين القيام بواجباتها او اعادة الزواج وتطليقها هادي ماشي مرة مالا لاه تزوجت وكان بقيت باير وخلاص والله نومارمون كل يوم طيب العجاين وخبز دار وحاشة ادا كانت تعبانة مينداك وتقلشا باكل من الخارج بيتزا او اي شيئ ومرة على مرة قال مديريش فطةر نجيب معايا اواه زيرها خوييا

[7anine 87]

اسمحلي خويا على ردى رغم انى مرا مى قلبي كلانى حنا وسي النسا نعتبروها مشكلة والحقيقة منقدرش نفهمها مرتك بيدها تخرب فى دارها اخى الكريم نتمنى صح تكون نصحتها بالتى هى احسن باه نقدر نقلك انو لمنفعتش انتقل للخطوة اخرى كون معها شوى قاسي ولكن الضرب لا ممكن التهديد بالزواج من اخرى يجيب معها فايدة ربي يهنيك ويصلحهالك

[merieme el batoul]

عليك بالعين الحمراء هددها بالطلاق أو بالزواج من أخرى وترى العجب العجاب

[سجل أنا جزائري]

اذا هكذا وش دير هي راقدة و تمونجي ؟؟

لازم خويا تزيرها شوي هذي راهي تزكر فيك كون جات خدامة نقولو بالك ما قدرتش مي ماكثة في البيت ما عندها حتى حجة

بصح ما فهمتش هي وش توكل ؟؟ اذا راك تجيبلها نت اللي ولفتها

كيما قتلك كول ولا موت نت ثاني ما تزيد تقضي والو و ما تجيبلها والو ماكلة و ما تزيد تعطيلها مصروف خليها تضيع بالشر كي تهدر قولها طيبي ولا موتي

[first first]

اخي الحقيقة زوجتك زادت فيها شوية.......................ماشي النساء كال يموتو على المطبخ والالميزرية تاعو.........مي الواجب واجب.
نهار طياب مسقم غدوة تعقبو برك...............بعد غدوة دير الغدا هو العشاء ..لكن تاع طيب نهار في السمان راهي بزاف
ونزيد نقولك خويا ....راكم غير في 2 يعني الطياب تاع 2 راهو ساهل.
نقولك ماتكره مرتك ماوالو..........................هدا تقصير عنك الحق لكن اكيد فيها حوايج ملاح.
انت حاول معاها.....................................جرب العياط...................جرب ماتروحش للدار....................جرب تهدر معاها غير بالشوية.....................جرب قبل ماتخرج تقولها اليوم حاب ناكل الماكلة لفلانية......................يااخي حاول........................الميزيرية تاع الزواج من اخرى راهي اكبر من المجاعة لي عايش فيها ...مي تقدر تقولها بدلي روحك ولا نشوف حياتي.....................يااخي جرب الطرق كامل...........ولا شوف الطريقة لي تخرج على زوجتك حسب شخصيتها.....ربما اللين ياتي بنتيجة.........ربما عليك ان تمدح طبخة من طبخاتها تديها في روحها وتعود تطيب...وان شاء الله يهديها ربي وتعود طيب صباح وعشية.
ربما في اهل بيتها كان عندهم نظام خاص.................التغير لازمو جهد ووقت.....لكنه ممكن بادن الله.
ربي يقد الاحوال.
عفوا راك غلطت كي قلت النساء مارايحينش يفهموك........................احنا النسا رانا نفهمو كلش ماتخافش.

[ايمان نور الجزائر]

هادي فنيانة تزوجت غير على جال ناس باش تقولهم تزوجت
بالصح نتا علاش ساكت عليها قوله ما نحبش الماكلة البايتة نحب الجديدة
وقولها تنوض تطيب والا عاقبها مثلا ما تخليهاش تروح لكاش عرس باغياتو
ما تمدلهاش تشري لبسة باغيتها دير فيها الزكارة
في المور تحبها
تاني حاجة مهمة باش تستعقل نقص عليها مصروف وقضيان الدار
قولها نتي ما تحتاجيهش وانا نخبيه باش نعاود زواج
ا

[* عبد الجليل *]

السلام عليكم
اخي الكريم ربي يعينك على زوجتك والله زادتلها بزاف
تعرف هادي قاع قالتلهم رقدوا والله ها الجياحة ولا خلي
لوكان جات خدامة وتعيا نقولوا بلاك مي قاعدة في الدار والتفنين صراحة راك رخفتلها الحبل بزاف خويا قلشتها فوق اللازم
جرب معاها العين الحمرا وهددها بالزواج مرة اخرى عليها واذا لم تكترث لاقوالك ... فسرحها بالمعروف الاحسن تتزوج مرة اخرى او تقعد براسك احسن لك من هاد العيشة والله بزاف عليك راني حاسن عونك والولد راه يتربى كيما الناس كما ورد في رد الاخوة
ربي يهديها خويا وجرب معها الوجه الآخر لكن دون عنف معها
وربي يفرجها ان شاء الله

[إكليل]

ربي يكون في عونك أخي و رانا متفهمين واش راك عايش.

أخي جرب معها أساليب و حيل اخرى فمثلا جيب مصروف يوم و ما تجيبش مصروف أسبوع كامل بهذه الطريقة راح تضطر لأنها تطبخلك أكل اليوم .

جرب إثارة غيرتها مثلا كأن تحضر أكلة وتاكلها و تقولها شوفي هذوهما النسا ولا مكانش .يعني بهذه الطرق لربما تصلح أحوالها إن شاء الله.

جرب أخي ولا تندم حتى إذا لا قدر الله و طلقت تكون جربت معها كل الطرق

[ماري نت]

تاني حاجة مهمة باش تستعقل نقص عليها مصروف وقضيان الدار
قولها نتي ما تحتاجيهش وانا نخبيه باش نعاود زواج
ا
[/center][/QUOTE]

هايلة هايلة هايلة

[fella111]

السلام عليكم
وجهت سؤالي للرجال لأني اعلم جيدا لن يفهمني إلا رجل و المرأة بالنسبة لها هذا ليس بمشكل يذكر لكنه بالنسبة لي ذا اهمية و يمس إستقراري مع زوجتي
قبل ثلاثة سنوات كنت أبحث عن الزوجة الماكثة بالبيت و وفقني الله الى أن أجدها بالمعايير التي تمنيتها لكن المضمون الداخلي ليس لي سبيل لمعرفته ، زوجتي لا تعمل لكن تمدد هذا المفهوم حتي الى بيتي فهي لا تحب العمل المنزلي و بالذات المطبخ تصورو معي لا تحب الطبخ يعني أنا يا رجال وش راح نعمل معاها دوامي من 8 الى غاية 12 زوالا ثم 14 الى غاية 17 مساء أعود لمنزلي بعد تعب و جهد و بعد مسافة تقابلني برفضها للقيام بالواجب المنزلي و اليوم الوحيد الذي تطبخ فيه هو يوم السبت و تطبخ فيه أكل كل الأسبوع قوقولي يا رجال في أي مدرسة تعلمت هذا الدرس قلتها و فهمتها انا مانحبش أكل الثلاجة ردت علي كول من هذا الحوت ولى موت و لي معها طفل
يا صاحبي راني مديقوتي للحد لوكان جات خدامة كنت اتقبل الفكرة لكن هذه ماكثة في البيت و اليوم كل تقضيه على التلفاز في الفترة الأخيرة أصبحت أشتري أكلي من الخارج أجده كما أحبه طبخ على الأقل في نفس اليوم
راني نادم على اليوم لي تزوجها فيه و خيرتها أنا مرانيش متزوج مع مرة فكرت في إعادة الزواج لكن مرانيش قادر نفتح دار اخرى

حكيت مع والديها مكان والو
دبرو عليا يا إخواني

كل هذا و ترى ان النساء لن يفهمنك ......على العموم الزوجة نتاعك باينة كانت مدللة و فنيانة ..بمعنى ادق الوالدة نتاعها ماعلماتهاش و ماكانتش تعطيلها تشارك في الاعمال المنزلية و هذا خطأ تقع فيه الكثير من الامهات يعني هنالك الفتيات عديدات ناقصين شوي في الطبخ لكن مع الوقت تتحسن ثم عندها كتب تعليم الطبخ معمرين السوق انا رأيي خذها عند امها تديرلها دروس تعليم الطبخ و هددها انك تقوم بتطليقها هددها فقط و ان ماخافتش طلقها يخي عندك 3 طلقات كي تتربى رجعها .

[النجمة القطبية]

يا اخى سبق وقلنا ان شطارة المراة في الدار لا علاقة لها بكونها خدامة ولا ماكثة بالبيت هذى موهبة وتدريب منذ الصغر
حاول تشوف كيفاش تربات في دار باباها تعرف سبب تصرفها الحالى
شوف يا اخى اذا كانت بنت مدللة وتع تلفزة فانت للاسف اسات الاختيار لان التلفزة ادمان ما عليك الا ان تتقبل الامر الواقع ليس من السهل ان تبدلها لكن تقدر تبدلها جزئيا على الاقل
ولا انصحك بالطلاق او الزواج لان اغلب النساء في وقتنا يتشابهو في هذه النقطة اانما فكر بذكاء وراح تلقا الحل
العجوز يماك اقصد الوالدة الكريمة ربما في يدها الحل جيبها تسكن معاها وادا عندك ختك جيبها تانى تولى تمشى كيما
الرقاص
اذا لم ينجح هذا الحل ممم حاول ان تشكر طبخ احدى اخواتك او زوجات اخوتك امامها بالاك تحكمها الغيرة ويهديها ربي
يعنى يا اخى الكريم فكر بذكاء وحوس على نقطة ضعفها واضغط عليها بطريقة غير مباشرة
مثلا مرة على مرة كثر عليها الضياف على غفلة خليها تتبهدل باش تتعلم توجد فطورها وترتب بيتها كل يوم
اذا تعرف واحدة شاطرة من العايلة جيبها تتعرف عليها لانو النسا يعدو بعضاهم البعض
عموما يا اخى ربي يكون معاك ندعيلك يتحسن الحال
واذا خلاصولك الحلول عيطلها واعطيها تقرا الموضوع خييير بالاك تفيق مع روحها

[يسمينة البجائية]

اولا نحي التلفاز هذاك و الانترنت و كن راجل قوي و ديرها
ما تسمع عياطها ما والو نحي الخيوط خليها تخمم

ثانيا اذا ما تغيرتش . ارفد قشها و ديها عند والديها و خليها عند الباب ما تدخلش عندهم و انت ارجع لبيتك و ارفد التيليفون و كن جاد كي تهدر و بارد ما تضحكش
قل لباباها انا نشري الخبز و الضروريات تع الكوزينة و هي ما تطيبش . لقو لي حل نرجع نديها و لا انا طالقها

لا تبالي لتهديداتهم ...... خليهم يربيو البنت و يعلموها تطيب

ما تخافش من الطلاق ربي يخلف لك خير

و استخر بالله

[bellaluna]

هذا مشكل كبير جدّا و للأسف مرّت حالات في حياتي جعلتني أتسائل عن مدى إنسانية بعض النّاس و احذر فإن امراة بهذه المواصفات ستربي ابنك على الخمول و التكاسل و الوسخ الحلّ ذكرته أختنا يسمينة البجائية.

[فارس وجواد]

السلام عليكم :
أخي الكريم زوجتك ربما تعاني بما يسمى التفنيين ,
قد يكون وراثيا متأصلا فيها و هنا المشكلة , أي أنها غير متعودة عاى هكذا أعمال ,
و قد يكون مكتسبا , إكتسبته بعد الزواج , و هنا الأمر بسيط ,
فما عليك أخي الكريم سوى نصحها و مساعدتها في التعلم , فليس بالأمر المستحيل ,
و إن تطلب ذلك أحيانا بعض الغلظة .
فمن غير المعقول أن يتزوج الرجل , و يجد نفسه لا يزال يتناول الوجبات الجاهزة و السريعة .

[salem1985]

اديها لدارهم وخليها شهور كي يقولوا ليك اديها قول ليهم ماعندي ما ندير بيها راهي ما تدير والو في الدار وهدرت معاكم ما سمعتوش تم هم يزيروها وزيد كثر عليها الضياتولي ناشطة بلا يكثر ليها خير وزيد الى عندك اختك قول ليها جيبي صحابك واروحي تشربوا قهوة وريحو تم علبالي تحشم لازم تغسل وتطيب وتدير كل شئ الانها تغير وزيد الى المشكل في التلفاز حبسو وقول ليها فسد وما نقدرش نخدمو

[أم احمد3]

ردود تساعد على التفرقة مباشرة....ربما الطفل صغير يأخذ وقتها وهي لا توافق بينه وبين البيت...ربما لا تعرف الطبخ لذا تتفادي الإحراج دائما...أو ربما كما قال الاخ عاملها بالين....وعلاش يكون قاسي....هذا مشكل كبير لازم حكمة فيه.....كراك تهدأ ثقتها في نفسها.....

[blanche rose]

السلام عليكم
وجهت سؤالي للرجال لأني اعلم جيدا لن يفهمني إلا رجل و المرأة بالنسبة لها هذا ليس بمشكل يذكر لكنه بالنسبة لي ذا اهمية و يمس إستقراري مع زوجتي
قبل ثلاثة سنوات كنت أبحث عن الزوجة الماكثة بالبيت و وفقني الله الى أن أجدها بالمعايير التي تمنيتها لكن المضمون الداخلي ليس لي سبيل لمعرفته ، زوجتي لا تعمل لكن تمدد هذا المفهوم حتي الى بيتي فهي لا تحب العمل المنزلي و بالذات المطبخ تصورو معي لا تحب الطبخ يعني أنا يا رجال وش راح نعمل معاها دوامي من 8 الى غاية 12 زوالا ثم 14 الى غاية 17 مساء أعود لمنزلي بعد تعب و جهد و بعد مسافة تقابلني برفضها للقيام بالواجب المنزلي و اليوم الوحيد الذي تطبخ فيه هو يوم السبت و تطبخ فيه أكل كل الأسبوع قوقولي يا رجال في أي مدرسة تعلمت هذا الدرس قلتها و فهمتها انا مانحبش أكل الثلاجة ردت علي كول من هذا الحوت ولى موت و لي معها طفل
يا صاحبي راني مديقوتي للحد لوكان جات خدامة كنت اتقبل الفكرة لكن هذه ماكثة في البيت و اليوم كل تقضيه على التلفاز في الفترة الأخيرة أصبحت أشتري أكلي من الخارج أجده كما أحبه طبخ على الأقل في نفس اليوم
راني نادم على اليوم لي تزوجها فيه و خيرتها أنا مرانيش متزوج مع مرة فكرت في إعادة الزواج لكن مرانيش قادر نفتح دار اخرى

حكيت مع والديها مكان والو
دبرو عليا يا إخواني


أخي
لوكان ديت وحدة خدامة راك مداير كيما الرجال لخرين
راك خرجتلها عينيها:sdf:

روح سقسي الرجال اللي نساهم خدامات
لوكان ياكل نهار برك من الثلاجة يحكيها للناس كامل ويعايرها:(
و يقوللهم خايبة و ما تديرش و ماتديرش:eek:

اللي داو الخدامات كامل يظلوا يشرطو و لوكان تتعب برك تقوم القيامة.. اول حاجة يجيب امو تشوف الأدلة و البراهين-لاستخدامها وقت الحاجة:mh5858:
تلقاها نهار كامل تخدم و كي تروح مباشرة للمطبخ
و نهار الجمعة والسبت تنظيف شامل للبيت وخلي مسؤولية الابناء

و كي تقولوا خرجني ولو على حسابها يقوللها حابة تهربي من شغل الدار.:confused:

وبخصوص زوجتك باينة باللي صغيرة في العمر ومدللة وفائقة الجمال.. الله يعينك على دلالها:rolleyes:

اذا كنت تهدر في النساء العاملات فأنا أرى الأمر عادي ..فكما تدين تدان.
عد الى الله وصل واستغفر وادعوه ان يصلحها.

ربي يصلح زوجتك ويصلحك

[selma safa]

ana rani mra mais walah ngolak haja hadi ghir talakha roh 3awad zwadj rana fi mojtama3 y3ani el 3onossa chof wahda bant nass remarq ntoma rjal ki thabo tatzawjo thawso 3la zin wla taille wtkhalio nss ta3 dyar (j ai 23 ans makhtoba wnakra)

[السي محمد]

عاود الزاوج و المرةى هاذي اختار الطباخة الشاطرة ويكون

...السبت للزوجة الاولى

و بقية الايام للزوجة الثانية

حتى تاكل فقط الاكل الطيب

[حميد.ص]

اخي الكريم نعطيك الحل: لازم تقعد مع الزوجة تاعك و تتكلم معاهافي موضوع الطبخ و لازم نعرف الاجوبة تاع هاذ الاسئلة

1- هل زوجتك ماتعرفش تطيب؟ ماتعلمتش في بيت اهلها؟

2- هل ماتحبش تطيب؟ اذا ماتحبش فلماذا؟

3- هل مرتك لاقد الله عاملينلها سحر يخليها تكره الطياب؟

4- هل حابة توصل لشي حاجة اخرى بامتناعها هن الطبخ مثلا بلاك كانت حابة تخدم و انت منعتها فهي منعت عنك الاكل.....بلاك حابة تجيبلها خدامة


لازم تعرف المشكل اين هو بالظبط و رجعلي الخبر


نصيحة اخي ماتهددش مرتك بالطلاق و ماتخربش بيتك بيدك اجلس معاها و انظر في عينيها و انت تكلمها راح تعرف اين المشكل باذن الله

[رحمة من المولى]

عندي زوج خاوتي واحد جاب استاذة و الاخر ضحك عليه قال بلي تهمل دارك ووووووو لكن القصة ان زوج الاستاذة عايش حياتو قايمة بدارها يكره كما قلت اكل الثلاجة مهبلها الفطور وحدو و العشاء وحدو و اللي ضحك عليه جاب وحدة قاعدة في الدار يروح يخدم لا قهوة لا والو يجي يفطر يلقاها غير كما ناضت من الرقاد تسكتو ببيض مقلي و لا اي حاجة الملابس وقت ما قالها راسها تغسل قداه من مرة خمم يطلق و ممبعد يدور
مواضيع البعض شكون خير الخدامة و لا القاعدة في الدار؟ نقولكم ياو اطلبو ربي سبحانو بنت الحلال و ما تعرفو الخير وين راه
و انت اخي الكريم حاول معاها بالحسنى ويلا مكاش جرب واش قالولك في التعليقات و ايلا ما نفع معاها والو من هذو نقولك رب سبحانو يفرج عليك