خطيبة تكتشف انو خطيبها مطلق

[صرخة ألم]

((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ)

.ومن يتق الله يجعل له مخرجا ويرزقه من حيث لا يحتسب

استغفر الله يا رب ... اعوذ بالله من الشيطان الرجيم

شكرا لكل الردود فقط ادعو لي بظهر الغيب ان يقربني الله اليه فانا لا احتاج الا اليك يا الله

اللهم اغفر لي اللهم اغفرلي اللهم اغفرلي


ربي يعطيكم ما تتمناو دنيا و اخرة يا رب

[صرخة ألم]

صارحي يا فتاة اقبلي بالسكن مع اهلو ضحي و افهميه و و و و و كوني امراة و انثى و ساعفيه و في الاخير اعرفي انو مطلق و ما قالش

[nibou]

ربي يفرج عليك كربتك أختي

[sara2014]

المشكل ليس في انه مطلق او غير مطلق ولربما هو يرى الموضوع من وجهة اخري ابحثي عن اسباب الطلاق واين الخلل فيه العاطفة في هاد الزمن لم تعد تنفع ان رايت السبب مقنع توكلي على الله اليوم اصبح الزواج دون استخارة ودون توكل على الله المهم زواج فقط لينتهي في الخير الى الطلاق اعيدي السؤال عنه فاذا رايت منه خلقا ودين فلا خلل

[Malek12]

لا ينتهي زواجك به من حيث أنه مطلق

الذي لا أتمناه هو أنها أول كذبة و الباقي غليظ و ليس له حد من الكذب.

[salem1985]

هذا ما فيهش امان والدور انتاع العائلة انتاعك ما قاموش بالواجب قبل الخطبة كي يجي يهدر عليك لازم يعرفوا كل صغيرة وكبيرة عليه وبلاك سكير بلاك سارق واش هادا غير نطيش بنتي وخلاص لازم نعرف بالي بنتي راحت لبلاص الي تلقى والدين ثانين واخوان كذالك موش المهم ليكيدي من الدار برك

[" أبو عبود"]

والله الامر بسيط. هو لم يخبرك وهنا لا يعني انه كذب عليك. من حقك ان تعرفي. والآن إذا كنت ترينه مناسبا فتوكلي على الله وإذا كان غير ذلك فانسي الموضوع.

[miinoucha25]

سلام اختي

مادام انك علمتي يزواجه عن طريق منام فلا تترددي في الصلاة و الاستخارة لعل الجواب ياتيكي في المنام ايضا

ربي يوفقك و ينورلك طريقك

[jihanne]

علاه طلق 6 شهر
علاه ماقالكش كان متزوج مش حاجة تافهة تتخبى
و راكي تراعي و تساعفي فيه من كل النواحي

راح تبدا لميزيرية من ذرك

[عمار لباد]

nti li goltilo t7amli lmass2ouliya

w zid mafiha walo madem ma 3andouch louled

[صرخة ألم]

المشكل ليس في انه مطلق او غير مطلق ولربما هو يرى الموضوع من وجهة اخري ابحثي عن اسباب الطلاق واين الخلل فيه العاطفة في هاد الزمن لم تعد تنفع ان رايت السبب مقنع توكلي على الله اليوم اصبح الزواج دون استخارة ودون توكل على الله المهم زواج فقط لينتهي في الخير الى الطلاق اعيدي السؤال عنه فاذا رايت منه خلقا ودين فلا خلل
انا الحمد الله استخرت كذا مرة و لم اوافق الا بعد مدة طويلة و صارحتو اني كنت مخطوبة و اللي خلاني متمسك بيه اعتقادي انه انسان صريح لكن .........
لا ينتهي زواجك به من حيث أنه مطلق

الذي لا أتمناه هو أنها أول كذبة و الباقي غليظ و ليس له حد من الكذب.
و هذا لي نخمم فيه لي يكذب مرة و يخبي حاجة المفروض تتقال اول مرة ؟؟؟؟؟

هذا ما فيهش امان والدور انتاع العائلة انتاعك ما قاموش بالواجب قبل الخطبة كي يجي يهدر عليك لازم يعرفوا كل صغيرة وكبيرة عليه وبلاك سكير بلاك سارق واش هادا غير نطيش بنتي وخلاص لازم نعرف بالي بنتي راحت لبلاص الي تلقى والدين ثانين واخوان كذالك موش المهم ليكيدي من الدار برك

احسنت و انا سبق و حكيت على مشكلتي مع اهلي انهم ما يعرفوش يسألو و باردين مي الحمد الله ربي معايا و هو يكفيني ...........

[صرخة ألم]

والله الامر بسيط. هو لم يخبرك وهنا لا يعني انه كذب عليك. من حقك ان تعرفي. والآن إذا كنت ترينه مناسبا فتوكلي على الله وإذا كان غير ذلك فانسي الموضوع.
عن نفسي رضيت بكل اللي طلبه ساعفته في المهر و السكن مع اهله و و و و ما تظنش اخي اللي حكى في هاذ الامور كلها كان قادر يحكي انه متزوج و مطلق ؟؟؟؟؟؟؟؟؟
سلام اختي

مادام انك علمتي يزواجه عن طريق منام فلا تترددي في الصلاة و الاستخارة لعل الجواب ياتيكي في المنام ايضا

ربي يوفقك و ينورلك طريقك
الحمد الله ربي كريم ...... استغفر الله

علاه طلق 6 شهر
علاه ماقالكش كان متزوج مش حاجة تافهة تتخبى
و راكي تراعي و تساعفي فيه من كل النواحي

راح تبدا لميزيرية من ذرك
حكيتي واش راني نخمم .....

nti li goltilo t7amli lmass2ouliya

w zid mafiha walo madem ma 3andouch louled
يا اخي انا فعلا قلتها لكن قلتلو الحاجة لكبيرة لازم تتقال ... ما يهمنيش انو كان متزوج لوكان صارحني مي هو قالي راني زوالي ساعفيني و راكي الخرجة بحدود و السكن مع اهلي حاليا ما نقدرش على دار وحدي و قلت على بركة الله ما دام انسان صريح و فحل و درك وينها الصراحة انا خطبة فقط انا لي رحت صارحتو و قتلو اذا حاب اي سؤال نجاوبك علاه صارح بوضعو المادي الضعيف و ظروفو السيئة كلها قال و اصبري معايا و فارحة بصبري و نقول ماعليه و على قناعة و راني متزوج و مطلق جاتو صعيبة يقولها ؟؟؟؟؟؟؟؟؟؟؟؟؟؟؟؟؟؟؟

[wafwaf8471]

li ykhabi haja kbira mafihche amane lfakri mlih

[صرخة ألم]

li ykhabi haja kbira mafihche amane lfakri mlih

هذا لي في راسي .............

[حمودية]

ربي يفرج عليك كربتك أختي

[ام رجاء 09]

نورمالمو من اول مرة يصارح بيها الا في خطبة يخبي هادي خوف مرة وحداخرا واش يخبي وما هي اسباب الطلاق واحد ولا يخاف واحد عادي وما ادراك واحد مطلق ماشي معناه المطلقين غير صالحين لكن مستقبل ولا يخوف والبيوت اسرار

[امينة النايلية]

شوفي ختي هاذا عندو احتمالين

_اما راه مخبي حاجة كبيرة وما فيهش لامان .

_واما راه متحشم بالطلاق وجاياتو حاجة طايحة

وحاب ينسي الماضي الاسود.

هنا تقدري تتاكدي بالسؤال عنو زين

واذا كان الاحتمال الاول ماتكمليش معاه احسنلك

اما الاحتمال الثاني روحي تزوجي ونتي مغمضة عينيك :1:

[bellaluna]

ابحثي عن سبب الطلاق..الأمر ليس عفوي و حجته تافهة.

[جمعي البشاري]

ربي يفرج عليك

[روح وريحان.]

السلام عليكم ورحمة الله وبركاته
لما لم تسالوا عنه قبل الموافقة عليه ؟

[صرخة ألم]

السلام عليكم ورحمة الله وبركاته
لما لم تسالوا عنه قبل الموافقة عليه ؟

قالك ما يخالطوش و هو ناس ملاح و اهلي باردين ماشي من النوع اللي يوصلو لحاجة و استخرت الف مرة

[بيلسان الجنان]

سؤال؟؟؟؟؟
اهلك كي سألوا عليه كيفاه ماقالولهمش كان متزوج وطلق !!!!!!!!

[sara2014]

[quote=صرخة ألم;3991572019]
انا الحمد الله استخرت كذا مرة و لم اوافق الا بعد مدة طويلة و صارحتو اني كنت مخطوبة و اللي خلاني متمسك بيه اعتقادي انه انسان صريح لكن .........
يا اختاه مادام انك استخرت فالخير فيما اختاره الله لكا فقط ابحثي واستفسري عن سبب الطلاق ليطمان قلبك لربما هو يراه موضوع لا اهمية له كل احد وطريقة التفكير فاكثير طلق وصلحت حاله بعدها والعكس فقط لا تضحخمي الامر اكثر من حجمه استفسري فقط انه الشيطان يوسوس لك

[صرخة ألم]

سؤال؟؟؟؟؟
اهلك كي سألوا عليه كيفاه ماقالولهمش كان متزوج وطلق !!!!!!!!

لانو اهلي عمرهم ما سقسو و وصلو كيما الناس لخبر صحيح
انا واحدة قاتلي في البداية راه متزوج و ثم كانت البداية و سألت المراة لي كانت وسيط لخطبتنا و هي اكدتلي لي عمره ما خطب و قاتلي لي قالها امو مرة راحت شافتلو واحدة و هو رفضها
ما نعرف شكون فيهم كذب و الا في 2 كذبو و هو تاني ماقاليش وافقت بعد 3 اشهر و انا نستخير و المفروض هذو اليومين خطبة رسمي و في اخر لحظة سالتو قالي ايه كاينة منها

[صرخة ألم]

[quote=صرخة ألم;3991572019]
انا الحمد الله استخرت كذا مرة و لم اوافق الا بعد مدة طويلة و صارحتو اني كنت مخطوبة و اللي خلاني متمسك بيه اعتقادي انه انسان صريح لكن .........
يا اختاه مادام انك استخرت فالخير فيما اختاره الله لكا فقط ابحثي واستفسري عن سبب الطلاق ليطمان قلبك لربما هو يراه موضوع لا اهمية له كل احد وطريقة التفكير فاكثير طلق وصلحت حاله بعدها والعكس فقط لا تضحخمي الامر اكثر من حجمه استفسري فقط انه الشيطان يوسوس لك

انا قلت بالاك غلطت نهار قتلو ماشي لازم نعرف كلشي
مي تذكرت نهار كان يحكي على تفاصيل الخطبة و خايف من بعض الامور قالي سبحان الله الواحد شايف انا عندي صحابي متزوجين كان قادر وقتها يقلي انا كنت متزوج ؟؟؟؟؟؟؟؟؟؟؟؟؟؟؟؟؟