بشرى للأخوات........... اقروا و شوفو واش صرا

[يسمينة البجائية]

السلام عليكم و رحمة الله و بركاته

ما نطولش بزاف

عندي اختي مخطوبة و الحمد لله قريب العرس تاعها. منذ 20 يوم واحد يعيط لها برقم ماسكي numero inconnu و يديرونجي فيها ... تهديد و تمسخير .... هي بدلت الرقم الهاتف بصح الشخص هذاك جاب الرقم تاعها مرة أخرى و راهي شاكة على صحاباتها و عاودت رقم جديد للمرة الثالثة و الشخص هذاك ما زال يعيط .......جاب الرقم و ما حابش يقول شكون هو و كيفاش يجيب الرقم ... خطيبها ما علا بالوش على خاطر اختي تخاف تدير فتنة و خاصة العرس تاعها قريب . خبرت بابا و يما على الحكاية و قال لها بابا جيبي البورتابل تاعك و بطاقة التعريف و راح الشرطة . و هناك شافو الرقم غير معروفappel masquée و لقاو اكثر من 40 appel و بالكمبيوتر حكموا الرقم و اسم الراجل اللي يعيط و اللقب و المنطقة اللي يسكن في 3 دقائق برك لا اكثر . بابا خلع و قال لهم كيفاش خلاص ؟ قال الشرطي لبابا تقدر تروح حنا نديرو شغلنا .

3 ايام وعيطوا لبابا يعني اليوم راح هو مع عمي و صاحبو على 10سا تع الصبح . لقاو الراجل هناك . دارو عليه 15 مليون ضريبة و 6 شهور حبس . و حكموا الدوسيي تاعوا و بعثوه للمحكمة .

هاو واش صرا

.

[salem1985]

مليح هادا واش راه ينفه في الوقت الحالي لانو الهاتف قادر يخرب بيت كامل انا لاني حشومي بزاف في العمل نضطر باش نقدم الرقم انتاعي للعمال وكذا الطالبات بصح ما نقدرش ترقد لو كان ما نغلق الهاتف بصح اصلا ما نجاوبش على الماسكي خلاص

[رندة نهاد]

شه شه شه وش نزيد شششششششششششششششششششششششششششششششششششششششششششششششششش شششششششششششششششششششششششششششششششششششششششششششششششششش ششه http://illiweb.com/fa/i/smiles/affraid.gif

[OUSSAMA2015]

و شكون هذا الرجل لي بقى يجيب في النرو كل مرة هههههههه و كيفه كان يجيبو معرفتوش :confused::confused::confused::confused: راني حاب نقرعج ههه

[يسمينة البجائية]

هذاك الراجل من ولاية اخرى 40 سنة و متزوج و قال للشرطة ان اختي اللي تعيط فيه :mad: كذااااااااااب و قال الشرطي للراجل كيفاش تعيط لك البنت و هي ما عندهاش الراقم يعني راه يعيط بالماسكي اكثر من 40 مرة بلا ما نحسبوا الارقام الاخرى . على خاطر اختي اصلا كانت تعاود في رقم جديدة كل مرة . باش الراجل ما يعاودش . حتى خطيبها ما فهم والو و راح بابا يفهموا كي خلاصت لافير . و هو زعف بزاف بصح شاف بلي أختي ما حبتش تكبر المشكلة و فراتها مع بابا و عمي و دورك الحمد لله رجعت الامور لمجراها . الشرطة دارت اونكيت في كل الارقام تاع اختي مع البورتابل تاعها يكون واحد 150 اتصال بالماسكي لمدة 20 يوم و الراجل زيد يكذب و يقوا اختي لي تعيط لو . و قالت الشرطة لراجل اعطيلنا ادلة ميساج ولا اتصالات من الانسة . الراجل ما كان عندوا أي اتصال ولا ميساج من اختي . و حشم بزاف كي لقى بابا . حاط راسو . ما قدرش يهدر

[رندة نهاد]

الله يذلو وش نقول ما اكثر خراااااب البيووت الحمد للله على سلامتكم

[بنت لبحر]

الحمد له حاسبين بنات الناس لعبة

[salem1985]

الحمد لله انها تهنات من المشكل وربي يحفظها ويةفقها الزمان صعاب كاين الي غير يزهر حتى يطيح في رقم وكي يلقاك راجل تحب تجيب معاك الوقت والى لقاتك خاطيك تقول ليك سمح لي راني غالطة

[hadjira195]

ولله غير بشرى بارك الله فيك

[اغادير]

هكدا باش يعرفوا بنات الناس ماشي لعبة........... يستاااااااااااااهل

[fella111]

السلام عليكم و رحمة الله و بركاته

ما نطولش بزاف

عندي اختي مخطوبة و الحمد لله قريب العرس تاعها. منذ 20 يوم واحد يعيط لها برقم ماسكي numero inconnu و يديرونجي فيها ... تهديد و تمسخير .... هي بدلت الرقم الهاتف بصح الشخص هذاك جاب الرقم تاعها مرة أخرى و راهي شاكة على صحاباتها و عاودت رقم جديد للمرة الثالثة و الشخص هذاك ما زال يعيط .......جاب الرقم و ما حابش يقول شكون هو و كيفاش يجيب الرقم ... خطيبها ما علا بالوش على خاطر اختي تخاف تدير فتنة و خاصة العرس تاعها قريب . خبرت بابا و يما على الحكاية و قال لها بابا جيبي البورتابل تاعك و بطاقة التعريف و راح الشرطة . و هناك شافو الرقم غير معروفappel masquée و لقاو اكثر من 40 appel و بالكمبيوتر حكموا الرقم و اسم الراجل اللي يعيط و اللقب و المنطقة اللي يسكن في 3 دقائق برك لا اكثر . بابا خلع و قال لهم كيفاش خلاص ؟ قال الشرطي لبابا تقدر تروح حنا نديرو شغلنا .

3 ايام وعيطوا لبابا يعني اليوم راح هو مع عمي و صاحبو على 10سا تع الصبح . لقاو الراجل هناك . دارو عليه 15 مليون ضريبة و 6 شهور حبس . و حكموا الدوسيي تاعوا و بعثوه للمحكمة .

هاو واش صرا

.
انا حيرني شيء واح كيفاش قدر يجيب نيميرو نتاعها 3 مرات؟؟؟؟؟ هذا راه فات المحقق كونان :1::1::1::1:

[ام رجاء 09]

عبرة لمن يعتبر

[mouloudfan]

ربي يهدي مخلق

[faraday_dz]

مليحة
حبيت برك نقرعج
كيفاه حكمو عليه بالخف 6 شهر و غرامة
دارولو محاكمة في مركز الشرطة و لا كيفاه

[salem1985]

الفايدة انها تهناة منو وربي يخلص الحق فيه باس الرجولة كيما هاك

[" أبو عبود"]

واش هذا السوسبنس اختي الفاضلة اين بقية القصة؟ هل عرفتم من هو الرجل ومن أعطاه الرقم كل مرة؟ الا يمكن ان يكون خطيبها هو من يريد تجربتها؟
مرة قريب لي تعرف على فتاة وارد ان يجربها فاعطى رقمها لشخص اخر صراحة لقد اخ>ت رقمها منه خلسة واخبرتاها وتشاجرت معه بسببها لانه غبية اخبرته اني قلت لها كل شيء وبيقنا متخاصمين لمد 5 سنوات قبل ان يعتذر الي ويعترف بالخطأ.

[عمار بن عمار]

حاب نعرف : كفاه جاب رقمها لمرتين متاتايتين وهو من ولاية اخرى ؟؟ الا اذا كانت هي من اتصلت به .

[محبة الله الجزائرية]

ههههههههه والله غريبة و عجيبة راني حايرة و متشفية فيه فيه في نفس الوقت يا ترى كيفاه 2 مرات يجيب النيميرو تاعها غريبة والله

لمزية لي تهناة منو

[" أبو عبود"]

علاش غريبة؟ بنت خلتهان بنت عمتهان صاحبتها بنت جيرانهم بسهلوة تقدر تتحصل عليه وتعطيهلو عادي .

[محبة الله الجزائرية]

علاش غريبة؟ بنت خلتهان بنت عمتهان صاحبتها بنت جيرانهم بسهلوة تقدر تتحصل عليه وتعطيهلو عادي .

صح ممكن الطعنة ما تجيك غير من اللي ليك:):)

[جمعي البشاري]

عبرة لمن يعتبر

[salem1985]

ممكن عندو صاحبوا في موبيليس ولا دجيزي ولا نجمة

[salem1985]

وممكن يرقد ويحلم بالرقم انتاعها رانا في زمان كل شئ ممكن

[@esraa@]

حاجة مليحة
بصح دايما الناس تترك المجرم و تمسك الضحية
خاصة بالنسبة للفتيات دائما يعود الكلام عليها حتى و ان لم تكن مخطئة
و مثل ما شفتي غالبية الاعضاء قالك كيفاه جاب نيميروها و في النهاية اصبحت هي المتهمة
انا رأيي ان الحل للازعاجات هو التجاااااهل فقطططططططط

[عبد الله1980]

انا تعجبت من المحاكمة و صدر الحكم و خلاص و كل شيىء تم في مركز الشرطة غريبة القصة و فيها لبس

[anissa90]

كيفاش كان اجيب الرقم تعها في نهاية طلع شكون هذا الرجل ا كملنا الحكاية

[" أبو عبود"]

يعني بعد ما حكموه هل عرفوا منه من كان يزوده برقمها في كل مرة؟ هذا واش رانا حابين نعرفوا. هنا مربط الفرس.

[عمار بن عمار]

صاحبة المنشور حكاتلنا حكاية على ذوقها و بالمؤثرات الخاصة . كما يقولو : على حسب مصادر امريكية غير موثوقة ههههههه . السيد ميقدرش يجيب رقمها الثاني والثالث لا من جيزي ولا من موبليس و لا من اريدو . : عندها 3 احتمالات الاول وحدة غيرانة منها ومقربة ليها , الثاني هي التي تتصل بيه وهو يعاودلها ماسكي , الثالث الاخت صاحة الاسطورة تكذب وتعيش حالة انفصام في الشخصية ههه

[*نـــور*]

فلم هندي بلمسات جزائرية
ما تزعفيش مني راني غير نضحك

[يسمينة البجائية]

السلام عليكم و راني رجعت و شفت الردود تعكم ....
و كاين ردود تقل احترام اختي ماعليش ..... ظنيت كاين اخوة هنا يقدرون ظروف الاخر و لا يحكموا على شيء لا علم لهم قبل عودتي . ندمت كي حكيت هنا الا البعض جزاهم الله خيرا لردودهم

المهم كنت مريضة جدا و الحمد لله على كل حال ما تخافو ما والو ما راهي اسطورة ما فيلم .......

الراجل عندو خوه يقرى مع اختي بصحكي كانو في الليسي و كانت اختي عطاتلو امانة من ذاك .و هي كتب نتاع الباك و خوه هاذ الشاب كان يدي لبورتابل تاعو بصح يبدل لابوس و الارقام ما زالت في البورتابل . المهم عيط هو لأختي حاب يشوف شكون الرقم ؟ و ردت أختي و في هذاك الوقت كانت تستنى اتصال و كي سمع صوتها من اليوم هذاك و هو يعيط فيها حتى غيرت الرقم و هي ما علابلهاش بلي هو خو اللي يقرى معاها . اسبوع كامل الراجل ما عيطش بصح كي عيطت صديق الجامعة باش تدي الامانة و عيطت لو بالرقم الجديد و رجع لها . بصح هذاك المنافق كان يعس في البورتلبل تع خوه .

هذا اللي فسره الشاب على خاطر هو ثاني جا للشرطة
الراجل جاب الرقم مرتان فقط و المرة الثالثة اختي رجعت للرقم الاول . و قالت في نفسها بالاك ما يعاودش للرقم القديم .

[يسمينة البجائية]

اما للمحاكمة
الشرطة بعثت طلب حضور الى بيت الراجل مع بطاقة التعريف .
راح الراجل مع خوه و جارو . كي وصل للشرطة دارو لو اونكيت و نحاو لو البورتابل و خرجو لا فاكتور نتع جيزي djezzi على خاطر هو عندو ابونمو عندهم . المهم شافو الارقام اللي دخلت و اللي خرجت و شافو ان اختي ما عيطتش و لا مرة الادلة هو انو دار الاتصالات تاعو كاع ماسكي .و كان ثاني يعيط لأرقام أخرى بالماسكي . يعني ماشي برك اختي ..... هذا اللي قالو لبابا كي راح محكمة القضاء

القضية نتع اختي ماشي ديرونجمو برك .. كان يهددها و يعسها . هذه قضية هي قضية اعتداء على الحياة الشخصية .

اما كيفاش حكموه الشرطة بعثت الدوسيي لعند المحكمة و كاين هناك محامي الشرطة اللي يخدمو هناك . و هناك ما علا باليش كيفاش حكموه المهم المحامي قال انو يخلص الغرامة و 6 شهر حبس هذا حكم عام .

البارح راح عمي لمقر الولاية و مجلس القضاء مع بابا جابو الكارتا نتع اختي .

الشاب اللي قرا مع اختي جاء حتى لدارنا و طلب منا السماح و قال انو خوه يخلصها غالية

[*نـــور*]

ما تزعفيش ..انت ما فسرتيش لينا
انا استغربت كيفاش عندنا شرطة هاكا و ما علبالناش
و كيفاه غرموه بهذا المبلغ و هناك اشخاص يحكموا عندهم المخذرات*الكيف*و يخرجوا بعد ايام فقط
هذا الي حيرني...اتاسف لاني قلت فلم هندي

[يسمينة البجائية]

الشرطة عندهم كولش ... ليفاكتور نتع الهاتف النقال نجمة ,ألو ,اوريدو , جيزي .. كامل ليزوبيراتور و نتاع الهاتف الفيكس ثاني عندهم .
يعيطو برك لجيزي و يخرجو لهم لافاكتور نتاع السيد فلان من اسبوع ولا شهر ولا السنة ... فيه كل الاتصالات الداخلة و الخارجة في الوطن ولا الخارج . كيما لافاكتور نتاع الفيكس ... facture détaillé la poste

اللي يخدم شرطي هنا في المنتدى يقول لنا

[يسمينة البجائية]

ما تزعفيش ..انت ما فسرتيش لينا
انا استغربت كيفاش عندنا شرطة هاكا و ما علبالناش
و كيفاه غرموه بهذا المبلغ و هناك اشخاص يحكموا عندهم المخذرات*الكيف*و يخرجوا بعد ايام فقط
هذا الي حيرني...اتاسف لاني قلت فلم هندي


لا تعتذر راني فاهمة طولت ما رديتلكمش
لا عليك

[يسمينة البجائية]

انا اختي ما عندهاش الوقت للتمسخير هاذو . لوكان هي اللي عيطت الراجل ما تكبرهاش حتى الشرطة و المحكمة .... هي كي حكات لبابا . البورتابل تاعها كان عند بابا و هو كان يستنى الراجل يعيط باش يشتم عليه و يحذرو . بصح الراجل كي يسمع صوت بابا يغلق البورتابل .اختي عندها عام و هي تحظر في الميموار تاعها . و العرس قريب زيد مرضت قبل العيد .... يعني مستحيل تعمل اشياء وار الحاجب و ثم تجبدها قضية للمحكمة .
الفاكتورة نتاع الراجل اظهرت كولشي

[عمار بن عمار]

كان من الاول تحكي حكاية مفهومة
ولاكن نحن علقنا على ماقراناه وفهمناه
ناسف اذا اخطانا معك

[مناع]

والله غير عجبني باباك ي إما نكونو هكذا وإما بلا ,,,, ياإما نسانا وبناتنا يقولو عندنا رجال يا إما بلى

[مناع]

صح شكون اللي عطاه 6 اشهر وغرامة الشرطة ؟

[kakkou]

انا صراتلي من قبل بصح ما كنتش مخطوبة هذاك الوقت و النيمرو باين
كيما ما نريبونديش يبعث لمساجات
كي درت التحقيق عند موبيليس كانت الكارثة
الراجل هذا يخدم معايا في نفس المؤسسه و مزوج و عندو ولاد
ابعتلو مساج فيه اسمه و قتلو تزيد تعاود نشكي بيك
و تهنيت منو

[الألماسة]

هذي باينة واحدة صاحبتها غايرة منها حبت تخسرلها عرسها
هي اللي كانت تمد رقم التيليفون
اتعلمو يا لبنات ما تكتروش الصديقات راهم يخربو البيوت

[الوسيلة]

ايهْـ عـآدي تقّدروا تعّرفوا السيّد اللي اتّصــل بسُهولة مـآهيش جديدَة هذي ^^

سبق وينْ حصلّي موقف هكّ ،لم أغيّر رقم الهـآتف ،لآزلْت أتعامل بهـ لحدّ السّـآعَة ...لأنّ المتّصـلَ مآتوقّع سُهولة الوصول اليهـ ^^

[ايهان]

عبرة لمن يعتبر
بارك الله فيك وشكرا لك على موضوعك اللي ان شاء الله يرهب اللي ما رتعب

[ام محمد امير]

صاحبة المنشور حكاتلنا حكاية على ذوقها و بالمؤثرات الخاصة . كما يقولو : على حسب مصادر امريكية غير موثوقة ههههههه . السيد ميقدرش يجيب رقمها الثاني والثالث لا من جيزي ولا من موبليس و لا من اريدو . : عندها 3 احتمالات الاول وحدة غيرانة منها ومقربة ليها , الثاني هي التي تتصل بيه وهو يعاودلها ماسكي , الثالث الاخت صاحة الاسطورة تكذب وتعيش حالة انفصام في الشخصية ههه

ههه والله ضحكتني يا اخي بحتى انا الشكوك تراودني

[ام محمد امير]

والله مايحشم كاين رجال راح منهم لحية والحشمة ربي يحفظنا ويبعد علينا ولاد لحرام، فالقصة هذي عجبني باباك مشاء الله باين انسان متفهم ربي يحفظ والدينا بلا بيهم مانقدرو نديرو والو. ..

[الجنة الجنة]

قليل فيه 6 شهر

[لمسة L]

ربي يهديــــــــــــــــــــه