من فضلكم جاوبوني

[بنت تاجنانت]

انا مستفيدة من قرض لونساج اي اني حائزة على سجل تجاري ولم اباشر في العمل بعد


لي سؤال


هل استطيع المشاركة في المسابقات وفي حال نجاحي هل يمكنني العمل لدى الدولة ام لا


جاوبوني الله يستركم

[أم احمد3]

باشري العمل راك عندك شركتك الخاصة....سوف تدر اموال وما فائدة الوظيفة
بالتوفيق................

[khaled3434]

على الأغلب لا تستطيعين لازم تخيري واحدة و تقدري تقوليلي القرض هزيتي دراهم و لا ماتريال وادا كاين السويفي ولا لا

[بنت تاجنانت]

القرض هزيتو ماتريال الات صناعية ومازال ما بديتش نخدم

[ALGDZ]

تنجمي توقفي السجل التجاري مع ارجاع القرض ، هذا في حال نجاحكي في مسابقة لدى الدولة
ما هي شهادتك؟

[بنت تاجنانت]

لالا ما نقدرش نرجع القرض بسكو كملت الاجراءات .....هاد المشروع درتو للوالد ماشي ليا وهادي تضحية على هادي انا حابة نخدم عند الدولة خرين قالولي تقدري ما يعرفوش الا اذا شكاو بيا راني حابة الجواب الشافي مانيش حابة نحصل

عندي ليسانس في العلوم القانونية والادارية

[ALGDZ]

لالا ما نقدرش نرجع القرض بسكو كملت الاجراءات .....هاد المشروع درتو للوالد ماشي ليا وهادي تضحية على هادي انا حابة نخدم عند الدولة خرين قالولي تقدري ما يعرفوش الا اذا شكاو بيا راني حابة الجواب الشافي مانيش حابة نحصل

عندي ليسانس في العلوم القانونية والادارية

القضية قضية التأمين عندهم ريزو سيعرفون ذلك بعد ما تنجحي و تباشري بالعمل لدى الدولة و يأمنوك قصدي لسيرونس اما درتي المشروع لوالدك حفضه الله هذا شيء جميل و تضحية امليحة ولكن راهو على اسمك في لبابي الوثائق المشروع اذن لسيرونس رايح يكشف هذا في ما بعد وليس من اشتكى عليك

[بنت تاجنانت]

يعني قرايتي وحياتي راحو في الريح ........


على العموم اشكرك اخي الله يحفظك

[ALGDZ]

يعني قرايتي وحياتي راحو في الريح ........


على العموم اشكرك اخي الله يحفظك

باشري بالعمل بمشروعك لمدة ثم تنجمي ترجعي و تخلصي ، و شاركي بالمسابقات و اذا نجحتي مبروك عليك وربي يعينك ،و حياتك ماراحش في الريح كاين الي محبب التجارة و اعمال حرة احسن من الشهار كيما يقولو

[بنت تاجنانت]

ان شاء الله يعطيك الصحة ........مشروعي هو مطبعة صناعية لا اعلم اذا هو جيد ام لا وليس عندنا تجربة فيه ربي يوفقنا ان شاء الله

[ALGDZ]

ان شاء الله يعطيك الصحة ........مشروعي هو مطبعة صناعية لا اعلم اذا هو جيد ام لا وليس عندنا تجربة فيه ربي يوفقنا ان شاء الله

حاجة امليحة المشروع انتاعك تبعيه برك ركزي على البيبليستي و مسايرة النشاط وربي يوفقك ان شاء الله

[بنت تاجنانت]

ان شاء الله ربي يجيب اللي فيه الخير تعبتك خويا اسمحلي ..........مي والله راني حاملة هم على هاد الموضوع مدايرة 1000 حساب لاني ماكنش حابة ندير لونساج ولم استطع ان ارفض طلب والدي في نفس الوقت

[ALGDZ]

ان شاء الله ربي يجيب اللي فيه الخير تعبتك خويا اسمحلي ..........مي والله راني حاملة هم على هاد الموضوع مدايرة 1000 حساب لاني ماكنش حابة ندير لونساج ولم استطع ان ارفض طلب والدي في نفس الوقت

لا ما كاين حتى مشكل يا الاخت ، تبعي كيما قال الوالد و توكلي على الله و الي فيها الخير ان شاء الله تناليه

[khaled3434]

يعرفو بلسورونس . المطبعة مليحة كي تكسب الزبائن و تتعرف و انتي تقدري تخدمي مع باباك تعلمي لنفوغرافيا و التصميم

[بنت تاجنانت]

شكرا لكم بالفعل طلعتولي المورال

[أم احمد3]

وهل المطبعة تطبع الكتب
اريد ان اطبع وانشر كتاب منشور مسبقا ولكن ليس في الجزائر
كم التكلفة ..........او بما انه اول كتاب لذا التساهل مليح..............

[MO3AD_DZ]

سبحان لله عندك ليسانس في علوم قانونية و ادارية المفروض تعرف الاجراءات الا ادا فاتو 3 سنين اك عارف