اعطوني رايكم

[مشكلتي]

السلام عليكم
اريد ان استشيركم في موضوع تقدم اخطبتي شاب لديه كل المواصفات التي تتمناها كل فتاة متربي و متدين و لديه عمل مستقر لكن هناك مشكلة تؤرقني و هو انه يصغرني بعامين....فهل هذا شئ عادي و ما نظرة الناس لي في المستقبل هو قال لا يهمني الناس المهم اني وجدت فيكي ما اتمنى .شكرا لكم

[** رحيق الجنه **]

المهم راحتك يا اختي الناس كن تبعيهم ما فراتش

[baalache]

عادي جدا اين المشكل ما تعيشيش للناس

[Amal1995]

استخيري الله سبحانه وتعالى
أما الناس فلا تهتمي بهم لأنهم في كل الأحوال سيتكلمون وارضاء الناس غاية لا تدرك
وان شاء ربي ييسرلك امورك ويوفقك

[اسيل الجنة]

ماتسمعيش بالناس
كيما قالو
كول مليح و البس مليح و خلي الناس تحسب فالريح

[سماح 2]

نورمـــــــــال أختي راجلها أقل منها بعامْ وراهي لاباس عليها فرحانة عندها طفل

وجــــامي تعقدت من الحاجة هادي

أصلا الناس كيفاه رايحين يعرفوا ؟

انت لماه قايلتلهم علاه يحوسوا قلهم لقيتو وزيد نشرط ...

توكلي على ربي

[amira mira0097]

حاااجة نورمااال هادي خديجة رضي الله عنها كانت اكبر من الرسول صلى الله عليه وسلم والدنيا مكااتيب لفيه الخير ربي يجيبوا

[رحمةنور]

هو شيء عادي، ولكن لو يفهمه الناس، أنا مثلك تقدم لي شخص يصغرني بثلاث سنوات، إلا أني رفضته خوفا من ضغط الناس وأهله، أو أن يأتي يوم ويعيرني بهذا، أو يندم على ارتباطه بي

[كاميلا]

ديري استخارة

[امينة النايلية]

هاذي حاجة عادي نعرف ياسر ناس متزوجين وفارق السن حتى 10 سنين

ومكاين حتى مشاكل بينهم بسبب السن :19:

[انتصار فاطنة]

يا ختي ما فيها حتى مشكل المهم التفاهم عندي جاري مرتو اكبر منو ب 7سنين وراهم لاباس هليهم والناس كامل تحسد فيهم
توكلي على ربي وما يهمك راي حتى واحد

[الناصر لدين الله]

وما المشكلة في ذلك؟؟
كلام الناس؟؟
ليس له قيمة
الأساس هو التفاهم بين الطرفين

[عائشة 88]

ربي يوفقك المهم الدين والخلق اتكلي على ربي وماديريش لكلام الناس

[موح الحراشي]

عامين شيء غير معتبر،و العمر شيء نسبي،و تقديري،يعني اذا راينا شخصا قلما نعطيه عمره الحقيقي الا بارتياب،و يمكن ان يكون الفرق كبيرا