المساعد الشخصي الرقمي

مشاهدة النسخة كاملة : الله ينجحكم و يفرحكم ادخلواااا .

Mr-Y
2014-08-20, 14:12
السلام عليكم و رحمة الله و بركاته .
اليوم جيت نشكيلكم مشكلتي , و هي الفيزززززياءو استاذ الفيزياء .
المهم أنا بغيت نصائح و طرق نفهم بيها الفيزياء خاطراه الاساتذة اللي نسقسيهم يقولولي تبع الدرس و ذرك تفهم . واش نفهم بالضبط خاطراه قاعد نشوف فيهم يخرطوا فرات , و تجي تسقسيه في الاول يقلق و يعيط عليك و يقولك ما تقطعنيش سقسيني على الاخير , تجي تسقسيه على الاخير يقلق ثاني و يقولك وعلاه ما تسقسينيش على الاول . ما فهمتش حليت التمارين بصح القانون مانلقاهش خلاص . انا نحب الفيزياء مي الاساتذة ما يحبونيش ما فهمتش و راني عاقل في الفيزياء و نحاول . المهم و حاجة اخرى ثاني تلقى 90 بالمئة من الأساتذة تاع الفيزياء عندهم التمييز العنصري , يعني يهتم بالتلميذ اللي قدام يقريه مي نتايا كي تجي تسقسيه يشوف فيك كلي راك جني ولا يشوف فيك بنص عين و قلقان . ما فهمتش . حاجة اخرى قلقتني هو قداه من مرة نسقسيه على القانون يعيط و مرة قريب يدفل علي:mad::mad::mad::mad: . ما درت والو و انا زعما راني اديت جائزة أحسن تلميذ خلقا الاساتذة كامل يحبوني و الناس كامل يحبوني و تقاويمي 20 و 19 و يساعدوني غير تاع الفيزياء . ربي يعيشكم عاونوني أعطوني طريقة نفهم بيها الفيزياء و نكسب مودة استاذ الفيزياء .
˙·● بَــدْرَآلَدِّيــــنّ ●·˙
2014-08-20, 14:43
و عليكم السلام :

للأسف معظم الأساتذة دايريــن هكا صديقي ... الا من رحــم ربــــي ،،،،

الفيزيــاء سهــلة جدااا و خــاصة في البكــالوريــا ،،،،

ما عليك الا الاجتهــاد و المثابرة صديقي ،،،

اقرى في الدار وحدك شريكي ،،،،

و كي تروح للقسم بلا مزيتو تلقى روحــك فاهم + تفهـــم ،،،،

اتخذ هذا الأمر حافزاا لك للتفوق في الفيزيـاء و برهــن له بأن أفضل طلابه في الفيزياء ( حطمه فيزيــائيا ههه) :p ،،،،

أنصحك بمتــابعة هذين الأستاذين الفاضلين : قزوري و فارس فرقــاني ...

بالتوفيق صديقي ... ~
tina simo
2014-08-20, 14:46
للاسف معظم الاساتذة تاع الفيزياء هكا دايرين قول مختلين عقليا المهم نتا حاول تقرا وحدك دير الدروس الخصوصية وبلا مزيتو
ميسون2010
2014-08-20, 15:39
الفيزياء الشعب الجزائري كامل ما يفهمهاش
وتجينا واعرة بزاف
المهم انا ونوصيك بليكور خويا مكاش حل وحداخر
انا الفيزياء نقرأها وحدي ولا نحل تمارين تاع الكتاب
ونجيب الحل من الانترنت جامي في حياتي فهمت على الاستاد
في القسم معتمدة على ليكور ومنتدى الجلفة
ربي يوفقك ويوفقنا كامل ويهدي أساتدة الفيزياء
♥إكْــــــرَامْ♥
2014-08-20, 16:01
آيآآ يرووحو يتمهبلووو بعيد مآآلآآ ... شآآبة هآآدي الأستآآذ يولي يلعب بالتلميذ كيمآآ يحب ... جيت نقرآآ حتى يولي الأستآآذ يرخصني في بآآطل

مآآ تزيدش تقيم أستآآذ الفيزيآء مآآلآ ... و كي تولي تدي مليح يشوف روحو بلي هوآآ الغآآلط ..

كم أكره هذآآ النوع من الأسآآتذة ... يحكم عليك من عدم فهمك لدرس أو مآآ شآآبه ... و لآآ يحآآول مسآآعدتك

و الله النآآس هبلت خخخخ
...
أنصحك بموقع الأستآآذ قزوري .. خآآصة الموآآضيع الموجودة هنآآك

و الأستآآذ فرقآآني فآآرس .. تمآآرين في القمة

هآآدي الموآآقع ستغير نظرتك حول الفيزيآآء ... تولي تحبهآآ و تقرآآهآآ
Alis at
2014-08-20, 17:09
لي كور +قرايا وحدك
imen03
2014-08-20, 18:50
اخي هذا ليس من حقه ..فالاستاذ عليه ان يجيب عن كل اسئلةالتلميذ غاية هادي مايربونديش عليك
حنا الحمد لله كل اساتذة الفيزياء جيدين
اخي انصك بالدراسة في المنزل و عاون روحك بليكور هذا هو الحل.
________________
بالتوفيق
islambazita
2014-08-20, 18:57
http://www.djelfa.info/vb/showthread.php?t=1655197
salie
2014-08-20, 21:59
حقيقة et vraiment



ربي يعاونك ان شاء


مشكل




الحل هو انك تاخذ الفيزياء من الجانب المسلي و تاخذها كهواية تطرح اسئلة منطقية لمخك
و تستعين بالفيديوهات الي فيها بنة الفيزياء بالرسم و الالوان

هادي طريقتي
ان شاء الله تعاونك



وفقنا الله و اياكم

باذنه
شكرا
ai*cha
2014-08-20, 22:38
لازم لي كور خاصة في هذه المادة + اعتمد على موقع الأستاذين فرقاني و قازوري + المواظبة على العمل الفردي في البيت
في الباك الأستاذ متقدرش تلحقوا هموا الوحيد يكمل البرنامج
زهرة الخريف14
2014-08-21, 11:51
سلام يا اخ انا نوافقك و حاسة بحجم المعاناة و لكن انا دائما اجلس في المقاعد الاولى و بالاضافة اني مجتهدة و احيانا منفهمش و خاصة الفزياء و كي منجوبش يقولي الاستاذ انتي راكي فاهمة و راكي تلعبي فيها باه متبينيش روحك و كي نحاول نشارك يقولي خلي فرصة لزملائك بصراحة حبسلي راسي و هذا بغير الاستهزاء ماعندي ما نقولك المهم انتا استاذك اضربوا في الزيرو و اقرا وحدك و ليكور صح رايح تتعب مي علاجال المصلحة تاعك و ربي يوفقك و اديها منعدي وكل ربي عليه و يجي النهار يلي هو يعتذر منك
شمۋځ أنٹـے »
2014-08-21, 12:05
خويا الدروس الخصوصية لازم كي رجعوا الاستاذة مدايرين كيما هاك اصلا لوكان جاو يقرونا بالنية كون مانولوش للدروس الخصوصية
المهم الفيزياء مادة اساسية انت تبع معاه في القسم واقرى دروس خصوصية كي تروح للدار حل تمارين وشوف دروس في اليوتيوب احسن

ربي ينجحنا كامل ان شاء الله
Wunderbare fehlt
2014-08-21, 12:08
السلام عليكم أخي ,’’’’’’
انا ثاني عندي هذا المشكل ملي كنت في هذا العام نقرا فيزياء ثاني ثانوي . في الفصل الاول ماكنت فاهمة فيها والو وجبت تحت المعدل لان الاستاذ كيما راك تحكي بعد حشاكم استاذة معوقة وتميل لبعض التلاميذ ياسر وانا نقرا عادي منيش من جماعة ذيك نتاع استاذة وش تسحقي ولا نجيبلك قاطو كيما يديروا هوما باش تساعدهم
المهم انا كملت هك وفي الفصل التاني قريت وحدي جبت 10 قدقد في المادة هذه بصح في الفصل التالت قراتني اختي لي تقرا باك ربي يفرحها ان شاء الله وشريت كتاب خارجي رائع اسمه المفيد في الكيمياء كيما علبالكم الفصل الاخير قرينا غير كيمياء مالا قراتني اختي وسهرت ليلة الفرض والحمدلله جبت 15 في الفرض واعلى نقطة كانت 16 لان ثانويتنا شوي توعر المهم انا دوكا رح نعتمد على اختي وروحي والكتب الخارجية كان ميقرينيش الاستاذ الله يسهل بينو بين مولاه وكان نشوف معاه اكييد رح تطفر غير فيا انا مالا نقرا ونتكل على ربي ونوصيك دير كيما هك وميهمكش التقويم لانو ميفيدش في الباك
هياا سلااااام ;)
ASMA PINK
2014-08-21, 14:40
حاول ان تدرس في جماعة ممن يستطيعون مساعدتك
اكثر من حل التمارين التي يوجد لديك حلولها من كتاب خارجي او....حتى تقارن حلك مع الحل النموذجي
وان شاء الله موفقين جميعا
fethi kaka
2014-08-21, 20:38
انصحك بالكتب الخارجية و الدروس الخصوصية