وصفة الشريك .... تفضلوا معيا

[أم محمد علي 25]

السلام عليكم و رحمة الله تعالى و بركاته

اليوم رايحة نقدملكم وصفة الشريك الي نقدموه مع السماط في الأعراس القسنطينية.

الشريك عادة نعملوه بالدقيق رطب ، و معندوش كيل يعني نخدموه بالعين فقط ، لكن في هذه الوصفة راني كيلت باش الأخوات كي يجربوه يجيهوم ساهل ، على هذا راني خلطت معاه الفرينة ، تبعوا معيا:

نصف كيلو دقيق عادي + نصف كيلو فرينة + ملح + كأس غير ربع سكر حرش +نصف كأس زيت + 4 م ك خميرة خبز + 2 بيض + 2 بياض ( الأصفر نحتفظ به باش ندهن) + حليب دافئ + ماء ورد.

نخلط المقادير كيما نعملو خبز الدار و نبل بشوية ماء ورد و نكمل بالحليب دافئ حتى نتحصل على عجينة طرية ،نغطيها و نخليها تطلع.

نعجن مليح ومن بعد نولي نسقيه بخليط الحليب و الزبدة ( أو سمن أو حتى مارغرين التوريق) حتى نتحصل على عجينة تلصق في اليدين .

ندهن صينية الفرن بالزيت ، وندهن اليدين أيضا و نلوز الشريك حبات صغار بحجم حبة التريدة و نخليه يطلع حوالي ساعة و ممكن أكثر ثم ندهن بصفار البيض + الحليب و نرش الجلجلانية و نحطو يطيب ( طبعا الفرن يكون مسخن مسبقا)

مايديش وقت الطويل كي تشمي الريحة خلاص راه طاب (أنا الفرن تاعي يطيبلي الخبز بلا ما نشعل من فوق)

طبعا كل وحدة تعرف الفرن تاعها ، إن شاء الله تجربوه و تنجحوا فيه لأنه فعلا لذيذ.
سلامي للجميع

[أم ضياء عبد الرحيم]

يعطيك الصحة ام محمد علي على الوصفة انا عندي وصفة ديما انديرها لكن تاعك ثاني عجبتني باذن الله نجربها
الف شكر

[malek nour hane]

بارك الله فيك أم محمد نسمع يقولو شريك بصح ماعلاباليش وشيهوا؟؟؟اممممم هايل كون غير زدتي صورتيهولنا نشوفو

[oum islem]

baraka allah fik akid ndiro wa ki na3raf nhot sowar \photos
nwerihoulek merci beaucoup:19:

[oum islem]

ida momkin ma howa smat :o

[rahma2014]

شكؤا اختي عيشك قوليلي الزبدة شحال

[أم محمد علي 25]

السلام عليكم و رحمة الله و بركاته

شكرا لكن اخواتي على الردود ، بالنسبة للزبدة ديري 90g في هذه الكمية تكفي .

أختي أم إسلام ، السماط هو آخر ما يقدم في الأعراس القسنطينية.

إذا كانت الدعوة للغذاء: نحطوا الغذاء و من بعد القهوة و في الأخير السماط ، إذا كانت الدعوة للعشاء : نحطوا القهوة و من بعد العشاء و أخيرها السماط.

السماط عبارة عن: محلبي أو فلان وإلا في 2 ، الشريك ، نوعان من الفاكهة أو سلطة فواكه ، مشروبات غازية و عصائر.

بالنسبة للشريك الناس ما عادتش ديروا لأنه يأخذ وقت عادوا يديروا ( شريك الفنيانة) لأنه ما يتعجنش و إن شاء الله رايحة نديروا موضوع.

سلامي للجميع.

[oum islem]

baraka allah fik okhti constantine tres riche b les traditions wa bi nasha lmleh chokran 3a lma3louma ya3tik saha:dj_17:

[ضياء الكريم]

رووووووووووووووووووووعة

[فايزة44]

شكرررررررررررررررررررررررا على وصفاتك المفيييييييدة مزيدا من كرمك

[ام اريام]

جزاك الله خيرا اختي ام محمد حنت من بكري نديروه كانت جارتنا قسنطينية ونحبوه بزاف .جزاك الله خيرا.

[ام ايمان16]

الصورة ان امكن

[idron0]

جزاك الله خيرا

[سمسومة 05]

شكراااااااااااااااا

[silina 1981]

شكرا لك و على وصفاتك الاكثر من رااااائعة

[بنت الطيب]

يعطيك الصحة ننتظر وصفة شريك الفنيانة هههههههههههه

[ام يوسف 2013]

الله يبارك أختي وشكرا
4444444444

[narcisse83]

السلام عليكم و رحمة الله و بركاته

شكرا لكن اخواتي على الردود ، بالنسبة للزبدة ديري 90g في هذه الكمية تكفي .

أختي أم إسلام ، السماط هو آخر ما يقدم في الأعراس القسنطينية.

إذا كانت الدعوة للغذاء: نحطوا الغذاء و من بعد القهوة و في الأخير السماط ، إذا كانت الدعوة للعشاء : نحطوا القهوة و من بعد العشاء و أخيرها السماط.

السماط عبارة عن: محلبي أو فلان وإلا في 2 ، الشريك ، نوعان من الفاكهة أو سلطة فواكه ، مشروبات غازية و عصائر.

بالنسبة للشريك الناس ما عادتش ديروا لأنه يأخذ وقت عادوا يديروا ( شريك الفنيانة) لأنه ما يتعجنش و إن شاء الله رايحة نديروا موضوع.

سلامي للجميع.

يعطيك الصحه اختي
ممكن تقوليلي هاد الكميه قداه من حبه شريك تخرج؟؟؟؟؟؟
و راني نشتنى في شريك الفنيانه ههههههه

[ميمنة الجزائر]

يعيطيك الف عافية هذا هو الشريك اللي نعرفو من بكري يسلمو حبيبتي على الوصفة يعني السر تاعو في
الدقيق يكون رقيق الله يسلمك حبيبتي على الوصفة

[أم محمد علي 25]

شكرا لكن جميعا على المرور الكريم.

هذه الكمية تخرجللك تقريبا 25 حبة و قريبا رايحة نحط ( شريك الفنيانة) سلام

[lehna]

يعطيك الصحة على الوصفة

[تينا ماريا]

سلام اختى
شكرا بزاف على الوصفة هادي عندي زمان و انا نحوس عليها
ما تبخليش علينا اختي بالوصفات القسنطينية لاشتات بدون صور
اسمحيلي من فضلك اعطيني الوصفة تاع لمحلبي تاعك
و شكرا

[lilii7179]

يعطيك الصحة فكرتيني في صغري كانت ماما ربي يحفظها ديما ديرهولنا نفطرو بيه الصباح

[عروبة2003]

جزاك الله خيرا

[انتصار فاطنة]

شكرا ننتظر منك المزيد

[ام صفصف]

بارك الله فيك

[kahina maam]

بارك الله فيك اختي

[nihal159]

شكرا على الوصفة؛ لكن مافهمتش مليح؛ يعني بعد مايتخمر نزيد نعاود نعجنو بالحليب؟؟؟؟؟؟؟؟؟؟؟ ما يجيش معجّن كي يطيب؟؟؟؟؟؟؟

[ليليا25]

اختي حبيت تمديلي وصفة تاع قاطو يشبه للكفتة درتيه في نجاح ابنك على ما اظن و حطيتيه في موضوع من قبل ارجو المساعدة

[zokhrofa]

هل من صورة كيفاش داير هذا الشريك

ولا هو هو التشاراك ؟