اوقفو مع اختنا houdayna كي لا تتطلق

[*رحيق الجوري*]

اختنا في الله هدينة واقعة في مشكلة او باصح القول مصيبة اقفو معاها في محنتها ولو كلمة طيبة او نصيحة ولا حتى دعوة خير
انشالله تعاونوها ودوك تدخل وتحكي معاكم
يا ربي يهدي سرك هدينة ويرجعك لحضن زوجك والله لمرا مالها غير زوجها

[hodayena]

اختنا في الله هدينة واقعة في مشكلة او باصح القول مصيبة اقفو معاها في محنتها ولو كلمة طيبة او نصيحة ولا حتى دعوة خير
انشالله تعاونوها ودوك تدخل وتحكي معاكم
يا ربي يهدي سرك هدينة ويرجعك لحضن زوجك والله لمرا مالها غير زوجها

اختي لم اطلب الطلاق بل هو الي رفع عليا دعوة الطلاق لم اطلب الا سكن صغير اعيش فيه حياتي الزوجة اخدم فيها هذا الانسان الي حبيتو من قلبي وهو راح ارفع عليا دعوة طلاق دون حتى السؤال اتصلت بيه حاولت معاه لكن لم يتركني اتكلم اهانني بكلمات لم اتوقعها يخم في روحو وعارف بلي امو هي الظالمة وعلابالو بلي اتحملت معاه ووقفت مع اختو كيما اختي لكن لم ارى منهم غير الجفاء لم اطلب سوى سكن صغير غرفة نو ومطبخ وتواليت ودوش مع العائلة لانو عندهم الوسع كاين كيفاه يبني
هذا الشخص رماني انا ووليدي من الاسبوع الاول تع ظيافتي بعتلي موندا في البوسطة بقيمة 300دج ولم يسال عني تدخل والده زاد الامر سوء والان انتظر الجلسة ومن بعدها جلسة الصلح التي لن اتنازل عن حقي في بيت صغير ياويني انا وولدي ويحميني من شر والديه ومكر والدته لم اظلمه ولم اظلمهم كنت نخاف ربي في معاملتي معاهم لكن للاسف لم اجد منهم سوى الجفاء

[**النقيبة**]

ربي يهدي الاحوال بينكم

[animaltruth]

عليكي بالصبر والدعاء ..... أسأل الله أن يهدي من خلق ويجمع بين كل من فرقتهم الدنيا

[*نـــور*]

ربي يفرج عليك يا اختي

[بنت لبحر]

ربي يفرج عليك اختي و ان شاء الله متطلقيش على جال ولدكم

[محبة الله الجزائرية]

ربي يفرج عليك يا اختي

فقط اكثري من الاستغفار و الدعاء و قراءة القرآن فالله سيسهلك عليك الافضل

و لا تنسي يا اختي الله لا يضيع اجر المحسنين

الله معاك نشالله

[أم أحمد عبد الصمد]

اختي لم اطلب الطلاق بل هو الي رفع عليا دعوة الطلاق لم اطلب الا سكن صغير اعيش فيه حياتي الزوجة اخدم فيها هذا الانسان الي حبيتو من قلبي وهو راح ارفع عليا دعوة طلاق دون حتى السؤال اتصلت بيه حاولت معاه لكن لم يتركني اتكلم اهانني بكلمات لم اتوقعها يخم في روحو وعارف بلي امو هي الظالمة وعلابالو بلي اتحملت معاه ووقفت مع اختو كيما اختي لكن لم ارى منهم غير الجفاء لم اطلب سوى سكن صغير غرفة نو ومطبخ وتواليت ودوش مع العائلة لانو عندهم الوسع كاين كيفاه يبني
هذا الشخص رماني انا ووليدي من الاسبوع الاول تع ظيافتي بعتلي موندا في البوسطة بقيمة 300دج ولم يسال عني تدخل والده زاد الامر سوء والان انتظر الجلسة ومن بعدها جلسة الصلح التي لن اتنازل عن حقي في بيت صغير ياويني انا وولدي ويحميني من شر والديه ومكر والدته لم اظلمه ولم اظلمهم كنت نخاف ربي في معاملتي معاهم لكن للاسف لم اجد منهم سوى الجفاء
الله يصبرك ولي فيها الخير يجيبها ربي
قصتك مثل قصتي الفرق بيننا أنني أنا لي رافعة الدعوة

[نورة مروان]

ان شاء الله ربي يفرج عليك ويفتحلك ابواب رحمته
ربي يكون معاك ان شاء الله

[ailemak]

ربي يفرج عليك اختي

[رضا 10]

ربي يفرج عليك يا اختي

فقط اكثري من الاستغفار و الدعاء

[saly]

ربي يفرج همك اختي ويهدي راجلك لازم الراجل يكون عادل بين مرتو وامو وابغض الحلال عند الله الطلاق ادعي ربي اختي واكثري من الاستغفار والصلاة

[بيان 5]

ربي يفرج عليكك اختي قصتك كيما قصتي نسقسيك رحتي اول جلسة ولا مازال

[hodayena]

ربي يفرج عليكك اختي قصتك كيما قصتي نسقسيك رحتي اول جلسة ولا مازال

الجلسة الاولى مزال لغاية سبتمبر بصح المحامي قالي متروحيش ماشي ظروري حتى لجلسة الصلح
اختي انا ساكنة معاهم لو كان جيت خدامة معليش قتلو ابنيلي دار فيا هكذا وكلي محامي يتكفل بقضيتك

[bella12]

يارب يرجع زوجك عن قرارو وينزل السكينة بياناتكم على الأقل على جال ها الطفل
يارب يتربى في ع والديه

[hodayena]

ربي يفرج عليكك اختي قصتك كيما قصتي نسقسيك رحتي اول جلسة ولا مازال

اختي انا تاني مرانيش حابة نظلق بصح انتي المحامي في مذكرة الجوابية يكتب مظالبك وفي جلسة الصلح قولي مراكيش حابة تتطلقي وحابة سكنا وحدة واذا قبل اهلا وسهلا مقبلش يخلصها غالية عندك ذراري معاه اختى قولي للمحامي هو يعرف واش يكتبلك السكن المنفرد والمجهز حق من حقوقك والقانون يوقف معاك خاصة انو هو رافع الدعوة مش انت ومتتنازليش راتبك من حقك وقوليها في جلسة الصلح اتشوفي
ربي يفرج علينا كوني قوية ومتضعفيش واذا عرفك خايفة يزيد يتمادى مدريش الغلطة الي درتها

[ماريام]

ربي ينزل السكينة في قلوبكم و يجمع الشمل ان شاء الله

["المثوكلة علي ربها"]

ربي يفرج عليك اختي

[first first]

ربي يفرج عليكم ان شاء الله.
الطلاق ليس مفتاح السعادة.........الا في حالات معينة.
المشاكل دائما موجودة ............................قبل الطلاق او بعده.......قبل الزواج او بعده.........يعني الانسان لازم يكبر عقلو.
اسال الله ان يفرج كربكم ويوفقكم الى مافيه خير لكم.

[khezzane_annabi]

يا اختي ربي يهدي سركم ويطيب عشرتكم الراجل ماليه غير مرتو والمراة ماليها غير راجلها
علاه عليك تحرمي الاولاد من باباهم ولا تحرميه هوا من ولادو ومرتو
الراجل قد مايكون فاسد وانا نعرف شحال من حكاية بصح من بعد يرجع ويلقا غير مرتو
اوقفي مع راجلك وتحملي هادي هيا الدنيا ماكيش انتي الاولى ولا الاخيرة اللي تتعارك مع عمتها كاين الف حالة اكثر منك تحملي يا اختي واجرك على الله
راهي ابشع حاجة وابغظ حاجة هيا الطلاق ومهما هوا كان رافع القضية انتي اوقفيعلى انك ماتتطلقيش
ربي يهديه يا رب ويهدي جميع المومنين

[Kawthar77]

يا اختي فكري في ولدك قبل ما تأخذي اي قرار والوقت صعيب بزاف لي رنا عيشينه وخاصة مراكيش خدامة والطلاق ليس هو الحل وشعال بقينا نعيشوا في هدي الدنيا الفانية ونحن نشوفها في علامات الساعة وادا زوجك مدين ويحترمك وعندك مشكل السكن اختي اصبري واجرك على الله وابن مهما كبر يحتاج ابوه والله المستعان وربما ترجعيله وربي يجزيك ويفرج عليكم بسكن ونصيحة متخسريش راجلك وابنك في نفس الوقت

[khezzane_annabi]

يا اختي فكري في ولدك قبل ما تأخذي اي قرار والوقت صعيب بزاف لي رنا عيشينه وخاصة مراكيش خدامة والطلاق ليس هو الحل وشعال بقينا نعيشوا في هدي الدنيا الفانية ونحن نشوفها في علامات الساعة وادا زوجك مدين ويحترمك وعندك مشكل السكن اختي اصبري واجرك على الله وابن مهما كبر يحتاج ابوه والله المستعان وربما ترجعيله وربي يجزيك ويفرج عليكم بسكن ونصيحة متخسريش راجلك وابنك في نفس الوقت

والله هدا هوا الكلام الرزين ربي يبارك فيك اختي المرا ماليها غير راجلها وصدقيني يدور يدور ويرجع لمرتو ويطلب منها السماح كي والو

[أم احمد3]

ربي يفرج عليك يا اختي

[hodayena]

والله هدا هوا الكلام الرزين ربي يبارك فيك اختي المرا ماليها غير راجلها وصدقيني يدور يدور ويرجع لمرتو ويطلب منها السماح كي والو

مش انا الي طلبت الطلاق ياناس انا راني طلبة سكن سغير غرفة نوم كوزينة ودوش وتواليت نسكن فيهم مع هذا الشخص هو الي رماني وبعثلي الورقة انا حافظت بصح هو لالا اول مشكل راح يجري للمحكمة اخواتي اقراو قصتي في منتدى الخاص بالبنات تعرفو مليح معاناتي

[khezzane_annabi]

مش انا الي طلبت الطلاق ياناس انا راني طلبة سكن سغير غرفة نوم كوزينة ودوش وتواليت نسكن فيهم مع هذا الشخص هو الي رماني وبعثلي الورقة انا حافظت بصح هو لالا اول مشكل راح يجري للمحكمة اخواتي اقراو قصتي في منتدى الخاص بالبنات تعرفو مليح معاناتي

يا اختي راني فهمت قصتك مليح قتلك انتي ماتتخليش على لمة العايلة والشمل اصبري في دار اهلو وادعي ربي يفرج حالك المهم ماتتطلقيش وفي الجلسة اوقفي على موقف انك رافضة الطلاق

[samoura]

السلام عليكم :
اقال الله تعالى في القراءن : ( وَعَاشِرُوهُنَّ بِالْمَعْرُوفِ فأن كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلُ اللهُ فِيهِ خَيْرًا كَثِيراً ) ،
وقال تعالى {فَإمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ﴾
ولم يقل حرام تتطلقين واولادك هم في ذمتك
وانتي من سيحاسب عليهم
الزوجه المظلومه بشر لو كان لديها رجل قاسي
وظالم يضربها ويعذبها ويهملها ولم يتعدل مع السنين
لا والله الطلاق اهون محد يرضى بالعذاب
الاسلام كرم المراءه وعززها احنا نذلها ونقول اصبري
معليش عشان اولادك انا مااشجعوعلى الطلاق في
كل الحالات لا لكن الحريه حتى لوكانت مؤلمه اهون
من عذاب زوج لايخاف الله

[hodayena]

يا اختي راني فهمت قصتك مليح قتلك انتي ماتتخليش على لمة العايلة والشمل اصبري في دار اهلو وادعي ربي يفرج حالك المهم ماتتطلقيش وفي الجلسة اوقفي على موقف انك رافضة الطلاق

اختي مراحش نطلب الطلاق راح نطلب الرجوع بسكن منفرد سكن منفرد منوليش للعجوزة 47سنة هي تعيش وتجدد في حياتها وتخمم في حيات بنتها وانا بونيشة ولو كان فيه الخير هدا الراجل لوكان تفكر لكن التكبر والتجبر والاستهزاء بالناس لا احد كلف نفسو خلعو رواحتيهم بالدار معليش حنا ناس على قدنا بصح نمشو بوجه واحد ربي الي يرزق وربي مايقبلش الذل نذل نفسي لربي ثم زوجي اذا كنت عايشة معاه وحدنا مي مع والديه الي يشجعوه باه يذلني لالا وهوما معجبهمش الحال لاني رفضت المعيشة معاهم جاتهم حاجة طايحة شكون انتي حتى متعيشيش معانا حنا ساكنين في فيلا وانت وين كنتي ساكنة معليش ساكنة في f3 كلش يديرو باباه بزاف ايملا علاش نتزوج ولوكان نولي بعد عام عامين 3سنوات 15 سنة علابالي لوكان نقعد معاهم نطلق نطلق املا الان احسن على الاقل ننجم نكمل قرايتي ونخدم على وليدي ربي امرني نطيع زوجي مش والديه وزيد بابا ويماه صغار على ديدانهم 47 سنة و57سنة يا اختي

[Kawthar77]

يا اختي راني فهمتك وحاسنة عونك وراكي مغبونة مع أهله وان شاء الله ربي يفرج عليك عن قريب
ونصيحة ليك اختي في الله صلي صلاة الاستخارة وقولي هدا الزوج ادا فيه الخير تكملي معه حياتك وادا مفيهش الخير ربي يفرج عليك عن اقرب وقت بإذن الله

[hodayena]

يا اختي راني فهمتك وحاسنة عونك وراكي مغبونة مع أهله وان شاء الله ربي يفرج عليك عن قريب
ونصيحة ليك اختي في الله صلي صلاة الاستخارة وقولي هدا الزوج ادا فيه الخير تكملي معه حياتك وادا مفيهش الخير ربي يفرج عليك عن اقرب وقت بإذن الله

صليتها اكثر من مرة وانا انتظر الفرج من عند الله

[سدرةالمنتهى]

ربي يفرج عليك اختي حاولي تعاودي تكسبي راجلك وارجعي لدارك باللسان الحلو تقدري تبني دار وهو ماهوش فايق

نحذرك ماتزيديش تجبديلو على اهلو واش دارو فيك معليش ابلعي المرار على جال وليدك لانو نقطة ضعف الرجل هو انك تتكلمي في يماه وباباه

حاولي تركزي وتثقلي معليش ارجعي اسكني معاهم و حلي المشكل بينك و بينو بالضحك واللعب واللسان الحلو

[بيان 5]

اختي انا تاني مرانيش حابة نظلق بصح انتي المحامي في مذكرة الجوابية يكتب مظالبك وفي جلسة الصلح قولي مراكيش حابة تتطلقي وحابة سكنا وحدة واذا قبل اهلا وسهلا مقبلش يخلصها غالية عندك ذراري معاه اختى قولي للمحامي هو يعرف واش يكتبلك السكن المنفرد والمجهز حق من حقوقك والقانون يوقف معاك خاصة انو هو رافع الدعوة مش انت ومتتنازليش راتبك من حقك وقوليها في جلسة الصلح اتشوفي
ربي يفرج علينا كوني قوية ومتضعفيش واذا عرفك خايفة يزيد يتمادى مدريش الغلطة الي درتها
بارك الله فيك اختي
لا مستحيل نتنازل اصلا عمي هو الي متكلف بالقضية ومستحيل يقبل بشروطو

[life is life]

اختي houdayna قد تستغربين !
لقد تابعت كل شيء عنكِ

فتاة جميلة ذات بشرة بيضاء و عيون خضراء
تجيدين الطبخ و عاقلة
كنتي فرحانة و تنشري مواضيع من حلويات و تطبيقات
و سعادتك بامك لي خيطتلك لبيسة لوليدك فنهار
الى غاية انك درتي مايونيز و نويتي ديري تصاور كي ترجعي لدارك و ما فبالك والو

بقلب صافي و نية

مي العرب ما يخلوكش ترونكيل

للاسف الزوج هذا لا يقدر

انا نعرف حاجة لي يحبك جامي يستغنى عليك صح يصراو مشاكل و يقدر توصل بيه يخليك فدار والديك لفترة مي يوصل للطلاق لالا

و نقولك اختي انا اندهشت كيف هانت عليه العشرة و وليدو

وكلي ربي و اصبري

مي اختي ما نتمناش تطلقي ان شاء الله يتراجع على قكرتو و يديرلك دارك ان شاء الله

[life is life]

انا صراحة موش متجوزة و صراحة كنت قريتلك واحد الموضوع
تقولي فيه على السلطان و السلطانة و الاميرتين ههه

صراحة انا اندهشتتتتتت

انا صراحة في دارنا عندي بابا و امي السلاطين و 4 أمراء يا اختي

حتى جا نهار وين جاتني سلطانة اخرى

وين زاد عليا الشغل و الله العظيم نخدم وحدي و زيد انا لي نطيب حتى ماكلة السلطانة الجديدة و نظفلها غرفتها ووو

و عييت في الامير اكري يا خويا شجعتهم بكل جوارحي حتى نهار لي السلطانة دبرنا عليها

و ما حبتش تخرج والفت الراحة ما تعرفش تهز كاس من الطريق

انا قلت تجي اخت على الاقل تتكلف براجلها عشيت نخدم عليهم كامل و ولينا 8 افراد انا نتحمل مسؤوليتهم جميعا و الله صدقي او لا تصدقي

عشت عيشة واعرة و لوكان غي لسان حلو و الله والو و نسمع كلام و نسكت

الحمد لله ياااااا ربي تهنيت

رحمة ربييي كي راهم فدار وحدهم رغم انو درك عندي سلطان و سلطانة و 3 أمراء

و صراحة مرات يجي خويا يبات و نظل مقابلة ولد خويا 4 مرات في الاسبوع

وليت ام بلا وقت و الله غير انا لي نديرله بيبرو و نرقده و نوض فليل نديرله لحليب و نوكله و نبدله ليكوش و ندوشله الخ الخ

ربي يتقبل و خلاص


ديري فبالك دنيا هادي ماشي ساهلة و كل واحد و كيفاه راه عايش فيها

صبرا جميل يا اختي

[ou adem]

يا رب يغرج عليك وينزل عليك السكينة والله لاولينا نخافو نتزوجو الله يهديهم الرجالة

[بيلسان الجنان]

ربي يفرج عليك اختي

[hodayena]

انا صراحة موش متجوزة و صراحة كنت قريتلك واحد الموضوع
تقولي فيه على السلطان و السلطانة و الاميرتين ههه

صراحة انا اندهشتتتتتت

انا صراحة في دارنا عندي بابا و امي السلاطين و 4 أمراء يا اختي

حتى جا نهار وين جاتني سلطانة اخرى

وين زاد عليا الشغل و الله العظيم نخدم وحدي و زيد انا لي نطيب حتى ماكلة السلطانة الجديدة و نظفلها غرفتها ووو

و عييت في الامير اكري يا خويا شجعتهم بكل جوارحي حتى نهار لي السلطانة دبرنا عليها

و ما حبتش تخرج والفت الراحة ما تعرفش تهز كاس من الطريق

انا قلت تجي اخت على الاقل تتكلف براجلها عشيت نخدم عليهم كامل و ولينا 8 افراد انا نتحمل مسؤوليتهم جميعا و الله صدقي او لا تصدقي

عشت عيشة واعرة و لوكان غي لسان حلو و الله والو و نسمع كلام و نسكت

الحمد لله ياااااا ربي تهنيت

رحمة ربييي كي راهم فدار وحدهم رغم انو درك عندي سلطان و سلطانة و 3 أمراء

و صراحة مرات يجي خويا يبات و نظل مقابلة ولد خويا 4 مرات في الاسبوع

وليت ام بلا وقت و الله غير انا لي نديرله بيبرو و نرقده و نوض فليل نديرله لحليب و نوكله و نبدله ليكوش و ندوشله الخ الخ

ربي يتقبل و خلاص


ديري فبالك دنيا هادي ماشي ساهلة و كل واحد و كيفاه راه عايش فيها

صبرا جميل يا اختي




كان الله في عونك اختي الكريمة هذو النساء هوما الي عندهم الزهر بصح ربي كبير ربي يفرج عليك ويرزقك بالزوج الي قبل ماتقولي حاجة تكون حاظرة عنك

[salem1985]

اللهم وفق بينهما وابعد الوسواس عن قلوبهما اللهم لاتحرم هذا الطفل الصغير من ابيه وامه واجعلهم له وطنا ربي يصبرك اختي

[روجين]

rabi yfaraj khouti

[naamane3]

الاكثار من الاستغفار سلاح فتاك

[مناع]

الله يجيب الخير
المهم اذا تمسكت بقرارك في جلسة الصلح يجب ان تكوني مدركة للنتائج بعني انت الادرى بالانسب اليك والأقل ضرر يعني تصبري مع والديه أو تعيشي مع ابنك مطلقة القرار ليك فكري مليح

[nilly]

سبحان الله مغير الاحوال خليه الله لا يولي سوف تتزوجين احسن منه

هدا الحب لراكم تقولو عليها شفتوا وين داكم ...............المرة المقبلة بلاكي توفقي على اساس الحب شوفي لمصلحتك برك

لانه لا يوجد احد يستاهل انك تضحي من اجله

[مناع]

لا لا الأخت الفاضلة هدينة إذا كان هناك باب للصلح فلا تترددي ,,دارك وراجك وولدك اولى ,,,, هناك كثيرات ناقصات عقل بل لم يبلغن حتى ,,,, والله اراء لبعض النساء مخك يحبس

[samirabahi]

يارب يفرج عليك اختي ان شاء الله

[7anine 87]

ربي يفرج عليك ويهدي زوجك

[hodayena]

لا لا الأخت الفاضلة هدينة إذا كان هناك باب للصلح فلا تترددي ,,دارك وراجك وولدك اولى ,,,, هناك كثيرات ناقصات عقل بل لم يبلغن حتى ,,,, والله اراء لبعض النساء مخك يحبس

اخ مناع مار رايك في اب يوصل لبيت اهل الزوجة تاعو يقولو والدها تفضل تشوف وليدك حتى واحد مراح يضايق يقولو لا جيت ندي وليد ومنبعد نجيبو ويهدر بتعجرف وتكبر عاود ابي قالو ادخل تشوف وليدك راه مريض محبش يدخل ما تفكر وليدو بحتى شيء ابسط حاجة ليكوش ومن بعد قال لابي قول لها تخرجلي ولدي قالو اب ادخل قالو لالا نديه وبدا في التهديد وزاد قال لابي مندخلش مراناش مطلقين ميجوزليش كي نطلقو ندخل نشوف وليدي انا يديرلي داري وحدي غرفة نوم وكوزينة ودوش وتواليت ماشي شرط كلش فايونص معليش نقبل نسكن في السيما معليش غير يبني برك وكلش يجي من بعد لالا هو محبش راه مصمم يدي وليدي ومن بعد راك عارف التكملة باه نتنازل على كلش ونكتب بلي انا وليت برضايتي وهو ما يخلص والو نهار الي يجي يقولي راني بنيتلك بصح كولش سيما مكان لاصبيغة لا فايونص هذاك النهار نرفد وليدي وكابتي ونروح

[NOUR IMAYA]

أختي أنصحك بقيام الليل ربي يكون ف السماء الاولى ينزل نزول يليق بجلالته يقول هل من سائل لعطيه هل من مستغر أغفر له
و الصدقة...

وتجربتي أنا ف الاستغفار
الاستغفار يعالج أكثر الأشسياء خاصة الهم والغم
جربي اليوم قومي الليل وربي يستجيبلك ربي معاك

ف انتظار المستجدات

[ام النجمين]

ربي يصلح الحال بينكم واش نقول خليها لربي كون نحكي تنساي روحك بصح راني صابرة

[hodayena]

ya benti raki kabarti le hkaya

ahadri m3a rajlek
aytilou kechi nhar ldarkoum w jibi wahed kbir kech imam w hadro hadrou hadrou
rajlek ghadatou w bayen fih rassou khchin men zay li mayetnezelch
w nti chwi semhili thani rassek yebess semhili menich nseb fik ya3ni une tete dure
choufi makench kima al hadra
w lsan al hlou wallah tjibi hakek w ziada
khoudi rayi belek tdivorsi ya benti danya raha s3iba bezef

goulilou beli raki ayana w mezelti thabih w haba bark une vie tranquille beleki tgoulilou bel familtou mech mliha

rabi yasalah lahwel

اختي الكريمة شكرا على نصائحك بصح انا اتصلت بيه ورفض يكلمني وانا مرانيش نهدر ونقنع فيه المشكل في والديه انا قتلو واش طالبة بصح قالي كي كنت عندو وهددني بالطلاق

[راية الاسلام1]

السلاام عليك
حبيبتي هدينة لا اريدك ان تندمي
على الاقل فكري في هذا الصغير
أعرف أنك سقيت الذل والعذاب حتى الثمالة في ذاك البيت وأدري أنك عانيت الامرين
لكن في النهااية هذا زوجك
ربما ضغط المشااكل هو من دفعه لفعل ذلك
تخيلي حبيبتي أمه ووالده من جهة وزوجته وابنه من جهة أصعب اختياار قد يقع فيه الرجل
صدقيني هو ليس مرتاحا في ذاك البيت ويعرف انك محقة لذا استعيني بالدعاااء وثقي كل الثقة ان الله سيستجيب لعبرااتك في ثلث الليل الاخير
هو ابتلاء منه تعالى لا تدعي اسبااب تافهة كهاته تهد من زواجك
انظري من حولك كثيرات يعانين من خيانة الازواج
ان وجدت رجلا صاالحا فلا تضيعيه لاسبااب مالية
واصبري فان فرج الله قريب
أفيدينا بجديدك حبيبتي ارجوووك

[hodayena]

السلاام عليك
حبيبتي هدينة لا اريدك ان تندمي
على الاقل فكري في هذا الصغير
أعرف أنك سقيت الذل والعذاب حتى الثمالة في ذاك البيت وأدري أنك عانيت الامرين
لكن في النهااية هذا زوجك
ربما ضغط المشااكل هو من دفعه لفعل ذلك
تخيلي حبيبتي أمه ووالده من جهة وزوجته وابنه من جهة أصعب اختياار قد يقع فيه الرجل
صدقيني هو ليس مرتاحا في ذاك البيت ويعرف انك محقة لذا استعيني بالدعاااء وثقي كل الثقة ان الله سيستجيب لعبرااتك في ثلث الليل الاخير
هو ابتلاء منه تعالى لا تدعي اسبااب تافهة كهاته تهد من زواجك
انظري من حولك كثيرات يعانين من خيانة الازواج
ان وجدت رجلا صاالحا فلا تضيعيه لاسبااب مالية
واصبري فان فرج الله قريب
أفيدينا بجديدك حبيبتي ارجوووك

اختى الكريمة لا اردي ان اخرب بيتي لكن هو يريد لا يكلمني عند اتصالي به ابعث له لا يرد لم اخيره بيني وبين اهله قلتله
بالعكس قلت له ابني فقط لا صبيغة ولا حتى فايونص والو المهم نتهنى من الشر فقط راني نحاول نقنع فيه انو يبني وانا في بيت اهلي وغير يبنيلي نولي كل هذا لكن اشتقت له رغم كل الذل لكن لن اقولها له

[hloukaman]

السلام عليكم ورحمة الله وبركاته
لاحول ولاقوة إلا بالله بإذن الرحمن سيفتح لك باب الفرج
أكثري من الإستغفار هو مفتاح زوال الهم

[جمعي البشاري]

ربي يكون معاك ...متابع وربي يكثر من امثالك
فما عليك الا الدعاء في ثلث الليل والاستغفار وقراءة القرآن

[hodayena]

ربي يكون معاك ...متابع وربي يكثر من امثالك
فما عليك الا الدعاء في ثلث الليل والاستغفار وقراءة القرآن

شكرا لك اخي الكريم الحمد لله على نعمة الصلاة والدعاء من مداومين على قيام الليل وقراءة قرءان الفجر الحمد لله

[amira19]

ربي يهدي الرجال تاع هاد الوقت و ربي يفرج عليك اخيه

[hanin h]

لا حول و لا قوة الا بالله العظيم
يسر الله أمورك و أصلح حالك ،أكثري من الاستغفار
دعاء الإصلاح بين الزوجين
اللهم ألف بين قلوبنا وأصلح ذات بيننا وأهدنا سبل السلام ونجنا من الظلمات إلى النور وجنبنا الفواحش ما ظهر منها وما بطن وبارك لنا في أسماعنا وأبصارنا وقلوبنا وأزواجنا وذرياتنا وتب علينا إنك أنت التواب الرحيم واجعلنا شاكرين لنعمتك مثنين بها عليك قابلينا بها وأتممها علينا
اللهم فاطر السماوات والأرض عالم الغيب ربي ورب كل شيء إنك تحكم بين عبادك بالحق احكم بيني وبين (اسم الزوج) بالحق.
يا ولي نعمتي وملاذي عند كربتي اجعلها علي برداً وسلاماً كما جعلت النار برداً وسلاماً على إبراهيم(لا حول ولا قوة إلا بالله أصلح بها ما بيني وبين.... تقال 100 مرة
و ربي خير من كل خير.

[نسيم الإيمان]

ربي يفرج عليك ان شاء الله

[امينة النايلية]

اختى الكريمة لا اردي ان اخرب بيتي لكن هو يريد لا يكلمني عند اتصالي به ابعث له لا يرد لم اخيره بيني وبين اهله قلتله
بالعكس قلت له ابني فقط لا صبيغة ولا حتى فايونص والو المهم نتهنى من الشر فقط راني نحاول نقنع فيه انو يبني وانا في بيت اهلي وغير يبنيلي نولي كل هذا لكن اشتقت له رغم كل الذل لكن لن اقولها له

شوفي نقلك لعقالة مع مشكلتك هاذي متنفعكش خلاص . افهمي!!

اخرجيلو للعيب ومايهمكش فالناس اذا قالو واعرة على الاقل تبردي قلبك فيه

ومتستنايش يندم عليك كيما راهم نصحوك .هاذي اذا ندم يكون وقتها ازوج وراح الي راح

وكيقلتي يجي راجلك يشوف ابنو و ميدخل ...نتيا حاسباتو جا يديه باه

ترجعي انا نقلك راكي غاااااااالطة راه يجي باه يتأكد اذا مزلتي راقدة على وذنيك

هو راه معوّل يطلقك .!! ديريلو ضربة ماينساهاش طول عمرو وخليها كيما جات جات

اذا حبيتي نقلك وش ديريلو هاذي والله بن خالي دارتهالو مرتو قعد شهر مايخرجش من الدار

من الحشمة. ورجعها وضرك يحلف براسها خاطر وراتلو لعين الحمرة

[بيان 5]

شوفي نقلك لعقالة مع مشكلتك هاذي متنفعكش خلاص . افهمي!!

اخرجيلو للعيب ومايهمكش فالناس اذا قالو واعرة على الاقل تبردي قلبك فيه

ومتستنايش يندم عليك كيما راهم نصحوك .هاذي اذا ندم يكون وقتها ازوج وراح الي راح

وكيقلتي يجي راجلك يشوف ابنو و ميدخل ...نتيا حاسباتو جا يديه باه

ترجعي انا نقلك راكي غاااااااالطة راه يجي باه يتأكد اذا مزلتي راقدة على وذنيك

هو راه معوّل يطلقك .!! ديريلو ضربة ماينساهاش طول عمرو وخليها كيما جات جات

اذا حبيتي نقلك وش ديريلو هاذي والله بن خالي دارتهالو مرتو قعد شهر مايخرجش من الدار

من الحشمة. ورجعها وضرك يحلف براسها خاطر وراتلو لعين الحمرة

انا حابة نعرف اختي

[*رحيق الجوري*]

انا تاني حابة نعرف قوليلنا

[ام ياسمين10]

الله يهديه يارب يصلح ما بيناتكم

[hodayena]

شوفي نقلك لعقالة مع مشكلتك هاذي متنفعكش خلاص . افهمي!!

اخرجيلو للعيب ومايهمكش فالناس اذا قالو واعرة على الاقل تبردي قلبك فيه

ومتستنايش يندم عليك كيما راهم نصحوك .هاذي اذا ندم يكون وقتها ازوج وراح الي راح

وكيقلتي يجي راجلك يشوف ابنو و ميدخل ...نتيا حاسباتو جا يديه باه

ترجعي انا نقلك راكي غاااااااالطة راه يجي باه يتأكد اذا مزلتي راقدة على وذنيك

هو راه معوّل يطلقك .!! ديريلو ضربة ماينساهاش طول عمرو وخليها كيما جات جات

اذا حبيتي نقلك وش ديريلو هاذي والله بن خالي دارتهالو مرتو قعد شهر مايخرجش من الدار

من الحشمة. ورجعها وضرك يحلف براسها خاطر وراتلو لعين الحمرة


راني حابة نعرف لخطرش وليت نعيفو ونكرهو

[بيان 5]

اختي هدينة هل من جديد في قضيتك بالنسبة ليا راحاوا للناس ويقولولهم فيها فيها

[hodayena]

اختي هدينة هل من جديد في قضيتك بالنسبة ليا راحاوا للناس ويقولولهم فيها فيها


كل جمعة يجي يدير السلمات قدام الدار يحوس يدي وليدي بصح منخلوهش واليوم رحت للمحامي الي خدعني وكان متفاهم معاهم وعطلي كلش نحيتلو العارضة وبدلتو ببمحامي اخر وكتبت كل ممتلكاتي وقدام كل غرض درت الاسعار ودرت السعر الاجمالي والله غير يبيع روحو وميخلصش يستاهل

[بيان 5]

يعني في حال حكمت المحكمة باللي طلاق تعسفي تعوضك على اغراضك ماديا ولا تهزي قشك وخلاص

[hodayena]

يعني في حال حكمت المحكمة باللي طلاق تعسفي تعوضك على اغراضك ماديا ولا تهزي قشك وخلاص

لالا كي تكتبي الممتلكات يحطها مع المذكرة الجوابية تاعك ومن بعد كي يحكم بلي طلاق تعسفي المحكمة تعطي ملف الممتلكات للويسي تروحي معاه تدي حوايجك وكل حاجة خاصة يكتبها الويسي ويخلصها السيد اي الزوج المصون

[بيان 5]

المدكرة الجوابية واش فيها وقتاش تكون

[hodayena]

المدكرة الجوابية واش فيها وقتاش تكون

المحامي راح يرد على العارضة تع الزوج ديالك بعارضة اخرى وهي مذكرة جوابية راح يدير فيها طلباتك اي السكن الفردي والمعاشرة الحسنة واذا راه حاب يطلق يكتبلك التعويضات والنفقة والسكن والخ وهذه المذكرة يرفقها مع عقد زواج وقائمة الممتلكات ديالك ويحطها نهار اول جلسة لخطرش مش ملزومة تروحي للجلسة الاولى انا قالي المحامي متروحيش حتى جلة الصلح اختى نصيحة شوفي الانترنت اكتي مذكرات طلاق ومذكرات جوابية تشوفي بعض المذكرات تفهمي مليح حوسي اختى الانترنت معمرة انا عرفت غير من هذا شبشاق العجب وممتتكليش على المحامي حوسي اختي واطالعي على القوانين باه مايكلخلكش انا المحامي الاول راح يلعبها عليا ربي فطني

[بيان 5]

بارك الله فيك

[كمال22]

شوفي أختي انا مطلق نفهمك حاجة الطلاق ماشي ساهل
انتي ركزي على زوجك اذا كان انسان طيب و متخلق نصيحة ليك وقفي معاه وصبري ربي يعوضك ان شاء الله
انا نحسن عونه لانه راه تحت الضغط و نفس السيناريو انا عشته......
و لوكان تدي برأيي ارجعي لدارك مع اهله ....و تذكري ان بعد العسر يسر و لاتنسي الدعاء
بهذه الطريقة من المفروض تكبري في عينه اذا كان فيه الخير
أما اذا كانوا والديه معولين و ضاغطين عليه....للاسف راكي غير تكسري في راسك
بالنسبة للقضية تكون عن طريق عرائض بين المحامين...حضورك ليس له اهمية
لكن تحضري يوم جلسة الصلح و الكرة عند الرجل هو اللي يتحكم اما يرجعك او لا
نصيحة...مهما كانت النتيجة اياك و التهور تقولي نعايره....اكيد سيقوم بإيداع شكوى ضدك

[@esraa@]

ربي يفرج عليك اختي هدينة و يحققلك ما تتمني

[مناع]

ربي معاك الأخت هدينة

[kaka9999]

الله يهدينا برك

[hodayena]

شوفي أختي انا مطلق نفهمك حاجة الطلاق ماشي ساهل
انتي ركزي على زوجك اذا كان انسان طيب و متخلق نصيحة ليك وقفي معاه وصبري ربي يعوضك ان شاء الله
انا نحسن عونه لانه راه تحت الضغط و نفس السيناريو انا عشته......
و لوكان تدي برأيي ارجعي لدارك مع اهله ....و تذكري ان بعد العسر يسر و لاتنسي الدعاء
بهذه الطريقة من المفروض تكبري في عينه اذا كان فيه الخير
أما اذا كانوا والديه معولين و ضاغطين عليه....للاسف راكي غير تكسري في راسك
بالنسبة للقضية تكون عن طريق عرائض بين المحامين...حضورك ليس له اهمية
لكن تحضري يوم جلسة الصلح و الكرة عند الرجل هو اللي يتحكم اما يرجعك او لا
نصيحة...مهما كانت النتيجة اياك و التهور تقولي نعايره....اكيد سيقوم بإيداع شكوى ضدك

مراحاش نكبر في عينو لوكان نولي بالعكس راح نتهان ونتعاير ونولي الهدرة مننجمش نهدر اخي الكريم لا تعرف والدية جيدا بالعكس كنت دائما نحسن عونه ونصبره على ظلم والدو ليه لكن هو حب يبين رجوليتو عليا انا مش حب يقضي على المشكل الي يعيق حياتنا وهو تدخل الام ديالو المبالغ فيه المهم لم اظلمه ولوكان جات للمعايرة لوكان روحت جبت قشي ودرت التبهديل بصح انا مش من هذاك النوع وتربيتي متسمحليش وربي هو الي يخلص مش انا مندير الشر منحصدو غدوا عندي منو ظفل حابة يشوف والدي ويعرف بلي والديه اظلقو عادي بلا تباهديل وهذا الانسان اتهمني في شرفي وحياتي معاه كانت غير في باطل مثمرش الخير فيه متفكرش ومحوسش عليا حتى انا نوليلو رماني وخلاني والان حب يردني باه يبين لوالديه بلي راجل ويقدر على مرتو

[سحابة مسافرة]

ربي يكون معاك اختي العزيزة
والله انا نحير و راسي يحبس كيفاه ام تخلي وليدها يطلق مرتو بسكو مش عاجبتها ولا حابتها خديمة او.......
و الله حرام على الاهل لي يديرو هكا ..من المفروض يلمو لولدهم و يعاونوه يديرولو قربي و من بعد اذا لحقتهم المخلوقة عندهم الحق
ربي يهديهم...و ربي يكون معاك ..من رايي كوني قوية منقلكش خربي دارك مي متذليش روحك اذا شفتيه حاب يرجع ارجعي متيبسيش راسك و اذا كان لا من عندي يروح يلعب على روحو .ربي الرازق و المنتقم

[sara2014]

السلام عليكم ورحمة الله وبركاته
اختاه والله لو رايت زوجي طيب وخلوق والله لتمسكت به ولو كانت امه تفعل ما تفعل اخية تذكري ايجابيات زوجك وقارينيها مع غيرك الغير له مشاكل مع ازواجهم وانت الحمد لله نقطة تفاهم اذا كان يريد الرجوع ارجعي لا تتركي لشيطان سبيل لطلاق اذا كان هو طائع لولديه والله هو مخير بين امر عظيم هو جنتك وهو نارك ولكن والديه ايضا جنته وناره الان انت في لحظة انفعال وعصبية لا تستطيعين التفكير سوى انك تريدين ان تعزي نفسك هو وقف مع والديه ولكن انا اقف معه ولن اتخل عنه ايضا ولو كان ما يكون فكري في ابنك فكري في ايجابيات زوجك الصلح خير ابعدي الشيطان عنك بالاستغفار والصدقة والثلثالاخير من الليل

[bibicha]

ربي يفرج عليك اختي

[*رحيق الجوري*]

بارك الله فيكم اللهم اجعلها في ميزان حسناتكم

[طالبة مساعدة]

يا اختي حالتك راهي كيحالتي بصح انا كل مانقول نروح نذكر وليدي ويغيضني بزاف ونقول نصبر على وليدي لخاتر انا لرحت راح يطلقوني نروح بلا رجعة يعني نطلق
لان والديه هما ليحكمو هو لاشيئ والدته هي لتعلمه كفاش يهدر معايا ونعرفه مليح كيكون محرش وبلي هذي مشي هدرته تصوري هدوني وقطعو عليا والديا منروحلهمش بزاف ولارحت نبقى ساعة ولا 2 سوايع كانني في حبس وقلت نصبر االى حد ما تصوري والده يصرخ في وجهي ويشتمني تعرفي كل هذا سببه مرة في الاشهر الاولة ذهب زوجي للدراسة في العاصمة اخذتني والدته لبيتنا لانها ذاهبة عند والدتها بقيت في بيت وتصلت به قتلو تسمحلي نبقى حتى جي تديني قالي صحا ومبعد غدوة منذاك عيطلي وقالي باش تلعبي بيا وبماما متبقايش قاع عندي وهددني بطلاق انا تخلعت وتصلت بوالدته قاتلي باش تلعبي بيا مازلتي في كرش مك دوري سمعي مليح وهذا كله من اجل بقائي عند والديا وكانت برضايته ومبعد لما رجع لم يتصل بي ولم ياتي وتركني عند اهلي وانا اتصل به وهو لا يرد ونبكي على جاله اتصلت بوالده و انا اترجاه ونبكي قال غدا نرجعك رجعت مثل مذلولة وهنا بداو بيا وبدات سيدتنا ذالتني مثل الخدامة لانني انا لذليت نفسي وطيحت كرامتي من اجل انسان لا يعرف اين الظلم هذا السبب ظلني ومازلت مظلولة لكن سياتي يوم خلاص تصوري لما يعملولي شيئ تجديني نرجف لوحدي كل شيئ يرجف فيا والله لمرضوني كل هذا قلت نصبر من اجل ولدي
يا اختي ربي يعطيك صبر وكوني شجاعة وربي يقاويك وفكري مليح لا تنذلي مثلي وسمعيني اخبارك يا اختي كثري من الصلاة وخاصة في ليل ربي معاك جرحي راهو كما جرحك

[ƤŔĨŊČĘŚŠ]

ربي يفرج عليك اختي

[*رحيق الجوري*]

يا اختي حالتك راهي كيحالتي بصح انا كل مانقول نروح نذكر وليدي ويغيضني بزاف ونقول نصبر على وليدي لخاتر انا لرحت راح يطلقوني نروح بلا رجعة يعني نطلق
لان والديه هما ليحكمو هو لاشيئ والدته هي لتعلمه كفاش يهدر معايا ونعرفه مليح كيكون محرش وبلي هذي مشي هدرته تصوري هدوني وقطعو عليا والديا منروحلهمش بزاف ولارحت نبقى ساعة ولا 2 سوايع كانني في حبس وقلت نصبر االى حد ما تصوري والده يصرخ في وجهي ويشتمني تعرفي كل هذا سببه مرة في الاشهر الاولة ذهب زوجي للدراسة في العاصمة اخذتني والدته لبيتنا لانها ذاهبة عند والدتها بقيت في بيت وتصلت به قتلو تسمحلي نبقى حتى جي تديني قالي صحا ومبعد غدوة منذاك عيطلي وقالي باش تلعبي بيا وبماما متبقايش قاع عندي وهددني بطلاق انا تخلعت وتصلت بوالدته قاتلي باش تلعبي بيا مازلتي في كرش مك دوري سمعي مليح وهذا كله من اجل بقائي عند والديا وكانت برضايته ومبعد لما رجع لم يتصل بي ولم ياتي وتركني عند اهلي وانا اتصل به وهو لا يرد ونبكي على جاله اتصلت بوالده و انا اترجاه ونبكي قال غدا نرجعك رجعت مثل مذلولة وهنا بداو بيا وبدات سيدتنا ذالتني مثل الخدامة لانني انا لذليت نفسي وطيحت كرامتي من اجل انسان لا يعرف اين الظلم هذا السبب ظلني ومازلت مظلولة لكن سياتي يوم خلاص تصوري لما يعملولي شيئ تجديني نرجف لوحدي كل شيئ يرجف فيا والله لمرضوني كل هذا قلت نصبر من اجل ولدي
يا اختي ربي يعطيك صبر وكوني شجاعة وربي يقاويك وفكري مليح لا تنذلي مثلي وسمعيني اخبارك يا اختي كثري من الصلاة وخاصة في ليل ربي معاك جرحي راهو كما جرحك
ربي يفرج عليك يا ختي

[*رحيق الجوري*]

بارك الله فيكم

[الألماسة]

يا اختي حالتك راهي كيحالتي بصح انا كل مانقول نروح نذكر وليدي ويغيضني بزاف ونقول نصبر على وليدي لخاتر انا لرحت راح يطلقوني نروح بلا رجعة يعني نطلق
لان والديه هما ليحكمو هو لاشيئ والدته هي لتعلمه كفاش يهدر معايا ونعرفه مليح كيكون محرش وبلي هذي مشي هدرته تصوري هدوني وقطعو عليا والديا منروحلهمش بزاف ولارحت نبقى ساعة ولا 2 سوايع كانني في حبس وقلت نصبر االى حد ما تصوري والده يصرخ في وجهي ويشتمني تعرفي كل هذا سببه مرة في الاشهر الاولة ذهب زوجي للدراسة في العاصمة اخذتني والدته لبيتنا لانها ذاهبة عند والدتها بقيت في بيت وتصلت به قتلو تسمحلي نبقى حتى جي تديني قالي صحا ومبعد غدوة منذاك عيطلي وقالي باش تلعبي بيا وبماما متبقايش قاع عندي وهددني بطلاق انا تخلعت وتصلت بوالدته قاتلي باش تلعبي بيا مازلتي في كرش مك دوري سمعي مليح وهذا كله من اجل بقائي عند والديا وكانت برضايته ومبعد لما رجع لم يتصل بي ولم ياتي وتركني عند اهلي وانا اتصل به وهو لا يرد ونبكي على جاله اتصلت بوالده و انا اترجاه ونبكي قال غدا نرجعك رجعت مثل مذلولة وهنا بداو بيا وبدات سيدتنا ذالتني مثل الخدامة لانني انا لذليت نفسي وطيحت كرامتي من اجل انسان لا يعرف اين الظلم هذا السبب ظلني ومازلت مظلولة لكن سياتي يوم خلاص تصوري لما يعملولي شيئ تجديني نرجف لوحدي كل شيئ يرجف فيا والله لمرضوني كل هذا قلت نصبر من اجل ولدي
يا اختي ربي يعطيك صبر وكوني شجاعة وربي يقاويك وفكري مليح لا تنذلي مثلي وسمعيني اخبارك يا اختي كثري من الصلاة وخاصة في ليل ربي معاك جرحي راهو كما جرحك

الله يكون في عونك لكن الذل بزاف مش مليح
ربي يهدي سرك اخت هدينة و يفرج عليك و علينا
ندمت كي تزوجت
كنت متهنية براسي و بلا مشاكل

[راما لجين]

ربي يصلح امورك ان شاء الله

[ام ايـاد]

ايييييييه حتى واحد مالقاها كما بغاها انا تاني شفت الويييل منهم
ربي هو اللي رح يجيبلي حقي ان شاء الله
حسبي الله ونعم الوكيل

[fati57]

ربي يفرج على كل واحد

[التـــــــــــــــــــائهة]

ربي افرج عليك اختي

[hodayena]

امين يارب العالمين

[*رحيق الجوري*]

ربي يسمعنا عليكم اخبار الخير يا رب

[أم يقين]

الله يضعف الشيطان اللي جا بيناتكم.....كوني قوية من أجل طفلك.....الصبر مش ساهل يا أختي.....لكن من حقك الاستقلال ببيتك و قيسي الامور و انظري أين مصلحة طفلكما بالدرجة الاولى فإن كنت قادرة على التحمل فتحملي حتى يمل منك الصبر وحاولي تجنب الطلاق و استخيري من لا يخيب عنده المستخيرون و أوكلي أمرك لله ....
قلبي معك ....يارب فرج همها و الهمها مخرجا منجيا...
الللهم آميـــــــــــــــــــــــــــــــــــــــــــــــ ــــــــــــــــن

[ام مهدي 03]

هدينة وخواتاتى لخرين والله قطعتو قلبى رانى نكتب والدمعة تنزل من عينى
ربى يفرج عليكم. رانى ندعيلكم فى كل صلاة ان شاء الله

[norhane taha]

ختو صبري ربي راهو موجود ويشوف وعارف كل شيء
عن تجربة شخصية نهار كنت نوقع في مشكل كنت نكثر من قيام ليل ودعاء لأنو دعوة مظلوم مجابة إان شاء الله مكانش يجوز وقت قصير حتى تفرج من عند ربي والله العظيم وكنت نصوم تانيك باش نزيد حظي في إجابة وخليها على ربي سبحانو أرمي حملك على ربي هو قادر يغير كل شيء مجاتش للقدرة راهي موجودة جات للوقت فقط لي ربي راهو عارف وقتاش وكيفاش

[الحياة فرصة]

يا ربي تكون فرجت عليك الله يهديهم والله يرزقك حب زوجك اولا ودار تتهناو فيها ثانيا

[" أبو عبود"]

اسمعي قصيدة مطلقة إلى طليقها هذا إن استطعت سماعها إلى الآخر.
http://www.youtube.com/watch?v=j5cTGTWRtyw

[هبة خير]

ربي يكون معاك ويهدي البال ويصلح بيناتكم اختي في الله ما تطلقيش ما تسمعيش للبعض مادام المشكل ماشي في زوجك اصبري اصبري علي خاطر زوجك وابنك لازم ضحي علئ جانو ما جبتيهش لهاد الدنيا باطل كامل. النساء غي قليل اللي ما يلقاش المشاكل مع اهل الزوج وترجعي لزوجك ماشي ذل ابدا ابدا وراكي تقولي تحبيه كيفاش تبغيه وتشرطي يبعد علي والديه الا حبيتي السكنة وحدك بالسياسة وبالسياسة بلا ماينتبهو والديه راكي حاسبة الطلاق ساهل راكي غالطة والا خطاو والديك تشوفي الذل نتاع الصح احنا نمشيو غي ضياف عند خوتنا تشوفي الذل نتاع الصح مادام ما جاش العيب من زوجك قبضي فيه بسنيك ورجليك تشوف وشت راه صاري للبعض كاين لحاملة الخاين ولا السكران ولا ا..........عل خاطر وليداتها وانت الراجل مليح باغية دمري حياتك علي خاطرهم هم كي يخسرو يدبروله مرا ويزوجوه صح من حقكالسكن بصح بالخاطر وبالشوية عندك غي وليد المعني ماشي بزاف زواج كاين راه صابر حتي شاب ومادارش السكنوفي الاخير يحسن عونك وربي معاك هو اللي يفرج علي من ضاقت به

[أم عبد الكريم]

ربي يفرج عليك و ينزل الرحمة في قلب زوجك

[hodayena]

ربي يكون معاك ويهدي البال ويصلح بيناتكم اختي في الله ما تطلقيش ما تسمعيش للبعض مادام المشكل ماشي في زوجك اصبري اصبري علي خاطر زوجك وابنك لازم ضحي علئ جانو ما جبتيهش لهاد الدنيا باطل كامل. النساء غي قليل اللي ما يلقاش المشاكل مع اهل الزوج وترجعي لزوجك ماشي ذل ابدا ابدا وراكي تقولي تحبيه كيفاش تبغيه وتشرطي يبعد علي والديه الا حبيتي السكنة وحدك بالسياسة وبالسياسة بلا ماينتبهو والديه راكي حاسبة الطلاق ساهل راكي غالطة والا خطاو والديك تشوفي الذل نتاع الصح احنا نمشيو غي ضياف عند خوتنا تشوفي الذل نتاع الصح مادام ما جاش العيب من زوجك قبضي فيه بسنيك ورجليك تشوف وشت راه صاري للبعض كاين لحاملة الخاين ولا السكران ولا ا..........عل خاطر وليداتها وانت الراجل مليح باغية دمري حياتك علي خاطرهم هم كي يخسرو يدبروله مرا ويزوجوه صح من حقكالسكن بصح بالخاطر وبالشوية عندك غي وليد المعني ماشي بزاف زواج كاين راه صابر حتي شاب ومادارش السكنوفي الاخير يحسن عونك وربي معاك هو اللي يفرج علي من ضاقت به



اختي الكريمة اشكرك على نصائحك لكن ربما لم تسمعي بقصتي ولم تقرئي قصتي جيدا انا لم اتي الي بيت ابي بارادتي طلبت منه السكن مدة عام وانا اتكلم لكن قابلني بانه اذا عاودت الموضوع يظلقني ونسي الاذى الي تحملتو من اهله وانا بالمعاملة الحسنة واهلي منحكيلكش خير لانو الانسان كي يكونو اهلو معندهم معنى التربية واش يجيك من ابنه لا تعرفي معاناتي انا اتييت ظيفة حتى عشيت في ورقة طلاق ومحكمة ظلم وخلي هل لاب ان يتخلى عن ابنه مدة اربع اشهر لا يراه ولا يبحث عنه يريد اخذه فقط لمصلحته وهي يحكمني بابني يعني يشدلي وليدي باه نولي ونتنازل على كلش لكن جفاه الي لم يعني لي شيء بقدر جفاء قلبه اتجاه ابنه هل يمكن لاب ان لا يرى ابنه فلذة كبدة 4 اشهرب اترك لكي المجال اختي
ولم اطلب منه الابتعاد عن والديه بل يبني مع اهله وندخلو كامل من باب واحد لكن قل واحد وحدو فرفض الفكرة وجابني بالخدعة

[ماريام]

ربي يفرج همك اختي

[kakkou]

اكثري من الاستغفار و الدعاء أختي
و أنا من رأيي تجنبي الطلاق قدر الامكان
أصبري و احتسبي الأجر عند الله

[nibrasse 76]

سلام ...الاخت اكريمة لا اعتقد ان مشكلة سكن تجعلك تخاصمي زوجك لاجلها ....يعني مثلا اذا اعطاتك المحكمة حق السكن ...عاي يعني ترجعي تعيشي مع الزوج وتجيك الحياة بنينة وحلوة ... بعد ما اجبرتيه بالقوة على هذا المطلب ؟؟ سبحان الله ...المفروض خصوصيات العلاقة بين الزوجين لا تخرج حتى للاهل فما بالك ان تكون امام الملأ ...والشعب يتفرج ...ما بقاش زواج هذا بل رجع عقد ايجار او شركة بين اثنين ...المهم الان خلاص رديتوها معركة شكون رابح وشكون خاسر ...معليش اكيد فالاخر الواعر فيكم والاكثر خبث راح ينتصر..مي نقلك راكم خربتوا حياتكم في زوج ...لانو تعلمتوا تتقابضو ما تعلمتوش تعيشوا....درك راكي مشغولة بالعاصفة هاذي تاع الطلاق وشروطه ..مدة من الزمان راح يهدأ كل شيء ..القصة تخلص وتنساها الناس وتنساك معاها..وكل واحد يشوف حياته واحواله ...ثمه راح تلقي روحك وحدك معزولة واحد ما سامع بيك حتى هنا فالمنتدي ..اتمنى ترجعي لصوابك قبل فوات الاوان ...لانك حطيتي روحك في معركة خاسرة بكل الاتجاهات . ربي وحده لي قادر يهديك لفعل الصواب ..هذا اذا كان ربي راضي عليك ..واذا العكس حتما راح يخليك لنفسك ولشيطانك حتى يرميك فالحفرة .

[hodayena]

سلام ...الاخت اكريمة لا اعتقد ان مشكلة سكن تجعلك تخاصمي زوجك لاجلها ....يعني مثلا اذا اعطاتك المحكمة حق السكن ...عاي يعني ترجعي تعيشي مع الزوج وتجيك الحياة بنينة وحلوة ... بعد ما اجبرتيه بالقوة على هذا المطلب ؟؟ سبحان الله ...المفروض خصوصيات العلاقة بين الزوجين لا تخرج حتى للاهل فما بالك ان تكون امام الملأ ...والشعب يتفرج ...ما بقاش زواج هذا بل رجع عقد ايجار او شركة بين اثنين ...المهم الان خلاص رديتوها معركة شكون رابح وشكون خاسر ...معليش اكيد فالاخر الواعر فيكم والاكثر خبث راح ينتصر..مي نقلك راكم خربتوا حياتكم في زوج ...لانو تعلمتوا تتقابضو ما تعلمتوش تعيشوا....درك راكي مشغولة بالعاصفة هاذي تاع الطلاق وشروطه ..مدة من الزمان راح يهدأ كل شيء ..القصة تخلص وتنساها الناس وتنساك معاها..وكل واحد يشوف حياته واحواله ...ثمه راح تلقي روحك وحدك معزولة واحد ما سامع بيك حتى هنا فالمنتدي ..اتمنى ترجعي لصوابك قبل فوات الاوان ...لانك حطيتي روحك في معركة خاسرة بكل الاتجاهات . ربي وحده لي قادر يهديك لفعل الصواب ..هذا اذا كان ربي راضي عليك ..واذا العكس حتما راح يخليك لنفسك ولشيطانك حتى يرميك فالحفرة .

كرهت من التعلقيات التي لا تسمن ولا تغني من جوع الزوج الي يخرج اسرار حياتو الخاصة لاهله لا لوم عليه الذي يرمي بام اولادو وزوجتو للشارع لالوم عليه الزوج الي ميحبش يخمم في الحل ويروح يجري للمحكمة للبيبي الي يبكي على الرضاعة واهلو واقفين معاه انت معشت معايا حتى راك تهدر وانت ذكر تميل للذكور لكن الرجل الحقيق يفكر بعقل ولايس بالرجلولة المزعومة او برستيجو امام الناس الذكر الذي يحكي خصوصية هو وزوجته في ورقة طلاق المهم يهين زوجته انا لم اخرج برضاي ولوم اذهب للمحكمة برضاي من يريد اذلال الاخر لا تحكم مع اشخاص لا تعرف واقعهم
لم اجبر بالقوة ليوفر مسكن لي بل هو من اجبر نفسة لوكان الملاحة والاخلاق غلبو على طبعو موصلناش لهذه المرحة وانا لم اتكلم معه بعد
نعم اتطلق ولا يهمني من يتذكرني او لا الناس تنسك مي ربي ميناس عبادو ومدام ربي كاين الناس لا تسمن ولا تغني من جوع
واذا حاب يعيش حياتو ربي يسهل عليه

[اياد حياتي]

ربي يفرج عليك وصحيح انو دايما المرأة تبقى دايمن هي الظالمة ويقولو هي الي ماصبرتش ربي معاك ااستغفرى الله (100) مره وقولي دعاء الكرب قال رسول الله:“ما أصاب أحد قط هم و لا حزن فقال: اللهم إني عبدك وابن أمتك ناصيتي بيدك ماض في حكمك، عدل في قضاؤك، أسألك بكل اسم هو لك سميت به نفسك ، أو علمته أحد من خلقك ، أو أنزلته في كتابك ، أو استأثرت به
في علم الغيب عندك ، أن تجعل القرآن الكريم ربيع قلبي و نور صدري ، و جلاءحزني ، و ذهاب همي إلا أذهب الله همه و حزنه أبدله مكانه فرجاًيارب ان تجعل غضبه بردا وسلاما يارب اهديه “

[امينة النايلية]

اسمعي قصيدة مطلقة إلى طليقها هذا إن استطعت سماعها إلى الآخر.
http://www.youtube.com/watch?v=j5cTGTWRtyw


[/COLOR] BLANCH ROSE أخي عبود لا أدري لما أحس أنك ظلمت زوجتك.]
فمن غير المعقول أن تدافع عن رجال لا توجد في قلوبهم رحمة و لا يخافون من الله
] و هل تعتقد مبلغ6000دج للشهر مبلغ كبير في وقتنا هذا؟!!!![
عذرا ظلمت زوجتك-هو احساسي- فلا تدافع عمن ظلموا زوجاتهم وقلوبهم باردة
زوجتك كانت كبيرة فلم تطلب شيئا لنفسها و لا لابنها.



اقتباس:
المشاركة الأصلية كتبت بواسطة أبو عبود";3991657754]http://www.djelfa.info/vb/images/buttons/viewpost.gif[/IMG] (http://www.djelfa.info/vb/showthread.php?p=5#post5)
أنا لا اعترض على ما تقولين فهذا حقها الذي شرعه الله لها وحق اولادها. كلما اردت قوله ان تتفادى الاخوات الكلام والمحاكم ويختصرن الطريق وهذا عن طريق الطلاق بالتراضي

لكنه في حقيقة الأمر ليس طلاقا بالتراضي فلما الكذب؟
بل طلاقا تعسفيا و تحطيما للمشاعر وطعنة في الظهر لا تنسى.


اقتباس:
هذا طبعا إذا اصبح الرجوع مستحيلا. ولكن الحقد والمطالبة بالمال وكثرة الكلام لا فائدة من ورائها.

ما شعورك ان تم الغدر بك أخي؟
ما احساسك ان كان الشخص الذي تحبه وتثق به واعطيته كل حياتك ولم تفكر ولالحظة في فراقه و رسمت احلاما جميلة معه في مخيلتك عن مستقبل زاهر ..و تخلي عنك بكل بساطة ..واعتبرك لاشيء؟


اقتباس:
اناطلقت زوجتي. كانت تظنني سوف ابقى احالو الضضغط عليها او استجادئها.

المرأة طفلة أخي عبود
لكن حسب ما فهمت أنت تعاملت معها الند للند..رجل لرجل.
يعني مثلك مثلها.
وهو تصرف غير حكيم


اقتباس:
قلت لها ترجي قالت لا. قلت لها بعد يومين نلتقي عند المحامي لاجراءات الطلاق. قال لي خالها لقد استعجلت لو اعطتني فرصة احوال معها قلت له انتهى الامر.

أتسأل امرأة في لحظة غضب وانكسار؟؟
اذا تدللت عليك وأرادت أن تعرف معزتها عندك ترميها؟

تبيعون العشرة ببساطة أخي
الله اعطى العصمة للرجل لحكمة.
هل تعرفها؟
لكنني لاحظت مؤخرا أن النساء أصبحن أكثر حكمة من الرجال
فالرجل أصبح يطلق لاتفه الأسباب والمرأة تراجع نفسها آلاف المرات..سبحان الله..انقلبت الأدوار


اقتباس:
ذهبنا عند المحامي. سالها هل تريدين نفقة للطفل قالت لا... قلت له هذا ليس حقها بل حق ولدي. ضع 6000 دج شهريا. قال لي هذا كثير قلت له هذا امر يخصني.

هي لم تطلب المال لتفهم انت ان المال لا يهمها بل انت من يهمها
و لتحس انك جرحتها وهي ماشي بايعاتك..لكنك لم تفهم
6000دج نفقة للطفل و المحامي قالك بزاف؟سبحان الله.



اقتباس:
واتفقنا. ذهبنا عند القاضية لم أذكرها بسوء ولم تذكرني بسوء. حاوتل اقاضية معها واخبرتها انها مخطئة لكن لا حياة لمن تنادي.
انت اعلم بالمشكل وطليقتك اعلم والله اعلم منكما بنواياكما وحقيقة المخطئ منكما.
فأحيانا يرى الرجل و الناس ان تصرف الزوجة خطأ لأنهم لم يفهموا نواياها


اقتباس:
قالت لي ماذا تريد؟ قلت لها لا اريد شيئا. اريد راحة بالي وولدي. انتهى كل شيء. اتصلت بي بعدها عدة مرات لكي تعود لكن الموضوع اغلق نهائيا. لا تزال علاقتي جدية جدا بوالدها واخوتها. في حين ارى البعض 7 سنوات في المحاكم بمعدل مرة كل اسبوعين. هل خلقت لكي اقضي حياتي بين المحاكم.


نصيحة لكل امرأة ستتطلق ان تراجع نفسها قبل الطلاق
و تحاول مع زوجها قبل صدور الحكم
فان خاف الله فيها فذلك جيد لكليهما و ان لم يخف الله فيها و ظل متقلبا في قراراته ..و لم تنجح محاولاتها
فلتلملم جراحها وتطالب بحقوقها امام القاضي بدون اهانة لاب ابنها او ابنتها ..
ولا داعي للتفكير في الاتصال بالزوج بعد صدور الحكم.
فمن لا يريدك لا تفرضي نفسك عليه .. و ما طعم الحياة مع رجل انت التي استرجعته وليس هو من يريدك؟

عندما يكون الجفاء من طرف الرجل فمشاعر المرأة تموت
كما تموت الوردة من انعدام الماء.

كيف تستطيعين العيش مع رجل لا يسقيك ولا يتصدق عليك بكلمة طيبة؟

اذن..راجعن انفسكن قبل صدور الحكم.
حاولن قبل صدور الحكم.
بعدها...ان لم تنجحن..انتهى الامر..قدر الله وماشاء فعل.
وعسى ان تكرهن شيئا و هو خير لكن.
منقول