رعب تسلل نحو قلبي :(

[ميسون2010]

السلام عليكم
راني حابة تعطيوني حل للحالة تاعي
كرهت حياتي بمجرد التخمام في الباك
كي نت فكر باللي رح نقرى ونتعب في الباك قلبي يفشل
كي يهدرو معايا دارنا ويقولولي إيه رح تجيبي معدل كبير نتقلق
ماعنديش برنامج محدد كيفاه راح نقرا وواش نقرا
وَ وكتاه رح نبدا
راني قريب نهبل انقدوني

[الجزائرية 2010]

شوفي اختي ننصحك حاولي انك تخممي مورا الباك ينظرة تفاؤلية
يعني قولي كي ننجح بمعدل مليح نفرح والديا
ومكاااااااااانش اروع حاجة كي تشوفي فرحة والديك
نحكيلك انا هاذ العام
هاذ العام كنت كارهة حياتي وكنت نقول مانديهش وماننجحش
ورغم انو الوالدة ربي يخليهالي هي اكثر الاقارب اللي كانت واقفة جنبي وتدعمني وتسادني
وهاني ماديتوش والحمدلله على كل حال
لكن لما شفت دمعتها نهار اللي سمعت بلي مانجحتش
تمنيت تتفتح الارض وتبلعني
ماتتصوريش الندم اللي حكمني
قلت ياليت كنت نسمع لكلمتها ونقرا لكن بعد وش؟
لكن هاذ العام وعدتها نعوض دمعتها تاع الحزن لدمعة فرح ان شاء الله

"حكيتلك قضة حياتي خخخ لكن هاذي تجربة يعني ماتفشليش اختي "
واي حاجة راني هنا

[خولة.د]

شوفي اختي ننصحك متخليش الخوف يسيطر عليك من يجيك الرعب و الخوف قولي لالا قادرة على كلش توكلي على ربي و ديري اللي عليك و اكثر باه ربي يجازيك كامل راح نعقبوا الباك و كامل نتمنوا نحصلوا على احسن المعدلات و نفرحوا والدينا انتي هاذي الايامات راجعي دروس الرياضيات و العلوم تاع العام الفارط و ابداي تقراي من النهار الاول و ان شاء الله ربي يوفقك و يوفقنا ^^

[Estrella Negra]

اهلا أختي
لآ دآعي لهذآ القلق ، أني فآهمآتك قريب يولو يسمونآ بآك ههه
وين ندخلو نقرو ان شاء الله تلقي روحك تقري و تحضري بلا خوف
و كي يقولولك الباك قولي ليهم ان شاء الله نجيبها بمعدل ممتاز انتوما ادعولي برك
التوتر يخف كي نبدو نحضرو و نقرو ،
ماعنديش برنامج محدد كيفاه راح نقرا وواش نقرا
وَ وكتاه رح نبدا
لاننا مازلنا ما بديناش ، وين تكمل السمانة الاولى تاع الدخول كلش يولي واضح اختي
البرنامج ديريه على حسب اولويااتك و الافضل المواد العلمية تقريهم كل يوم ، و المادة الي ناقصة فيها ديري ليها اكبر وقت
البداية مع الدخول ان شاء الله
،
أختي ثقي بالله اولا و توكلي عليه وثقي بنفسك و اعلمي انك قادرة على تحقيق المستحيل
كل ما تحسي بالخوف رددي : أنا تلميذة متفوقة و سأحضر جيدا للباكالوريا و سأحصل على الامتياز بإذن الله
و كي تقلقي اقري شوي قرآن
آسفة كثرت عليك الهدرة ههه ، بالتوفيق اختي
The best way to beat ur fear is to face it ;)

[anoucha 23]

صدقيني اختي راني نفس الحالة تاعك

[تالية القرآن]

كلنا لدينا نفس الحالة بمجرد التفكير في الباك ينتابنا قلق ،ليس كأي قلق أو خوف فقط لأننا نهاب الفشل ،
بعد الدخول المدرسي إن شاء الله سوف يظهر لك برنامجك الخاص وكيفية تحضيرك تلقائيا دون أن تفكري أو حتى تخططي لذلك.

[ميمي سمية]

والله يختي حالتي حالتك

ديجا كي قريت موضوعك فشلو يديا

مي صراحة ختي

انا اليامات لي فاتو كنت خلعانة .... بعدت شوي على القسم هذا وليييت 444 نسيت كلشي

وكي عاودت وليت هاي رجعت الخلعة

نصيحة مني ليك: اذا راكي لميتي الملفات ولا مكيش مزروبة عليهم بعدي على القسم هذا يامات والله ماراح تندمي

لخاطر كي تقعدي هنا راح تلقايهم كل واحد ديجا دار حاجة لي قرى ولي كمل البروغرام والعام مزالو ما بدا ولي راجع الدروس ونتي مزال و كذا وكذا وكذا وكذا ..............راح تزيد خلعتك كثر وكثر

[ميسون2010]

شوفي اختي ننصحك حاولي انك تخممي مورا الباك ينظرة تفاؤلية
يعني قولي كي ننجح بمعدل مليح نفرح والديا
ومكاااااااااانش اروع حاجة كي تشوفي فرحة والديك
نحكيلك انا هاذ العام
هاذ العام كنت كارهة حياتي وكنت نقول مانديهش وماننجحش
ورغم انو الوالدة ربي يخليهالي هي اكثر الاقارب اللي كانت واقفة جنبي وتدعمني وتسادني
وهاني ماديتوش والحمدلله على كل حال
لكن لما شفت دمعتها نهار اللي سمعت بلي مانجحتش
تمنيت تتفتح الارض وتبلعني
ماتتصوريش الندم اللي حكمني
قلت ياليت كنت نسمع لكلمتها ونقرا لكن بعد وش؟
لكن هاذ العام وعدتها نعوض دمعتها تاع الحزن لدمعة فرح ان شاء الله

"حكيتلك قضة حياتي خخخ لكن هاذي تجربة يعني ماتفشليش اختي "
واي حاجة راني هنا
شكرًا أختي على النصائح
ربي يحفظك نشالله ويكون الباك من نصيبك العام هادا وتفرحي ماماك
يما راهي معولة عليا باش ندير طب وَ علابالي لوكان مانديرش رح تتحطم
على هادي راني مخلووعة

شوفي اختي ننصحك متخليش الخوف يسيطر عليك من يجيك الرعب و الخوف قولي لالا قادرة على كلش توكلي على ربي و ديري اللي عليك و اكثر باه ربي يجازيك كامل راح نعقبوا الباك و كامل نتمنوا نحصلوا على احسن المعدلات و نفرحوا والدينا انتي هاذي الايامات راجعي دروس الرياضيات و العلوم تاع العام الفارط و ابداي تقراي من النهار الاول و ان شاء الله ربي يوفقك و يوفقنا ^^
شكرًا أختي بارك الله فيك
وَ نشالله راني رح نبطل المنتدى ليامات هادو شوية ونراجع واش قلتي لي
اهلا أختي
لآ دآعي لهذآ القلق ، أني فآهمآتك قريب يولو يسمونآ بآك ههه
وين ندخلو نقرو ان شاء الله تلقي روحك تقري و تحضري بلا خوف
و كي يقولولك الباك قولي ليهم ان شاء الله نجيبها بمعدل ممتاز انتوما ادعولي برك
التوتر يخف كي نبدو نحضرو و نقرو ،

لاننا مازلنا ما بديناش ، وين تكمل السمانة الاولى تاع الدخول كلش يولي واضح اختي
البرنامج ديريه على حسب اولويااتك و الافضل المواد العلمية تقريهم كل يوم ، و المادة الي ناقصة فيها ديري ليها اكبر وقت
البداية مع الدخول ان شاء الله
،
أختي ثقي بالله اولا و توكلي عليه وثقي بنفسك و اعلمي انك قادرة على تحقيق المستحيل
كل ما تحسي بالخوف رددي : أنا تلميذة متفوقة و سأحضر جيدا للباكالوريا و سأحصل على الامتياز بإذن الله
و كي تقلقي اقري شوي قرآن
آسفة كثرت عليك الهدرة ههه ، بالتوفيق اختي
the best way to beat ur fear is to face it ;)
نشالله يا ربي
رح نحاول ندير وش قلتي لي ونشأ لله
ربي يوفقنا كامل
صدقيني اختي راني نفس الحالة تاعك
وهادا هو اللي مخوفني هههه مالقيتش الحل بصح رح ندي بنصائح البنات
ونتي ثاني أدي بيهم ونشوفو
كلنا لدينا نفس الحالة بمجرد التفكير في الباك ينتابنا قلق ،ليس كأي قلق أو خوف فقط لأننا نهاب الفشل ،
بعد الدخول المدرسي إن شاء الله سوف يظهر لك برنامجك الخاص وكيفية تحضيرك تلقائيا دون أن تفكري أو حتى تخططي لذلك.
ان شاء الله ربي يعاونا برك ونحققو احلام والدنيا
والله يختي حالتي حالتك

ديجا كي قريت موضوعك فشلو يديا

مي صراحة ختي

انا اليامات لي فاتو كنت خلعانة .... بعدت شوي على القسم هذا وليييت 444 نسيت كلشي

وكي عاودت وليت هاي رجعت الخلعة

نصيحة مني ليك: اذا راكي لميتي الملفات ولا مكيش مزروبة عليهم بعدي على القسم هذا يامات والله ماراح تندمي

لخاطر كي تقعدي هنا راح تلقايهم كل واحد ديجا دار حاجة لي قرى ولي كمل البروغرام والعام مزالو ما بدا ولي راجع الدروس ونتي مزال و كذا وكذا وكذا وكذا ..............راح تزيد خلعتك كثر وكثر
انا راح نبطل المنتدى هاد ليامات ونحاول ننسى الضغط ونحاول نقرى شوية
ونشوف واش يصرا

[نسمآت الربيع]

اختي ما تخافي ماوالوا ..
صدقيني هو عام ككل الأعوامم .. فقط يلزملوا شوي تنظيم لمنع تراكم الدروس لا غير ..
درووسهه عاديةة جدا .. تحتاج فقط للعمل والاستمرار طول العااام ..
دعك من الخوف لأنه هو الحاجز الوحيد أمامك ..

وفقك الله ..

[madi12]

حالتي حالتك

[Riad Abdeslam]

نصيحة عن تجربة لأني اجتتزت الباك من قبل، لا داعي للاكثار من كل هذا الخوف و الله، امتحان عادي فقظ لانو مصيري حنا نمدولو كثر من قيمتو، حاولي الكلام نتاع داركم تستغليه بالايجاب و تفائلي انك رايحة تجيبي صح معدل مليح ان شاء الله و تفرحيهم لما لا ؟؟ اما بخصوص المراجعة مازال الحال مديريش لروحك الضغط من الان استغلي العطلة في الترويح عن النفس ماشي للمراجعة العام طويل و يكفيك، فقط د برنامج راجعي كل يوم لكن دون الاكثار باه متكرهيش سريعا، ربي يوفقكم كامل انشاء الله اي استفسار نحن هنا

[أسماء الغالية]

وعليكم السلاام

أولاً لا دآعي للخوف ف " البكالوريا " مجرد امتحان مصيري للانتقال من مرحلة الى مرحلة ...

ثانيًا أنـآ أجد أنّ الحمـآآآس لمواجهـة عـآم مميز ليس كبااقي السنووات .. و حبذا لو تزرعي بذور التفـآؤل والثقة في نفسك ...

إرم الخووف بعيييداً ، لكي لايكون حجرة عثر في طريقك نحو النجااح -- وتوكلي على ربي --

وفّقنا الله وإيااك :)

[سلاااااااااام]

السلام عليكم و رحمة الله تعالى و بركاته :
أولا و قبل كل شئ دعيني أختي العزيزة ميسون أخبرك أن الخوف كان وراء فشلي في الباكالوريا ... لا أقصد الفشل بالمعنى الحرفي لكن نجاحي بمعدل لم يسمح لي بدخول أي من التخصصات الجيدة فقد كنت أنتظر معدل 15 على الأقل ففوجئت ب 13... لكن ماعساي القول سوى الحمد لله لأنه سبحانه و تعالى رأى أنه من الأحسن لي إعادة العام لكي أتعلم مواجهة مخاوفي
فلا تكوني مثلي عزيزتي و تعلمي مواجهة مخاوفك من الآن و أنصحك بمشاهدة هاذين :

https://www.youtube.com/watch?v=8qb09TBx_Qo
https://www.youtube.com/watch?v=P_Rl0pFssL0
www.youtube.com/watch?v=mA6wTeq-7ms

[سلاااااااااام]

أدعو الله جل و على أن يبث في قلبك الشجاعة
و يبعد عنك كل خوف

[xandria]

j'ai le meme probléme

[~~نهال~~]

ميسون وصلاتك رسالتي؟

[tina simo]

حالتي انا كذلك شكرا لكم فتيات على النصائح

[imen03]

اختي عليك التخلص من الخوف الذي يسيطر عليك...فعليك بقراءة القران و الصلاة.
و نحي من بالك هاذ العبارات و قولي رايحة ننجح في البك بمعدل عالي نفرحه بيه والديا و نحقق امنيتي.

[~ رضا الرحمآن غآيتي ~]

صدقيني أختي كلنا نمر في هذه الحــآلة ...

لكـــن يجب أن نضع في الحسبان أن كل شيء بيد الله تعالى فهو من يكتب لنا النجاح أو الفشل و أي شيء كان فهو قضاء و قدر من الله

لكن هذا لا يعني أن نتواكل و ألا نقوم بأدنى جهد بل علينا المثابرة و الاجتهاد و رفع التحدي .. لأن ابتسامة والديك عند سماعهما خبر

نجاحك يستحق كل التعب و العناء الذي سوف نمر به

[سَرْمَدِيَة]

يا اختي ميسون العزيزة :)

الخوف شئ جميل اذا كان غايته تخدمنا مثلا يكون دافع لك لتدرسي وتجتهدي وتتعبي للحصول على اعلى الدرجات ..هنا الخوف راه سعور بناء
ولكن ان لم نسيطر على هذا الشعور فنضيع... سيهدمنا :(
حل الخوف = العمل !
التوتر والخوف الضار ناتج عن عدم القيام بمجهود وهذا يجعلنا نشعر بالاحباط واليأس والتوتر لذا كلما شعرتي بالخوف اقطعي حبل الافكار السلبية التي في عقلك امسكي بقلمك وكتابك وابدي في المذاكرة والاجتهاد
اهدأئي وتوكلي على الله
همسة : " كل شئ على الله هين " :)

[محمد زيدان/التوبة]

بسيطة : أطيعي الله و رسوله ، بمعنى الكلمة

[ميسون2010]

شكرًا لكم اخوتي
بارك الله فيكم وجزاكم خيرا وجزاكم الجنة
بالنسبة ليك نهال وصلتني رسالتك شكرًا لك
فرحتوني بردودكم
كانت كافية لإزالة القليل من الخوف
شكرًا

[miss_sunshine]

سلام
متقلقي روحك ما والو ولله ما فيها والو انا ثاني عام لفات في صيف كنت كيفك
في هذا الوفت كنت خايفة و مقلقة روحي ياسر و معلاباليش كيفاه نبدا نقرا
و زيد لقالولي بلي دروس صعيبة و باك صعيب و فوقها خلعوني بلي كور يعني كنت نشوف فيه حاجة مستحيلة
نهار اول نتاع القراية راحت هذي افكار لانها لقيت كلش نورمال قراية عادي اساتذة نورمال
يعني حتى دروس غير تكملة للثانية اذا انتي في هذا وقت خفتي ملا كيقرب جوان واش ح ديري ؟ :3