ارجوكم ساعدوني برد

[طالبة مساعدة]

السلام عليكم
ارجوكم اعطوني حل ارجوكم
انا متزوجة منذ عامين ولي ولد عمره عام مشكلتي تكمل بان اهل زوجي شرطو عليا انني لا اذهب لاهلي شهر كامل و اهل يسكنو قريبين منا وفي نفس ولاية وفي نفس الحومة ههذا معقول هل ارضى بهذا الحكم ام اوقف هذا مهزل و اعود لاهلي علما ان اهلي تعبو عليا لداروهالي اهلي مانطيقش نردلهم والو اهلي رباوني وتعبو عليا باش انا جيتهم وهما الان يحكمو عليا يا ناس يا اخواني يا اخواتي احكمو عليا واش نعمل انا افكر ان اعود لاهلي ويصرا ليصرا لان لاشيئ يعوضلي اهلي اريد رد صريح منكم جاوبوني ربي يخليكم

[طالبة مساعدة]

لا يا اختي كل اسبوع عند والديا اي مرة في اسبوع نروح ونرجع في تلك اليوم مقبلوش زوجي يسيروه اهله اهله يحكموفيا وهو يقولي كما يقولو هما وحتى غالطين وهو يحكي عليا اي حاجة نعملها

[mounia 85]

يا اختي والله هذا ظلم كبير يعني واش راح تنقصيلهم لوكان تروحي عند والديك هذي مجرد حقرة وفرض للسيطرة عليك يعني يستعرضوا في عضلاتهم عليك ....وكلي عليهم ربي برك ومكان لاه تروحي زكارة فيهم لانهم على حساب مافهمتك ماهمش ناونيلك على خير وقادرين يديروها بيك ويطلقوك
انتي الحاجة الوحيدة اللي تقدري تديريها هي بينك وبين راجلك حاوليه وحاوليه وتباكايلو ...تهلاي فيه مليح طيبيلوا وديريلوا حاجة مليحة تفاجئيه بيها يعني حاولي تكسبيه لصفك انتي بمعاملتك معاه وبالكلام المليح بالاك يلين ويولي يجي في صفك
الحل يا اختي هو عند راجلك لازملك تحاولي معاه بكل الطرق و ان شاء الله تجيب نتيجة
بصح فريمو حرام الشي لي راه صاري في بنات الناس

[mouloudfan]

السلام عليكم ورحمة الله ، ياإختي شوفي الشورة نتاع الزوج ذيالك ، هو كل شيء لإذا قال لك إذهبي ..إذهبي ..وإذا قال لكي لا تذهبي....لا تذهبي . إسمعي كلام جوزكي هذه النصيحة.

[طالبة مساعدة]

يا اختي والله هذا ظلم كبير يعني واش راح تنقصيلهم لوكان تروحي عند والديك هذي مجرد حقرة وفرض للسيطرة عليك يعني يستعرضوا في عضلاتهم عليك ....وكلي عليهم ربي برك ومكان لاه تروحي زكارة فيهم لانهم على حساب مافهمتك ماهمش ناونيلك على خير وقادرين يديروها بيك ويطلقوك
انتي الحاجة الوحيدة اللي تقدري تديريها هي بينك وبين راجلك حاوليه وحاوليه وتباكايلو ...تهلاي فيه مليح طيبيلوا وديريلوا حاجة مليحة تفاجئيه بيها يعني حاولي تكسبيه لصفك انتي بمعاملتك معاه وبالكلام المليح بالاك يلين ويولي يجي في صفك
الحل يا اختي هو عند راجلك لازملك تحاولي معاه بكل الطرق و ان شاء الله تجيب نتيجة
بصح فريمو حرام الشي لي راه صاري في بنات الناس

شكرا لكي اختي ولكن زوجي يقولي كلمتهم هي صح هما صح ولكان غالطين نتي طبقي واش راهم يديرو طبقي

[" أبو عبود"]

والله لا يوجد قانون ولا شرع يحدد وقت الزياة إلا في المستشفيات وحتى في المستشفيات لا يطبق هكذا. لكن انت زوجة ولديك طفل وطاعة الزوج واجبة وإذا خرجت دون مشورته لعنتك الملائكة حتى ترجعي وانا ىسف لكن هذا هو شرع الله تعالى. بقي ان تتوددي الى زوجك كي يسمح لك بالذهاب في اقل من تلك المدة. كوني ممثلة بارعة كي تحققي ما تردين فانت لا تطلبين الحرام لا قدر الله. توكلي على الله وناقشيه في الموضوع عسى الله ان يفرج كربتك.

[ام مهدي2010]

يا اختي ما قلتيناش زوجك واش رايو فالموضوع ادا كان موافق ماعلابالك بحتى واحد روحي و راسك مرفوع

[طالبة مساعدة]

يا اختي ما قلتيناش زوجك واش رايو فالموضوع ادا كان موافق ماعلابالك بحتى واحد روحي و راسك مرفوع

يا اختي العزيزة الزوج موافق على شروط والديه كانني متزوجة ب3 رجالة يدخلو فيا والله لكرهت اذا خرجت نخرج غير معاه ولا مع امه لا علينا انا اريد راضية بذلك الحمد الله ورضيت باشياء اخرى لكن والديا لا ارضى بهذا ابدا

[ام ايمن17]

عندي زوجة اخي الله يهديها 3 ايام في دارنا و 5 ايام في دارهم دايرا وحد السكارا في بابا و يما و مكانش الي يهدر معاها تعرفي علاه لخطرش خويا جاي في يدها رمضان كامل كي جي يما تحوس عليها متلقاهاش في شومبرتها تروح بلا متقول حتى لواحد رمضان كامل تبات في دارهم و حتى ل 3 تع العشية كي طيب و تكمل لمها باه تجي طيب لدارنا مع العلم انو كاين 3 خواتاتها عزبات في دارهم
كي يجي المغرب و يفطرو دارنا تغسل الماعين و تخلي يما تروح للتاراويح و تنطلق لدارهم

من هذي الهدرة كامل لازم تفهمي انو كلشي من الراجل هو الي يقدر يفرحك و لا يبكيك

[yamyonita]

في راي انا اذا شرطو عليك قبل الزواج و انتي قبلتي بشرؤطهوم معندك ما تعارظي مي اذا شرطؤ عليك بعد الزواج اتفاهمي انت و زوجك بالحسنى و غيييير بشوي و ربي معاك ختيي

[bellaluna]

سبحان الله..ألا يتقّ الله فيك زوجك.
الظّلم ظلمات يوم القيامة.

[ASYA84]

حنونتي الحل في يديك اكسبي زوجك ديري واش تحبي وهم ما تسمعيش بيهم بزاف اللي صراتلهم كاين اللي تحداتهم بالعقل واللسان الحلو وذكائها وكاين الي استسلمت وصرا فيها اكثر من هكذا ولاو يدخلو في ابسط الامور كلشئ بالصبر والعقل

[سلواان]

السلام عليكم ..سألت إحداهن رسول الله صلى الله عليه وسلم في شان زيارة أمها المشركة فأجابها ..صلِي أمك واستقبليها ..
نحن مجتمع مسلم بالإسم أخلاقه ليتها كانت غربية ...بل هي شبيهة بأخلاق سكان الغابة ..
طيب لاحل لك في وضع كالتي أنت فيه ..ولو تشددت على موقفك فاعلمي أنه قد يكون الأمر مبيت لك وأنت لاتعلمين ولعل أهل زوجك يرومون استبدالك بأخرى ؟؟ فاحذري أن تقعي فريسة لذلك ..
نصيحتي ..حاولي تبليغ شكواك لإمام مسجد قريب منكم قد يفزع زوجك وأهلك بوعيد رب الناس ..غيره لاأرى لك حلا مما أنت فيه ..أو هناك خيار آخر إن لم ينجح ما سبق ..اعتبري أن زوجك الحرب قائمة عليه ..فسخري كا ما أوتيتي من قوة لسحبه منهم ..كان ربي في عونك..

[مناع]

والله أمركم غريب يا نساء وما يزيد النار اشتعالا هم دائما النساء ما هذه الاراء
شهر وتروحي لداركم اين المشكل راجلك قالك شهر شهر ,,, الان انت متزوجة لست عزباء ماكان لك ان تتزوجي اذن ؟؟؟
واش حابة كل يومين في داركم ؟؟؟؟؟؟ اصلا الزوج ادرى لان كثرة الذهاب والاياب للاهلك هي سبب المشاكل
انا عندي اختي متزوجة انا شخصيا تكلمت مع زوجها قلتلو منقبلهاش كل اسبوع عندي في الدار شد مرتك عندك
حتى هي قلتلها نزيد نصيبك هنا كل اسبوع نعفسلك على راسك معندي ماندير بيك دار راجلك وولدك اولى

[@esraa@]

شوفي يا اختي اسأل الله لك الصبر
فهذا امر صعب جداااااااااااااااا
راني حاااااسه بيك
بصح هادي الامور المفروض تتفاهموا عليها
من البداية
و لن انصحك بالطلاق لأني اخشى من الذنب
اصبري من اجل ابنك و حاولي مع زوجك بكل الطرق
و ادعي الله ان يلين قلبه و ان شاء الله صبرك ستكون مكافئته الفرج

[@esraa@]

والله أمركم غريب يا نساء وما يزيد النار اشتعالا هم دائما النساء ما هذه الاراء
شهر وتروحي لداركم اين المشكل راجلك قالك شهر شهر ,,, الان انت متزوجة لست عزباء ماكان لك ان تتزوجي اذن ؟؟؟
واش حابة كل يومين في داركم ؟؟؟؟؟؟ اصلا الزوج ادرى لان كثرة الذهاب والاياب للاهلك هي سبب المشاكل
انا عندي اختي متزوجة انا شخصيا تكلمت مع زوجها قلتلو منقبلهاش كل اسبوع عندي في الدار شد مرتك عندك
حتى هي قلتلها نزيد نصيبك هنا كل اسبوع نعفسلك على راسك معندي ماندير بيك دار راجلك وولدك اولى

هل تظن ان المرأة تريد زيارة اهلها لأنها تشتاق لأخيها :confused:
كيما انت ماعندك مادير بيها هي تاني ماعندها ما دير بيك
و الرجل الذي يترك اهله يتحكمون في زوجته هو ليس رجلااااااااااااااااااااااااااااااااااااااااااااااا ااااااااااااااا
الراجل لي يخلي اهله كامل يحكموا في مرته خصه يمشي يفوت على روحه و على امه و اخواتاته
بالاك يلقاهم هما الرجال و هو مشي راجل

كم اكره هذا النوع من الرجال نسأل الله ان يحفظنا منهم

[روّاد الجزائر]

لا حول و لا قوة الا بالله

المرأة من واجبها طاعة زوجها فيما يرضي الله و احترام والديه إكراما له و ليس لهم عليها اي حق أبدا بينما الرجل يجب عليه طاعة والديه فيما يرضي الله و أن يصون زوجته و يمنع وقوع أي ضرر لها من أي جهة كانت لأنها في رقبته هو و ليست في رقبة والديه و سيحاسبه الله عليها و على كل ضرر يحصل لها

اختي اذا كانوا صح هما يحكموا فيك في مكانه حاولي تفهميه و تنصحيه بالتي هي أحسن خوفيه بربي...خوفيه عليهم بأن ما يفعلونه هذا ظلم واقع عليك من طرفهم..خبريه باللي عندك حوايج ما تقدريش تستغني عليهم و هاذو والدين مش صحابات و لا جوارين

فالظلم ظلمات يوم القيامة فهميه كيما هو حاب يرضي والديه بطاعتهم لازم حتى انت ترضي والديك و تزوريهم..و انه لا طاعة لمخلوق في معصية الخالق






سمات اهل اخر الزمان قطع الارحام و الاوصال

الله يهدينا و يهديكم و يصلح حالنا و حالكم

امين يارب

[إكرام ملاك]

السلام عليكم

اختي لا تكبري المشكل والان الحمد الله الهاتف والنت موجودة تقدري تكلمي أهلك واذا ما خلاكش تروحي ليهم قوليلهم يجوا عندك

حتى ربي يفرج وكوني متأكدة انوا الوالدة تاعك ماش راح تفرح لو ترجعي عندها هاكا راح تزيدي عليها برك
لانوا كل ام تحب بنتها تكون في دارها مع ولادها وزوجها

ولا تأخدي بمن يحرضك ضد زوجك او اهله وأكيد ربي راح يفرج عليك الدنيا ما دامت لحد

وسعي بالك قد ما تقدري

[salem1985]

السلام والله اختي اعرفي ان اهل زوجك لايريدون بك الاخير مرة في الشهر هي افضل وقت لان تعرفي ان العائلات الجزائرية بها حساسيات واهل الزوج يعرفون هذا وخصوصا ان اغلبية الزوجات ينقلون الاخبار وحتى الخاصة الى بيت العائلة وهذا يؤثر على العلاقة بين العائلتين انصحك ان تري بعين العقل وان تتفرغي لبيتك ولاتزوري بيت العائلة الافترات ممكن شهر او اكثر انت تبقي عزيزة في عين اهلك ويطمئن اهل الزوج واضيف اليك ان اكثر الطلاق في الجزائر سببه ام الزوجة واخوتها بسبب انهم يعملون بالعاطفة يهدمون بيوت بناتهم بدون شعور وبعد هذا يندمون عندما تنوين الزواج من البدايه ضعي في راسك ان الرجل الذي تختاريه هو كل شئ امك ابوك اختك اخوك ومن حقك زيارة العائلة ولكن ليس كما تحبين انت في اي وقت وانا اعرف ان كثرة زهاب البنت الى عائلتها لاتجلب الا المشاكل وتصبح العائلة تدخل في خصوصية الزواح وهنا يحدث الطلاق وربي يهيك واغلب الاسر السعيدة هي التي تكون فيها الزوجة فطنه ولا تنقل سر بيتها الى اهلها لان كل ما تدخل الاهل فسد الزواج ولايعرف زوجك الاانت وانت الي ستتحملين عواقب الطلاق وحدك فصبري وهناك قصت الزوجة التي جائها خبر ان اباها مريض فامتنعت عن الخروج من البيت لان زوجها غائب ولا بدا من اخباره وتوفي زوجها ولم تخرج من البيت وفي الليل رات منام ان زوجها دخل الجنه بسبب برها لزوجها فاحذري اللعنة اختي وربي يدوم هناك

[طالبة مساعدة]

شكرا على كل الاخوات والاخوة لي اعطاوني رايهم شكرا جزيلا
قررت الحل الوحيد ان اتصل بشيخ في الذاعة اذا كتب ربي واطرح عليه مشكلتي اذا استطعت ارجوكم دعولي ربي يهنيكم ويحفضكم اشكركم للمرة الثانية

[سلواان]

شكرا على كل الاخوات والاخوة لي اعطاوني رايهم شكرا جزيلا
قررت الحل الوحيد ان اتصل بشيخ في الذاعة اذا كتب ربي واطرح عليه مشكلتي اذا استطعت ارجوكم دعولي ربي يهنيكم ويحفضكم اشكركم للمرة الثانية

السلام عليكم ..
طرحك المشكلة على شيخ في الإذاعة لن يفيدك سوى بأن تحسني تقدير قرارك ..أما ولو طرحت المشكلة على شيخ قريب من سكناك كإمام مسجد حيكم مثلا فإنه سيكون طرفا في الحل ..وأنت أدرى بما هو في صالحك ...

[salem1985]

ربي يهديك صبري وحافظي على دارك وولادك والى حبيتي تخسري دارك كبري فيها غادي تندمي غير انت

[أم أحمد عبد الصمد]

الراجل هو الصح ، و مادام راك في وسط الحوانة معندك ماديري القرار الأول و الأخير ليهم ، و المشكلة تصيبي بناتهم داخليين وخارجيين في أي وقت
الله يصبرك ويهدي زوجك ويطيب بيناتكم

[محمد جديدي التبسي]

عادي زيارة مرة في الشهر الوقت يمر بسرعة
المفروض أن أهل زوجك لا يتدخلوا في هذا الأمر فزوجك هو المسؤول الوحيد عنك

[مناع]

يا خــــــويا أن نقول بلي كلمة الوالدة تمشي على مرتي حبيتي صح والصلاح محبيتيش قوليلي واش اللي يخرج عليك وهذا ليس ظلم بل ان امي هي كذلك امك
وهدرة النساء مثلا متسمعيش بيهم ومتديهاش فيهم تديك انت لداركم بدون رجعة ,,, كتروحي عند دار راجلك انت ومتديهاش فيهم لكن لا تطرحي مشكلتك هنا بعد ذلك لأنك ستجدينني هنا ,,,, هههه لمواساتك اكيد

[مناع]

هل تظن ان المرأة تريد زيارة اهلها لأنها تشتاق لأخيها :confused:
كيما انت ماعندك مادير بيها هي تاني ماعندها ما دير بيك
و الرجل الذي يترك اهله يتحكمون في زوجته هو ليس رجلااااااااااااااااااااااااااااااااااااااااااااااا ااااااااااااااا
الراجل لي يخلي اهله كامل يحكموا في مرته خصه يمشي يفوت على روحه و على امه و اخواتاته
بالاك يلقاهم هما الرجال و هو مشي راجل

كم اكره هذا النوع من الرجال نسأل الله ان يحفظنا منهم


واحدة مثلك لا يرد عليها أصلا لا المكان ولا طبيعتي تسمح لي بالرد عليك انت با إما تتزوجي نصف رجل يا إما تتطلقي ثاني يوم إذا تزوجتي راجل
انا لم اتحدت عن الاهل أصلا
كم احب هذا النوع من النساء ,,,, أتمنى أن التقي بواحدة مثلك

[زرقـآء اليمآمـة]

السلام عليكم
اختي الكريمة عندنا ازمة رجال لذلك شدي في زوجك بيديك واسنانك ..... كما قيل لك شهر ماشي بزاف ...... ثم اهلك يجو يزوروك في هذا الشهر ........ تزوجت لكي تبني اسرة وبيت فلا تهدميها وتشردي ابنك وهو رضيع ............... حطي عقلك في راسك تعرفي خلاصك ولا تكترثي لاهل زوجك بما يقولون لا تسمعي الا لزوجك ......... واصبري واصبري والله مع الصابرين

[Majrouha]

Ya okhti asbri walahi ana marit b nafes mouchkil,W ygouli matrouhich sa3at ndir 2chahrin bah nrouh,yama bkit ,besah thamalt,lakin ba3d l3achra,W fatou snin derk mayharmlich darna nrouh fi lwaqt li nhab,lakin ba3d 10 snin zwaj ,koulchi blwaqt,W lmra meskina lazam tahmal koulchi W ya rabi itha nalat i3jabhoum,rabi yaslahlak okhti

[Basketteuse]

الرجل في الاول توجور تلقايه متأثر بأهلوا ويصدقهم في الصحيح والغالط، ومع الوقت باه يندمج مع الاسرة اللي كونها ، ويولي مستقل بقراراته ، صدقيني : انا بالرغم انو ماعنديش عجوزتي ربي يرحمها الا انه كان متعلق بقرارات خواتاتو تقول يعبدهم ،انا صبرت وراني في العام الرابع من الزواج وهذا وين بدا يتحسن وان شاء الله كي نخرجو بدارنا يولي مستقل تماما ، هكا انتي زيدي اصبري شوي ،وكيما نقولو عيشيه في نعمة ماينساهاش ،. ماتفرطيش فيه اتزيني واتدللي ودلليه هو تاني وقومي بيه راح يتعلق بيك اكثر ويتأثر برغباتك مع مرور الوقت ،وماتنسايش ماتحاوليش تبعديه على والديه

[مناع]

نروح لدارنا واللي صرا يصير ,,,,, هذا تفكير هذا ؟؟؟؟ والله ونعرف راجلك نقوله واش راكي تقولي خليه يصرا لصير