تسجيل الدخول

مشاهدة النسخة كاملة : عاونوني ربي يفرج عليكم

زهرة الحديقة
2014-08-23, 15:33
بسم الله الرحمان الرحيم
السلام عليكم ورحمة الله وبركاته
للقسنطيات
تعيشوا عاونواني كون نحكيلكوم حكايتي
قالي راجلي الصباح ديرينا بطاطا بايضا وانا مانعرفش نديرها على خاطر مانحبش ناكولها ماتعلمتهاش وماما اي في العرس عجوزتي كون نعيطلها تبهدلني تعيشوا انتوما لي تفا كوني هدا حساب ختي ومبعدا سع نحل انا واحد عاونوني تعيشوا لي تعرف ديرها تعطيني لي تعرف ديرها مهل من دك حتى 5.00 تعيشوا ادخلوا
أم محمد تاج
2014-08-23, 16:36
حنونتي نعطيك طريقتي ونشالله تعجبك
ديري طراف تاع الجاج في الكوكوط وداويها ببصلة وثوم كثري وفلفل اسود وملح وراس الحانوت وزوج مغارف كبار زيت قلي مليح مليح كي تتقلى مرقيها غير بشوي ماء قيس مايفوت اللحم واغلقي الكوكوط وطيبي الجاج تاعك
من جهة قشري وقصي البطاطا دوائر واقليها حتان تحمار وقطريها مليح من الزيت وارميها في المرقة ونحي قيس فنجال مرقة خليه يبرد وفقسي فيه بيضة وعصير نصف قارصة ومعدنوس مقطع خلطيهم مليح وترميهم في المرقة وطفي عليها النار
كي تجي تقدميها ديري الجاج في الوسط والبطاطا ساير داير عليها وزينيها بالمعدنوس والقارص
اذا عندك زيتون غليه وزيني بيه واذا زوجك يحب الحمص فطيبيها بالحمص
نشالله نكون ساعدتك حنونتي
soriaalg
2014-08-23, 17:25
بارك الله فيك اختي ام محمد تاج جزاك الله كل خير على مساعدة الاخت انا ايضا استفدت لاني ما نعرفهاش شـــــــــــــــــــــــــــــكــــــــــــــــــر ا
kikimnarim2
2014-08-24, 19:41
بارك الله فيكي انا ما نعرفهاش باينة بنينة بزاف
hloukaman
2014-08-25, 15:12
السلام عليكم ورحمة الله وبركاته
قطعي الدجاج وديريه في طنيجرة وخليه يتقلى قطعي البصل مكعبات ريقيقةوسنة ثوم ديري ملح قرفة فلفل أسود شوية راس الحانوت ومرقيها بنصف كاس ماء ما تقويش باش جيك بنينة وعاقدة
تحبي تقطعي بطاطا وترميها معاها طيب وكي طفي ديري شوية معدنوس
أو أقلي بطاطا وارمي حميصة فالمرقة وكي طيب سقي الجاج و الحميصة وحطي البطاطا مقلية فاالمرقة وشوية معدنوس
mounia5
2014-08-25, 20:21
salam
1besla erhiha ou kelliha maa el djadj ou ezzebda ou el melh ou el felfel ekhal
merki bi 2 kisan ma ou ekfli la cocote kheliha tib
min djiha oukhra ekli el batata maksousa moukaabat oumbaad sefi ezzit ou zidi fi el makla kali 1/2 rabta maadenous
louhi el batata ou el maadenous fi la sauce kheli el koul ychreb milh kbal ma taffi khelti 1 moughrouf kahoua jus de citron maa 1 safar beid louhihoum fi la sauce ou tafi

chahia tayeba
jamais nestaamelou ezzit fi makla beida( moulahada)
زهرة الحديقة
2014-08-27, 18:04
شكرااااااااااااااااااااااا جزيلا دارتها و مات عليها
ام سوهيل
2015-01-30, 18:39
حنونتي نعطيك طريقتي ونشالله تعجبك
ديري طراف تاع الجاج في الكوكوط وداويها ببصلة وثوم كثري وفلفل اسود وملح وراس الحانوت وزوج مغارف كبار زيت قلي مليح مليح كي تتقلى مرقيها غير بشوي ماء قيس مايفوت اللحم واغلقي الكوكوط وطيبي الجاج تاعك
من جهة قشري وقصي البطاطا دوائر واقليها حتان تحمار وقطريها مليح من الزيت وارميها في المرقة ونحي قيس فنجال مرقة خليه يبرد وفقسي فيه بيضة وعصير نصف قارصة ومعدنوس مقطع خلطيهم مليح وترميهم في المرقة وطفي عليها النار
كي تجي تقدميها ديري الجاج في الوسط والبطاطا ساير داير عليها وزينيها بالمعدنوس والقارص
اذا عندك زيتون غليه وزيني بيه واذا زوجك يحب الحمص فطيبيها بالحمص
نشالله نكون ساعدتك حنونتي

بارك الله فيكي