خدوش عميقة افيدونا في ازالتها

[just do it]

عندي اكسنت كانت طاكسي كي ركبولها السكوتش قطعوه بالكيتور.موس. وكي قلعت السكوتش بقاو ليطراس تاع الكيتور فالبنتورة و راني نحوس على كاش طريقة باه نخفي هذ الشرطات راها معيفتني

[sandra didou]

حتى انا :sdf:
راني حطيت موضوع عن التلميع و ازالة الخدوش و لكن لا جواب

[Kob-Tiarti]

اخي هل خرجت الطبقة البيضاء؟؟

[just do it]

لا لا انا اصلا لوطوتي بيضاء مي الشرطة عميقة و ضيقة جدا قالولي كاين برودوي بسح بالاك مينحيش العميقة وزيد حايف اذا يضرلي البنتورة تولي باهتة تقعد هاك ولا تتبهدل
نرجو الافادة من المجربين

[Kob-Tiarti]

لا لا انا اصلا لوطوتي بيضاء مي الشرطة عميقة و ضيقة جدا قالولي كاين برودوي بسح بالاك مينحيش العميقة وزيد حايف اذا يضرلي البنتورة تولي باهتة تقعد هاك ولا تتبهدل
نرجو الافادة من المجربين


شوف حسب اللي نعرفه ان الكيتار حفرلك في البنتورة نتاع السيارة وهذا مستحيل يروح بالملمع .

[just do it]

شكرا على المشاركة حتى انا هذا الي ظانو

[mizouxd]

دير المازوت والفليطوكس وخليها ترطاب ونحيها أنا خويا طاكسيور وخبرة بالاك 8 سيارات ولا 7

[" أبو عبود"]

هناك مادة المانية رايتها منذ 20 سنة وقد اخبرني احد الاصدقاء انها موجودة عند بعض اصحاب الطلاء واسمها gt 88 من انتاج شكرة dd7 وقال لي انها فعالة في ازالة الخدوش. كما يوجد قلم سحري الماني الصنع لكني نسيت اسمه.

[just do it]

خويا ميزو مدبيك تزيد تفهمني مليح يعني نشت الفليطوكس و نديرلها المازوت نخليه نهار كومبلي من بعد نغسلها
وكاش اثار من بعد يعني خايف الكولور يبهات
وشكرا على المعلومة ساجربه في موضع لاتاكد
وخويا دك البرودوي قالولي مكان والو ينحي برك حدوش خفيفة تاع شطبة ولا تراب وصيي

[mizouxd]

خويا ميزو مدبيك تزيد تفهمني مليح يعني نشت الفليطوكس و نديرلها المازوت نخليه نهار كومبلي من بعد نغسلها
وكاش اثار من بعد يعني خايف الكولور يبهات
وشكرا على المعلومة ساجربه في موضع لاتاكد
وخويا دك البرودوي قالولي مكان والو ينحي برك حدوش خفيفة تاع شطبة ولا تراب وصيي
الفليطوكس ممكن يأثر على الألوان بصح المازوت مهني خويا دير وردلي لخبر

[just do it]

شكرا لك ساجرب في موضع صغير لارى النتائج الجانبية وان اعجبتني النتائج ساعممها
بارك الله فيك

[zizou98]

حتى ان
راني حطيت موضوع عن التلميع و ازالة الخدوش و لكن لا جواب