إستفسار حول رخصة سيارة الأجرة

[By M for M]

بسم الله الرحمـن الرحيم

السلام عليكم

لدي إستفسار إخوتي وأخواتي حول رخصة السياقة لسيارات الأجرة

أخي لديه رخصة سياقة اقل من سنة ويريد العمل كسائق سيارة أجرة ''تاكسي''

هل يستطيع ذلك؟؟

هل هناك شروط للحصول على رخصة سيارة الأجرة؟؟؟

أفيدوني بما لديكم بارك الله فيكم عاااااجلا

[just do it]

سلام ان ملم بموضوع الطاكسي بسك شيبولي راسي حتى كرهت منو وليوم راني كلوندستان مع اني جامعي
المهم غادي نحكيلك على تلمسان و الغلب قاغ الولايات كيفكيف اول حاجة لازم خوك يكون عندو 25 سنة فما فوق كانت 19 وردوها 25
البرمي كانو دايرين اكثر من عامين بصح نولامالمو نحاوها
تمشي لمديرية النقل تاع ولايتك يعطيوك دوسي تجيبيه ومن بعد تبقى تستنى الاجراءات اللتي هي كالتالي تجيك لونكات تحقيق ل لابوليس ولا جوندارم تاع دائرتك وتما يدومنديو دوسي وحداخور من بينها شهادة عدم العمل ومن بعد يردولك لونكانت للولاية و الوالولاية تعاود تبعثها لمديرية النقل ونت لازم كل خطرة عندهوم تفقد ومن بعد تمشي تخلص فمديرية تكين عن بعد حنا نخلصو فوهران ومن بعد تقرا 15 يوم فالتكوين ومن بعد تستنا زهرك كي يجي الديبلوم واش تكون معاهم ولا لالا بسك ميقوللكس اذا ربحت ولا خسرت الخلاص كانت 400 الف 4000 دج
ملاحظة مهمة بين كل مرحلة و اخرى من ثلاث اشهر الى اربعة
وكي تدي الدبلوم تما عاد تبدا رحلة ثانية مع الوثائق و الرخصة
المهم انا منيش نطيح المورال بصح انا عام ونص ونا نجري معاهم وليوم سمحت فيهم نهائيا ربي يخلصهوم عل التلاعب