قصة اخي العاصي مع الخدمة الوطنية

[just do it]

كان كيما اغلبمكم مبغاش يمشي يستنا فالاعفاء ووووو وولى عاصي ورسلولو شحال من مرة ومبغاش و كان يقولو لصحابو والله منمشي حتى يرفدوني هما نعم وهذا حدث كي سماطتلو وشاف روحو كبر ولا خدمة لا زدمة عرف بلي راه "يحشي لروحو مش للدولة " مشى عند لي جوندارم قالولو منقدروش نهزوك منا انت روشارش ولازم نحكموك في باراج ولا نهزوك من دار المهم سمح فيهم وقعد هكذك وكي ولى فعمرو 28 جات الديودا تع جوندارم للدار ومن زهرو خرجلهم هو بسك مادرش بلي راهم جاين على جالو وبالزيادة كان وحد فالدار امالا خسرو عليه زوج كلمات انت فلان رانا نحوسو عليك كيما يقولو فالعسكر من الحركة حول للديودا بلا مايدي حتى صوالحو من بعد لحقناهملو بات عندهم ليلة و داوه كي المحابسي للترونزيت تع وهران ريح سمنتين تممرد فيها ومن تما داوه للثكنة الخاصة بالعصاه المويلح الجلفة والي ميعرفها ش يسقسي عليها و غادي يدهش
المهم ريح شهرين كان مرة عيطلنا وحسينا بلي لافوا تاعو انورمال وزاد عيدلنا واحد طبيب من الكزرنا قالنا رواح ديو ولدكوم بابا زعف وحسب بلي طلقوه وخاف يجي وحدو زعف وقال والله منمشيلو يتخذ في تلك اليلة شافت امي منام عليه بلي مهبول ومريض من عقلو وهذاك الي صرالو والله كيما نحكيلكم تهالوا في امهاتكم راهم غي هوما الي يحسو بيكم مام رانا مقصرين بزاف تجاهم
مشا بابا وخويا لكبير للجلفة ووصلو قدام الكزرنة وراح بابا يسقسي فبويت بوليس فقالولو هذا طلقناه البارح مهوش عندنا و البورتابل تاعو كانو سرقوه فتلك الحظات كان خويا لكبير قاعد قدام اللوطو ايا شاف وحد مهبول مقطع جاي لعندو وقالو نتا خويا فلان يعني المريض لي فالعسكر عرف الصحيح والصحيح معرفوش و خويا طبعا مامنوش حسبو طلاب وبدا زعما غي يقصر معاه ويسقسي فيه اسم باباك يماك لوطودي تعمن والمريض يجاوب اسئلة صحيحة تما عرف الصحيح بلي صح هذا خويا لي مشا العسكر
بصح ياخوتي لومان تشوف كيش مشا وكيش ولا ولى صفر فوجهو وضعاف بلبزاف حتى مبقى فيه والو والله متعرفو المهم اختصارا ولاو روحو وفالطريق بدات التصرفات الغريبة سباب وشتم وباغي يفتح الباب و يقفز واللوطو تمشي الخ
لحقو للدار السيد ميعرف حتا وحد من غير بابا يما وخويا لكبير لخرين قاع نساهم و غي طياحة والسباب و اومر عسكرية ويكسر اي حاجة قدامو ويبزق فوجه الاشخاص ,,,,, ديناه عند طبيب تاع لينار زاد هبلو ديناه عند اشهر الرقاة قالو مفيه والو درنا بيه جميع الطبة بلا نتيجةشهر ونص وهو على هذ الحالة ومن بعد صحاب بابا قالولو دخلو سبيطار تع المهابل وقنعوه بلي تما يبرا يما مبغتش بسك عرفت بلي تما يزيدو يهبلو ه وهو كاين يطيح لكلام حتى ليما وبابا ويقولها نت مش يما
دخلناه سبيطار المهابل وحوسنالو عرف باه يتهالا فيه ريح شهر تما نهار فاق قالنا انا وش راني ندير هنا علاه جبتوني حسبيني مهبول بهذ الكلمة بكيتهوم دموع وتما قالو بابا ايه يا ولدي لوكان تعرف كيفاش كنت متقول هذ لكلام باختصار خرج وتبع ترتم تع دوا واليوم الحمد لله راح مليح بصح احداث القصة تع باه مرض لليوم معرفناهاش كل الي عرفناه انو رد لخاطرو وحقروه لانو انسومي وصراتلو عقدة نفسية حتى وصل ضرب كومندو
القصة هاذي فجوان 2009
انا منيش نخوف فيكم مي لوكان سقم كواغطو من لول ميسرالو هكا يرفدوك مذلول و يعاملوك بحقارة تقول مروكي مش جزايري ولا اقصد تهكما بالمغاربة وفالتالي تفقد اعظم نعمة نعمة العقل
ملاحظة كي مشينا للجلفة الحمد لله انو كان باقي قدام الكزرنا مريح وكيما قلت هو الي غقلنا مش حنا يعني لوكان ناض وبعد شوية نفوتو عليه ومنديوهاش فيها ولوكان راه لليوم يجوب شوارع الجلفة والحمد لله على كل حال
وسقسينا على التعويض قالونا مستحيل يعوضو مرض عقلي حتا الكونتراكتيال كي يخرجو بسيكاتري يخرج صحرا وزيد انسومي يفقد بزاف حقوقو
القصة للعبرة لا للترهيب كل واحد وشخصيتو على بيها راني نركز عليكم ونقولو سقمو وضعيتكم باي طريقة المهم متكونش انسومي
والسلام

[shane2010]

ربي يحفضنا كل انشاء الله و الحمد لله لشفاء خوك في الاخير والله قصة مؤثرة مانتمناها لحتى واحد قَدَّر الله وما شاء فعل

[eljijli]

هههههههه تليق تخدم مع هوليود يا جماعة هدا واحد كداب يخدم مع الدولى لحكاية كامل راهي فابريكي و الله غير باينة راهم يخوفوا فينا اتقي الله يا تلمساني

[no name rix]

الحمد لله ربي شفاه
وان شاء الله فيها خير

[souhiel]

مع احتراماتي ليك لكن القصة مبالغ فيها الجزائر كامل عصاة ماش واحد ولا زوج لكن انا استغربت من مواضيعك مرة تستعمل الترغيب ومرة تستعمل التخويف وكلها تصب في غاية وحدة روحو تفوتو العسكر يا اخي قلنالك كاين عصاة بزاف اعمارهم فوق 25 سنة وكلهم مسؤولين على عائلات وعندهم مسؤوليات كبيرة و عندهم ظروف تمنعهم من تأدية الخدعة لكن وزارو الدفاع لا تكثرت لامرتا وتسن قوانين من شانها ان تعرقل تسوية ملفاتنا وتتعسف في تطبيق قوانينها

[RCR_48]

عصاة فاق عددهم 100 الف و هم قنبلة التي تهدد هذ البلد
الدولة تداركت الامر نوعا ما لما فتحت مسابقات التوظيف بدون
تاجيل او اعفاء او اي شيئ
+ راهي تقدم اعفاءات متكررة كل 5 سنوات على الاقل
مهم ربي يجيب الخير لشبابنا
العسكر ما فيه حتى فائدة لو فيه فائدة لعملت به الدول متقدمة
لو تروح و تخرج بحفرة ولا ديبلوم حاجة مليحة اما تروح عام
و ن و انت قاتلك فيد و نعرف داء العصر وم فسد شباب هو وقت فراغ
ترجع انسان بدون فائدة هذي هيا المشكلة
يا خوتي والله ناس راحت قارية و متفقه بعد عام و نص رجعوها حبسين وفي هبطة
لا يعف يناقش لا يعرف يحكي بلا سب ... الخ

[amine eco]

يا اخي انا لن اعلق عن قصة

لكن اعلق عن توقيت وضع هذه القصة لانها ناس راهم معولين وانت راك تبريزي فيهم

+عن تجربة شخصية والله انا كنت داي نظرة سيئة عن كزيرنة لكن لما روحت مكان عادي ومحترم جدا ولم اسمع ولو كلمة سب او بذيء وفي و بعد عنصر كنت نتجول في ثكنة كأنها اقامة جامعية لكن ليكون حاب يفوت عسكر ويدر في بالو 18 شهر كلش يجوز عادي

بالتوفيق

[jobobo2008]

كذاب متحشمش

[just do it]

jijli فبالي طردوك من منتدى "نقي فمك" يالطيف حتى امنتدى المتخصص فالتربية ومقدرش عليك ولوكان ماجاوش اعضاء محترمين يقراو هذا النقاشات نقيلك وذنيك بصح منطيحش النيفو
وبالنسبة اللي قالولي كذاب متهموش بلا متعرفو ونا واش نربح كي نكذب عليك ونتهم خويا العزيز علي كثر منك نتهمو بمرض عقلي ربي يهديكم والله العظيم قصة واقعية 100 فالمئة وكاين تفاصيل اكثر مبغيتش نذكرها و الله على ما اقول شهيد واللي مزال مكذبني كي شهدت الله على كلامي انا منسميهش مسلم
وبالنسبة للايكو نعم اعرف بلي مش وقتها بصح بغيت نبينلكم سبب الي يخليني ناكد لكم باه تسويو الوضعية باي طريقة ومنيش نخوفكوم اللي قصدتو وقلتو فالاخير ان كل واحد وشخصيتو واللي يمشي للعسكر لازم "ميردش لخاطرو ويبقا يخمم واش جابني ولا يسبو كاش قيادة يبقى يطلع فيها ويهبط" نصيحتي كي تنحي الكومبا وتمشي ترقد نسا واش سرالك دك النهار ومتخممش فيه بزف ولا راك تنضر بزاف
وكيما قالكم الايكو العسكر كيما الجامعة سيرتو حنا الضباط موالفين بالميزيرية انا ديجا كنت ف اقامة فوهران والله العسكر منظم عليها اوموان تاكل بقدرك
وبالنسبة للي هدر عل العصاة علابالي كاين بزاف وربي يفرج عليهم والورقة تع العسكر منحوهاش من المسابقات متغلطش الناس ياك كي تربح يقولولك جيبها وتولي الى الصفر ويستبدلونك ويزيدو يبريزيوك برك بلي ربحت ومتقدرش تخدم ايا فريها نت درك
كل وحد ظروفو بصح يحسن العون ونا قلت رايي الشخصي فقط
jijli نتمنا كي تشوف just do it تبلع فمك ومادابيك تغادر قع المنتدى لانو لي ميتحكمش فلسانو منقدرش نسمع كلامو

[just do it]

jijli فبالي طردوك من منتدى "نقي فمك" يالطيف حتى امنتدى المتخصص فالتربية ومقدرش عليك ولوكان ماجاوش اعضاء محترمين يقراو هذا النقاشات نقيلك وذنيك بصح منطيحش النيفو
وبالنسبة اللي قالولي كذاب متهموش بلا متعرفو ونا واش نربح كي نكذب عليك ونتهم خويا العزيز علي كثر منك نتهمو بمرض عقلي ربي يهديكم والله العظيم قصة واقعية 100 فالمئة وكاين تفاصيل اكثر مبغيتش نذكرها و الله على ما اقول شهيد واللي مزال مكذبني كي شهدت الله على كلامي انا منسميهش مسلم
وبالنسبة للايكو نعم اعرف بلي مش وقتها بصح بغيت نبينلكم سبب الي يخليني ناكد لكم باه تسويو الوضعية باي طريقة ومنيش نخوفكوم اللي قصدتو وقلتو فالاخير ان كل واحد وشخصيتو واللي يمشي للعسكر لازم "ميردش لخاطرو ويبقا يخمم واش جابني ولا يسبو كاش قيادة يبقى يطلع فيها ويهبط" نصيحتي كي تنحي الكومبا وتمشي ترقد نسا واش سرالك دك النهار ومتخممش فيه بزف ولا راك تنضر بزاف
وكيما قالكم الايكو العسكر كيما الجامعة سيرتو حنا الضباط موالفين بالميزيرية انا ديجا كنت ف اقامة فوهران والله العسكر منظم عليها اوموان تاكل بقدرك
وبالنسبة للي هدر عل العصاة علابالي كاين بزاف وربي يفرج عليهم والورقة تع العسكر منحوهاش من المسابقات متغلطش الناس ياك كي تربح يقولولك جيبها وتولي الى الصفر ويستبدلونك ويزيدو يبريزيوك برك بلي ربحت ومتقدرش تخدم ايا فريها نت درك
كل وحد ظروفو بصح يحسن العون ونا قلت رايي الشخصي فقط
jijli نتمنا كي تشوف just do it تبلع فمك ومادابيك تغادر قع المنتدى لانو لي ميتحكمش فلسانو منقدرش نسمع كلامو

[aminebata]

خواتي هذا الانسان just do it قاعد يكذب على الناس او سريتلو عقدة نفسية من العسكر لانو فوتهم ومبغيش ناس تدي اعفاء ونعرف ناس بزاف لي كيما هذا لاكا يعطولك لاكارت سواء بتكوين ملف أو اعفاء رئاسي اولي مهوش مليح او يزعف هو فوتهم او هما لالا يل خويا العزيز نعل بليس او متكونش اناني و الدليل على ذلك عندك موضوع أخر تان تقول بلي مديروش دوسي ميدكال اوروحو فوتهم وهاهو الرابط الموضوع اخر http://www.djelfa.info/vb/showthread.php?t=1655381

معلومات العضو
just do it
عضو مشارك


لمن لديه ملف طبي وسيلتحق بالثكنة

قبل كل شيء الله يشافيك ويعافيك واذا كنت تدعي فقط فاعلم ان التزوير حرام وزيد تدعي المرض لاجل عام وربي عافاك نقولك حاجا والله تخرج فيك كنت نسمع على ناس بزاف ادعو المرض وهم اصحاء و ربي بلاهم بالمرض لي ادعوه حتى شفتها فواحد من كلاستي ادعى انه مريض من الحجر وطلع وهبط وفي الاخير فوتها والله كي بقاتلنا يامات باه نتميتاو جاتو ضربة شديدة لنفس المكان الي ادعاه ولليوم راه يعاني فاحمد الله على الصحة انا نفوت 3 سنين بصح ومتروحليش صحتي
المهم انت اللي عندك دوسي ننصحك بلي كي تدخل باب الكزيرنا غي دير فحسابك بلي راك غادي تفوتها وهي عل الثكنة الي تروحلها وعلى شحال باغيا تحكم بسك دخلو معانا وحدين كي تلاقيناهم عند طبيب قالونا حنا نخرجو ومنفوتوش زعما يضحكو علينا اماملا 10 بالمئة من اصحاب الدوسي عطاوهوم اعفاء تام و 20 فالمئة فوتوها معانا ومنحكيلكش على شعورك كي تدخل ونت طامع تخرج وفالتالي يحكموك والله التبسيمة غابت عليهم و 70 بالمئة الي بقات عطاوهم سورسي 6 اشهر وكمل حياتك غي سورسيات
اخوتي انا لااريد ان اكون هنا تشاؤميا ولا مثبطا للعزيمة ولكني اريد ان اصحح مفاهيم كثيرة خاطئة توارثناها عن خدمة وطنة من كلام الشارع ولكن الواقع امر اخر والثكنة قوانينها لاتسرب الى الشارع و لاتستطيع ان تحكم على وضعيتك بالاعفاء او الاداء لسبب من الاسباب
بدون اطالة ربي يسهل عل كل واحد ونشالله تتهناو من هذ المشكل ف اقرب وقت وبالاعفاء احسن من الاداء ولكن المهم تتهناو
وشك

هذا لازم ينحوزوه من المنتدى ونقولك خويا ولاكان جات الخدمة الوطنية فيها فايدة ولاكا الدول المتقدمة هما لوكان سبقونا ليها

[aminebata]

لا تدع نفسك امارة بالسوء تغلب نفسك امارة بالخير الله يهديك

[just do it]

ياخوتي الله يهديكم انا مقلتش متحطش دوسي ميديكال قلت متزورش الدوسي وتتدعي المرض لان التزوير حرام ومتقليش فلان دار وفلان دار كل وحد يتحسب على نفسو وانا شهدت الله على كلامي ومعندي حتى حاجة نستفيد منها
سمحولي نتوما تبغي الي يسمعكوم على حساب قوسطوكوم والي يجي علا خاطركوم ويحشيلكوم واه يحشيلكوم بسك دك طريقة متوصلكش و روح قرا حالات العصيان هنا فالمنتدى بل نوصيك افتح موضوع خاص بحكايات العصاة وستسمع العجب العجاب ايا نتحداك افتح الموضوع وشوف
امالا نسحب كل كلامي ونقولكوم روحو هربو ومتفوتوهاش وتحيا العصيان و زور ورشي عليها ودير كل الطرق الملتوية وبالاك تجيك لوردابال وتخمم تمشيلها راها غي حشوة نساهم حتى ينساوك وتولي 30 عام ونت لا خدما لازدما وتكون عاصي من الدرجة الاولى و نت مش قريت باه تتمرمد عام ونص وكيما ولاد الشخصيات يديوها باردة نت ديها حامية و متخليهمش يحكموك ونهار تولي روشارش بدل البلاص ولا حرق في بوطي
هذا لكلام الي تبغيوه
بغيت تفوتها ولا تريح ممعندي صلاح فيك _قال رني مبريزي باغي قع الناس تفوتها هههه والله كلام يضحك روح هرب انا اللي يهمني اني عندي الورقة وصح نستعرف بلي هي حدعة وحشوة بصح الله غالب انا نحوس على الروق لحلالي منزور منرشي زالا كنت قادر نجيبها بحسبة تع ملايين
بصح حاجة متنساوهاش بلي راك تتعامل مع الدولة وقديما يقال الي قاريه الذيب حافظو سلوقي والفاهم يفهم
غادي يعفيو عليكم قع غي ستناو اصلا مشيين يقلعو قع هذ الحدمة

[amine eco]

iiihhhhhhhhhhhhhhhhhhhhhhhhhhhhhhhhhhhhh

[lamine250]

3lah li 3ando la carte jaune ga3ad yakhdam
bokol kifkif
ay ziy ba3daha 3andak wala ma3andakch

[just do it]

والله ياخوياالايكو هذ ليزالجيريان كيما دير معاه متسلكش انا نوريه صلاحو وهو يتهمني بالكذب ومبريزي وحب قع الناس تفوتها عاشين فالاحلام والاوهام تع الاعفاء حتى جبرو روحهم 32 عام ومزال مبانلهم والو علاه بيك انا والله العظيم مبغي غي الخير بصح الي مبغيتوش تفهموني فيه انكم ركم حاسبيني نشجع على الحدعة لالا انا علابالي بلي حشوة وضياعة الوقت ومافيها حتى فايدة و ميزيرة ووووو بصح ياخوتي اكثركم جامعيين فكرو بعقلانية ونتحدى اي واحد فالمنتدى عندو حل سليم وعقلاني ونتيجتو مضمونة 100 فالمئة و بطرق حلاليية فليتحفنا به وكي يقنعني ويقنعو الجميع نوعد بلي تلغي اشتراكي فالموقع
ايا يا اذكياء التهرب من الخدمة الوطنية
ونتما كاش وحد يتفضل ويفتح موضوع حاص بقصص العصاة ومادابيا تكون انت يااخي الايكو مبغيتش نفتحو انا بسك سمعوني كلام بزاف جرحني ونا نسعى للخير بصح كما يقال الخير صعيب

[amine eco]

بالتوفيق اخي just do it ومرحبا بيك في قسم مسخدمي الخدمة الوطنية

[just do it]

الله يسلمك خويا الايكو قع البشر تغلط وحتى لوكن راي خطا مشي هدي طريقة التصحيح كذاب وقواد وشيلت وووو
ونشالله يحييني ربي وهذو الي يشركو ففمهم يقولونا وش دارو فيها

[BrahimWalid]

أخي من ناحية أن هذه القصة خيالية ام واقعية .. انا أجزم بأنها خيالية
لكن هذا ليس معناه اني أشك في نواياك .. أخي انا راني نشجع فيك في وجهة نضرك .. شعب يحب الرقاد و يحوس تجيه لعندو
معليش أخي .. صحيح قصة مبتكرة لكن هذا لا يمنع ان مضمون رسالتها صحيح
ان شاء الله نفروها كامل و بأي طريقة ايضا .. انا سقسيت هذاك الوقت امام تع الحارة تاعنا و هو في الواقع شاب و عقب الخدعة الوطنية
قال لي و الله عندما تدخل للثكنة و تلبس راك معذور على أي طريقة ديرها باش تخرج منها .. المهم تربح عام ة نصف في حياتك يفيدوك نهار أوخر في الزواج و العمل أو بشيء مفيد لمستقبلك
حبيت نقلك متقولش على واحد جابها معريفة بلي خائن و غشاش .. انا اخي لوكان نلقاها رشوة ولا معريفة ولا ندير جريمة باش يعطوهالي والله نورمال
المهم تفرا .. و كان مكانش رانا هنا نفوتو عام و نصف و حنا نضحكو و نورمال .. مي نكون علابالي بلي راني درت البوسيبل تاعي و ما قدرتش
أنصحك أخي ان تغير من اسلوب الترهيب و التخويه اتجاه الشباب .. لانو ميش كيما انا متيقن بأدائها لوكان يجي اي شخص و يقلي لالا .. مي كاين شباب لي راهو مازال غير مقتنع و كي يقرى موضوعاتك يخاف و يتهرب منها .. نيتك مليحة اخي لكن اسلوبك ليس في محله و ربي يوفقك و مبروك عليك كي تهنيت منها

[just do it]

خويا وليد نعذرك بلي تعتبرها خيالية بسك حتى حنا صحاب الدار حتى وحد م امن ونعقل على النهار الي وصلو فيه قيس الربعة تع الصباح وقع فقنا وكي يسلمنا على خويا اشهجشنا كلنا بالبكاء ولكني اقسمت لكم وشهدت الله على كلامي فماذا تريدون اكثر ثم اذا لقاتك القدرة كش نهار فتلمسان مرحبا بيك عندي ونجيبك للفيلاج وسقسي اي وحد من طرف اي وحد نلقاه سقسيه على فلان بن فلان مع العسكر وهو يحكيلك
اما عن التوقيت فعذرا لم تكن نيتي التخويف بل اردت ان اوصل فكرة ان التفكير العقيم لا يؤدي الى نتيجة
وبالنسبة للحصول على الاعفاء باي طريقة فكل وحد واقتناعو الشخصي ومنفرضو حتى على وحد لانو كل وحد يؤمن بالله يعرف بلي الرشوة حرام والتزوير حرام وادعاء مرض ليس فيك لا يجوز ومنيش نقول الخدمة فيها فايدة لالا علابالي حشوة و مضيعة وميزرية وووو مي الله غالب مش نت لول ومش نت الاخر وانا شخصيا قالي وحد جيبلي 13 مليون باه نجيبهالك _ علابالي تعاودو تقولو كذاب_ مي بالنسبة لية تعتبر رشوة ومن بعد كي ندخل كش بوست بناء على انو عندي اعفاء يولي حتى دك البوست فيه شبهة
هذا اقتناعي الشخصي الواحد يحوس يتحرا الحلال قدر المستطاع ومنيش تقول انا ملتزم ومتقي ووو لالا حتى انا عندي نصيب من المعاصي تاب الله علي وعليكم اما الرشوة فلن اعطيها لاي كان وعام ونص تتخد وبحر على ولديها المهم منبقش من بعد موسوس بلي مديت الرشوة
عموما شكرا على النقاش المؤدب بصح منزيدش ديما نقولكم بلي قصة حقيقية اللي كذبني نقولو بلي شهدت الله على كلامي والله اعظم ما في قلبي منقدرش نوصل لهذ الدرجة باه نكذب عليك ونحلف
ربي يوفقكوم

[khaoula la dentiste]

الصراحة خواتي.. انا لحكاية هذي احكهالي خويا.. مي موش كيما احكها السيد هذا بالضبط... انا عندي خويا حاليا مدير مدرسة تعليم السياقة وكان عاصي وكي بغى ف 2010 يحل المدسة ديالوا في لونكات تاع لا بوليس طلبوا اعليه لكارت جون و قالولوا اك روشارشي ... المهم راح لقسنطينة من ثم بعد رفدوه.. و فوتها في افلوا و من بعد بشار ... و نشفى بكري كي كنت نحكي انا وياه فالتيليفون احكالي احكاية كيما هك..نتاع واحد لباس بيه ادخل لافلوا اهبل و طيشوه و عيطوا لعايلتوا جاو داوه... و en plus شفيت بزاف كي قالي من بعد حبوا تعويض وما مدولهمش..
و سمحولي اعلى اكلامي .... انا خالدمن حنشلة...ومع العلم بربي نشاء الله راكب في سبتمبر يا نجيبها يا نفوتها... ههههههههههههه هك باه ماتقولوش او يخوف فينا.. لالا هذي نصيحة و كانت من ناس قبلي قالوهالكم باه ما تولوش دي زنسومي وتفوتوها في افلوا و لا كارونت....

[just do it]

باراك الله فيك على الدعم خوي لادونتيست انا منيش عارف هذ القوم كيفاش يفكرو امالا نزيدلكم معلومة روحو بخثو على كل هذ الناس اللي مرضى عقليا تجبر اغلبهم كانو فالقوات الخاصة بارا ومن بعد خرجوهم مهابيل
انا الدرس اللي ديتو من مرض تع خويا انك مضحكش على المهابيل والدراويش وتحقرهم بالعين قادر اي وحد يولي كيفهم بين ليلة وضحاها وخويا كان صحيح مئة فلمئة وفي ظرف شهرين اصبح معوق مئة فالمئة بصح الحمد لله على كل حال ربما كانت خيرا له قال تعالى وعسى ان تكرهو شيئا وهو خير لكم
اخوتي قصة اخي واحدة من بين الالاف فقط خالطو صحابكم برا وسقسيو على انواع هذه القصص وستسعمون العجب
وكما قال الاخ لانريد تخويفا نريد فقط ان ناخد عبرا وفوائد وانا لو ظننت انكم ستكذبونني لهذه الدرجة لم افتح الموضوع اصلا
المهم كما قلت سابقا ان اعذر كل واحد كذبني لاننا حتى نحن العائلة لم نصدق حالة اخي وحسبناه راه غي يلعبها ولكن ,,,, صدقوني امر صعب للغاية لا اتمناه لاحد مهما كان

[bmokhtar]

كذاب متحشمش