هل فاتني قطار الزواج ؟

[ZACOYOUS41]

إخوتي و أعضاء المنتدى

أنا أستاذ تعليم إبتدائي الحمد الله

أتذكر عندما تخرجت من الجامعة و عمري 23سنة ذهبت لأمي أريدها أن تخطب لي فتاة من الجامعة

فرفضت بحجة العمل و الخدمة الوطنية و ضيق المسكن

و بعد 6سنولت بطالة تحصلت على عمل واصبح 29


ورفضت خطبة بحجة مازال لم تكون نفسك و ضيق المنزل

الأن و عمري35 و بعد أن كونت نفسي من حيث الكرا ءو تكاليف الزواج

أردت ان أخطب فتاة من الجامعة 24 رفضت بحجة أنني كبير رغم أنني متخلق

هل كبرت و فاتني قطار الزواج و هل أجدا متخرجة من الجامعة

ما الفرق بين 35و 24 .....

[fofol]

السلام عليكم أخي الكريم لن تفوتك أزواج أنت في عز شبابيك

تقبل بيك أي وحدة وزيد أشراط

[fofol]

السلام عليكم أخي الكريم لن تفوتك أزواج أنت في عز شبابيك

تقبل بيك أي وحدة وزيد أشراط

الى حبيت تتزوج أنا نخطبلك:1:

[fella111]

إخوتي و أعضاء المنتدى

أنا أستاذ تعليم إبتدائي الحمد الله

أتذكر عندما تخرجت من الجامعة و عمري 23سنة ذهبت لأمي أريدها أن تخطب لي فتاة من الجامعة

فرفضت بحجة العمل و الخدمة الوطنية و ضيق المسكن

و بعد 6سنولت بطالة تحصلت على عمل واصبح 29


ورفضت خطبة بحجة مازال لم تكون نفسك و ضيق المنزل

الأن و عمري35 و بعد أن كونت نفسي من حيث الكرا ءو تكاليف الزواج

أردت ان أخطب فتاة من الجامعة 24 رفضت بحجة أنني كبير رغم أنني متخلق

هل كبرت و فاتني قطار الزواج و هل أجدا متخرجة من الجامعة

ما الفرق بين 35و 24 .....

لا ام يفتك القطار لكن كن واقعي يا اخي تليقلك وحدة 27-30 ..ربي يهنيك و يرزقك زوجة صالحة

[هدى الجيجلية]

السلام عليكم
أخي
مع هذه المشاكل
التي نعيشها
في هذا المجتمع
أنا أوافقك الرأي
بأن يكون الشخص نفسه
من ناحية العمل والمسكن
فأنت في سن معقول لكي تتزوج
إن شاء الله ربي يرزقك الزوجة الصالحة
التي تكون معاك في السراء والضراء
يارب

[" أبو عبود"]

والله ضحكتني أخي. تستطيع الزواج حتى من بنت 16 سنة . لكن لماذا تصر على السن؟ هل ستدخل حلبة ملاكمة يولزمك الوزن؟ الامر بسيط جدا. عمري 46 سنة مطلق ولدي طفل وبعضر علي الزواج من بنات 16 سنة الى 50 سنة. يجب ان تعرف انت ماذا تريد.

[الواثقة بربها]

كنت أسمع هذه العبارة لدى مجتمع النساء رغم أني ضدها تماما ولم أدر أن الرجال أيضا يتداولونها
أخي الكريم أعتبر سنك مناسب جداااا لبناء اسرة ولا مجال لجعله مشكلا أو عائقا يقف أمامك
توكل على الله وسيوفقك لايجاد الزوجة الصالحة
موفق بإذن الله

[bibicha]

بوووه عليا ناس راهم ستين سنة يتزوجو مع لي عندهم١٧ سنة ٣٥ سنة راك مزالك صغير ربي يرزقك ببنت الحلال لي تعرف قيمتك

[pomaria_aindefla]

هداها الله و رقك البنت الحلال

[حنان العنابية]

zwaj maktob hada makan

[*رحيق الجوري*]

انا وراجلي بيناتنا 13سنة نعشق فيه وبلا بيه نموت ادي ليرتاحلها قلبك وكتعود وحدة مكتوبك تشوف كيفاه تقبل وطير بالفرحة واداك هو تزوج برك باه تجيب ولادك على صغرك ايه حاقا نسا في عمرك يقولو رانا صغار مالا الراجل وش يقول هذا وين جيتي لدنيا وراح تبدى حياتك وتكون اسرة
اخطيك منها وكاين بنات رزان ويحبو الراجل فوق الثلاثين يكون راجل ونص وشارب من عقلو

[first first]

اخي مافتك القطار ما فاتك البابور...............35 راك في عمر مثالي..وتقدر تلقى لي تقبل بيك وعمرها20 سنة
مي انت تاني ماتتكبرش على بنات 26 .27 ...30. خليك لين في تفكيرك.

[first first]

اخي مافتك القطار ما فاتك البابور...............35 راك في عمر مثالي..وتقدر تلقى لي تقبل بيك وعمرها20 سنة
مي انت تاني ماتتكبرش على بنات 26 .27 ...30. خليك لين في تفكيرك.
انا نعرف شخص هو 30 ومرتو 32...........والله يارك........عرف يختار...مراة اصالحة ماشاء الله.

[روّاد الجزائر]

مزالك صغير خو

غير بالشوية و تلقى المسعودة

حاجة واحدة برك ما تربطتش السعادة الزوجية بسن المراة او زينها

ما تشرطش عمرها كيما مش حاب انت يشرطوا عليك العمر

ربي يرزقك بالزوجة و الذرية الصالحة عاجلا غير اجل

آآآمين يارب

[abdo nadir]

لابالعكس علاه فاتك قطار الزواج راك مزال في عز الشباب انا شخصيا لو يتقدملي واحد بهذا السن ويكون متوفرة فيه شروط الزوج الصالح نقبل

[halim1980]

rani hna 3andi 34 ans w hab nokhtab

[halim1980]

لابالعكس علاه فاتك قطار الزواج راك مزال في عز الشباب انا شخصيا لو يتقدملي واحد بهذا السن ويكون متوفرة فيه شروط الزوج الصالح نقبل

rani hna 3andi 34 ans w hab nokhtab
rani hna 3andi 34 ans w hab nokhtab

[بنت لبحر]

اخي راك في السن المناسب لزواج مكانش المكتوب بينك وبينهاهدا مكان

[رضا 10]

طيحتلي المورال يا اخي ماهذه العقلية الانهزامية جارنا اولاده وبناته متزوجون ولهم اولاد ايضا ولكنه اعاد الزواج ثانية بعد وفاة الاولى وانجب ولدا مع العلم انه فاق الستين لانه اصلا متقاعد

[asma.asouma]

35 سنة هذا هو السن المناسب للزواج

وانت تاني يااخي شوف قدامك شوف واحدة قريبة من عمرك

[life is life]

لازلت في عز شبابك يا اخي

فقط يجب أن تجيد الإختيار

[عائشة 88]

مافاتك القطار ماوالو راك ف السن المناسب مش من اول مرة ممكن تفقد الامل كاين لي خطبو ١٠وفي اخير ربي رزقهم ببنت الحلال. فقط احسن الاختيار وربي يوفقك

[أبو خالد سيف الدين]

بالعكس
أنت في السن الملائمة للزواج و تحمل المسؤولية
لا تجاري أمك في تأخيرالزواج فهذا أمر يخصك أنت المهم أن يكون لك سكن مستقل و عمل و أنت تكون الفتاة على خلق و دين

وفقك الله

[salem1985]

ههههههههه ضحكتني خويا ما تعمرش راسك بهذا القوم خليهم الزمان يربيهم انت جاتك في السن برك خليها راه دوك يجي واحد في عمرو 20 سنة ويقبل بيها وهي عمرها 25 سنة والله في وقت نسبة النساء في الجزائر 100/70 مزال يتقلشوا بصح مزال يبكو الدم خصوصا مع اشتداد المنافسة على الرجل الجزائري من الغربيات والسوريات والتونسيات الي يفوقوهم في الجمال والبساطة والقناعة رايح نصهم يبقى عند ماماه والى قالت ما نقدرش نبعد على الدار قوليها الله لابعدك عليها انا كي نسمع الحوايج هادو قلبي يضرني انا الباب هذا بلعتو وخليت مكتوبي هو يجيني الي عرضت علي روحها نسقسي ومن بعد نتزوج بيها وخلاص انا ترفضت 3 مرات بحجة واهنة انت بعيد انت موش شباب انت تخدم بعيد انا ما نبعدش على دارنا لازم نشوفهم الصبح وعشية انا مزلت 28 سنة بصح كي نوصل 30 بلاك نولي كيفك يلقو العذر انتاع السن لانهم موش رايحين يلقاو عذر اخر الحمد لله راضي بنفسي انسان مصلي نخاف ربي قدي قد روحي ما عندي لا علاقات ولا خرجات حتى الدخان والشمة والشراب خاطيني وبداري وحدي وعملي ممتاز الحمد لله بصح الفتياة حابين الصبح والعشية في دار اباها ربي يهدينا خويا خليها على ربي مزال ويتمناوك وما يلقاوكش علبالي كاين بعد الفتيات تبغي تعزز روحنا بصح الراجل كلمة وحدة واخلاص لانو انا صرات لي قصدت وحدة خدامة معايا وهي علبالها بي وتعرفني كي نفسها قالت لالا وتكبرت ومن بعد سمعوا الي خدامين معايا حلوا ليها عينيها قالت ليهم انا حبيت نتعزز شوي رجعت وبدلت معاملتها معايا وتسقسي علي بصح انا خلاص ما تزيدش تسمع مني كلمة نجي نخطبك لانها هانتني انا نقبل بواحد كيما هاك موش شباب خلاص الشباب انتاعك دفنيه معاك في قبرك المهم طولت عليك خوي ربي يهنيك

[abdo nadir]

rani hna 3andi 34 ans w hab nokhtab
rani hna 3andi 34 ans w hab nokhtab


إذا كنت جاد أهلا وسهلا

[هبة الوهاب]

مافاتك ماوالو تقدر تتزوج متى شئت راك رجل والراجل مافوتو حتى شيء
الله يرزقنا اجمعين

[manothebest]

السلام عليكم
واحد عندو 35 سنة لا خدمة لا دار لا والو
تزوج بقريبتي 18 سنة تهبل
ونتا 35 وخدام ومدبر أمور دارك وحاير؟؟
يعني انسى هذا وروح ترا ابحث على البنت اللي تحوس عليها

[" أبو عبود"]

إذا كنت جاد أهلا وسهلا

ضرك يدير مارشارياير ويهرب كي يولي في الصح ههههههههههههههههه يا اخي اذا تقدمت هلذه الاخت ووافقت عليك لك مني " هدية محرزة" على قول السوريين هيا كوراج لا تخف

[النجمة القطبية]

لست كبير
لكن كثير من الفتيات تحب من يقاربها سنا
انا شخصيا سبق ورفضت الاكبر سنا ونفس الفرق الذى تتحدث عنه الان لا ادرى لماذا لكن اشعر انه كلما تقارب الفرق بين الزوجين زاد التفاهم
لكن عموما لا تياس ابحث وستجد كثير من الفتيات يفضلن الرجل الاكبر سنا يعتبرنه انضج كيما يقولو كل انسان وكيفاش يفكر
ربي يوفقك

[no name rix]

لا تقبل بك الا من تعتقد أنها سوف تتزوج سواء بك أو بدونك
وبالتالي هناا نستنتج أنك تريد وتبحث عن احدهن تكون جميلة وربما من أسرى ثرية
وبالتالي فبعضهن متأكد من زاوجهن وخاصة أنك تريدها جامعية
لا أعتقد لو كانت أي بنت ذات 24 سنة أنها سوف ترفضك أولا لسنهاا وثانيا خاصة عمرك في الثلاثنات
أوصيك بالبحث عن ابنة الحلال وراك فاهم واش نقصد (راجع نفسك)
الله يسهل

[" أبو عبود"]

يا اخي النساء ليست معادن فقط بل مثل كل العناصر الكيميائية في جدول مندليف كل واحدة ولها وزن ذري وعدد من الاكترونات - آمل ان تكون تفهم في الكيمياء- فلا تقلقل سوف تجد ما تردي من اي سن شاء وباي لون وحتى باي ذوق تفاح، برتقال ، اناناس او كما يقول المثل الشعبي ط ماذا تشتي يا الجدي من النوار"

[halim1980]

ضرك يدير مارشارياير ويهرب كي يولي في الصح ههههههههههههههههه يا اخي اذا تقدمت هلذه الاخت ووافقت عليك لك مني " هدية محرزة" على قول السوريين هيا كوراج لا تخف

واشنهوا الهدية ....انا مستعد نتقدم دورك

[hafidaaicha]

مزالك شباب ان شاء الله ربي يطيحك فيبنت الحلال انا مانشجعش زواج الصيف القاطو وفي الشتاء تحوس بوقاطو

[hafidaaicha]

سؤال هل من الممكن ان تنجبالمراةة في سن ٤٩ او٥٠ مع العلم مزال الحيض منضم

[halim1980]

إذا كنت جاد أهلا وسهلا

نعم والله غير راني ناوي صخ

[امينة النايلية]

واشنهوا الهدية ....انا مستعد نتقدم دورك


انتهز الفرصة واشرط الهدية الي تعجبك . انا نقلك اشرط فيه يجيبلك الكبش :19:

[hodahodahoda]

اذا كنت انت راجل تقول فاتني قطار الزواج واش اقولو النساء

[ABDOU ELE]

نعم والله غير راني ناوي صخ




اين ذهبت :1: تقدم و لا تخف :1:اين شجاعتك:1:

[abdo nadir]

ضرك يدير مارشارياير ويهرب كي يولي في الصح ههههههههههههههههه يا اخي اذا تقدمت هلذه الاخت ووافقت عليك لك مني " هدية محرزة" على قول السوريين هيا كوراج لا تخف


ههههه أخي أنا لست للعرض هي مجرد مزحه لاغير

[نسائم الهدى]

انا دخلت الموضوع عندبالي فتاة من كتبت الموضوع /لم اقرا اسم العضو /

عندما وجدت رجلا انتظرت تقولنا لحقت 45 او 50 سنة

لكن 35 سنة و فاتك القطار؟؟؟ استأجر سيارة نورمال /كيما يقول وليد خويا : ما فيها والو نورمال /

شوف اخي انا لوكان جات عندي طفلة و يخطبها واحد عمرو 24 او 25 سنة ما ندخلوش داري اصلا

انا خويا نهار خطب بنت خالي كان عمرو 25 سنة قلتلو : / لوكان جيت في مكان خالي والله ما نعطي بنتي لواحد دراري مي هو يدبر راسو /

و خويا كان الله يبارك عليه ما شاء الله راجل ملي كان عمرو 17 سنة و يعمر العين سوا فالعقلية ولا لاطاي

مي كومام جاني درااااري

انا ملي كنت صغيرة عندي الراجل يكون راجل من سن 30 فما فوق قل من 30 ما يعمرليش عيني

ألور انت يا اخي مازال ما فاتكش القطار

مي يا حبذا لو تخطب وحدة عقلها كبير و توافقك فالسن تكون 27 حتى 30 سنة

موش 16 ولا 19 ولا 20 تجيبها عقليتها مختلفة على عقليتك تعييلك مخك و توجعلك راسك

ربي يوفقك اخي و يكتبلك الخير

سلام

[نسائم الهدى]

قولولي نزغرت ولا مازال؟؟؟

راني نستنى

[halim1980]

[QUOTE=abdo nadir;3991636814]ههههه أخي أنا لست للعرض هي مجرد مزحه لاغير[/QUOT
كنت ناوي نتقدم تفكري انتي لي م قبلتيش اقلي المرة هاذي تصلح ان شاء الله

[بسمة اكرام]

ياخويا الله يهديك
راك مزلت صغير واش من قطار يفوت
راه مكانش كاع الي يفوتو القطار غير مزال ربي مالقاكش بنت لحلال الي توالمك وتسعدك

[ام مهدي2010]

يا اخي بانسبة لراي بالعكس مافاتكش قطار الزواج هذا هو السن المناسب لزواج الرجل حيث يكون فيه في نضجه العقلي التام و بالنسبة لعمر الفتاة يا اخي المهم تقبل بيك في عمرها 24 او 19 اذا كانت قانعة بيك و علاش لالا و اقول لك اخي انا زوجي اكبر مني بعشر سنوات و الحمد لله لا اتخيل حياتي بدونه حتى و ان كانت بعض المشاكل كيما كامل الناس ....... ربي يرزقك الزوجة الصالحة ان شاء الله

[abdo nadir]

[QUOTE=abdo nadir;3991636814]ههههه أخي أنا لست للعرض هي مجرد مزحه لاغير[/QUOT
كنت ناوي نتقدم تفكري انتي لي م قبلتيش اقلي المرة هاذي تصلح ان شاء الله


يا أخي أنا صح ممكن نكون جاده لو كنت جاد هل هناك وسيلة للتواصل

[halim1980]

[QUOTE=halim1980;3991637639]


يا أخي أنا صح ممكن نكون جاده لو كنت جاد هل هناك وسيلة للتواصل

ممكن برك يعني ميش متأكدة
lamiala43@yahoo.fr
******** lamia lamia

[halim1980]

[QUOTE=halim1980;3991638340][QUOTE=abdo nadir;3991637842]

ممكن برك يعني ميش متأكدة

]lamiala43yahoo.fr
face booook lamia lamia

[nilly]

انتوما العرب نحير فيكم تتزوجو بكري يالطيف

علبالك حنا القبايل لقدك انت مزالهم يديرو حفاظات ميخمموش على زواج خلاص راهم يقولوا حنا صغار نعيشو حياتنا

وليخمم على زواج لعنده اربعين ومافوق روح عيش حياتك دركا ارقص وتنزه وسافر واضحك وكون اصدقاء وكي تكبر شوي فكر بزواج .وكل واحدة كيفاش تشوف كاين لتحب تتزوج بواحد قدها وكاين لي لالا ........

[nilly]

نعم والله غير راني ناوي صخ

شوف ادا خطبت هده طفلة بصح شهر العسل هدية مني ونقولها قدام كامل الاعضاء لكاين هنا

وانا قد قولي المهم تزوجوا

[halim1980]

شوف ادا خطبت هده طفلة بصح شهر العسل هدية مني ونقولها قدام كامل الاعضاء لكاين هنا

وانا قد قولي المهم تزوجوا

شكرا مسبقا خويا الكرة راهي عندها هي اللي ميش كوراج

[" أبو عبود"]

أنا قتلك قبلها اذا تزوجتها عندي ليك هدية هيا كوراج ما تكونوش جبناء الى الامام ههههههههههه

[" أبو عبود"]

انتهز الفرصة واشرط الهدية الي تعجبك . انا نقلك اشرط فيه يجيبلك الكبش :19:

ه حرام عليك با بنت العم اذا كل عضو يتزوج عضوة نجيبلو كبش راهي حلابة ما تكفنيش ههههههههه

[" أبو عبود"]

اسعونا الزغاريد يا نساء المنتدى يبدو ان هناك عرس وشيك ههههههههههههههه

[nibou]

الله يا اخي حتى تخيلتك كبرت و عجزت،أصلا هذا هو وقت الزواج ماش فاتك الزواج و راه الأمر عااااااااااادي و زيد هي ماش حابة تقبل على السن ماش مشكل كاين بنات ا\خرين يقبلوا،شوف وحدة تخرجت و خلصت بلاك خير من اللي مزالت تقرا،خاطر راهي تشوف في روحها مزالها صغيرة والدنيا قدامها أما الأخرى تكون وعات شوية في مرحلة ماااا بعد التخرج،أخي كاينة حاجة أخرى،و سامحني إذا راح نجرحك فيها و لا نقيسك و لكن ماش قصدي،ربما هي رفضت خاطر نتا تبان كبير،ماش كبير،نظن فهمتني،إذا حاول تعيش سنك

[abdo nadir]

ايا خلاص راني كوراج ونديرولكم عرس سبحان الله هاذي دنيا كل شي ممكن

[abdo nadir]

[QUOTE=halim1980;3991638340][QUOTE=abdo nadir;3991637842]

ممكن برك يعني ميش متأكدة

]lamiala43yahoo.fr
face booook lamia lamia

lamia lamia واش الصورة كاين بزاف

[سلواان]

انتوما العرب نحير فيكم....................................

علبالك حنا القبايل........

نتوما لعرب ..هاذي روعة ..ههههههه ..spécial

[أخلاقي تاجي]

شكرا مسبقا خويا الكرة راهي عندها هي اللي ميش كوراج


ربي يوفق للحلال علاه لالا ونفرحو بيكم زينو النية تسهل كل شي مبروووووووووووك مسبقا سمعونا زغرودة

[halim1980]

[QUOTE=halim1980;3991637639]


يا أخي أنا صح ممكن نكون جاده لو كنت جاد هل هناك وسيلة للتواصل
كيف نتصل بيك ؟؟؟؟

[morine]

الرجل لا يفوته ابدا قطار الزواج

[" أبو عبود"]

لماذا ؟ هل قطار الزواج بالنسبة للرجال دائري يدور مرة او عدة مرات في الزمن ويمنكه الركوب في اي وقت وفي اي عمر؟ هههههههههه

[2011selma]

wachmn ******** ahder mlih khoya ma9ritch hadi
ما يلفظ من قول إلا لديه رقيب عتيد ) ida nwitha sah 9olelha tmdlk num ta3 maliha wji tchofha nathera char3ya mn ba3d tetfahmo

[راضية بالقضاءو القدر]

السلام عليكم يا اخي الزواج مكتوب مازال وقتو انا عندي خالي في سنك تقريبا تزوج العام الماضي مع وحدا في عمرها 30 سنة ما شاء الله زين و اخلاق و في رمضان زادت عندو بنت الله يبارك ماشاء الله و عايشين متفاهمين حاجة ما تخصهم و حوس مليح على الزوج الصالحة ما يهمك السن و لأن السن ما عندو حتى قيمة أمام إنعدام الأخلاق سلام

[cokis katerina]

يا اخي المرا هيا لي يفوتها قطار الزواج اما الراجل سن الزواج غير محدد
انا عمري 22سنه وزوجي 38سنه وراني في 5سنوات زواج والحمد لله جامي خممت فالفرق
ديجا نزيدك حاجا المرا تكبر بلخف ماشي كيما راجل شويا جال و لبسا شابا يبان صغير على مرته ههههههه:1:

[○•ميسون•○]

نعرف واحد وصل 42 سنة و منبعد تزوج بوحدة عمرها 20 سنة

[kaibacef]

قبل ان ادخل الموضوع ضننت ان الكاتب فتات
ليس لدي ما اقوله لك زيد جرب وخلاص الشياب وقاعدين يزوجو ههه وحنا ليجان يقاحرو فينا

[" أبو عبود"]

يا اخي المرا هيا لي يفوتها قطار الزواج اما الراجل سن الزواج غير محدد
انا عمري 22سنه وزوجي 38سنه وراني في 5سنوات زواج والحمد لله جامي خممت فالفرق
ديجا نزيدك حاجا المرا تكبر بلخف ماشي كيما راجل شويا جال و لبسا شابا يبان صغير على مرته ههههههه:1:

الله يبارك اخير لقينا لي تعترف ان فارق السن ليس مشكلة.

[رانيا لوك]

يا اخي انت الي تخير وزيد شرط مزالك في عز شبابك وترضى بيك من مولات 17 حتى 25

[" أبو عبود"]

حتى تاع 45 ترضى بيه بالفرح والسرور هههههه

[ailemak]

mais wa3lech hbest 3and hadi moulet 24ans, eske kayna ghir hadi li fi 3morha 24ans wela min 3ajbetek w ,
non ya akhi kaynin fi hada sin w ya9ablou, zid hawes, en plus kaynin li moins , w nta mazelt rak jeune, w ta9der teddi moulet 20 ans

[امينة النايلية]

راهم غبر يدوخو فيك باش تقعد باير ياسر عليك 35 وين رايح بيها!!!

الراجل والمراه كيف كيف يبداو يتقلقو عالزواج في سن 29

بصح الفرق الراجل الناس كامل معاه والمراه كامل ضدها

يعني اذا عولت تخطب رايح رايح تلقى

بصح هاذاك الاحساس كاين تاع تأخير الزواج يكون بينك وبين روحك

اما لمراه تصعاب عنها فرص الزواج بسبب المجتمع يشفوها بنضرة سخرية واحتقار

حتى يستغربو اذا سمعو وحدة عمرها40 تزوجت وكانها معجزة وينساو انهم هم سبب هاذ الحالة

[hamza18]

مازالك صغير خطيب اختي في عمروا39 سنة وراه يقول مازالي صغير ههههه

[notajsim]

لابالعكس علاه فاتك قطار الزواج راك مزال في عز الشباب انا شخصيا لو يتقدملي واحد بهذا السن ويكون متوفرة فيه شروط الزوج الصالح نقبل


واش من شروط !!!

شروط على سنة الله و رسوله , ولا على سنة كيما بنات عمي و خالتي كرقاش بولحية و الحزام و 60 مليون ووو

خلونا شبعتونا مقروط ...

و نقول لصديقي هذا أنت في سن الزواج و القطار ما فاتش ... الصح في المفاهمة و انت تعيش مرتاح مع زوجتك و هذا لا يضمنه إلا رب العالمين ...

[قيـــس]

هل هذا عرض زواج على المباشـــــــر؟

[عين الصقر]

هذا هو الوقت أخي للزواج
الراجل مايبورش ولكن دير حسابك كي تكون انت في الخمسينيات من العمر ولدك يكون في العشرينيات ويساعدك ويتقاسم معك المسؤولية والتعب.

الله يزرقكم رجالا ونساءا بالنصيب والذرية الصالحة

[" أبو عبود"]

وصلت للصفحة الخامسة ومزال ما تزوجت؟ قلت راك تزوجت وراك تستنى في الطفل الاول ههههههههههههه

[mouloudfan]

يأخي لافرق لا والوا مازلك صغير مشاء الله ربي يرزقك بنت لحلال

[adem1974]

ههههههه في هذا الوقت تقول نتزوج يجرو وراك البنات
من 17 حتى50

[halim1980]

لابالعكس علاه فاتك قطار الزواج راك مزال في عز الشباب انا شخصيا لو يتقدملي واحد بهذا السن ويكون متوفرة فيه شروط الزوج الصالح نقبل

متأكدة لو يتقدملك واحد وتتوفر فيه شروط الزوج الصالح رايحة تقبلي ولا كلام موجه للاستهلاك

[salem1985]

اصبر خويا هادي بلادنا الزوالي يخلقوا ليه الاعذار انا وحدة نكمل قرايتي وحدة انت بعيد والي من البلاد تقول انا ما نروحش معاك خدمتك بعيدة املا تزوجت بالعزوبية وراني مهني راسي راني قريب 29 سنة ومزال مافكرتش حتى في اش من قطار نركب المهم خويا رانا من صدمة لصدمة وخلاص

[" أبو عبود"]

عجبا لك يا أخ سالم، كيف تستعجل القضاء فلا تزال حديث السن ههههههههههههههه

[الألماسة]

مزالك صغير خو

غير بالشوية و تلقى المسعودة

حاجة واحدة برك ما تربطتش السعادة الزوجية بسن المراة او زينها

ما تشرطش عمرها كيما مش حاب انت يشرطوا عليك العمر

ربي يرزقك بالزوجة و الذرية الصالحة عاجلا غير اجل

آآآمين يارب

نعم الكلام

[lola22]

ياااااااااااااااا عم الراجل ما يفوتوش القطار ... وانت مزالك في شبابك اخطب الطفلة اللي باغيها وفي اي سن باغيها ... ربي يكملك ان شاء الله

["راجية الجنة"]

إخوتي و أعضاء المنتدى

أنا أستاذ تعليم إبتدائي الحمد الله

أتذكر عندما تخرجت من الجامعة و عمري 23سنة ذهبت لأمي أريدها أن تخطب لي فتاة من الجامعة

فرفضت بحجة العمل و الخدمة الوطنية و ضيق المسكن

و بعد 6سنولت بطالة تحصلت على عمل واصبح 29


ورفضت خطبة بحجة مازال لم تكون نفسك و ضيق المنزل

الأن و عمري35 و بعد أن كونت نفسي من حيث الكرا ءو تكاليف الزواج

أردت ان أخطب فتاة من الجامعة 24 رفضت بحجة أنني كبير رغم أنني متخلق

هل كبرت و فاتني قطار الزواج و هل أجدا متخرجة من الجامعة

ما الفرق بين 35و 24 .....

سلام عليكم

والله مجتمعنا أصبح متعف بكل الاشكال
انصحك بابتعاد عن بنت 24 سنة و 25 لأنهن مزالوا يعرفوش صلاحهم ومزالت عقليتهم صغيرة
من دلال الوالدين لهن الا من رحم ربي
هناك بنت 22 تلقى عقلتيها توزن بلد ماشاء الله ومتفهمة ربي يبارك
وكاين ينت 25 ولا 24 و حتى 30 عقلية 0 و مزال متعرفش صلاحها
اذا رفضتك لانك اكبر منها اي متعرفش صالحها مليح
ماشاء الله متعلم و متخلق لو كان رجل أخر كون راه لعب ببنات الناس و جاها و جابها و لايهمه الامر ابدا
بانك من سن 23 سنة تخمم انك تعف نفسك
فالله لن يضيع اجر صبرك و راح يرزقك زينة البنات
فقط كون متفهم و ثق بها كل الثقة حتى لو قلت لها لا تعملي يعني الخدمة لا و هي قاتلك اريد العمل اكيد بحجة انك تساعدك في هم الدنيا راك تشوف الغلاء الفاحش وووو
خليها براحتها يجي نهار و تقول عييت لازم نحكم المنزل و نربي الاولاد المهم تكونوا عندكم سياسة النقاش المتحضر
ربي يرزقك من حيث لا تحتسب بنت الحلال التي ترضى بها و ترضى عليك
وعليكم السلام

[" أبو عبود"]

يا جماعة زوجوه راكم طولتو عليه بزاف ههههههههههههههههه فضرو عليه وجدة وسكرو الموضوع هههههههههه

[كلنا راحلون]

إ

ما الفرق بين 35و 24 .....

السلام عليكم اخي فرق واضح برهان بتراجع . صغيرة فسن تقدر تدخل لها افكار ايجابية وتنحية افكار سلبية وهل شجرة تنمو صغيرة وسليمة تطلع سليمة افكار بمساعدة زوجها بعد زواج لنأكد فقط وادا كانت فاقت 30سنة افكار كدالة صماء لا تستطيع حلها مع تكاملات في امتحان فترة مساء في اجواء مشحونة تكتب للاستاذ اعطيني 5/20 وخليها فستر او لما لا 10/20.وهل شجرة تطلع عوجة تقدر هزها
حلل وناقش في كوكب جلفون عايز تتجوز سكريات نبات موجودات قبل زواج ومادا عن بعد زواج لا سكريات نبات حتى صغيرة فسن وتنطبق على كل كوكب ارض اذن 35 زايد 24يساوي 24 زايد 35 يساوي شجرة وشجرة تعطينا ظل
قلت لك برهان بتراجع
وادا حبيت تكاملات
الرجل مكمل المرأة والمرأة مكملة الرجل وتزوج وريح راسك

[ZACOYOUS41]

http://www.djelfa.info/vb/showthread.php?t=1666538

[ZACOYOUS41]

الحمد الله الحمد الله ملك السموات و لأرض

[كلنا راحلون]

10000000000000000000000 مبرووووووووووووووووووووك صدفة شيء رائع رائع رائع وذرية صالحة ان شاء الله



تحيااااااااااااااااااااااااااااااتي

[عصفور الجنة]

الـــــــــــــــــــــــــف الف مبرووووووووووووك

[noufel09]

إخوتي و أعضاء المنتدى

أنا أستاذ تعليم إبتدائي الحمد الله

أتذكر عندما تخرجت من الجامعة و عمري 23سنة ذهبت لأمي أريدها أن تخطب لي فتاة من الجامعة

فرفضت بحجة العمل و الخدمة الوطنية و ضيق المسكن

و بعد 6سنولت بطالة تحصلت على عمل واصبح 29


ورفضت خطبة بحجة مازال لم تكون نفسك و ضيق المنزل

الأن و عمري35 و بعد أن كونت نفسي من حيث الكرا ءو تكاليف الزواج

أردت ان أخطب فتاة من الجامعة 24 رفضت بحجة أنني كبير رغم أنني متخلق

هل كبرت و فاتني قطار الزواج و هل أجدا متخرجة من الجامعة

ما الفرق بين 35و 24 .....
اخي الكريم انا تزوجت بعمر 23 وزوجي كان 36 وهذا الشهر نكمل 11 سنة زواج وعندي 4 اطفال وماحصيناش بالفرق في العمر ومازالنا صغار اتكل على الله وكمل نصف دينك ربي يوفقك

[salem1985]

الى انت خويا فاتك قطار الزواج انا داسني القطار انت على الاقل راك مزال عندك الثقة في النفس وراك تحاول انا خلاص فقدة الثقة في نفسي وغلقت باب الزواج بعد الي سمعتو من الي تقدمت ليها ترفض وتزيد تهدر هدرة خاطية خلاص انا ما نصدقش بالي كاين العنوسة انتاع النساء في البلاد كاين التقلاش ربي يهدينا

[فاروق روضة]

أخي الكريم شوف واحدة ماشي قارية بزاف و تقبل الزواج بيك و لو تكون في 18 سنة