لمن لديه المعلومات او لديه تجربة [الأرشيف] - منتديات الجلفة لكل الجزائريين و العرب

مشاهدة النسخة كاملة : لمن لديه المعلومات او لديه تجربة

zina13

2014-08-19, 16:58

السلام عليكم انا نجحت في مسابقة الاساتدة هاد العام وبعد نجاحي ميتاو زوجي الى ولاية اخرى علما انه في الدرك الوطني والان راني ندير في التكوين ونبعد راني حابة نبدل في الولاية لي راه فيها زوجي هل لازم نترسم قبل ولا نقدر نتبدل مع العلم قالولي كاين قوانين تخدم اصحاب الدرك الوطني معندي ادنى فكرة حول هاد الامر ماهي الاجراءات اللا زمة لتحويلي من ولاية الى
اخرى وشكرا

منال100

2014-08-19, 18:02

الحالة شوية صعيبة ولكن شوفي بلاك يلقاولك حل ان شاء الله لن تأخذي مكان غيرك بحكم أنك زوجة دركي
رب يكون معاك

ملاك04

2014-08-19, 18:48

lezm hta tatrasmi okhti

zina13

2014-08-19, 18:49

شكرا اختي على التدخل انا عمري ما نعيش على حساب غيري وعندي مبادىء لو كنت عكس دلك كون ربحت في المسابقة من قبل والمكان لي احب حتى زوجي لا يحب حتى التعريف بنفسه في الاماكن لي يحتاج فيها دلك مزال كاين لي عيش بضمير وقلب مطمئن

zina13

2014-08-19, 18:51

اختي هل عندك تجربة من قبل ممكن تقوليلي اكتر باش نفهم يعني شا لازم ندير

ملاك04

2014-08-19, 18:55

wech rayha ngolak lezm tekhdmi 3 ans l3em lawel stage

ملاك04

2014-08-19, 18:56

wl3em 2 tatrasmi brabi nchallah wki tkemli 3 beh diri nakl wiley fehmtni

حميد.ص

2014-08-19, 18:57

اعتقد بعد الترسيم

بالتوفيق ان شاء الله

badrolastar

2014-08-19, 19:04

عاودي الامتحان في الولاية المستقبلة ف ارضاء الزوج اولا من ارضاء الحساب الجاري البريدي الخاص بك

zina13

2014-08-19, 19:13

ادا 3سنوات من دوك نقولكم ما نحوس لا على خدمة لاوالو الواحد ما يجي يربح حتي يشيب من تخمام وكي يربح يوقع في مشكل اكبر

أبو مصطفى الجزائري

2014-08-19, 19:14

وعليكم السلام ورحمة الله وبركاته أولا اختي مبارك عليك المسابقة وثانيا بالنسبة لسؤالك انا أتكلم هنا عن الحالة العادية اعلمي انه حتى بعد الترسيم لا يحق لك التنقل إلا بعد صدور قرار التثبيت أي حوالى سنة واحدة بعد الترسيم ولكن هناك حالات خاصة بعد الترسيم أقول بعد الترسيم تعطى لهم وثيقة تثبت أنهم ترسموا تنجز هذه الوثيقة على مستوى مديرية التربية التي تنتمين إليها ولكن يبقى هناك إشكال حيث أنه كل من غير منصب عمله من مديرية إلى أخرى يحدث له مشكل تأخر الأجرة حيث أنه تصل في بعض الحالات إلى أربع سنوات دون تقاضي الأجرة حتى يصل الملف المالي إالى الوظيف العمومي إذن لايحق لك التنقل إلا بعد الترسيم وصدور قرار التثبيت لأنه بعد الترسيم يكون لديك ما يسمى بالكفاءة الأستاذية وهذا وحده لا يكفى للتنقل به (الأخت مح احترامي لك المعرفة في بلادنا تفعل المستحيل ولكن حتى حالات المعرفة التي قابلتها كلها كان التنقل بعد الترسيم ولكن في ظرف قياسي طبعا بسبب المعرفة) هناك أمر آخر كذلك في السنة الماضية أستاذة معنا حرمت من المنصب بسبب أنها لم تتكون بحجة الظروف العائلية وانت تعلمين حال العمل في بلادنا
اتمنى اننى قد وضحت لك بعضا من التجربة التي خضتها وأتمنى لك التوفيق ولا تخافي فكل شىء مقدر عند الله تعالى و السلام عليكم ورحمة الله وبركاته

zina13

2014-08-19, 19:28

لكن واحدة معايا في تكوين كي سقسيتها قاتلي بنت خلتها كانت في نفس حالتي قاتلي قعدت 6اشهر من لي ربحت ترسمت وتحولت وراهي خدامة عادي اضن بالمعرفة

zina13

2014-08-30, 20:34

يا ياخاوتي مازلت نعاني من المشكل لي يقدر ينصحني راني كملت التكوين ونهار الاتنين يمدولنا التعيين ان شاء الله ومانيش عارفة والله راني بين نارين نار الخدمة ونار مؤسيلية بنتي وزوجي والله غير حورت وقيلة نسمح وخلاص احسن حل اراه مناسب

rasal

2014-09-01, 15:33

لازم الزوج انتاعك يتصل بقائد مجموعة الدرك الوطني يمنحه الاستثناء يطلب من مديرية التربية تحويل نجاحك الى الولاية الجديدة

zina13

2014-09-01, 15:41

ممكن تفهمني اكتر راك اعطيتني امل كبير

طيطو 43

2014-09-03, 18:03

مريم سارة 22

2014-11-30, 21:19

بالنسبة لمصالح الأمن درك ،جيش ،شرطة ،عندهم قوانين خاصة عليك اولا الحصول على رخصة الخروج من مديرية التربية التي نجحت فيها ثم الحصول على رخصة الدخول بالمديرية الجديدة ثم التنقل الى مديرية الوظيف العمومي بالعاصمة ويقدم زوجك بيان التحويل تسلم له رخصة من مدير الوظيف العمومي وهكدا يكون التحويل سليم ..................معلومات اكيدة حق بدون معريفة...................

ايمن جابر أحمد

2014-11-30, 22:43

الحقيقة لاتعرفيها إلا من ثلاثة
الوظيف العمومي بولايتكم
مديرية التربية
أن تسألي و الاكيد إنها موجودة زوجة دركي قادم من ولاية أخرى تعمل في التربية
اسأليهم بدون كثرة التفكير والوساويس

هذا أسهل وهذا ما أنصحك به
وربي يوفقكم