المقتصد وعقود ما قبل التشغيل

[kafo88]

السلام عليكم وبعد فسؤالي هو هل يمكن ان اعمل في اطار عقود ما قبل التشغيل كمقتصد في مؤسسة تربوية ام لا وشكرا

[amine eco]

يا اخي خبرة وحدة و راتب واحد على تزيد يها على و يحرثو عليك

[aspirn]

قالها خويا أمين راني نخدم معاه وراني مباصي

[amine eco]

wach asprin marakch tban hhhhh

[باهي جمال]

يمكنك المساعدة فقط....

[aspirn]

wach asprin marakch tban hhhhh

راك علابالك الصيف لازم يبوجي الواحد شويا بارك الله فيك خويا أمين على الملاحظة

[كمال لمسيلي]

merciiiiiiiiiiiiiiiiiiii

[jijisarah]

أخطيك خويا أنا خدمة في بلاست المقتصد لمدة عام حرثو علينا فيها بحجة باش نتعلموا ماكاين لا غياب لا والو غير التعب و الشق و يحاسبوك على كل شيء و لاباي طايحة 15.000 دج .
أنا ندمت لي ضيعت وقتي بالمؤسسة كمقتصد في إطار عقود ما قبل التشغيل و في النهاية جابونا مقتصد مترسم من اللي نجحوا في مسابقة توظيف العام الماضي أصغر مني سنا و اقل خبرة و انا لقيت روحي خاسرة في لافار .حتى كي جينا نفوتو مسابقة مقتصد العام الماضي لم يقبلوا الخبرة و لكن تم الترتيب على حساب معدل السنة الاخيرة فحسب فلا تضيع وقتك هباءا اخي مثلي و ابحث عن وظيفة محترمة و احسن حل هو العمل عند prive لانه ثاني عام من العمل في اطار عقود ما قبل التشغيل يعطيك هو نصف المبلغ الشهري و لانام النصف يعني راح تقفل شهرية الموظف العادي فبالتوفيق للجميع و نصيحة مني لا تضيعوا وقتكم مع عقود ما قبل التشغيل لأنه لا امل منها.كل مرة يطمعونا بالادماج و في النهاية يربحو صحاب المعرفة اللي اقل منا سنا و حديثي التخرج.فانا متخرجة منذ 2008 اي 6 سنوات شوماج فمتى سأنجح في المسابقات و أترسم لا أظن ذلك فقد فقدت الامل في بلاد المحسوبية و الكذب و الخرطيييييييييييييي

[amine eco]

انشاء الله ربي ينعم عليك بوليد حلال اختي

[kafo88]

اخواني نسال الله ان يمن علينا وعليكم بعمل قار ان شاء الله لانه الام الماضي تم ادماج صديقين والحمد لله لذا طرحت الفكرة عسى ان ننفع انفسنا واياكم امين.