اطفل التثلث الصبغي trisomie

[anissa90]

;;;;;;;;;;;;;;;;;;;;;;;;;;;;;;;;;;;;;;;;;;

[asma bb]

والله aucune idé يا اختي ربي يجيب الشفاء لكل صغير

[rose de kici]

اختي ربي يعيشهولكم ان شاء الله
هما ايبانو من الولادة يعني فيهم اوصاف باينةومتخافيش هما صح يختلفو قليلا عن المواليد العاديين
لكن هو ابتلاء من الله وفيه اجر كببير و راح تلقاوه محبب وراني نحكيلك عن تجربة والي نعرفها راهي تقرى في المدرسة عادي ولاتختلف عن قريناتها الا قليلا في النطق
يعني بالاهتمام والتربية الصحيحة وبعض المجهود راح تساعدي طفلك على اجتياز اعاقته
ملاحطة المولود بمتلازمة داون يلزملو كشف عن القلب لانه نسبة منهم يولد معهم عيب خلقي في القلب
ان شاء الله نكون افدتك

[anissa90]

,,,,,,,,,,,,,,,,,,,,,,,

[ام فيفي]

ربي يكون معاك ان شاء الله

[الوسيلة]

ما الذي دفعكـِ للشكّ في ابنكـِ أخيّـهـ ؟؟

[nour1elyakine]

ماتخافيش يا اختي صح لازم عناية خاصة لانهم حساسين اكثر شوفي طبيب اطفال هو ينصحك مليح
عندي ولد خالتي درك راه كبير 13 سنة الناس كامل يحبوه بريء بزاف ويحكي الانجليزية مليح لان ربي سبحانه يرعاهم وكل واحد منهم عندو موهبة و اكيد ربي يعاونك باش تربيه

[البوسعادية]

مرحبا اختي
احيي فيك هده الجراة ...انا نقلك روحي وديري كشف ومتخافي موالو ...ادا مكتبلك اجي من الداون واحد ميمنعوا ..فقط حبيت انبهك ادا عرفتيه صح لازم اتحبيه من ضرك وبلاكي تحسيه بلي راه عاله عليك ....
انا نعرف مئات الاشخاص من هدا النوع وعلى فكرة انا من المحبات لهده الملائكة الصغيره لاني اقسم لك انهم ملائكة فعلا...ولان دراستي مرتبطه بهدا النوع من الاطفال فقد كانت مدكرة تخرجي على هده الفئة كدلك...وكم كان حلمي ان اعمل في مراكز الطبية البيداغوية للطفال الداون لكن مكتبش ربي....ملقيتش خدمه العقود مسكره هههههههههههه
نرجعوا لموضوعنا انت ابداي ديري كشف وان شاء الله ميكون الا الخير ....وادا حدث وكان داون لا قدر الله اقسم لك بان الامر عادي وعادي جدا ...وكما قالت الاخت راهم ايبانو مند اولاده فمثلا وعلى حساب ما ادكر تلقاي عينيهم ضيقين ...الادنان صغيرتان ....الخ
نعرف وشحال من عائلة متقبلوش هدا الطفل والان راهم يعتبروه هو النور انتع ضيك الدار كون يروح تعود دراهم ظلمة بلا بيه ..حتى اني مؤخرا التقيت باخو صديقتي داون وكان من بين التلاميد الدين قمت بالتربص عندهم راني من بعيد فجاء مسرعا وناد باسمي عدده مرات وسالني ان كان الطفل الدي احمله ولدي ...وقال لي بانه يشتغل في بيتزيريا الله يبارك...
اي سؤال اختي راني هنا....
موفقه ولي عوده للموضوع ان شاء الله لاني مستعجلة في الرد عليك ...

[anissa90]

[,,,,,,,,,,,,,,,,,,,

[البوسعادية]

مرحبا اختي
ربي يحفظك ان شاء الله ودير فيك البركة ياااااااااااارب...والله نفرح من قلبي كنشوف اولياء وبالاخص امهات صالحين كما انت يحاولوا يهتموا باطفالهم ويعاونوهم على الحياة لاني رايت فئة حسبي الله ونعم الوكيل فيهم قلبوا الواحد يحرقوه ميدوهاش في ولادهم قاع مخليينهم في الشارع مع الاعاقة تاعهم والله ربي اعلم بحالهم
اه عندك طفل ادا انا كنت علبالي بلي راكي بالحمل...الله يبارك وربي يخليهلك
والله ممرتش عليا حالة مماثلة لابنك لاني انا تعاملت مع اطفال من سنتين الى 18 سنة تقريبا..لكن والله معلابالي
عندي صديقات ساحاول الاتصال بهن وساسالهن عن حالة ابنك ونردلك بالخبر اختي...
راني ادا طولت عليك متتقلقيش راه معنديش النت في داري راني كنجي لدارنا برك نخدم ..
موفقه اختي

[ام ايمان16]

ربي كون في عونك ويجعلو سبب في دخولك الجنة ويكون من الصالحين

[hadjira195]

pureeeeeeeeeeeeeeeeeeeeeeeeeeeeee mon fils trisomique il a huit mois et klk jours
ne le 20 decembre 2014
je reviendrai et je t explique

[hadjira195]

أنا إبني شكينا بلي تريزوميك كي كان في كرشي12 أسبوع شكت الطبيبة لان la nuque تاع شوية خشين

عشت في شك فترة و حظرت العائلة نفسيا

ليلة الولادة غير شفت عرفتو عينيه مجبودين للفوق عرفتو أدعيت ربي يأجرني في مصيبتي و يرزقني خيرا منها

غد من ذاك بيدياتر قاتلي facie trisomique مع الوقت باش أنأكد الروتار مونتال قتلها أنديرلو caryotype هو تحليل ADN يبين كل الأمراض الجينية و نسبتها ومزال مادرتولوش

فيه كل مواصفات ابنك بصح ابني يتقلب و ينكر الأغراب ويضحك ويحكم شنشانة ويلعب بيها ويحب الرفود

ران أنتبع فيه في مصلحة المواليد تاع بارني NEONAT de parni درتلو إيكو على قلب و راس و كرش و فخاض و تحاليل دم و تيرويد

وهاذو لازم ديريهم جد جد جد مهمين

ران أنتبع فيه عند أورتوفونيست عندها خبرة من عمر الشهرين نروحلها مرة في شهر توريلي كيفاه نربيه

وران نبحث على كاش كينيست باش أنواسيلو دي ماساج des séance de psychomotrice

من اللي أنزاد حبيبي زادت السعادة في عشنا الصغير

ننصحك تبحث إذا إبنك صح تريزوميك لأن يلزملهم عناية خاصة و مبكرة جدا

شوفي كاش طبيب مليح و أبداي تبعيه لأن عندهم مشاكل قلبية و مشكل تيرويد لازم لازم داويهم بكري

نبشرك أن لوكان تتهلاي فيه مليح يقرى و يدخل حتى للجامعة

http://www.leparisien.fr/laparisienne/sante/maroc-atteinte-de-trisomie-21-jasmine-obtient-son-bac-avec-mention-06-07-2014-3981585.php

وإذا عندك أي إستفسار أنا في الخدمة

[anissa90]

,,,,,,,,,,,,,,,,,,,,

[anissa90]

شحال وزن تع ابنك الله اخلهولك وكيفاش راكي شوفي النمو تعوا

[hadjira195]

انا ابني ماعند حتى تشوه والحمد لله
ابني انحس ماشاء الله لوكان ماشي عينيه صغار ومجبودين للفوق مستحيل اتشكي فيه
وشنو مرخي شوية كيما ايقولو الاطباء legerement ypotone
دوك انا واش ننصحك اذا عندك شك يالوكان اقليل واسيلو un caryotype ماتقعديش لشك
واذا صبتيه تريزوميك ابكي و ماتخليش في قلبك و انطلق في تربية لان قد ماتبداي la prise en charge بكري قد ما تفيدو خير
في اقرب وقت روحي لطبيب و افصحيلو على مخاوفك و قوليلو اعطيني رايك
قوليلي في الكارني ديالو كي انزاد واش كتبولو ؟ كتبولو facie trisomique ?
اذا كتبولو معناها اغلب الظن تريزوميك لانهم هوما يعرف بزاف خصائص اعليهم احنا مانشوفوهمش
حنونة ماتتقلقي ماتقنطي هذو هوما احلى انديكاب يقدر يبتليك الله بيه

[hadjira195]

الوزن ماهوش دليل اذا كان لاباس بيه او لا
انا ابني عادي في الميزان
بصح l hypotonie du corps هي الصح و دل على امور كثيرة

[bellaluna]

مجرّد سؤال جانبي كلّ اخت لها أبن أو قريب مصاب بهذه المتلازمة تخبرنا سنّها عند الحمل و هل هو أوّل حمل أم لا ؟

[hadjira195]

مجرّد سؤال جانبي كلّ اخت لها أبن أو قريب مصاب بهذه المتلازمة تخبرنا سنّها عند الحمل و هل هو أوّل حمل أم لا ؟


27
Ans c est mon deuxième enfant

[ام ايمان16]

اختي هجيرة هل عندكم اقارب كيما ابنك
يعني هل حقيقي كيما يقولو يجيو الاولاد هكذا الااذا كان عندهم اقارب هكذا

ام ممكن مايكونش اقارب هكذا ويقدر يجي البيبي تريزومى.

[bellaluna]

27
ans c est mon deuxième enfant


شكرا على الإجابة وو ربّي يوفقك و يعينك على تربية طفلك على أحسن وجه..
في إنتظار بقيّة الأخوات.

[hadjira195]

اختي هجيرة هل عندكم اقارب كيما ابنك
يعني هل حقيقي كيما يقولو يجيو الاولاد هكذا الااذا كان عندهم اقارب هكذا

ام ممكن مايكونش اقارب هكذا ويقدر يجي البيبي تريزومى.

بالعكس

96 بالمئة من الحالات غير و راثي Trisomie libre et homogène
2 بالمئة من الحالات وراثي ونادر trisomie en trans********
2 بالمئة إيكون فسيفسائي يعني كاين خلايا فيها 46 صبغي و خلايا فيها 47 صبغي trisomie en mosaïque

[anissa90]

,,,,,,,,,,,,,,

[anissa90]

مجرّد سؤال جانبي كلّ اخت لها أبن أو قريب مصاب بهذه المتلازمة تخبرنا سنّها عند الحمل و هل هو أوّل حمل أم لا ؟


,,,,,,,,,,

[anissa90]

,,,,,,,,,,,,,,,,,,

[ام ايمان16]

بالعكس

96 بالمئة من الحالات غير و راثي trisomie libre et homogène
2 بالمئة من الحالات وراثي ونادر trisomie en trans********
2 بالمئة إيكون فسيفسائي يعني كاين خلايا فيها 46 صبغي و خلايا فيها 47 صبغي trisomie en mosaïque

شكرا هجيرة على المعلومة

[hadjira195]

نمو تع الجسم تعوا غير عادي بالنسبة لي ضعيف عندما اقارن مع اطفال اخرين راهو ثمانية اشهر تقولي واحد تع 5اشهر مايقعدش وحدوا مايشدش روحوا راني نحوس على الحليب ليقولوا عليه اسمن لي تعرف هذا الحليب تقولنا لامارك

أنا إبني ضعيف ثان راه juste juste مع la courbe

الميزان مايهمش أنيسة الأهم أن إيكون باصحتو و من الأحسن مايسمانش خير

لأن السمنة راح ترخيه وهذي معلومة قاتهالي الطبيبة أم مازن تخصصها بيدياتري أقرات في أمريكا

[hadjira195]

صح عندو l hypotonie du corps راني نمدلوا فيتامينات

قوليلي وشنو الفيتامينات اللي راكي تعطيلو
و فادوه و لا لالا

[anissa90]

الحمد لله فدوه اذا على لامارك غدا نقولك علبة برتقالية فيها خطوط بيضاء

[anissa90]

ان شاء الله ابنك راه بخير خرج الاسنان و ثاني واش من حليب صناعي تمديلوا انا مزال ملقيت الحليب ليناسبه

[hadjira195]

ان شاء الله ابنك راه بخير خرج الاسنان و ثاني واش من حليب صناعي تمديلوا انا مزال ملقيت الحليب ليناسبه

انا ران بين صدري و نورسي و ساعات سيليا

الاسنان مزال ماخرجهمش

بصح من الاحسن اتبعيه عند بيدياتر هو اللي ايقولك اذا ميزان عادي او لا حتى اذا بانلك ضعيف

وزيد مشاكل القلب هوما اللي ماايخلوش البيبي ايزيد في الميزان

ومشاكل تيرويد ( غواتر. ). ايأثر في مرونة جسم و لغواتر ايقيس حتى المخ

علابيها ران انوصي و نعاود فيك افحصي وليدك ماتخليهش هكذاك

[ام مهدي2010]

يا اختي اربي يكون معاك كثرت الامراض ربي يعافينا انا وليد لوسي مصاب بالتوحد صدقيني لم ارى لحالته مثيل انا اظن ان اصعب مرض في وقتنا هو التوحد والديه رايحين يهبلو مساكن

[mereyoucef]

ربي يكون معاكم صدقوني عندكم شجاعة كبيرة ربي يحسن العون

[anissa90]

,,,,,,,,,,,,,

[البوسعادية]

مرحبا اخواتي
والله شوفوا على حساب احتكاكي بالفئة هادي وعائلاتهم ...
شفت حالات بزاف كاين 2 نساء في سن 24 سنة جابوا اطفال داون ...وكاين وحده 49 سنة وام صديقتي في حوالي 33 سنة ...كاين اختلاف بزاف في العمر وكاين الي اول مولود ليهم هو داون وكاين الاخير كما طفلة بنت خالتي ....
موفقات يا اخواتي

[hadjira195]

السلام عليكم شكون تعرف مخبر اديرcaryotype في الجزائر العاصمة ان شاء الله نبدالوا ماساج des séance de psychomotric هذا الاسبوع اخت هاجرة علاش تدي ولدك عند أورتوفونيست واش تعلموا

ماتعلموش هو
في الوقت الحالي أتعلمني أنا comment le stimuler

[wafa.wafa]

السلام عليكم شكون تعرف مخبر اديرcaryotype في الجزائر العاصمة ان شاء الله نبدالوا ماساج des séance de psychomotric هذا الاسبوع اخت هاجرة علاش تدي ولدك عند أورتوفونيست واش تعلموا

يا أختي سمعت بلي كاين في حيدرة بصح مانعرفش العنوان بالضبط بصح قوليلي شكون يدرلو الماساج ويا ريت تشرحيلنا كيفاش دريلو وعلاه

[عطرالذهب]

اختي ربي يقويكم ويشفيلكم اولادكم وشوفو دائما للي عندهم اعاقات كبيرة لانو اولادكم تقريبا عاديين
ربي معاكم

[anissa90]

,,,,,,,,,,,,,,,,,,,,,,,,,,