مساعدة من الحراير

[ام ادم فاروق]

السلام وعليكم والله غير توحشتكم
بعد ما خلاص رمضان وراه قريب الدخلة تاع المسيد وأنا واحدة من النسا لي تحير دائما في العشا:confused: وكي نسقسي راجلي _ربي يحفظو_ يقولي دبري راسك المهم ماكلة شابة تلقايني كل يوم نخمم في نفس الشي العشاء :sdf::sdf::sdf:
لهذا قترح واش رايكم نديرو قائمة MENU اسبوعية ولا حتي كل اسبوعين وهذي الفكرة تساعدنا حتي في قذياي لي نشرو كل الاسبوع ا:rolleyes:نا مرات نشري مثلا بذنجان وننساه حتي يذبال واكيد يترمى بصحت كي نديرو MENU بلاك نشرو غير واش نحتاجو :19:

انا راني نوجد في MENU وكي نكملو نحطو ان شاء الله
المهم يا الحراير نتعاونو ورني يوفقنا ان شاء الله
راني نسنا في MENU تاعكم

[NNANNI]

bonne idée

[ام مهدي2010]

انا تاني نعاني من نفس المشكل ان شاء الله يتفاعلو الاخوات

[" أبو عبود"]

انا رجل واعاني مننفش المشكل لا اشتهي شيئا. اقص عليكم هذه النكته في الموضوع.
من النكت التي تقال عن المعلمين انه قال لزجته سوف نضع جدولا اسبوعيا للوجبات. خذي ورقة واكتبي عندك:
السبت، الغداء كسكس- العشاء سلطة
الاحد، الغداء مقرون. العشاء عدس
سكت طويلا قالت له الاثنين
اجباها
الاثنين فراغ
هههههههههههههههههههههههه

[lilii7179]

أنا عندي طريقة اخرى
من كثرة ما راجلي يتشرط بزاف , ما ياكل والو و العجب ما يعجبوش, كي ندير وصفات منوعة ما ياكلش, و كي ندير غير لحوايج اللي يحبهم يقولي انتي ديما طيبي نفس الحاجة’ و لوكان نقولو دبر عليا ( يا ويلي و يا سواد ليلي), من الأخير يحب غير الكسكس و الكفتة
لقيت حل ان درت جدول بالتاريخ و اليوم و كل ما طيبت حاجة نسجلها فيه, و ب هذه الطريقة هو ما يحاسبني لانه نحاول ما نعاودش نفس الوصفات, و في نفس الوقت كي نحير نرجع للجدول نتفكر كاشي وصفة نسيتها ولا عندي مدة ما درتهاش

[" أبو عبود"]

أحسن حل ديري جدول من اسبوعين هكذا كي ترجعي لاول اكلة تلقي روحك عندك 15 يوم ما درتهاش وتتهناي. صراحة أم متعب خصوصا في صل الصيف.